SDG هل هو اختصار لعملة السودان الجنيه؟

05:24 PM February, 05 2018

سودانيز اون لاين
حمد عبد الغفار عمر-
مكتبتى
رابط مختصر

اعتقد دا بتاع الدينار
شايف الناس لسه معلقة فيهو حتى السفارة الامريكية

صاح هي اختصار لـ Sudan Pound
انا غايتو أول مرة اركز في اختصار الجنيه السوداني لكن الحروف دي ما غريبة ؟
قدر ما قوقلت عشان ألقى الكلمة كاملة عشان أعرف حرف الـ G بشير لي شنو ما عرفت

سودانيز جنيه ...... تصور؟

الــ G = جنيه

هلا ابو الريش

استبعدتها تماما أنا

يعني الجنيه منجلش (من انجليزي)

معقول كتبوها الانجليز زمان أول مرة ول دي عزة وأنفة سودانييين ساي

ديك بتاعة الإستعمار ياخ ....

نفس الفهم القالوا بيهو الدينار عملة إسلامية.

الانجليز حقارين ليه حقهم باوند ونحن جنيه

بأكد ليك الاسبلينج بتاه جنيه دي ما بكون محدد كيف وهسه ممكن أي زول يكتبو زي ما عايز

سلام عزيزنا حمد،

ولك كل التحايا الطيبة ..

مؤمّل حتى الآن، الدخول والتداخل في بوستك حول الكتابة،
وأرجو ألّا يكون "اكتمل" بدره بالسبوعين؟

بالنسبة لاختصار عُملتنا الوطنية، الجنيه، فالــSDG هو آخر
"اختصارات" العُملة الوطنية ترميزاً، وتعني الجنيه السوداني الجديد =
New Sudanese Pound

ومعاك حق، أن وقَفَ "حُمار شيخك" في عقَبَة الــG
وكلّنا ذلكم الرجل الذي وقَف حماره هنضب! ولكنّا
من الربع نَشيء الإنقاذ منذ "هيعة ال مَيْعَة" الشبابية
غصباً عن حَناننا..! وحيث أن الــG جاءت هاهنا المصطلح
كــ "حرفٍ" نافر، وكذلك حيث كان وما يزال العقل الإنقاذوي
في "كراهة" الغرب الآوروأمريكي - فقط إعلامياً - سافِر بن غير
كافر عديل كدا، مع أنّ ذات العقل الخَليّ! غير مُمتلئ إلّا بالولَه
بالبنكَيْن الصندوقَيْن آل- بريتون وودز..! وحيث كذلك أن التأصيل،
كَــ شِرعة إنقاذوية مُسرطَنَة، كثيراً ما أطربتْ "وهماتِهم" وملّكت
ذُراريهم حِجاجاً أشبه ببيوت العنكبوت، بـَ لها "تُفافات" العنكوليب!
حول الأصالَة والنّبالة؛ وتلك نبالات لا تخلو من كثير "هَبالات"

فغالب الأمر أن الــG هنا تَنمي بأصلها إلى الأصالة، وهي تتزيّأ ثوب التّعريب
فبدل "Pound" المشهورة دولياً، تتموضَع ال "جــِــنِيْ" وحتى هذه
الأخيرة لا تلتزم الإملاء الغربي الكافر..! فبدلاً أن تكون Jennih
تصير Gini حتى إنْ أشارتْ عديلاً إلى "الجِنِّي" المعروف داك- وذاك
غير صاحبنا الفاضل بهذا المكان - وبلا شك، هي "اندراوة إنقاذوية"
جاءوا بها ثم تشبّثوا أنها الأجدر بهم بدل الجّنّ! وهكذا، صارَ بظهرانينا
صنيعُهم البائر، غير مسبور الطبيعة، ولا ميسور الفهَم.

إلى ذلك، فإن الG قد تُنمي إلى الجيناريستي، والتي تعني الشهامة والرجالة
حتى وإن جاءت على شيءٍ من الدّغالة؛ كذلك قد تَنمي ربما إلى ال جينيتَيْكس
دون أن تلتفت إلى أي صيحات مُحَذِّرة مُنْذِرة بأن خلف ال جينيتيكس
إلّا ال "قاينا" ...!

فاقبلها، أيها العزيز، فقد قبلناها جميعاً، وإن على غير قليلٍ من
القجج
حتى إنها في الغالب، ستتغيّر قريباً، وربما نعود للــLS
حتى بغير خُفَّيْ حُنين.




ـــــــــــــــــــ
مع مودّاتي الظاهرة والمخبوءة وكدا .. ودمتَ بكل خير

العزيز ابو جودة

لقد شرحتها حتى بانت نواجز الـ G

أكيد صناعة انقاذية مافي زول عولق وخولق السودان دا غيرهم

دحين الـ LS دي موش ياها اسم عملتنا زمان الواحد من كثرة تغيير العملة بقى ما بفرز بالجديد من بالقديم


بوست الكتابة بانتظارك يا أبو جودة يا ليت وا ريت انفع كلام يا ريت تديهو طلة اكيد لنا عودة إليه

Quote: دحين الـ LS دي موش ياها اسم عملتنا زمان الواحد من كثرة تغيير العملة بقى ما بفرز بالجديد من بالقديم

أي نعم، وكُنّا كــ مِصرفيِّين حَرْفيِّين نكتبها بادئينها بالكابيتال L ثم
نضمّ إلى حناياها أو عند "خَتَراتها" الـ Small "إس" يا حلاتا
فتصير Ls كأشبه بــ "دورة حياة جرثومة الـبِلهارسيا" من يرقة إلى
شرنقة وهكذا سو آند سو
وإن كان من زجرٍ يفيد الإنقاذوية، فليعلموا أنهم أبدلونا (خلايا) الآفات
المرضية من "سرطان" و "إشعاع" عِوَضاً عن تلك الشرنقات البيلي-هارسية
و"الدودة الشريطية" و محبوبتنا "بنت الدهر" أنثى الأنوفليس؛ فانظر
لهذه النّذارة الإنقاذوية البطّالة!! أيستبدلوننا الأشرس بالذي هو
أبرَك بالمقارَنَة وكدا ..؟!

لا دَرّ لهم دَرْ، ولا قَرّ لهُم حُكم، ولا استقام لهم " جنيه " ولا "دينار DS" ذاتو

سلام عزيزنا حمد
Sudanese Domestic Growth






My be

كيفك يا الصادق

معقول لكن؟ الكلام الجبتو دا معناهو تاني
صاح مرتبط بالاقتصاد لكن شكلك مزهجك الجنيه الميت دا ساي

يا عبد الغفار عساك طيب
اعتقد ان ال G هي اختصار لى Genih غالبا والسبب يعود الى ان هناك رمز لكل عملة حسب معيار إسو يتكون من ثلاثة احرف حيث يشير الحرفان الاولين للدولة والثالث للعملة مثلا AED والتي هي Arab Emirates Derhm والسودان ربما صادف ان استخدام P:pound ربما كانت محجوزة مع اي دولة اخرى تستخدم عملة الباوند وحرفي الدولة SD، لذا اعتقد تم استخدام G:Genih فاصبحت SDG.
مجرد تخمين وتوقع
تحياتي

كيفك يا احمد عمرمحمد مالك مختفي نوعا ما

كلامك ممكن لأنو لما قوقلتها قوقل اداني خيار SGD
الدولار السنغافوري بس الحروف بختلف
لكن ليه ما تكون SDP ما دام الشغلة دخلها إنجليزي
Convert money in Sudanese Pound (SDP) to and from foreign currencies using up to date exchange rates

.السطر دا من قوقل القصة دي افتكر حصلت ايام حملة التعريب ديك

The Sudanese Pound (SDP) is obsolete. It was replaced with the Sudanese Dinar (SDD) on January 1, 1992.
the Sudanese dinar (SDD) was replaced by the sudanese pound (SDG) on 30 Jun 2007.

افتكر سمو الجنيه الجديد SDG عشان ما يتلخبت مع الجنيه القديم SDP.
لغاية وقت قريب كانت مواقع تحويل العملات بتكتبهم التلاتة SDG و SDD و SDP

هلا حافظ

الجنيه الجديد دا أنا قايلو ياهو الجنيه القديم
لكن اليوم بشوية مراجعة عرفت إنو ما ياهو
اعتقد
الدينار = 10 جنيه قديم
الجنيه الجديد يساوي 100 دينار

الجنيه الجديد يساوي 1000 قديم


بس اتذكرو معاي ال Ls الجابها ابوجودة موش كانت هي رمز الجنيه زماااان؟

انا احمد عمر محمد واخونا احمد محمد عمر عاملين زي معكوس الدولار السنغافوري مع الجنيه السوداني

الLs دي أفتكر كانت علامة الجنيه زمان و الSPD دا الآيزو كود
زي ما ال$ هي علامة الدولار الأمريكي و USD هو الآيزو كود

غيرناها يا أحمد عمر محمد رغم إنو التغيير بقى متعب خلاس

SDP = Sudanese Pound الجنيه السوداني
SDD = Sudanese Dinar الدينار السودان
ويساوي 10 من الـ SDP
SDG = Sudanese Genaih الجنيه السوداني الجديد
ويساوي 1000 من الـ SDP
ويساوي 100 من الـ SDD

حمد وضيوفو - سلامات
SDG جنيه سودانى اكتر مانبهنى ليها كروت الاسكراتش بعد تحويل العمله من دينار لى جنيه.

LS اللى هى ( اختصار ) زمان للجنيه السودانى واظن انها تعنى تحديدا اختصار (local currency (Loacls
اما لما تكتب كلمات كامله Sudanese pounds.
.
الله يرحم جنيه زمان (الطراده = 25 قرش) تعمل الما بتعملو الخمسين جنيه هسع .

غايتو يا احمد يوم بجيك عكاز طاير في وشك بالغلط :)
عامل اسمك الشين دة

أووو أحمد محمد عمر

عامل اسمك الشين دة

انتا ما بتوب؟

أصبر الخميس قرب

سلام في فجر يوم جديد
يا اخوة الحرف الاول والثاني يعني السودان and the 3rd letter (G( stands for Geneh
لانو العالم اتفق ان يختصر اسم كل دولة في حرفين Countries abbreviations فنقول:

Chad TD
Chile CL
China CN
Christmas Island CX
Cocos (Keeling) Islands CC
Colombia CO
Comoros KM
Congo CG
Democratic Republic of the Congo CD
Cook Islands CK
Costa Rica CR
Croatia HR
Cuba CU
Curacao CW
Cyprus CY
Czech Republic CZ
Cote d'Ivoire CI
Denmark DK
Djibouti DJ
Dominica DM
Dominican Republic DO
Ecuador EC
Egypt EG
El Salvador SV
Equatorial Guinea GQ
Eritrea ER
Estonia EE
Ethiopia ET
Falkland Islands (Malvinas) FK

مودتب

Currency symbols and their abbreviations
Overview of the world's major currency symbols and their abbreviations
Country/Region Currency Currency Symbol(s) Currency Abbreviation
Antigua E.C. Dollar E.C. $ XCD
Argentina Pesos $ ARS
Australia Dollar $ AUD
Austria Euro € EUR
Bahamas Dollar $ BSD
Bahrain Dinars .د.ب (Arabic) or BD (Latin) BHD
Barbados Dollar $ BBD
Belgium Euro € EUR
Belize Dollar BZ$ BZD
Bermuda Dollar $ BMD
Bolivia Bolivianos $b BOB
Botswana Pulas P BWP
Brazil Real R$ BRL
Cameroon Communauté Financière Africaine Francs CFAF CFAF
Canada Dollar $ CAD
Cayman Islands Dollar $ KYD
Chile Pesos $ CLP
China Yuan Renminbi CNY
Colombia Pesos $ COP
Costa Rica Colones CRC
Cyprus Pounds £C CYP
Denmark Kroner kr DKK
Dominican Republic Pesos RD$ DOP
Ecuador United States Dollar $ USD
Egypt Pounds £ EGP
El Salvador Colones $ SVC
Fiji Dollar $ FJD
Finland Euro € EUR
France Euro € EUR
Germany Euro € EUR
Greece Euro € EUR
Guatemala Quetzales Q GTQ
Honduras Lempiras L HNL
Hong Kong Dollar HK$ HKD
India Rupees Rs INR
Indonesia Rupiahs Rp IDR
Ireland Euro € EUR
Italy Euro € EUR
Jamaica Dollar J$ JMD
Japan Yen ¥ JPY
Kenya Shillings K Sh KES
Korea Won KPW (north)
KRW (south)
Kuwait Dinars KD KWD
Liberia Dollar $ LRD
Liechtenstein Switzerland Francs CHF CHF
Luxembourg Euro € EUR
Macau Patacas P MOP
Malawi Kwachas MK MWK
Malaysia Ringgits RM MYR
Malta Liri € EUR
Mauritius Rupees Rs MUR
Mexico Pesos $ MXN
Morocco Dirhams DH MAD
Netherlands Euro € EUR
Netherlands Antilles Guilders (Florins) ƒ ANG
New Zealand Dollar $ NZD
Nigeria Nairas NGN
Norway Kroner kr NOK
Oman Rials OMR
Pakistan Rupees Rs PKR
Panama Balboa B/. PAB
Papua New Guinea Kina K PGK
Paraguay Guarani Gs PYG
Peru Nuevos Soles S/. PEN
Philippines Pesos Php PHP
Portugal Euro € EUR
Puerto Rico United States Dollar $ USD
Qatar Rials QAR
Saudi Arabia Riyals SAR

حمد..حبابك يا صديقي
وحباب الأصدقاء هنا..
كتر خيرك على البوست الجميل..

عطفا على كلام احمد عمر ، حافظ بشير ، هاني ، الكنزي..
اجابة على سؤالك في العنوان: نعم هو رمز عملة الجنيه السودانية حسب منظمة المعايير الدولية او المنظمة الدولية للمعايير (أيزو). ايزو عندها منظومة رموز عديدة متفق عليها عالميا..مثلا رموز عملات الدول تقع تحت..
ISO 4217 CODE
اللغات تقع تحت
ISO 639 CODE
وهكذا..
حرف
G
هو حرف متفق عليه ولا يشير لأي حاجة ، يعني لا يعني جنيه كما خمن البعض هنا ولا يشير الى (حكومة السودان) كما هو متعارف عليه سابقا..وانما هو جزء من الرمز..وهو ما يعرف بالجنيه الثالث في السودان ، وهي التي اشار لها الأصدقاء اعلاه..
الجنيه الأول رمزه:
SDP
الجنيه الثاني (الدينار) رمزه:
SDD
والجنيه الثالث رمزه:
SDG
كما ذكرت
G
حرف لا يحمل معنى وانما اتفاقي مثله ومثل بعض الحروف التي تظهر في رموز عملات بعض الدول ولا تحمل معنى ..مثلا..الشلن الأوغندي والبيسو الأورغواي
رمز الشلن الأوغندي (آيزو)
UGX
رمز البيسو الأورغواي
URU
طبعا عندي نية اسقط الحكومة الحالية ، وح يكون رمز الجنيه الرابع
SDK
واكيد الناس ما ح تحتار كتير في تفسير
K
ودمت طيبا..
كبر

ول أبا كبر،

Quote: SDK

جنيه كبر ..

الأختصار دا يا ول أبا كبر، عندنا في البرمجة معروف لينا ذي ما الزول يعرف أهله ..
ويعنى Software Development Kit

بريمة

مرحب علي الكنزي

مشكور على المعلومات بس موش ملاحظ إنو كتابة جنيه بالحروف الانجليزية حصل فيها تفاوت حتى في البوست دا من ناحية الاسبلينج

اتكتبت ثلاثة مرات بشكل مختلف ، دا كلو من حركات التأصيل وما تبعها من تخريب لكل الإرث الممتاز في الخدمة المدنية بشكل عام

هلا عاصم
بس اشارة ال اس لعملة محلية بتخلي التمييز مبهم
سرها عن الانجليز
بمناسبة الطرادة دي عندنا عم قال زمان لما تدخل الانداية ولابس خفيف وخاتي جنيه في الجيب الانادي كلها تزغرد ويباروك العتود كان بطرادة اتخيل لي

كيفك يا هاني
غايتو اكتر جنيه اتمرمط في الدنيا دي
تغيير الاسم دا ما مبلوع كلو كلو يعني الواحد ينزنق طوالي يغير اسمو

دي رسالة من صديق عزيز

الأخ حمد كنت مستغرب ذيك كده قبل فترة و بحثت لحدي ما لقيت: حرف الــــ G برمز لجنيه الذهب (Guinea (coin (https://en.wikipedia.org/wiki/Guinea_(coin

و شوف الجنيه المصري برجع تاريخياً لجنيه الذهب ،
و أتوقع أن يكون الجنيه السوداني علي نفس النسق. https://en.wikipedia.org/wiki/Egyptian_pound[/red]

الحكايه فيها اختلافات كثيره مثلا الجنيه السودانى LS زمان رمزو قريب من المصرى LE فى نفس الوقت العمله السوريه SYP

هلا بيك كبر

هو حرف متفق عليه ولا يشير لأي حاجة ، يعني لا يعني جنيه كما خمن البعض هنا ولا يشير الى (حكومة السودان) كما هو متعارف عليه سابقا.

كلام الترميز دا عمليا منطقي بس الترميز بالتأكيد ليهو أسس يعني الإشارة للدولة بحرفين افتكر انها زي عٌرف ملزم لا بد منه للتفريق وتقريب الرمز للدولة المعنية

ولو إني بديت أرجح حكاية جنيه الدهب دي الوردت في رسالة صديقنا الفوق
ولو ملاحظ كان في إشاعة لإصدار جنيه ذهب ممكن تكون تم تذكرها من الرمز بحرف الـ G

مرحب بريمة

عشان تعرفوا عدم منطقية الحاجات البتحصل دي
الجنيه الحائم هسه دا بيساوي 1000 جنيه من القديم
الجنيه القديم في يوم ما كان بيساوي 3.33 دولار
طيب الجنيه الجديد دا افتراضا مفروض يساوي 3330 دولار
حسابي دا صحيح ول القصة جايطة لي في راسي