كل عام وانتم احراااااار ... وكل لحظة وشعبكم العظيم ثائر وثورة ثورة حتي النصر .

11:26 AM February, 09 2018

سودانيز اون لاين
مني عمسيب- هولندا
مكتبتى
رابط مختصر

لكم التحية اخواتي واخواني الشرفاء الاعزاء .
وبشري لكم ... النصر يطرق ابواب الوطن الغالي .


وجيت اطمنكم وبعد الغياب الطال وانا في احضان الوطن الحبيب
وخصصت اجازتي السنوية فقط للثورات المباركة والحراك العنيد
الذي اكد لي ان السودان برجاله الاشاوس ونسائيه الشامخات ما رايته
من عظمة شعب جبار ! جعلني اطمئن ان السودان برجاله ونسائيه
المرابطين والمرابطات بالرغم من القمع الذي لا اشهد له مثيل من قبل
اشباه الرجال ! النازيين الاسلامويين ! من امنجية وشرطجية مرتزقة !

عاش الشعب السوداني العظيم ..

التحية لنساء ورجال وطني داخل معتقلات السفاحين مجرمي الحرب !
لصوص الانقاذ القتلة ! والحرية لهم انهم هم الشرفاء ابناء الوطن البارين .

والخزي والعار للسفاح مجرم الحرب وملته من السفهاء الضالين عديمي
الضمير واصحاب النفوس الضعيفة !

النصر قااااااادم لا محال ونراه قريب ويرونه بعيد .

وغدآ لناظره قريب .

( اللهم احكم بيينا وبينهم انك خير الحاكمين )
( اللهم احكم بيننا وبينهم انك خير الحاكمين )
( اللهم احكم بيينا وبينهم انك خير الحاكمين ) .
وانك علي كل شئ قدير .

Quote: وخصصت اجازتي السنوية فقط للثورات المباركة والحراك العنيد

يديك العافية .....

يعني قطعتي لسنات (ألسنة) البيقولوا: ضاربين الهمبريب وتحرشوا في الناس.

حمداٌ لله بسلامة العوده يا بت عمسيب


تحياتي وتقديري

حمدلله على السلامة بت الكلوس بت نفيسة

حبابك ود حموي الكلس ..

مشكور علي الحضور والترحاب ..


التحية لشرفاء بلادنا الاوفياء وهم داخل سجون
القتلة تجار المخدرات ومجرمي الحرب !

من يعتقل من ؟

http://www.up-00.com/

يا لها من لحظات لاتوصف !

يا ثائر فجر بركانك .


http://www.up-00.com/

حبابك الكلس ..عزائم .

يعني قطعتي لسنات (ألسنة) البيقولوا: ضاربين الهمبريب وتحرشوا في الناس.
امثال ديل تاني كلامهم ما بنقراه لانهم قلوبهم ماتت
وما عندهم لينا شئ غير عيونهم البتبكي النفع !

اللهم احكم بيننا وبينهم انك خير الحاكمين .

ومشكور يا كلس .

والله افتقدناك يا بت عمسيب
ومكانك ما بتملي فحبابك على قولك :

Quote: التحية لنساء ورجال وطني داخل معتقلات السفاحين مجرمي الحرب !

بس خسارة عدتين من مكان الجهاد الاكبر وهو مواجهة النظام إلى الجهاد الاسفيري الذي لن يقتل ذبابة
عوداً حميداً مستطاب ولا نامت عين الاسفيريون.

تسلم يا بشير يا خيي من كل شر ..

ومشكور علي الحضور والترحاب .. الكلام كتيير
الدايرة اقوله ليكم الله يدني الوقت .

حمداٌ لله بسلامة العوده يا بت عمسيب


اللهم انصر شعبنا انك ناصر الحق بالحق .

تحية خاصة للأخت بت عمسيب

عودا حميدا مستطاب ‏

نورتي المنبر و إخضرّ بعد جفاف

عودتك فيها البركة ‏

و خشمك فيه اللبن

و إن شاء الله لمنتصرون

أوووه الصديقة العزيزة .. الثائرة منى عمسيب

التحايا والتقدير لك

نورتي المنبر

وثورة حتى النصر .. انها آتية

Quote: عوداً حميداً مستطاب ولا نامت عين الاسفيريون.

شايفك زعلان منهم أكتر من نافع علي نافع

مرحب حباب بت عمسيب

وقدمك خدرا على البلد يارب ياكريم

تحياتى

مرحباً الأخت منى
الف حمداً لله على السلامة وسيزدهر المنبر بوجودك.

Quote: وجيت اطمنكم وبعد الغياب الطال وانا في احضان الوطن الحبيب وخصصت اجازتي السنوية فقط للثورات المباركة والحراك العنيد الذي اكد لي ان السودان برجاله الاشاوس ونسائيه الشامخات ما رايته من عظمة شعب جبار ! جعلني اطمئن ان السودان برجاله ونسائيه المرابطين والمرابطات بالرغم من القمع الذي لا اشهد له مثيل من قبل اشباه الرجال ! النازيين الاسلامويين ! من امنجية وشرطجية مرتزقة !

الف حمدا لله على سلامة العودة يا الثائرة بت عمسيب

التحية لكم اخواتي واخوتي الحضور الشرفاء ..

اريد ان اطمئنكم اخوتي واخواتي وللمرة الثانية لاتيأسوا
ولا تستعجلوا في هذه اللحظات العمل مستمر والتعبئة
مستمرة والموضوع عامل زمن ... الانقاذ ماعندها لينا
شئ ولا عندنا ليها شئ ... وهم ما مستثنين من القذافي
وعلي عبد الله صالح وجميع الطغاة .

هل هذا شعب يعرف الانهزام ؟ مسيرة في ذاكرة الوطن .

عودة مباركة
والف حمدا لله على السلامة
وفي الحقيقة كنت مفقودة في تلك الأيام ولكن بالتوضيح قطعت قول كل مشكك في الغياب

الفنجرية بت نفيسة حمدا لله علي السلامة ..

ألف حمد لله على عودتك بالسلامة وسلامي للأسرة

الثورة مستمرة بالتأكيد.. والنضال الإسفيري مكمل للنضال على الأرض.. والأسافير شغالة من السودان برضو.

ولا غنى عن الأسافير فقد أقضت مضاجع القتلة اللصوص وكشفت زيفهم وخداعهم وقتلهم.

بدون النضال الإسفيري لم نكن لنسمع بشاب إسمه هزاع ولا سمر ميرغني ولا غيرهم.

مرحبتين حبابك يا منى

عودا جميلا كنداكة النزال
يستمر النضال

عودا حميدا مستطاب
والمره الجايه تمشى لاعياد الثوره

حمدا للله على السلامه
عودا حميدا

النضال الاسفيري كان يمكن ان يكون فعالاً يا أخ دكتور ياسر الشريف
لو الاسفيريون يساندون مثل من اشرت لهم في تدخلك قائلاً:

Quote: بدون النضال الإسفيري لم نكن لنسمع بشاب إسمه هزاع ولا سمر ميرغني ولا غيرهم.

ماذا قدمتم لشاب هزاع الشابة سمر مرغني؟

يا علي الكنزي، صراحةً شكلك بقى قبيح شديد ... سواء كنت موالي للحكومة أو غير موالي.

يا ابو الريش
اراك تقول:

Quote: يا علي الكنزي، صراحةً شكلك بقى قبيح شديد ... سواء كنت موالي للحكومة أو غير موالي.

اظنك لا تقصد بقولك:
شكلك بقى قبيح شديد
لانو الله قال :
(ولقد خلقنا الانسان في احسن تقويم)
لكن مسامحك لانك بتقصد تدخلاتي التي ازعجت كل مجاهد اسفيري
ولنأخذ بت عمسيبن كظاهرة نضالية اسفيرية
فهاهي تخبرنا بأنا عادت من السودان بعد اجازة امتدت لاكثر من شهر
ووالله لو كانت معارضتها للنظام تحرك فرع شجرة لما اذنو لها بالدخول دعك عن خروجها
فالحكومة في ثبات ونوم عميق طالما أن المعارضة انتقلت للاسافير التي لم نعرف استغلالها استغلال مثمر وهو التنوير فقط وليس الدعوة للثورة والمظاهرات التي لن يخرج لها إلا من سموا انفسهم بالشيوعيين والجمهوريين والبعثيين وما شابههم من احزاب الفكة
فقد كان الشعب جاداً لاسقاط النظام حتى هناك من ترك اهله ودياره وعمله وهاجر لا ليعيش في بلاد الغرب بل كانوا في الاحراش يدعمون عبدالعزيز خالد ويسري .... مين كدا والصادق المهدي (جيش الامة) والمرغني وجهات مسلحة آخرى
ولكن بكل اسف قام كل هؤلاء القادة بالمصالحة والمهادنة مع الجبهة الاسلامية الحاكمة وخرجوا بنصيبهم من السلطة والمال وأداروا ظهورهم لمن كانوا جنوداُ لهم ورموا بهم لا اقول في المزبلة ولكن لم اجد مفردة اخرى عن استغلال جهاد وجهد الاخرين لمنافع ترجع لمصالح ذاتيه

ما محتاج أوضّح إني ما بتكلّم عن منظرك المادي ..... لأني أولاً لا أعرف ما هو شكلك ولأني ثانياً لا يعنيني كيف تبدو هيئتك ... ولأني ثالثاً لا أسخر من شكل بني آدم.
(شكلك بقى قبيح) تعبير متداول ومعروف القصد منه، فلن أسحبه ولن أعتذر عنه.

ما بحجر عليك إبداء رأيك ... وأبديته عشرات المرات .... وواضح إنك مستعد تبديه مئات المرات رغم إنو وصل.

لكن شكلك بقى قبيح.

يعني دا يعرف بعناد بطولة زايفة يا ابوالريش وانت تقول:

Quote: (شكلك بقى قبيح) تعبير متداول ومعروف القصد منه، فلن أسحبه ولن أعتذر عنه.

اسا انت في زول طلب تحسب قولك أو تعتذر؟
يا اخي دا انت بطل فلن اخطئ واقول لك اسحب كلامك واعتذر والله هذا شرف لن ازين به جبينك
اما انا فعفيف اللسان والقلم واقول كلامي بوضوح ولا انتظر ثناء من احد أو ان يقول لي ابو الريش (شكلك بقى قبيح)
وهذا القبح يثمل الجمال كله لانه وصف من عيون عماها الحقد على من لست ادري؟
وعماها ان ترى الحق لأن شمس الحق لا ترى باعين طبيعية مثل عيون ابوالريش
واصل اخي في كلماتك التي لا تجري على لسان انسان ذو نفس طيبة
اما انا فساواصل ادانتي لكل جهاد اسفيري لاناس لا ينامون كل الليل وربما هم لا عمل لهم فيتسلون بأن يكونو معارضة اسفيرية لمئ فراقهم وادعاء بطولات مثل القابض على ظله

ألأف حمد الله على السلامة..
و معا حتى النصر...
.....


بس خسارة عدتين من مكان الجهاد الاكبر وهو مواجهة النظام إلى (الجهاد الاسفيري الذي لن يقتل ذبابة)..
.....


يا اخوانا لماذا كل هذا العداء للجهاد الاسفيرى ؟
أوليس الحرب أولها كلام ؟
اولم تسقط الاسافير بعض الانظمة الاستبدادية مثل مبارك و بن على و القذافى ؟
وهل معنى ذلك أن يتوقف الناس عن الكتابة عن السودان فى الاسافير ؟
و لماذا نعادى اصلا من له موقف محدد من النظام ؟
و كيف نقلل من خطورة الاعلام الاسفيرى ؟
حاجة عجيبه...

اخت نور تاور
لو كان المجاهدون والمجاهدات مثلك لتبعناهم دون تردد
اقدر جهاد الكلمة عندك واتابع كل كتاباتك التي ليس فيها ضوضاء اسفيرية بل تتحدثين عن واقع لا يستطيع احد نكرانه
أما المجاهدون الذين يعيشون تحت الضمانات الاجتماعية لا يجدون ما يملأ فراغهم إلا منبر بكري والواتساب والفيسبوك
فهؤلاء لن يقتلوا ذبابة
وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
هؤلاء يعودون للسودان للاستعراض بحياتهم المتقدمة في الغرب ويأتون في الشتاء للسودان هروباً من برد قارص لم يعتادوا عليه عندما كانوا يقيمون في بيت المال والعباسية والحارة التاسعة ولا الحلة الجديدة ولا المرغنية في كسلا او ود ازرق في مدني وهكذا دواليك
يريدون ان يقووا ملفاتهم وبقائهم في بلاد الغرب التي حصلوا على اللجوء فيهابدعاوي كلها كذب ورياء
والقليل منهم صادق يستحق حق اللجوء وعلى رأس هؤلاء يأتي ابناء دافور
واكرر بت عمسيب لو كانت تناضل لقالت لنا سابقى في بلد الجذور حتى اسقاط الانقاذ
هؤلاء لم يعودوا للسودان في اجازاتهم إلا بعد أن حصلوا على جنسية البلد المضيف.

بت عمسيب حبابك واليوم السعيد الليلة جابك
يا فريع البان .


علي الكنزي قوّم بُوّل بلآ فقُر معاك،
أوّعك تجي تملاني شخبطة ...

نزار قباني >> غبارُ الكِلْس يُعمينا

غبارُ الكِلْس يُعمينا



اليوميات

كفى يا شمس تموزٍ

فمنذ البدء غير الكلس ، لم تشرب أراضينا

ومنذ البدء نستعطي سماءً ليس تُعطينا ..

كفانا نلعق الأحجارَ

والأسفلتَ ، والطينا

كفانا ، يا سماواتٍ

من القصدير تكوينا ..

جلودُ وجوهنا يَبِستْ

تشقّقَ لحمُ أيدينا ..

لماذا ؟ ترفضُ الأمطارُ أن تسقي روابينا

لماذا؟ تنشفُ الأنهارُ إنْ مرَّتْ بوادينا ..

لماذا تصبح الأزهارُ فحماً في أوانينا

لأنّا قد قتلنا العطرَ .. واغْتَلنا الرياحينا ..

وأغمدنا بصدر الحُبِّ ، أغمدنا السكاكينا ..

لأن الأرض تشبهُنا

مناخاتٍ وتكوينا ...

لأن العقمَ ، كل العُقْم

لا في الأرض بل فينا ...

لأن العقمَ ، كل العُقْم

لا في الأرض بل فينا ...

لأن العقمَ ، كل العُقْم

لا في الأرض بل فينا ...

معاوية المدير،
اخبار التلج كيف؟
ان شاء يكون كنستو من امام السكن الفخم
حصيلة الكذب في الحصول على أقامة في جنة الخلد كندأ.
ثم ثانياً:
اراك تقول ثم تنذرني (اوعك تجي تملاني شخبطة)
هذا هو قولك:

Quote: علي الكنزي قوّم بُوّل بلآ فقُر معاك، أوّعك تجي تملاني شخبطة

لماذا تخرج مثل هذه المفردات من انفسكم ؟
يا اخي عمرنا ما تلاقينا ولا تعارفنا وفرحت بترحيبك بي ،
لأني قايلك انسان،
الحمدلله حتى الأن الكنزي ما خرج منه لفظ بذي
بس اطلق صواريخ حارقة على الاستاذ محمود والمناضلون الاسفيريون.
وانظر لفقر وبئس قولك:
علي الكنزي قوّم بُوّل بلآ فقُر معاك،
يا اخي انت بووعيك تقوم تقول لي :
علي الكنزي قوّم بُوّل
عندما تبول العمالقة فسيسقط البول مطراً في رؤوس الاقزام
فأحذر من ان تطالبهم بمثل هذا الطلب الغريب الذي لم يسبقك إليه أحد.

وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
وبت عميسب لم تقم بهذا النداء وهي داخل السودان ولم نر صورتها في اي مظاهرة خرجت
................................................................................................................

ات متفرجخ متابع الصور ي مشبوه؟؟

حمدالله علي السلامة الاخت الفاضلة
مني عمسيب

الكلسة بت عمسيب ...... ضويتي المنبر .

يا كنزي تحريض الناس بالثورة علي نظام ظالم مارس الابادة الجماعية ضد شعبة وجوع الناس ....... ليست كفر.

إزالة الظلم باليد أو باللسان أو بالقلب ..... هذا ليس حديث الكلسة بت عمسيب ......

دحين إذا أنت ضد الذين يثورون علي الانقاذ وفي نفس الوقت ضد الانقاذ كما تتدعي .....

ف شنو نصيحة أخوية : يجب أن تراجع أقرب طبيب نفسي لحلتكم ..... ممكن تضوي ليك.

قرفتووووونا ياااخ

يأ اخي سامي عطا المنان
قولك:

Quote: يا كنزي تحريض الناس بالثورة علي نظام ظالم مارس الابادة الجماعية ضد شعبة وجوع الناس ....... ليست كفر.

التحريض ليس بهذه الصورة التي تولد السأم والاحباط في نفوس الناس
أنا دخلت المنبر هذا في سبتمبر الماضي ومضى لي خمس شهور
وناس بش شغلتا الجهاد الاسفيري

Quote: اللهم احكم بيننا وبينهم انك خير الحاكمين

نان باقيلِك الناس راضية بى حكمو؟
واحدين يقولوا ليك ما ساوى بين الذكر والأنثى.
واحدين يقولوا ليك ,, ليه حلل التعدد .
واحدين يقولوا ليك حكمه لايصلح لهذا العصر.
أنا بقول نشوف لاهاى احسن ,, ولا مو هيك يالـ كلسة؟
مرحب بعودتك.
................
توقيعات إختارى منهن المناسب للمداخلة:
الفاضلابى الضال المُضِل
الرضعان فوق الخُلال
حصحاص البليلة
:)

الآخ الفاضل على الكنزى...


أولا رحم الله المدام رحمة واسعة و اسكنها فسيح جناته..
و لكم حسن العزاء..
كلماتك خرجت من القلب حتى ليحسها القارئ و يعيد التفكير فى الآمر..
و لكن دعنى اقول لك..
السودانيين فى الخارج و اعتقد أنت منهم..
نعيش جميعا فى مشكلة مزدوجة...
و هى الغربة و الاغتراب..
الغربة الجغرافية و الاجتماعية من الوطن..
و الاغتراب النفسى و الفكرى حيث ينتهى بك الامر الى اللا أنتماء..
هنا يحدث العذاب الآليم ...
و لكن وبعد كل ذلك..
يجد الناس الوقت للجلوس امام الجهاز و التعبير عن ما يجيش فى انفسهم ضد هذا النظام الدكتاتورى...
و الخروج فى مظاهرات..
و كثير من النشاطات ضد هذا النظام الجائر..
و صدقنى لولا وجود السودانيين فى الخارج لماتم فضح النظام بهذا الشكل..
الامر الذى حد من كثييير من جرائمهم..
فتخيل لو لم يكن هناك سودانيين فى الخارج..
ماذا كان سيحدث للسودانى بالداخل ؟
ايضا هناك نقطة حساسة جدا..
و هى ان السودانى موجود فى الخارج بحكم الضرورة..
و من هذه الضرورات هى العمل ليل نهار لتوفيق اوضاعه فى بلد المهجر..
ثم ارسال النقود الى السودان..
ولولا وجود السودانيين فى الخارج ايضا لا ادرى ماذا كان سيحل بملايين الاسر..
ايضا لولا وجود السودانيين فى الخارج ( كان الرماد كال حماد)..
هذه هى وجهة نظرى فى الآمر..
و اخيرا..
صدقنى ان الاسافير تساهم فى اسقاط النظام على الاقل بنسبة 40%
خليتك عافية...

الاخت الكريمة نور تاور
صاحبة القضية والقلم المستنير
لك مني الاحترام والتقدير، وكما ذكرتُ لك سابقاً لو كان كل الاسفيريون لهم مثل بضاعتك لتفهم الناس أن هناك من بالخارج يرفع الحجر ليقتل العقرب التي تحتمي به
ولكن بكل اسف هؤلاء حتى لو وصفناهم بالمهرجين الاسفريين لظلمنا التهريج
أعرف معناة الاغتراب في دول الغرب وعشتها بنفسي
واقدر اؤلئك الذين دعتهم ظروف اقتصادية فتدثروا بالقضايا السياسية ليجدوا موضع قدم في الغرب
فمنهم من رضى وكف لسانه وقلمه ومنهم من ظن حقيقة أنه مهضوم سياسياً فصار يجعر في الاسافير ويطالب باسقاط الجكومة
وهاهي صاحبة الطرح التي تهنينا بعام جديد بعد أن مر ربعة أو خمسه تضع صورة امل هباني في ملفها
وليتها آذرت أملاً وانتهزت فرصة وجودها في السودان وقادت المسيرات أو كانت بداخلها
لكن هؤلاء أنا لهم ذلك الشرف النبيل.
فلو غابوا طويلاً ستغيب حقوقهم المالية التي يتغاضونها من الدولة المضيفة دون مقابل ويظنون انهم اذكياء واصحاب كرامة بفعلتهم هذه.
فوالله خاب من عاش على صدقات الغير وهو يظن أنه حقق نجاحاً.
رغم اني اعلم أن من بين هؤلاء من يستحق حق اللجوء وحق الدعم المالي
أما أن تكون معارضاً وتلعن خاش الحكومة وانت بعيد عنها وعندما تأتي إلى موقع الحكومة يصبح في فمك ماء ولا تقول حتى (بغم) وتعود من السودان لتملأ الساحة
نضالاً وجهاداً اسفيري فهذه لا املك من المفردات ما يسمح لي بتقيمها.
على كل أنا فخور بنفسي وبوطني وبأهلي ومعارض للحكومة من داخل السودان ولكني لن اكون مع الغريب عليها حتى لو انطبقت السماء بالارض
ولن اخرج في مظاهرات يقودها الحزب الشيوعي والجمهوري حتى حزب الامة فهؤلاء اصحاب هدف وليس قضية وقد باعونا مرات ومرات.
والشعب ضحى اكثر من مرة ولكن ثمرة الحصاد راحت للقيادات السياسية واسرهم
والسودان بلد جنى عليه بنوه.
سوى كانوا بالحكومة الحالية أو من هم بالمعارضة
ولا نامت اعين الاسفيريون
( ...رَبِّ بِمَا أَنْعَمْتَ عَلَيَّ فَلَنْ أَكُونَ ظَهِيرًا لِّلْمُجْرِمِينَ (17)

التحية لكم اخوتي واخواتي الشرفاء .

ومعذرة للعودة والرد عليكم علي الفور زي ما عارفين
ظروف السفر واتعابه .

تنبيه الي الأخ الكنزي :
رجاءآ منك ان لاتجعل من هذا البوست المبارك
صراعات جانبية لم اكن طرفآ فيها !!!!!!!!!!!!

ولم اسألك عن بهتانك الواضح وصريح لشخصي
من كلام جارح ! ومتسرع ولا يمد لابناء البلد باي
صلة ! وكنت بتمني قبال ما تدي تقريرك وعرضحالك
القدمته عني ان تسالني بما جئت به من كلام لايصدر
الا من رجل معاق اخلاقيآ ونفسيآ ! والدليل رجل يحمل
لي احساسين في نفس اللحظة ! احساس المدح والذم !

عمومآ وعلي الملأ وقلتها وسوف اقولها للمرة المليوون
لم اغير البتة وجهة نظري المسبقة فيك بانك لارجاء فيك
(وبانك رجل غيرمؤاخذ وغير جدير بالرد )فرجاءآ
الابتعاد عن البوست لانه خط احمر .

انتهي .

وجع وجع .. نميري رجع .. !

يا مني، ياهو تجدعتي شهرين تلاتة .. مع الكيزان وعدت بسلام .. وقشة ما عترت ليك ..

أها الهياج شنو!

بريمة

يا بريمة
تراك ما عارف شئ
انت قايل لسا النميري يحكم؟
يا اخوي كان اولى أن تقول:

وجع وجع بت عمسيب فزع
هوووي يا بريمة بت عمسيب مشت السودان في مهمة سيرية لقادة المظاهرات وعادت بحمل ثقيل ونجاح منقطع النظير
وها هي تنهنينا نحن الرفاق الذين سنسقط الانقاذ بكلمة او كلمتين على منبر سودانيزاونلاين

ثم ثانيا أنت ناسي أنو حكومة الكيزان هذه لن تقترب من بت عمسيب قيد انملة لأن بت عمسيب تتمتع بحماية الاتحاد الاوربي
وأنت تعلم أن الاتحاد الاوربي شديد الحساسية في حماية النساء فيما له علاقة
بدول العالم الثالث التي تحسب أن المرأة إلا شئ يغتنى.
لهذا احذرك أن تقترب من بت عمسيب
ولا عذر لمن أنذر

غايتو ما عارف اقول شنو ..
دخلت البوست عشان احى الاخت منى .. و من حيتنا و سلمت و بشرت الجميع بالنصر القادم للوطن العزيز ..
ههههههه عشان اصلك يا منى و اسلم عليك و اتشرف بك اخت (على الاقل اخت لى فى الوطن.) .. خضت بحار من كلام يجبرك ان ترد عليه لولا ان الواجب يحتم ان اسلم و احى صاحبة الدار اولا ..
نقديرى لك و امتنانى .. و ان شاءالله الاجازة الجاية و الوطن معافى .. و واسع و الجميع اخوة احبة داخله ..
ربنا يحفظك ف الحل و الترحال
مودتى و تقديرى

علي الكنزي كتب:

ماذا قدمتم لشاب هزاع الشابة سمر مرغني؟

أنا شخصيا قدمت ما مكنني الله من تقديمه. فلماذا تريد أنت أن تعرفه؟ وأنت أساسا لا ترى جدوى في مقاومة هذا النظام ولا ضرورة إلغاء قوانينه الشائهة بدليل ما كتبته من مداخلة في بوست استطلاع الرأي حول إلغاء عقوبات الجلد والقطع إلخ.
Re: استطلاع .. أرجو من الجميع المشاركةRe: استطلاع .. أرجو من الجميع المشاركة
ولم تطالب بإلغاء تلك العقوبات الشائهة ولكنك كتبت:

Quote: ((يا اخ ياسر انت استاذك ما عارض القطع ولا الرجم ليه عايز تخالفو خليك هنا ما بلاش تفارق؟))

فرددت عليك بأن الأستاذ محمود في الحقيقة طالب بإلغاء تلك العقوبات والقوانين وأسماها بقوانين سبتمبر.
كلما تكتب كلما تكشف عن مواقفك وعلاقتك بالهوس الديني الذي اختطف الإسلام محليا وعالميا. حتى الآن برزت مدافعا عن الدكتور قاسم بدري الذي لم يقر بخطئه ورفض الاعتذار ولكنك كتبت بوستا تقول في عنوانه: "لعل الله اطلع على اعمال آل بابكر بدري حتى الجيل الثالث منهم وهو بروف قاسم وقال: اعملوا ما شئتم فقد غفرت لكم"
لعل الله اطلع على اعمال آل بابكر بدري حتى الجيل الثالث منهم وهو بروف قاسم وقال:لعل الله اطلع على اعمال آل بابكر بدري حتى الجيل الثالث منهم وهو بروف قاسم وقال:
وأخيرا برزت مدافعا عن شخص اتهمته امرأتان بالاغتصاب فوصفت عنوان البوست الذي وضعته وهو:
Re: وأخيرا تم توقيف الدكتور طارق رمضان في بار�Re: وأخيرا تم توقيف الدكتور طارق رمضان في بار�
فوصفت العنوان بأنه شماتة ووضعت نفسك في دائرة المتهم، الذي يمكن أن يكون بريئا طبعا، ويمكن أن تثبت عليه التهمة وقلت :

Quote: عارف يا استاذ ياسر رأيتك شامتاً فرحاً بتوقيف الدكتور طارق رمضان وأنت تعنون طرحك بالقول: Quote: وأخيرا تم توقيف الدكتور طارق رمضان في باريس والله يقول في امثالكم: (.. وإن تصبكم سيئة يفرحوا بها...) وفرحكم يظهر في قولكم: وأخيرا تم توقيف

ليس ذلك فحسب وإنما ظهرت متعاطفا مع أكبر إرهابيي الهوس الديني وهو الشيخ عمر عبد الرحمن فقلت في نفس بوست طارق رمضان:

Quote: حاشا لله أن اكون متعاطفاً مع الاخ والدكتور طارق رمضان ان صحت التهمة وعندما انزلت لك قصة شقيقه د هاني رمضان احببتُ ان تعرف ويعرف القارئ انهم أي اسرة رمضان محاربة حتى من الحكومات ليس فقط من الجهات التي تعادي الاسلام او تلك التي لا تؤمن برسالة الاخوان المسلمين فهذه القصة تكشف لك واقع مؤسف يمكن أن تنحط إليه جهات رسمية وتلفق الجرائم على شخص برئ وهذا ما حدث للمرحوم الشيخ عمر عبدالرحمن في نيويورك

ولم تستطع أن تفصح عن ماذا حدث للشيخ عمر عبد الرحمن؟؟
كلما تكتب كلما تكشف نفسك.

ياسر

حمدا لله علي سلامة العودة

غيابك عن المنبر شكل فارق كبير في هذه الايام المباركة

نورتي

كتب الكنزي:

Quote: ثم ثانيا أنت ناسي أنو حكومة الكيزان هذه لن تقترب من بت عمسيب قيد انملة لأن بت عمسيب تتمتع بحماية الاتحاد الاوربي وأنت تعلم أن الاتحاد الاوربي شديد الحساسية في حماية النساء فيما له علاقة بدول العالم الثالث التي تحسب أن المرأة إلا شئ يغتنى.

لو افترضنا صحة كلامك أن منى تجد حماية من الاتحاد الأوروبي فهذا أمر محمود يشكر عليه الاتحاد الأوروبي. وهو يماثل حماية النظام القانوني للمواطنين في الدول المحترمة أمام المجرمين. ولكن عندنا تقوم الشرطة بجلد النساء بسبب الزي ولبس البنطلون وتهم غير مؤسسة كما في هذه الشريحة،



وكذلك جلد القادة الحزبيين من حزب المؤتمر السوداني لممارسة حقهم الطبيعي في التعبير المشروع.
ألم أقل لك أنك كلما تكتب كلما تكشف عن حقيقة موقفك من النظام وقوانينه.
وقد سبق لي تنبيهك لذلك في هذا البوست:
Re: الف الف مبروك للحزب الشيوعي والجمهوري والRe: الف الف مبروك للحزب الشيوعي والجمهوري وال

ياسر

يا اخ ياسر الشريف
لك مني التحية
اراك تبحر بطرح اختنا بت عمسيب للمحيط الهادي وهي في بحر الشمال
عشان كدا نخلي سفن بت عمسيب تبحر في بحر الشمال عابرة للبحر المتوسط ثم الاحمر لترسو في سواكن ميناء تركيا في السودان
وأنا هنا جوار النيل منتظراً ربما تمر السفية من عندنا
لكم ودي كل الابطال والبطلات الاسفيريين
وفتكم بعافية لانو رسالتي وصلت
ونخليكم تتمو فرحتكم بعودة الصنديدة بت عمسيب التي زلزلت الارض تحت اقدام البشير وأمنه وسيدعونها قريباً للحوار كما دعو اختها من قبل.
خوفاً أن تؤدي ثورتها الاسفيرة لحرق النظام عن بكرة ابيه.
وإلى لقاء جديد في حوش بكري الذي صبر على المسئين صبره على القادحين والشامتين

يا بت عمسيب
والله انا كنت اول من افتقدتك في المنبر
واحببت أن اطمئن عليك
وليتك عدتي من السودان واوضحت لنا الاحوال وانطباعك العام عنها في هذه الاجازة مقارنة باجازتك العام الماضي
وها انت تذهبين وتعودين لا قشة عترت ليك
وهذه تحسب للانقاذ واقسم بالله لو كان موقفك هذا من الحكومة موقف شخص آخر لبلد عربي آخر لما جاءه وطنه حتى في احلامة
وهذا لا يعني أن هناك حرية في السودان ولكن الانسان السوداني يثق دائماً في الأخر ولو لا هذه الثقة لما جاءت خاطرة الاجازة في السودان ببالك
ليتك تكتبين عن احوال الناس وما طرأ عليهم من تغيير في الاخلاق والسلوك ومستوى المعيشة
وتطلعاتهم المستقبلية
وليت واحد منا في المنبر يتناول قضية محددة نحللها ونطرح لها الحلول
ومن اهم القضايا :
البطالة وسط الشباب
وحالات الطلاق التي نرى جزء منها في المحاكم الشرعية
وحالات المتقدمين في السن الذين لا يجدون مأواً او سكناً وترى كأنهم طردوا من ديارهم
وحالات الاطفال المشردة والجائعة والتي تبحث عن طعام قبل الملبس
وحالات المرأة السودانية التي اخرجت للعمل واعني ربات البيوت
كل هذه قضايا يمكن ان يتناولها المنبر ويبحث لها عن حلول ولو جزئية
أما معارضتكم الاسفيرية هذه فما هي إلا اشواق من يريد أن يقضي على احد فيحارب ظله كلما طلعت الشمس

ازعل ليه ؟
رفضو طلب لجوئي وادوهم؟
يا اخي حقيقة أنا اتحسر على بضاعة المعارضة الاسفيرية المزجاة والمعروضة في حوش بكري لبيعها في السودان، ولكن نسو ان السودان يمر هذه الايام
بمحنة اقتصادية عظيممة وهي الكساد؟
أي حتى البضائع التي تستحق الشراء اعرض عنها السودانيون فما بالك ببضاعة اسفرية مزجاة؟
لا احد يرقب في تلويث البيئة اكثر مما لثوته البضائع الصينية الضاربة،
يجو كمان يزيدو الطين بله واشترو بضاعة المعارضة الاسفيرية المزجاة؟
يا اخي أبو الريش دي العبو غيرا؟

Quote: يا اخي أبو الريش دي العبو غيرا؟

أنا سكتّ منك ... مصر ما تسكت مني؟
دي بلوة شنو دي ...

________

إعتذاري الشديد يا بت عمسيب ... ما كان القصد تشويه البوست .. لكن ياهو حال سودانيز أونلاين.

طبعاً اخ ابوالريش
كان لازم تسكت مني بعد ما افرغت بضاعتك التي لها ريح نتنة تنم روح مثلها وانت تقول لي:

Quote: يا علي الكنزي، صراحةً شكلك بقى قبيح شديد

بالله مش كان كفاية
قبيح
في داعي تضيف:

شديد؟

Quote: ازعل ليه ؟ رفضو طلب لجوئي وادوهم؟ يا اخي حقيقة أنا اتحسر على بضاعة المعارضة الاسفيرية المزجاة والمعروضة في حوش بكري لبيعها في السودان، ولكن نسو ان السودان يمر هذه الايام بمحنة اقتصادية عظيممة وهي الكساد؟ أي حتى البضائع التي تستحق الشراء اعرض عنها السودانيون فما بالك ببضاعة اسفرية مزجاة؟ لا احد يرقب في تلويث البيئة اكثر مما لثوته البضائع الصينية الضاربة، يجو كمان يزيدو الطين بله واشترو بضاعة المعارضة الاسفيرية المزجاة؟ يا اخي أبو الريش دي العبو غيرا؟

بس أنا علاقتي بي ردك ده شنو؟

إنت بتقرا الكلام البتكتبو؟

وجع وجع .. نميري رجع .. !

يا مني، ياهو تجدعتي شهرين تلاتة .. مع الكيزان وعدت بسلام .. وقشة ما عترت ليك ..

أها الهياج شنو!

بريمة

يا بريمة ياخوى كتيييير من مناضلى الاسافير وصاقعى الكيبورد بعد يمشوا السودان ويرجعوا

ومافى زول يشتغل بيهم بيدخلوا فى حالة احباط

وبعضهم يبدأ يفكر فى حالتو وانو معارضتو كوووووولها ماجايبا حقها

الناس دى فعلا بتفتكر انها بتحرك الشارع من حوش بكرى وممكن تزيل الانغاذ

عجبى

الأخ حسن حماد،
سلامات ..

Quote: بريمة يا بريمة ياخوى كتيييير من مناضلى الاسافير وصاقعى الكيبورد بعد يمشوا السودان ويرجعوا ومافى زول يشتغل بيهم بيدخلوا فى حالة احباط وبعضهم يبدأ يفكر فى حالتو وانو معارضتو كوووووولها ماجايبا حقها الناس دى فعلا بتفتكر انها بتحرك الشارع من حوش بكرى وممكن تزيل الانغاذ عجبى

شيئ يحير .. يا حسن، معقولة .. الواحد ينبح في الحكومة ليل ونهار .. ثم ينزل السودان إجازة كأن لم يكن شئياً .. !!

بريمة

الاخت منى ... سلام

حمديلا على سلامة العودة
وان شاء الله تكوني قضيتي اجازة سعيدة
بين الاهل والاقارب ...

تحياتي ,,

عااالم بطاالــــــــــــــــــــة ,,