سفارة للسودان في أستراليا- نبارك للاخوة البورداب والبودابيات وكل أهل السودان

08:42 AM February, 25 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

أعلنت وزارة الخارجية اليوم عن افتتاح سفارة السودان باستراليا يوم الاثنين الماضي تزامنا مع الاحتفال بالذكرى الثانية والستين لاستقلال السودان

وقال السفير قريب الله الخضر الناطق الرسمي باسم وزارة الخارجية في تصريح صحفي اليوم " تم رفع العلم السوداني لأول مرة في سماء العاصمة الأسترالية كانبيرا في فناء السفارة الواقع في حي السفارات بضاحية اومالي وعزف النشيد الوطني بحضور لفيف من أبناء الجالية السودانية والضيوف الكرام" مبينا أن الافتتاح تم بتشريف المهمدس عبدالمنعم السني، الأمين العام لمجلس الصداقة الشعبية والأب القمص فيليو ساوث فرج، وعدد من المسئولين الأستراليين

ورجال الأعمال والاعلاميين وأعضاء السلك الدبلوماسي.

وأشار قريب الله إلى أن السفير ابراهيم البارودي رحب في كلمته بالحضور وضيوف الشرف معربا عن أمله في أن يسهم فتح السفارة في تعميق وتعزيز العلاقات بين البلدين في المجالات كافة.

لكن ما بتبالغ يا ابو الزهور

بورداب استراليا يباركوا ليهم أمنجية يجوا يتجسسوا عليهم ؟ !!!

ديل غير يتجسسوا على الناس حايعملوا ليهم شنو يعني ؟

قال نبارك !!!

الخارجية السودانية فتحت سفارة في ليشتينشتاين

قبل ما تفتح سفارة في استراليا

سفارات النظام بالخارج عبارة عن اوكار امنية للتجسس على السودانيين ،كما قال ود البصير ،ومن اولوياتها بث الفرقة والشتات داخل المجتمع السودانى فى الدولة المعنية
على السودانيين باستؤاليا مقاطعة الطاقم الامنى والحزبى اجتماعيا وعزلهم وعدم السماح لهم بالتغلغل داخل نسيج المجتمع السودانى .
نعيش تجربة على الهواء فى ايرلندا ولكن السودانيون الشرفاء بجميع طوائفهم تصدوا لهم و تم عزلهم تماما .

.

ابو الزوز يا صديقي
اتاخرت عليك .. قبيل رفعت البوست لانو مهم جدا للمهاجرين السودانيين في استراليا
وكنت مزحوم في الشغل
شوية وبرجع عليك
تحباتي

بورداب استراليا يباركوا ليهم أمنجية يجوا يتجسسوا عليهم ؟ !!!
----------------------------
ود البصير حبابك
كلامك صحيح وقبل فترة حملت لنا الاخبار نية حكومة الفساد بانها تنوي افتتاح سفارة لها في استراليا
انا كتبت صحيفة عربية استرالية عدة مقالات وقلت بوضوح بان وجود سفارة سودانية في استراليا
يعني بوضوح بان اجهزة الامن السودانية التابعة للتنظيم الاسلامي ستنقل عملها الى هنا
وان افتتاح سفارة في استراليا بالرغم انه علاقات دولتين لا دخل للمعارضة بها
لكن حذرنا المعارضة بان كوادر الامن اصبحت الان تمارس عملها بوضوح
واليك ما ذكرته بالتفصيل

لا يخفى على احد بان سفارة النظام وتحت الغطاء الدبلوماسي ستقوم بدور استخباراتي يتبع مباشرة لجهاز الامن السوداني.
بتنسيق كامل مع كوادرهم الامنية في بعض المدن الاسترالية .
اضافة الى الدور الكبير والمتوقع الذي ستلعبه عضوية المؤتمر الوطني والاخوان المسلمين السودانيين والمتجنسين من الدول المجاورة
الذين ولدوا وعاشوا ودرسوا في السودان وتم تجنيدهم في تنظيم الاخوان المسلمين ومنحهم الجنسية السودانية .

--------
لابد ان اوضح بالصوت العالي بان المتجنسين هم اعضاء تنظيم الاخوان من اريتريا
والذين يحملون حتى اللحظة جوازات سفر سودانية وفاموا بتجديدها في السفارة السودانية في كانبيرا

الخارجية السودانية فتحت سفارة في ليشتينشتاين
قبل ما تفتح سفارة في استراليا
---------------------
احمد الشايقي
سلام
انا شغال في سفارة ..
السفارة اللبنانية على سبيل المثال كل الكادر الشغال في السفارة شخص واحد فقط
وهو السيد السفير وحده لا شريك له
ومؤجرين مبنى صغير في حي متواضع في منطقة اسمها Red Hill
اما سفارتنا السودانية فهم خمسة موظفين يصرفون مرتبات شهرية بالعملة الصعبة بالدولار الامريكي
مبنى السفارة في ارقى احياء كانبيرا العاصمة الفيدرالية .. لايقل الايجار اسبوعيا عن 1900 دولار امريكي
اكرر اسبوعيا 1900 دولار امريكي اسبوعيا
ده غير ايجار مسكن السيد السفير وهو في نفس الحي الذي فيه السفارة
وانا متاكد انو ايجار منزل السيد السفير لا يقل عن 1800 دولار اسبوعيا
يصرفون مرتبات عالية بالدولار الامريكي
سيارات اخر موديل
يسكنون في احياء راقية
من يدفع هذه المنصرفات !!!

على السودانيين باستؤاليا مقاطعة الطاقم الامنى والحزبى اجتماعيا وعزلهم وعدم السماح لهم بالتغلغل داخل نسيج المجتمع السودانى .
--------------------
مرتضى عبدالجليل
كيفك يا صاحب
اتفق واختلف معك !
يجب ان نقاطهعم سياسيا
اما اجتماعيا فهي متروكة لكل شخص
قبل ايام وفي مناسبة اجتماعية قابلت السفير البارودي
سلمت عليه وجلست معه وقلت له بوضح شديد
انا بختلف معك سياسيا واقاطعك سياسيا لانك تمثل نظام مجرم وفاسد
اما اجتماعيا فلن اقاطعك .. اذا التقيت بك في مناسبة سماية او زواج او حتى في الجامع
ساعاملك بصورة عادية مثلك ومثل اي سوداني

وبالمناسبة بعد لقائي بالسيد السفير ابراهيم البارودي في تلك المناسبة فان انطباعي على المستوى الشخصي انه لطيف ومهذب

لمحة من تاريخ العلاقات السودانية الاسترالية
لم يعرف التاريخ الحديث اي علاقات مترابطة وقوية تذكر بين استراليا والسودان على مستوى التبادل التجاري والثقافي او الدبلوماسي فيما عدا سفراء غير مقيمين يمثلون المصالح المشتركة بين البلدين.
المعروف ان اول اتصال استرالي بالسودان بدأ عسكريا عام 1885م تمثل في ارسال استراليا لفرقة عسكرية لمساعدة كتشنر. تلتها بعد ذلك مرحلة الارساليات التبشيرية في خمسينات القرن الماضي .
ثم اعقبتها البعثة التجارية الاسترالية في عام 1975م وهذه البعثة تعتبر اول تواصل تجاري بين البلدين . وكتبت هذه البعثة تقريرا بان هنالك حاجة لتنمية موارد السودان وتطويرها .
بعدها شهدت استراليا قدوم بعض السودانيين للدراسة. كما كان هناك بعض الاساتذة الاستراليين الذين يعملون في تدريس اللغة الانجليزية في السودان.

بدايات هجرة السودانيين الجماعية الى استراليا
بعد وصول الاسلاميين الحكم الى السودان بقيادة حسن الترابي ومجرم لاهاي المطلوب للعدالة الدولية عمر البشير في عام 1989م ، تدفقت اعداد هائلة من السودانيين الى استراليا عن طريق برنامج الحماية .
وشهدت تلك الفترة هجرة عشرات الالاف من السودانيين وتشتتوا في جميع انحاء الارض هربا من بطش النظام الاسلامي الدموي .
وقامت السلطة الاسلامية في بداية حكمها باكبر مذبحة شهدها التاريخ السوداني في الخدمة المدنية بتشريد مئات الالاف من العمل وقامت باحلال اعضاءها من الاخوان المسلمين ومن المواليين للنظام في تلك الوظائف .
كما زجت بالالاف في السجون وتعرض السودانيين للتعذيب في بيوت الاشباح التي ابتدعها النظام بهدف كسر شوكة المعارضين .
وقامت بمصادرة كثير من الممتلكات والمنازل التي تخص المعارضين خاصة الاقباط السودانيين .
شكل الاقباط السودانيين الموجات الاولى من المهاجرين السودانيين بطريقة منظمة بعد ان ضيق نظام الخرطوم الاسلامي الخناق عليهم
فاضطروا للهجرة تحت برنامج الحماية بعد ان اجبروا على بيع منازلهم ومؤسساتهم التجارية وحرموا من مزاولة اعمالهم التجارية وفضلوا الهروب من جحيم بطش الحكم الاسلامي .
اخذت الجالية القبطية في ازدياد كبير وانتشرت في كل المدن الاسترالية. وقاموا بتاسيس جمعيات ومنظمات واندية لممارسة نشاطهم الاجتماعي والثقافي.
بعد ذلك تدفقت اعداد هائلة من المهاجرين السودانيين من جميع انحاء السودان خاصة من جنوب السودان واقليم دارفور وجبال النوبة والنيل الازرق
هربا من بطش النظام ووصلوا استراليا عن طريق معسكرات اللاجئين في كينيا، والبعض الآخر قد جاءوا عن طريق القاهرة.

اما سفارتنا السودانية فهم خمسة موظفين يصرفون مرتبات شهرية بالعملة الصعبة بالدولار الامريكي
مبنى السفارة في ارقى احياء كانبيرا العاصمة الفيدرالية .. لايقل الايجار اسبوعيا عن 1900 دولار امريكي
اكرر اسبوعيا 1900 دولار امريكي اسبوعيا
ده غير ايجار مسكن السيد السفير وهو في نفس الحي الذي فيه السفارة
وانا متاكد انو ايجار منزل السيد السفير لا يقل عن 1800 دولار اسبوعيا
يصرفون مرتبات عالية بالدولار الامريكي
سيارات اخر موديل
يسكنون في احياء راقية
من يدفع هذه المنصرفات !!!

---------------------------------------------------------
العزيز جدا خالد ود العبيد:
نعيش تجربة مختلفة تماما ،سفير النظام فى ايرلندا هو الامنجى المعروف عبد الله الازرق وهو كان سفير فى لندن قبل مجيئه الينا
اول مهمة عملا هذا الكوز ان قام بدعوة منتقاة لبعض السودانيين من الشخصيات المعروفة وقام بمهاجمة المعارضة و بدا فى التغلغل مع افراد طاقمه ومعظمهم من الامنجية ،فى النسيج السودانى وبدا ينشر فى خطاب الكيزان مع استخدام سياسة فرق تسد!
و من نتائج فتح السفارة ان تم شراء ذمم كم طبيب كانوا فى لجنة نقابة الاطباء السودانيين بايرلندا ،نتيجة لذلك قام بعضهم بتسويق خط الكيزان و ادلو بتصريحات غير مهنية عن وباء الكوليرا فى القنوات السودانية !
نجح السودانيون بايرلندا فى الاطاحة بالكيزان من لجنة الجالية ومن ثم فى اجتماع تاريخى للاطباء قاموا بسحب الثقة من كم طبيب موالى للكيزان .
احترم رايك ولكن عندما يكون السفير غير مهنيا و تحوم حوله شبهات فساد)فى عهده تم بيع بيوت السودان بلندن بصفقات سرية )ومدافع شرس عن النظام المجرم فلا ارى غير المقاطعة الاجتماعية سبيلا.
تشكر يا حبيب ..

يا خالد.

رصد الكيزان والامنجية في السفارات بالخارج ساهل، ولكن الخطورة تكمن في العانصر الكيزانية والإنتهازية وسط المجتمعات السودانية بالخارج.
فهم الذين يسمحون لأمنجية وكيزان السفارة بالتغلل وسط المجتمعات السودانية في الخارج.

فأحذرهم، من قبل أن تحذرو كيزان السفارة وأمنجيتها.

احترم رايك ولكن عندما يكون السفير غير مهنيا و تحوم حوله شبهات فساد
--------------------
عزيزي مرتضى عبدالجليل
انت من كتاب هذا المنبر الذين اكن لهم حب وتقدير عظيم
اشكرك جدا على تفهمك لوجهة نظري
انا اؤمن بان سفارات النظام ومنتسبي النظام علينا مقاطعتهم سياسيا
اما اجتماعيا فهم اصلا معزولون من قوى الاحزاب الاخرى
نشارك في المناسبات الاجتماعية فقط بشرط ان يكون مكان المناسبة في مكان عام لا علاقة له بمؤسسات تتبع لهم
احترامي

اما موضوع المنصرفات في ايجار مبنى السفارة ومنزل السفير او حتى بدلات سكن الدبلوماسيين التابعين للبعثة
انا اشرت اليه فقط من واقع الحال في السودان
وانا على قناعة بان الحكومة السودانية وحدها وفي ظروفها الاقتصادية الحالية
لا تستطيع ابدا ان تتحمل هذه المنصرفات العالية
هنالك جهة ما لها مصلحة سياسية في ساحات الحروب ربما تساهم في دفع هذه التكاليف

برجع ليك يا دينق لانو كلامك مهم دا

سلام صاحب البوست وضيوفه الاكارم..
الصديق السفير ابراهيم عوض البارودي رجل لطيف ومهذب جدا....رغم اختلافنا معه في التوجه السياسي...تحياتي لك خالد العبيد وللاخ ابراهيم...

رصد الكيزان والامنجية في السفارات بالخارج ساهل، ولكن الخطورة تكمن في العانصر الكيزانية والإنتهازية وسط المجتمعات السودانية بالخارج.
فهم الذين يسمحون لأمنجية وكيزان السفارة بالتغلل وسط المجتمعات السودانية في الخارج.
-----------------------
سلام يا دينق
الخارجية السودانية في الوقت الحالي لاتسمح بايفاد اي موظف الى اي سفارة اذا لم يكن له علاقة بجهاز الامن
اما العناصر الانتهازية الذين يتعاملون مع السفارة فهم مرصودون من قبل تجمع قوى المعارضة وبالاسماء

ياسر منصور يا دفعة من الزمن الفلاني
عارفك دفعة البارودي

برجع ليك بي مزاج
وتحياتي لى حبيبنا نادر محجوب

وين صاحب البوست
معقول يا زهير تفتح ليك جبهة وتزوغ
انا ذنبي شنو تشيلني وش السماحة والقباحة
على اي حال الفيك اتعرفت
ولو ما رجعت البوست ده انا طالع منو
وده طرفي !