Post: #1 Title: دي صور و حوارات قديمة اجريتها مع الحاجة سيدة المقصودة في أغنية سيدة وجمالها فريد Author: Osman Musa Date: 02-17-2018, 08:23 AM
07:23 AM February, 17 2018 سودانيز اون لاين Osman Musa- مكتبتى رابط مختصر دي ونسات وحوارات متقطعة وطويلة وقديمة تتخللها صور السيدة سيدة . المقصودة في اغنية سيدة وجمالها فريد . والحاجة سيدة هي حبوبة الاخ العزيز مزمل ابراهيم لندن . الحسناء الحاجة سيدة من مواليد بيت المال 1914 وتوفيت عليها الرحمة في عام 1995 .
Post: #2 Title: Re: دي صور و حوارات قديمة اجريتها مع الحاجة Author: Osman Musa Date: 02-17-2018, 11:38 AM Parent: #1
** سيدة وجمالها فريد **
*-----------------------*
سيدة وجمالها فريد خلقوها زي ( ماتريد) في خديدها وضعوا الريد يامن جمالها فريد أنا قلبي ليكي مريد شايقني فيك تحريد قامة وحذوذ في وريد قط مابراه نريد حسنك ووصفه عديد يامنتهى التحديد دي مراية ولاخديد ياجاهلة الله شهيد بتميلي من الهيد والفي صديره فرهيد رمان دا ولا نهيد ياناعس عيون الصيد قاتله وحداها فصيد يلمع في ضوه تصيد قلبي البقالها قصيد أنا لي فيك نشيد بدور صفاك مشيد يوزن ملك جمشيد الفي زمانه رشيد مابهم كلام ناس زيد وال الهلالي أب زيد ياحبي أنت تزيد بالله زيدني وأزيد حبي ... بطل التهديد وحد للهجر تحديد أنا عظمي ماهو حديد بس ليه تهجري شديد هل دا إحتفال أم عيد أم جنه غير وعيد دنا فيها كل بعيد للسيوح أهله سعيد يالسيوح تأكيد عزك عزيز ماركيد فلتحيا دون تنكيد ياللحسود بتكي
Post: #3 Title: Re: دي صور و حوارات قديمة اجريتها مع الحاجة Author: Asim Fageary Date: 02-17-2018, 11:41 AM Parent: #2
فلتحيا دون تنكيد ياللحسود بتكيد
Post: #4 Title: Re: دي صور و حوارات قديمة اجريتها مع الحاجة Author: Osman Musa Date: 02-17-2018, 11:54 AM Parent: #3
بعد الغيبة الطويلة في المهاجر كان لابد من الوقوف في قبر الحاجة سيدة والترحم عليها وتعزية الاخوان عبدالله وهويدا والاسرة في الحوش الكبير ومحاولة أخراج نتف الكتابات والحوارات القديمة مع من أشعلت الغناء في البلاد
Post: #5 Title: Re: دي صور و حوارات قديمة اجريتها مع الحاجة Author: Osman Musa Date: 02-17-2018, 01:28 PM Parent: #4
بين سنة 1985 و سنة 1994 جلسنا مع السيدة جلسات طويلة و متقطعة كانت جلسات ظريفة . يتخلل الونسة شاي بنتها حاجة النعمة عليها الرحمة الشاي بالحرجل والمحريب . والسيدة سيدة عليها الرحمة كانت زولة أسمارت حد الذكاء ما يقيف . ذاكرة حديدية و حضور وثقافة مرتبة وأدب دال علي تربية و مدنية أمدرمانية أصيلة .
Post: #6 Title: Re: دي صور و حوارات قديمة اجريتها مع الحاجة Author: Osman Musa Date: 02-17-2018, 04:55 PM Parent: #5
تحكي الحاجة سيدة حكايات شيقة عن ديك الزمانات الطاعمة زي ما بتقول . قالت : أمها تركية بنت تاجر تركي من أتراك أمدرمان وأبوها كنزي وزوجها هو الحاج حسن عبجالحليم خيري من المحس السكراب . وتقول ضاحكة جياتك دي و كلامك بطريني الزمن السمح وافرح زمان .
Post: #7 Title: Re: دي صور و حوارات قديمة اجريتها مع الحاجة Author: Kamal Karrar Date: 02-18-2018, 09:05 AM Parent: #6
الأخ/ عثمان موسى تحية طيبة..
عن نفسي منتظر مواصلة السرد لتغسل عني الحزن.. تحملني ترجعني إلى عيون أدب الغناء السوداني
Post: #8 Title: Re: دي صور و حوارات قديمة اجريتها مع الحاجة Author: Asim Fageary Date: 02-18-2018, 09:11 AM Parent: #7
تحكي الحاجة سيدة حكايات شيقة عن ديك الزمانات الطاعمة زي ما بتقول . قالت : أمها تركية بنت تاجر تركي من أتراك أمدرمان وأبوها كنزي وزوجها هو الحاج حسن عبجالحليم خيري من المحس السكراب . وتقول ضاحكة جياتك دي و كلامك بطريني الزمن السمح وافرح زمان .
غايتو أي زول سمح لو ما قال عنده عرق محسي ... ما بنصدققو !!
Post: #9 Title: Re: دي صور و حوارات قديمة اجريتها مع الحاجة Author: علي عبدالوهاب عثمان Date: 02-18-2018, 09:29 AM Parent: #8
الحبيب عثمان .. مع التحية ،، طولت الغياب .. كمان سيدة دي بقت من إنيدنا شوقتنا زيادة للمتابعة .. في إنتظار توثيق قصة حبوبتنا سيدة
مودتي الحبيب عثمان .. في الانتظار
Post: #14 Title: Re: دي صور و حوارات قديمة اجريتها مع الحاجة Author: Osman Musa Date: 02-18-2018, 09:53 PM Parent: #9
الأخ العزيز أستاذ علي عبدالوهاب سلامات نعم أكيد عندكم معاها لحمة . سيدة المولودة سنة 1914 كانت نجمة حسان المحافل في المدينة بين سنة 1932 و ما بعدها . ح يطول عنها الحكي و ح تتمدد السيرة . ورسلت الصور لي وأحد من زملا المنبر عشان يختها انشاء الله . تحياتي وشكري
Post: #28 Title: Re: دي صور و حوارات قديمة اجريتها مع الحاجة Author: Osman Musa Date: 02-22-2018, 02:12 PM Parent: #9
الأخ العزيز علي عبدالوهاب سلامات وخليك معانا بي جاي في حوش سيدة . الموضوع طويل وسيدة هي سيدة الأغنية الاصلية متفي كلام تحياتي
Post: #10 Title: Re: دي صور و حوارات قديمة اجريتها مع الحاجة Author: علاء سيداحمد Date: 02-18-2018, 09:33 AM Parent: #8
اخونا عثمان موسى لك التحية يا جميل الدواخل لك التحية وانت تنثر قيم الحسن والجمال على سـوح حوش بكرى .
وهنا الاغنية بصوت الكروان عبيد الطيب :
Post: #11 Title: Re: دي صور و حوارات قديمة اجريتها مع الحاجة Author: Abureesh Date: 02-18-2018, 11:41 AM Parent: #10
"غايتو أي زول سمح لو ما قال عنده عرق محسي ... ما بنصدققو !!"
أنا زاتى
Post: #20 Title: Re: دي صور و حوارات قديمة اجريتها مع الحاجة Author: Osman Musa Date: 02-20-2018, 01:59 PM Parent: #11
الأخ محمد عثمان مرحب . تحياتي
Post: #17 Title: Re: دي صور و حوارات قديمة اجريتها مع الحاجة Author: Osman Musa Date: 02-20-2018, 01:49 AM Parent: #10
عزيزنا أستاذ علاء سلامات وألف ألف شكر علي نقل الأغنية بصوت العملاق العبيد . اكرر الشكر وخليك قريب يا عزيز
Post: #13 Title: Re: دي صور و حوارات قديمة اجريتها مع الحاجة Author: Osman Musa Date: 02-18-2018, 07:24 PM Parent: #7
الاخ العزيز كمال جرار سلامات الحسناء الحاجة سيدة عليها الرحمة كانت فايقة الطيبة والحضور و الجمال حتي وهي فوق ال 80 من العمر . تستقبلك واقفة و تودعك لخشم الحوش بي ديك الهمة الامدرمانية المتاصلة . الشاعر سيد عبدالعزيز ما كتب الكلام داك ساكت . دي كلها كانت جقايق . و صور قليلة رسمها من الصور العديدة الفيها . تحياتي
Post: #31 Title: Re: دي صور و حوارات قديمة اجريتها مع الحاجة Author: Osman Musa Date: 02-28-2018, 02:58 AM Parent: #5
تحية خاصة للأخوان مزمل وعمر أبناء بيت المال بلندن لمتابعة البوست والتذكير
Post: #12 Title: Re: دي صور و حوارات قديمة اجريتها مع الحاجة Author: Osman Musa Date: 02-18-2018, 05:23 PM Parent: #3
الأخ العزيز فقيري سلامات ح اجيك لي وصف شاعرنا العتيد ورسم لوحتة في الفريدة السيدة سيدة . تحياتي
Post: #15 Title: Re: دي صور و حوارات قديمة اجريتها مع الحاجة Author: Osman Musa Date: 02-19-2018, 02:06 PM Parent: #12
عن قصة القصيدة تقول : مشيت لي مناسبة زواج في حلتنا مع بنات حوشنا الكبير . ولما رقصت هاج وماج الشباب . وبي سرعة قامت شكلة . وزوجي في الليل داك عرف الحاصل و جمعنا بنات حوشنا كلنا وحلف علينا و حجر علينا مشي الافراح . أنا رضيت بي كلامو عشان المحبة والاحترام البيناتنا . كان رجل طيب وصارم وصعب زي أهل ديك الزمانات الحبيبة .
Post: #16 Title: Re: دي صور و حوارات قديمة اجريتها مع الحاجة Author: Osman Musa Date: 02-19-2018, 08:50 PM Parent: #15
لعدم معرفتي بكيفية وضع الصور ح احاول أرسال الصورة لزميل في المنبر عشان يضعها في البوست . انشاءالله
Post: #18 Title: Re: دي صور و حوارات قديمة اجريتها مع الحاجة Author: muntasir Date: 02-20-2018, 02:05 AM Parent: #16
رسل معاها باقي الصور الطالبينك ليها
Post: #19 Title: Re: دي صور و حوارات قديمة اجريتها مع الحاجة Author: امتثال عبدالله Date: 02-20-2018, 02:24 AM Parent: #18
متابعة لصيقة .... شكرا عثمان ... يا عاصم أميرة بت السيد بتقول ليك كلك فهم وذوق
Post: #21 Title: Re: دي صور و حوارات قديمة اجريتها مع الحاجة Author: Asim Fageary Date: 02-20-2018, 02:07 PM Parent: #19
متابعة لصيقة .... شكرا عثمان ... يا عاصم أميرة بت السيد بتقول ليك كلك فهم وذوق
يا امتثال انتي وأميرة كل الفهم والذوق
Post: #26 Title: Re: دي صور و حوارات قديمة اجريتها مع الحاجة Author: Osman Musa Date: 02-21-2018, 12:49 PM Parent: #19
بتنا أمتثال سلام وألف شكر علي المرور الجميل . تحياتي
Post: #22 Title: Re: دي صور و حوارات قديمة اجريتها مع الحاجة Author: Osman Musa Date: 02-20-2018, 06:42 PM Parent: #18
الأخ منتصر سلام وخليك قريب .
Post: #23 Title: Re: دي صور و حوارات قديمة اجريتها مع الحاجة Author: عبدالعزيز الفاضلابى Date: 02-21-2018, 00:26 AM Parent: #22
عثمان ياخوى حمارى غُلُب ,, قدر ما سchيت ولـchيت فيها ما عرفتلا وترة قدر ما اعاين لـ شاهده قبل نشره تراها تجينى كدى
Post: #24 Title: Re: دي صور و حوارات قديمة اجريتها مع الحاجة Author: معاوية المدير Date: 02-21-2018, 03:00 AM Parent: #23
Post: #25 Title: Re: دي صور و حوارات قديمة اجريتها مع الحاجة Author: خالد العبيد Date: 02-21-2018, 03:42 AM Parent: #24
سلام عزيزي عثمان في هذا المقطع من القصيدة : سيدة وجمالها فريد خلقوها زي ( ماتريد)
هنالك رواية أخرى وتقرأ : سيدة وجمالها فريد خلقوها زي ماتريت وماتريت يقال انها فتاة قبطية فائة الجمال
والله اعلم
Post: #27 Title: Re: دي صور و حوارات قديمة اجريتها مع الحاجة Author: محمد المرتضى حامد Date: 02-21-2018, 09:10 PM Parent: #25
عثمان .. عاين .. في واحد قبل كدا كتب (هل يعلم ابناء الجيل الحالي ان سيدة وجمالها فريد هي إبنة الخليفة الحسن ابو العائلة وقد كتب فيها الشاعر الكبير سيد عبد العزيز عند مولدها تهنئة لصديقه والدها .. ما حير عقول الناس وخلب البابهم ، إذ كيف يقول سيدة وجمالها فريد خلقوها زى ماتريد وكأنهم قد فهموا ان تلك الصبية ارادت أن تُخلق كما تشاء.. والحقيقة ان سيد بثقافته الواسعة عنى الأنسة ما تريد ملكة الجمال الأوربية وقتها ! )
ولكني لا أظنه كلاما صحيحا إذا ما نظرنا إلي الصور المصاحبه سيما الصورة آعلاه لأني التقيت في صباي بسيد عبدالعزيز في أحد بيوت جدنا يوسف صالح خالد بالمسالمه بحيث لا تصح رواية أنه - أي سيد - كتبها هدية لوالدها عند ميلادها.. مسألة السن تنفي ذلك. الغريبه يا عثمان سمعت الكثيرين يّدعون أن الأغنيه كتبت في سيده من سيداتهم - أي واحدة من أقربائهم تسمى سيده - لاغرو أنه كان إسما متداولا و (موضه) في الأربعينيات.. وكل يدعي أنها هي التي تشبه (ماتريد) التي وردت في الأغنيه علي أنها يونانيه (توقِّف الحركه) وإشارات المرور معها.. ومما لاشك فيه أن عزيزنا د. أحمد القرشي عبدالرحمن ، كبير سدنة الحقيبه ، له رأي في مقال كل منا وليته يأتينا كجهينة ليقطع قول كل خطيب.
Post: #36 Title: Re: دي صور و حوارات قديمة اجريتها مع الحاجة Author: Osman Musa Date: 03-05-2018, 02:43 PM Parent: #27
عزيزنا أستاذ محمد المرتضي سلامات وألف شكر علي درع الصورة المرسومة للسيدة سيدة في نهاية السبعينات . والله يا أخ محمد مافي أي شك في أنو سيدة هي سيدة المعنية بالقصيدة . و أذكر تصوير سيدة للأيام و الحكايات الشيقة البتحكيها عن دأك الزمن البديع . .. حكايات ما بتدي أي أنسان فرصة في عدم التصديق . أذكر زي ما بحكي لي استاذ مزمل أبن بنتها الكبيرة . أنو كتير من الصور وحبوبة في شبابها ضاعت أو أحتفظ بها بعض الأهل في بيت المال لجمالها . وأذكر حديث عمنا مادح الرسول عليه الصلاة والسلام و الباحث الكبير في تاريخ المديح و الشعر عمنا قدور .. قدور وألد الأستاذ السر قدور عن الأغنية وعن صاحبة الأغنية سيدة بنت المترجم حسناء بيت المال المبهرة . وأرجو أن أتحصل علي تسجيل للأخوان أحفاد الحاجة سيدة الأخوان مزمل أبراهيم بلندن و المهندس مدثر أبراهيم بمسقط و حفيدات الحسناء سيدة بالولايات المتحدة الأمريكية و أمدرمان و شمال السودان و قرية النوبة بالجزيرة . والأخوان الفنانين عيال بيت المال بلدن
... ألف شكر أخي أستاذ محمد المرتضي الحاضر دايما في ملمات الجمال والشدة . ألف تحية ليك يا مك . وأرجو أن نسمع من الأخوان دكاترة الكلام المنضوم و الألحان الأخوان أحمد القرشي و أحمد طراوه . و جميع الملمين بتاريخ حي بيت المال الجميل .
Post: #34 Title: Re: دي صور و حوارات قديمة اجريتها مع الحاجة Author: Osman Musa Date: 02-28-2018, 07:03 PM Parent: #25
قريبنا أستاذ خالد العبيد سلامات سيدة هي صاحبة القصيدة وحقيقة حسب حكايات ناس بيت المال كانت في ديك الأيام أجمل من أي خواجية . أنا والله جلست معاها سنين طويلة و ساعات عديدة عليها الرحمة . بس ضاعت الكثير من صور السيدة بي سبب طول الزمن وعدم أهتمام الناس زمان بالتوثيق . تحياتي أخي خالد
Post: #35 Title: Re: دي صور و حوارات قديمة اجريتها مع الحاجة Author: Osman Musa Date: 03-04-2018, 01:29 AM Parent: #24
عزيزنا معاوية المدير سلامات وألف شكر يا أخي علي درع سيدة الحسن السيدة وجمالها فريد . بت المترجم
Post: #29 Title: Re: دي صور و حوارات قديمة اجريتها مع الحاجة Author: Osman Musa Date: 02-23-2018, 01:41 AM Parent: #23
عزيزنا أستاذ الفاضلابي سلامات وشكر الله المساعي الجميلة في سبيل نقل صور الجميلة سيدة . تحياتي
Post: #30 Title: Re: دي صور و حوارات قديمة اجريتها مع الحاجة Author: Osman Musa Date: 02-24-2018, 01:24 PM Parent: #1
نتابع
Post: #32 Title: Re: دي صور و حوارات قديمة اجريتها مع الحاجة Author: MOHAMMED ELSHEIKH Date: 02-28-2018, 07:32 AM Parent: #30
يا ود المدير الصورة دي تكون ل:
المتنا وبالعيون جننتنا ... سيدة
وهي سيدة حقتنا نحن اهل الباوقة وما جاورها وقد شدا بها الفنان عبد الكريم الحوري
Post: #33 Title: Re: دي صور و حوارات قديمة اجريتها مع الحاجة Author: محمد علي البصير Date: 02-28-2018, 10:51 AM Parent: #32
ـ سلام عزيزي عثمان في هذا المقطع من القصيدة : سيدة وجمالها فريد خلقوها زي ( ماتريد)
هنالك رواية أخرى وتقرأ : سيدة وجمالها فريد خلقوها زي ماتريت وماتريت يقال انها فتاة قبطية فائة الجمال
والله اعلم
لك التحية الأخ خالد العبيد والأخ عثمان موسى صاحب البوست
سمعت هذه الرواية من شقيقي الأكبر وهو من المولعين بفن الحقيبة ــ ولكن مع إختلاف طفيف بأن ماتريت هى ملكة جمال اسبانيا في ذلك العهد وليس فتاة قبطية
وأضاف لها رواية أخرى أن سيد عبد العزيز شاعر القصيدة كان في زيارة لمصر في معية عدد من الشعراء ـ وكانوا يوما في ضيافة طه حسين وطلب أن يقراء عليه شعراء السودان أنتاجهم الشعري فلما شرع سيد عبد العزيز في قراءة نص هذه القصيدة ، أستوقفه طه حسين بشئ من الإستنكار والدهشة :
كيف يعني خلقوها زي ما تريد ؟
فرد عليه سيد عبد العزيز ـ خلقوها زي ما تريت وليست ما تريد
و اردف سيد عبد العزيز ـ ما تريت دي ملكة جمال اسبانيا مسكين أهلك ما علموك
وهنا طبعاً شقيقي زود المحلبية وأداها كوز بالفقرة الأخيرة دي ـ
