أهل طابت .. جاكم درب!

02:08 PM January, 24 2018

سودانيز اون لاين
Biraima M Adam-أمريكا الشمالية
مكتبتى
رابط مختصر

مثلنا السوداني البقاري "جاكم درب"! .. يعنى الكثير في عرف قبائل البقارة .. وذاك الدرب المعني ليس كل الدروب ..
فهو درب .. يخص أمر جلل قد حدث بليل بهيم .. وفي الصباح الباكر يتقصي رجال الفراسة البقارية وقصاصي الدروب .. أثر الدرب .. إلي أن يدخل
قرية .. وحين يدخل الدرب القرية تلتبس الدورب .. وهناك يشهر القصاصون .. أمرهم لله .. "جاكم درب" متوخين الخيرية في أهل القرية .. وهذا يعنى أنهم بحثون عن تبرئة ذمة أهل القرية من الجرم .. لله ورسوله وعامة المسلمين.

وعلي هدي أهلي البقاري أسأل أبناء المنطقة "جاكم درب" .. من هو المجرم .. ياسر .. في الصورة التالية؟



بريمة

هنا الصورة من الفيس بوك ..



بريمة

كتب شخص يدعي محمد يوسف الأتي:

Quote: محمد يوسف ياناس اساس البحر ممنوع وحرص الحدود هو من يقبض علي الهاجرين الناس تفهم الحاصل البحر ما مفتوح ولا الناس بتركب مجان والسجن سجن عام حتي مسؤول الجاليه السودانيه بجي السجن واخي طباخ اي زول عندو كلام يجي عديل ما يكون في اروبا وشيل عذاب سفرو يضعوا في اخوي ونحن جاهزين بكل الادله

ثم كتب متداخل أخر وصف نفسه أنه يعرف ياسر ..

Quote: مشاكس بلاحدود انا واحد من الناس الكنت في السجن وحاليا لو عايز ناس كانو معايفي السجن اتاقيهم ليك عشان تعرف اخوك وقروش الحرام الباكلها ليكم والضغط البضغطو للسودانيين اواولاد بلدو عشان يحولو ليكم المبالغ في السودان وبالمناسبة في ناس اصلا ظروفا تعبانا وما بتقدر تدفع المبالغ دي اخوك يا سيد هو واسامة والباكستاني قاسم برحلو السودانين لسبها ويبيعوهم لقبايل التوبة يشغلوهم في الصحراء بالمجان بالزمة دا كلام ودي نقطة واحدة من موضوع ياسر

من هنا أنا لا أريد متابعة الفسي بوك .. أنتم تعرفون متابعة كل القصة .. لكني أبحث .. عن كيف تشكلت عقلية ياسر وأخرون الذين يبيعون بنى جلدتهم في الغربة ..؟ هل هذه العقلية سودانية؟ هل نحن عدنا إلي عهد الزبير باشا؟

بريمة

ناس قرية "الحوش" .. وناس قرية "الفاو" .. أيضاً "جاكم درب".

Quote: À Meer Àlhossen انا ياسر م لاقيتو لكن بعرف اتنين في اجدابيا في سجن فرج انا اتسجنت فيهو وسجن غير رسمي بتعامل مع المهربين وبستلم الناس وبزجهم في سجنو ومشغل اتنين سودانيين واحد اسمو ابوالقاسم والاخر م بستحضر اسمو لعامل مرور الوقت وبضربو بزلو السودانيين وبستبزوهم ايما استبزاز وسلاح عديييل ماسككنو للينا ولي كلل الدفع الجو بعدنا وانا طلعت في يومين وكان معاي كلللل ارقام اهل المسجونين معاي في الغرفه اتصلت بيهم بعد طلعت واديتم رقم ابوالقاسم بتاع السجن دا زاااتو والدفع بكون في وكاله الرشيد سوق ليبيا ولما م تدفع ي ويلك بعد التلاته يوم التلفون في يدك وابوالقاسم يضرب فيك وانت بتتكلم مع اهلك شان يبيعو القدامن والوراهم يفدوك بيهو والله انا شاهد سلاح ضربو فينا ولو لقي صورتي الان بعرفني وانا بعرفم الاتنيين واحد من الفاو والتاني من الحوش وبياخدو كللل القروش العند المساجين دولار يورو دينار سوداني بعد تطلع باي عليك الحمد لله مرقت فيك روح

بريمة

حبيبنا بريمة من يوم قلعت البرنيطة ولبست القطرة والعقال ومن كابوي لراعي آبل أمورك مو زينة وقالوا الكاش يقلل النقاش

عارف،
سلام ..
أخوك متبع خيط .. تجارة البشر في قري السودان .. وعايز أربط خيوط تجارة البشر منبعها وين .. وأقاربها مع تجارة الرق في السابق مع السودان ..


----------
الأمور بتمشي إن شاء الله .. قول يا لطيف ..

بريمة

الشمالية .. "جزيرة الصوارده" .. "جاكم درب" ..

Quote: .والله يا جماعه سمعنا مواقف من اصدقاء وناس قريبين لينا في اجدابيا .والله معاملة سجن التهريب ما جميله .وذلة واهانة للبشر بصورة مبالغه.والله الشي البقولوه الحيوان ما بعاملوهو بيهو؟وكان البعذب فيهم سوداني من الصوارده من شمال السودان؟وكتييير القالوا ما برحموهو لو وجدوهو حي ؟لكن لحسن الحظ ؟حصلت كبسه من القوات النظاميه في الجنسيه باجدابيا؟ورفعوهو مع الجماعة؟اي زول لقوا في تلفونه صور سلاح او عساكر او ارقام عسكريين معناها دا زول داعشي؟واخر اخبارهو وصلوهو معسكر قريب لبنغازي ؟والله معانا شخص قبضوهو من المناقل قال كسروا ليهو اصابعين يديهو بالزرديه ؟ولحد اللحظه ما سمعنا عنهو خبر ؟والله المعاملة لا ترقي لمعاملة الحيوان؟والمصيبه البتقول ليهو ما تجي ؟يقول ليك انت قاعد بتسوي شنو؟ولمن يجي ينصدم بواقع كانه العصور الوسطي؟ بصراحة معاملة السودانيين في ليبيا تعبانه ومنتهيه ؟واخوك لو لقي فيك فرصة ؟يدق فيك مية خازوق؟الله يهدي الجميع....

بريمة

لا حول ولا قوة إلا بالله ..
عشان كدا لازم تحصل تحريات والسلطات والاهالي لازم يقومو بدورهم .
شكرا بريمة على نقل هذا الموضوع الهام للمنتدي .

التروي والتثبت ضروري جدا ..

شكرا يا بريمة علي فتح هذا الموضوع الهام
يا ريت لو عدلت العنوان الي ( سودانين يعذبون بني جلدتهم )
من هذه الشاكلة ( لأنه مش طابت براها)

دي جرايم وإنتهاكات يجب التصدي اليها

أنا من طابت وهي مدينة في حجم قرية
إن جاز وصفها بالمدينة
وهي صغيرة المساحة أصغر
من بعض القرى وأهلها يعرفون بعضهم البعض جيدا
وأهل طابت مترابطون اجتماعيا كشأن اهل الجزيرة جميعهم
والخلقة دي مافي زول من طابت تعرف عليها
وأنا لا أعرفه ولم أرى خلقته دي قبل كدا
ولا غيري من أهل طابت تعرف عليه
وربما يكون ادعى هذا الانتساب ليشوه
اسم طابت ورجل بائس مثل هذا لا يمكن
أن يصدق في انتسابه للمكان الأصلي.

هذا إذا صدقنا صاحب المنشور في الفيس

اثني مقترح عبد العظيم حول تعديل العنوان ..
هذه الجرائم تم توثيقها ولم تعد مجرد فرضيات لذا من الواجب مباشرة التحقيق حولها داخليا وفي ليبيا بالتعاون واتنسيق مع حكومتها ..
ويب تركيز الاهتمام الرسمي والشعبي حولها داخليا وعالميا ..
ومن واجبنا كسودانيين تكثيف المطالبات لمتابعتها داخليا وخارجيا وملاحقة كل من تورط فيها سواء كان في الداخل أو الخارج ..
وإذا كانت السلطات السودانية عاجزة أو غير جادة في ذلك فهنالك منظمات حقوقية عالمية يمكنها إجراء اللازم ..
وقد فعلت حين حركت السلطات الليبية واطلقت سراح الضحايا ..
فضلا عن سلطات وإمكانات المدعي العام للجنائية الدولية حيث بإمكانه القيام بما يجب حال تباطؤ الحكومة أو مداراتها للمتورطين ..
مطلوب منا فقط تكثيف الإعلام حول هذه الأحداث ونشرها كل بطريقته وبالوسيلة المتاحة أمامه..
إهمال مثل هذه الجرائم وعدم ملاحقة مرتكبيها قد يغريهم لخطف الناس اطفالا وشبابا ونساءا من الشوارع .

الأخ محمد علي المك
الأخ ود القوز
الأخ عبد العظيم
والأخ منتصر

شكراً علي المرور ..

يا منتصر، الزول أخوه أسمه .. محمد يوسف، هذا يعنى أسم الجاني ياسر يوسف ..

Quote: محمد عباس الهم لا نسألك رد القضاء ولكن نسألك اللطف فيه الأخ محمد يوسف لا داعي للتبرير انني أعرفكم والله هذه الاسره الكريمه لا يتطبق عليها هذا الحديث وياسر كان يعمل معي واعرف والده مزارع ربي أولاده بالحلال وعرق جبينه وسكن بجوارنا واشهد له من محبي المساجد هذا الحديث افتراء علي هزا الشاب الخلوق وبهتان علي أسرته المتدينة

بريمة

الأخ منتصر،
سلام ..
هنا شخص أخر يعرف الجاني ياسر يوسف، أسمه: مصعب عبد الله ود أمنة ..

Quote: Mosaab Abdollah Wd Amna والله انا ياسر دا دفعتى وكان ساكن العشرة طالعين ونازلين سوا حسب معرفتي بيه زول محترم وحاجة زى دى ما اظن يعملا

يعنى كده لدينا ثلاثة أشخاص يعرفون ياسر يوسف .. وهم
1. محمد يوسف (شقيق الجاني)
2. محمد عباس
3. مصعب عبد الله ود أمنة (زميل دراسة وفردة للجاني) ..

هل عرفت واحد من هؤلاء الشباب ..

بريمة

أخوك متبع خيط .. تجارة البشر في قري السودان .. وعايز أربط خيوط تجارة البشر منبعها وين .. وأقاربها مع تجارة الرق في السابق مع السودان ..
-------------------------------------------------

اها المقاربة مع تجارة الرق في السابق مع السودان دي يا بريمة
قبل دخول الاتراك ولّ بعد دخول الاتراك ؟
بس عشان ما تتوه
مرات العجلة ِبتَْودّر الأتر ...... سلام

سلام للجميع

سلامات
ياسر من طابت العزازة جوار سنار وليس طابت الشيخ عبد المحمود



________
هذا بحسب ما ورد في الفيسبوك ممن تقصوا أمره

بحسب حوامتي في الفيسبوك أفضل توثيق هو صفحة الناشط عبد الرحمن دقيس
ظل في حالة متابعة دائمة واستضافة لليبيين وضحايا سابقين منذ ظهور الفيديوهات وحتى الآن

دة فيديو لي خالد بتكلم مع ياسر حول الفدية والقروش قدامه

Quote: ياسر من طابت العزازة جوار سنار وليس طابت الشيخ عبد المحمود

شكرا الأخ أحمد محمد عمر
قالوا طابت العزازا دي أهلها الأصليين من قبيلة البرقو
وسموها طابت عشان طيبة أهلها البرقو
وياسر دا بحسب سحنته وسلوكه لا برقاوي ولا طيب.
متلبط برضو قال طابت قال يطبطب راسو المدوقس دا

سلامات يا أحمد محمد عمر ..
الفيديوهات دي مافي طريقة يتعمل ليها ترجمة بالانجليزي أو الفرنسي ؟

سلام يا شباب ..

نعم يا مولانا محمد علي المك .. الفيديوهات التى أوردها الأخ أحمد محمد عمر .. تحتاج لترجمة ..
مافي زول يعرف كيف يوصلنا للشباب بتاعين TEDX Sudan .. ديل ممكن يساعدونا في الترجمة ..

ألف شكر يا أحمد محمد عمر علي الفيديوهات

الأخ منتصر،
نعم الزول طلع من طابت العزازة .. بعيد من طابت عبد المحمود .. لكن من حيث طبيعة المنطقة الدينية .. علي حسب معرفتي المتواضعة طابت العزازة لا تختلف عن طابت عبد المحمود في مسألة المشايخ والقباب .. والنكهة الصوفية المتجذرة في الوسط النيلي.

لكني وقفت عند الشخص من مدينة الفاو .. ولم يذكر أسمه .. منطقة الفاو في منطقة القضارف .. الفاو مدينة حديثة جداً .. نشأت في السبعينات وقد زرتها مع فريق كلية الزراعة في رحلة علمية .. في أواخر الثمانيات وأمضينا فيها وقت ليس قصير .. فسكان المنطقة ليسو أهل ولا يجمعهم رابط دم .. فالمنطقة أشبه بالكامبو في المشاريع الزراعية ..
كما ليس فيها أي مظهر من مظاهر التصوف ..

بريمة

جأتكم بخبر ..
هناك جالية سودانية في مدينة مصراتة .. ولديهم صفحة علي الفيسك بوك .. أبحثوا عن الأتي "الجالية السودانية مصراتة (ليبيا)"

Quote: الجالية السودانية مصراتة (ليبيا) سجّل إعجابك بهذه الصفحة · 26 أغسطس، 2017 · فى إطار مساعيه الحثيثه والمستمره لخدمة قطاع الطلاب السودانيين بالجامعات والمدارس الليبيه أفادنا الأخ معتز ميرغنى عباس رئيس الجالية السودانية مصراتة رئيس مجلس تنسيق الجاليات السودانيه بليبيا المكلف مساعد قطاع التعليم بالمجلس الأعلي للجاليات السودانية بالخارج أفادنا بان هنالك بشريات طيبه للطلاب بخصوص الرسوم الدراسيه للعام الجديد وان الموضوع قد نوقش باهتمام بالغ خلال جلسات المؤتمر التشاوري لمجلس الجاليات السودانيه بالخارج والذى إنعقد بالخرطوم خلال الايام الماضيه وتم التوصل فيه للعديد من الحلول والمبادرات التى من شأنها أن ترفع هذا الرهق عن كاهل الطلاب وذويهم وان الموضوع فى طريقه للحل النهائي وان بداية العام الدراسي الجديد سيكون حاملا لكل البشريات لجميع الطلاب على مستؤي المدارس والجامعات الليبيه ويأتي هذا التحرك فى الامر أيفاءا للعهد الذى كان قد وعد به الاخ معتز الطلاب والطالبات بايجاد حل لهذه المشكله التى ارقت الكثيرين وذلك فى اطار منح الطلاب والطالبات مزيدا من المساحات للتفوق والنجاح الذى تعودناه منهم مع تحيات المكتب الاعلامى للجاليه السودانيه مصراته

ولديهم جهود مقدرة في أستعادة الأطفال مجهولي الوالدين بسبب الحرب .. في ليبيا ..

Quote: تمت إضافة ‏‏8‏ صور جديدة‏ بواسطة ‏الجالية السودانية مصراتة (ليبيا)‏. 24 أغسطس، 2017 · بسم الله الرحمن الرحيم وبحمد الله حلت بارض مطار الخرطوم المجموعه الثالثه من الاطفال السودانيين فاقدى الابوين والذين كانت تتحفظ عليهم السلطات الليبيه بعد ان فقدوا والديهم اثناء المعارك التى التى جرت فى الفنرة السابقه بين الحكومه الليبيه وما يسمى بتنظيم الدوله الاسلاميه (داعش) هذا وقد كانت المرحله الثالثه لهذا العمل الجبار قد تكللت بالنجاح بعد جهود مضنيه ما بين الخرطوم والسلطات الليبيه وتحركات جباره من االسفاره السودانية بليبيا والاخ معتز ميرغنى عباس رئيس الجاليه السودانيه مصراته والذى ظل فى حراك متواصل ورحلات ماكوكيه طوال الفتره السابقه ما بين الخرطوم وليبيا وذلك من أجل اكمال ومتابعة كل ما يخص هذا الامر وبحمد الله تكللت كل المساعى بالنجاح وغادرتنا يوم الثلاثاء الماضى الموافق 2017/8/22 المجموعه الثالثه عبر الخطوط الافريقيه سبقتها المرحله الاولى باستلام ذوي الطفله لجين لها بعد حضورهم لمدينة مصراته من السودان برفقة الاخ رئيس الجاليه معتز ميرغنى والمجموعه الثانيه والبالغ عددهم ثمانيه اطفال وهم مصطفى الطاهر عبدالرحمن - صفاء الطاهر عبدالرحمن - عمر الطاهر عبدالرحمن - فاطمه التوم - خديجه التوم- عبدالسلام عبدالله - دار السلام عبدالله - عزالدين ادم والذين غادروا فى السادس والعشرون من رمضان المنصرم الى السودان عبر الخطوط الافريقيه برفقة الاخ معتز ميرغنى عباس وحلوا بمطار الخرطوم وسط فرحه عارمه من اسرهم المتواجده بالسودان لتتواصل مهمة البقيه حتى نهار امس الاول بالمجموعه الثالثه والبالغ عددهم اربعه اطفال هم نوال احمد - عبدالله محمد - عبير محمد - وعفراء محمد والحمد لله من قبل ومن بعد ولابد من ان نتقدم باسم اسر هولاء الاطفال بالشكر لجميع الجهات اللليبيه والسودانيه والتى اسهمت فى انجاح هذا العمل والمساعده على لم شمل هولاء الاطفال الابرياء بذويهم ومحاولة دمجهم بالمجتمع والانصهار مع مجتمع سليم معافي الجدير بالذكر اننا وطيلة الفتره الماضيه وخلال كل الاعمال التى تمت كنا نلتزم جانب الصمت التام خلال عمليات التسليم برغم الالمام التام بكل التفاصيل والمعلومات وذلك من خلال العديد من المراسلات والتكليفات الرسميه وذلك حفاظا على بروتوكلات واشياء اخري تتعلق بالامر وكنا نترك الامر للجهات الاعلاميه الاخري لتغطية الموضوع وبرغم ايضا اننا نمتلك كل الوثائق والمراسلات وذلك لمعرفتنا بكل الاجراءات فى مثل هذه الامور الامر فى خاتمته هو اداء لواجب تجاه كل سودانى ينتمى لمجتمعنا السوداني بهذا البلد المضياف وهو تكليف وليس تشريف كما انه ليس بمحاولة لكسب جولة رخيصه من خلال محاولة لفت الانظار والجري وراء الفلاشات علما باننا نحتفظ كمكتب تنفيذى للجاليه السودانيه بمصراته بجميع الخطابات والمراسلات والتفويضات التى توضح تكليف الاخ معتز ميرغنى بهذا الموضوع ونعلم كل العلم بكل الجهود التى قام بها والعمل المضنى الذى قام به منذ بداية الامر وحتى المجموعه التى سافرت اخيرا وودنا التوضيح ليس طلبا للثناء او الشكر ولكن حفاظا على مجهودات من قدموا دون كلل او ملل والله من وراء القصد المكتب الاعلامى للجاليه السودانيه مصراته

الناس مفروض تستعين بيهم ..

أكتبوا الأتي في محرك البحث google لتصلوا لصفحة الجالية السودانية في مصراته "الجالية السودانية مصراتة (ليبيا)".

بريمة

Quote: سلامات يا أحمد محمد عمر .. الفيديوهات دي مافي طريقة يتعمل ليها ترجمة بالانجليزي أو الفرنسي ؟

ياريت والله
الانجليزي بتاعي ما على قدر كدة .. لكن لو زول ترجم أنا بدمج الترجمة مع الفيديو وبرفعه من جديد

يا بريمة ناس tdex اعتقد نشاطهم بعيد عن السياسة

الأخ أحمد محمد عمر
سلام ..

ناس تيد أكس سودان .. بقوموا بترجمة للفيديوهات لعدة لغات .. هنا إسم الأخ دكتور أنور دفع الله Anwar Dafa-Alla

الناس بالله تبحث معنا تلفونه أو الأيميل بتاعو ..


بريمة

شكراً عارف ناشد

بريمة

دة درب ليه بووووخ وحار يا بريمة
التروي احسن مما نشهر بالاخرين

هاك دة حساب انور على فيسبوك fb.com/Anwarking
لكن هو خلى السياسة وبقى مهتم بالأكاديميات فقط

أيوه يا بريمة الله يفتح عليك واصل مسعاك ..
شكرا أحمد لا عليك الفيديوهات الجلبتها دي ما ساهلا ربنا يثبت الأجر ..
المهم الموضوع طقش اضنين جهات كتيرة ..
أكيد الوضع في الداخل ما ح يمشي كما هو مطلوب ..
لذا من المهم أن تكون هنالك جهات مؤثرة تراقب مجريات الأحداث.

تمام يا أحمد عمر

وزيدنا من الفيديوهات ..

Quote: هاك دة حساب انور على فيسبوك fb.com/Anwarking لكن هو خلى السياسة وبقى مهتم بالأكاديميات فقط

ول أبا محمد علي المك .. ألف شكر علي رفع البوست ..

بريمة

بوست مهم

الله يستر عليه من دينق

بريمة ..حياك الله و ابقاك
بوست مهم جدا..اضم صوتي للاخوة
لتغيير عنوان البوست..الجهوية و التنميط
ح يدخلك في جدل و يصرفك عن المقصد الاساسي

و دا سلوك عام ظهر في الشخصية السودانية واحد
افرازات الحكم الحالي.

طالما ثبت لك أن الرجل ليس من طابت
فلماذا لم تغير عنوان البوست؟!!
أنت لم تكن تقصد طابت العزازة
والناس تعرف طابت الشيخ عبد المحمود
ولا تعرف طابت العزازة
وأي شيء يجلب التضليل يجب تجنبه
فيلزمك تغيير العنوان .

ذكرتني ياخ بريمة برواية فرنسية بعنوان( Traite Au Zaire) قرأتها ذات مرة و اجتهدت على ترجمة فصول منها. تروي مأساة طبيبٍ ناشطٍ و مشرد عن وطنه الأم في بلاد الله الواسعة. و قد عاد مجازفا إلى مسقط رأسه بإحدى تجارة نخاسة في جمهوريات الموز الكاذب في مأمورية موتٍ أو حياةٍ ، إثر علمه بوجود شبكةٍ موسعةٍ للاتجار بالبشر، حيثُ تعمل على جلب فتيات قصر و مراهقات من بلاده لبيعهن هناك تماماً كما الخراف في (سوق الله أكبر ). ليتم توزيعهن، سواء على الملاهي و علب الليل ، أو توصيلاً و مناولة للزبائن بمنازلهم نظام( Take-away) و كدي).

¶ الشاهد أنه نزل ضيفاً على صديقٍ له قديمٍ أثناء إقامته القصيرة ، لزومَ تسهيل الحركة في مهمته الشائكة، لتشابك خطوطها مع حِتَّاتٍ ضيقةٍ لا قِبَلَ له بالاقتراب منها أو التصوير، و قد تمس عصبا ًحساساً لدى جهات أمن دولة متنفذة و بالغة الخطورة، قد تنذر برميه و راء مغرب الشمس و ربما وجدت ضالعة للنخاع في قضية النخاسة عبر القارات. فكان هو و رفيقه كثيرا ما يتعرضان لمضايقات العسس عند نقاط التفتيش.

¶الشاهد إنو صاحبنا كلما استوقفتهم دوريةٌُ لزبانية الأمن و سألوهم عن وجهة سيرهم، و عن هوياتهم و ثبوتيات مركبتهم، وجدوه دوماُ جاهزاً(موية و نور ) حتى شهادات ميلادهم .إلى أن باغتوهم ذات مرة بسؤال مُعْجِزٍ عن شهادات وفاتهم. ليفاجأهم صاحبنا الضيف الزائر بإبرازها لهم ، أمام دهشتهم ودهشة مرافقه المقيم، و الذي جعل تلعثم في العثور عليها.فاااا شنو شايف بالله، أصلي كييييف؟