شاهدت مقطع من برنامج تلفزيوني يقترح فيه شخص اسمه عبد الوهاب ال مجثل ، عضو مجلس شورى سابق ، قطع اذن الوافد عند ترحيله من البلاد عشان ما يرجع مرة ثانية ، وقال انه يجب على بلده ان يطبق هذا القرار وهو قرار منفذ في دولة الامارات وعمان.... ويبدو ان هذا الشخص سعودي.... فهل فعلا دولة الامارات وعمان بتقطع اذن الوافد عند الترحيل،،؟؟ يعني لمن نشوف اي سوداني اضانه مقطوعة نعرف انه كان مقيم اقامة غير شرعية في دول الخليج وتم ترحيله؟؟ ..ان شاء الله واحد فيكم يقدر ينزل لينا المقطع ده من اليوتوب عشان نعرف كيف يفكر اهل الخليج العربي .... قلنا ليكم السودان دولة افريقية ،،،ناس بريمة عاوزين يطلعونا من البلد ...( وش ضاحك)...
Post: #2 Title: Re: عضو مجلس شورى في بلد عربي يقترح قطع اذن ال� Author: Biraima M Adam Date: 02-13-2018, 02:18 PM Parent: #1
أمتثال، يا أستاذة،
Quote: قلنا ليكم السودان دولة افريقية
وهل أنا قلت غير ذلك؟ .. حجتك واهية .. كأنك تريدين أن تقولي من يستحقون قطع الأذن هم الأفارقة .. وبالتالي عليهم البقاء بعيداً عن العرب ..!
بريمة
Post: #3 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-13-2018, 03:27 PM Parent: #2
لا يا بريمة انا ما قلت كده ..انا قصدي تفكير عرب الخليج غير تفكير الدول الإفريقية..عرب الخليج ما عندهم مخ ..وهم اشد كفرا....وما ممكن دول أفريقيا تفكر مثل هذا التفكير السمج والغبي ...وانا وجهت ليك الكلام لأنك بصراحة بتفتخر انك عربي ولابس في البروفايل عقال عربي مع وافر التقدير والاحترام
Post: #4 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-13-2018, 03:33 PM Parent: #3
وبعدين يا استاذ بريمة عضو مجلس الشورى ما اقترح قطع إذن الوافد الأفريقي...لانه عمم وقال اي وافد ...وانت عارف ان معظم الوافدين المقيمين إقامة غير شرعية في دول الخليج ما هم أفارقة ولكن من كل دول العالم....الأفارقة بيمشو السعودية للحج والعمرة وبيرجعوا ب كرامتهم
Post: #5 Title: Re: عضو مجلس شورى في بلد عربي يقترح قطع اذن ال� Author: علي عبدالوهاب عثمان Date: 02-13-2018, 03:37 PM Parent: #4
الاستاذة إمتثال .. تحياتي .. رئيس الفلبين وجه رسالة قوية جداً للخليجيين وخاصة دولة الكويت بسبب موت إحدى العاملات وهم من الجاليات المهمة في الخليج من ناحية العمل والانتاج وقلة الجرائم ..
التحية للجميع ..
Post: #6 Title: Re: عضو مجلس شورى في بلد عربي يقترح قطع اذن ال� Author: Ali Alkanzi Date: 02-13-2018, 03:44 PM Parent: #4
وليس بمستغرب كانو هرلاء الناس نسوا الهجرة الاولى لارض الحبشة ووجدوا كل الحماية والرعاية حتى عادوا ثانية لجزيرة العرب وقصة جعفر الطيار خير مثال إننا ننسى قراءة التاريخ والايادي البيضاء السابقة للافارقة فقد حموا المهاجرين وناسبوا الرسول بام المؤمنين وام ابراهيم بمارية القبطية والدولتان كانتا على دين عيسى بن مريم ما اعظم السيرة النبوية لو قرأنها بفهم ففيها عظيم هداية لنا وما اشكل علي امر إلا وجدت مثيله في حياة رسول الله صلى الله عليه وآله وسلم وما اوردتُ هنا إلا مثال لما يمكن الاهتداء به في سيرة نبي الرحمة
Post: #7 Title: Re: عضو مجلس شورى في بلد عربي يقترح قطع اذن ال� Author: Biraima M Adam Date: 02-13-2018, 04:04 PM Parent: #4
أستاذة أمثثال،
Quote: وبعدين يا استاذ بريمة عضو مجلس الشورى ما اقترح قطع إذن الوافد الأفريقي...لانه عمم وقال اي وافد ...وانت عارف ان معظم الوافدين المقيمين إقامة غير شرعية في دول الخليج ما هم أفارقة ولكن من كل دول العالم....الأفارقة بيمشو السعودية للحج والعمرة وبيرجعوا ب كرامتهم
ولكن الوافد الأفريقي ضمن الوافدين .. وهو ما يهمنا هنا ..
وبعدين أمتثال وجدت غرابة في حديثك .. كيف يا أمتثال تعممي حالة واحدة علي كل عرب الجزيرة العربية .. وتلحقينا نحن الذين هاجرنا منذ القرن السابع والثامن الميلادي؟ زول واحد قال يقطعوا أذنين الناس .. هل كل العرب .. بما فيهم بريمة يشمله هذا القول؟
أها أعتذري يا أمتثال ..!
بريمة
Post: #8 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-13-2018, 04:16 PM Parent: #7
استاذ بريمة انت ما عربي ...انا قصدى عرب السعودية والإمارات وعمان... مع وافر الاحترام والتقدير
Post: #9 Title: Re: عضو مجلس شورى في بلد عربي يقترح قطع اذن ال� Author: Mohd Ibrahim Date: 02-13-2018, 05:13 PM Parent: #8
دا موهوم ساكت ياامتثال ..اتحداوهو يقعد ستة شهر في الرياض ..كما قلع عقالة دا وفك البيرك
Post: #11 Title: Re: عضو مجلس شورى في بلد عربي يقترح قطع اذن ال� Author: Biraima M Adam Date: 02-13-2018, 05:46 PM Parent: #9
[b
Quote: دا موهوم ساكت ياامتثال ..اتحداوهو يقعد ستة شهر في الرياض ..كما قلع عقالة دا وفك البيرك
أنا أمش ليهم ليه ..؟ نحن عرب أصالة عن أنفسنا وأعزاء في سودانا ..
رحم الله البروف عبد الله الطيب ..
بريمة
Post: #10 Title: Re: عضو مجلس شورى في بلد عربي يقترح قطع اذن ال� Author: Biraima M Adam Date: 02-13-2018, 05:42 PM Parent: #8
شكراً يا أمتثال ..
Quote: استاذ بريمة انت ما عربي ...انا قصدى عرب السعودية والإمارات وعمان... مع وافر الاحترام والتقدير
الجواب وصل ..!
بريمة
Post: #12 Title: Re: عضو مجلس شورى في بلد عربي يقترح قطع اذن ال� Author: عبدالعزيز الفاضلابى Date: 02-13-2018, 07:44 PM Parent: #10
ول ابا بريمة ,, سلام وقبلك السلام للملكة امتثال. بريمة إنت حصل عملت اختبار الـ DNA إذا ما عملتو حقو تعمله وتجى تنشر النتيجة هنا عشان نرتاح من الغلات ده. ..... انا شخصياً رايي انه لاحجر على احد ان ينسب نفسه الى اى عرق شاء بشرط الا يضع جنس غيره أو يحط من قدره. الناس مفروض تتعامل مع الموضوع ده زى موظفة السوشيال سِكيورتى الأمريكية ,, عندما وقف امامها شاب سودانى وهى تراجع طلبه فوجدته قد اختار فى خانة الـ Race اختار White عاينت ليه وقالت ليه: are you sure قال ليها: Yes قالت ليه: Ok if you said so
Post: #13 Title: Re: عضو مجلس شورى في بلد عربي يقترح قطع اذن ال� Author: Biraima M Adam Date: 02-13-2018, 08:02 PM Parent: #12
الفاضلابي،
ما محتاج ل DNA.. نحن أصولنا فيها كل مكونات السودان .. المشكلة الأنا الواقف فيها .. صدقني ما قصة عربي أو زنجي أو نوبي .. هذه أنا أبعد ما أكون منها .. المسألة هي نوعية ومنهج تفكير في كيفية بناء دولة المواطنة .. التي تشمل كل أعراق السودان .. لو كان أخوالي النوبة .. وجد شخص واحد يقول مثلاً هم ليسوا سودانيين .. كان قلت أنا نوباوي!
لو نظرتم لي من هذا الجانب تجدوني أنا أحسن زول يقدم للهوية السودانية الجامعة ..
بالجد أنا السودان !
بريمة
Post: #14 Title: Re: عضو مجلس شورى في بلد عربي يقترح قطع اذن ال� Author: Dr. Ahmed Amin Date: 02-13-2018, 08:27 PM Parent: #13
Quote: يعني لمن نشوف اي سوداني اضانه مقطوعة نعرف انه كان مقيم اقامة غير شرعية في دول الخليج وتم ترحيله؟؟
معقولة بس ..
تحياتي يا امتثال .. هذا رجل خبل ليس الأ .. عمان والإمارات من أفضل الدول في مجال حقوق الإنسان .. واحترام الوافد لا يحتاج الى دليل وهي دول مفتوحة ..
Post: #15 Title: Re: عضو مجلس شورى في بلد عربي يقترح قطع اذن ال� Author: Dr. Ahmed Amin Date: 02-13-2018, 08:31 PM Parent: #14
هذا الفيديو
Post: #16 Title: Re: عضو مجلس شورى في بلد عربي يقترح قطع اذن ال� Author: عبدالعزيز الفاضلابى Date: 02-13-2018, 08:40 PM Parent: #13
طيب ياخوانا ,, مشكلتكم مع بريمة شنو تانى؟ ده كلام وااااضح مافيهو دغمسة اللولوة شنو؟ زمان يابريمة فى الندوة التى اقامتها الاحزاب فى الميدان الشرقى لجامعة الخرطوم ,, كان الاستاذ ابوسن السياسى المخضرم قد تحدَّث عن الحزب الوطنى الاتحادى وكان الحزب وقتها بقيادة الاستاذ على محمود حسنين ,, وكانت كلمته فى شأن الهوية السودانية وقد أطلق عليها ,, الهوية الآفروعربية ,, وانا عطفاَ على ماسبق وردك على مداخلتى ,, اقول : ليكن السودانى من شاء ,, فكونك تنسب نفسك لعرق بعينه فهذا من حقك مع التكير بالشرط السابق ,, هذه القضية لاتحلها المحاصصات انما حلَّها فى اقامة العدل الاجتماعى وعندها سيتقدم من وثق الناس فى كفاءته دون النظر الى عرقه والموضوع طويل ,, كدى فى الاول الـ نَمْرُق من كِتير بلة ده.
Post: #17 Title: Re: عضو مجلس شورى في بلد عربي يقترح قطع اذن ال� Author: Nasr Date: 02-13-2018, 10:03 PM Parent: #8
عندما ضاق بهم الحال في جزيرة العرب جونا مهاجرين أحترمانهم عرسنا ليهم بناتنا أديناهم أرض يرعون فيها بهائمهم وقبلنا بالدين الذي يحملون بل وسمي بعضنا أولادهم بأسماءهم
أها لمن أولاد أولاد أولادهم قالوا يرجعوا لوطن الجدود لكسب لقمة عيش شريفه قاموا يقطعوا ليهم في أضنينهم ؟؟؟؟؟؟
تفتكر أهلنا لمن قالوا "العرب جرب " ما ليهم حق؟؟؟ لأولاد السراري الحيزعلهم كلامي دا خلاص العرب ما كلهم جرب بس فيهم كتير كدا.... ولا ما كدا؟؟؟
Post: #18 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-13-2018, 10:34 PM Parent: #17
عبد العزيز الفاضلابي الله يخزي شيطان عقلك ...لكن برضه في نفس الوقت شكرا ليك كتير لأنك كتلتنا بالضحك..عشان ما عرفنا السوداني ده اختار يكتب white لشنو... مع وافر التقدير والاحترام
Post: #19 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-13-2018, 10:38 PM Parent: #18
د.احمد أمين شكرا كتير على الفيديو يا ملك ... مع وافر التقدير والاحترام ..
Post: #20 Title: Re: عضو مجلس شورى في بلد عربي يقترح قطع اذن ال� Author: عبدالعزيز الفاضلابى Date: 02-13-2018, 10:54 PM
Quote: بالضحك..عشان ما عرفنا السوداني ده اختار يكتب white لشنو.
كييييف يا امتثال ,, الزول مقتنع انه White طبعاً هو ما مقارن نفسه بالـ white أبَّان عيونن زُرُق ,, هو طبعاً فى السودان طارح نفسو White من باب الطشاش فى بلد الـعِمِىْ شوف :) القصة دى عندها بقية الذ من اولها لما زولنا ده رجع السودان وقابل حبوبتو .. اها بحكى لى حبوبوتو عن موقف مماثل حصل ليه فى دائرة اخرى بس المرة دى الموظف ابا يقتنع بحكاية White دى واظنه اتريق عليه. حبوبتو وقفت على حيلا وغزَّت يدينا فى وسطها وقالت ليه: ليه ما قَعَّدتهم فى الواطة دى ووريتُن انك عركى حر ,, (مخيَّر) الله يابنات امى!!:)
Post: #21 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-14-2018, 01:28 AM Parent: #20
عمنا و أستاذنا علي عبد الوهاب قرار رئيس الفلبين عجبنا شديد وهو قرار صائب..فقد قرر إجلاء كل مواطن ومواطنة فلبينية عن الكويت وأمر شركة الطيران الفلبينية بنقلهم مجانا ..ووجه انتقادا شديد اللهجة لحكومة الكويت أمر بسرعة إلقاء القبض على القتلة... ياهو ده الرئيس ولا بلاش... مع وافر التقدير والاحترام
Post: #22 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-14-2018, 08:00 AM Parent: #21
الاعراب ديل يا الكنزي ما بيعترفوا باننا بشر....مع انه القران نفسه وصفهم بانهم اشد كفرا وفتنة.. والرسول (ص) عندما ارسل المهاجرين الاوائل وعددهم ٨٣ شخصا الى الحبشة بقيادة جعفر بن ابي طالب قال لهم اذهبوا الحبشة فان فيها ملكا لا يظلم عنده احد،،، والان عندما يذهب اليهم المهاجرون للبحث عن السلام وعن حياة افضل يريدون ان يقطعوا اذانهم... مع وافر التقدير والاحترام
Post: #23 Title: Re: عضو مجلس شورى في بلد عربي يقترح قطع اذن ال� Author: محمد جلال عبدالله Date: 02-14-2018, 08:43 AM Parent: #22
كتبت الأخت امتثال: =================اقتباس===================== ما قلنا ليكم السودان دولة إفريقية وكتبت: نا قصدي تفكير عرب الخليج غير تفكير الدول الإفريقية..عرب الخليج ما عندهم مخ ..وهم اشد كفرا....وما ممكن دول أفريقيا تفكر مثل هذا التفكير السمج والغبي ========================================== صراحة ما عرفت العلاقة بين إنو السودان دولة إفريقية وبين كلام السعودي ده :) وأما مسألة تفكير عرب الخليج وللا غيره .. فدي همجية ما موجودة في العرب بس حتى في الأفارقة شوفي مجازر الهوتو والتوتسي وأفريقيا الوسطى وجنوب السودان حاليا الهمجية لا وطن لها وبنفس مقياسك ده لو واحد من عرب إفريقيا شاف المجازر في الدول الإفريقية ممكن عاااادي يقول نحن دولة عربية وما عندنا علاقة بإفريقيا
Post: #24 Title: Re: عضو مجلس شورى في بلد عربي يقترح قطع اذن ال� Author: Hassan Makkawi Date: 02-14-2018, 09:24 AM Parent: #23
Quote: عرب الخليج ما عندهم مخ .. وهم اشد كفرا....
والله عيب يا إمتثال!!!!
Post: #25 Title: Re: عضو مجلس شورى في بلد عربي يقترح قطع اذن ال� Author: امتثال عبدالله Date: 02-14-2018, 09:33 AM Parent: #24
وهل المجازر التي تدور الان في سوريا واليمن وليبيا اقل فظاعة من مجازر رواندا!!!
Post: #26 Title: Re: عضو مجلس شورى في بلد عربي يقترح قطع اذن ال� Author: محمد جلال عبدالله Date: 02-15-2018, 06:08 AM Parent: #25
ما أقل فظاعة .. كلها همجية كان في العرب كان في الأفارقة كان العملوه الأوروبيين في بعضهم وفي البلاد العربية والإفريقية في فترة الاستعمار وخاصة ما فعلته فرنسا في الجزائر وما فعله ويفعله الأمريكان في العراق وأفغانستان .. كلها همجية وده بيؤكد كلامي أن الهمجية لا وطن لها
