Post: #3 Title: Re: باباني سيسوكو Author: حاتم إبراهيم Date: 03-04-2018, 09:53 AM Parent: #1
مرحب أخ جمال
فعلا، تبدأ تستمع بشغف عشان تعرف قصته شنو وتحس بيهو راسو مقطوع وما عندو برنامج محدد في نهاية الفيديو تلقى نفسك متعاطف معاهو
الغريبة قدر يتعامل مع مجتمعات مختلفة ونظم مختلفة بمنتهى السهولة وهو ابن قرية ناقص التعليم.
____ تحس بأنو كان عندو طموح كبير لكن مستعجل جداً وما بشاور.
Post: #4 Title: Re: باباني سيسوكو Author: MOHAMMED ELSHEIKH Date: 03-04-2018, 11:27 AM Parent: #3
الزول دا يتحداكم وقاعد في قريته التي تقع غرب النيجر ومعاه 400 مليون دولار وكمان ظبط القرية وخلاها تختلف توتالي عن جيرانها .
يشبه لي بحر ابو قردة في الملامح
Post: #5 Title: Re: باباني سيسوكو Author: Osman Musa Date: 03-04-2018, 04:06 PM Parent: #4
سلامات أستاذ حاتم والأخوان السراق الجاهل الساحر مع حظو الكعب في عدم التعليم طلع زول ذكي شديد . وقدر يعرف يختار و يحدد في أي بلد يفعل فعايلو . ونجحت أحتمالاتو المرسومة بي دقة . بتخيل الرجل نجح وهو وأحد نجاح أشد من نجاح جماعة سرقة القطار الانجليزي . القصتو تحولت الي فيلم في نهاية الستينات . أظن في قصة السرقة القطار كان يسير بين أدنبرة في أسكوتلندا ولندن . و الجماعة ديل في محطة من المحطات قدروا يفصلوا عربية من عربيات القطار . العربية الكانت مليانة أسترليني الي البنك المركزي في لندن . و بي سرعة تحولت الفلوس من العربية المفصولة الي شاحنة ضخمة و الهروب . لكن بعد حوالي كم وعشرين سنة قدرت شرطة أسكوتلنديارد تقبض علي الجماة في ملهي ليلي من ملاهي دولة من دول أمريكا الجنوبية ولا في جزر الفوكلاند الانجليزية الارجنتينية . مش متذكر كويس .
حسب الفيديو معظم المبلغ كان عبارة عن تسوية (بالإلغاء) لمنصرفاته ببطاقة الاعتماد! وحسب المعروض من أنشطته فهو بالكاد صرف نصف المبلغ حتى لو حسبنا تكلفة تأسيس شركة الطيران وتبرعاته في أمريكا و(الهدايا) القدمها لهيئة الدفاع.
فعلا لو الزول حسب خسائره في شركة الطيران .. والمجوهرات والسيارات والشقق .. والاشياء التي قدمها كهديا وتبرعات للغير .. الرجل حيكون بالكاد يجد مايكفيه ليعيش كزول متوسط الغنى.. القروش الاتنهبت اغلبها كانت تغطية لهذه المنصرفات .. عبر بطاقات الاعتماد .. أي نعم هو ليس بذاك القدر من التعليم .. لكن الذكاء ده شي فطري .. التعليم قد يقويه لكن ان كان حاد الذكاء .. وقادر على الابتكار والمواجهة والتعامل .. فالتعليم بيكون تحصيل حاصل .. تحس سيسوكو حصان طرواده .. لملايين ضربت الشقوق .. فلايعقل لمدير بنك بهذا الحجم يقع بهذه السذاجة .. ان لم تكن له خميرة معتبرة تم تجنيبها في مكان ما .. انا غايتو متعاطف مع ارسين لوبين الافريقي .. لانه زول فنجري والقرش الفي يده ما حقه .. يمكن كان لحقناه كان ادانا خمشة .. خخخخخخ ..
