حتى لا ننسى ... او كمال قالها الكاشف و السر قدور ...
رض الخير (افريقيا) مكاني زمن النور والعزة زماني أرض جدودي جباههم عالية مواكب ما بتتراجع تاني اقيف قدامها واقول للدنيا انا سوداني ................................................ أنا بلدي .. بلد الخير والطيبة فيها خزاين .. فيها جناين عيون ونجوم بالخير بتعاين قمره بيضوي ما بغيب ابدا دايما باين نوره بيسقي ليالي حبيبة عليها بغني واقول للدنيا انا سوداني ............................................... شمسك طلعت وأشرق نورها بقت شمسين شمس العزة ونورها الاكبر هلت شامخة زي تاريخي قوية وراسخة ملت الدنيا وخيرنا بيكبر شمس ايماني باوطاني ده الخلاني اقول للدنيا أنا سوداني
Post: #2 Title: Re: أنا إفريقي أنا سوداني .. أرض الخير (افريقيا Author: وضاحة Date: 02-19-2018, 06:44 PM Parent: #1
يحي مشتااقون يعني ناس نار المنقد ديل تعبانين معاكم ساي 😂 كندي بالانتساب غايتوا انت لو فحصت ال DNA بتطلع شنقيطي زينا لأنك لونك حلبي خخخخ علي حسب فهم مربط الحمار يا يكون عندك عرق بالخواجات ديل زي انا عندي جدة استكلندية عيونا خضر ما بعرف المها شنو مع الشناقيط والهوساء علي حسب كلام مربط الحمار المهوس😆
Post: #3 Title: Re: أنا إفريقي أنا سوداني .. أرض الخير (افريقيا Author: يحي قباني Date: 02-20-2018, 04:21 AM Parent: #2
تعرفي يا حبيبة ...
انحنا افريقيتنا دي هي الباقية لينا ...
اعاين لي روحي في المرايا و اشوف انفي العريض ... أقول هو ده ...
فشنو قصة عروبة و حكي فاضي ده كله وهم ...
كلما أتذكر الكوز مهدي إبراهيم ... و هو صاحب الملامح الافريقية الواضحة و الانف العريض
قال يا وضاحة انو ناس جون قرنق دايرين يطمسوا هويتنا العربية ...
من قال الكلام ده في الانتخابات الجات بعد الانتفاضة ... عرفت انو نحنا رحنا وطي ...
Post: #4 Title: Re: أنا إفريقي أنا سوداني .. أرض الخير (افريقيا Author: عزالدين عباس الفحل Date: 02-20-2018, 05:26 AM Parent: #3
يحي قباني
سلام الحبيب قبة ي خي الأستاذ مهدي إبراهيم ، دا ملك من الملائكة ، راجل قمة الفهم و الأخلاق الحميدة ، أذكر أنني قابلته ذات مرة ، في مكة المكرمة ، السعودية ، في فندق الشهداء ، بجوار الحرم المكي الشريف ، تحدثت معه الساعات الطوال ، حديثاً شيقاً طيباً مباركاً بصدق الأستاذ مهدي إبراهيم ، رجل قامة ، رفيع المستوي ، و نحن عرب ، و جدنا العباس ، ،،،،
عزالدين عباس الفحل ابوظبي
Post: #5 Title: Re: أنا إفريقي أنا سوداني .. أرض الخير (افريقيا Author: MOHAMMED ELSHEIKH Date: 02-20-2018, 05:45 AM Parent: #4
زي انا عندي جدة استكلندية عيونا خضر
----------------------------------------
اها نحن قبيلتنا اسمها " السكوتاب" والله صحي. يعني: الscottish
ما ينط زول يقول لي السكوت والمحس والكلام الفاضي دا
Post: #6 Title: Re: أنا إفريقي أنا سوداني .. أرض الخير (افريقيا Author: MOHAMMED ELSHEIKH Date: 02-20-2018, 05:46 AM Parent: #5
معليش ما قلنا سلام من الزعل والغبينة الجينية
Post: #7 Title: Re: أنا إفريقي أنا سوداني .. أرض الخير (افريقيا Author: Biraima M Adam Date: 02-20-2018, 05:56 AM Parent: #6
حبيبنا يحيي قباني ..
سلام .. في ناس لما زنقناهم .. رموا سيرة الرسول ومرقوها في أم جشراً عراض ..
أنت زول ود بلد لا تسأل عن عرق ..
بريمة
Post: #8 Title: Re: أنا إفريقي أنا سوداني .. أرض الخير (افريقيا Author: Hassan Farah Date: 02-20-2018, 06:18 AM Parent: #1
اها نحن قبيلتنا اسمها " السكوتاب" والله صحي. يعني: الscottish
ما ينط زول يقول لي السكوت والمحس والكلام الفاضي دا -------------------------------------------------------------------------------- محمد الشيخ قبيلتكم السكوتاب دى مش هى السكنت منطقة القوز الحالية فى ابوحمد رفقة اولاد عمكم الريشاب ثم انضم اليكم الفادنية بعد اقامة مشروع الشيخ بابكر الاحمر