Post: #1
Title: الأخوان الأطباء بالمنبر يا جماعة كفوا الناس شر مرض جرثومة المعدة الطاحت في السودان
Author: Osman Musa
Date: 02-20-2018, 03:41 PM
Parent: #0
02:41 PM February, 20 2018 سودانيز اون لاين
Osman Musa-
مكتبتى
رابط مختصر
شوية توعية بس يا شباب . والله الناس قنعت من محركة وزارة الصحة . .
قال لي الشاكي : 90 في المية من السودانين ال داخل البلد أصبحوا مضروبين بي جرثومة أيليكو باكتير بيلوري .
وقال لي : الدكتور قالو القصة دي ممكن تعمل ليك هشاشة وثقب في جدار المعدة وممكن الموضوع يتطور لي
الموضوع التاني دأك .
|
Post: #2
Title: Re: الأخوان الأطباء بالمنبر يا جماعة كفوا الن
Author: Osman Musa
Date: 02-20-2018, 04:48 PM
Parent: #1
ضحكنا من سخرية الشاكي من مرضو . بعد ماقال . كان مدرس رياضيات
تخرج في معهد التربية شندي سنة 1960 و أشتغل في كل من الابيض و الفاشر و كسلا و ملكال
وعطبرة و الكتياب و دنقلا و اليمن و السعودية .
وكان نظيف و شاكي المنطلون و تريان و بي صحة و ماعندو أي عوجة الا بعد ما جاربو الزمن وأنقلب في ليل من
مدرس رياضيات لي سايق ركشة . من دأك اليوم وهو رأقد علي فد صفحة من شدة ألم المصيبة دي .
|
Post: #3
Title: Re: الأخوان الأطباء بالمنبر يا جماعة كفوا الن
Author: Osman Musa
Date: 02-21-2018, 00:26 AM
Parent: #2
وعلاج المصيبة دي ما بتهبش .
الحل شنو ؟
ومكافحة المصيبة دي كيف يا أطباء المنبر .
|
Post: #5
Title: Re: الأخوان الأطباء بالمنبر يا جماعة كفوا الن
Author: وليد زمبركس
Date: 02-21-2018, 01:27 AM
التحايا استاذ عثمان.لست طبيبا و لكن بحسب تجربتي فان جرثومة المعدة علاجها ليس صعب ، مضاد حيوي و لمدة طويلة سيكفي لعلاجها و اعتقد ان الدكتور كتب لي مضاد حيوي من مشتقات البنسلين.كما ان اليهكولوباكتر بايلوري منتشرة في مناطق كثيرة من العالم بما فيها دول اوروبية متقدمة ، و انت عارف الخواجة حاجة بتهدد عيالو و تحميهو المريسة دي لازم يلقي ليها حل
|
Post: #8
Title: Re: الأخوان الأطباء بالمنبر يا جماعة كفوا الن
Author: Osman Musa
Date: 02-21-2018, 04:52 PM
Parent: #5
أستاذ وليد سلام وأحترام وشكر علي التوضيح الكريم .
لكن بتاعتنا الطايحة في السودان أظنها من نوع اخر . دي تدفر ليك اي مضاد حيوي بعيد و تشب ليك في نص المعدة وترقد بي مزاج .
المضاد في السودان زاتو خشم بيوت في مضاد من بوركينا فاسو ومن جيبوتي . اختلط يا وليد حابل المضاض بي نابل الحرجل .
قالوا الجرجير المفروش في الأرض جوار بعر الحمير هو الجاب الجرثومة . مع مساعدة البلديات في الصهينة عن تنظيم طريقة البيع .
|
Post: #4
Title: Re: الأخوان الأطباء بالمنبر يا جماعة كفوا الن
Author: حسن حماد محمد
Date: 02-21-2018, 01:27 AM
Parent: #1
90 في المية من السودانين ال داخل البلد
عثمان اخوى كيف حالك
يعنى الشعب كلو ماعدا ناس الحكومة ولا شنو؟
عفيتك من الاجابة
|
Post: #6
Title: Re: الأخوان الأطباء بالمنبر يا جماعة كفوا الن
Author: Hani Arabi Mohamed
Date: 02-21-2018, 01:45 AM
Parent: #1
الغاء الحزام الاخضر ، ثم صب مياه محطة الصرف الصحي بالشجرة في النيل الأبيض مباشرة بدلاً من إرسالها لري الحزام الأخضر ،،،
مع العلم بأنّ محطة الشجرة تنقصها مرحلة تنقية كاملة
وتقع هذه المحطة 7 كيلومترات فقط جنوب محطة مياه المقرن التي تسقي العاصمة الخرطوم وجزءاً مقدراً من أم درمان.
========================
هنالك ايضاً فندق مشهور بالخرطوم يلقي جزءاً مقدراً من مياهه المعالجة مباشرة في النيل الأزرق
وهذا الفندق أيضاً قريب جداً من محطة مياه المقرن نفسها ....
========================
داخلية بنات كبيرة جداً توجد جنوب محطة مياه بيت المال في أمدرمان أيضاً تساهم بجزء مقدر من صرفها الصحي في النيل مباشرة
========================
استخدام "السايفونات" في منازل كثيرة في العاصمة المثلثة أدى إلى اختلاط مياه الصرف الصحي بالمياه الجوفية
========================
غيض من فيض
========================
لست مختصاً .... أترك الحديث والتحليل للمختصين
|
Post: #7
Title: Re: الأخوان الأطباء بالمنبر يا جماعة كفوا الن
Author: امتثال عبدالله
Date: 02-21-2018, 02:01 AM
Parent: #6
يا ربي ناس الحكومة عارفين بالمعلومات الكتبها تاني عربي؟؟؟
اذا كانوا عارفين فهذه مصيبة واذا كانوا ما عارفين فإن المصيبة أعظم...
يا الله هونيني!!
ارخص شئ في السودان روح الإنسان...
مع وافر التقدير
|
Post: #9
Title: Re: الأخوان الأطباء بالمنبر يا جماعة كفوا الن
Author: Arif Nashed
Date: 02-21-2018, 05:12 PM
Parent: #7
الاخ Osman Musa...تحياتي
عانت ابنتي من هذه الجرثومة فترة طويلة جدا لم نترك دواء لم نستخدمه وكما تفضل الاخ وليد العلاج بياخد فترة طويلة والحمد لله شفيت اخيرا منه واكد لنا الاطباء بان هذا المرض قد يتحول للمرض داك ...
|
Post: #10
Title: Re: الأخوان الأطباء بالمنبر يا جماعة كفوا الن
Author: nour tawir
Date: 02-21-2018, 05:28 PM
Parent: #9
الآخ الفاضل عثمان موسى...
شوية توعية بس يا شباب . والله الناس قنعت من محركة وزارة الصحة . .
قال لي الشاكي : 90 في المية من السودانين ال داخل البلد أصبحوا مضروبين بي جرثومة أيليكو باكتير بيلوري .
وقال لي : الدكتور قالو القصة دي ممكن تعمل ليك هشاشة وثقب في جدار المعدة وممكن الموضوع يتطور لي
الموضوع التاني دأك .
...
ابنى حاصل على الزمالة البريطانية فى هندسة المياه فى بريطانيا..
والشركة التى يعمل فيها field director فى كمبريدج..
تطلب الحكومة السودانية منها خبراء لتعلية خزانات المياه و تنقيه المياه فى السودان..
لانه و على حسب الحكومة الصينيون يأخذون مبالغ مهولة ثم لا يجيدون عملهم..
و بذلك يذهب ابنى الى السودان كخبير اجنبى...
و يقول ابنى أن مياه الصرف الصحى فى العاصمة مخلوطة بمياه الشرب..
و لا يوجد حل للمشكلة الصحية الناتجة عن هذا الوضع..
ألا بفك العلاقة بين مياه الصرف الصحى و مياه الشرب..
و من رايى الخاص ايضا..
ان الاغذية فى السودان ملوثه بشكل كبير..
و هى التى تساهم فى انتشار الامراض المعوية فى العاصمة وفى اجزاء كثيرة من السودان..
الحل كل الحل بتحسين البيئة العامة للمواطنيين..
ماء و غذاء...
|
Post: #11
Title: Re: الأخوان الأطباء بالمنبر يا جماعة كفوا الن
Author: عثمان الأمام
Date: 02-22-2018, 08:47 AM
Parent: #10
سلامات عثمان وزواره
لا تشغل بالك كتير بجرثومة المعدة أو الهليكوباكتر أكتر من نصف سكان العالم عندهم جرثومة المعدة
وفي مراجع تانية بتقول ثلثين سكان العالم مصابين بها ومن المصابين بيها ديل فقط 10 % بتظهر ليهم
أعراض قد تتفاوت من الام المعدة الخفيفة الى قرحة المعدة .
الوقاية منها صعبة وعلاجها بسيط جدا" !!
حتى الآن الطريقة الفعلية لانتقال العدوى ما إتأكدت وتظل فرضية المياه والطعام الملوث والعدوى من آخرين
بواسطة الزحام هي السائدة عشان كده في دولة زي السودان لسه الناس بتشرب بي كوز واحد ومن اي سبيل
والزحمة في المواصلات والمكاتب والمدارس صعب تفادي كل هذه الظروف .
وحتى لو عملت فحص وطلعت مصاب بها لا تحتاج لعلاج بدون أعراض !
السبب الرئيسي ( إعتقادي الشخصي) لإنتشار (وهم جرثومة المعدة) هو الربح المالي الوفير الذي توفره هذه
الجرثومة للمستشفيات والمعامل والصيدليات الخاصة !! تحليل لجرثومة المعدة بالشئ الفلاني وقد يتبعه منظار
وأخذ عينة وأخصائي جهاز هضمي وعلاجات غالية من اجل ماذا ؟؟ من اجل جرثومة موجودة عند نفرين من كل تلاتة انفار !!
لو الواحد ما عندو اعراض واضحة من الام معدة واستفراغ وطمام أو قرحة نتيجة للهيلكو باكتر مافي داعي للتعب والجرجرة الكل شهر دي
تحياتي ,,
|
|