Post: #1
Title: بالمناسبة .. العيشة بجنيه!
Author: محمد البشرى الخضر
Date: 02-22-2018, 06:35 AM
05:35 AM February, 21 2018 سودانيز اون لاين
محمد البشرى الخضر-العين-الإمارات
مكتبتى
رابط مختصر قوش فعل قوش ترك
اقالة محافظ البنك
اقالة مساعد الرئيس
اطلاق سراح معتقلي حزب الأمة
محاربة الفساد اعتقال تجار العملة
الدولار نزل, تذاكر الطيران رجعت
الهلال اتأهل و زنطور طار - كالعادة
لجنة تسيير, شكوى للفيفا تجميد ما تجميد
بكري موقوف الاستئناف لغت العقوبة
الهندي جاتو فركة هدية
طه قال في القروب و السائحون ضربوا الروراي
تراجي لخّت خضر عطا المنّان
البوشي هاج في اللايف و سب
تعديلات متوقعة في الحكومة, طه للبرلمان, منو داك رئيس وزراء, أب سجارة برة
سوداكال في السجن
هلال فكّوه
الجيش في اليمن
جلالدونا رجع يكتب
الحزب في اجتماع
المصريين, سد النهضة, الاثيوبي استقال
الما بعرفو داك عمل شنو
البتاع الهناي الفعلتك التركتك العااااك ... العيييك
.
.
.
.
ولا زالت العيشة بجنيه!!!
|
Post: #2
Title: Re: بالمناسبة .. العيشة بجنيه!
Author: محمد البشرى الخضر
Date: 02-22-2018, 06:42 AM
Parent: #1
إن للإنقاذ ملف واحد انجزت - وتنجز - فيه بنجاح واضح, فهو الاستمرار في الحكم!
كل مقوّمات الفشل في إدارة دولة متوفرّة! وغير المتوفّر بسرعة بوفّروه
رغم كدا نجحت وتنجح الإنقاذ في الاستمرار في الحكم؟
براعة في استغلال المتناقضات و اللعب على كل الحبال
لا مبادئ لا وازع اخلاقي يمنعهم من تغيير جلودهم كأي افعى
ووجوه مغسلة بمرق سميك لا يعرف الحياء طريقا لها
أكاذيب و أكاذيب مضادة للأولى عادي بلا ادنى خجل أو حتى ذاكرة
تنجح الإنقاذ في شغل الناس و صرفهم للفارغة بابسط الجهد
لا حديث للناس إلّا عن عودة قوش
و المؤسف ما يروج في الأسافير بتصويره منقذا ومحاربا للفساد بل وصل الأمر لدرجة عقد آمال عليه ليصلح الحال خلال اقل من ست اشهر
صحافيين كبار و محللين بشنبات جلسوا كما الحكّامات يشكّرون في عودته و كيف تراجع ثم استقر سعر الدولار اثر الإعلان عنها فقط
ياخ أنــ .. استغفر الله العظيم
|
Post: #3
Title: Re: بالمناسبة .. العيشة بجنيه!
Author: abas
Date: 02-22-2018, 06:49 AM
Parent: #2
يا عمك من امس منتظر البتاعه ديك مالك المره دي ولا كملت الاحتفال امس في النادي
|
Post: #5
Title: Re: بالمناسبة .. العيشة بجنيه!
Author: عبدالحفيظ ابوسن
Date: 02-22-2018, 06:53 AM
Parent: #3
احسب عديل يا ودو
العيشة بي 125 دولار
لامن جو 1989 الدولار بي 8 ج
|
Post: #4
Title: Re: بالمناسبة .. العيشة بجنيه!
Author: علي دفع الله
Date: 02-22-2018, 06:51 AM
Parent: #1
| Quote: ولا زالت العيشة بي جنيه |
و غاز الطبخ ممكن يحصل ال 250 لانو ما متوفر
صفوف الجاز والبنزين في تزايد
الادوية اسعارها في تزايد
زادوا فاتورة الموية
كيلو العجالي ماشي على ال160
الضان اسكت ساي
السمك دا اي السمك الواحد دا بس بي عيوني
الزيت الصابون العدس
------
احييي انا ام فتفت دي بقت ما بتنهبش
حريقة في قوش وفي نافع وفي المريخ زاتو
بوست في الصميم 👍👍👍👍
|
Post: #7
Title: Re: بالمناسبة .. العيشة بجنيه!
Author: جلالدونا
Date: 02-22-2018, 06:55 AM
Parent: #4
اها
|
Post: #6
Title: Re: بالمناسبة .. العيشة بجنيه!
Author: محمد حيدر المشرف
Date: 02-22-2018, 06:54 AM
Parent: #1
جلالدونا رجع يكتب
.......
متين الكلام ده ؟!!!
المهم يا صاحبي هناك دورة اقتصادية قد يستمر مداها لعدد من الشهور قبل تجلي الكارثة الاقتصادية على اكبر قطاع من الشعب السوداني .. و ما لم تحصل معجزة اقتصادية فسيكون عندها الانهيار شاملا والسيناريوهات اسوأ ..
|
Post: #8
Title: Re: بالمناسبة .. العيشة بجنيه!
Author: Hani Arabi Mohamed
Date: 02-22-2018, 06:55 AM
Parent: #1
الحمد لله
المعيشة فاقت المستحيل
وكل ما نتحدث فيه الان انا وانت وهؤلاء واولئك
مجرد جدل بيزنطي
|
Post: #9
Title: Re: بالمناسبة .. العيشة بجنيه!
Author: MOHAMMED ELSHEIKH
Date: 02-22-2018, 07:24 AM
Parent: #8
ولا زالت العيشة بجنيه!!!
___________________________________
العيشة بالف جنيه يا خال.
انت صدقت اختفاء ثلاثة اصفار
|
Post: #11
Title: Re: بالمناسبة .. العيشة بجنيه!
Author: أحمد محمد عمر
Date: 02-22-2018, 07:39 AM
Parent: #9
| Quote: ياخ أنــ .. استغفر الله العظيم |
حفاظاً على سلامة قلبي بكبر اللفة من بوستات مطبلي البشير على المنبر
مرات بلقى المشاركات كتيرة في بوست بتاع ود الباوقة مثلاً .. بعد مشاورات مع روحي بتوكل على الله وافتحه
أقسم بالله نفس الحاجة بعملها كل مرة .. أقرأ المداخلات الأوائل بتاعات التطبيل للبشير واجري طوالي على زر الرد واكتب (ياخ أحبك) *
بكون حاسي باشمئزاز وداير استفرغ على الشاشة .. هل ممكن زول ينزع منه الاحساس للدرجة دي ! ولا عاجباهو المكاواة ولا النظام شنو؟
نهايتو .. بستهدى بالله واقفل النافذة
____________
* الباء لو ما ظبطت معاك جرب الشين
|
Post: #10
Title: Re: بالمناسبة .. العيشة بجنيه!
Author: Mahamed Eltaze
Date: 02-22-2018, 07:37 AM
Parent: #1
السلام عليكم
الأخ محمد البشري وضيوفه
ولا زالت العيشة بجنيه!!!
===================
ياخ انت قديييييم شديييد
بقت 3 عيشات بي 5000 جنيه - من غير كيس ( تشيل في يدك وتمشي)
وبقت 2 بي 5000 بي كيس
وممكن يدوك العيشة بي جنية لكن 5 عيشات مابجيبو 100 جرام - العيشة لا تري بالعين المجردة
|
Post: #12
Title: Re: بالمناسبة .. العيشة بجنيه!
Author: ABUHUSSEIN
Date: 02-22-2018, 07:44 AM
Parent: #10
| Quote: إن للإنقاذ ملف واحد انجزت - وتنجز - فيه بنجاح واضح, فهو الاستمرار في الحكم! |
و بي إمتياز كمان و بمساعدة الكثيرين ........
|
Post: #13
Title: Re: بالمناسبة .. العيشة بجنيه!
Author: عمر دهب
Date: 02-22-2018, 07:45 AM
Parent: #10
حقيقه وضع واخبار ماتستحق غير تتخارج منها .. بستغفر الله
|
Post: #14
Title: Re: بالمناسبة .. العيشة بجنيه!
Author: محمد البشرى الخضر
Date: 02-22-2018, 07:55 AM
Parent: #13
برعت الانقاذ في وضع الجميع في خانة رد الفعل وتفنّنت في تنويع هذا الـ رد فعل
يعني من كان الموضوع الميزانية المعفّنة الاجازوها بحمرة العين لمنسوب حزبهم و ارتفاع الأسعار الجنوني و سحب الدعم عن القمح و ربما البترول في المستقبل و سعر العيشة البلغ جنيه
صار الموضوع عن المعتقلين ثم عن اطلاق سراحهم ثم عن الخيار و الفقّوس في هذا الإطلاق ثم عن اسوأ تصريح في التاريخ لمسؤول و اعني به تصريح قوش للإنتباهه عن ابقاء بعض المعتقلين رهائن حتى يتحسّن سلوك احزابهم!
تخيّل!
وقبل ذلك الحديث عن عودة قوش نفسه التي شغلونا بها و ترك كل ما في يده وتفرّغ لتحليل ما وراء الخبر وليه رجّعوه وليه ودّو وح يعمل شنو ووح يشيل منو!
ثم عشرات التسريبات عن اعفاء فلان واعتقال علّان من رموز النظام و الأمن وهناي لقوا عنده سكر و هناي مزرعة و نافع و بتاع
المؤسف تصوير قوش كأنه حامل لواء محاربة الفساد وكأنه من بيده الحل و من سينير الطريق للمخرج!
في حين الكل يعلم أن فاقد الشيئ لا يعطيه ولا يمكن محاربة الفساد إلّا بصاحب يد نظيفة لا شبهة فيها
لكن تقول شنو بس, الحكومة تطعمنا التبن ونحن نتناوله بحماس حامدين شاكرين بل وكمان نطالب بالزيادة و نسال عن الشطة بالدكوة و الليمون عشان تفتح نفسنا أكتر كمان!
في حين أنه الواقع يقول:
أنه العيشة لا زالت بجنيه!
أحييي يا قلبي
|
Post: #15
Title: Re: بالمناسبة .. العيشة بجنيه!
Author: محمد أبوالعزائم أبوالريش
Date: 02-22-2018, 08:12 AM
Parent: #13
| Quote: حفاظاً على سلامة قلبي بكبر اللفة من بوستات مطبلي البشير على المنبر |
سلامة قلبك ابوي ....
أنا لو فهمت بوست ود البشرى صاح، ديل ما المقصودين .... المقصودين أنا وإنت والبقية ..... المطبلين ديل موضوعهم منتهي. .... لكن الناس إنشغلوا (أو شغلوهم) بما هو أقل أهمية.
ود البشرى عايز يقول (لا صوت يعلو فوق صوت المعارضة). ...... الباقي ده كلو سفاسف أمور.
مُش؟
|
Post: #16
Title: Re: بالمناسبة .. العيشة بجنيه!
Author: أحمد محمد عمر
Date: 02-22-2018, 08:53 AM
Parent: #15
هلا ابو الريش
تعليقي ما علي البوست
على الكلمة المقتطعة في المقتبس
داير اقول كلنا بنقطع
|
Post: #17
Title: Re: بالمناسبة .. العيشة بجنيه!
Author: محمد مجيدو
Date: 02-22-2018, 09:05 AM
Parent: #16
والشي المحير يا هندسة ...
انو الناس دي .. عادي بشتروا رغيف بالهبل ..
واليوم كلو بياكلو .. زي المحاصل شي ..
ولا سألين في الحكومة ولا في المعارضة ...
وناس بره هم المجقلبين اكتر من ناس جوه .
تحياتي ,,
عــــاالم بطاالـــــــــــــــــــة ,,,
|
Post: #19
Title: Re: بالمناسبة .. العيشة بجنيه!
Author: Yasir Elsharif
Date: 02-22-2018, 09:15 AM
Parent: #17
وبرضو الساقية لسه مدورة؟؟
مع أنو الحال واقف من زمن!!
سلام ود البشرى والجميع
|
Post: #18
Title: Re: بالمناسبة .. العيشة بجنيه!
Author: Nasser Amin
Date: 02-22-2018, 09:10 AM
Parent: #16
الغاغة دي سببها النت و الوسائط
لو قطع النت اسبوع بس ,النظام يروح فيها
|
Post: #20
Title: Re: بالمناسبة .. العيشة بجنيه!
Author: علي محمد الفكي
Date: 02-22-2018, 10:21 AM
Parent: #18
ود البشرى
شفت الكيزان ديل لعابين كيف
فنيات ميسي في الكوره عاملنها الكيزان مع الكرسي
استراتيجيتهم الاولى انهم هم الماسكين زمام المبادره وهم صناع الحدث
وهم البشكل الراي العام وبوجه النقاش
والكل يمشي في الطريق العاوزنو هم
يا اخ ديل لمعو صلاح قوش بي فك المعتقلين وشهدت كل القوى هذا التلميع والتدشين لي قوش
والان قوش حبيب الشعب يضرب بيد من حديد على الفاسدين
بي اعتقال كم واحد من ال disscards الفي السوق
|
Post: #21
Title: Re: بالمناسبة .. العيشة بجنيه!
Author: willeim andrea
Date: 02-22-2018, 11:36 AM
Parent: #20
غايتو قبل كم يوم انا اشتريت البطيخه الحجم العائلي داك ب 40 جنيه وقبل كم شهر كانت فووق ال 60
ركزوا مع البطيخ بلاش عيش ونشويات
|
Post: #22
Title: Re: بالمناسبة .. العيشة بجنيه!
Author: MOHAMMED ELSHEIKH
Date: 02-22-2018, 11:44 AM
Parent: #21
غايتو قبل كم يوم انا اشتريت البطيخه الحجم العائلي داك ب 40 جنيه وقبل كم شهر كانت فووق ال 60
ركزوا مع البطيخ بلاش عيش ونشويات
=========================================
فكرة حلوة
ناكل البتيخة
وندى ال"مكدود" للنعجة
ونشرب لبنها
ونسيب الفشخرة بتاعت الرغيف دي
---
بالمناسبة في ناس هنا حضروا زمن الرغيف كان اكل اولاد الذوات واولاد المدرسين
|
Post: #23
Title: Re: بالمناسبة .. العيشة بجنيه!
Author: محمد البشرى الخضر
Date: 02-22-2018, 02:08 PM
Parent: #22
تحياتي شباب
البوست دا والله زعلة بعد شمطة في قروب غاظني رهان الكثيرين على تصرفات الانقاذ من يراهن لصالحها ويرى ان اعادة قوش ستحارب الفساد و تثبت الدولار
وآخرين يراهنون على فناءها بسبب الصراعات التي ستندلع وبرضو بسبب قوش!
معقولة بس
طيب افرض ما كان رجعوه! الكان ح بحصل شنو؟
وبالمناسبة: لازالت العيشة بجنيه!
________________________________
التروح الزعلة و بجيكم اشكركم واحد واحد
|
Post: #24
Title: Re: بالمناسبة .. العيشة بجنيه!
Author: ABUHUSSEIN
Date: 02-22-2018, 02:30 PM
Parent: #23
| Quote: التروح الزعلة و بجيكم |
ان شاء الله ما تروح .... 😂😂😂
|
Post: #25
Title: Re: بالمناسبة .. العيشة بجنيه!
Author: أحمد الشايقي
Date: 02-22-2018, 03:16 PM
Parent: #20
شكرا أخ محمد البشرى
كل ما كتبته صحيح
أمامنا الكثير لنصبح شعب قادر على الحياة وعلى حماية اراضيه وعلى استدامـة الرفاهيـة
أو على الأقل على استدامـة سيستـم ... للدولة ... بعد تدمير السيستم العدلي والاجتماعي والقانوني
والقانوني وفي مرافق ومقدرات البلاد وفي امكانية انتاجها لما يكفيها وفي قدر من التعليم
مربوط بمراكز البحث العلمي العالميـة
ود البشرى الإنجليز .. أدونا كتير شديد .. والكيزان دمروا كتير شديد مما أسسـه لنا الانجليز
والهنــد مثلاً وسنغافورة حافظوا على ما أسـسـه الانجليز وساروا في نفس الطريق نحو التقدم
شوف حالهم وشوف حالنا
مع الكيزان مش حتقدر تغمض عيونك ..
عندهم تفسير لكل شئ من خيالهم المريض ومن عباراتهم المزخرفـة .. ابتلاءات .. بشريات
تأصيل .. أقدار .. وربك سبحانه وتعالى فتح الطريق لاكتشاف ما بذله للعالمين من معارف
فتقدم أناس وتأخر اخرون ... يتبعون الهوى ... والهوى هو ما كتبه على شعبنا التنظيم العالمي
بعد كل هذا التدهــور .. هذا وقت المواقف الحقيقية .. وموقفك هذا يحمـد لك
أحمــد الشايقي
|
Post: #26
Title: Re: بالمناسبة .. العيشة بجنيه!
Author: محمد البشرى الخضر
Date: 04-11-2018, 11:39 AM
Parent: #25
الحمد لله تم اطلاق سراح المعتقلين الأعتقلوهم ايّام مسيرة الحزب الشيوعي ولاية الخرطوم الرافضة لاعلان الموازنة الجديدة التي رفع فيها الدعم عن القمح فبلغ سعر العيشة جنيه!
و ياريت يظل على هذا الجنيه !
|
Post: #27
Title: Re: بالمناسبة .. العيشة بجنيه!
Author: عبدالعظيم عثمان
Date: 04-11-2018, 05:12 PM
Parent: #26
للأسف هذه حقيقة مرة بطعم الحنظل
تعود الناس علي الضنك والضيق والتكيف مع المصائب
وأنشغل الناس بمطاردة أفعال السلطة دونما فعل جاد وأستراتيجي لتغيير هذا النظام
وتسهييل حياة أهل السودان
يوست في وقته وفي مكانه
شكرا ود البشري
|
Post: #28
Title: Re: بالمناسبة .. العيشة بجنيه!
Author: عمر دهب
Date: 04-11-2018, 05:54 PM
Parent: #27
منذ العام 90 نراهن ان الانقاذ لن تكمل العام و تستمر حكايتهم وبسهوله يتجاوزوا ازماتهم
والنظام الان اصبح صاحب تجربه فى القمع او فى استمراره فى الحكم . العيشه الان بجنيه واصبحت سعر ثابت تجاوزته الانقاذ
حتى ازمة سبتمبر كنا نعتبرها نهايه اكيده فيها الموت الاحمر لكن مر وتجاوزته ....الناس ديل ابالسه .
|
|