الهندي عزالدين ... حتمشي وين؟

06:28 PM February, 11 2018

سودانيز اون لاين
محمد أبوالعزائم أبوالريش-
مكتبتى
رابط مختصر

أمّا الفريق “صلاح قوش” فهو (عرّاب) سياسة الانغلاق والكبت والشموليّة و(الرقابة) والاعتقالات التعسفيّة لأشهر متطاولة، فكيف يصبح بين ليلة وضحاها (عرّاب) الانفتاح والإصلاح والتغيير؟!!
{ “صلاح قوش” فشل في كل الملفات التي كلف بها، بل فشل في إدارة جهاز الأمن – نفسه – رغم أن بعض المتوهمين ما زالوا مقتنعين بأنه (أقوى) و(أذكى) ضابط مخابرات مرّ على تاريخ السودان!! وكيف يكون ذلك، و”خليل ابراهيم” يدخل أم درمان نهاراً جهاراً عند الثالثة بعد الظهر، وتقدل (تاتشاراته) في شارع العرضة وجوار (حوش الخليفة) بأم درمان، بعد أن قطعت أكثر من (ألف) كيلومتر قادمة من أقاصي غرب دارفور، متجاوزة حدودنا مع تشاد، ثم توغلت لتمكث في شمال كردفان.. وسيادة الفريق يسأل (عمدة) إحدى القبائل الرعوية عن مكان قوات “خليل” فيأتي صوت (العمدة) عبر الهاتف قوياً: (علي الطلاق.. الجماعة ديل عندكم في الخرطوم الساعة تلاتة!!) وفي هذاالتوقيت بالضبط كنت أعبر بسيارتي صينية الزعيم “الأزهري” بأم درمان باتجاه بحري، وكانت تهرول أمامي باتجاه كرري (دبابة) من المجنزرات تحاول اللحاق بمعركة (المواجهة) الغريبة والعجيبة في قلب العاصمة الوطنية “أم درمان”!! كيف تسنى لهم – كقيادات عسكرية وأمنية – أن يبقوا في مواقعهم ساعة واحدة بعد ذلك (اليوم) – العاشر من مايو عام 2008م – لست أدري!! ولا أحد يدري حتى الآن!!
{ وفشل “قوش” في ملف علاقات التعاون (بالمجان) مع أمريكا.. وقدم لها أكثر مما طلبت، وكان المقابل (صفراً) كبيراً.. وما زال (الصفر) يتضخم تجديداً (سنوياً) للعقوبات وتجميداً لاسم السودان في قائمة الإرهاب!!
{ وفشل “قوش” في ملف العلاقات مع “تشاد” و”ليبيا”، وضحكت علينا مخابرات “القذافي” كثيراً جداً.. وموّلت (كل) حركات التمرد (الدارفورية).. وكان “قوش” يعلم.. وكان “القذافي” يسخر من السودان والسودانيين!!

___________________

*مقتطف قصير من مقال مطول للهندي عزالدين يعدد فيه (مناقب) فشل صلاح قوش عقب الإقالة الرئاسية ..

تري بماذا سيعلق غدا الهندي حول عودة قوش بتعين رئاسي لنفس المنصب من جديد ؟


((منقول))

الهندي بكبر البامبرز لكن المشكلة بتاعين الأمن لو في واحد منهم لحق قوش كف صاموتي ايّام إعتقاله إلا يشيل أورنيك ، وأشغلهم ربي بالمرج

ابو الريش
افتح باب التبرع



3 كرتونة حفايظ xxx6

Quote: ابو الريش افتح باب التبرع 3 كرتونة حفايظ xxx6

هلا يا مواطن ...

الزول ده حيعمل أزمة في البتاعات دي .... 3 كراتين ده إستهلاك يوم بس

دي محاولة فاشلة وعقيمة لاعادة رأب صدع الاقتصاد المنهار ..
عبر احكام القبضة الامنية على مفاصل البلد وده أكبر خطأ ..
المفروض تعاد الامور لنصابها عبر ازالة الفساد ..
الذي دمر الاقتصاد فهو السبب ..
اتعودنا على حلولهم العقمية التي في النهاية يتمحض جبلها ..
فيخرج منه أم سيسي ..
هسه شوف خطل التفكير ده بالله ..
النظام ده مافي شي بيقلعه الا الاقتصاد اللعب فيه ..
نهايتهم قربت خلاص وده شغل تلتيق فاضي ..
الله يريح البلاد والعباد منهم ..

Quote: وأشغلهم ربي بالمرج

سلام ابو الريش
ناس الهندي هسه ما بشتغل بيهم
بكون عندو حسابات عليا وكسير اجنحة لمراكز قوى اكبر
وحظ ود المامون
مصنع الملح دا سكلو كان حركة في شكل وردة

Quote: ناس الهندي هسه ما بشتغل بيهم بكون عندو حسابات عليا وكسير اجنحة لمراكز قوى اكبر

حمد لبد،
دي ما ياها المصيبة ذاتها ... إنتظار دورك.

ذكرتني، في المدرسة الإبتدائية (الأولية) ... لما الألفا يكتب إسمك مع المهرجلين ..... يقوم الأستاذ يجي ويندهوا المهرجلين.
الواحد بيكون منتظر دوره وحالتو حالة ... وجع بطن وجسمك يسخن وتعرق نص الشتا .....
لما يقولوا (أربعة من الكنبة الورا) تحس إنو جاك الفرج ....

دحين زولك الله يفرجها عليهو.

Quote: دي محاولة فاشلة وعقيمة لاعادة رأب صدع الاقتصاد المنهار ..

ود القوز ياخ عقيمة وإعادة رأب صدع شنو ....
نحن هسي بنفتش في مخارجة للهندي ..... إيدك معانا.

دي مشكلة صغار الكيزان وكوادرهم الوسيطة - يشيلو. وجه القبلحة وبعدين تدوس عليهم اقدام فيلة النظام .. !!واللا يكون مصيرهم مصير صغار الأسماك. وقت تصارع كبار التماسيح !! من السئ ان تكون كورا
ولكن الأسوأ والاخطر ان تكون مجرد اداة او بوق ..مخلب قط في صراع الشلليات والتيارات الكيزانبة بحيث تطال او تطاول المتنفذين من اصحاب السلطة والفلوس !!

غايتو الهندي الا يتوكل علي الله ويقول كنت مهكور !! مجمد عطا هكرني !!
ومر يكرة يقلب ١٨٠ درجة ويهاجم عهد محمد عطا البائد ويطعن في كفاءته وقدراته !!
مالو في كيزان كتار شكرو طه عثمان وطلعوا بيهو السماء ولكن اول ما وقع. نسو سيرتو !!
الهم لا شماتة ولكن ولو كنّا في دولة موسسات وحريات لما كان وضع الهندي الحرج دا يشكل اَي مشكلة !!

هههههههههههههه
نكتتوها طلعتوها ليهو ؟
خلونا نشوف بكرة .. مع اني عارف انو "مصري" بشبه اعلاميي مصر شبه شديد ..

Quote: خلونا نشوف بكرة .. مع اني عارف انو "مصري" بشبه اعلاميي مصر شبه شديد ..

ما خذلك يا عبدالله ود ادريس ... ما خذلك.

Quote: مالو في كيزان كتار شكرو طه عثمان وطلعوا بيهو السماء ولكن اول ما وقع. نسو سيرتو !!

يا كمال عباس، زولك ده لو عمل زي ديل ونسى سيرتو .... ما بتجيهو عوجة.

لكن هو ما شليق ..... شتمو شتيمة اللذي واللذين.

دي مشكلة صغار الكيزان وكوادرهم الوسيطة - يشيلو. وجه القبلحة وبعدين تدوس عليهم اقدام فيلة النظام .. !!واللا يكون مصيرهم مصير صغار الأسماك. وقت تصارع كبار التماسيح !! من السئ ان تكون كورا
ولكن الأسوأ والاخطر ان تكون مجرد اداة او بوق ..مخلب قط في صراع الشلليات والتيارات الكيزانبة بحيث تطال او تطاول المتنفذين من اصحاب السلطة والفلوس !!

غايتو الهندي الا يتوكل علي الله ويقول كنت مهكور !! مجمد عطا هكرني !!
ومر يكرة يقلب ١٨٠ درجة ويهاجم عهد محمد عطا البائد ويطعن في كفاءته وقدراته !!
مالو في كيزان كتار شكرو طه عثمان وطلعوا بيهو السماء ولكن اول ما وقع. نسو سيرتو !!
الهم لا شماتة ولكن ولو كنّا في دولة موسسات وحريات لما كان وضع الهندي الحرج دا يشكل اَي مشكلة !!

غايتو الا يعتذر اعتذار عمك الايد انقلاب هاشم العطا و في التحقق مع نميري قال له و الله يا ريس كانت لوا تيييييييييييييييييييييت ة من ساي

غايتو الا يعتذر اعتذار عمك الايد انقلاب هاشم العطا و في التحقق مع نميري قال له و الله يا ريس كانت لوا تيييييييييييييييييييييت ة من ساي




غايتو في واحد أنا عارفو من الأيدوا انقلاب هاشم العطا ببرقية .. ولا اعتذر ولا حاجة .. قال لنميري ديل اصدقائي وانت صديقي ختيتوني في موقف صعب .. نميري قال ليهو أنا ما بحاكمك لكن بشيلك من الجيش واكتفي بذلك وقد كان

لكن طبعاً دا عسكري من عساكر زمان البياكلوا الظلط مش زي ناس حفر الدخان ديل

الهندي عز الدين بكون برجف وبطنوا بدأت تكركرب
غايتو مفروض يجهز البامبرز وأملاح التروية
بعد الكلام الكتبه دا موضوعه مستحمي حمام بي موية طيـن

Quote: الهندي عز الدين بكون برجف وبطنوا بدأت تكركرب غايتو مفروض يجهز البامبرز وأملاح التروية

يا عبدالعظيم، في مقال الليلة قال ليكم قوش ده صاحبي ونحن متفاهمين.

تكون دي نتيجة كركبة البطن؟

Quote: غايتو في واحد أنا عارفو من الأيدوا انقلاب هاشم العطا ببرقية .. ولا اعتذر ولا حاجة .. قال لنميري ديل اصدقائي وانت صديقي ختيتوني في موقف صعب .. نميري قال ليهو أنا ما بحاكمك لكن بشيلك من الجيش واكتفي بذلك وقد كان

يا عاصم داك عسكري ... يمكن مطلوب منو حكاية التأييد دي .....
لكن ده طمبار ساي ... يشيل ويطمبر ... ما قايل الحاجات حتتغيّر.

Quote: غايتو الا يعتذر اعتذار عمك الايد انقلاب هاشم العطا و في التحقق مع نميري قال له و الله يا ريس كانت لوا تيييييييييييييييييييييت ة من ساي

ويغنوا ليهو ......
إعتذارك ما بيفيدك
ودموعك ما بتعيدك
العملتو كان بإيدك

مرحب أخ منتصر،
بتاعين الأمن حريفين ... ما أظن يكون في واحد إتورط الورطة دي.
الناس ديل عارفين ناسهم.

هلا ابو الريش
رد الهندي عمليا على تساؤلك: مشى اقرب بقالة اشترى مرقة ماجي "الرزية" غسّل بيها وشّو وكتب المقال التالي :

وديل ناس مات الملك عاش الملك كمان! شوف قعدة الحكّامات دي
قال ليك عودته تعني رفع اسم السودان من قائمة الدول الراعية للإرهاب! مش كدا وبس لا كمان قال ليك اطلاق المعتقلين غم انو السيد الصحفي (المواطن) شايف انو دا قرار مؤسسة حسب المعطيات!

مرحب ود البشرى،
الهندي ما بيحتاج يمسح وشو بي أي شئ.
الراجل مافي في قاموسو شئ إسمو إختشا

هسي كل موضوعو الناس الكتبوا عنه في السايبر ..... مش هو عمل/ قال شنو.

يا النبي نوح

غايتو يا الهندي عدوك يخجل ليك

زفت الطين أمرك عجيب
السؤال هل يثق المدعو قوش في هكذا مقال الذي يستجدي هذا الهندي الغفران من سيده .

كلام مأثور عن زفت الطين :
الهندي عزالدين : الفريق أمن “صلاح قوش ” فاشل و في داخله ” ديكتاتور ” وخليل دخل في عهده أم درمان نهاراً جهاراً

الهندي في مقاله بعد عودة صلاح قوش واضح جدا الإرتباك
والرجفه وشكله كان لابس البامبرز وهو بكتب في الكلام الفوق
وتحديدا عباره :

Quote: وقد وإطلعا علي رأي ها مبكرا

كان في داعي لهذا الإستدعاء للواتساب

هكذا كتب الهندي عزالدين صباح اليوم

نحن يا سفهاء الداخل والخارج، في غرف المؤامرات المظلمة، أو داخل جحور معارضة الوهم والسراب في الأسافير، مع هذا التغيير الكبير.
مع قرار الرئيس البشير قلباً وقالباً. والفريق قوش نفسه يعلم ذلك قبل 7 شهور.
موتوا بغيظكم فإننا حُداة المرحلة المقبلة وصولاً لـ 2020
الله أكبر
والعزة لشعبنا الأبي الوفي.ــــــــــــــــــــــــــــــــــــــــــــــــــ

الدنيا دوارة

لا حولا ولا قوة الا بالله

هسي في داعي للكلام ده

الراجل ده عديم اي شئ



يخس

الفيلم دور

يا ست الجمال متلك ندر في الحوش
كلما أشوف جمال عينيك راسي يدوش
خوفي و شوقي ليك خلاني زي مهبوش
خوفة ( الهندي ) يوم عودة صلاح ود قوش

القصيدة ليها صاحب كتبها في 11 فبراير 2018
لافة في الواتس

دا زول بليد مرتزق.. كان ثبت علي كلامو كان أفضل ليهو أو يسكت مافي زول مطالبو بي راي.

كلنا يتذكر قصة القط و الفار... الفار الذي سكر وخرج من جرة المريسه يشتم في القطط ويتوعدهن... فظهر له قط كبير فما كان من السكرة الا ان طارت وقال الفار وهو يرتعد خوفاً لما رأى القط لا تؤاخذ السكارى بما يقولون....
لو ثبت علي كلامه الأول هذا الطين لسجل موقفا مشرفا ولتم وضعه في سجل شهداء الكلمه في وجه جائر . اصلو في الحالتين ماكول ماكول.. واعتذارو ما يشفع ليهو... يعني تتخيل القط حا يقول ليهو خلاص خليتك عشان كلامك دا؟
تعليق اعجبني

قالو الزول دا كايس رقم جورج قرداحي شان يخش برنامج المسامح كريم

Quote: هلا ابو الريش رد الهندي عمليا على تساؤلك: مشى اقرب بقالة اشترى مرقة ماجي "الرزية" غسّل بيها وشّو وكتب المقال التالي :

ماجي الرزية قوية اللهم لا شماته ,,

هوان ونفاق لايرضاه لنفسه الا الهندى
كان يصبر شويه

أغرب ما قاله الهندي عز الدين في مقاله الإستجدائي
(ورغم إني قد إنتقدت الفريق أول قوش بعد إقالته في العام 2012 ، وقد أشار إلي ذلك في حواره بصحيفة(السوداني) معيبا علي نقده بعد إعفائه، ولا أدري كيف ينتقد الصحفي مديرا لجهاز الأمن
والمخابرات أثناء خدمته، وهذا مايمنعه حتي قانون الصحافة والمطبوعات(عدم التعرض أو نشر معلومات عن القوات النظامية إلا مايرد من الناطق الرسمي للقوة) .....

هذه النقطة تكشف بجلاء أن الرجل مرتبك ومهزوز تماما ومتواضع القدرات لدرجة لا تؤهله للكتابة في صحيفة مدرسية!
قوش يعيب علي الهندي نقده بعد أن غادر جهاز الأمن والهندي يقول لم إنتقدك وقتها لأن القانون يمنع نقدك! فهل قوش يجهل تلك القوانين ؟ هل تتهمه بالجهل ؟
القانون يقول (عدم التعرض أو نشر عدم التعرض أو نشر معلومات عن القوات النظامية إلا مايرد من الناطق الرسمي للقوة) إلا مايرد من الناطق الرسمي للقوة) عدم التعرض أو نشر معلومات عن القوات النظامية !! لا عدم نقد أداء وسلبيات مدير جهاز الأمن ! وإتهامه بالتقصير وتعديد سلبياته !
* الهندي لم ينتفد قوش أثناء خدمته لأنه كان يخشاه ويخافه - ! الإحتماء بالقانون لتبرير الجبن والتملق والتهيب من نقد المسؤول - لن يخدمك فالقانون لم يمنعك وإنما منعك العجز! - تعجز في مواجهة قوش حينما كان متحكما ولكنك تطعنه في ظهره حينما يقع ! وتشرع سكينك في قلبه عملا بمقولة التور كان وقع كترت سكاكينو!
* لا آعتقد أن قوش لن يثق فيك رغما من مقالك التمجيدي والتبريري ، ورغم تهافتك وإستصغارك لنفسك ! فالفيك "إنعرفت" !
إين الثبات علي المبدأ ؟ إين الإتساق ؟

أيها المتسطحون
السفهاء
أفرنقعو
الراجل قال لي مرتو
حرامي وعرفناها لكن شنو كدة دي الجابا شنو

يا ابو الريش

الهندي زفت الطين قال لك "هكذا أتعملنا وهكذا أتئدبنا"

هههههههه

اعتقد ان مقال الهندي فيهو تهديد صريح لقوش ما فيهو انبطاح
الهندي قال قبل سبعة شهور قوش باح ليهو باسرار كبيرة وكثيرة
وانا اصدق الهندي طالما قال الكلام دا في مقال
والمعنى (لو عملت اي حركات بركات بفتك )
والله اعلم

ابراهيم عبد الوهاب

المرة دي صلاح قوش ما في زول ممكن يهددو بي حاجة، الزول ده عاد وعاد بقوة كمان.
أما أمثال الهندي زفت هم تنابل فقط ولا يمكن أن يكون لهم دور أخر خلاف ذلك. ناهيك عن تهديد ووعيد.

صلاح قوش لما كان مدير الامن زمان، كان بيستدعي روؤسا تحرير صحف كباااار في مكتبه ويقوم بعتابهم وتوبيخهم، وهم يجلسون أمامه مثل التلاميذ الاغبياء.

كلامي مجرد تحليل فقط
وكنت متاكد مليون في المئة انو حينشر مقال اليوم عن قوش
اصلا دا حال الماجورين والمنبرشين
ان شاء الله يسجنو في قزازة ويرميهو جو البحر

الأستاذ معتصم الحارثي كتب مقال يصف فيه الهندي وجماعته وما قصّر فيهم،
في هذا البوست:

صحافة الباذنجان: المتأنقذون مثالا

شكرا جزيلا يا أخي العزيز أبو الريش.

الهندي عز الدين هو أحد النماذج الصارخة فقط، وغيره كثير، وعلينا محاربتهم بشراسة من أجل الوطن ومن أجل المواطن.

لك الود
معتصم

.

إجتمت كل ألوان الطيف السوداني ،
علي كفاءة الدينمو الأمني ،
صلاح قوش ،
الذكاء الخارق ،
بل رجعته إمتزجت بالزغاريد ،
بل نفتخر بالقامة قوش ،
الذي شغل الأسافير ،
حاملاً عصاة موسي ،
لمن عَصِيَ ،
،،،،







عزالدين عباس الفحل
ابوظبي

يااااااا الفحل ...
أقعد في الواطة ....
موضوعنا هنا الهندي عزالدين ..

أمشي طمبر في مكان تاني !!

شايف الزول الإسمو عوض شكسبير عايز يصالح الناس عبر الهندي عزالدين

انت يا أبو الريش هو نضف اليوتيوب متين ؟ ..
والله كان عنده في اليوتيوب ده سخام راسو عديل .. هههه
هسه تعمل بحث ما تلقى التكتح ..
ياربي السيديهات اشتراها ولاّ الحصل ليها شنو ؟ ..
غايتو ذكرني سيدهات مرتضى منصور لي شوبير ..
لكن سيديهاتو دي بتكون بتجيب العيد 50 مرة في السنة .. خخخخخ ..
هل حصل تسوية ولاّ تهديد ولاّ شكوى لليوتيوب ولاّ الحصل شنو ؟
خلي الفيديوهات السيديهات مشت وين ؟ ..

مرحب ود القوز ....

هو بالله عندو تسجيلات يوتيوب؟

أنا قايلو زول ورق ساي