Post: #1
Title: ما قلتوا رجعونا !
Author: عمر التاج
Date: 02-14-2018, 03:10 PM
02:10 PM February, 14 2018 سودانيز اون لاين
عمر التاج-KHT
مكتبتى
رابط مختصر مش قلتو رجعونا محل ما انقذتونا
أهو الإنقاذ بترجع فيكم خطوة خطوة،
رجعتكم لي زمن قوش والجاز والمتعافي
والخطوة الجاية عودة الوزير طه والفريق طه.
وكلها 20 سنة وترجعوا لفترة التمكين وبيوت الاشباح قبل ما يقننوها،
و5 سنوات أخرى تكونوا مع الصالح العام و3 سنوات تحصلوا البيان الأول أو أحمد شرفي
|
Post: #2
Title: Re: ما قلتوا رجعونا !
Author: معاوية الزبير
Date: 02-14-2018, 03:53 PM
Parent: #1
افتكرتك ح توصّلنا لنكتة ابو داوود
|
Post: #3
Title: Re: ما قلتوا رجعونا !
Author: Hani Arabi Mohamed
Date: 02-14-2018, 05:10 PM
Parent: #2
ماذا قال ابوداود
|
Post: #4
Title: Re: ما قلتوا رجعونا !
Author: عمر التاج
Date: 02-14-2018, 05:45 PM
Parent: #3
مرحبا معاوية المدير ولعلك بخير
نكتة ابوداؤود ما وقعت لي لكن بديك نكتة تصبيرة متماشية مع البوست على بال ما تمنتج بتاعتك ..
مسطول لقى ناس بتناقشوا قربو يضاربو قاليهم في شنو يا جماعة استهدوا ... واحد فيهم قاليهو انا مواطن عربيتي واقفة جات العربية اللوحاتها صفرا دي راجعة بالخلف فجخت عربيتي... أها الغلطان منووو..؟ المسطول قاليهو طبعا إنت
المواطن قاليهو ...كييف!!
قاليهو إنت عاااارف أصلا الحكومة دي راجعة لي ورا الموقفك وراها شنو
|
Post: #5
Title: Re: ما قلتوا رجعونا !
Author: عمر التاج
Date: 02-14-2018, 06:11 PM
Parent: #4
ازيك يا هاني
الحكومة دي زي السهم المشرشر الراكب في جسم الوطن
لو لزيتو لي قدام مشكلة ولو سحبته لي بره برضو مشكلة
واتخيل لي نكتة ابوداؤود ماشة في نفس الاتجاه
ولا شنو يا مدير؟
|
Post: #6
Title: Re: ما قلتوا رجعونا !
Author: معاوية الزبير
Date: 02-14-2018, 06:24 PM
Parent: #4
عمر التاج بقول الإنقاذ مرجعانا وراء وراء
الزول قال لأبو داوود لما اسمع اغنيتك دي بترجعني عشرين سنة لوراء
قال ليهو انت هسع عمرك كم سنة، قال 40 الخ الخ
برضو يا هاني ما اتذكرتها؟
خلي يجي معاوية المدير يتمها
|
Post: #7
Title: Re: ما قلتوا رجعونا !
Author: عمر التاج
Date: 02-14-2018, 07:13 PM
Parent: #6
ود الزبير كيفنك
غايتو نحن أبو داؤوود ماحضرنا زمنو..
لكن سمعنا من خشم واحدة معاصرة اغنية :
ورا ورا ورا ورا ♪ ♫ ♬
والاغنية دي لما اتاملها بترجعني لما قبل عهد أبو نواس
علا .. الخ الخ دي جابت لي طرف النكتة رهاب رهاب
|
Post: #8
Title: Re: ما قلتوا رجعونا !
Author: محمد الأمين موسى
Date: 02-14-2018, 07:43 PM
Parent: #7
| Quote: الحكومة دي زي السهم المشرشر الراكب في جسم الوطن |
يا عمر بطّل الحنكشة: اسمه كوكاب
|
Post: #9
Title: Re: ما قلتوا رجعونا !
Author: عمر التاج
Date: 02-15-2018, 08:10 AM
Parent: #8
الكوكاب ده يا محمد الامين دحين مو حاد و مشرشر في اتجاهين ..
لا لا يا اخ ... الجماعة ديل سهمهم مشرشر في اتجاه الخلف بس
عشان لما يدخل في البلد تاني لا يرجع ولا يمشي قدام
وحتى راسو ميت عشان مايمرق كمان بي غادي.
اها الشعب بالطريقة دي لا يقدر يلز قدام ولا في طريقة يسحب ورا
ولكن لما الكلام كتر عن الرجوع لمحل ما انقذوكم جا دور الشراشر
قوش والمتعافي والطاهيين .. واخيرا قالوا اسامة وصابر
الله يصبركم.
|
Post: #10
Title: Re: ما قلتوا رجعونا !
Author: عمر التاج
Date: 02-15-2018, 08:24 PM
Parent: #9
نرجع لموضوع الرجعة ...
هل بداية الإنقاذ افضل من نهايتها؟
|
|