المالية: السودان خارج دائرة الفقر و”1600″ دولار دخل الفرد

08:44 AM February, 16 2018

سودانيز اون لاين
Hassan Farah-جمهورية استونيا
مكتبتى
رابط مختصر

02-15-2018 11:56 AM


قال مكي محمد عبد الرحيم، مدير السياسات والتخطيط بوزارة المالية، أمس الأربعاء، إن البنك الدولي يعتبر السودان خارج دائرة الفقر، مشيرا إلى أن دخل الفرد السنوي يزيد عن (1600) دولار. وطالب مكي بعدم إطلاق تهم الفساد على الأشخاص دون دليل. وتابع أثناء حديثه في منبر للاتحاد العام للطلاب السودانيين: “الحديث عن الفساد كلام أهالي، وإطلاقه على شخص يعتبر مدمراً”. وأشار إلى أن تجاوز الأزمة الاقتصادية مرهون بزيادة الإنتاج الذي قال إنه ليس من اختصاص الدولة وإنما القطاع الخاص، وإن الحكومة مهمتها تهيئة أجواء السياسات الإنتاجية. من جهته، دعا وزير الاستثمار السابق، مدثر عبد الغني، الحكومة لمراقبة الأسواق بعد الهلع والجشع الذي انتظم الأسواق مؤخرا بجهل من المنتجين، حسب قوله. في الوقت نفسه أبدى الأمين العام للاتحاد العام للطلاب السودانيين حسب الرسول الطاهر استعداد الاتحاد لدرء آثار الاقتصاد والتكفل بشريحة الطلاب عبر مشروع مظلة الحماية الاجتماعية التي يرعاها الاتحاد في دعم الطلاب، لحمايتهم من الآثار الناتجة عن هذه المعالجات، بما يحافظ على سعر الوجبة داخل الجامعات والمجمعات السكنية والمدارس.
التعليقات
#1743179 [احمد القاسم]
0.00/5 (0 صوت)

02-15-2018 09:48 PM
** نحنا الشعب .. الفضل .. ناس مساكين .. هلهلي ساي .. ما بنعرف حاجة .. غنم الله
تاكل في برسيمه .. نحنا الاهالي ديل عارفين .. ما عندنا كلمة .. ناهيك شهادة ..
** اها يا اخونا القريب وزير .. رأيك شنو في تقارير ( المراجع العام ) حقكم انتم ..
السادة .. حلالكم و بلالكم .. و ليس الاهالي المقطعين ديل .. و كمان كتابة ..
.. و ليس كلاما .و كلها مودعة .. في مجلس النيام نيام .. ونوابه الذين لا يعرفون
غير ( التبصيم ثم التصفيق ) .
** الفساد محمي حماية كاملة .. بالسلطة و السلطان ..فضيحة مكتب الوالي سابقا ..
اما شاهد العين الاكبر .. بالله متع ناظريك .. فقط .. بحوش بانقا .. في كافوري ..
و كمل نومك .. و لا تجهد عقلك .. ولا تتعب ضميرك.. فالسؤال .. اجابته عندك صعبة ..
بل ملولوة .. ونحنا اهالي ساكت .. وما بنفهم كلام السادة الكبار .
** كوريا الشمالية .. موقفة .. العالم كله على قنقرة ضنبه .. و السودان كخيرات ..
احسن و اغنى منها بمليون مرة .. ولكن الفساد .. والكذب و النفاق ..اشياء طاردة
للبركة .. و الدليل الوضع الذي نعيشه الان ز



#1743165 [البخاري]
0.00/5 (0 صوت)

02-15-2018 09:21 PM
بسم الله الرحمن الرحيم (يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ) صدق الله العظيم.

بسم الله الرحمن الرحيم (وَقَالُوا لِجُلُودِهِمْ لِمَ شَهِدتُّمْ عَلَيْنَا ۖ قَالُوا أَنطَقَنَا اللَّهُ الَّذِي أَنطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ).

بسم الله الرحمن الرحيم (وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِن كُلِّ مَثَلٍ ۚ وَكَانَ الْإِنسَانُ أَكْثَرَ شَيْءٍ جَدَلًا)

قل ماشئت من الكذب الصريح البواح وافترِ على الله والعباد يا مكي، ومكة وحرمها منك براء يا ظالم العباد.

قل ماشئت فاليوم عمل ولا حساب، وغداً حساب ولاعمل، يوم تدخل الشبر ويلفوك بالدمور.

ناس مخدوعة ومخلوعة وغاراها أم بناياً قش.



#1743113 [ابجاكومه]
0.00/5 (0 صوت)

02-15-2018 06:05 PM
ما في قلة أدب اكتر من كدا
خلينا نقارن متر الأرض في ضواحي الخرطوم أو ايجار بست متوسط بكم
لعنة الله على الكاذبين



#1743057 [خالبوش]
5.00/5 (1 صوت)

02-15-2018 02:46 PM
"الفرد" بالنسبة للبشير وعصابتو هو من ينتمي إلى عصابة البشير وغيره من "العبيد" للحكومة ولا تقييم له إلا كدافع ضرائب وإن مات بالجوع وهذا يفسر ضخامة راتب الفرد في السودان بالمقارنة مع الجوع المستشري في البلد! وجب التنويه حتى لا تقول دول الجوار فلماذا كل هذا الجوع في السودان وراتب "الفرد" ضخم كده؟



#1743052 [ودالنيل]
5.00/5 (1 صوت)

02-15-2018 02:31 PM
يا (زول) انت لا تحترم نفسك ولا الشعب ولا عقول من تخاطبهم لا حول ولا قوة الا بلله

دي العينة الضيعت السودان



#1743047 [الكوز]
5.00/5 (1 صوت)

02-15-2018 02:10 PM
“الحديث عن الفساد كلام أهالي

الأهالي ديل هم أسياد الوطن وأهل للشرف والطهارة يا ساقط
لو كان لك أهل تفتخر بهم وأحسنوا تربيتك لما تعرّضت للأهالي
انت أهلك هم الكيزان الربوك وشبعوك بكل السوء وعلموك الل..!



#1743040 [Osman Mohamed Hassan]
5.00/5 (1 صوت)

02-15-2018 01:42 PM
قال دخل الفرد السوداني 1600 دولار في السنة، يعني حوالي 5 مليون في الشهر!!
أكيد حسبوها بقروشنا العند حرامية الانقاذ و قسموها ( افتراضياً) على عدد سكان السودان!



#1743034 [المستعين بالله]
5.00/5 (1 صوت)

02-15-2018 01:33 PM
المصيبة انك لا تعرف كيف تكذب فتتحدث كان الطرف الآخر أطرش إذا تقارير المراجع العام ليس دليل والعمارات التي تشطب في شهر ليس دليل وكلام الرئيس سوف نحارب الفساد فما هو دليله والدولة ليس مسؤولة عن الإنتاج بل السياسات هذا الكلام لو قاله طالب أساس لقبلناه ولكن الطلبه الذين حضروا ويريدون دعم وجبة الطلاب أليس دليل على الفقر .هذا هو الهروب إلى أعلى



#1743029 [محمد]
5.00/5 (1 صوت)

02-15-2018 01:27 PM
يا ابن ***** لينا 3 سنين بناكل عدس و شاي بي رغيف عايشين عليه 3 سنوات منتظرين الضائقة الاقتصادية تفرج و تجي انت و بكل بجاحة تقول دخل الفرد الواحد 1600 دولار انت متخلف و لا شنو ؟



#1743026 [عزابي و مفلس]
5.00/5 (2 صوت)

02-15-2018 01:07 PM
و الله الوضع بقى صعب بعد ما دخل المواطن كان ١٨٠٠ دولار هسه بقى ١٦٠٠دولار !!!



#1743018 [جنرال زمان]
5.00/5 (1 صوت)

02-15-2018 12:41 PM
الجماعة ديل عايشين معانا هنا في السودان الواحد دا ولا دي دولة ثانية اسمها السودان برضه!!!!!!!!!!! داهية تاخدكم ونرتاح منكم



#1743015 [سواق تنكر موية بلاعات]
5.00/5 (1 صوت)

02-15-2018 12:37 PM
ياخ قوم لف !!!!
الموظفين جامعيين في الحكومة راتبهم أقل من ألف جنيه وإنت بتتكلم عن أكتر من خمسة ألف جنيه .. شكلك قاصد الكيزان بس
https://www.alrakoba.net/news-action-show-id-298503.htmhttps://www.alrakoba.net/news-action-show-id-298503.htm

نقول لمدير التخطيط والسياسات بوزارة المالية ان ١٦٠٠ دولار في السنة كدخل للفرد
ما كفاية ..لان اسعار السلع في السودان يحتم على الفرد ان يكون دخله على الاقل ٦٠ الف
دولار في السنة..
وفي امريكا اي زول دخله السنوي اقل من ٤٥ الف دولار في السنة بيعتبروهو عائش تحت
خط الفقر وبحتاج لمساعدة من الحكومة،،على الرغم من فارق الاسعار بين السودان وامريكا..

يا زول انتا فطيت صفر عديل
الراجل قاصد
١٦ ألف مش الف وستمائه دولار،
واظن قول امتثال صاح
بقصد الف ستمائه دولار في الشهر
بالله ما تزورو الحقائق
والسودان الناس عايشا عال العال
ودا انحنا بنعرف دخل الفرد احسن من الحكومة؟
تعيش الحكومة،
والاسعار رخيصة أوي اوي،
الحمدلله
والرغيف كبير
الحمدلله
تعيش الحكومة

ألف وستمائة دولار دا بالسعر الرسمى للدولار مقابل الجنيه
أما بالسعر الحر (الحقيقى) السائد فى السوق، فتقل حسبة الدخل السنوى
بالدولار لأقل من ألف دولار!

وياتو فرد التكلمو عنه؟ الشعال العنده دخل؟ أم دخله من أهله المعتربين أو الإثنين معا؟
وكم نسبة العطالة فى السودان قبل الحديث عن متوسط الدخل السنوى للفرد!