Post: #2
Title: Re: بهدوء الدعارة
Author: عبدالحفيظ ابوسن
Date: 02-25-2018, 07:21 AM
Parent: #1
(يعد مرتكبا جريمة ممارسة الدعارة من يوجد في محل للدعارة بحيث يحتمل أن يقوم بممارسة افعال جنسية أو يكتسب من ممارستها و يعاقب بالجلد بما لا يجاوز مائة جلدة أو بالسجن لمدة ثلاث سنوات.)
المادة 154
القانون السوداني
|
Post: #3
Title: Re: بهدوء الدعارة
Author: Yasir Elsharif
Date: 02-25-2018, 08:19 AM
Parent: #2
سلامات يا أب سن وشكرا لك لفتح هذا الملف الذي يستخدم بطريقة سيئة جدا في السودان.. ما أوردته أنت هو المادة 154 الرقم 1. ويوجد 154 الرقم 2،
154
(2) يقصد بمحل الدعارة، أي مكان معد لاجتماع رجال أو نساء أو رجال ونساء لا تقوم بينهم علاقات زوجية أو صلات قربى وفى ظروف يرجح فيها حدوث ممارسات جنسية.
|
Post: #4
Title: Re: بهدوء الدعارة
Author: Abureesh
Date: 02-25-2018, 08:21 AM
Parent: #2
"بحيث يحتمل أن يقوم بممارسة افعال جنسية"
يحتمل كيف يعنى.. يلقوه لابس لبس خمسة مثلا؟ واللا شافوا نتوءات فى بنطلونه؟
يعنى لو لقوا زول قاعد هنوووك بادبه ما عليه شئ؟
|
Post: #5
Title: Re: بهدوء الدعارة
Author: عبدالحفيظ ابوسن
Date: 02-25-2018, 08:32 AM
Parent: #4
تحياتي ياسر وابو الريش
تشكرو
النص تجريمي جدا
وتعودنا من لغة القوانين الصرامة والضبط اللغوي الواضح
|
Post: #6
Title: Re: بهدوء الدعارة
Author: عبدالحفيظ ابوسن
Date: 02-25-2018, 08:40 AM
Parent: #5
بحيث يحتمل ؟!
كيف يعني بحيث يحتمل !؟
تعرفو كيف بحيث يحتمل ؟
احتمال ما كان بحيث يحتمل لكن غير رأيو وبقا يحتمل
شاف ما خلاهو يحتمل
وبرضو العكس
كان يحتمل وغير رايو
|
Post: #9
Title: Re: بهدوء الدعارة
Author: Abureesh
Date: 02-25-2018, 08:48 AM
Parent: #6
ولو صادفوا زول ماشى فى الشارع ومارى قدام البيت موش يحتمل برضو؟
الغريبة القانون ما ذكر ست البيت هل محتملة واللا ما محتملة
|
Post: #11
Title: Re: بهدوء الدعارة
Author: Abureesh
Date: 02-25-2018, 08:52 AM
Parent: #9
غايتو يا شيخ العرب تانى لو واحد كوز زعلك قول ليه
يا ود المحتملة.
|
Post: #10
Title: Re: بهدوء الدعارة
Author: عبدالحفيظ ابوسن
Date: 02-25-2018, 08:50 AM
Parent: #6
بعدينك جهاز النوايا دة بقيس من كم ؟
من صفر لي عشرة مثلا؟
وهل نسبة واحد وعشرة كلهن واحد ؟
بعرفو كيف ما الا جهاز ولازم جهاز دقيق جدا .. التهمة خطيرة جدا فلابد من قياس دقيق
دي تهمة تتجاوز المتهم لي اسرتو واصحابو زاتو
وفي واقع كواقع السودان وقعها علي البنت أشد
يعني يفترض الجهاز يكون عندو طريقتين للقياس
للذكر
للانثي
|
Post: #7
Title: Re: بهدوء الدعارة
Author: محمد أبوالعزائم أبوالريش
Date: 02-25-2018, 08:46 AM
Parent: #5
سلام يا أهلنا ...
| Quote: يقصد بمحل الدعارة، أي مكان معد لاجتماع رجال أو نساء أو رجال ونساء لا تقوم بينهم علاقات زوجية أو صلات قربى وفى ظروف يرجح فيها حدوث ممارسات جنسية. |
رغم وجود هذه المادة، جرمت السلطات ناس في سياراتهم أو يتمشوا على شاطئ النيل، دون التحقق من وجود صلة قربى.
|
Post: #8
Title: Re: بهدوء الدعارة
Author: محمد أبوالعزائم أبوالريش
Date: 02-25-2018, 08:47 AM
Parent: #7
بعدين تعريف الدعارة الذي نعرفه هو: ممارسة جنس أو تقديم أي خدمات جنسية بمقابل مادي.
|
Post: #12
Title: Re: بهدوء الدعارة
Author: عبدالحفيظ ابوسن
Date: 02-25-2018, 08:57 AM
Parent: #8
يا ابوالريش واحدة واحدة ياخ
كدي شوف يحتمل انو دى براها بتاكل معانا كم جالون بنزين
طيب النقول رسلو بتاع ركشة يجيب ليهم خضار
وفي اثناء ما بتاع الركشة خش البيت اتقبض
وبالمناسبة بتاع الركشة برضو بتخش فيهو الاحتمالات دي
ولا النقول كهربجي جا يصلح ليهم النور .. ويختلس النظر حتي بان عليه الاحتمال
|
Post: #14
Title: Re: بهدوء الدعارة
Author: زهير عثمان حمد
Date: 02-25-2018, 09:03 AM
Parent: #12
تحياتي لك ود القبايل ود ابوسن ولضيوفك الكرام
المهم الدعارةعندها في قانون العقوبات مواد في قانون النظام العام فقرات الشيء المضحك انو قانون النظام يعتبرها جريمة زنا كاملة الاركان ويحكم بالشرع فيها
وبقانون العقوبات يصعب أثباتها ودوما تكون أفعال فاضحة
المهم كدي أنا في عجلة من أمري سوف أعود
|
Post: #13
Title: Re: بهدوء الدعارة
Author: هشام المجمر
Date: 02-25-2018, 09:00 AM
Parent: #8
قانون الشريعة بقول لازما اربعة شهود عدول يرو المرواد فى المكحل
يعني قانونهم ده قاطعنو من راسهم و القصد منو اذلال الناس تماما كقانون النظام العام قوانين فضفاضة قصد منها اذلال الشعب و سوقه للاستكانة و قد فشل نميري من قبلهم و سيفشلون باذن الله
|
Post: #15
Title: Re: بهدوء الدعارة
Author: عبدالحفيظ ابوسن
Date: 02-25-2018, 09:04 AM
Parent: #13
دة مربط الفرس يا مجمر
الارهاب
والتخويف
قراءة النص مع توصيف بيت الدعارة
اي زول فينا ممكن يتعرض للاعتقال والاتهام
|
Post: #16
Title: Re: بهدوء الدعارة
Author: عبدالحفيظ ابوسن
Date: 02-25-2018, 09:07 AM
Parent: #15
مرحبا زهير
وفي انتظارك
ياريت اهل القانون يسعفونا بالتنوير بدون لغة قانونية اكاديمية
يا زهير واظنو برضو جريمة الاغتصاب مربوطة بي باثبات جريمة الزني
|
Post: #19
Title: Re: بهدوء الدعارة
Author: kamal omer
Date: 02-25-2018, 09:18 AM
Parent: #16
أسوأ مافي الأمر إنو تطبيق بعض القوانين أنشأت لها محاكم خاصة
و المثال الأبرز محاكم النظام العام و زمان محاكم العدالة الناجزة
ودي محاكم تُهدر فيها حقوق المتهمين
و الشئ العجيب تطبيق أوامر محلية أيضاً أُنشأت لها محاكم خاصة لا تتوفر فيها أبسط معايير العدالة
|
Post: #17
Title: Re: بهدوء الدعارة
Author: محمد أبوالعزائم أبوالريش
Date: 02-25-2018, 09:11 AM
Parent: #13
أيام سئ الذكر جعفر نميري، مهندسين (العدالة الناجزة) نجروا ليهم مادة أسموها (الشروع في الزنا).
من الطرائف التي تُحكى أن قدّمت الشرطة للمحاكمة شخصاً بتهمة لها علاقة بالسكر (ما عارف أسميها شنو) ... قالوا لقوهو ماشي يجيب عرقي .... القاضي سألهم: كيف عرفتو؟ ... الشرطي قال ليهو: كان شايل الباغة دي يا مولانا ... ودي الباغة البيعبوا فيها العرقي ... (وقدم الباغة كمعروضات) .... القاضي إنفعل وهبّ في الشرطي وقال ليهو: تعال اقبضني انا كمان لأني شايل معاي (عدّة زنا).
أظن القصة معروفة .... بس جات مناسبتها
|
Post: #18
Title: Re: بهدوء الدعارة
Author: عبدالحفيظ ابوسن
Date: 02-25-2018, 09:13 AM
Parent: #17
الدعارة
الزنى
!؟
|
Post: #20
Title: Re: بهدوء الدعارة
Author: محمد أبوالعزائم أبوالريش
Date: 02-25-2018, 09:31 AM
Parent: #18
معليش يا حفيظ ...... تقاطعت الخطوط
|
Post: #21
Title: Re: بهدوء الدعارة
Author: علاء سيداحمد
Date: 02-25-2018, 10:34 AM
Parent: #20
الغريب فى الامر صاحب البيت ماليهو فى القانون نصيب !؟
Quote:
(يعد مرتكبا جريمة ممارسة الدعارة من يوجد في محل للدعارة بحيث يحتمل أن يقوم بممارسة افعال جنسية أو يكتسب من ممارستها و يعاقب بالجلد بما لا يجاوز مائة جلدة أو بالسجن لمدة ثلاث سنوات.)
المادة 154
القانون السوداني |
عقوبة الدعارة تماثل تماما عقوبة الزنى 100 جلدة مع الاختلاف في ان جريمة الزنى لا تثبت الا بأربعة شهود
|
Post: #22
Title: Re: بهدوء الدعارة
Author: عبدالحفيظ ابوسن
Date: 02-25-2018, 10:56 AM
Parent: #21
خش يا ابوالريش افدتني جدا
وافدت القراء
المافي شنو هو ؟ نحن زاتنا نفتي في القانون وقت بنودو ولا موادو مجخمسة كدة
عاينو
اللغة بقولو حامل للمعاني والمشاعر والايدولوجيا واييييك
يعني علينا بمعني الكلمة في المنطقة الجغرافية المعينة
اللغة ما فرقت بين الدعارة والزنى
زنى : (معجم الرائد)
(اسم)
1- مصدر زنى
2- فجور ، عهر
نحن عندنا فرق كبير بين الزني والعهر
والدعارة
الدَّعَارَّةُ : (معجم الوسيط)
الدَّعَارَّةُ الدَّعَارَّةُ يقال: في خُلُقِهِ دَعارَّةٌ: سوءٌ وشراسة.
عشان شايف الناس ديل بدغمسو الكلام يقول ليك تأصيل الكلمة
زمان في نبذة كدة يقول ليك يعني كريم
|
Post: #23
Title: Re: بهدوء الدعارة
Author: عبدالحفيظ ابوسن
Date: 02-25-2018, 11:03 AM
Parent: #22
الدعارة دى معروفة عالميا منذ الازل .. والبتمارسها عاهرة
وببساطة هي امرأة تمارس الجنس بمقابل مادي .
وبيوت الدعارة هي منازل يسكن فيها نساء يمارسن الجنس مع كل شخص يطلبه مقابل مبلغ معين
يعني العاهرة ممكن تكون شغالة في بيت او شغل حر بدون بيت
دي اسمها الدعارة
ممارسة الجنس خارج اطار العلاقة الزوجية عندو مسميات مختلفة وتقييم مختلف
|
Post: #24
Title: Re: بهدوء الدعارة
Author: عبدالحفيظ ابوسن
Date: 02-25-2018, 12:03 PM
Parent: #23
واضف لذلك يا كمال عمر
مكتب بلاغ براهو
وكيل نيابة براهو
محكمة براها
وديل كلهم بعملو كتيم اتهام موحد وفي تنسيق تام
يعني قبضوك امورك باظت
|
Post: #25
Title: Re: بهدوء الدعارة
Author: عبدالحفيظ ابوسن
Date: 02-25-2018, 12:19 PM
Parent: #24
يا علاء القصة كلها في التواجد دى
عاين
الشباب ولا الكهول بجتمعو اجتماعات حزبية وبتكون مختلطة
شفت الفلم كيف!!
يعني لو ماشي اجتماع حزبي سوق مرتك والمرة تسوق راجلها
وقبل انسي
يستحسن يشيلو معاهم قسيمة الزواج والاوراق الثبوتية . لأنو ممكن يبيتو عادي علي بال ما تصل الاوراق
واها الما معرسين !؟
ديل لا يحق لهم الانضمام لحزب او مجموعة ناشطة
|
Post: #26
Title: Re: بهدوء الدعارة
Author: عبدالحفيظ ابوسن
Date: 02-25-2018, 12:20 PM
Parent: #24
يا علاء القصة كلها في التواجد دى
عاين
الشباب ولا الكهول بجتمعو اجتماعات حزبية وبتكون مختلطة
شفت الفلم كيف!!
يعني لو ماشي اجتماع حزبي سوق مرتك والمرة تسوق راجلها
وقبل انسي
يستحسن يشيلو معاهم قسيمة الزواج والاوراق الثبوتية . لأنو ممكن يبيتو عادي علي بال ما تصل الاوراق
واها الما معرسين !؟
ديل لا يحق لهم الانضمام لحزب او مجموعة ناشطة
|
Post: #27
Title: Re: بهدوء الدعارة
Author: عبدالحفيظ ابوسن
Date: 02-25-2018, 12:26 PM
Parent: #26
نرجع لي قصة الدعارة دي
ممكن مصادرة البيت عديل كدة .. ما عارف القانون دة في ولا مافي
زمان البيوت معروفة جدا
لأنو الفعل متكرر وبكونو قبضوهم كم مرة
بعدينك ذهنية انو كل رجال ونسوان قاعدين مع بعض معناتو بمارسو جنس
دي حاجة
ومش كل بت بتمارس جنس خارج اطار الزواج عاهرة
ف شنو
القانون لاذلال النساء عموما وتخويفهن
مافي زول بقيف مع بيوت الدعارة
ولا تجارة الجنس
|
Post: #28
Title: Re: بهدوء الدعارة
Author: د.عبد المطلب صديق
Date: 02-25-2018, 03:03 PM
Parent: #27
بغض النظر عن كل القرائن المذكورة والادعاءات ومدى قوتها .. البلاغ به شبهة كيد لا يمكن دحضها ...
عندما اصدر ترامب قراراه بمنع دخول المسلمين الى امريكا ، اسقطت المحكمة قرار الرئيس ... وكان رد ترامب لا توجد مشكلة سوف اصدر قرارا جديدا ... وهنا حذره القاضي تحذيرا واضحا ، في هذه الحالة ستكون تحت طائلة اساءة استخدام السلطات .
القانون روح وليس نصوص .
|
Post: #29
Title: Re: بهدوء الدعارة
Author: علي محمد الفكي
Date: 02-25-2018, 03:13 PM
Parent: #27
في اجازه من اجازاتي
عزموني اصحابي وشلة اللستك زماان
غداء في واحد من مطاعم الخرطوم الراقيه
وبعد الغداء قالوا نحبس بي قهوه ظابطه
ودوني كافي داخل شقه في الديم
دخلنا لقينا زبائن شباب
ومن يقوم بالخدمه بنات زي الورد
واخر شياكه
صدور نافره واشياء أٌخرى
وموسيقى هادئه وبخور
من الاخر كده المكان
تنطبق فيه كل مواصفات الماده 154 واحد و 154 اثنين
لكن الشهاده لله ما شفت حاجه غير القهوه وما سمعت غير ونسة القهوه
وكمان اصحابي ما عرفت عنهم انحراف
يعني ما في اي دعاره في المكان
لكن حسب النصين الغريبين الفوق ديل( يرجح ) ( ويحتمل )
لو جات الشرطه كان رحنا فيها
جلد وفضيحه وعيب
بعد معلومتك دي الواحد تاني يعمل حسابو من كافيهات الديم
|
Post: #30
Title: Re: بهدوء الدعارة
Author: عبدالحفيظ ابوسن
Date: 02-25-2018, 07:08 PM
Parent: #29
فعلا يا عبدالمطلب
روح القانون
وزي ما بقولو حكمة المشروعية
قانون يحاكم بتوقع النوايا دة ما حصل
اذا كان القتل العديل دة تؤخذ فيه عدم نية القتل كظرف مخفف من خلال الوقائع .. رغم انو القتل واقع
تقوم انت يا القانون تحاكم زول علي افتراض جريمة هو ما قام بيها
|
Post: #31
Title: Re: بهدوء الدعارة
Author: عبدالحفيظ ابوسن
Date: 02-25-2018, 07:14 PM
Parent: #30
الامر يكمن في الاستهداف يا علي وبالقانون
بعدينك برضو اعمل حسابك .. يمكن تكون في مكان صاح في وقت غلط . يكون مستهدفين زول غيرك وانت ما عارف
امكن قبل كدة قلت الكلام دة .. الحكومة ساكة تجرم الناس عموما
لأنو معظم العقوبات فيها غرامة
لاحظ غرامة وسجن وبالعدم سجن زيادة
|
Post: #32
Title: Re: بهدوء الدعارة
Author: محمد أبوالعزائم أبوالريش
Date: 02-25-2018, 07:57 PM
Parent: #31
Quote: لكن حسب النصين الغريبين الفوق ديل( يرجح ) ( ويحتمل )
لو جات الشرطه كان رحنا فيها |
يا علي محمد الفكي ...... إنت قايل لبنى جلدوها في شنو؟ .... في البنطلون؟ ..... ما ياها قعدة زي دي ..... وكمان في مكان أقل خصوصية من مكانك ده.
غايتو مرقت منها
|
Post: #33
Title: Re: بهدوء الدعارة
Author: عبدالحفيظ ابوسن
Date: 02-26-2018, 04:06 AM
Parent: #32
معا من اجل اسقاط القوانين التي تحط من قدر الانسان
ضد القوانين المعيبة
|
Post: #34
Title: Re: بهدوء الدعارة
Author: Haytham Ghaly
Date: 02-26-2018, 04:44 AM
Parent: #33
وين الصور
|
Post: #35
Title: Re: بهدوء الدعارة
Author: ولياب
Date: 02-26-2018, 05:26 AM
Parent: #34
| Quote: يعنى لو لقوا زول قاعد هنوووك بادبه ما عليه شئ؟ |
تحياتي لود أب سن وأبوالريش
دي واقعة حقيقية ، يقال في الزمن الغابر أن موقع في الخرطوم كان مكانا للدعارة ،
وكان صديقان يمران بتلك النواحي أحدهما يدرك جيدا ما يدور والآخر برئ جدا
قال صاحبنا للبرئ ، ياخي ناس خالتي هنا خليني أدخل أسلم عليهم ، ودخلوا البيت
وأشار لبعض الفتيات بأن يكرموا زميله وأحضروا له ببسي وصاحبنا كان مع أفعاله
وحينما قضى غرضه وخرجا قال البرئ ( والله بنات خالتك طيبات ) أكرموني
وجاب لي ببسي كمان .
أها جنس البراءة دي ممكن يحاكم لوجوده في الموقع !!!
|
Post: #36
Title: Re: بهدوء الدعارة
Author: عبدالحفيظ ابوسن
Date: 02-26-2018, 07:27 AM
Parent: #35
صور شنو يا هيثم
ياخ
واخد دي
لو قبضوك ان شاء الله في شكلة بتتفرج حا يتفرجو في موبايلك
وعندهم خبرا مخصوص لي دة
ويسألوك اسئلة نكير ويضيفو ليك تهمة جديدة مواد فاضحة
وقالوا ليك لو مسحت عندهم اجهزة غالية جدا بتستعيد الحاجات دي ولو فرمت
وبعد دة كلو غالبهم ضبط المخدرات البتقود للفساد والدعارة ست الاسم زاتو
|
Post: #37
Title: Re: بهدوء الدعارة
Author: Haytham Ghaly
Date: 02-26-2018, 07:44 AM
Parent: #36
Quote: صور شنو يا هيثم
ياخ
واخد دي
لو قبضوك ان شاء الله في شكلة بتتفرج حا يتفرجو في موبايلك
وعندهم خبرا مخصوص لي دة
ويسألوك اسئلة نكير ويضيفو ليك تهمة جديدة مواد فاضحة
وقالوا ليك لو مسحت عندهم اجهزة غالية جدا بتستعيد الحاجات دي ولو فرمت
وبعد دة كلو غالبهم ضبط المخدرات البتقود للفساد والدعارة ست الاسم زاتو |
يا حفيظ
قانون النظام العام دا ما تتعب نفسك فيهو
هذا القانون لما صمموهو وفرضوهو على الناس ما كان الغرض منه حفظ الحقوق
ولا ضبط النظام العام في المجتمع السوداني
وانما كان الغرض الاساسي منه هو قهر الناس والتدخل في خصوصياتهم بصفة قانونية
تجعل رجل الشرطة وصياً على اخلاقنا وتصرفاتنا في شارع الله دا
لو مشيتك ما عجبتو عادي يرصعك كف ويسوقك يرميك في اقرب زنزانة
فالهدف من الموضوع دا هو ارهاب الشعب وسوقه للاستكانة
او كما قالها نبينا الحبيب محمود محمد طه (كيتاً في الكنزي)
قسماً بكل ما هو مقدس عند البشر
عمري ما شفت بشر اتفه من هؤلاء الذين صاغو هذه القوانين
ولا اوسخ من الذين حكمونا بها ولا زالوا يحكمون
|
Post: #38
Title: Re: بهدوء الدعارة
Author: عبدالحفيظ ابوسن
Date: 02-26-2018, 08:35 AM
Parent: #37
يا ولياب واحد اخونا مشي شاهد .. تم تفتيش تلفونو .. اخد ليهو كم يوم حراسة وغرامة ومرق بي عض الشلوفة
الواحد بقا ما عارف حد خصوصيتو وين !!
مفروض بيتك وموبايلك حقاتك .
لكن ان تتحول البيوت الآمنة لبيوت دعارة غصبا عنها دة وضع غير مقبول ومرفوض
مافي بيت سوداني ولا غير سوداني بتم فيهو تواجد الزوج والزوجة طوالي ..
|
Post: #40
Title: Re: بهدوء الدعارة
Author: عمر نملة
Date: 02-26-2018, 09:02 AM
Parent: #38
سلام
معا من اجل اسقاط القوانين التي تحط من قدر الانسان.. .وايضا معا لاسقاط النهج السوداني في كبت الشهوات الجنسية ما بين سن 14 و 43
|
Post: #39
Title: Re: بهدوء الدعارة
Author: Osman Awoda
Date: 02-26-2018, 08:55 AM
Parent: #1
الحمد لله نحنا عدة الدعارة بتاعتنا
ذاتها بقت ما شغالة،،،،الغريبة اسبير سكند مافي
،،،الحمد لله
|
Post: #41
Title: Re: بهدوء الدعارة
Author: جلالدونا
Date: 02-26-2018, 09:02 AM
Parent: #39
سلام عبد الحفيظ
بعد ده
لو ناس النظام العام قبضو ود عووضة ده فى اجتماع مع بنات فى بيت
خكم القانون شنو
اقترح نجيب شدّو محامى
عشان تستقيم الدعوى
|
Post: #42
Title: Re: بهدوء الدعارة
Author: tabaldy
Date: 02-26-2018, 09:31 AM
Parent: #41
المشكلة في البهدلة البتقع علي الزول قبل ما يلحق القاضي،، قصدي سلوك البوليس وبالذات في مواضيع الدعارة والنبذ البقع على المقبوض عليهو/ عليها في الحالات دي
قمة الإهانة والمرمطة
خليك من الدعارة، كدي شوف البهدلة البتقع علي البمارسوا الجنس باتفاق الطرفين، شوف البهدلة البتقع عليهم
واحد قبضوه في طرف البحر في أبوسعد مع واحدة شالتهم هاشمية الرومانسية وو،
المشهد ما انقطع إلا وهم في جوووا الحراسة بعد ما جاتهم عربية البوليس، والراجل يحلف دي مرتي عاقد عليها، والبوليس بي ضحك واستهتار بطالبوه بالإثبات.
يعني لا محتملاً ولا ربما،
لا ظرف مكان ولا أرض صالحة للطابور
كدا، خصوصية منتهكة بواسطة ناس حولوا أعراف العيب والغلط لجرايم يحاسب عليها القانون..
تحياتي
|
Post: #43
Title: Re: بهدوء الدعارة
Author: Asim Fageary
Date: 02-26-2018, 10:32 AM
Parent: #42
المشكلة في البهدلة البتقع علي الزول قبل ما يلحق القاضي،، قصدي سلوك البوليس وبالذات في مواضيع الدعارة والنبذ البقع على المقبوض عليهو/ عليها في الحالات دي قمة الإهانة والمرمطة خليك من الدعارة، كدي شوف البهدلة البتقع علي البمارسوا الجنس باتفاق الطرفين، شوف البهدلة البتقع عليهم واحد قبضوه في طرف البحر في أبوسعد مع واحدة شالتهم هاشمية الرومانسية وو، المشهد ما انقطع إلا وهم في جوووا الحراسة بعد ما جاتهم عربية البوليس، والراجل يحلف دي مرتي عاقد عليها، والبوليس بي ضحك واستهتار بطالبوه بالإثبات. يعني لا محتملاً ولا ربما، لا ظرف مكان ولا أرض صالحة للطابور كدا، خصوصية منتهكة بواسطة ناس حولوا أعراف العيب والغلط لجرايم يحاسب عليها القانون.. تحياتي
أها لما ننادي بدستور علماني ديمقراطي .. وليبرالية ... برضو الناس تشبط لينا فوق حلقنا !
أنا علماني ديمقراطي .. أنا ضد محاكم التفتيش وضد التغبيش .. في ذات الوقت أنادي بحل ظاهرة الدعارة بصورة علمية .. الدعارة بمفهوم الجنس مقابل المال وفي ذات الوقت أرفض قوانين النظام العام .. قوانينا الإجتماعية كفيلة بأن تضبط السلوك العام وفق الأعراف المجتمعية دون شرطة نظام عام
طالما مجتمعي الذي أعيش فيه ينظر للسكر نظرة مستهجنة لن أشرب الخمر إن كنت أريد ذلك إلا مع مراعاة أن لا يراني المجتمع الرافض لذلك .. ونكتفي كأصدقاء بتناوله في مجالس خاصة ليس من حق أي جهة إقتحام مكان جلوسنا والقبض علينا
وما ينطبق على الخمر ينطبق على كل الممارسات الخاصة
طالما أنك لم تتعدى على حريات وخصوصيات الغير ولم تغتصب ولم تزعج الغير فليس لأحد وصاية عليك فيما تفعل
|
Post: #44
Title: Re: بهدوء الدعارة
Author: محمد الزبير محمود
Date: 02-26-2018, 11:30 AM
Parent: #43
| Quote: طالما أنك لم تتعدى على حريات وخصوصيات الغير ولم تغتصب ولم تزعج الغير فليس لأحد وصاية عليك فيما تفعل |
ولا حتى الخلقك يا عاصم ؟
مش ربنا منع الشغلات دي وقال حرام ، يبقى كيف مافيش وصاية ؟؟
|
Post: #45
Title: Re: بهدوء الدعارة
Author: Asim Fageary
Date: 02-26-2018, 11:39 AM
Parent: #44
طالما أنك لم تتعدى على حريات وخصوصيات الغير ولم تغتصب ولم تزعج الغير فليس لأحد وصاية عليك فيما تفعل
هل فهمت ما قرأته أعلاه ؟
لتقول ما أتيت به أدناه؟
ولا حتى الخلقك يا عاصم ؟ مش ربنا منع الشغلات دي وقال حرام ، يبقى كيف مافيش وصاية ؟؟
من يعتقد في الله ويعتقد في أنه سيعاقب من الله لن يفعل ذلك ولا يحتاج لوصاية من أحد عليه
هل أنت تريد أن تقوم مقام الله وتحاسب الناس على سلوكها الشخصي ونواياها ؟
نأمل القراءة الصحيحة دون الجري لأساليب الضغوط الإرهابية
الله هو الله وليس أي أحد وإذا اعتبرت كلامي بعدم الوصاية من أحد أنني أقصد بها الله فهذه مشكلة في طريقة فهمك!
|
Post: #47
Title: Re: بهدوء الدعارة
Author: معاوية عبيد الصائم
Date: 02-26-2018, 11:43 AM
Parent: #44
مش ربنا منع الشغلات دي وقال حرام ، يبقى كيف مافيش وصاية ؟؟
........................................................
طيب ي شيخنا ربنا موش منع الفساد والاعتصاب
ماسمعنا صوتك فى الاغتصاب وفساد النظام وبلطجة
النظام وازلال نساء السودان
|
Post: #48
Title: Re: بهدوء الدعارة
Author: Yasir Elsharif
Date: 02-26-2018, 12:05 PM
Parent: #47
المرأة السودانية والإغتصاب الممنهج على يد رجال الأمن
310.596 Aufrufe
ِقناة الحرة Alhurra
Am 14.03.2011 veröffentlicht
قام الإتحاد النسائي السوداني في بريطانيا بتنظيم مؤتمر صحافي لفت فيه الإنتباه إلى المعاناة المأساوية التي تواجهها الغالبية الصامتة من النساء السودانيات جراء ما بات يعرف بالإغتصاب الممنهج الذي تتعرضن له على يد رجال الأمن.
|
Post: #49
Title: Re: بهدوء الدعارة
Author: عبدالحفيظ ابوسن
Date: 02-26-2018, 01:24 PM
Parent: #48
مرحب عمر نملة
ضد القوانين المهينة للانسانية
معا من اجل التوعية
ونشر الوعي
|
Post: #50
Title: Re: بهدوء الدعارة
Author: عبدالحفيظ ابوسن
Date: 02-26-2018, 01:29 PM
Parent: #49
مرحب عووضة وجلال
دة شوال دقيق
|
Post: #51
Title: Re: بهدوء الدعارة
Author: عبدالحفيظ ابوسن
Date: 02-26-2018, 01:36 PM
Parent: #50
مرحبا تبلدي
ايوة صحيح
انت اصلا ما متهم انت مدان من لحظة اعتقالك
وبتعاملو معاك علي هذا الفرض
يفترض حتي لو تمت ادانتك عديل يكون عندك حقوق
العيب بقا مزدوج
في القانون وفي من يطبقون القانون
وكما اشار هيثم فهو ليس معدا لتقويم المجتمع
|
Post: #52
Title: Re: بهدوء الدعارة
Author: عبدالحفيظ ابوسن
Date: 02-27-2018, 03:29 AM
Parent: #51
مرحبا عاصم
ضد القوانين الخاصة
مع قانون واحد وتساوي الناس امامه
|
Post: #53
Title: Re: بهدوء الدعارة
Author: عبدالحفيظ ابوسن
Date: 02-27-2018, 03:32 AM
Parent: #52
مرحب محمد محمود
كدى عاين الانتهاكات التمت لما منعه الله وبشكل واضح
الظلم
يقول تعالي في حديث قدسي ما معناه منعت الظلم علي نفسي وجعلته بينكم محرما فلا تظالمو
دي اهم قاعدة في القانون وتم هتكها ويتم هدرها يوميا
|
Post: #54
Title: Re: بهدوء الدعارة
Author: عبدالحفيظ ابوسن
Date: 02-27-2018, 03:36 AM
Parent: #53
تشكر ياسر الشريف
كلام اديب كلام موزون وقانوني
قعد الكلام بما لا يقارن بكتابتي
ووضح الامر يشكل سهل
تشكر
|
Post: #55
Title: Re: بهدوء الدعارة
Author: عبدالحفيظ ابوسن
Date: 02-27-2018, 03:39 AM
Parent: #54
تحية وشكر معاوية
والانحناءة للابنة ويني عمر فرج
واني لأشعر بالفخر كونها من كوستي
وكون اني اعرفها جدا
لقد صمدت وناضلت ضد التشويه والحط من قيمتها
وارتفعت فوقهم جميعا
|
Post: #56
Title: Re: بهدوء الدعارة
Author: عبدالحفيظ ابوسن
Date: 02-27-2018, 04:32 AM
Parent: #55
الدعارة هي تجارة الجنس
الجنس مقابل المال
يعني بيت الدعارة هو محل تجاري لممارسة الجنس وبشكل متكرر
الزنى هو ممارسة الجنس دون رابط شرعي
طيب اذا وجدت مرة وراجل في منزل بمارسو جنس عديل كدة ما ممكن تقول دعارة .. انت مطالب بإثبات ممارسة الجنس .
وبما انك تدعي حكم الشريعة مطالب بالاثبات وفقا للضوابط الشرعية
ممارسة الجنس الفردي لا يعتبر دعارة ولا المحل البمارسو فيهو بسمي بيت دعارة
لكن القصد هو استلاف الذهنية السودانية في تعظيم الاحساس بالخزي للمتهم
والدعارة من الافعال المنحطة جدا في المجتمع اي مجتمع
يعني مزيدا من الارهاب والتخويف
|
Post: #57
Title: Re: بهدوء الدعارة
Author: محمد الزبير محمود
Date: 02-28-2018, 06:22 AM
Parent: #56
Quote:
من يعتقد في الله ويعتقد في أنه سيعاقب من الله لن يفعل ذلك ولا يحتاج لوصاية من أحد عليه
هل أنت تريد أن تقوم مقام الله وتحاسب الناس على سلوكها الشخصي ونواياها ؟
نأمل القراءة الصحيحة دون الجري لأساليب الضغوط الإرهابية
الله هو الله وليس أي أحد وإذا اعتبرت كلامي بعدم الوصاية من أحد أنني أقصد بها الله فهذه مشكلة في طريقة فهمك! |
عاصم يا جميل
الله تعالى نهى عن الزنى والقرب منه وجعل لمن يزني حدا في الدنيا وعقوبة قبل الآخرة وإقامة الحد يعني وصاية ولا شك في ذلك .........
وجود عقوبة يعني وجود وصاية ، الشريعة تحرم الزنا والتحريم نفسه وصاية ، أليس كذلك ؟؟
Quote: طيب ي شيخنا ربنا موش منع الفساد والاعتصاب
ماسمعنا صوتك فى الاغتصاب وفساد النظام وبلطجة
النظام وازلال نساء السودان |
الخطأ لا يبرر بالخطأ ووجود فساد وإغتصاب لا يبرر لنا ان نبيح او نتساهل قانونيا مع الزنا والفواحش يا معاوية .
فساد النظم مرفوض والاستبداد الذي زرعه الشيوعيون في مايو مازال الشعب السوداني يتجرع ثمراته
بيك يا مايو يا سيف الفدا المسلول نشق اعدانا عرضا وطول
فكل نظام يشق اعداه بالسطلة ، عشان كدا خليك بجوار الحرم باقي عمرك افضل ليك من جوار الكرملين ...........
تحياتي
|
Post: #58
Title: Re: بهدوء الدعارة
Author: عبدالحفيظ ابوسن
Date: 02-28-2018, 06:59 AM
Parent: #57
مرحب محمد الزبير
في لعب يا محمد تكون شفتها .. مجموعة من الحاجات مرصوصة وراء بعض .. وتكبر كل مرة ... مرصوصة وراء وكلها ماخدة زاوية حرجة او قلقة
يقومو يدفرو اول حاجة القدام دة وتقع في البعدها ويتوالي سقوطهم كلهم
اقصد في امر بكون ارتكازي ويؤثر في الاشياء الحوله
فساد السلطة فساد يؤثر في كل الدولة . وكذلك ظلم السلطة
فساد السلطة وظلمها اسوأ من ممارسة الفاحشة وبل هو السبب في تفشيها
ما عارف ليه ختيت الزنى بشكل ما قدرت افهمو انا لعلي عجزت عن ادراك مغزي استدلالك
ولكن مثلا الحكومات اللادينية نفسها تحرم بعض الافعال . وتضع لها العقوبات اها برضو نسميها وصاية ولا الامور مختلفة هنا؟
ما فهمت حكاية الشيوعيين ومايو والله ياريت تفهمني لو سمحت
|
Post: #59
Title: Re: بهدوء الدعارة
Author: Asim Fageary
Date: 02-28-2018, 07:08 AM
Parent: #58
عاصم يا جميل الله تعالى نهى عن الزنى والقرب منه وجعل لمن يزني حدا في الدنيا وعقوبة قبل الآخرة وإقامة الحد يعني وصاية ولا شك في ذلك ......... وجود عقوبة يعني وجود وصاية ، الشريعة تحرم الزنا والتحريم نفسه وصاية ، أليس كذلك ؟؟
سلام أخي محمد الزبير .. سوف أعود لك لاحقاً للرد بتفصيل أكثر
تقبل تحياتي
عاصم فقيري
|
Post: #60
Title: Re: بهدوء الدعارة
Author: محمد مجيدو
Date: 02-28-2018, 08:54 AM
Parent: #1
ابو سن وضيوفك .. سلام
في بداية السبعينات ونحن صبيان
كنا بنسمع ب ابراهيم روثمان والشلة ديك .. ( دا بيعرفو ناس الخرطوم بس )
والزمن داك البلد كان تمشي فيها عريان مافي زول بيسالك ..
يعني نفهم من البوست دا ....
انك تطالب بالغاء او تعديل القوانين الحالية
ونرجع تااني لناس ابو صليب والسبعة بيوت
ولا الفهم شنو بالضبط ؟؟؟
_______________________
عاالم بطاالــــــــــــــــــة ,,
|
Post: #61
Title: Re: بهدوء الدعارة
Author: عمر نملة
Date: 02-28-2018, 09:50 AM
Parent: #60
سلام
مش ربنا منع الشغلات دي وقال حرام ، يبقى كيف مافيش وصاية ؟؟
قوانين النظام العام انطلقت من نوع العقلية دي...البشوفوا انهن اشرف خلق الله...وان ربنا خلقهم أوصياء فيما ياكل ويشرب ويلبس..ويتواصل...بذهنية اقل ما يقال عنها قذرة..اهانوا باسم الله..استباحوا مال وعرض الخلق..وعن فساد..من يشايع يصمت ...تجربة كان لازم نمر بها...وللاسف بعد كل التجارب بكل اريحية يصر على استمرار التجربة...اكثر ما يزعج في هذة العقلية اسلوب الوصايا...وعدم احترام اعتقاد غيرك..فق يا صلمود..واخرج من افق الضيق...ارحم ترحم..حس كفاية اذية للخلق باسم الدييين
|
Post: #62
Title: Re: بهدوء الدعارة
Author: عبدالحفيظ ابوسن
Date: 02-28-2018, 01:09 PM
Parent: #61
مرحب مجيدو
ما عارف ارد ليك والله يا دفعة
خايفك تفهمني غلط رغم المودة التي اكنها لك . هذا ليس استجداء عواطف لكن حقيقة دة شعوري في هذه اللحظة
كتبت
مسحت
كتبت
مسحت
|
Post: #63
Title: Re: بهدوء الدعارة
Author: محمد الزبير محمود
Date: 02-28-2018, 02:28 PM
Parent: #62
| Quote: ما فهمت حكاية الشيوعيين ومايو والله ياريت تفهمني لو سمحت |
ود اب سن لك التحية
الوصفة الفوق دي كبسولة خاصة بأخونا معاوية عبيد الماركسي ......
الوصاية بإختصار غير مخل هو ان يأمرك او ينهاك غيرك عن فعل أمر ما ، وخاصة لو وضع لها قانونا اوعقابا ، ومن هنا كانت الشريعة وصية على المسلم وتحرم عليه الزنا بكل أنواعه ، مصطلح الزنى اوسع من مصطلح الدعارة .....
الدعارة التي يحرمها الغرب ويتبعهم فيها بعض علمانيي العرب لا تحرم الزنا اي لقاء الرجل والمرأة من دون زواج لذا استخدمت مصطلح الزنا لأنه أشمل فالدعارة زنا والزنى قد لا يكون دعارة .......
وسؤالي :
ما الذي يحرم اللقاء الجنسي مقابل المال ويجيزه بالمجان ؟؟؟
كلاهما زنى وهي نفس العملية بالتمام والكمال والتبعات هي نفس التبعات ......
طيب لو واحدة كدا قررت تفتح بيت وتقدم خدماتها مجانا لمن اراد هي وشلة من زميلاتها فهل سيعاقبها القانون الذي استند على بيع الجسد ؟؟؟
طيب الراقصة تبيع جسدها لمتعة العيون ، الطبيب يبيع خبراته العلمية كلنا نبيع نتاج عقولنا واجسادنا ، والعتالي يبيع جهده وكذا كل العمال ، يبقى ليه حرام في الدعارة بس ؟؟
قناعتي انه لا وجه حق لمن يبيح الزنا والمخادنة ويحرم او يجرم الدعارة بالفلوس ، في تقديري الفعلة محرمة في حد ذاتها وليس لأنها بيعت ............
تحياتي
|
Post: #64
Title: Re: بهدوء الدعارة
Author: د.عبد المطلب صديق
Date: 02-28-2018, 03:11 PM
Parent: #63
القوانين تحمل في احشائها الكثير من التناقضات ... والامثلة كثيرة ومزعجة ومخيفة ومضرة بتقدم السودان ووحدته وعلاقاته الخارجية بل وحتى مؤثرة على السلام الاجتماعي.. والآفة الكبرى هي عدم تنقيح ودراسة وتعديل وتطوير وقياس وبحث الاثار الناجمة عن التطبيق ... مثلا قانون الردة وهو قانون ساري منذ ستينيات القرن الماضي وحوكم به عدد من المفكرين والسياسيين وعامة الناس، و ليس اخرهم محمود محمد طه ... يثور الناس والاحزاب السودانية ضد الاحكام الصادرة عن هذا القانون والقانون نفسه باق يفعل افاعيله طيلة السنين ويظل الاتهام بالردة شان فقهي مختلف عليه واثباته قانونا والمحاسبة عليه ليست سوى قرار سياسي.
قانون الدعارة ينطبق عليه ذات الشيء... في ولاية هاسين في وسط المانيا اصدر مجلس الولاية في مدينة فيس بادن قرارا باباحة تعاطي المخدارت .. وظل المجلس من فترة الى اخرى يثبت وبالارقام تراجع كبير في تعاطي المخدرات بعد قرار السماح عكس الحال عند المنع ... لكن المفارقة التي لم يجد لها المجلس تبريرا ان قرارا سابقا كان قد صدر بدعم ناشطين بيئيين بمنع التدخين في المقاهي والاماكن العامة عدا في مواقع مغلقة تحددها المقاهي .. ووفقا لهذا القانون اصبح مسموح لسكان المدينة تدخين المخدرات لكن القانون يعاقبهم على تدخين السجائر ومشتقات التبغ عموما ....
الاعلام السودان والاحزاب تنشغل بالقشور وتترك القوانين المهينة والمعادية لحقوق الانسان وتتباكى على التطبيق .
|
Post: #65
Title: Re: بهدوء الدعارة
Author: عبدالحفيظ ابوسن
Date: 03-01-2018, 06:01 AM
Parent: #64
1st up
|
Post: #66
Title: Re: بهدوء الدعارة
Author: محمد مجيدو
Date: 03-01-2018, 08:23 AM
Parent: #1
Quote: ما عارف ارد ليك والله يا دفعة
خايفك تفهمني غلط رغم المودة التي اكنها لك |
عزيزي عبدالحفيظ .. سلام
وانا ايضا اكن لك كل مودة واحترام وتقدير ,,
وبعتذر اذا مداخلتي عكرت مزاجك ..
ودائما صراحتي دي بتدخلني في احراج مع الاخوان ..
انا بس كنت عايز اعرف الغاية من البوست ...
هل القوانين الحالية لا تتماشي مع الواقع المفترض ؟؟
وحسب علمي ان مكان الدعارة عادة بكون معروف ومرصود
للجهات الامنية لمدة من الزمن وبعد التاكد التام يعمل مذكرة من الجهات القضائية
للمداهمة والتفتيش .... الحكاية ما اخنق فطس ...
يعني جماعة لما يكونو قاعدين في مكان عام ( مقهي ولا نادي ولا خلافه )
زي ما كان قاعد صديقنا على الفكي ... لا يمكن مداهمته واتهام من فيه
ببمارسة الرزيــــــلــــة ...
يااخ لسه السودان بخيرو .. رغم اختلافنا مع الحكومة ..
هذا ما حبيت اوضحه لك ...
ولك العتبى حتى ترضى ...
تحياتي ,,
عاالم بطاالــــــــــــــــــة ,,
|
|