تحقيق يطول الأعلامي الكبير RYAN SEACREST في SEXUAL HARASSMENT

09:25 PM February, 28 2018 سودانيز اون لاين
Osman Musa-
مكتبتى
رابط مختصر
الحكاية شنو ؟
الزول ده من الاعلاميين المحترمين جدا
وأكتر أعلامي ساعد في سرعة شهرة و أنتشار برنامج أمريكان أيدول .
أنشاءالله كلام البنية يكون كلام ساكت و ما تكون القصة دي ما تكون صاح .

http://www.foxnews.com/entertainment/2018/02/28/ryan-seacrest-fights-sexual-misconduct-claims-as-fellow-abc-star-calls-for-him-to-skip-oscars.html

شكراً الحبيب أسامة .. الرابط خطير ..
نسيت زولك د ه وذهبت إلى أوبرا وينفري
وجدت رايط عن اوبرا
راببط مختصر يمكن التزود بالمزيد من المعلومات
عن أوبرامن مأساة وعمرها 9 سنوات ثم في عمر 14 عام ..
بعد كل هذه المصائبيا سلام عليها نموذج نادر جداً جداً مودتي ..

معليش أسامة الحبيب ذهبت لأقرأ عن اسامة سرحت مع أوبرا

شيخنا علي عبدالوهاب عثمان
سلامات
ياخ ولايهمك الدنيا كلها مشغوليات . لكن أنا أسمي عقمان عبدالرحيم موسي .
تحياتي

حبيبنا عثمان معليش
نسيت حرف n حقيقة إندمجت مع سيرة أوبرا
مع أنك شايل إسم جدي رحمه الله
وإسمي بالانجليزي Ali Osman رفضت th وإخترت (s )
اصلاً نحن بالدنقلاوية ( أوسمان ) حرف الثاء بايخ شوية
شكرا كثير حبيبنا عثمان بالنوبية ( أوسمان .. )
معليش سرحت بالبوست شوية ..

ولا يهمك يا عزيز و أنت عارف أنا أحب كتاباتك جدا
وأنا أعرف أنو طبع الانسان يبين في كتابتو . و أنت أنسان طبعك طيب والله .
وأنا عندي أصحاب كتار وأهل من جزيرة أرتقاشي كلهم في القلب . أخوان تلقاهم حولك في أي مكان .( قالوا دناقلا يا رسول الله )
الأعلامي المذكور في البوست ده في بنية عندها محاولات تحشرو في مطبات التحرش وكدي حسادة ساكت ,
لكن شكلو حيمرق منها زي الشعرة في العجين .

حبيبنا عثمان .. مودتي ..
هذه الايام كل نشرات الاخبار والبرامج لا بد أن تحتوي على التحرش
أمس في تلفزيون ( الحرة ) الامريكية .. تابعت خبر تقريبا عن جائزة أوسكار للتمثيل
ومن ضمن الاخبار أن هناك مرشحين للجائزة ومن ضمنهم من هو متهم بالتحرش ..
وفي الاخبار أبضاً رجل أعمال التحرش أدى إلى إفلاس شركته
في تلفزيون مصر كذلك محاربة التحرش .. وهنا في الخليج اصبح النقاش مفتوح عن التحرش
وكذلك في السودان ..
رغم كل هذا الضجيج عن التحرش .. ورغم عمرنا الذي أمتد .. لا أعرف ما هو التحرش ( تعريف التحرش )

هل هي ( المشاغلة أو المعاكسة )

حببينا عثمان .. زمان ..
في جلسة فيها الاعمام والاباء ( كبارنا ) كانوا يتحدثون عن المرأة وسلوكها .. وكانت المرة الاولى التي اسمع فيها مثل هذا الحديث
بصراحة هم لم ينتبهوا إلى وجودي .. كنت في خلف النخلة أفتل حبل للبهائم ( كنت في المرحلة الوسطى )
قال أحد الاعمام بالنوبية : ( الرجل مثل الكلب .. إذا لم يأتي العشم من المرأة لا يمكن للرجل أن يبادر )
حدث نقاش بين مؤيد ومعارض ..
فواصل كلامه فضرب مثلاً وقال : إذا مرت إمراة من هنا عارية تماماً بدون ملابس .. وأخرى مستورة لابسة سترة .. هذه العارية
لم تأت بأي إشارة ولم تلقي السلام بل ذهبت مباشرة إلى منزلها .. أما المستورة لم تلتزم نظرت إلى الرجل وسلمت عليه
بلغة فيها نوع من الاثارة والحركة .. فقال : أكيد الرجل سوف تتبع المستورة لأنها أبدت الاستعداد ))

عندما قرأت هذا البوست تذكرت حكمة أعمامنا الترابلة رحمهم الله .. معناها أن الأمر بالكامل يتوقف على المرأة وسلوكها
والرجل مهما كان لا يقترب من المرأة الممانعة .. (( يعني عندنا زمان الخطأ على المرأة ))
صحيح الرجل لا يبادر إلا بإيعاز أو إشارة من المرأة ..

ملعيش .. أنا مشكلتي ما أجيد العامية .. ياريت لو بالنوبية ..

شكراً .. عثمان .. خليتنا نرجع اكثر من نصف قرن للوراء ..

عزيزنا أستاذ علي سلامات
زمنا زمن جميل و متسامح و التحرش في ديك الأيام كان في حدود كلمات زي ( سنة يا أنا ) ( وين يا منقة )
ترمي الكلمة و أنت ماشي و عامل فيها جون سينا .
أتذكر يا أخ علي لما كنا في الثانوية العامة . يوم ماشين للفطور بين المدرسة و دكان الفول في حاجات كبار وبنات يبيعن الفول و الترمس .
وأحدة من البنات كانت فارشة بعيد شوية . وأحد من أصحابنا أشتري منها ترمس بي قرش وأحد وقال ليها ( يا تي تي حمامكم بدي ولا بعضي ؟ )
قالتلو وبي صوت عالي شديد يعضيك الكديس ههههههها .
..
شوف الحنية البت أكتفت بي عضة الكديس ما عضة الكلب للولد المشاغب .
الاعلامي ده لو طلع الكلام القالتو البت صاح حيكون قبلان بي عضة الكديس بدل ما يدفع أقل شي 5 مليون دولار . ربك يبعد الشينة .

الراجل دا ما بيقع باخوي و اخوك تب و الزولة دي كان كايسه مصاريف تمشي تكوسه في حته تانية.


مرة انا واقف منتظر المواصلات و جمبي بت نار منقد الناس كلها غازه عيونه فيها واحد قال ليها الل________ه قالت ليهو الله يطوطحك... قاللي يطوطحني و يطوطحني و يطوطحني و يرميني في بيتكم البت قعدت تضحك و الناس كلها ضحكت و الموضوع انتهى.

عزيزنا الأخ أستاذ سفيان أرجو أن يكون قد طاب لك المقام في بلاد العم سام كيف حالك أنت والأسرة قابلني من يسال عنك في الخرطوم و الله الكثيرين يذكرونك بالخير في بلدنا . .. الأعلام الأمريكي يا أخ سفيان أصعب أعلام في العالم أعلام شيال حال . ياخ نيويورك دي بلد مليانة صحفيين بين كل شارع وشارع صحفي سري و مصور سري و مباحث سري . بلد كلها تحت الفلاشات و الاقلام و المحاكمات أي ضحكة وأي غمزة مرصودة . يا تي تي حقتنا الزمان ديك ممكن تدفعك دم قلبك . طبعا يا سفيان بتكون تابعت قصة مونيكا لويسكي مع كبير الأمة كلينتون و بتكون تابعت خازوق النجم كوبي براين وخوازيق البطل مايك تايسون . كلمة سنة يا منقة مع شوية بشتنة خلتو يبقي بين الحيطان 3 سنوات طلع منها فاقد لي ديك القوة العجيبة وديك الفراسة النادرة . وبعد العز و البيت الحدادي مدادي و القروش المتلتلة أصبح ينوم في ترلة .
الأعلام في أمريكا ممكن يمصرك و يشرك في سلك الغسيل حافي حالق . و يعد مك السنت . حولا .