Post: #6 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 01-31-2018, 08:25 AM Parent: #1
إذن واضح إنو اسماعيل عبد المعين (استدعوهوا) ضيف زيو وزي غيرو! عشان يحضر الاحتفال، لأنه مهتم بالموسيقى وبيعرف النوتة On top of that فورشنيتلو
يقوم يزعم إنهم طلبوا منو يديهم (توزيعه) للحن وجاهزين للعزف والأداء في قعدة واحدة! وهو موسيقي، المفروض يشعر بالحرج لما يشوفهم بيؤدوا شغل متكامل، رسالة واضحة! فقد ظن هو أنه أتاهم بالنوت حتى يؤدوه حسب (توزيعه)
فكشافات الاستوديو تحفز على الكلام.
كما حفزت من قبل أخينا القال إنو ياني سرق إيقاع الدليب! المفروض الموسيقيين في السودان يتصلوا عليهو وينبهوهوا إنو اليوناني ما محتاج يسرق لأنو وطنه نشأت فيهو الموسيقى بشكلها الغربي.
=============
لكن، ما أشبه الْلَّيْلَة بِالْبَارِحَةِ
إسماعيل قال (بعثوا ليهو) واستقبلوهوا في بارجة، انت قلت (استدعوك) في أكبر فندق إسماعيل قال لقاهم منتظرين جاهزين (يعني احتفال)، وانت (استدعاءك) كان لمهرجان (SAHRA) إسماعيل قال السفارة الأمريكية بعثت ليهو، إنت قلت اتصلت عليك دون إيلدر إسماعيل قال (غير) لحن موجود أصلاً، وانت زعمت توزيع أغنية موجودة أصلاً إسماعيل قال كلامو تحت كشافات الاستوديو، انت كمان قلت كلامك تحت الكشافات
أها، ما دايرين نظلمك ولا دايرين نحبط للمرة التالتة! انت قلت (تم استدعائك لتوزيع) أغنية الشاب خالد حاج إبراهيم، الفنان العالمي
فهل ممكن تثبت الزعم دا هنا، أو على الأقل تؤكده كتابة يا موسيقار الموصلي؟
____ لأجل التوثيق.
Post: #7 Title: Re: إسماعيل عبد المعين لم يلحن أو يضع نشيد الب Author: أحمد محمد عمر Date: 01-31-2018, 09:56 AM Parent: #6
حاتم انت عاوز من الموصلي شنو ؟
Post: #9 Title: Re: إسماعيل عبد المعين لم يلحن أو يضع نشيد الب Author: Elmosley Date: 02-01-2018, 11:33 AM Parent: #7
حاتم انت عاوز من الموصلي شنو ؟ ازيك يا احمد هو داير يثبت انو ما على ماهر ولا اشقر او اشجار طيبة ولا معروف ولانو بمهاجمة الموصلي اصبح معروفا بالله كلمو يعمل معروف ويبتعد وما يبوظ للراجل البوست بتاعو في عبث صبياني بتشتيت الكورة
Post: #8 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-01-2018, 11:06 AM Parent: #1
مرحب أخ أحمد محمد عمر طلبي منو في البوست دا بسيط جداً: إثبات زعمه أو تأكيده كتابة، ربما بعد سنوات يأتي من يقول أن هذه دبلجة. فإذا كتب هنا إنو فعلاً قام بما يقوله في الفيديو فهذه مفخرة لنا كلنا وستعوضنا عن خسارة نشيد البحرية.
=========
أوكي يا أخ يوسف عثمان
أظن رسالتي وصلت بخصوص زعمك (توزيع) أغنية عالمية لفنان عالمي واضح إنو الحالتين حالتك وحالة إسماعيل في تطابق تام، للأسف.
أنا حأقيف هنا بناء على طلب من زميل احترمه. لكن إذا أنت وجدت أي فرصة للإثبات ما تتردد، يعني اكتب لينا تفصيل للتوزيع بتاعك المزعوم باللغة البتعجبك، وأشرح للناس إضافتك شنو للأغنية؟ يعني (توزيعك) بيختلف في أي نواحي موسيقية عن النسخة الخاصة بالشاب خالد؟ أو النسخة الأصلية الخاصة بآلتون جون، أو أي نسخة أخرى تعجبك.
الشاب خالد عندو صفحة في الويكيبيديا والأغنية عندها كمان صفحة وإذا صح زعمك فيجب أن نتشرف نحنا السودانيين مرة في العمر ونضيف الحقيقة دي هناك! فآلتون جون حي والشاب خالد حي ودون إيلدر حية وانت حي وأنا حي! مافي ظروف مواتية لإثبات زعمك وتثبيت حقك أفضل من كدة!
بس عشان ما يجي يوم نسمع أولادنا (بقولوا عنك) نفس الكلام القلناهوا نحنا عن إسماعيل عبد المعين بخصوص المارينز. ويطلع وهم ساكت.
Quote: الظاهر زمان كانوا بكبعوك كتير Re: كاونتربوينت؟Re: كاونتربوينت؟
لسبب بسيط، هو أن مزاعمك صارت مرجعاً لآخرين استشرت فيهم البذاءة اعتماداً عليها أذكرك بأنك وعدت تفتح بوست وتفضح حاتم الجدادة، وأنا متحمس للفكرة ومتحمس أكتر أعرف شنو يعني (كبعوك زمان)؟ مطلوب توضيح المصطلحين وإثباتهم أيا كان المعني المتعلق بهما وسأكون شاكر جداً لتعاونك وتأكد مافي ضغينة أحب أتعلم فقط.
Post: #10 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-02-2018, 08:16 AM Parent: #1
Quote: بالله كلمو يعمل معروف ويبتعد وما يبوظ للراجل البوست بتاعو في عبث صبياني بتشتيت الكورة
أبعدوهوا؟ ياتو كورة شتتها؟ أنا يادوب جبت الكورة في دائرة السنتر!
الكورة القديمة نهيتا انت دا ذاتك، والبوست بوظتو انت وقتلته بحثاً
Quote: الكلام ده ناقشناهو عنا وقتلناه بحثا ٢٠٠٩ ياسيف
باقي (تقتل) لينا زعمك الكبير دا، بكورتنا الجديدة لنج، وبالتأكيد سيكون نقاش مشوق! وأخير تقتل زعمك (بحثاً) بيدك لا بيد عمرو!
ولا رأيكم شنو يا جماعة؟ إنتو مش كايسين العالمية؟ أهو (الموصلي) جابها لينا كبيرة، ومقشرة، بس خايفين نتفاءل!
فأكرمهم يا يوسف عليك الله، أنا دا خليني، قنعان.
___ بالله شفت كريت سوت في القرض شنو يا يوسف؟
Post: #11 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-02-2018, 07:16 PM Parent: #10
غايتو انا شايف انه اللحن السمعتو ده ياهو ذاتو .. طبعا تمت اضافات لكن لم تؤثر على شكل اللحن .. أو تطشش الزول من انه يسمع التشابه حد التطابق ... الاختلاف لا يمنع انه اللحن القالوا اسماعيل عبد المعين .. هو نفسه ما قامت بعزفه البحرية الامريكية ... بعدين مافي شيء يستدعي انه الراجل ده يكذب .. او يختلق حكاية انه ساقوهو لي طبرق بي طيارة .. ونزلوهو بي هليكوبتر في بارجة امريكية .. فلو اللحن اصلا ما حقه ولاعلاقة له به .. ماأظن كان هناك مايستدعي احضاره من أساسه .. بالمنطق ساي كده ودون الدخول في تفاصيل هو مولود متين .. أو اللحن قديم ومنسوب لفرنسا أو لاي جهة أخرى .. ربما ممكن الناس تتناول منحى انه ربما اسماعيل عبد المعين قد يكون اقتبس اللحن من فرنسا ,, أو حتى انه اللحن ده مش تراثي قديم .. بس وقتها أكيد حنكون محتاجين دليل .. أقوى من تشابه اللحنين القدامنا هسه ده .. وبرضو حينطرح سؤال مهم .. الأمريكان جابو اسماعيل عبد المعين ليه ؟ .. ما كان يمشوا للفرنسي صاحب اللحن مباشرة ؟ .. كايسين اسماعيل عبد المعين فوق ام كم ؟! .. بعدين اسماعيل عبد المعين قال انه شال اللحن من الخدير .. فلو عايز يكذب كان نسبه لي نفسه ولاجاب سيرة خدير .. ولا انه اصل هذا اللحن تراثي قديم وغناء حماسة .. المهم .. منطق الأشياء بيحكم اتجاه التفكير .. ولاّ شنو يا جماعة!! .. والا تكون شغلتكم دي غلاط ساي ..
الطير بيحوم فوق الرمم .. أخوان البنات ربطولو كلام .. واجعني الزول جرى .. الطير بيحوم فوق الرمم ..
ماعايزين نتطرق لي حته انه اسماعيل عبد المعين رحمه الله .. كان فنان عبقري وسابق لزمانه بسنين طويله جدا .. فادونا دليل قوي والا اللحن ده اداهو اسماعيل عبد المعين .. للبحرية الأمريكية أو للاسطول الموجود في المتوسط .. ياهو دى .......
بالمناسبة دي لنعرف أكثر عن مبدعنا الاصيل اسماعيل عبد المعين
Post: #12 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-09-2018, 02:09 PM Parent: #1
Quote: بعدين مافي شيء يستدعي انه الراجل ده يكذب .. او يختلق حكاية انه ساقوهو لي طبرق بي طيارة .. ونزلوهو بي هليكوبتر في بارجة امريكية .. فلو اللحن اصلا ما حقه ولاعلاقة له به .. ماأظن كان هناك مايستدعي احضاره من أساسه
هو ما كذب، هو اتوهم يا أخ جمال فبداية نشيد البحرية بتقول
From the Halls of Montezuma To the shores of Tripoli; We fight our country's battles In the air, on land, and sea;
ودي قصة ترجع للقرن التاسع عشر أيام حروب الأمريكان مع العثمانيين المسلمين فرضوا عليهم الجزية ولو ما دفعوا بيحرشوا عليهم القراصنة
قاموا الأمريكان زهجوا وقرروا يحسموا (التكليف الرباني) المزعج دا هههههه احتلوا درنة في ليبيا وحرروا كمية من الرهائن، أخذوهم المسلمين (رقيق) تصور!
فرؤيتي لإمكانية الحدث إنو إسماعيل سمع (أورطة الخدير) بتعزف في الحلة ومعاها كلمات مصاغة سواء من إنشاد العساكر أو من تأليف المواطنين، ودا نشاط شائع مثلها ومقطوعة (auld lang syne) التي أصبحت (لن ننسى أياماً مضت) وأنا متأكد فينا ناس يكونوا مفتكرنها أغنية وطنية سودانية، وهي أصلاً اسكوتلندية، صادفت أكتر من واحد كان يظن أنها مقطوعة وطنية لبلاده قام إسماعيل قرر (يكتب النوتة) حقتها مع شوية تعديلات (حسب رؤيته) وحسب الأداء السمعوا من فرقة موسيقى المشاة العسكرية المتواضعة
البارجة أو جزء من البحرية يكون من عادته يزور الساحل الليبي في المياه الدولية كنوع من الاحتفال بذكرى النصر وإسماعيل كان له اتصال ببادن باول مؤسس الكشافة ويقول إسماعيل أنه قدم له القطعة الموسيقية (مجاناً) سنة 1943 مع أن بادن باول توفي سنة 1941، على أي حال تلك مسألة أخرى
ولا شك أن بادن باول أكبر اهتمام الرجل فقرر أن يكافئه فيتم دعوة إسماعيل مع غيره لحضور الاحتفال لمجرد أنه مهتم بالمقطوعة الموسيقية ولعلاقة بادن باول بالوجود الأجنبي
لاحظ إنو قال (من طبرق شالونا بهليكوبتر ونزلونا في بارجة) يعني شغل لوجستي تكريمي لمجموعة وليس لفرد فليس للرجل أي سمعة عالمية حتى يحتفى به.
فإن كان هو مؤلف المقطوعة لما تطلب الأمر نقله مع غيره بل يمكن أن يحضر له قائد الفرقة الموسيقية ليأخذ منه (إبداعه)
+++
يقوم إسماعيل (يفترض) إنو منحهم نشيد عالمي! نحنا السودانيين مرات بنحلم على واسع وفينا البيكضب بالذات لو برز فينا أنصاف المثقفين وأديناهم أكبر من حجمهم، (بيبدعوا)
___ مع إنو الترلة فايتاها مسافة، خليك من قندرانا القاطرا.
Post: #13 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 04:20 PM Parent: #12
مرحبتين حاتم .. شاكر ردك ..
والله كلام معقول ومقبول ولو صحت الافتراضية دي .. عبد المعين بيكون ما كضاب لكن ضارباهو وهمة ساي .. وافتكر انه الناس ديل ماعارفين اللحن أساسا .. وسمعوهو منه هو وتم اعداده نسخته الامريكانية .. بناءا على اللحن النوّته لكن يا حاتم هل ممكن يعزموهم .. بس عشان اهتمامهم ده ؟ ربما .. والله اعلم .. المهم . فايدة افتراضيتك دي انها حنينه شوية .. وعفت عبد المعين من تهمة الكذب .. فالوهمة أخير بالذات لو كان عبد المعين ما عارف أو الامريكان ما فهموهو الحاصل .. فهي أخير من غيرا النااشفة كواوة .. ههههه ..
لكن عندي ملاحظة .. انا شايف مزاج اللحن لا علاقة له بالفرنجة خير شر .. كان امريكان او فرنسيين .. ومنسجم مع الكلام السوداني عاشق معشوق .. يعني كان جابوني وسمعوني ليهو بدون خلفية سابقة .. وقالوا لي اللحن ده لحن غربي .. صراحة حاضحك عليهم .. ههههه يعني نمش ونجي لي انه اللحن ده خاص بالخدير .. كاورطة سودانية ومقتبس من بيئة سودانية .. ولا علاقة له باي أمزجة فرنجة .. الحل شنو ؟ .. معليس حارجعكم بافتراضيتي دي لمربع واحد تاني .. وانه اللحن اصلا سوداني كان شالوا اسماعيل .. الما انكر انه شالوا من اورطة الخدير أو غيرو ..
الترلة القاطرا قندراني لحن عابر للحدود .. زيّو ولحن الخدير واحد لكن لايخلو من ايحاءات وكده .. الترلة القاطرا القندرانو دي .. تم الاحتفاء بها وخلوا القندرانو سيد (القطره) .. مع انها ولا .. ولا .. شن (شغل) الترلة !!! .. فالقندرانو يجقلب والشُكر للترلة .. خخخخخ ..
النمرق من بوستكم ده من ضو أخير يازول .. هههههه .. قبل ما تتلببونا بي تهمة قول فاضح في منبر عام ..
دمت يأخ ...
Post: #14 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 04:31 PM
طالما جات سيرة الخدير وكده ..
والله بادي ده الله يرحمه كان زول فلتة .. وذهب دون ان يلقى الاهتمام الكافي ومايليق بعبقريته الفذة ..
غايتو انا بعجبني غناه جدا وحب الناس مذاهب .. مش كده !! .
Post: #17 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 04:53 PM Parent: #14
Post: #15 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-09-2018, 04:43 PM
سلام للجميع اعتقد سيد البوست و منذ البداية خلط بين أمرين قد يكون حهلاً او عمداً و وقع في خطأ كبير و بالتالي فقد جاء حكمه خاطيء !!! اللحن الجابو سيد البوست بإعتباره معروضات ، يختلف عن اللحن الذي يتحدث عنه عبد المعين ! لذلك ذهب بعض الأعضاء الي القول بكذب او إدعاء او تهيؤات للراجل دا ! بينما هو يتحدث عن نشيد مختلف تماماً !! اسماعيل عبد المعين لم يكن بيتكلم عن المارش المعروف ب Anchors aweigh ؟؟ لانو فعلاً هذا اللحن قديم و تم وضعه قبل ولادة اسماعيل عبد المعين كما قال البعض هو يتحدث عن لحن آخر تماماً و يسمى Halls of montezuma و هو اللحن الذي عزفته فرقة المارينز في نهاية اللقاء مع عبد المعين في الفيديو !! و هذا اللحن فعلاً تم وضعه عام1951 و تم توزيعه و عزفه لأول مرة بهذا الشكل اثناء تواجد المارينز في طبرق !! وهناك الكثير مكتوب حول اللحن دا تحديداً طبعاً دون الإشارة لمصدره الأصلي !
اعتقد ان اسماعيل عبد المعين فعلاً هو صاحب اللحن و روايته تتناسب تماماً مع ظروف نشأة اللحن و مكان ميلاده !!
Post: #16 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-09-2018, 04:51 PM Parent: #15
Post: #18 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 05:01 PM Parent: #15
نك جيت عملت اعادة فرش متاع .. هههه .. ورجعتنا لنقطة أولردي نحن عرفناها .. لكن كلامك سمح ومقعّد كالعادة يا بوب .. وانا أؤيده بشدة ماذهبت اليه وانه اللحن ده حقنا .. وابن البيئة السودانية مرق بواسطة الخدير أو بي غيره .. لكنه اللحن مزاجه سوداني يأخ .. بالاضان ساي كده الزول ممكن يغالط فيهو .. وهو مرتاح جدا جدا .. خخخخ ..
انت كنت غاتس وين ياشقي ..
Post: #19 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 05:15 PM Parent: #18
Quote: و هذا اللحن فعلاً تم وضعه عام1951 و تم توزيعه و عزفه لأول مرة في طبرق !! ودا المكتوب حول اللحن دا طبعاً دون الإشارة لصاحبه الأصلي ! اعتقد ان اسماعيل عبد المعين فعلاً هو صاحب اللحن و روايته تتناسب تماماً مع ظروف نشأة اللحن و مكان ميلاده !!
النشوف لينا موضوع تاني لانه ده نجض خلاص ...
Post: #21 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 05:32 PM Parent: #19
للتنوية بس يا أمير .. تمت الاشارة للحن الآخر Walls of montezuma .. ومن انه هو المقصود .. (الطير بيحوم فوق الرمم ) .. وهو موجود جوه الفيديو في اول البوست ... اللخبطة جات في المشاركات فيما بعد عشان مايجوا يعملوا ليك فرش متاع .. زي العملتو فوق ده .. خخخخخ
Post: #20 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-09-2018, 05:22 PM Parent: #18
ود القوز كيفك انا ما عارف علي أي أساس سيد البوست افترض انو اسماعيل عبد المعين إدّعي ملكيته ل anchors aweigh و بالتالي مشي فتّش في الويكبيديا و إكتشف انو اللحن قديم و بالتالي عبد المعين متسلبط ساي !! علماً بإنو اللحن القالو في اللقاء و تم عرض معزوفته ليس له علاقة لا من قريب او بعيد بال anchors aweigh ... ما عارف ليه ناسنا دايماً شفقانين و ممكن يستكتروا علي زول بقامة اسماعيل عبد المعين انو يكتب نوتة لحن و يوصل بشكل او بآخر للبحرية الامريكية و تقوم بعزفه !! .رغم انو قد يكون اسماعيل قد غلط في تاريخ تسليمه لمستر بادن باول ، بس واضح انو اللحن فعلاً هو من قام بتوزيعه و كتب نوتته الموسيقية ! ممكن الناس تبحث عن تفاصيل النشيد او المارش walls of montezuma و حنلقي انو مرّ بعدة مراحل و تم إضافات لل lyrics و تغيرات لحنية كتيرة ! يا ريت نتعلم ما نبخس مبدعينا أشياءهم !! ...... الما عاجبو الكلام دا يرفع إيدو !!😂 ... تحياتي للجميع
Post: #22 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-09-2018, 05:41 PM Parent: #20
والله كلامك صحي يا أمير اصلا ما كتيرة على موسيقار .. بقامة اسماعيل عبد المعين لحن أكسبه كل هذا الالق .. الحاقة بامريكا والا كان حيكون لحن سوداني .. زيه وزي أي لحن آخر لكن تقول شنو ؟ .. مطربة الحي لا تطرب ... رحم الله القامة اسماعيبل عبد المعين .. فقد كان سابقا لزمانه وبكثير .. بعدين هو ذكر في كلامه انه اقتبسه من الخدير .. يعني ما قال اللحن حقه وألفه هو ..
بعدين عبد المعين ده كان شغال خدرجي مثلا .. ما بتاع ألحان فأيه الغريب في المسألة دي !! .. ولاّ عشان جات سيرة أمريكا شيكا بيكا .. فتكأكأو علينا الأمريكان هولنا .. خخخخخ ..
منور يا أمير ياخ وطلتك تفرح .. احتلينا للناس بوستيهم ساي .. وبقينا أصحابه .. خخخخخ ..
Post: #23 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-09-2018, 06:02 PM Parent: #22
عفواً للخطأ غير المقصود اسم المارش هو Halls of montezuma و ليس walls ....
يا جيمي خلاس انا متخارج !' 😂😂
اي مجمجة ، قولوا عووك 😜
.... تحياتي
Post: #24 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-09-2018, 09:44 PM Parent: #23
سلام حاتم عفواً لم انتبه لمداخلتك الفوق بخصوص ال halls of montezuma فعلاً المسألة تعود جذورها للقرن التاسع عشر و تمت كتابة ال lyrics
From the Halls of Montezuma To the shores of Tripoli; We fight our country's battles In the air, on land, and sea; منذ تلك الفترة و أُجريت عليه تعديلات كثيرة واعتقد الكلمات تم تلحينها بعدّة ألحان و لكن بعد تواجد البحرية الامريكية في منطقة طبرق قبل و اثناء الحرب العالمية الثانية تم إعتماد اللحن دا علي ال lyrics القديم و إتخذ النشيد شكله الحالي . ..
تحياتي
Post: #25 Title: Re: إسماعيل عبد المعين لم يلحن أو يضع نشيد الب Author: سيف اليزل برعي البدوي Date: 02-09-2018, 09:50 PM Parent: #23
Post: #26 Title: Re: إسماعيل عبد المعين لم يلحن أو يضع نشيد الب Author: Elmosley Date: 02-10-2018, 02:17 PM Parent: #25
اوووووووووووووووو شايف مش بس ون تو , بل ون تو ثري السنتر هاف بيلعبها للسترهاف المتقدم ومنه لراس الحربة اللي بشوت في القون والغريبة كلو نقل من البوست الاصلي بتاع الفين وتسعة ياخي الفين وتسعة دي فيها احداث مهولة خلاس خصوصا الحدث داك الذي اربك الدنيا عموما سعدنا بعودة بوب شويه شويه
Post: #27 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-10-2018, 02:29 PM Parent: #26
يا استاذ موصلي سلام رغم تلميحاتك الما ظريفة لاكين برضو مرحب بيك طبعاً زي ما انت عارف ، انا ما موسيقي ، زول جربندي ساكت لاكين عليك أمان الله بوستك بتاع ٢٠٠٩ لا شفتو و لا عندي زمن ارجع أبحت في الإرشيف لإنو الحكاية بالنسبة لي ما محتاجة ! و لو داير أي معلومة عادي ممكن أستعين بقوقل او أي محرك بحث و احصل عليها من مصادرها ! قالوا الفضيحة و السترة متباريات ، فا شنو ، يا ريت ما تقابض العقرب في جحرها عشان بعدين ما نقع في الجرسة و التحانيس 😜
... سؤال : عارف اسحق الموصلي زمان مات كيف ؟ لو ما عندك فكرة ممكن تستعين بالمستنير 😉
Post: #28 Title: Re: إسماعيل عبد المعين لم يلحن أو يضع نشيد الب Author: Elmosley Date: 02-10-2018, 03:57 PM Parent: #27
د بوب ازيك مرحب بيك كدي بالله ورينا مات كيف بدل امشي اتعب واتقوقل بعدين العقرب دي راسمالها في خلا الاقاليم حاجتين اما تجي "الجدادة" تنقدها او تكون النعل حاضرة ههههه سوري للتعببر لكن ده البيحصل في السودان كل الود
Post: #29 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-10-2018, 05:18 PM Parent: #28
Quote: بل ون تو ثري ..
viva l'algerie اتصلح معانا يا موصلي يا قريبي ...
Post: #30 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-10-2018, 05:21 PM Parent: #29
Quote: كدي بالله ورينا مات كيف
ضربو زراق .. كان لقو ليهو فلاجيل كان جيهو تب ...
Post: #31 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-10-2018, 06:19 PM Parent: #30
ههههه والله يا ود القوز جيهتو تب ! الزراق دا ماسك ناس تانيين 😜
Quote: كدي بالله ورينا مات كيف بدل امشي اتعب واتقوقل
ههههههههه يا موصلي ما تلاوز 😜 بس بالجد اعمل حسابك ما تقابض زي قريبك زمان المشى بهابش لمّا راح فيها 😂😂
Post: #32 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-11-2018, 02:18 PM Parent: #1
Quote: والغريبة كلو نقل من البوست الاصلي بتاع الفين وتسعة ياخي الفين وتسعة دي فيها احداث مهولة خلاس
كدي بوست 2009 دا ذاتو أنا عندي فوقو راي! شايفك أقحمت الطقم بتاعك (كاونتربوينت+هارموني+بارتوك) الكاونتر كتلناهو في 2017، باقي الهارموني! لقدام
لكن كدي هسع خلينا في المهم شوف، موضوع إسماعيل دا قالوا نجض، وكان ما نجض نجض الناس زهجت منو و(كتلتو) بحثاً، باقي انت دا نحنا ياخي نقعد ليكم تضقلوا بينا كدة لمتين!
كلامك القلتو فوق دا حصل فعلاً ولا وهمة ساكت؟ استدعوكا عشان تشارك بالغنا ولا عشان (توزع)؟
نحنا راجينك ترتقي بموسيقانا تقوم تغمبلا للناس وداير تلبد بيها؟ أحمد باص الاستشهدت بيهو ذاتو يجينا هنا عشان يشهد هو ذاتو صحي (باص) ولا أسامي ساكت؟
هسع المزيع دا زمبو شنو تقوم بيهو قدر دا؟ الراجل اتمحن، خت دقنو في إيدو وقعد ساكت بقى محتار ما عارف الفرق بين إيلدر وغراند! يلا أكد لينا كلامك في الفيديو الفوق، دايرين نبدأ الشغل بتاع 2018
___ Busted! caught red handed.
+++
Quote: بعدين العقرب دي راسمالها في خلا الاقاليم حاجتين اما تجي "الجدادة" تنقدها او تكون النعل حاضرة ههههه
النقد والكبعات لعقارب القشلاقات البريدن الضو وتجذبن الكشافات نولعها ليهن يتلمن كتيرات ونطفيها فجأة ونشغل النقادات الوليعة التانية نلقاهن (مافيشات) العقارب الماكرات المن الله ما خايفات ____ The saga was a hoax, folks
Post: #33 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-13-2018, 08:49 AM Parent: #1
نعود إلى حكاية (استدعوني) ومطابقتها العجيبة لحكاية إسماعيل عبد المعين!
أولا: الحقائق(exhibits)
الفيديو أعلاه يقتبس الدقيقة الأولى من الجزء الثاني لفيديو (لقاء مع يوسف الموصلي) وهو يفترض أنه كان في هذه المداخلة Re: ويغني ليك...... الموصلي ( أو عندما يرتقي الفنRe: ويغني ليك...... الموصلي ( أو عندما يرتقي الفن
ولا نعلم ما السبب، وهو الجزء المعروضة منه أول دقيقة مذكور فيها (قصة) الاستدعاء.
+++
يقول يوسف في الفيديو المحذوف
Quote:
تم استدعائي من قبل البروديوسر الموسيقية دون إيلدر لكي أقوم بتوزيع أغنية (تخيل Imagine) لعضو الخنافس جون لينون.
تم تنفيذ توزيعي وقد تغنى به مجموعة من المغنيين من العالم وأوركسترا منتخب من العالم.
كلام واضح جداً ومافي أي غموض وعلى القائل الصموض وأدا الفروض وتحمل الرضوض وهو يقصد هذه الحفلة، تبدأ الأغنية من الدقيقة السادسة
مطلبنا البسيط هنا هو مجرد تأكيد الكلام الواضح في الفيديو فلعلنا فهمناه خطأ أو لعل يوسف قصد شيئا آخر يعرفه أو ربما تمت دبلجة الفيديو وتلفيقه
كل هذا وارد ولكنك يا يوسف معنا هنا ولن ينفع التغافل فالأمور تبدأ صغيرة ثم تكبر وتتناسل دايرين ننجض الموضوع دا.
+++
ثانياً، الأسئلة:
هل فعلاً تم استدعاؤك بواسطة دون إيلدر (لتوزيع) أغنية تخيل للشاب خالد حاج إبراهيم، أم لمجرد المشاركة في الفعالية أعلاه؟
ماذا تعني بكلمة (توزيع)؟ هل (arrangement) أم (orchestration)؟
ذكرت في حديثك أنه (تم تنفيذ توزيعك)، هل تقصد أن الموسيقى التي تؤديها الفرقة في فيديو حفل الفندق الذي أشرت إليه من (توزيعك)؟
قلت أعلاه أن الأغنية تم أداؤها بواسطة أوركيسترا (منتخب من العالم)، هل هذا صحيح؟ أعني هل ما نراه في الفيديو أعلاه أوركسترا (منتخب من العالم) أم هي فرقة الشاب خالد فقط؟
لغة الجسد ذاتا ليها دلالات! ____ ألفين وطمنطاشر دي شغلنا فيها حيكون ملحمة وزندية ساكت.
Post: #34 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-13-2018, 09:23 AM Parent: #33
حاتم يا سغيل !😜
معقولة ياخ ما سمعت بحكاية ارحموا عزيز قوم زلّ ؟!!
... كراعك من الأبنص شوية ... المكنة دي ما تعصرا شديد، كدا بتقطع وش !!😜
Post: #35 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-14-2018, 08:52 AM Parent: #1
وسماني (حاتم سوناتا) ههههه ومع ذلك لسة بناقشو بالمنطق والحجة.
الزول دا لغاية جملة (استدعوني لكي أقوم بتوزيع) أنا ممكن أجاملو دا إذا قدر يتملص ويقول استدعوني لكن اعتذرت لأنو الزمن كان ضيق! فوت الفرصة ودخل لجوة، قال (تم تنفيذ توزيعي) ولحد هنا ممكن (يقوم بالمنبر)
أها، سكتة "المزيع" عملت ضو أخدر يقوم يثبت الزعم (وقد تغنى به مجموعة من المغنيين من العالم) واخد بال حضرتك (العالم)!
ويزيد عليهو (وأوركسترا منتخب من العالم.) قال (أوركسترا) وهو عارف معناها وعدد أفرادها، ما قال (فرقة موسيقية)، اختار "أوركسترا" هنا بقى لا مفر وإلى الجابرة المستقر No way this time!
وجات الطبزة بإخفاء الأدلة التي تجعل النيس أذلة، طقوا الفيديو كشطوهوا من اليوتيوب كشطان! قايلني داقس، أنا بنزل وبحفظ أول بعدين بشوف على راحتي، Frame by frame
لأنو الشكك قائم ووارد ولأنو (التفحيص والتمحيص مقدمان على التنصيص والتعفيص) قاعدة فقهية بنانية تليدة وغير بليدة، أبتقعد الزول على الحديدة هههه
____ يادوب فهمت الجملة (العظما المثلو أعظم دور) أنا كنت قايلم قاصدين آل غور
==============
أها، نجي نشيف آخر مرة وقفنا يين، قبال سنة يا يوسف! دي إضافة للموضوع
انت قلت (ولكن الشاب خالد باعتباره المغني الاساسي أضاف ليها صولو عود) يعني من كلامك إنو الشاب خالد (حاج إبراهيم) أضاف (لتوزيعك) صولو عود، صاح؟
بس يا يوسف انت ما شايف إنو كلامك في الفيسبوك مطابق تماماً للفقرة دي
Quote: The cover begins simply with Noa’s virtual replication of Lennon’s original arrangement. But Khaled adds a wonderful element by introducing the trilling Arabic vocal style and a Middle Eastern string orchestra with a distinctive oud arrangement. All of this takes the song in a distinctly eastern direction. As I said, Lennon would’ve been proud.
والنص أوضح من محاولة ترجمته ويفيد بأن الشاب خالد لا يحتاج لشخص اسمه يوسف، بالمرة. وأن بمقدوره أن يعالج الأغنية سواء للتسجيل في الأستوديو أو مع فرقة صغيرة.
وكان الشاب خالد قد أصدر ألبوم في العام 1999 مع المغنية نوا لذات الأغنية وفيها (صولو العود) في الدقيقة 1:28، لكن المقصود آلة القانون وليس العود. والدقيقة 2:31 وأيضاً الوتريات المذكورة في الاقتباس الإنجليزي من الدقيقة 2:59 وحتى 3:25.
العود موجود في فرقة الشاب خالد آلة أساسية وقلما يغادر المجموعة وغالباً الشاب خالد أعطى المشاركين نسخة من الألبوم للتدريب على الغناء وربما يكون أوضح ليك إضافاته للقانون والوتريات، لكن لا أظنه طلب (توزيعك).
فمن الذي استدعاك للتوزيع يا يوسف؟ و(لتوزيع) ماذا بالضبط؟ وهل يمكنك أن تبين بطريقة احترافية ماهية توزيعك المزعوم؟
والتحية للشاب خالد ____ حاج إبراهيم
Post: #36 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-14-2018, 10:36 AM Parent: #35
المايك معاك يا استاذ موصلي ! ...
غايتو في الشايفو دا اخير تجي مردّف و عامل كركاسة و تحاول تجاوب غير كدا ، لو جيت للحول حاتم ما بخلّيك !😉 و انا ذاتي معاهو أها ! 😂😂
Post: #37 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-14-2018, 10:45 AM Parent: #36
اضرب الفلول يا كبير ! ....
ياخ دا تنشين ( كراع كديس) 😂😂
Post: #38 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-14-2018, 09:57 PM Parent: #37
يا استاذ موصلي بالله ما تساهر بينا ساي عايزين ننتهي من قصة إستدعاءك من قبل دون إيلدر لتوزيع اغنية imagine للشاب خالد حاج ابراهيم !😜 عشان بعديها عايزين نشوف حكاية نصّك الشعري الكتبتو للفنانة أصالة نصري بطلب من دون إيلدر برضو !! ....
و معاك للصباح !!😉
Post: #39 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-15-2018, 05:23 AM Parent: #38
كتب الدكتولر أمير بوب: "ا استاذ موصلي بالله ما تساهر بينا ساي عايزين ننتهي من قصة إستدعاءك من قبل دون إيلدر لتوزيع اغنية imagine للشاب خالد حاج ابراهيم !😜 عشان بعديها عايزين نشوف حكاية نصّك الشعري الكتبتو للفنانة أصالة نصري بطلب من دون إيلدر برضو !!"
وهو جزء من الأنحراف البوستي 45 درجة عن موضوعه الأصلي . الذي بدأ العملية الانحرافية هو الزميل حاتم ابراهيم. وله الخق في ان يجد اجابة من الأستاذ يوسف الموصلي. وبما ان الأنحرافات البوستية لاغبار عليها, اسمحو لي بحوالي 45 درجة احرى لاجد اجابة من الاخ حاتم حول ما اثير عن نقله لموضوع معروف وتم اتهامه اما بسرقته أو الأعتراف بان كاتب الموضوع المدون باسم آخر هو حاتم نفسه. وقد يكون حاتم اجاب على السؤال في مكان ما لم اطلع عليه , اتوقع نقل الاجابة هنا وعلى الله قصد السبيل. مع تحياتي للكل
محمد الشيخ
Post: #40 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-15-2018, 07:05 AM Parent: #1
أها يا يوسف النعرفك بالشاب خالد حاج إبراهيم، في إطار تنجيض الموضوع باقي انت بتلفح ساكت لفحة السوناتا الخمشتها بحاجاتا ولو ما جيتنا هنا أنا بجيك في بوست التنك وبمرقك من هناك
بمعنى إنو مقتدر وعندو المقدرة (ياكل لحمة كل يوم) بحسب معيارك للنجاح يا يوسف
Quote: اكون صريح معاك انت شاب صغير وانا ماعارف ظروفك المالية شغال ما شغال
+++
حرم ما عندك عوجة نشيلك في الراس وحباب العين لكن يوم الطاولة داك ابقى عشرة على روحك بعد داك نجي نتعشى سوا زي الطلقة داير تجي السودان باذن الله علي وممكن انزل معاك كمان في بيتك لكن يوم الطاولة داك ابقى عشرة على روحك وبعد داك نجي نتعشى سوا زي الطلقة وحرم الخروف علي اها انا داير صالة ببروجكتر Re: اخر الكلام للقوقلابي وفرقته andquot;الايقاعيRe: اخر الكلام للقوقلابي وفرقته andquot;الايقاعي
أغانيهو في اليوتيوب أي واحدة أنتجها بعد التسعينات (بتاكل) معاك بالميت مليون مشاهدة انت حقاتك (البتختهم براك) أكلن كم كلهن مجتمعات لغاية يوم الليلة؟ عشان أعرف مقدار (شهرتي) الانجلت عن مصارعة أقاويلك المتلفزة خرطومياً
إذن، شخص بهذه الإمكانيات لن يحتار في (لاس فيغاس) ويضطر للاستعانة (بتوزيعك) لم أجد في كل الانترنت إشارة لأنك قمت بتوزيع أغنية جون لينون يا يوسف سوى في الفيديو الوحيد (المحذوف وجوباً) بمانع الثقل، ثقل التصديق
وما حأظلمك، أنت كتبت في الفيسبوك إنك (وزعت وكتبت اسكور لاغنية جون لينون) دايرين نشوف الاسكور، التمت تأديته في MGM جيبو لينا.
____ لصقانك في المبدعين الحقيقيين فيهو إشانة لسمعة السودانيين.
Post: #41 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-15-2018, 09:47 AM Parent: #40
يالمناسبة يا حاتم السنثيزر والأورغ والأكورديون عائلة واحدة واي زول بعزف اكورديون بيعزف باقي الحاجات يعني ماممكن تقول لي زول مبدع لانو بدق الدلوكة والطبلة والدمبة.
ومازال سؤالي قائم. والله بس لكي يطمئن قلبي و ليس وراهو اي قصد آخر.
Post: #42 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-16-2018, 11:03 AM Parent: #41
داير ابقى عكليت وارفع المناشير
Post: #43 Title: Re: إسماعيل عبد المعين لم يلحن أو يضع نشيد الب Author: جمال ود القوز Date: 02-16-2018, 12:39 PM Parent: #42
Post: #44 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-16-2018, 03:56 PM Parent: #43
يا موصلي
للحول إن جيت ما بنخلّيك ! 😉
Post: #45 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-16-2018, 07:59 PM Parent: #44
ونحن كمان حاتم مابنخليه الا ان "تفقدوني" مع تحياتي
Post: #46 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-16-2018, 07:59 PM Parent: #44
ونحن كمان حاتم مابنخليه الا ان "تفقدوني" مع تحياتي
Post: #47 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-17-2018, 10:34 AM Parent: #46
اها وصلنا وين؟
Post: #48 Title: Re: إسماعيل عبد المعين لم يلحن أو يضع نشيد الب Author: حاتم إبراهيم Date: 02-17-2018, 07:28 PM Parent: #1
ما نكون اتأخرنا عليكم!
طبعاً الفعاليات دي بقت مشاريع أكل عيش في أمريكا لمنظمينها
Quote: NEW YORK, Dec. 17 /PRNewswire/ -- SAHRA, this year's must-see event that united international artists, performers, celebrities, and dignitaries in celebration of Arab culture, has made its first unforgettable impression on worldwide culture. With its recent debut at Las Vegas' MGM Grand, the event drew crowds who watched personalities from across the globe come together onstage in hopes for a better future for our children, and a better world for all generations. All profits benefits ACCESS (Arab Community Center for Economic and Social Services) and NAAMA (National Arab American Medical Association), two leading charities known for improving the lives of Arab children.
"It was truly inspiring to see so many notable people from around the world set aside their differences for the evening," says SAHRA's artistic and creative producer Dawn Elder, remarking on the attendance of American world music lovers who watched alongside Algerians, Syrians, Lebanese, Afghanis, Egyptians, Sudanese, Palestinians, Iranians, Moroccans, Iraqis, and Jordanians, among many others. "We crossed every possible border."
The extended event featured a series of innumerable highlights from performances from 150 musicians and dancers, mixing styles that ranged from Western pop fusion, to Latin and Middle-Eastern genres. On the palatial stage, dazzling dance sequences enlivened the evening throughout, courtesy of multi-Tele Award-winning Lebanese choreographer Adam Basma, whose thirty dancers cycled through 600 costumes during their time onstage. Iraqi singer Rida Al Abdulla's gave a heart-wrenching rendition of "Iraq Al Kabir," a tribute to the beauty of his native Iraq, while Syrian-born diva Assala Nasri delivered vocal improvisations that merged Arab music with jazz, Latin and North-African styles. But, Elder notes, "The night really came alive when Algerian superstar Khaled took the stage." The undisputed king of "pop rai" music once again earned his title as he whipped the crowd into a frenzy, ending with a touching cover of John Lennon's "Imagine." He was joined by everyone including American pop producer K.C. Porter and Def Jam artist Karina Pasian, Khaled led the crowd to sing the classic cry for peace in every participant's native language. "the audience went crazy, flying flags and singing along," says Elder. "It was one of the night's most moving moments."
The night included a tribute to Moustapha Akkad, the Syrian producer/director whose work, including Mohammed, Messenger of God and Lion of the Desert, helped expose the world to Arabic culture and raise awareness to problems in the region. Akkad's son Malek made a landmark appearance, his first since his father's and sister's death in a 2005 suicide bombing, to announce that the filmmaker's work would continue.
SAHRA was attended by a crossover audience that included Ambassador Hussein Hassouna of the Arab League of States, and Egyptian actress Nabila Ebeed. But, as Elder says, this is just the beginning: "Thousands attended, but we hope millions will see it when the event is broadcast worldwide next March, with a full DVD release immediately thereafter."
However, last month's spectacle was only the beginning of a larger movement - the next SAHRA is already in planning. "We hope this is the beginning of a greater effort for our children," says Elder, "because we want to give them hope, for a better world." It is a testament to the power of global unity that when music and cultures can stand so proudly together as they did for our children with SAHRA, we can all see brighter days ahead.
إذن، الموضوع وما فيهو مجرد نفير تعالوا يا ناس سوريا والعراق ولبنان ومصر ومعاكم ناس السودان وجيبوا الفنانيين قووووم يا يوسف بدل ما ترشح فنان كويس تمشي انت ذاتك عشان تغني! دا كله هين ومبلوع، أها، تجي تقوم بينا؟
========
نجي تاني لإمكانيات الشاب خالد في الغنية الأنت بتقول وزعتها الشاب خالد أدى الأغنية مع أوركسترا ومجموعة من الفنانين في فيينا (غالبا) ولا أعرف تاريخ المناسبة، لكن تم وضع الفيديو في اليوتيوب في شهر سبتمبر في السابع منه عام 2009.
بينما حفل الفندق والذي وصفه يا يوسف لاحقاً بعد الضغط بأنه كان مجرد (قعدة) أتى في يوم 21 نوفمبر من ذات العام، أي بعد شهرين ونصف من تاريخ وضع الفيديو، وربما أوحى لك الفيديو الفخم هذا يا يوسف بأن مشاركتك بالغناء في الفندق تأتي على نفس المستوى إن لم تكن أفضل، خاصة أنك تدعي أنه (تم استدعاؤك) لتوزيع ذات الحفل.
يعني يا يوسف كلامك عن (مجموعة من المغنيين من العالم) وعن (وأوركسترا منتخب من العالم.) حصل لكن مش في MGM Grand محل ما قالوا ليك تعال، لا، في مكان تاني انت تكون اتوهمت ساكت زي إسماعيل عبد المعين وتوزيعك دا دايرين نتشرف بشوفتو
_____ حاج إبراهيم
Post: #49 Title: Re: إسماعيل عبد المعين لم يلحن أو يضع نشيد الب Author: MOHAMMED ELSHEIKH Date: 02-18-2018, 05:39 AM Parent: #48
ا نكون اتأخرنا عليكم! ********************
انا شخصيا اتأخرت علي
الباقين ماني خابرهم
_____________ ود الشيخ ود زليخا
Post: #50 Title: Re: إسماعيل عبد المعين لم يلحن أو يضع نشيد الب Author: امير بوب Date: 02-18-2018, 11:51 AM Parent: #49
يا ود زليخا ... إني ارى شجراً يسير !
البارجة الايزانهاور تحاصر قرية ( اللعوتة شاع الدين ) 😂😂
