طلحة تنظير : عائلة الفتاة التي أتهمت محمد محمود بالتحرش بينها و بينه ما صنع الحداد و الجميع يعلم ما بينهما من خلاف و هنا أعني والدة الفتاة و هو أمر غريب أن يقوم محمد محمود بالتحرش بها أمام ناظري والديها و في حفل عام و بحضور حسن فضل المولى .
الصديق / ضياء الدين بلال : شهادتك عن الواقعة مبتورة و لا يعتد بها , لأن الجميع بالتأكيد سمع صياح الفتاة و مثلك لم يشاهد أحد واقعة التحرش إن شهدها أحد فأرجو تصحيحي .
Post: #2 Title: Re: قضية المذيع محمد محمود Author: صديق مهدى على Date: 01-23-2018, 06:47 PM Parent: #1
الاخ كمال والله كان جيت للحقيقة المذيع دا فى برنامجه هموم الناس فى قناة النيل الأزرق يوم الاربعاء قبل فترة انا شاهدت له حلقة حية واتصلت به امرأ من حى من أحياء أم درمان رفضت تذكر اسم الحى وقالت بالحرف الواحد هنا فى الحى فى بيت بتجى فيه مواتر وبنسمع صراخ ناس بعذبوا فيهم وكل ناس الحى شاهدوا المواتر وحركتها الكتيرة فى الحى اها قالت نحنا كلمنا ريس اللجنة الشعبية وقال ما بنقدر نعمل حاجة ديل ناس الأمن اها من الوقت داك انا توقعت ان المذيع دا سوف يحدث له شئ
Post: #27 Title: Re: قضية المذيع محمد محمود Author: كمال علي الزين Date: 01-24-2018, 06:49 PM Parent: #2
(*)
العزيز صديق مهدي
لم أتابع برامج الصديق محمد محمود و لكنني أعرف مقدراته كمقدم برامج متمكن و إن كان لي بعض التحفظات على إهداره موهبته و قلة إهتمامه بجوانب هامة يجب أن يهتم بها كل من ولج الشأن العام
Post: #3 Title: Re: قضية المذيع محمد محمود Author: صديق مهدى على Date: 01-23-2018, 06:53 PM Parent: #1
يعنى يا كمال الرجل أدى دوره لكن حماسه تسبب فى فقده وظيفته لان الناس ديل يا معاى يا ضدى لذا على الناس اصحاب الوظائف يحافظوا على وظائفهم و يا دار ك ما دخلك شر تحياتى يا على وزى ما بقول المثل الباب البجيب الريح سدو واستريح تخريمة يعنى اى زول بالداخل يبقى مونساتى وبس ههها
Post: #4 Title: Re: قضية المذيع محمد محمود Author: جمال ود القوز Date: 01-23-2018, 07:05 PM Parent: #1
Quote: عائلة الفتاة التي أتهمت محمد محمود بالتحرش بينها و بينه ما صنع الحداد و الجميع يعلم ما بينهما من خلاف و هنا أعني والدة الفتاة و هو أمر غريب أن يقوم محمد محمود بالتحرش بها أمام ناظري والديها و في حفل عام و بحضور حسن فضل المولى .
صحيح يا كمال .. والله انا برضو استغربت كيف بعد الحاصل ده يشاغل بنتها .. لكن هل ده بيمنع احتمال حصول هذا الشيء ؟ ..
اسكونس منزّل فيديو بيشرح الحاصل .. يعني المشكلة انتشرت على نطاق واسع فليس هناك ما يمنع تداولها .. لانها أولردي بقت متداولة وتناقلتها الأسافير .. لكن شايف بكري قفل البوست داك .. فحيجيب طبلته ويلحقوا ليك أخوه ..
Post: #5 Title: Re: قضية المذيع محمد محمود Author: سفيان بشير نابرى Date: 01-23-2018, 08:06 PM Parent: #4
سلامات يا كمال و عبرك سلامي لكل الأخوة و الأخوات هنا.... كما تعلم اعرف الأخ محمد محمود منذ ما يقارب للعشرين عام أو اكثر ولا أريد أن ادبغ عليه صفات ليست فيه ولن اتحدث ابدا عن تعامله أو خلقه لكني احب أن أؤكد حقيقة انت ذكرتها وهي أن ما بين محمد محمود و والدة الفتاة خلاف كبير من قبل عامين مضن و صل هذا الخلاف صفحات الصحف و المواقع الإلكترونية وفي ذلك الزمان من الخلاف أيضا دعمت الشاعرة (والله ناسي اسمه) دعمت صديقتها ام وضاح ضد محمد محمود(كلو موثق) و كل السبب في ذلك أيضاً معروف و من أهمه هو حديث وكتابة محمد محمود عن مهنية ام وضاح وعن ظهورها الفجأة في عالم الصحافة و النقد و التقديم البرامجي و برامج المسابقات ، هذا مالم تقبله ام وضاح و صويحبتها. ساتابع معك وسلامي لاسكونس بالله لي منكم زمن.
Post: #6 Title: Re: قضية المذيع محمد محمود Author: طلحة عبدالله Date: 01-23-2018, 08:41 PM Parent: #5
كمال الزين ما عارف مخاطبني في صدر البوست لشنو .. ؟ شخصيا لا أتهم محمد محمود بأية تهمة ولا أتمنى أبدا أن يقع في مشكلة تعوق مسيرتو الاعلامية وأتمنى له كل الخير وأرجو أن ينقشع الغبار المثار حوله وتعود أجواءه صافية .. مشكلتي كلها في طريقة تعاملو مع المشكلة وأول خطأ وقع فيه من وجهة نظري تسجيلو اللي علق بيهو مشكلتو في صقيعة الأسافير دون أن يقول أي كلام يفند بيهو المزاعم والاتهامات اللى طالتو .. أو حتي يشرح المشكلة . وبالمرة عرجت في كلامي على أسلوبو في المخاطبة المتخم بالتكلف وهو ما يشوش على الرسالة الاعلامية ودا كلام علمي يدرس في كليات الاعلام .. ثم والأنكأ من ذلك عدم تقبله للنقد والتعامل معه بفوقية . عموما أعتقد أن الأمر برمته فصاله في المحكمة له أو عليه . ....................... ربنا يقيل عثرته .
Post: #7 Title: Re: قضية المذيع محمد محمود Author: طلحة عبدالله Date: 01-23-2018, 08:50 PM Parent: #6
انت يا كمال الزين قاعد تكتب في موقع النيلين واللا دا اسم على مسمى ؟ غايتو كان دا انت أسمح لي أستغرب فيك جدا .. خخخخخخخخ
Post: #26 Title: Re: قضية المذيع محمد محمود Author: كمال علي الزين Date: 01-24-2018, 06:47 PM Parent: #7
(*)
طلحة تنظير
لا أعرف موقعاً بإسم النيلين إلا حين قرأت مداخلتك و بحثت عنه و وجدت أنهم يقومون بنشر مقالات راتبة تحت إسمي و هي كتابات مختلفة في السوشال ميديا كتبتها على فترات متقطعة و لا ترقى لمسمى المقال الصحفي وجدت 40 مقال تحت إسمي و هي كتاباتي فعلاً و لكنني لا علاقة لي بالموقع لو بتعرفهم بلغهم أنني ماعافي ليهم - لا حق مادي و لا إذن مسبق مني كمان
Post: #87 Title: Re: قضية المذيع محمد محمود Author: كمال علي الزين Date: 01-26-2018, 07:30 PM Parent: #4
(*)
يا جمال تحياتي حاولت أكتب في البوست المعني و وجدته مغلق فعلاً
Post: #8 Title: Re: قضية المذيع محمد محمود Author: elhilayla Date: 01-23-2018, 11:57 PM Parent: #1
كمال والصحب الميامين من مصدر شبه مؤكد تحصلت على معلومة زميلة المنبر - أم البنت - التي سبقني الأخ سفيان بذكرها ومن جهة أيضاً شبه مؤكدة الحكومة ممثلة في ذراعها المعروف - الأمن - كان وراء هذه المؤامرة لكن كيف أمكن لزميلتنا لعب هذا الدور - لو تم التأكد من التواطؤ - وهو أمر غريب!؟ أتفق مع صديقي ود القوز في خيط مجاور أن التعاطف مع الأخ محمد تمليه ضرورة رزقه وأكل عيشه خاصة وقد تواتر أن الأخ محمد له دور ممتاز في الإنحياز لمحمد أحمد السوداني خبر محزن بكل تأكيد ____ الحليلة
Post: #9 Title: Re: قضية المذيع محمد محمود Author: أبوبكر عباس Date: 01-24-2018, 00:22 AM Parent: #8
محمد محمود من المذيعين العندهم حضور عالي جداً وخفّة دم وملوحة كبيرة أتعاطف معه بسبب إلفة ظهوره على الشاشة، لكن من ناحية تحليل أقول: حدوث السكسكة وارد بنسبة ٥٠٪ وهو إن حدث بكون الغرض منه الإغاظة وليس التحرش وهو (أي حادث السكسكة) يتناسب مع شخصيته المرحة الذكية
Post: #10 Title: Re: قضية المذيع محمد محمود Author: محمد البشرى الخضر Date: 01-24-2018, 05:13 AM Parent: #9
Post: #11 Title: Re: قضية المذيع محمد محمود Author: علي الكرار هاشم Date: 01-24-2018, 07:51 AM Parent: #10
ما كتبه ضياء الدين شديد الوضوح
لم أكن أرغب في الخوض في هذا الموضوع، لولا أن نقل لي بعض الأصدقاء افتراء أحدهم في وسيط عام، أنني قدمت شهادة في أمر يخصه. ساورد ما حدث دون إضافة أو نقصان والله على ما أقول شهيد. في ليلة رأس السنة، عقب انتهاء الحفل بقاعة اسبارك سيتي، كنت اقف مع مجموعة من الاصدقاء بينهم مدير قناة النيل الازرق الجنرال حسن فضل المولى ومدير الصالة ، و بينهم اسرة اعلامية معروفة، الزوجة والزوج والبنت، الاخيرة كانت بعيدة نسبيا ،فجاة ارتفع صوتها: (يا سكران يا حيران دي حركة تعملها ووووو). لم اكن اعرف البنت ولم اشاهد ما حدث، فاذا بالمذيع المعروف يهرب خفيف الخطى وسط الزحام، ويركض من خلفه والد الفتاة، لكن لم يلحق به لتدخل عدد من الحضور، بعد ذلك روت الفتاة تفاصيل ما حدث معها. انتهت الواقعة وسط عدد من الشهود. لم اتابع تفاصيل ما حدث بعد ذلك الى ان علمت من الصحف ان ادارة القناة شكلت لجنة تحقيق ،فصل على اثرها المذيع ،قيل ان هنالك وقائع سابقة ولجان تحقيق شكلت للمذيع اضيفت اليها الواقعة الاخيرة، فكان قرار الفصل. لا علاقة خاصة لي بالأسرة الإعلامية ، ولا عداء لي مع المذيع، اعرفه فقط عبر الشاشة والتقيه أحيانا في بعض المناسبات العامة، ولم يطلب احد شهادتي لاجنائياً ولا إدارياً، هذه شهادة اضطرارية لدفع الافتراء فقط .دمتم بخير
Post: #12 Title: Re: قضية المذيع محمد محمود Author: عماد قريش Date: 01-24-2018, 08:07 AM Parent: #11
التور كان وقع تكتر سكاكينو
Post: #13 Title: Re: قضية المذيع محمد محمود Author: عبد اللطيف السيدح Date: 01-24-2018, 09:49 AM Parent: #12
بوستك مفتوح يا حبيب
ما شى معاك زي الحلاوة
Post: #14 Title: Re: قضية المذيع محمد محمود Author: طلحة عبدالله Date: 01-24-2018, 10:08 AM Parent: #10
Quote: اسّي ردّي دا ارسّلو ليك واتساب ولاّ اعمل شنو
ههههههههههه لا خليهو اتشلوط بيهو كدا بس ان شاء الله ما تتفشى .. أنا مالى ومالك . خخخخخخخ .............................
كدا ذكرني هو البوست داك كان عن شنو يا جرجير ؟
Post: #15 Title: Re: قضية المذيع محمد محمود Author: محمد البشرى الخضر Date: 01-24-2018, 11:37 AM Parent: #14
أهو يا تنظير ما تعمل رايح!
Post: #16 Title: Re: قضية المذيع محمد محمود Author: طلحة عبدالله Date: 01-24-2018, 11:50 AM Parent: #15
مالو ؟
Post: #17 Title: Re: قضية المذيع محمد محمود Author: محمد البشرى الخضر Date: 01-24-2018, 12:30 PM Parent: #16
ايه اللي مالو؟ زيت شنو وبرتكان شنو, مالي ومال نارهم المولعة اساسا أنا موضوعي واضح حيرة في قصة الاستحاء يمكن يكون غيروه كمان و استفسار عن قضة أب بيضة وين الزيت هنا ؟
Post: #18 Title: Re: قضية المذيع محمد محمود Author: طلحة عبدالله Date: 01-24-2018, 12:41 PM Parent: #17
الزيت هنا
Quote: أب بيضة
طالما في بيض لازم في زيت
Post: #19 Title: Re: قضية المذيع محمد محمود Author: جمال ود القوز Date: 01-24-2018, 05:13 PM Parent: #18
Post: #20 Title: Re: قضية المذيع محمد محمود Author: جمال ود القوز Date: 01-24-2018, 05:13 PM Parent: #19
ودا الزيت ذاتوووو ...
Post: #21 Title: Re: قضية المذيع محمد محمود Author: جمال ود القوز Date: 01-24-2018, 05:29 PM Parent: #20
Quote: اسّي ردّي دا ارسّلو ليك واتساب ولاّ اعمل شنو
رسلو ليهو هووم دليفري .. أحسن من تموت بي مغستك يا ود البشرى .. غايتو جبادتك اليومين ديل تلخم ..
Post: #22 Title: Re: قضية المذيع محمد محمود Author: محمد البشرى الخضر Date: 01-24-2018, 05:49 PM Parent: #21
Quote: طالما في بيض لازم في زيت
شوف الكيشة دا! ما سمعت بي البيض بالسمنة او الزبدة او ان شاء الله مسلوق ساي!
يا ود القوز جبادة شنو يمين راقد في عنقريبك يجيك الصير جاهز ومقلي كمان 😁
Post: #23 Title: Re: قضية المذيع محمد محمود Author: جمال ود القوز Date: 01-24-2018, 05:52 PM Parent: #22
Quote: يا ود القوز جبادة شنو يمين راقد في عنقريبك يجيك الصير جاهز ومقلي كمان 😁
هههههههههههه والله صحي رزق تقيل ..
Post: #24 Title: Re: قضية المذيع محمد محمود Author: سفيان بشير نابرى Date: 01-24-2018, 06:04 PM Parent: #23
كمان فيها ضياء الدين بلال!!! ؟
Post: #25 Title: Re: قضية المذيع محمد محمود Author: كمال علي الزين Date: 01-24-2018, 06:42 PM Parent: #24
(*)
ضياء الدين بلال صديق عزيز يا سفيان و كذلك محمد محمود صديق عزيز لذلك أنا لست مع أو ضد و إنما حيرتي بين الروايتين كانت مختلفة بعض الشيئ عن مألوف الحيرة فالروايات متطابقة و لا تثبت جرماً جنائياً و إنما تقود إلى إدانة أخلاقية للأخ محمد حسب أن المرأة عندنا صادقة و مصدقة فيما يلي مزاعم التحرش
Post: #28 Title: Re: قضية المذيع محمد محمود Author: سفيان بشير نابرى Date: 01-24-2018, 07:10 PM Parent: #25
سلامات يا كمال ياخ و تحيات... تعرف يا صديقي ليس لي حكم على أحد إطلاقاً حتى ضياء الدين لكني استغرب لمثل هكذا شهادات و استغرب أكثر في انها يتم الدفع بها في الوسائط و أتفهم جيداً أن يبذل محمد محمود كل ما بوسعه(فديو أو كتابة) للدفاع عن نفسه لأنه في وجه إتهام لذا جاء استغرابي من (تسطير) ضياء الدين بلال. مع مودتي
Post: #29 Title: Re: قضية المذيع محمد محمود Author: سفيان بشير نابرى Date: 01-24-2018, 07:18 PM Parent: #28
يا كمال على الزين ياخ اتذكرته حادثة عجيبة حصلت منذ سنين عددا في مناسبة زواجي و نحنا في نص الحفلة و الجبجبة و الرقيص الشديد و الحت الصاح مع مجموعة اصحابي محمد أحمد دا كان مبسوط و فرحان و حتاهو حت شديد معاي و كل الأخوات و الاخوان وكان هناك بعض الإخوة الإعلاميين تصدق اترفع تقرير في الشاب دا و تم توقيفه من العمل لمدة 15 يوم قالوا :- لأنه وجه اعلامي لازم ما يعمل كده في مكان عام.
Post: #30 Title: Re: قضية المذيع محمد محمود Author: أبوبكر عباس Date: 01-24-2018, 07:46 PM Parent: #29
شاهدت الفيديو بتاع م محمود الحاسة السادسة بتاعتي بتقول شاغلها، لكنه لا يقصد التحرش، موش في زول أو ناس بكونوا مشاكلنك وإتّا شايف شكلتم دي عوارة ساكت؟ بس دا إحساس محمد وحبّ يكاويها أنا شخصياً ممكن أعمل كدا مع زول مشاكلني
أقترح على م محمود يقول ليهم زي عمر الدوش: سمعتَ زي نقْر الكمان حِس زول بِمش تاوقتَ من تحت الكِتيف عاينْتَلا والحقِّ لله العظيم شاغلْتَها أيوه عارِف إنِّو عيب لكن شنو ....
Post: #31 Title: Re: قضية المذيع محمد محمود Author: سفيان بشير نابرى Date: 01-24-2018, 07:55 PM Parent: #30
ههههههه هههههه لكن شنو!؟ شاغلتها... ههههههه الله يعدل مزاجك ياخ
Post: #32 Title: Re: قضية المذيع محمد محمود Author: Abuzar Omer Date: 01-24-2018, 08:03 PM Parent: #31
غايتو بي أمانة البلد دي أصبحت أعجب من العجب حينما يتعلق الأمر بالقانون، و أهل القانون، و الذي يملكون مصائر الناس. سمعت تسجيل للمذيع الشاب، يحكي قصة فصله من قناة النيل الأزرق، و هي بالتأكيد مؤلمة، لكنها تحكي ما وصلت إليه البلاد من انحطاط. أولاً و حتى إذا سلمنا بأن للحقيقة أوجه متعددة، لا يخرج إلى النور إلا الأنقياء. و لا تحتاج لسماع الكثير من المقطع لترى الظلم، الهزيمة و الارتباك على الشاب فتأخذ جانبه بلا تردد. يعني (بس بس بس) دي تحرش؟؟ ياخي بسم الله! يعني في حفلة فيها آلاف البشر، بتعرف كيف إنو زول قال ليك بس بس، و تعرف كيف ليك انت ما غيرك، و تعرف كيف مصدرها بدقة كافية؟؟ و بعدين قنوات السودان التي تستقطب الدمي -(جمع دمية، بت اللعاب) لا علاقة لهم بلغة، ثقافة أو حتى ذكاء اجتماعي لأدارة أبسط حوار- بهذه الطهارة و العفاف؟؟ أها التحرش ده شنو؟؟ منذ قدوم ترمب للبيت الأبيض، ركبت أميريكا و نسائها هذه الموجة، و كذلك المقلدون الباهتون في كل العالم!
غايتو أسوأ مافي السودان القانون و كل حاجة رسمية في الدولة، و أكثر منهم كل الدلاهات و العاهات، الذين أصبحوا يقرروا مصائر البشر، بلا علم أو كتاب منير.
القناة مطالبة بالتوضيح للمشاهدين.
تحياتي كمال و بقية الحضور و المتابعين.
Post: #33 Title: Re: قضية المذيع محمد محمود Author: أبوبكر عباس Date: 01-24-2018, 08:13 PM Parent: #32
يا أبا ذر،ان شاء الله فيها مليون زول بتعرف بالسينس احتمال البت دي تكون كضابة زي دقداق كدا في الميّة
Post: #34 Title: Re: قضية المذيع محمد محمود Author: احمد حمودى Date: 01-24-2018, 08:16 PM Parent: #33
Post: #35 Title: Re: قضية المذيع محمد محمود Author: Abuzar Omer Date: 01-24-2018, 08:35 PM Parent: #33
يا مستنير السينس، براهوا ما كفاية. و الحركة دي ما تحرش بالتأكيد. زمان كانوا بقولوا بنات الناس ساكتات على كتير! الموضوع ما مستاهل لقطع العيش. و البمشي بي موضوع ذي ده المحاكم، ما خلى للاستهداف حاجة. و إذا ده الحال في البلد، محكمة لكل نفرين ما بتحلكم
Post: #36 Title: Re: قضية المذيع محمد محمود Author: أبوبكر عباس Date: 01-24-2018, 08:38 PM Parent: #35
كلامك صاح يا أبا ذر ما تحرش ولا يستحق التطوير، لكن شاغلها
Post: #37 Title: Re: قضية المذيع محمد محمود Author: عبدالعظيم عثمان Date: 01-24-2018, 08:43 PM Parent: #36
"حسكا " دا كان مقنطر كان شاغلها أو ما شاغلها ولا كان نام في بيتهم في رأس السنة كان موضوعه منتهي مفصول يعني مفصول
Post: #38 Title: Re: قضية المذيع محمد محمود Author: Abuzar Omer Date: 01-24-2018, 08:48 PM Parent: #36
نقول ليهم يا مستنير: أختي الكريمة، إذا قال لك أحدهم (بس بس بس) فلا تلتفتي! فأنت لست بكديسة، أو ذلك حسن ظننا فيك 😁😁😁
إن شاء الله تكون بتستاهل إني واييز! ياخ زمان البت لمن يشاغلوخا بتفرح و تكلم صاحباتها 😘😘 تقول لي ما استهداف؟؟
Post: #39 Title: Re: قضية المذيع محمد محمود Author: قسم الفضيل مضوي محمد Date: 01-24-2018, 09:17 PM Parent: #38
..انتوا يا اخوانا شنو قصة الالقاب العسكرية المدورة في البلد دي ...الجنرال ، الادميرال !!!دي بلد دي ولا كتيبة جيش !!! .....
Post: #40 Title: Re: قضية المذيع محمد محمود Author: طلحة عبدالله Date: 01-24-2018, 09:42 PM Parent: #38
للأسف ما يفعله محمد محمود يغوص به عميقا في الوحل الرجل ما زال يخرج على معجبيه في الأسافير ليقرر بحسم شديد أن تفاصيل ما حدث له ليست مهمة ولن يهدر وقته في التطرق لها .. ههههههه رغم أن أغلب الذين يتابعون الفيديو طالبوه ضمنا أو تصريحا بالكشف عن ملابسات القضية وألحوا عليه بضرورة تفنيد المزاعم والاتهامات التي طالته وهو مصر على أن الأمر انتهى بالنسبة له ولا يريد أن يعود له لأن ما حدث قد حدث كما قال .. يقول ذلك ثم يتحول مباشرة للافصاح عن عزمه إنشاء قناة تخصه على اليوتيوب لكنه كما يقول يفتقد للاب توب وبعض الأغراض الخاصة بانشاء القناة خخخخخخخخخ وكأنه يطلب الدعم .. بيد أن ذلك لا تفسير آخر له . السؤال : من الذي يستهدف هذا المذيع ويسعى لاغتيال شخصيته الاعلامية ولماذا ؟ خصوصا وأن الرجل لم يعرف عنه اشتغاله بالسياسة أو المعارضة وحتي لو فرضنا أنه كادر سياسي فلا أعتقد أنه بالخطورة التي تجعله هدفا لقذارة السياسة والساسة.. اذا لماذا يتربصون به ويسعون لاغتيال شخصيته ؟ ولماذا لم تطلبه قناة تلفزيونية اخرى للعمل ضمن كوادرها أو يسعى هو بنفسه لذلك ؟ والأهم من ذلك كله لماذا لا يحسم الرجل الجدل المثار حوله ويفند الاتهامات التي طالته بكلام واضح وصريح فالأمر ليس سهلا كما يحاول هو أن يؤكد ذلك .. دا فيهو إشانة سمعة لزول متزوج بالإضافة لقطع الرزق . ...................... أقول ذلك وأتمني والله على ما أقول شهيد أن يكون الرجل محقا في تأكيداته أن المسألة ما بتستاهل وأنه مظلوما .
Post: #41 Title: Re: قضية المذيع محمد محمود Author: Abuzar Omer Date: 01-24-2018, 09:56 PM Parent: #40
ما حدث و بالطريقة التي ذكرت ليس بتحرش و لا يستحق الحبر المسكوب. حال أثبات أتيانه بفعل و ليس أقل من ذلك، فحينها فقط، يجب عليه الرد.على كل حال درجت القنوات السودانية على انتهاج نفس السياسات، فهم منظومة واحدة. لا يملك الفرد فيها أي حرية موظف أو ضيف.
Post: #42 Title: Re: قضية المذيع محمد محمود Author: أبوبكر عباس Date: 01-24-2018, 09:58 PM Parent: #41
شكراً الكاردينال قسم الفضيل على المشاركة
Post: #43 Title: Re: قضية المذيع محمد محمود Author: سفيان بشير نابرى Date: 01-25-2018, 01:23 AM Parent: #42
يا طلحة تنظير انت بتتكلم عن محمد محمود ولا عن زول تاني!! ؟ لانو معلوماتك الشخصية عنه في غلط كتير.
Post: #44 Title: Re: قضية المذيع محمد محمود Author: الصادق اسماعيل Date: 01-25-2018, 01:31 AM Parent: #43
القصة ليس فيها قضية امام المحاكم القصة ادارية ولذلك لا اعتقد ان محمد محمود يريد ان يتكلم عنها كثيراً يعني الفتاة لم تفتح فيه بلاغ في البوليس واللجنة الادارية اصدرت قرارها بناءاً ربما على شكوى تلقتها من الفتاة واعتقد ان قرار محمد محمود صحيح في المضي للامام وقفل هذا الباب حسب ما فهمت من طلحة
Post: #45 Title: Re: قضية المذيع محمد محمود Author: جمال ود القوز Date: 01-25-2018, 06:08 AM Parent: #44
الشغلة كلها كيد نسا واستغلال للمعارف والصحوبيات ومحسوبية .. يعني واقفات مع مدير القناة وبمعيتة في الحفلة .. ومحمد محمود جاي قاعد تحت المسرح وممكن يكون كوكب .. خخخخ هو استفزاهن بالتصريح برأية بتغول الصحفيات والصحفيين .. وظهورهم الغير مريح في الشاشات وتقديم برامج وخلافه .. دون ادنى مؤهل واغلبهم حتى يفتقد للحضور والتمرس امام الشاشة .. فضلا عن أشياء كثيرا لايمكن اكتسابها انما يتم اختيار المذيع وفقا لوجودها .. المذيعة دي ماقبلت رأي حسكا وأكيد هناك الكثير من التهكم السخرية والملاسنات .. بحكم تواجدهم في قناة واحدة .. لكن في كلا الحالتين هو جرا شكلهن براهو .. فتم الايقاع به .. لكن من ناحية شاغل فهو شاغل .. ربما لو البنية حليوة ممكن تكون رشاقة منو ... ولو ما تستاهل ممكن يكون عايز يكايد حسب الفي راسه .. كونه جاي لاطي دي برضو جايزة وممكن تقرا مع التصرف العفوي .. والتعبير عما يعتمل في دواخله من تشاحن سابق مع امها .. حريم لايمكن ان تعرف مدى قدرتهن وقوة فعلهن واصلا الراجل الفطن مابكايد الحريم .. وبيحاول يزوغ من معاداتهن بدبلوماسيىة الرجالة انه الزول مايخش مع الحريمات ديل في اي حتة ضيقة زي دي ..
لكن حسكا كلامه صاح حريم غياظات ودخلن القنوات التلفزيونبة اوانطة ساي .. ولايملكن اي موهبة في تقديم البرامح .. وقاعدات يعوسن ساي في تقديم البرامج وفي تقديم شعر ركيك وايحائي ومانافع بي بصلة وحتى الصحافة الجن منها ما فالحات فيها وهي بقت معنة من لا مهنة له والله هو كان كمقدم برامج جيد ومقبول لكن راح في الطوشه والله غالب بلد الفشل فيها ما عايزلو ضو رتينة ..
كات يعمل غمران ومايقول فيهن ما قال ولايكايدهن من الاول .. ان كيدهن عظيم .. غايتو كان وقف كان لبسوهو مليون قضية اقلهن قضية الدعارة .. ههههههه .. كويس انه شتت وهو عارف الكنته الراجياهو .. خخخخخ
الله يوفقه ..
Post: #66 Title: Re: قضية المذيع محمد محمود Author: كمال علي الزين Date: 01-25-2018, 05:11 PM Parent: #30
(*)
الأخ أبابكر عباس أتفق معك تماماً .. محمد محمود روحه مرحة - متسامحة
Post: #65 Title: Re: قضية المذيع محمد محمود Author: كمال علي الزين Date: 01-25-2018, 05:06 PM Parent: #8
(*) الأخ الحليلة
لا أعتقد أن القضية لها علاقة بموقف محمد محمود السياسي بقدر ماهي ذات علاقة بلوبي تربطه مجموعة صداقات - مصالح - علاقات إجتماعية ألخ
Post: #46 Title: Re: قضية المذيع محمد محمود Author: ابراهيم عبد الوهاب Date: 01-25-2018, 06:34 AM Parent: #1
Post: #47 Title: Re: قضية المذيع محمد محمود Author: علي عبدالوهاب عثمان Date: 01-25-2018, 07:03 AM Parent: #46
وظهورهم الغير مريح في الشاشات وتقديم برامج وخلافه .. دون ادنى مؤهل واغلبهم حتى يفتقد للحضور والتمرس امام الشاشة ..
=============== حبيبنا جمال ودالقوز .. صدقت في مداخلتك .. يوم السبت الماضي كنت أتابع التلفزيون لمشاهدة عرض افلام وثايقية مذيعة ظلت تكرر : (( رئيس الوزراء السابق إسماعيل الازهري ))
مودتي لحبيبنا كمال ..
Post: #48 Title: Re: قضية المذيع محمد محمود Author: عبدالحفيظ ابوسن Date: 01-25-2018, 07:25 AM Parent: #47
الحنك شنو ؟ علامة الاستفهام عشان ابوحسين ما يجي يقول في وادونا ليها في الاولية واسمها علامات شنو نرجع للكنتا زاتا شايف البوست جاري وكل مرة مرفوع الحكاية شنو ؟ رفرف ليها ولا قال ليها وين يا تيتي ولا شنو كدة عندك وهو ينظر لما وراء الطبيعة ! ولا شنو بالظبطي الحصل والاهتمام المنقطع النظير دة من فعل سوداني قح بحصل في الحفلات من تأثيرات الاجواء المصاحبة ! الناس عملت حركات دبلوماسية جضيم ما جضموهم وقالوا واثقين منهم وبالثابتة شنو يعني الا يتعين في الخارجية من كان منهم بلا شنو كدة فليرفده
Post: #49 Title: Re: قضية المذيع محمد محمود Author: طلحة عبدالله Date: 01-25-2018, 08:26 AM Parent: #48
سفيان وين أوردت معلوماتي الشخصية عن محمود في الكلام الفوق دا أوع تكون بتقصد انطباعي عنو بتاع متكلف ؟؟؟؟؟؟ .............. بنفس طريقتك اتا بتتكلم عن كلامي الفوق دا ولا كلام تاني ؟ خخخخخخخ
Post: #50 Title: Re: قضية المذيع محمد محمود Author: طلحة عبدالله Date: 01-25-2018, 08:36 AM Parent: #49
الصادق يا حبيب سلام
Quote: واللجنة الادارية اصدرت قرارها بناءاً ربما على شكوى تلقتها من الفتاة
كيف الكلام دا .. المفروض المحكمة يلجأ ليها محمد محمود لأنو دا فصل تعسفي معقول أي زول من الشارع يدخل القناة يقول ليهم المذيع الفلاني عمل لي حركة طوالي ينادوا يفصلوا ويقولوا ليهو أمشى بيتكم ؟ لازم تكون فيها محكمة لرد الاعتبار .. زول متزوج يتم اتهامه بالتحرش والسكر ويفصلوا من شغلو أكل عيشو والموضوع ينتهى على كدا ؟ .................... ناس فقه السترة يمتنعون .. يا القناة والبت ومن خلفهما غلطانين على الراجل المسكين دا والمفروض تتم محاسبتم قانونيا ومجتمعيا يا محمد محمود غلطان وعليه أن يوضح الحقائق .. الموضوع حق عام... هههههه
Post: #51 Title: Re: قضية المذيع محمد محمود Author: يحي قباني Date: 01-25-2018, 08:37 AM Parent: #49
و حسن فضل المولى كيف ؟
Post: #52 Title: Re: قضية المذيع محمد محمود Author: طلحة عبدالله Date: 01-25-2018, 08:47 AM Parent: #51
جيمي عزيز القوز دائما خاتي أصبعو محل الوجع خخخخخخ والله يا جيمي لي فترة طويلة بقول أغلب البنات الفارضنهن علينا في القنوات ديل ( جمل طين ) لا غير .. ضرسننا وعملن لينا إشقدي في أية حتة في جسمنا بتواضع مقدراتهن واعتمادهن على الاطلالة المجلبطة بالمكياج .. هن مقارنة بمحمد محمود سالب صفر أقصى الشمال .. في دي معاهو حق والله الراجل . وبصراحة لو كان الموضوع سببو كلامو دا يبقى على القناة وأي زول وقف ضدو يشيل شيلتو في الدنيا والآخرة .. أنا غايتو أول زول بقبقبو السيد ضياء الدين بلال .. خخخخخخ المشكلة كلها في سكات محمد محمود .. خليهو بس يطلع يوضح الحقائق كاملة ويسيب الباقي على الشرفاء والحقانيين .. دي فوضى وحقارة دونها الحياة أو الموت .. واتمنى والله يكون الموضوع مجرد كيد نساء واصطفاف لاغتيال شخصية الرجل بترصد وسبق الإصرار .
Post: #53 Title: Re: قضية المذيع محمد محمود Author: عماد قريش Date: 01-25-2018, 08:49 AM Parent: #51
و حسن فضل المولى كيف ؟
زى محمد حاتم سليمان
Post: #54 Title: Re: قضية المذيع محمد محمود Author: طلحة عبدالله Date: 01-25-2018, 09:00 AM Parent: #53
Quote: معقول أي زول من الشارع يدخل القناة يقول ليهم المذيع الفلاني عمل لي حركة طوالي ينادوا يفصلوا ويقولوا ليهو أمشى بيتكم ؟
الكلام دا ينطبق برضو على زملاء العمل .. يعني مش أي زميل يمشي يشتكي زميلو ينادوا ويقولوا ليهو فلان اشتكى عليك أمشى بيتكم .
Post: #55 Title: Re: قضية المذيع محمد محمود Author: عبداللطيف خليل محمد على Date: 01-25-2018, 09:32 AM Parent: #53
( فاذا بالمذيع المعروف يهرب خفيف الخطى وسط الزحام )
دي شهادة راجل ؟
رسالة الى محمد محمود : انت يا زول أنضف من كل السجم العامل فيها (اعلامي) دا .. و أكبر .. و أعز .. ومتوقع يسكوك كلهم و هم ( حافرين ) ليك قدام ..
ديل حافرين ليك كم (حفرة) .. و كمكمين (شرك) !!! ما بتجلي كلها ..
ما بتجلي كلها ليه ؟ انت عارف الوراهم منو ؟ و ليه ؟
لما تقع : أقع يا زول شهم .. و قوم أنفض تراب الوقعة راجل .. و أمشي عِدِل .. و أركز .. بتمرق صلب و قوي .. عارفنك كلس .. و راجل قاسية .. و ضراع فزعة و حوبة ..
دم بخير ..
Post: #56 Title: Re: قضية المذيع محمد محمود Author: محمد حمزة الحسين Date: 01-25-2018, 10:28 AM Parent: #51
ما قاله المذيع الضحيه محمد محمود بعد الدقيقه عشرة والخمسون ثانيه والذي بدأءه بالحديث عن تضامن الصحفيه الصديقه وما قاله عن الصحفي الكبير رئيس تحرير صحيفة يبرر مقال ضياء الدين بلال إني وااايز
Quote: لكنه كما يقول يفتقد للاب توب وبعض الأغراض الخاصة بانشاء القناة خخخخخخخخخ وكأنه يطلب الدعم .. بيد أن ذلك لا تفسير آخر له .
الأخ طلحة عبد الله حافة كدا بدون تنظير ياخي ما تعصر علي الراجل يبدو انك لم تكمل اللايف الراجل قال حا يجيبم نهاية الشهر ودا بعني امور كثيرة منها يا منتظر استحقاقاته او منتظر دعم واعانه إني وااايز يفسر الامر لصالحه بانه يريد ان يطمن معجبيه لو حدث تأخير ولم تري القناة النور : : : مع التحيات لله الزاكيات التعديل لإضافة الاقتباس وتنبيه الاخ طلحة
Post: #57 Title: Re: قضية المذيع محمد محمود Author: طلحة عبدالله Date: 01-25-2018, 12:47 PM Parent: #56
هههههههه سلام يا محمد حمزة وما كان ضره لو انتظر لغاية ما يوفر حاجاتو وبعدين يعلن عنها ؟ أو ممكن يقول القناة في طور الإنشاء دون الإفصاح عن هذه الاحتياجات .. بصراحة أنا فهمتها انو محتاج لزة .. طبعا الكلام دا عادي لو قالو .. المسلم أخو المسلم .. وما فيها حاجة زول أخو ويمر بظروف معقدة ... ممكن يطلب بصريح العبارة ولو على سبيل السلفة .. خخخخخ عموما الأمر المهم في اللحظة الراهنة هو انو خلال الفيديوهات دي ما أبعد عنو الشبهات ولو تلميحا .. اعتقد انو دي أهم نقطة المفروض يحسما قبل ما يبتدر مشواره الجديد . ............... أعتقد والله أعلم بالغيب أن معظم معجبيه ضارباهم الحيرة .. يا ربي مذنب واللا ما مذنب.
Post: #59 Title: Re: قضية المذيع محمد محمود Author: Nasser Amin Date: 01-25-2018, 01:43 PM Parent: #57
سلامات الاخ كمال
شاهدت اللايف بتاع محمد محمود و شايف مافي اي مبرر لقطع العيش و خاصة انه من مؤسسي اف ام النيل الازرق 14 سنة خدمة تنتهي بسبب (بس بس بس) , المسألة دي حارة و فيها ظلم. و الواضح انو في ترصد و حفر تقيل وراء الموضوع ,و المترصدين عندهم ضهر و كلام محمد محمود صاح فعلا التلفزيون متعرض لهجمة شرسة من الصحفيين و بقت موضة اي صحفى عايز يعمل ليهو برنامج زي ضياء الدين دا أصلا ما عندو أي علاقة بتقديم البرامج (نوع من المظاهر) وواحدات متشاعرات عايزات يقدن الناس. شاغل ما شاغل العقوبة ما تكون قطع عيش و تدمير مستقبل.
*دبلوماسي نيويورك الكابس عديل و كان في بار ما فصلوه.
Post: #58 Title: Re: قضية المذيع محمد محمود Author: جمال ود القوز Date: 01-25-2018, 01:41 PM Parent: #46
داير بيهو شنو يا برهومة أحمد عباس ده .. اللذيذه عمك درمة قال ليهو عشه .. واسكونس اداهو من الحتة الجوه .. خخخخخ
Post: #60 Title: Re: قضية المذيع محمد محمود Author: عبدالحفيظ ابوسن Date: 01-25-2018, 01:45 PM Parent: #58
يا جماعة وقعو لينا القصة الشمار كاتلنا احكو لينا بالتفصيل ياخ
Post: #62 Title: Re: قضية المذيع محمد محمود Author: سفيان بشير نابرى Date: 01-25-2018, 02:07 PM Parent: #60
يا طلحة ياخ انت مش قلته الراجل متزوج!؟
Post: #61 Title: Re: قضية المذيع محمد محمود Author: أبوبكر عباس Date: 01-25-2018, 02:04 PM Parent: #58
نفترض محمد محمود كان سكران: السكر ما جريمة إلا في ظل القوانين المقيدة للحريات. الإزعاج والتعدي على الغير نتيجة السكر هو التهمة ولا أعتقد انو مشاغلة محمد محمود "بسك سك" ممكن تكون تهمة في أي بلد بها قوانين عادلة.
طلحة يطالب محمود يجي وينفي تهمة السكر ليس من حق أحد مطالبته بذلك، هذه المطالبة تندرج في دعم القوانين المقيدة للحريات
نفترض محمد محمود عايز يكون صادق، دايرو يجي يقول كنت سكران ؟ عشان يندرع فيهو واحد تاني صايحاً: الاعتراف سيد الأدلة ويمشي يمحطوه ٤٠ سوط؟!
Post: #63 Title: Re: قضية المذيع محمد محمود Author: Abuzar Omer Date: 01-25-2018, 02:50 PM Parent: #61
أتمنى أن نسمع من إدارة القناة لو كانت تحترم مشاهديها و موظفيها فيما يخص: - اللوائح التي تضبط السلوك، و لاسيما فقرة التحرش. - الاجراءات المتبعة حال تجاوز القوانين و اللوائح. - متطلبات إنهاء الخدمة و سماع الإدعاء و الدفاع. - لوائح لفت النظر عند التجاوزات، الإنزارات، و خلافه مما يسبق عملية إنها التعاقد بصورة نهائية. - فرص الاستئناف و مراحلها و طريقة الفصل فيها.
يعني شغلة الكيري دي ما مفروض تكون في مثل هذه الجهات، عشان ما تدي فرصة للسخرية و التندر على البلد كلوا. * مسألة الحديث عن السكر في هذا الموقع اعتباطاً بغير معرفة أو دليل، نوع من الانحطاط الغير مبرر، فالمنبر مكان عام يقرأه الجميع، و كلٌ منا له أسرة، أحباب، أهل و أصدقاء. و بي صراحة بقت بلد مقرفة جداً، من أي باب أو شباك طليت عليها.
Post: #64 Title: Re: قضية المذيع محمد محمود Author: كمال علي الزين Date: 01-25-2018, 05:03 PM Parent: #63
(*)
يا تنظير : كلام سفيان ده صحيح محمد محمود ما متزوج حالياً
Post: #67 Title: Re: قضية المذيع محمد محمود Author: عزيز Date: 01-25-2018, 07:13 PM Parent: #64
مساء الخير.. على محمد محمود أن يلجأ للقضاء لرفع قضية اشانة سمعة على البنت وأسرتها حتى يثبت عدم صحة التهمة التي وجهتها له. وبعد حصوله على صك البراءة من التهمة عليه ان يتقدم به للجنة التحقيق التي أصدرت قرار فصله من وظيفته لإعادة النظر في القرار. اكيد هناك حيثيات وجهت من قبل لجنة التحقيق لحسكا والقناة لم تصدر بيان يفيد بتلك الحيثيات باعتبار ما حدث شأن إداري داخلي يخص القناة وحدها . حسكا نشط على مواقع التواصل وفي بثه اللايف على الفيسبوك لم يتطرق الى ما استندت عليه لجنة التحقيق في قرار الفصل لأن استسلامه وقبوله بتجاوز ما حدث يضعف موقفه في ما نسب اليه.. هناك حلقات مفقودة في هذه القضية وطلاسم لم يفصح عنها من أطراف القضية على من يرجو الحقيقة أن يستمع لكل الاطراف .. امنياتي لحسكا بمستقبل افضل وان يحقق ما يصبو له..
Post: #68 Title: Re: قضية المذيع محمد محمود Author: محمد البشرى الخضر Date: 01-25-2018, 08:04 PM Parent: #67
Quote: على محمد محمود أن يلجأ للقضاء لرفع قضية اشانة سمعة
يا عزيز هو في الفيديو بتاعو قال ما بجيب اسامي لأنها مكن تعرضه للمحاكمات و الناس ديل متلقين حجج واضح انه ما عايز موضوع القضاء دا نهائي هو ادرى بتقديراته بالطبع
Post: #69 Title: Re: قضية المذيع محمد محمود Author: طلحة عبدالله Date: 01-25-2018, 08:19 PM Parent: #67
سفيان وكمال الزين ... اني واي
شنو علاقة كونو بعرفو معرفة شخصية بانو أقول متكلف والمفروض يوضح موقفه من القضية ؟ .. لا زم يعنى أكون بعرفو معرفة شخصية عشان أقول ليهو الكلام دا واللا كيف؟ ثم أنا آخر عهدي بيهو كان متزوج من الصحافية هنادي الصديق والاتنين دوشونا دوشة بعرسم دا .. وبعدين يا سفيان وين أصلا قلت بعرفو معرفة شخصية ؟ بالعكس قلت ما بعرفو إلا من خلال لقاء استمر سويعات قليلة في مدينة العين بأبوظبي عندما جاء رفقة الأخ أيمن بخيت وآخرين موفدين من القناة .
المستجير أنا طالبتو بتوضيح موقفو ودفع الاتهامات والمزاعم عنو ما طالبتو يعترف انو كان سكران واللا فاقد الوعى .. ما تتذاكي .
Post: #70 Title: Re: قضية المذيع محمد محمود Author: سفيان بشير نابرى Date: 01-25-2018, 08:33 PM Parent: #69
يا تنظير ياخ بطل لولوة خخخخخخخ انا وين قلته انك بتعرفو معرفة شخصية!! ؟ انا قلته انت اتكلمته عن حاجات شخصية عن محمد محمود و حددته ليك ذلك لما انت سألتني بالنص :- وين انا اتكلمته عن حاجة شخصية!؟
و ازيدك انت برضو قلته :- لم نعرفها لون سياسي مش كده!؟ يا تنظير ركز ياخ خخخخخخ يا محمد البشري عليك بهذا الرجل.
Post: #71 Title: Re: قضية المذيع محمد محمود Author: طلحة عبدالله Date: 01-25-2018, 08:51 PM Parent: #70
سفيان يا عزيزي الماسك فيهو دا شطر ميت جدا والله . بقول الراجل لازم يطلع يدافع عن نفسو ويدرأ عنو الاتهامات قدام القانون والمعجبين عشان يرجع عزيز مكرم لشغلو وبعدين ان شاء الله يقدم استقالتو المهم ما تكون نهايتو بالطريقة الهسة دي وانت شابكني معلوماتك الشخصية عنو غلط والراجل ما متزوج وما عارف شنو ؟ طيب أها ما بعرف عنو أي حاجة شخصية وبرضو عشان ترضى الزول دا ما متزوج .. واتمني أنو معلوماتي الشخصية الغلط دي وكونو طلع ما متزوج تكون بمثابة أدلة تدفع عنو المزاعم والاتهامات اللي أدت لفصلو وقطع رزقو .. معقول ياخ ؟؟؟؟؟؟؟؟؟
Post: #72 Title: Re: قضية المذيع محمد محمود Author: سفيان بشير نابرى Date: 01-25-2018, 10:32 PM Parent: #71
غايتو يا طلحة لولوتك لا قبلها لا بعدها خخخخخخخ
Post: #73 Title: Re: قضية المذيع محمد محمود Author: أبوبكر عباس Date: 01-25-2018, 11:06 PM Parent: #72
إتّا طالبتو يجي ينفي تهمة السكر السكر ليس تهمة إنما سلوك شخصي والمطالبة دي تندرج تحت التدخل السافر في خصوصيات الناس، ونوع المطالبات دي هي التي صنعت قوانين النظام العام. محمد محمود غير مطالب ليك ولغيرك بنفي تهمة السكر. أنت وهم مطالبين بالاعتذار عن التدخل في خصوصيات محمد محمود
Post: #74 Title: Re: قضية المذيع محمد محمود Author: طلحة عبدالله Date: 01-26-2018, 09:39 AM Parent: #73
المستجير الشليق المقابضاتي .. اتا مصر تورط الزول بالعبط البتعمل فيهو دا واللا كيف ؟ طيب فرضنا طالبتو بنفي تهمة السكر شنو المشكلة في دا .. أيوة السكر سلوك شخصي زيو وزي الجنس والعادة السرية لكن في الغرف المغلقة وليس في الشارع طالما انك ما بتضبط تصرفاتك .
اتا هسة قاعد في الامارات أسكر وأطلع في الشارع شاغل البنات واللا قابض الناس وقول دا سلوك شخصي عشان يعلموك السلوك الشخصى على أصوله يا شليق. ما عارف سر حبك للتعلق والتشعبط بكريعاتك شنو ؟؟
سفيان باشري اتا بتهظر معاي واللا شنو يا خوي ؟
Post: #75 Title: Re: قضية المذيع محمد محمود Author: طلحة عبدالله Date: 01-26-2018, 09:59 AM Parent: #74
ربما تكون للمذيع محمد محمود فرقة لاثبات براءتو والعودة عزيز مكرم لشغلو فقط لو خرج ونفي التهم الموجهة ضدو والتي تسببت في طردو من القناة .. وأهم من ذلك ان يبتعد أو يبعد هو بعض المقابضين المتحلقين حوله بزعم الدفاع عنه ولكنهم يورطونه أكثر بفلهمة شيل البطارية في القمرا ( المستجير الفوق دا نموذج) .. لا أعتقد أن قناة مسؤولة أمام القانون والناس تطرد مذيع طرد نهائي لمجرد أن فتاة أشتكت أنه تحرش بها .. و ( أنه كان سكران ) .. صمت أو (زوغان) اللخو محمد محمود من تبيان الحقائق وتكلفه السمج وتكبره على شرح مشكلته بوضع النقاط على الحروف في الفيديوهات التي ملأ بها الأسافير مرددا خلالها مرارا وتكرارا أنه بصدد انشاء قناة على اليوتيوب ولكن تنقصه بعض الاحتياجات ( كأنه يستجدى الدعم) هو ما يورطه أكثر ويثير حوله الشكوك . شخصيا بدأت أشك في أن اللخو دا استحق الفصل من القناة بسبب تصرفاته غير المسؤولة .. وسيظل عندى متهما إلى أن ياتي ويؤكد أنه لم يتحرش بالبنت ولم يكن سكرانا في الشارع يومها. ................
اها تعال يا المستجير الشليق القليص جاهد فيني ..
Post: #76 Title: Re: قضية المذيع محمد محمود Author: طلحة عبدالله Date: 01-26-2018, 10:09 AM Parent: #75
سفيان بشير نابري وليس باشري عذرا
Post: #77 Title: Re: قضية المذيع محمد محمود Author: طلحة عبدالله Date: 01-26-2018, 10:15 AM Parent: #76
Quote: السكر ليس تهمة إنما سلوك شخصي
تشعبط واستعباط مبالغ فيهو .. لو ما كان سكران وقالوا سكران يبقى دا اتهام يا شليق .. لو في زول قال ليك اتا بتمارس العادة السرية وانت ما بتعمل كدا يبقي دا اتهام يا مقابضاتي. بطل قلبان الهوبة وممارسة هواية الشقلبة البتعمل فيها دي يا زول .
Post: #78 Title: Re: قضية المذيع محمد محمود Author: أبوبكر عباس Date: 01-26-2018, 03:01 PM Parent: #77
ما لك يا طلحة، بتسب فوقي؟! لدي وجهة نظر طرحتها بقوة بدون قلة أدب
Post: #79 Title: Re: قضية المذيع محمد محمود Author: أبوبكر عباس Date: 01-26-2018, 03:13 PM Parent: #78
دبي القاعد فيها تبيع الخمور، لذلك لا تعاقب شاربها. بالنسبة للمشاغلة والتعدي اللفظي على الغير، تعاقب عليه لو كنت سكران أو واعي. إدخالك لمسألة السكر كجريمة عبارة عن متاجرة في بلد لا تحترم حريات وسلوك الأفراد
Post: #80 Title: Re: قضية المذيع محمد محمود Author: طلحة عبدالله Date: 01-26-2018, 03:39 PM Parent: #79
تتشعبط وتستعبط دي ما سب دا وصف لحالتك اتا منحت نفسك الحق بانك تطالبني باعتذار وأنا منحت نفسي الحق في انو أصف طريقتك بالشعبطة والمقابضة .. أنتهينا.
Quote: إدخالك لمسألة السكر كجريمة عبارة عن متاجرة في بلد لا تحترم حريات وسلوك الأفراد
وين قلتا السكر جريمة واللا ما جريمة يا اللخو .. ؟؟ لقيت حكاية اتهام وما اتهام دي ما لافقة قلتا تتشقلب بالناحية التانية التأليف ما بصنع منك الزول الانت بتستميت عشان تكونو .. دا تهريج منك ساي .. تألف أحيانا وتتخيل أحيانا وتشيل وتردم ولما يقولوا ليك ما تتشعبط وتتشقلب تقول شتموني . خخخخخخخ جيب لي إدخالي لمسألة السكر دي كجريمة وين أنا عملتها واللا قلتها واللا لمحت بيها حتة . ................... اتا يا اللخو متين صالحتني وبقيت تشيل وتدي معاي ؟؟ .. شغال على كيفك .. تنطيط من أمو
Post: #81 Title: Re: قضية المذيع محمد محمود Author: طلحة عبدالله Date: 01-26-2018, 03:43 PM Parent: #80
Quote: دبي القاعد فيها تبيع الخمور، لذلك لا تعاقب شاربها.
دي برضو حركة منك ساي وين قلتا دبي تعاقب واللا ما تعاقب ؟؟ في دبي وغير دبي لو شربت الخمرة بينك وبين نفسك وما طلعت جطت وعملت مشاكل واتعابطت واللا سقتا العربية وانت سكران ما في زول بسألك . دا كلامي الفوق ما تلف وتدور .
Post: #82 Title: Re: قضية المذيع محمد محمود Author: طلحة عبدالله Date: 01-26-2018, 03:56 PM Parent: #81
المستجير ما تزعل ياخ .. أنا لا أكرهك والله . بس بحب أضقل بيك خخخخخخخخخخخخ يالا مارس هوايتك المحببة في النفخ والنجر وأنجر ليك حاجة تانية تعال لصقا فيني .. عشان يقولوا الود فقري خطر .. بمشى وبجيك . بس ما تزعل بعدين .
Post: #83 Title: Re: قضية المذيع محمد محمود Author: Abureesh Date: 01-26-2018, 04:15 PM Parent: #82
سلام يا كمال الناس البقولوا تحرش والناس البقولوا ما تحرش هل حضروا وشاهدوا؟ هل اطلعوا على نتيجة التحقيق؟
قرات ان الشخص المعنى بعد صراخ المرأة هرول الى الخارج
راس الخيط يجب ان يكون السؤال: لماذا هرول او خرج مسرعا.. طبعا لسة فى موقف إدانة او تيرئة
Post: #84 Title: Re: قضية المذيع محمد محمود Author: سفيان بشير نابرى Date: 01-26-2018, 05:50 PM Parent: #83
يا طلحة انا ما بقدر معاك(مع انو ما عندي مشكلة اهظر معاك)... كل الموضوع بينا اتداولنا فيهو فوق و بالنسبة لي خلاص اي زول قال كلامو. تحياتي.
Post: #85 Title: Re: قضية المذيع محمد محمود Author: طلحة عبدالله Date: 01-26-2018, 05:56 PM Parent: #84
تمام يا سفيان حصل خير بس لأنو كنت شابكني بطل اللولوة بطل اللولوة كلما أرد ليك تقول لي بطل اللولوة وأنا ما قاعد اتلولو والله ..
Post: #86 Title: Re: قضية المذيع محمد محمود Author: كمال علي الزين Date: 01-26-2018, 07:21 PM Parent: #83
(*)
سلامات أخ أبوالريش
هرول مسرعاً و أستغل الزحام , ده على حد تعبير الصديق / ضياء الدين و أنسحب من المكان إحتراماً لنفسه , ده على حد تعبير محمد محمود نفسه و بينهما أختلف الفريقان
Post: #88 Title: Re: قضية المذيع محمد محمود Author: طلحة عبدالله Date: 01-26-2018, 07:50 PM Parent: #86
كمال أبو نقطة بما انك مفترع البوست تقديراتك شنو لمآلات المذيع دا في ظل المعطيات المتوفرة حتي الآن ( له وعليه)، وما تعليقك على امتناعو ( ما عايز أقول زوغانو) عن توضيح الحقائق وكشف خفايا وملابسات فصلو من القناة، رغم أنه رفع أكثر من فيديو بعد الواقعة المؤسفة، غير أن كل ما فعله هو الحديث عن نواياه في إنشاء قناة على الأسافير والإشارة إلى أن بعض احتياجات هذه القناة غير متوفرة الآن ؟ هذا مع الوضع في الاعتبار أنه لابد من وجود حيثيات قانونية لهذا الفصل كونه كان متعاقد مع القناة بعقد قانوني ؟ خخخخخخخ . .................. شنو فاتح بوست زي دا وكابى الزوغة .. ..................
ياجماعة معليش أنا عارف انو البلد فيها قضايا أهم تستحق أن يهرق من أجلها المداد .. لكن عدوا لينا دي بس .. خخخخخخخخ
Post: #89 Title: Re: قضية المذيع محمد محمود Author: طلحة عبدالله Date: 01-26-2018, 07:51 PM Parent: #88
عفوا المقصود كمال أب نجمة
Post: #90 Title: Re: قضية المذيع محمد محمود Author: Asim Ali Date: 01-26-2018, 08:02 PM Parent: #86
البيئه/الوسط التى يعيش داخلها النظام وتكفل له الاستمراريه والسيطره على وطن هو جسم غريب عليه قيم وممارسه على ارض الواقع. مكونات هذه البيئه ( ناس ااقتصاد او اعلام او اداره شئون الدوله او صناعه وتجاره او ..او ..)لها علاقاتها وتواصلها مسالمه وودا او خلافات ونزاع. . . هذا الوسط به مؤسسات خاصه ورضى ان يكون جزء منها فعليه ان يتحمل حلوها ومرها. او مؤسسا عامه ملك الوطن يعمل بها الجميع كحق اصيل للمواطن.وفى ظل الواقع الذى يعيشه مواطن الداحل فالسلوك السليم ان يتعامل بالحد الادنى- حدودمسئوليات العمل/المهنه- دون التلوث بالصداقات والتواصل الاجتماعى مع هذا الوسط. . عشان كده غريب ان نشغل نفسنا بقضيه فرد (يتنمى لمؤسسه اعلاميه من ادوات النظام غير المباشره قد يكون بدرت منه بوادر تمرد بعد 14سنه سمن على عسل ). حدثت له فى مناسبه اجتماعيه تجمع اهل البيئه الحافظه للنظام . . ربنا يشغلهم اكتر واكتر فى انفسهم. وربنا يشغلنا بهمومنا وقضايانا الوطنيه وربنا ينصر الشعب فى حراكه
Post: #91 Title: Re: قضية المذيع محمد محمود Author: أبوبكر عباس Date: 01-26-2018, 08:11 PM Parent: #90
النقاش مع عرب الجزيرة ديل عباطة ساكت تقول ليهو تعال أنفي تهمة السكر وتجي تاني تقول وين قلنا السكر جريمة!!!
Post: #92 Title: Re: قضية المذيع محمد محمود Author: طلحة عبدالله Date: 01-26-2018, 08:24 PM Parent: #91
يا المستجير واحد متلقى حجج ساي .. أخير منك جرجير الملقب بود البشرى . أشرب اللبن ونوم ياخ .
Post: #93 Title: Re: قضية المذيع محمد محمود Author: طلحة عبدالله Date: 01-26-2018, 08:31 PM Parent: #92
Quote: تقول ليهو تعال أنفي تهمة السكر
يا جماعة خليكم شاهدين المستجير هو القاعد يقول انو الزول دا كان سكران . كلما أقول انو تحرش وسكر محمد محمود لغاية هسة مجرد اتهام لم يثبت يجي يقول لي السكر ما جريمة وسلوك شخصي ما عارف شنو ؟ طيب ما جريمة وسلوك شخصي هل فعلا كان سكران واللا مجرد اتهام ؟ اتا يا مستجير لاقيت الزول دا سكران واللا فهمك شنو ؟ بالنسبة لي أكرر ليك تاني .. قصة سكرو دي مجرد اتهام يحتاج نفي أو تأكيد منو .. بغض النظر عن جريمة أو سلوك شخصي .. يا رب تكون فهمت . اففففففففففف
Post: #94 Title: Re: قضية المذيع محمد محمود Author: أحمد محمد عمر Date: 01-27-2018, 04:22 AM Parent: #93
غايتو حشارين بشكل ! :) أليس في المنبر رجل رشيد يوريكم إنه اللواكة الزائدة في الموضوع تحشر في حاجات شخصية اختار ابطالها حسمها بعيداً عن الجمهور ؟ أليس فيكم رجل رشيد يقول وقفوا البوست ولا اسحبوهو ولا حتى شيلوا العتود المسكين البحلب فيه طلحة 4 يوم دة يعني موضوع ما وصل القضاء وراجل قال ليكم ملاحق بالقضايا سنتين وما عاوز قضية جديدة وتقولوا مفروض يعمل مؤتمر صحفي عشان يوضح الحقائق ! يقول ليكم ما بعمل فيها كبير واقول الموضوع ما فارق معاي لا لا فارق شديد وتقولوا مفروض يكون متواضع ؟ يجعّر في الفيديو مثلاً ؟ :)
أنا بالتأكيد واثق من ظهور الرجل الرشيد الحيدعو لسحب البوست وكدة ولحدي ما يجي الرجل الرشيد دة بشيل لي قناية معاكم .. موش قالوا بيت ابوك كان خرب شيل ليك منه قناية قنايتي دي توضيح للناس الرايحة وما عارفة أصل الفيديو بتاع محمود محمود شنو
يا قراء بشاشا الأعزاء وعلى رأسهم حالب العتود محمد محمود عمل البث المباشر بتاعه بعد بث مباشر للصحفية داليا الياس على قروب الفيسبوك ذو التسعمائة ألف عضو آفرو سودانيز ، تكلمت فيه عن قضية محمد محمد وسط اتهامات حضور البث المباشر لها بالتسبب في فصله والقالتو قطعتو ليكم من الفيديو الأصلي وأرفقتو ليكم تحت هنا .. قنايتي مانعة موش؟
ورغم مرور 7 أيام على بث داليا إلا أنها لازالت تردم في التعليقات حتى صباح اليوم :) بالفيديو ما يزيد عن 6400 تعليق ولسة :) جدير بالذكر ان البروف أمين محمد سليمان شوهد حاملاً عكازه لداليا في معركة ذات الاسكونس
Quote: أمين محمد سليمان · 16:15 بعيد عن أي شئ في موضوع المذيع محمد محمود ... إنت بتقولي انك ما عندك دخل بموضوعو و كتبتي في صفحة الشخصية ... لو ما عندك دخل بموضوعو... كاتبة من الاساس ليه ؟! و لو كتبتي بفهم إنو دي صفحتك الشخصية و من حقك تكتبي عن أي زول ... الناس في الفيسبوك برضو عندها صفحاتها الشخصية و من حقها تشوف كتابتك شماته و تشفي و تردمك الردم الدرمو ليك ده !
بعدين تاني إنت لسة في فيديوك ده ذاتو مواصلة في نشر أخبار شخصية عن محمد محمود ... شنو ناس قالو اني واقفة مع طليقتو ... ليه من الاساس تجيبي سيرة شخصية و شخصية جدا عن الزول ده ... يكون مطلق يكون متزوج 4 ده حاجة شخصية جدا حقت ناس تانين ..ما من حقك تجي تطلعي بيها قدام الألاف عشان تنشريها ... لكن في الزمن البائس ده ... البؤس يتسيد المجالس مثلما تتسيدين الندوات و أعمدة الصحف
Post: #95 Title: Re: قضية المذيع محمد محمود Author: أحمد محمد عمر Date: 01-27-2018, 06:52 AM Parent: #94
تم التعديل ....
احتوت هذه المشاركة على صور وفيديو وتعليقات من الفيسبوك قمت بسحبها بعد المراجعة
هذا بمثابة تراجع عن الخطأ وإقرار بمسئوليتي عن المداخلة قبل التعديل
.
Post: #96 Title: Re: قضية المذيع محمد محمود Author: Abuzar Omer Date: 01-27-2018, 07:28 AM Parent: #95
تحياتي العزيز أحمد محمد عمر، غايتو الحطب و الجاز الكبيتو في البوست، مافي رجل رشيد بطفي ناره. المذيع المسكين، خايف من الناس ديل و رسالته هي استنصار بناس الشبكة الحقانين و ما بخافوا من زول، و برضوا بعيدين ما بتلحقوا بالساهل و ما عندهم اليخافوا عليه. و أقول ليهو أبشر، جيت للناس الصاح!
كسرات: - في حتة في البوست، أنا قولته، أريتها تكون بتستاهل؟ أس بقول إن شاء أحمد يكون جاب صورة غلط 😁😁
- غايتو جملة العادة القشرية دي ضرستني، و شايف ما عندها محل من الإعراب، و ما ح أخلي البوست أو التعاطف.
- الشمار وداني فتشته اسم المذيعة الجديدة المتهجمة على المهنة عن كبر. و الغريبة صورة ضياء ظهرت مع الصورة و ناس تانين.
- آخر الكلام، الود مظلوم، البت ما بتشاغل..
Post: #97 Title: Re: قضية المذيع محمد محمود Author: أحمد محمد عمر Date: 01-27-2018, 07:44 AM Parent: #96
أنا ذاتي شكيت يا ابو ذر وزي ما قال واحد مسخوط في الفيسبوك يعني اسكوني خلى مذيعات النيل الأزرق البلمعن ديلك وقعد يشاغل في ام قمبور دي! :) لكن تراهو داك الصحفي صلاح دهب والد البت واقف جمبها وظاهر في الفيديو بضحك للضرس الأخير
Post: #98 Title: Re: قضية المذيع محمد محمود Author: Abuzar Omer Date: 01-27-2018, 07:57 AM Parent: #97
غايتو يا أبو حميد، إلا يكون رفدوه في الذوق الكعب 😁😁 . . عشان كدة أنا متأكد إنوا برئ. الخطوة الجاية شنو؟ ده المهم بالنسبة ليهو. و برضو شكراً لإيراد حديث للبروف أمين محمد سليمان. نفتقده بشده و تحياتنا ليهو وين ما يقبل.
Post: #99 Title: Re: قضية المذيع محمد محمود Author: طلحة عبدالله Date: 01-27-2018, 08:36 AM Parent: #98
أبو حميد يا حبيب أنا قلتا فوق خلي الراجل دا يطلع ويوضح لينا الحقائق الممكن نشيلا كعكاز ضد هولاء وأولئك جميعا .. شخصيا لا بعرف صديق ولا زميل ولا حتى أخو شقيق في حال قول الحق .. لكن مشكلتو يا اما بارد أو متعنظز أو خايف من حاجة .. انى واي المفروض لو معاهو حق أن لا يخشى في الحق لومة لائم ويقول العندو عشان لو كانت المسألة مكايدات نساء وممن خلف النساء في ناس كتار حقانيين جدا منتظرين ضوء بطارية ينير ليهم الطريق إلى المعركة ضد الظالمين والبطارية عند المذيع والمذيع عايز يعمل قناة، والقناة محتاجة بعض المتطلبات خخخخخخ . انى واى سكات اللخو دا حتى اللحظة بدعوى انو خايف من القضايا يفسر ضدو ويعقد من مشكلتو لان القناة ما بتقدر تفصل ليها زول متعاقد معاها منذ أربعتاشر سنة لمجرد أن بنت اشتكت عليهو .. مهما كان حجم تربص القناة بالراجل دا وانتظارها لأية فرصة لتفصلو لابد ان هناك حيثيات واضحة وقوية لفصلو .. لانو حتى التحرش لوحدو لا يعتبر ذريعة للفصل .. هناك خفايا وتفاصيل غائبة لن يوضحها إلا اللخو محمد محمود عشان كدا قاعد أحلب فيهو وان كان عتودا . شخصيا بديت الموضوع دا في الفيس بوك وكنت وما زلت صادقا في انو عايز أعرف الموضوع وأتمنى يكون محمد محمود على حق والفتاة ومن خلفها القناة وأبوها وأمها وضياء الدين على خطأ وتجنوا على الرجل عشان أحلب ليهم الكديس نفسو مش العتود وكان ممكن عادي أنسى الموضوع بعد ما وضحت وجهة نظري ودي طريقتي دائما أنا حتى بوستاتي ما قاعد أسكها وبنساها مجرد ما مشت الصفحة التانية.. لكن بصراحة فلهمة وقلاصة بعض المدافعين عن اللخو دا خلتني أواصل حلب العتود .. خخخخ ................. حاجة مهمة يا أحمد تعرف أكتر حاجة ممكن تضر بقضية اللخو دا هو استفزاز بعض المدافعين عنو للناس المحايدين العايزين يعرفو الحقيقة .. ديل بورطوا حنانو مع سبق الجهل. وأتوقع انو ينتهوا منو تماما لو تابعوا طريقتم اللزجة دي .. توقعاتي لا تخيب والأيام بينا وح أذكرك هنا دا .
Post: #100 Title: Re: قضية المذيع محمد محمود Author: طلحة عبدالله Date: 01-27-2018, 08:43 AM Parent: #99
وبعدين القضاء يخاف منو لشنو يا أحمد طالما أنو على حق ؟؟ وأصلا هو اتعوق في أكل عيشو وأصبح طليقا في الشارع يبحث عن تأسيس مشروع يكون بيهو مستقبلو بعد أربعتاشر سنة خدمة في القناة اشتعل خلالها الرأس شيبا .. شنو تاني الممكن يخاف منو ؟
Post: #101 Title: Re: قضية المذيع محمد محمود Author: عبدالمنعم الطيب حسن Date: 01-27-2018, 08:53 AM Parent: #98
شكرا صديقنا (محمد عمر) اذ خدمة الشعوب التى لا تشاهد النيل الأزرق ولا تعرف (الام) ولا تقرا الجرايد التي تكتب فيها داليا وضو البيت ودهب تلقاهو هسع صاحبنا ابسن غرتو لا صرتو يتمرغ في الشمار الحار؛ شكرا اذ الشعوب تحب الشمار الذي كاد ان يكتلا شكرا يا منقذ .......... ناس تبوس وتنبأس وعلى الهواء، وشغالة؛ والحكومة تحبها ونظاما العام وناس تقول اسسسس وفِي الظلام وووو .......... وبهدوء الأسعار في السماء والبلد قربت تقيف دت والجوع قادم بأسرع مما نتوقع والسوداني يندقا ويباع ويُشترى كسلعة ضهرا اعوج والجنسية الوحيدة التي يدفع مواطنا ٢٠الف وأكثر لنقل إقامة على كفيل بدون شغل ...... والوجع كتير؛ ....... وعين الرضاء عن كل بوسة كليلة وعين السخط تسمع الهسيساء ...... هوووي سلااام
Post: #102 Title: Re: قضية المذيع محمد محمود Author: عبدالمنعم الطيب حسن Date: 01-27-2018, 08:55 AM Parent: #101
خدمت بالتاء التاء المفتوحة،
Post: #103 Title: Re: قضية المذيع محمد محمود Author: جمال ود القوز Date: 01-27-2018, 08:56 AM Parent: #98
غايتو يا أحمد محمد عمر .. أجعص محامي لي اسكونس ما ظنيتو يقدر يقدم دفوعات زي القدمتها دي .. يأخ انت قضيت على القضية ولو في ساحة سودانيز هنا وبالضربة القاضية .. لكن الوصلنا ليهو انه اسكونس أثبت انه بتاع فراريج ساي .. خخخخخ وعوتو طلعت في ضلف .. فأطالب باعادته للقناة ليقدم برنامجه الهادف وكان الله يحب المحسنين .. أهم نقطة : ياخذوا عليهو تعهد يخلي رمرمته المن طرف دي .. ويرتقي بي زوقه التعبان ده شوية .. كونوا أب يقبل سلام الحمام الشفناهو ده .. ثم يجي يرفض بسبسة اسكونس ويطاردوا كمان .. ده كلام اصلو ما معقول ولا يدخل عقل زول .. ضارب سيوبر زي اسكونس ده .. خخخخخ عموما كده تم اثبات انه اسكونس مقصود ومستهدف .. وحافرين ليهو حفرة وهو المسكين جمبلغ وقع فيها .. كامل تضامني ودعمي لمحمد اسكونس .. واطالب باعادته للنيل الازرق ولبرنامجه .. ويادار ما دخلك شر .. العقوبة قبل ما يدحل الاستديو يخلوهو يرفع يدينو ووشه للحيطة .. مش عشان البسبسة .. لا .. عشان يرتقي بي زوقو شوية ويخلي شوق الوظاويظ ده .. عقوبة تانية هوادة .. ياخدو منه تعهد يرجع لي مرتو السمحة ديك .. خخخخخ ..
يا أحمد محمد عمر التيس اصلا حلبوهو من زمان ..
العزيز الغالي طلحة ربنا يحفظك يأخ ... وانت القاعد تطعن الفيل في جتتو .. وتتش عين الشمس في أم عينا .. وكلامك حقيقي دفاع اسكونس ضعيف وفاتر .. وكانه بيقول الكلام القالوا كلو صاح .. غايتو بناء على موقفه ده .. الزول بيقدر وهو مطمئن يقر بادانته ..
لكن يبدو لي هو خايف من الناس ديل يشتكوهو ويجيبو شهود عليهو وكده .. ويجرجروهو محاكم وقضايا ..
Post: #104 Title: Re: قضية المذيع محمد محمود Author: طلحة عبدالله Date: 01-27-2018, 09:19 AM Parent: #103
شكرا يا جيمي عزيز القوز وقسما عظما والله على ما أقول شهيد لو ثبت انو الزول دا تم فصلو لمجرد أن بت اشتكت قالت اتحرش بي تاني ما ح يكون عندي شغلة غير القناة دي والبت وأم البت ووالده ( مع اني أكن تقدير كبير للعزيز صلاح دهب).. وحتى الاخ ضياء الدين سيكون في مرمى نيراني هنا وفي الفيس وأي مكان . المشكلة كيف نعرف انو المسألة قاصرة على التحرش ومجرد تربص بالزول دا عشان كدا طالبت وما زلت أطالب بانو يضع النقاط على الحروف لانو الفصل عشان شكوى البت أبى يدخل لي في رأسي كلو كلو .
Post: #105 Title: Re: قضية المذيع محمد محمود Author: طلحة عبدالله Date: 01-27-2018, 09:21 AM Parent: #104
لعلمك يا جيمي استطيع العودة للكتابة في الصحف عندي عروض للكتابة في أربع صحف مقروءة وسأبدأ بالموضوع دا .. بس عايز حاجة أقبضا .
Post: #106 Title: Re: قضية المذيع محمد محمود Author: جمال ود القوز Date: 01-27-2018, 09:27 AM Parent: #104
تسلم جبيبنا طلحة على انحيازك لجانب الحق .. اصلا اي عقوبة المفروض تكون متوافقة مع الجرم .. شنو يعني بسبب بسبسة يتقطع من اسكونس اكل عيشو .. ويتمرمرط المرمطة دي كلها .. دي عدالة عرجاء .. وكلام ما راكب عدلو .. لكن بيني وبينك طالما هو بيخاف منهم ومن تنفذهم كده .. ما كان يعمل حركاتو دي .. بعدين الان كان يشتغل معاهم بي نظام الاتبلبل يعوم ..والممطورة ما تخاف الرش .. ممكن دفاعه القوي يحقق ليهو مكاسب .. بدل دفاعه الميت ده .. بعدين حكاية قناة اليوتيوب دي بوظت الشغلانة كلها .. مافي ليها اي داعي من اساسو ... لان النيل الازرق ما ممكن تتقارن بي قناة يوتيوب ..
الحريم ديل يبدو إنه دافنات ليهو .. الشغلة كلها أحقاد شخصية .. زول قال رأيه في تقديمكن واقتحامكن المستهجن للقنوات .. وانت لاتملكن أدنى مؤهلات ولا موهبة .. جيتو بالبرشوت والواسطات مايقول رأيه يعني ؟ .. ثم هل لو زول أبدأ رأيه في فيكن تقومن تقطعن عيشو !! .. أيوه الزول ده تم قطع عيشو مع سبق الترصد .. ونطالب برجوعه للقناة وياخد لفت نظر وانتهينا .. غير كده كل الاطراف المشاركة في المؤامرة دي لازم يترد عليها وبقوة .. ويوروهم انه العملوهو ده اسمه استخدام نفوذ ومحسوبيات وبلطجة .. لايقاع الاذى بزول قال رأيه وبس .. ياخ حتى لو افترضنا انه كان سكران وشاغل وبسبس ؟؟ .. هل دي عقوبة مناسبة ؟ .. المفروش تتدخلن وترفضن العقوبة المجحفة دي .. اصلا لو ما العقوبة على هواكن وبسطتتكن ده ظلم للناس ومفروض ما ينسكت على الافتراء ده .. بعدين شنو يعني لو البلد فيها ضوائق معيشيية .. هل ده سبب انه الزول ده يتم ظلمه .. فقط عشان البلد فيها ضوائق معيشية !!! .. شنو المنطق السقيم والعبيط ده ...
فما يتملصوا ناس داليا الياس ديل من الحصل لمحمد محمود .. ايوه قطعتوا عيشو .. واتآمرتن عليهو .. يرجع شغله والناس تتفاهم بعد كده والا ترجوا الردم البجيكم .. بالله ضميركم ما بيألمكم ؟ ..
Post: #107 Title: Re: قضية المذيع محمد محمود Author: طلحة عبدالله Date: 01-27-2018, 09:32 AM Parent: #106
Quote:
ممكن دفاعه القوي يحقق ليهو مكاسب ..
مش ممكن بل مليون في المية ح يحقق ليهو مكاسب لو طلع انو مظلوم .. وأراهن على المسألة دي هنا دا بس كيف هو يدق صدرو .
Post: #108 Title: Re: قضية المذيع محمد محمود Author: Abuzar Omer Date: 01-27-2018, 09:36 AM Parent: #104
الحبيب طلحة، عليك الله عندك أدنى شك في كونه محمد محمود خايف من الناس ديل و متحاشي أي سِيرة جنب سِيرتهم؟؟ الخوف ده ناجم عن تجربة سابقة بالتأكيد، فلا تتوقع منه أي حديث جديد. بعد كلام الناس في الفيس بك و بقية النوافذ الفضائية و غيرها من كلام الناس و أي حاجة اتقالت. مش غريبة صمت القناة و أم وضاح و أسرتها؟ يعني زولة ذي داليا الياس وضحت موقفها في لايف، رغم زعمها بأنها ليست طرف! و برضوا كلامها ما مرتب و ملئ بالثغرات (من كل احترام و تقدير، لى مرارات الماضي، لى مقدرتها على الرد، لى إدخال قلمها في دم المذبوح). فكون الأسرة ما ترد مش حاجة غريبة؟؟ لحدي ما جابوا الكلام لى بتهم بالصمت ده.
المهم، الناس ديل أرهبوا المواطن ده و ما تستنى منه بغم تاني.
مودتي
Post: #109 Title: Re: قضية المذيع محمد محمود Author: طلحة عبدالله Date: 01-27-2018, 09:51 AM Parent: #108
والله يا أبو ذر أنا شايف ما في داعي للخوف أو دا ما سبب يخليهو يحجم عن التوضيح والدفاع عن نفسو .. خايف من شنو مثلا يلفقوا ليهو تهمة ويسجنوا ؟ والله حالتو الهسة دي أخير منها السجن .. زول اتفصل وانقطع رزقو ويمكن يكون بعول أسرة، وفوق دا كلو شوهوا سمعتو .. والله دي حالة دونها الموت يا حبيب لو كان معاهو الحق . لا أعتقد بل أجزم أنو الناس ديل ما مخيفين للدرجة البتخلى زول اتقطع رزقو واتهان في سمعتو يسكت عليهم .. بالعقل كدا يا أبوذر .. غايتو لو كنت مكانو لو خاتين لي السيف في عنقرتي ما بسكت والله أفضح أجعص جعيصم ولا أعفي أحقر حقيرم . في موت أكتر من ينقطع رزقك وينهضم حقك وتشوه سمعتك قدام البسوى والما بسوى؟ لازم يوضح لو عايز الانصاف لازم .
Post: #111 Title: Re: قضية المذيع محمد محمود Author: طلحة عبدالله Date: 01-27-2018, 09:55 AM Parent: #109
داليا ألياس دي شنو ومالا ؟ ما تابعتها والله .. لانو غرضي من المشاركة في الموضوع دا منحصر فقط في انو المذيع دا يطلع يوضح الحاصل حتي فيديوهات أحمد الفوق دا ما فتحتها والله . هدفي المذيع يدافع عن نفسو ودي الحاجة الوحيدة الممكن تحسم كل حاجة في أية حاجة .
Post: #110 Title: Re: قضية المذيع محمد محمود Author: محمد البشرى الخضر Date: 01-27-2018, 09:51 AM Parent: #108
شكرا ابو حميد على تقعيد الكلام لي ملاحظة بعيدة قليلا على أصل الموضوع عندنا مشكلة كبيرة جدا نحن السودانيين وهي الاصطفاف دي واحدة و التانية ما ينسمع من الطرفين قبل الحكم أو اتخاذ موقف وهذا خطأ شائع وقع فيه حتى نبي فهذا امر غلى حدما مفهوم ومقبول لكن المشكلة في رأيي هي في التناقض المبدئي خاصة عند بعض الناشطين الذين باي ديفولت ينادون يشعارات الحرية و الحقوق وما إلى ذلك كثيرين اصطفّوا مع المذيع باعتباره يقدم برنامج يهتم بهموم الناس و باعتباره ضحية للسلطة و العلاقات المتنفذة خاصة مع ظهرو اسم ضياء بلال في القضية أخوانا ديل غير انهم لم يسمعوا وجهة نظر الطرف التاني قبل ان يتعاطفوا مع الضحية المفترضة بعضهم وقع في فخ ممارسة ما يناقض القيم التي يدعون لها في تعليقاتهخم المستفزة على البنت و صورتها و "قمبورها" وبوستها للفنان ! يعني عشان عندها قمبور و شينه خلاص من حق المذيع ان يتحرش بها, ويعني اذا باست فنان بحضور ابوها يبقى عليها ان تصمت وتتقبل بسبسة اي كان! ياخي - الله يكرم السامعين - الهناية العديل الدا أكل عيشها من حقّها تختار زبونها! تعليقات البعض في الفيس و هنا تعليقات ذكورية جدا و متعدية على حقوق البنت و للأسف تاتي في إطار مناصرة المذيع المناضل المفترض !
Post: #112 Title: Re: قضية المذيع محمد محمود Author: طلحة عبدالله Date: 01-27-2018, 10:00 AM Parent: #110
Quote:
الهناية العديل الدا أكل عيشها
أخخخخخ .. منطق صادم بس لو قلتا صفة الهناية دي وما عملت ساتر كنت ساشهد ليك بانك بلدوزر غصبا عني خخخخخ .
Post: #113 Title: Re: قضية المذيع محمد محمود Author: Abuzar Omer Date: 01-27-2018, 10:10 AM Parent: #112
داليا صاحبة أم البنت، و أحمد جاب اللايف بتاعها في الصفحة الأولى لهذا البوست يا طلحة. عدم ظهور الأسرة أو القناة خطأ استراتيجي، ح يشوفوا تبعاته قدام. و لو زول لاقى حسن فضل المولى في مكان عام و جدع ليهو الموضوع ده بي صورة محرجة، ما يستغرب و نفس الشئ للأسرة، الموضوع ده ما انتهى.
Post: #114 Title: Re: قضية المذيع محمد محمود Author: طلحة عبدالله Date: 01-27-2018, 10:29 AM Parent: #113
أضطريت مشيت سمعتها وما كملت سمع مالية اللايف كلو أنا ونحن بشر ونحن زينا وزي الناس وأنا شنو وأنا شنو .. ومرة تقول الزول دا أساء لي ومرة ترجع تقول ما حصل أساء لي وما عندو معاهو حاجة وصاحبتي وصديقتي ونحن بشر وزينا وزي الناس .. الخ الخ الخ الهرجلة والهراء ما فاضل ليها إلا تقول نمشى في الأسواق ونأكل كما يأكل الناس ... يا جماعة اتوا عندكم مقدرة تسمعوا التكلف السمج والادعاء الوهم دا كيف ؟ والله يا ريت لو سمعتها .
Post: #115 Title: Re: قضية المذيع محمد محمود Author: أحمد محمد عمر Date: 01-27-2018, 11:08 AM Parent: #114
كلامك صاح يا البشرى حول التعدي على البت بس هي كمان هلا جلست في بيت أمها وأبيها وتشوف في زول بتكلم في قمبورها ولا لأ هي ظهرت أمام الكاميرات وبث القنوات بتنباس وترقص مع الفنان وفي ذات نفس الوقت تقوم الدنيا عشان بسبسوا ليها دة غير انه اسرتها وصاحبة اسرتها هم اللي روجوا للموضوع بالتالي شئ طبيعي الناس تستغرب زي ما محمد محمود نفسه مستغرب تهمة التحرش .. وحاة الله وهو بقول بحيرة كدة اتحرش لشنو حسيت بيه زي الداير يقول هي وينها البتحرشوا بيها :) دة ما تبرير للتعدي عليها لكن هي وضعت نفسها أساس للمشكلة البتكلموا عنها البشرية دي ودخلت في تناقض قبول البوس أمام الكاميرا ثم قطع رزق زول بسبس ليها بعيد من الكاميرا .. الفكر إنه لو كانت مثلاً محجبة وقاعدة وراء مع البنات كان العالمين دي كلها اتعاطفت معاها وقالوا لو ما غلطان غلطان .. لكن تنبااااااس قدام الكاميرا وتجي تقول بسبسوا لي !!! كدة فقدت أي تعاطف إلا مثالية حرية الاختيار الدخلتها فيها بمثالك
طلحة عليك دينك فك العتود قلنا ليك ياخي محمد محمود ما صرح ولا داير يصرح ولا داير يقول اسم .. اللايف حقو دة رد على ما قالته داليا الياس وعم الأسافير بمعدل ألف تعليق في اليوم بعدين ما لازم الراجل يمشي المحكمة .. هو أدرى بتصريف اموره وتقدير حساباته
يا ابو ذر أساساً لا القناة اصدرت بيان ولا أصحاب الشأن اصدروا بيان مباشر .. المشكلة كلها في عجوبة (داليا الياس) الصورت الجريدة ونشرتها في الفيسبوك والناس عارفاها قاصدة منو وبعد داك عملت اللايف اللي أظهرت فيه عداء واضح لمحمد محمود بالاسم وقعدت تدين في التصرف وأخلاقه وكدة
يا جمال لسة ياخي الراجل ما اتبلبل كل الحاصل إنه بعيد في ترتيب اموره وما عاوز كمية القضايا الدخلوهو فيها خلال السنوات الفاتت تتواصل وكلامه بتاع قناة اليوتيوب في الغالب بكون تطمين لجمهوره إنه ما حينقطع عنهم سواء اشتغل في اذاعة أو لأ
يا منعم البدوروهو يقطعوهو الظلط والما بدوروهو بوصفوا ليه البيت غلط :) زي ما قال محمد محمود في كلامه يا جماعة أنا لو داير اشاغل بشاغل لي بت اهلها بيني وبينهم قضايا !
Post: #117 Title: Re: قضية المذيع محمد محمود Author: محمد البشرى الخضر Date: 01-27-2018, 11:23 AM Parent: #115
Quote: هي ظهرت أمام الكاميرات وبث القنوات بتنباس وترقص مع الفنان وفي ذات نفس الوقت تقوم الدنيا عشان بسبسوا ليها دة غير انه اسرتها وصاحبة اسرتها هم اللي روجوا للموضوع بالتالي شئ طبيعي الناس تستغرب زي ما محمد محمود نفسه مستغرب تهمة التحرش .. وحاة الله وهو بقول بحيرة كدة اتحرش لشنو حسيت بيه زي الداير يقول هي وينها البتحرشوا بيها :)
أهو دا الكلام الذكوري زاتو يا ابوحميد التحرش ما شرط يكون اعجاب بجمال المتحرَّش بها, الفكرة تسبيب اذى و تعدّي على من تراه اضعف منك هو أول درجة في سلم الإغتصاب شفنا التحرّش بـ وإغتصاب محجبات بل ومنقبات وقاعدات في بيوتهن بل و التحرش بـ و اغتصاب اطفال في عمر سنتين! هل نلوم برضو الضحية هنا اسوأ ما يقال في التعليق على حوادث التحرش هو لوم الضحية بأي شكل كان أو محاولات ايجاد التبرير و السوأ بالطبع زي ما قلت ليك صدوره عن من يدعّي المنافحة عن الحقوق و عامل منّها موضوع
موضوع المذيع و البنت و اسرتها يجب ان يحصر في نطاق ما حدث فقط وهل فعلا هناك تعدّي - أيا شكله حدث - أم أن الأمر إدعّاء من الفتاة و اسرتها و ضياء بلال, دي نقطة و النقطة الثانية لماذ اخذت ادارة القناة هذا القرار و هل هذه مسؤوليتها و هل تم شكوى رسمية من المتضررين لإدارة القناة وهكذا من النقاط ذات العلاقة بموضوع القضية لكن كون الزول دا بقدم برنامج شعبي و كونه مناضل وضياء كوز و البت شينة و اتباست قبل كدا و الحاجات الما ليها علاقة دا كله انصراف عن الموضوع الرئيس و محض اصطفاف لا أكثر
Post: #116 Title: Re: قضية المذيع محمد محمود Author: جمال ود القوز Date: 01-27-2018, 11:16 AM Parent: #114
Quote: لعلمك يا جيمي استطيع العودة للكتابة في الصحف عندي عروض للكتابة في أربع صحف مقروءة وسأبدأ بالموضوع دا .. بس عايز حاجة أقبضا
ياريت تقبل العرض يا طلحة والله ... على الأقل تضع الأمور في نصابها الصحيح .. فدفع الظلم عن زول مظلوم شيء ما ساهل .. بعدين تحسس المظلوم انه الدنيا لسه بي خيرها .. وانه في ناس بتمرق النصحية في عين أجعص جعيص ..
زي ماقال ود البشرى نشوف راي الطرف الثاني .. لكن اعتقد داليا الياس عكست الكثير من وجهة نظر الطرف الثاني .. ولو كان في حاجة غير الاتقالت والاتداولوها الناس .. كان مرقتها لي اسكونس خصوصا وانها تؤازر الطرف الثاني .. رغم محاولتها التملص والوقوف في حتة ناشفة وبعيدة .. خخخخ ..
قلت لي الهناية العديل يا ود البشرى .. هههههه ..
Post: #118 Title: Re: قضية المذيع محمد محمود Author: أحمد محمد عمر Date: 01-27-2018, 01:41 PM Parent: #116
التعدي حاااصل يا البشرى وماني ناكره :) أصلو ما بقول ليك والله دة كلام الفيسبوك ما كلامي وناقل الكفر والحنك الجيعان داك .. أنا في روحي ما بقتنع بالمنطق دة خليك من اقنع بيه زول :) لكن بختلف معاك في زاوية الشوف .. الموضوع أصلاً ولد واتكاثر جوة الفيسبوك وسبب التصعيد دة كلو الفيسبوك عشان كدة شئ طبيعي الناس تشوف اتجاهات الفيسبوك .. فكرة متضررين وشكوى وبتاع دي خارج النطاق لأنه الضحية نفسه ما صرح برغبته في أي شكوى ولا البت الشاغلوها لجأت للقانون .. الحصل اجراءات ادارية للقناة لم تصدر بيان بشأنها ولم يصرح محمد بأي رغبة في استئناف أو شكوى أو أي تصرف قانوني. على كدة يبقى الموضوع الأساسي هو حرب اللايفات والمنشورات على الفيسبوك بينما الحاجات اللي انت شايفها أصل الموضوع هي خارج زاوية الرؤية لأنه الأطراف كلهم عتموا عليها وهم راضين بالتعتيم دة أو عندهم مسار قانوني بعيد عن النشر والتصريحات
شناة البت زي نكتة البفتشوا لي هيثم ولما لقوهو واحد قال ليهم على الطلاق دة أنا لقيتو 7 مرات وخليته .. أها في ذمتك إذا محمد اتحرش بي دي فصلوهو وبهدلوهو في الجرايد والفيسبوك أمال لو اتحرش بلوشي كانو قطعوا يدينو ورجلينه من خلاف؟ أما موضوع البوسة أنا شايفه مسألة أساسية أكتر من كل الجوطة الحاصلة دي .. نحن لسة البوس ما بقى عندنا عادي .. دي حاجة خطيرة شديد واحدة تتباس قدام الكاميرات وابوها يضحك مبسوط .. الموضوع دة ما بظبط بأي شكل من الاشكال .. بل بيلقي بظلاله على كامل الموضوع كونه البت البتتباس دي ممكن تقول أي حاجة وتتصرف أي تصرف مخالف لتوقعاتنا ومثير للدهشة وهنا مافي أي تنميط .. في بوس حصل قدام العالم كلو يعني البوسة في التلفزيون جوة الخرطوم دي بتخليها بت من عالم تاني غير حقنا بالتالي الشافتو مشاغلة وتعدي عادي ممكن يكون حاجة تانية
Post: #119 Title: Re: قضية المذيع محمد محمود Author: محمد البشرى الخضر Date: 01-27-2018, 01:54 PM Parent: #118
Quote: لموضوع أصلاً ولد واتكاثر جوة الفيسبوك وسبب التصعيد دة كلو الفيسبوك عشان كدة شئ طبيعي الناس تشوف اتجاهات الفيسبوك .. فكرة متضررين وشكوى وبتاع دي خارج النطاق لأنه الضحية نفسه ما صرح برغبته في أي شكوى ولا البت الشاغلوها لجأت للقانون .. الحصل اجراءات ادارية للقناة لم تصدر بيان بشأنها ولم يصرح محمد بأي رغبة في استئناف أو شكوى أو أي تصرف قانوني. على كدة يبقى الموضوع الأساسي هو حرب اللايفات والمنشورات على الفيسبوك
ههههه كلام والله الجز التاني من الكلام بدخّلنا في اعراض وحتّات تانية و ذنوب ما ناقينها لكن بصفة عامة فكرتي القلتها فوق حتى لو كان عندك رأي في سلوك س من الناس ما بدّي الحق لـ ص أو يبرّر له التعدّي على حقوقها حتى ولو بشكل هو يراه خفيف طبعا المذيع لم يقل لهذا أو دفع بهذا المنطق أو حاول يبرّر لذا انا لا عنيه بل أعني الآخرين البتبريرهم دا كيّّسوه من حيث لا يدرون واثبتوا عليه التحرّش لكن حسب رايهم : البنت تستاهل !!
Post: #120 Title: Re: قضية المذيع محمد محمود Author: بدرالدين الطائف Date: 01-27-2018, 02:49 PM Parent: #1
ياجماعة معقولة زول يتهم بتهمة كبيرة ذي دي حا تظل ملصقة بيهو الي ان تقوم الساعة لغاية ما يثبت العكس ؛ ويتم ايقافة من عمله وقطع عيشة ونجي بعد كده نفتش ليهو العذر انه ما عاوز يخوض فى مشاكل والموضوع ما بستهال . هو بالله التحرش ده بقي عادي كده . موقف غريب اننا نكون مقتنعين بي براءتة وما نطالبه بي الدفاع عن نفسه بي اي طريقة غير الكلام الميت بتاع الفيديو ده وموقفة كان شنو من القناة الاثبتت بي فصلة التهمة الموجه ليهو. . طلحة كلامو واضح عن الفيديو بتاع محمد وبتفق معاه .
Post: #121 Title: Re: قضية المذيع محمد محمود Author: Abuzar Omer Date: 01-27-2018, 03:35 PM Parent: #120
مكرر
Post: #122 Title: Re: قضية المذيع محمد محمود Author: Abuzar Omer Date: 01-27-2018, 03:41 PM Parent: #121
١- يا ناس الحصل ده ما تحرش و بلاش خلط للمفاهيم. ٢- حكاية، إن شاء الله تكون بتستحق؟ فقط تندر من الموقف، ما شكل البت، الجمال نسبي خالص، و حتى القنبور نسبي (من يحبني يحبه قصيرا، على قول نزار قباني). ٣- مفهوم التحرش و إجراءاتوا الإدارية بحر واسع، و لا يمكن لصاحب الحمل الفصل في قضية خارج أسوار الحوش أو بيئة العمل ما لم تعرض على القضاء.القضية عامة، و الناس كلها عندها فيها عود. التعليق وجهات نظر، و محاولة جعلها تعدي، ذر للرماد في العيون. النقطة المهمة هنا رأي القناة في الحدث و مطالبتها بالتوضيح كجهة عندها جمهور هو البمول مشروعها، ذي تيم الكورة تماماً. ما بقدر يشطب نجم كبير، لسبب خارج الميدان بدون توضيح!!
نود أن نسمع من إدارة القناة لو كانت تحترم مشاهديها و موظفيها فيما يخص: - اللوائح التي تضبط السلوك، و لاسيما فقرة التحرش.- الاجراءات المتبعة حال تجاوز القوانين و اللوائح. - متطلبات إنهاء الخدمة و سماع الإدعاء و الدفاع. - لوائح لفت النظر عند التجاوزات، الإنزارات، و خلافه مما يسبقعملية إنها التعاقد بصورة نهائية. - فرص الاستئناف و مراحلها و طريقة الفصل فيها.
أخيراً: الناس تبطل استخدام الإكلشيهات المعروفة، و تفصل حولها، لنقل الموضوع لميدان غير ميدان المعركة!
Post: #123 Title: Re: قضية المذيع محمد محمود Author: Nasser Amin Date: 01-27-2018, 03:42 PM Parent: #120
المحيًر زملاءه المذيعين ليه عملوا نايمين؟ وصفهم بالجبن و التحذير من نفس المصير
Post: #124 Title: Re: قضية المذيع محمد محمود Author: محمد البشرى الخضر Date: 01-27-2018, 03:52 PM Parent: #123
دا كمان اسوأ واضل- اعني ابتزازه لزملائه المذيعين انت يا شيخ عليك تهمة شبنة شناة السنين و السكوت عليها للأسف يرسخ في الأذهان أنّك مذنب تواصل كل مذيعي النيل الزرق و سودانية 24 و البي بي سي لن يغير من الأمر شيئ وكذلك وصفهم بالجبن و ابتزازهم بكونك دربتهم ودخلتهم ومرّقتهم فا شنو ... يا تقاضي النيل الازرق على فصلك وتطالبها بنشر الاسباب الحقيقية و الحيثيات و تقاضي من تناول سيرتك واتهمك بما يشين أو تحشي خشمك قش وقت تخليت عن حق مقاضاة من اساء لسمعتك ومن فصلك وتبطل الابتزاز لزملائك و الله يعدلها عليك
Post: #125 Title: Re: قضية المذيع محمد محمود Author: Abuzar Omer Date: 01-27-2018, 03:52 PM Parent: #123
شكراً يا ناصر، شكراً كتير ياخ. الراجل لجأ لي ناس الأسافير Out of despretness، فقط ليعمل أي حاجة تصون ليهو ما وشو، لعدم قدرة على عمل أكثر من كدة. و ده فهمي من أول مداخلة و من بداية سرده المهزوم و المرتبك. و لا عزاء للناس الفهمها تخين!
Post: #128 Title: Re: قضية المذيع محمد محمود Author: كمال عباس Date: 01-27-2018, 04:53 PM Parent: #125
سؤال فلنفترض أن - شابة ما وأسرتها - تعرضت للتحرش - هنا غالبا ما يتم حسم الموضوع وأخذ الحق - بعيدا عن الدوائرالقانونية - ( وأحيانا عدم أخذ الحق ) وذلك خوفا من الفضيحة والأثار السلبية - والبعد الإجتماعي السالب - إي أن الضرر من الملاحقة القانونية - يفوق الفائدة والمردود-
* ولكن وفي حالة أن المتهم بالتحرش تمت مواجهته في محفل عام وفضحه ومطاردته بشكل معلن - فهذا يعني أن المدعية وأسرتها - فضلوا الحسم المعلن ! السؤال هل هناك إي مسوغ أو مبرر - لعدم المواجهة القانونية والحسم القضائي ؟ بلاغ - شرطة - نيابة - قضاء = أدلة - شهود وتحقيق -= قرار - إدانة أو إطلاق سراح
- طالما تم التشهير والفضح يبقي من المنطق أن يحسم الأمر قضائيا فالتشهير والفضح لا يكفي والإكتفاء بالفصل من وظيفة - دا أمر إداري - وليس هو عقوبة جنائية إلا إذا الفصل هدفا في حد -ذاته-! ثانيا الفصل والإجراءات الإدارية * المخدم الذي تربط خدمته - بالجمهور مباشرة والعلاقات العامة - محكوم بحسابات أخري - ربح وخسارة ! _ ممكن جدا أن يفصلك إداريا لمجرد شبهات - أو بدعوي أن وجود يضر بالشركة ويخصم من رصيدها وسمعتها - ويشوه مكانتها - وممكن جدا لحين حسم الأمر قضائيا ثم البت في أمرك بعدها - ولكن ماذا يفعل المخدم إذا لم تكن المسألة قد وصلت القضاء؟؟ _ في النموذج أعلاه - وإذا ماتم الفصل من دون إخلال بقانون العمل فإن المخدم - ملزم - بدفع إستحقاق الفصل التعسفي ( 6 شهور علي المرتب الأساس + شهر علي إجمالي المرتب ) وكافة مستحقاته وبدلاته الكاملة أو الجزئية إن كان بالخدمة المستديمة ! أو كل المزايا الواردة في عقد عمله وشروط خدمته إن قد توظف بوجب عقد خاص ! * ومن ناحية أخر فيمكن أن يكون الفصل - تم نتيجة تصفية حسابات أو كيديا - أو تم إستغلال الحادثة للتخلص منه ! ( هذا يتوقف علي حيثيات الفصل ومسبباته) * بمعني آخري فإن للمخدم الحق في الفصل التعسفي أو الفصل بلا حيثيات ومسببات كافيةولكن عليه دفع كافة الأستحقاقات المالية - إما إذا كان الفصل تم بناء علي خروقات قانونية فهنا تسقط الجزاءات المالية علي المخدم -! - مسألة الإرجاع للعمل - من دون موافقة المخدم دي ماواردة إلا إذا رفض دفع التعويض والمستحقات المالية ! ثالثا وكما هو معلوم فإن المدعي عليه في حالة التحرش والتعدي -من حقه التقاضي وتصعيد الأمر قانونيا لدفع الضرر والتشهير - ولكن - هذا أيضا يخضع للحسابات والإستجابة للإستشارة والنصح القانوني - فقد الحادثة من النوع الذي يتوفر فيه دلائل براءة - أو شهود إيجاب أو - اللجوء للقضاء قد يقود لنسج أدلة إثبات - يصعب دفعها أو -- أو ..
Post: #131 Title: Re: قضية المذيع محمد محمود Author: كمال علي الزين Date: 01-27-2018, 05:24 PM Parent: #128
(*)
كمال عباس سلامات
القناة إلتزمت بنص قانون العمل بحذافيره و أعطته كامل حقوقه المادية المنصوص عليها في قانون العمل .
Post: #126 Title: Re: قضية المذيع محمد محمود Author: طارق ابراهيم ابوالفضل Date: 01-27-2018, 04:09 PM Parent: #120
اعتقد الى هنا يكفي
اي والد لا يرضى ان تتعرض ابنته لمثل ما ورد ها هنا
حتى ولو كان هناك خطأ ما
البوست يدعو للغثيان
Post: #127 Title: Re: قضية المذيع محمد محمود Author: Abuzar Omer Date: 01-27-2018, 04:28 PM Parent: #126
الموضوع كلوا، كيف قناة محترمة تفصل أحد أعمدتها بغير قضية و إدانة في المحاكم، أو تحرش (ما بس بس بس) داخل أسوارها؟ بس بس بس دي لفت نظر كتير عليها. الحاجات التانية كلها خارج النص.
في مسألة مناصرة الزملاء، فهي فرض عين بالدين (إنصر أخاك ظالماً أو مظلوما) صدق الرسول (ص). لو كان سجل الرجل قذر، لما لجأ لذلك. لأنو الرد من أي فرد حيكون نوع (هذا ما صنعت يداك!). لكن صمتها تجسيد لبيئة الخوف و الاستسلام.
Post: #129 Title: Re: قضية المذيع محمد محمود Author: كمال علي الزين Date: 01-27-2018, 05:04 PM Parent: #127
(*)
أبوحتوت :
إنتا بتذاكر علم نفس من ورانا ؟ على الطلاق أداك 10-0 يا طلحة .
تنظير : محمد محمود ذهب إلى القناة و أعطوه كامل حقوقه على الطربيزة و قالوا ليهو ماعاوزينك معانا .
أباذر : محمد محمود آثر السلامة و الموج أعلى من أن يواجهه وحده .
محمد أحمد عمر : لا أعتقد أن بوسة طه سليمان البريئة دي تدل على شئ إلا على أن هنالك صلة قوية تربط العائلة به , خاصة و أن البنت طفلة تقريباً . إمكن قريب أمها و لا قريب صلاح دهب ؟.
Post: #130 Title: Re: قضية المذيع محمد محمود Author: Abuzar Omer Date: 01-27-2018, 05:10 PM Parent: #129
تحياتي كمال و كمال، طالما الفصل تعسفي و الشاب أخذ حقوقه كاملة. الموضوع منتهي، و القناة كان بإمكانها التوضيح، احتراماً لجمهورها فقط.
Post: #132 Title: Re: قضية المذيع محمد محمود Author: محمد البشرى الخضر Date: 01-27-2018, 05:33 PM Parent: #129
علم نفس شنو يا قريبك عايز تطلع فيني اشاعات كمان! القصة وما فيبها التمتع بحس إنساني سليم و إتساق لا أكثر
Post: #133 Title: Re: قضية المذيع محمد محمود Author: أحمد محمد عمر Date: 01-27-2018, 05:40 PM Parent: #132
نعم يا كمال البوسة كان ممكن تمر على إنها طفلة لو لم ترتبط هذه الفتاة بقضية تحرش لكن استغراب كل الناس في إنها تقبل البوسة اللي مفروض إنها ما عادية وتدق جرس في اسسسس اللي مفروض إنها عادية
Post: #134 Title: Re: قضية المذيع محمد محمود Author: Hafiz Bashir Date: 01-27-2018, 06:05 PM Parent: #133
Quote: القصة وما فيبها التمتع بحس إنساني سليم و إتساق لا أكثر
من زاوية نظري أنا شايف التعبير المناسب في الحتة دي هو "الطشاش في بلد العمي شوف". 😃
Post: #135 Title: Re: قضية المذيع محمد محمود Author: طلحة عبدالله Date: 01-27-2018, 06:46 PM Parent: #134
خخخخخخخخخخ كمال أبو نجمة شنو القالو جرجير وكان فيهو تفنيد لكلامي عشان يكون أقصاني من الدوري بعشرة صفر ؟ بالعكس كلام جرجير لو ما متسق مع طرحي أصلا ما بعيد منو ناهيك انو يكون ضدو ..
من جهة ثانية بالنسبة لكلامك دا
Quote: محمد محمود ذهب إلى القناة و أعطوه كامل حقوقه على الطربيزة و قالوا ليهو ماعاوزينك معانا .
أنا طلبت منك تعلق على الموضوع بصورة عامة من وجهة نظرك استنادا على المعطيات والوقائع الماثلة لكنك اكتفيت بايراد الخبر الفوق بدون تعليق منك سلبا أم إيجابا .. وبما انك كذلك فسأفترض انو الحكم دا كدا مرضى بالنسبة ليك لكن بالنسبة لي الحقوق الأدبية والمعنوية أهم من أموال الدنيا كلها في الحتة دي تحديدا وإلا لما كان خرج الرجل للأسافير ليعلن تأذيه وعدم رضاءه من الأمر .. نحن هنا نتكلم عن فصل وتشريد (اذا ) لم يرتكب المذيع جرم يستحق بموجبه هذا القرار .. أربعتاشر سنة خدمة ومؤسس كمان حسب ما صرح به ويجوا في النهاية يهدروا سمعتو بالطريقة القاسية دي ويرموا ليهو قريشاتو ويقولوا ليهو اطلب أهلك ؟ وكدا خلاص ياها دي العدالة ؟ انسى المذيع حسكة دا وتخيل أنو الفصل بطريقتو الحصل بيها دي حصل بكرة لواحد تاني وتالت بنفس الطريقة فهل برأيك تكفي فقط مجرد الحقوق المالية ؟ حاول اعد البصر يا كمال بمجهر غير الأولاني دا وأوزنا بميزان أكثر دقة يمكن تتضح ليك الصورة .
Post: #136 Title: Re: قضية المذيع محمد محمود Author: طلحة عبدالله Date: 01-27-2018, 07:05 PM Parent: #135
Quote: لراجل لجأ لي ناس الأسافير Out of despretness، فقط ليعمل أي حاجة تصون ليهو ما وشو، لعدم قدرة على عمل أكثر من كدة. ،
يا أبو ذر اتا من وجهة نظرك ناس لأسافير يساعدوا كيف وهو أصلا ما مسكم طرف خيط ؟ محمد محمود يا عزيزي ما قال أية حاجة في الفيديوهات باستثناء عزمو انشاء قناة على اليوتيوب .. أنا واحد من الناس العايزين يساعدوهوا في محنتو لكن ما لاقي أية طريقة وما عارف الا انو الزول دا فصلو بسبب التحرش بدون أي تفصيل لا من القناة لا منو .. طيب القناة ما قالت المفروض يقول هو لأنو المتضرر وبشدة .. لازم المذيع دا يطلع يوضح الحاصل ولو كان الحق معاهو تأكد انو الناس الشاماهو ح تقيف معاهو قبل المعجبين .. لسبب بسيط وهو أن الفصل بالطريقة دي فيهو تسلط واستحقار لا يرضى بيهو أي زول عندو ذرة من الكرامة، وبكرة يمكن يحصل لأي زول غيرو لو الناس ما وقفت ضدو .
Post: #137 Title: Re: قضية المذيع محمد محمود Author: محمد البشرى الخضر Date: 01-27-2018, 07:15 PM Parent: #136
ما تحكها يا حافظ ياخ دا بغرض رفع كثافة "العمي" وكدا
Post: #140 Title: Re: قضية المذيع محمد محمود Author: Nasser Amin Date: 01-27-2018, 07:42 PM Parent: #136
سلامات اخي طلحة في البوست دا عندي مداخلتين، الاولى متعاطف و جدا" مع اخونا محمد محمود و عند ايرادي المداخلة الثانية اعتراني شك في صحة موقفي (للامانة)... يعني الناس متعاطفة و عايزا تنصرو بأي طريقة هو بدس المحافير.. * هو مطالب بالتوضيح الكامل و الا هو مذنب.
Post: #143 Title: Re: قضية المذيع محمد محمود Author: Nasser Amin Date: 01-27-2018, 08:08 PM Parent: #140
برضو للتوضيح المداخلة الاخيرة موجهة للاخ طلحة لانو اساسا" كتبت بما ان للاخ طلحة صلة بالاخ ان يستوضحه عما حدث ، استدركت و بعد الكتابة لتجاهل الاستاذ لتساؤلات الاخ طلحة الغموض لا يخدم قضية وليس بعد قطع العيش و اشانة السمعة خوف.
Post: #138 Title: Re: قضية المذيع محمد محمود Author: جمال ود القوز Date: 01-27-2018, 07:23 PM Parent: #135
أنا غايتو قريت اكتفاء أخونا محمود محمود بنشر تضرره وتظلمه على النت .. كطلب للمساعدة وعشم في الزملاء .. أو حتى للبحث عمن يرد له اعتباره وعمله بصورة ودية .. صحي الكلام ده ممكن يتقري كاقرار ضمني بارتكابه للتهم المنسوبة له .. لكن العقوية جاءت قاسية وكان الثمن فقده لعمله .. يبقى محمد اسكونس ما عايز يبتز الزملاء حتى لو بدأ الأمر كده .. لكنه طالب يدعموه ويآزروه لانه ببساطة ما عنده خيار غير ده .. فهو ملاوز من اللجوء للقضاء لانه متحسب للأسوأ .. فعايز يخرج بأقل الأضرار ويرجع على الأقل لعمله ..
كلامك من زاوية صحي يا ود البشرى .. نحن غلطانين في التماهي مع مسألة المعايرة بالقنبور والشنا .. انسانيا كده الشغلة دي ما جاية فضلا عن انها ما بيد الزول .. يبقى شين ولا يبقى سمح أو يستاهل يشاغلوهو لاّ لا ..
لكن موضوع البوس ده انا ما معاك فيهو بتاتا .. مهما كانت نوعية علاقتهم بطه سليمان ... لانه ما طاعن في السن ولا هو في دور أبوها .. فالسن برضو ليهو أحكام بيختلف القياس فيها ولاّ شنو ؟ ...
يعني هسه نحن بعد كلامك ده حنقدر نقع بوس من طرف .. هههههه ..
Post: #141 Title: Re: قضية المذيع محمد محمود Author: محمد البشرى الخضر Date: 01-27-2018, 07:44 PM Parent: #138
كلامي ياتو يا ود القوز الانت ما معاه في موضوع البوس؟ اقتباس لو سمحت
Post: #142 Title: Re: قضية المذيع محمد محمود Author: محمد البشرى الخضر Date: 01-27-2018, 07:50 PM Parent: #141
دي نسيتها يا ود القوز معليش
Quote: يبقى محمد اسكونس ما عايز يبتز الزملاء حتى لو بدأ الأمر كده ..
الزول دا كتب لا استثني فبكم أحدااااا الجبن مرض! هو الابتزاز دا غيروه ولاّ كيف؟
Post: #144 Title: Re: قضية المذيع محمد محمود Author: جمال ود القوز Date: 01-27-2018, 08:37 PM Parent: #142
كلامك فيما معناه يا عمك مافي تحديد .. حتة حسب علاقة طه سليمان بالأسرة ومدى وديتها .. فممكن يقبلوا منه البوس لكريمتهم وكده .. حتى لو كان طه ده زول شباب .. فأكيد حتنتفي الأبوية في البوسة .. فكان قبلوا من طه بوسة بسبسة ساي رافضنها فوق شنو ؟ .. قالوا الشقي يلاقى العضم في الفشفاش .. هههه .. كان ما لفق معاك توضحي ده اعتبرها مسحوبة يأخ .. خخخخ ..
الابتزاز كان ما بقى من منطلق قوة واجبار وكسرعين .. انا شايف انه حيكون مجرد استعطاف واستجداء وعشم .. والأمر ده فيهو تدرج ما طوالي كده من قولة تيت .. يعني العشمان فيك بيتدرج معاك حسب استجابتك ليهو .. فكان بدا يقنع منك حيبدا ليك بالجبن ونسيان العشرة وكده .. وكان قطع منك العشم خالص خالص .. والله ينبذك لامن تعرف حاجة .. ههههه .. فما حتقدر تقرأ الموقفين نفس القراية .. ده براهو وداك براهو ..
تسلم حبيبنا ود البشرى .. انت بالمناسبة دي ابو حسين وين من البوست المسخن ده ..
Post: #139 Title: Re: قضية المذيع محمد محمود Author: كمال علي الزين Date: 01-27-2018, 07:26 PM Parent: #132
(*)
ده تواضع العلماء يا أبا حتوت (:
Post: #145 Title: Re: قضية المذيع محمد محمود Author: طلحة عبدالله Date: 01-27-2018, 08:44 PM Parent: #139
ناصر أمين سلام محمد محمود ما عندو حل غير انو يطلع يوضح الحاصل حتي لو قطعوا رقبتو .. دا لو فعلا كان هو مظلوم و الفصل كان تعسفي ونتيجة لتربص البعض به كما يزعم . غير كدا فلا هو ولا غيرو يقدر يلوم زول لو قطع الشك باليقين أنه استحق الفصل لارتكابه مخالفات تستوجب هذا الإجراء .
Post: #146 Title: Re: قضية المذيع محمد محمود Author: سفيان بشير نابرى Date: 01-27-2018, 08:58 PM Parent: #145
الطفلة الفي الفديو بتاع البوسه ليست هي المعنية بالتحرش فما تركزو معاها.
Post: #147 Title: Re: قضية المذيع محمد محمود Author: جمال ود القوز Date: 01-27-2018, 09:18 PM Parent: #146
هههههههههه.. والله يا سفيان الشغلة اصلا ماكانت واقعة لي من الاول .. عموما نجلي حكاية البوسة المقبقبنا فيها ود البشرى دي .. خخخخخ .. يا أحمد محمد عمر .. أعد ...
Post: #148 Title: Re: قضية المذيع محمد محمود Author: كمال عباس Date: 01-27-2018, 10:17 PM Parent: #147
سلام أخ طلحة عبد الله الفرق بين الفصل التعسفئ والفصل المستند علي خروقات وتجاوزات قانونية !~!
من الواضح أن الشخصي المعني قد تم فصله تعسفا ( وفي هذه الحالة يمكن أن يتم الفصل من دون إبدأ أسباب)! في حالة الفصل ( المستند علي خروقات وتجاوزات قانونية) هنا وإذا تم التجاوز داخل الشركة أو المؤسسة فإنه يجب أن يتم تحقيق إداري تعقبه العقوبة إما تم التجاوز خارج المؤسسة ( إي خرق قانون آخر للدولة )بشكل يمس عمل ووضع الموظف داخل الشركة فإنه يتوجب إنتظار الفصل القضائي ( إدانة أو تبرئية )!! ** من الواضح إنه لم تتم عملية محاسبة إدارية أو قانونية ( قضائية ) وبالتالي تم الفصل تعسفا ومنح كافة الإستحقاقات المترتبة علي الفصل وفي هذه الحالات لايتوجب علي المخدم ذكر إي - أسباب - ماديرنك كدة لله وهاك كافة مستحقاتك ! ومافيش إي تبعات قانونية علي الشركة! * الشركات تتعامل بحذر شديد خوفا من خوفا تعرضها التبعات القانونية ( وعشانكدة من النادر أن تقوم شركة بذكر مسببات فصل بشكل مكتوب وموثق - لأن ذلك يعرضها لمسآلة وتحقيق وغرامات وتعويض عن ضرر وإساءة سمعة ! وعشان كدة بلجأوا للفصل التعسفي وعدم ذكر الأسباب ! والشاهد في هذا إنه يصبح من غير المنطقي مطالبة مدعي عليه أو توقع هذا منه ( بمقاضاة مخدم فصلك تعسفا من دون ذكر أسباب ولكنه إلتزم بالإستحقاقا ت المالية ! ماعندك حق وماب تلقي حاجة !
!! case closed * أوقفوك لحين إنتهاء تحقيقا ت إدارية أو قضائية دا موضوع تاني ! فصلوك بناء علي معلومات سماعية وبلا تحقيق - بإعتبار إنك خرقت قانون عمل أو قانون جنائي - و دا برضو موضوع آخر ! ولكن وكما ذكرنا وكما هو حاصل في الحالة المعنية - فإن الفصل التعسفي من دون تسبيب ودفع الإستحقاقات - دا بكسر الدش في يدك ! ..
Post: #149 Title: Re: قضية المذيع محمد محمود Author: سفيان بشير نابرى Date: 01-27-2018, 11:26 PM Parent: #148
النصيحة يا ود القوز يا قريبي البت القالوا شاغله تستاهل المشاغلا(اللام دي مقصودة).
Post: #150 Title: Re: قضية المذيع محمد محمود Author: Abuzar Omer Date: 01-28-2018, 00:03 AM Parent: #149
تحياتي يا شباب، غايتو يا سفيان و كمال قصرتوا معانا. بما إنكم من معارف حسكا، فأنتوا عارفين أكثر مننا، ملكون المعلومة. يعني تخلوا الناس تعوس كدة، و يجي زول يقول حسكا قبض حقوقوا. و تاني الناس تعوس، و تجي تقولوا البنت دي ما ياها الشاغلها. الكلام الهنا ده حار أنا عارفه، حتى أجهزة الدولة مرات ما بتستحملوا. و ما صاح الناس تكون جزء من حملة رد اعتبار و هجوم من غير معلومة مكتملة..
غايتو الفصل التعسفي بي الصورة الوضحها كمال عباس حار شديد. يعني مرتب سته شهور، مرتب أساسي، أي زول زهجان منو بدفعوا من جيبه. و كمان القنوات الثانية ما بتعين المذيع ده لأنهم فريق واحد. شوف مثلاً مسلسل عشم الفي النت، كلهم رفضوهو بي ربطة معلم، و قال للشباب، إلا تعرضوه في قناة جونقلي! رغم جودة التصوير و الإضاءة و واقعية الممثلين.
سوري حسكا، و كونك تلم الموضوع فهم، مع العصابات دي..
Post: #151 Title: Re: قضية المذيع محمد محمود Author: أحمد محمد عمر Date: 01-28-2018, 03:00 AM Parent: #150
شافعة كيفن وهي أطول من ابوها !! القدامي دة لا شافعة ولا حاجة .. لاحظ فرق الطول الشاسع بينها وبين الجات أخدت سيلفي مع طه نهاية المقطع لو طلعت الأخت الصغرى لصاحبة القضية يبقى الوضع كما هو عليه :) ناس تتباس وناس تتفصل في الهسهسة الحالة الوحيدة البتمرقها إنها تكون محرم لطه اخته أو بت اخته أو كدة لكن حتى لو كان ما عندها علاقة بالأسرة وظهورها مع صلاح دهب صدفة ساي - ودة احتمال بعيد - نقول ليها شقي الحال بعتر ليهو جضمه
يا جيمي خلعت الراجل في صمة خشمه موضوع البوسة دة محمد البشرى حك منه فرامل زماااان وغير ليه الشارع عديل كدة تجي تلصقه فيه ! صاحب التعليق الانت قاصده كمال علي الزين
Post: #152 Title: Re: قضية المذيع محمد محمود Author: جمال ود القوز Date: 01-28-2018, 04:54 AM Parent: #151
Quote: النصيحة يا ود القوز يا قريبي البت القالوا شاغله تستاهل المشاغلا(اللام دي مقصودة).
سفيان يا قريبي تسلم على التوضيحات المهمة .. انت جيت ختيت نقاط كتيرة على الحروف .. كان كدي ينفعو شراب الدوا المر ده ..
Post: #153 Title: Re: قضية المذيع محمد محمود Author: جمال ود القوز Date: 01-28-2018, 05:29 AM Parent: #152
هههههه .. والله صحي يا أبو حميد هجمناهو ود البشرى ده .. لكن ما ساي برضو .. هو حك فرامل لكن ما زي فراملنا القوية دي .. فقبل موضوع الهناية البتختار زبونا ودي برضو معانا .. قال يعني لو قبلت البوس من طه مثلا .. هل المفروض تقبل بسبسه اسكونس ؟ .. الاتساق بيحتم تقبل أو لو ما قبلت ما تدق جرس .. بعدين لاحظ الاتساق ده من أهم معايير ود البشرى .. فالبخلي حقت طه رجل وحقت اسكونس كراع شنو !! .. هههه .. نحن اعتراضنا على البوسة في عضما .. الببيقدر يشيل طن الوقية دي ما أظن بتعمل ليهو حاجة .. ولاّ كمان بتبقى القشة القصمت ظهر البعير وكده .. صحي انا لخبطت في حتة العلاقة الودية .. ودي جبتها من كلام كمال .. لكن ود البشرى ممكن تلمحه في طرف الصورة .. خخخخ دي عكلته مني ساي وحاة الله .. لكن النصيحة لي الله انت فتني بي غادي .. سفيان قال ليك البتتباس دي ما ياها البتستاهل (المشاغلا) .. تجي برضو تصر انك تحلب العتود ده ... دي عنقلة وعكلته منك .. حقك علينا يا ود البشرى وأمسح لينا في وشنا ..
أها انت يا حلاّب العتود .. حتقول حقك علينا ولا حتعمل غمران ..
ـــــــــــــــــــــــــــــ
نسأل الله أن يسهلها وتتحل القضية وديا .. ويرجع اسكونس لي شغله ..
Post: #154 Title: Re: قضية المذيع محمد محمود Author: جمال ود القوز Date: 01-28-2018, 05:38 AM Parent: #153
في اعتقادي الموضوع ده فيهو كتير من الزوايا والأمور الخافية .. ما عند أطراف الطرف الثاني براهو .. أبدا .. عند الطرف الأول الكثير المحتاج لتوضيح .. أو حمدو في بطنو وكده ..
Post: #155 Title: Re: قضية المذيع محمد محمود Author: Haytham Ghaly Date: 01-28-2018, 06:08 AM Parent: #154
من النقة الكتيرة دي فهمت انو محمد محمود شاغل البت دي
معناها غلطان .. وبوسة البت لطه لا تبرر مشاغلة اي زول تاني
لكن نرجع ونقول انو خطأ زي دا لا يمكن ان يكون وحده سبب للفصل التعسفي
اكيد في اسباب تانية ونوايا كانت تنتظر اي سبب والسلام
Post: #156 Title: Re: قضية المذيع محمد محمود Author: أحمد محمد عمر Date: 01-28-2018, 06:15 AM Parent: #155
لا لا يا جمال أنا أول واحد رفعت يدي فوق متهنضباً ومعترفاً بتهمة الذكورية والتعدي على البت
Post: #157 Title: Re: قضية المذيع محمد محمود Author: MOHAMMED ELSHEIKH Date: 01-28-2018, 06:49 AM Parent: #156
غايتو الحبر الأسفيري الأندلق هنا كان تم توجيهو لمناصرة مسيرة 31 يناير او الوقوف ضدها كان ناس مايعرف بتالجداد الالكتروني آمنو
Post: #158 Title: Re: قضية المذيع محمد محمود Author: محمد البشرى الخضر Date: 01-28-2018, 08:32 AM Parent: #157
Quote: فقبل موضوع الهناية البتختار زبونا ودي برضو معانا .. قال يعني لو قبلت البوس من طه مثلا .. هل المفروض تقبل بسبسه اسكونس ؟ .. الاتساق بيحتم تقبل أو لو ما قبلت ما تدق جرس ..
فجعتني فيك يا ود القوز !! قرايتك الخاطئة لكلامي قلنا ما مشكلة واهو احمد كفانا شر النقة فيها, أنا حريص في التدقيق على ما أكتب و احاول قدر الإمكان الإبتعاد عن ما يمكن ان يفهم او يحمل علي غير الوجه الذي عنيته فهالني ما قولتني اياه. لكن كلامك الفي الكوت صعب و ما بتفوّت, وللأسف هو منطق سوداني تقليدي سائد حتى وسط أكثر من يدّعون الاستنارة و التقدمية و المنافحة عن الحقوق! يا عزيزي واحدة من اهم القيم الانسانية هي حرية أن تختار - غض النظر عن طبيعة الخيار أو صحته أو مدى توافق او اختلاف الناس معه حق أن تختار. نقطة أن تختار دينك و فكرك و موقفك ونظرتك في الحياة و سلوكك وشريكك. وما يجي زول يقول ليك ليه واشمعنى و يفرض عليك خيارات اخرى نتيجة اختيارك دا فا شنو راجع موقفك مما كتبت اعلاه دي واحدة و التانية انت دون قصد ثبّت على سكونس ما نفاه بل و اعتبرته امر عادي و البت غلطانه إذ لم تقبل البسبسبة ! ودا الضرر الكبير الذي تسبب فيه دون قصد من اتخّذ هذا المنطق - منطق البت مفروض ترضى أو انها شينة ولا تستحق - دفاعا عن المذيع
Post: #159 Title: Re: قضية المذيع محمد محمود Author: طلحة عبدالله Date: 01-28-2018, 08:37 AM Parent: #157
Quote: والشاهد في هذا إنه يصبح من غير المنطقي مطالبة مدعي عليه أو توقع هذا منه ( بمقاضاة مخدم فصلك تعسفا من دون ذكر أسباب ولكنه إلتزم بالإستحقاقا ت المالية ! ماعندك حق وماب تلقي حاجة !
سلام يا كمال عباس معقولة الكلام الفوق دا ؟؟ كدا المؤسسات دي بتكون شغالة بمزاج متنفذيها وأسيادا .. أنا خبرتي القانونية ما على قدر كدا لكن بالمنطق كدا ما أظن يكون شغل الفصل التعسفي دا طلق وهبتلي كدا .. لو أنا صاحب قناة مثلا وفي زول ما جاء سلم علي في الصباح المساء أرجع ليهو قروشو وأقول ليهو اتطلب الشارع .. لو في بت سمحة ما ابتسمت لي ابتسامة المساء أطلع جزلاني وأصرف ليها حقها وأقول لبتاع الاستقبال طلعوها برا .. لو بتاع المونتاج ما جاب صورتي في المؤتمر الصحافي بتاع الرئيس أضرب تلفون لمدير الاخبار وأقول ليهو أدي الزول دا حقو وما أرجع ألقاهو قاعد . لو أبو محرر الأخبار ما جاء عزاني في وفاة ود عم صاحبي أديهو حقو وأوديهو بيتم . لو بتاع المنقة جاب لينا كرتونة منقة فيها جبتين مضروبات أطرد بتاع الأرشيف لأنو ما زرع شجرة منقة في حوشم وكفاني شر بتاع المنقة الركبني ماسورة دا .. لو مرتي شاكلتني في الصباح أجى أطرد أي مرة واللا بت بتشبها .. لو منو ما عمل شنو أطردوا .. ولو ولو .. خخخخخخخخخخخ
Post: #160 Title: Re: قضية المذيع محمد محمود Author: محمد البشرى الخضر Date: 01-28-2018, 08:57 AM Parent: #159
Quote: ولو ولو ..
كمان عايز تنظر وتغالط قانون العمل, شنو ولو ولو دي من حق المخدّم ان يفصل اي موظف مهما كانت سنوات خدمنه فصلا تعسفيا بدون ابداء اسباب وفي الحالة دي عليه بالإضافة لحقوق الخدمة المنصوص عليها و الضمان الاجتماعي أن يدفع راتب ست شهور (اساسي ) بسبب الفصل التعسفي دا قانون العمل كدا اي نعم فيه قسوة على الموظف خاصة مع تدني قيمة الراتب الأساسي بعد 14 سنة خدمة لكن دا القانون كدا
Post: #161 Title: Re: قضية المذيع محمد محمود Author: طلحة عبدالله Date: 01-28-2018, 09:00 AM Parent: #160
ما عايز اغالط والله لكن الله غالب
Post: #162 Title: Re: قضية المذيع محمد محمود Author: MOHAMMED ELSHEIKH Date: 01-28-2018, 09:45 AM Parent: #161
ما عايز اغالط والله لكن الله غالب --------------------------------
ياخي في مادة في السعودية اسمها 77 اخسن منها فصلنا التعسفي وضحايها سعوديون فقط
Post: #163 Title: Re: قضية المذيع محمد محمود Author: أحمد محمد عمر Date: 01-28-2018, 09:58 AM Parent: #162
Quote: حرية أن تختار
بعيداً عن موضوع البوست عندي ونسة في موضوع حرية الاختيار دة بترجع لبدايات دخولي الجامعة وسكننا في الخرطوم وركوبنا لبصات الكلاكلة شرق للمرة الأولى في حياتنا
أصل الحكاية إنه زميلي وود حلتي كان قاعد في المقاعد الأمامية وواقفة في الممر جمبو بت جنوبية وهو ما شغال بيها قامت ركبت من المحطة بت شمالية فقام ليها طوال وقال ليها اتفضلي أقعدي يا اخت والبت فعلاً قعدت الجنوبية طوالي دقت جرس وقومت البت من الكرسي وشاكلتو قالت ليه أنا واقفة جمبك ساعة ما قمت لي بس تجي بت عرب تقوم ليها؟! وفي كم نفر اتعاطفوا معاها ولوموهو .. أها طوالي جاط في الجماعة قال ليهم دة كرسيني اقوم منه وقت ما داير واقعد فيه الزول البعجبني وأي زول حر في كرسيه الما عاجبو موقفي ومتعاطف مع الأخت دي يقوم ليها من كرسيهو البت الشمالية كانت محرجة شديد من الموقف بعد ما قوموها وقالت ليها خلاص ما تزعلي روحك أنا قمت أقعدي انتي .. الجنوبية قالت ليها لأ ما بقعد لأنه ما قام لي من الأول لكن ما بخليكي انتي تقعدي في المقعد الجمبي مباشرة وكأنك احسن مني .. اتحسم الموضوع بإنه الراجل رجع مقعده ولحدي ما نزلنا من البص نحن شايفين إنه الجنوبية حقارة واعتدت على حقه في الاختيار وإنها ظلمت البت الشمالية وحمتها الراحة اللي وهبها ليها طواعية .. وانا كنت مع صاحبي في موضوع إنه هو سيد الكرسي يعمل فوقه العاوزه بعد نهاية اليوم الدراسي مرينا على اولاد خالتي خريجين هندسة في محل شغلهم وونسناهم بالموضوع والجنوبية الحقارة وكانوا الاتنين مبتسمين ابتسامة واسعة شديد كأنهم بضحكوا على منطق شفع الطاشرات ديل واحد فيهم سأل زميلي قال ليه انت قمت للبت ليه؟ اتحير وقال ليه سودانية مني ساي .. طوالي الاتنين ضحكوا شديد وواحد قال ليه دي المشكلة الكبيرة هنا انت سودانك ما فيه جنوبيين بينما البص سودانه اكبر من اعتقادك قعد يتمتم وانا حاولت أنقذ الموقف قلت ليه ياخي هو حر في مقعده بغض النظر عن معتقده، ود خالتي التاني قال لي ودي مشكلة اكبر من حقة اخوك لأنك بتجيز التمييز على أساس اللون والعرق بحجة حرية الاختيار المرة دي بقيت اتمتم أنا :) أي نعم حاولنا نفرفر ونحن مستغربين لعجزنا وسهولة طقطقتنا منطقياً في الوقت الفيهو ما شايفين غلط حاصل .. لكن محصلة كلامهم الاتنين كانت إنه تصرف صاحبي دة فيه استفزاز سافر لأنوثة وإنسانية البت الكانت واقفة جمبه وموقف البت الشمالية كان أناني وانتهازي لأنه الذوق بحتم عليها تعرض المقعد على الجنوبية في الأول وإنه مجرد الكشكرة من جانبها كان حيحفظ للجنوبية كرامتها لكنكم اتواطأتوا الاتنين على اعتبارها مافيشة وما بتستحق يقوموا ليها زي بنات العرب
اتهزمنا طبعاً واعترفنا بجهلنا وقلة حساسيتنا تجاه الآخر وبالنسبة لي داك كان أول درس جديد في الانسانية وممتن ليه شديد
Post: #164 Title: Re: قضية المذيع محمد محمود Author: محمد البشرى الخضر Date: 01-28-2018, 10:46 AM Parent: #163
دا الغلط بدا من هنا يا ابو حميد صاحبك حدّد معايير خاطئة لخياره لذا بدا خياره خاطئ, لو من الأول قال إخترت ان اقوم ليها لأنّها عجبتني أو لأنها شمالية أو اي سبب آخر- يخصّها ولا يشمل الجنوبية - غير سودانية الشاملة دي كان له حق ان يتسّق مع خياره بغض لنظر عن رؤية الآخرين للخيار دا صاح أو خطا. المسالة ليست عن مدى صحة أو خطأ الخيار, المسالة عن حقّك في اتخاذه ربنا سبحانه وتعالى أدّاك حق تختار أن تؤمن به أو تكفر أها تاني شنو اكتر من الكفر بالله عايز تكون عنصري كن, عايز تكون كوز برضو كن, عايز تكون حرامي, زاني, اي مصيبة زمان على كيفك دا خيارك لا أحد يحرمك حق أن تختاره - لا حظ أنا اتحدّث عن الخيار في رقبته لا عن عواقبه أو ما يترتب من نتائج و التزامات علي خيارك, طبيعي انّك تختار و تتحمل المسؤولية
Post: #165 Title: Re: قضية المذيع محمد محمود Author: جمال ود القوز Date: 01-28-2018, 10:47 AM Parent: #163
اولا كلامك ومنطقك مقبولان ولا غبار عليهما يا ود البشرى .. وانا عارف كده ومستوعب الكلام ده كويس جدا .. لكن لو قلت ليك انا من جواي مقتنع بكون كضبت عليك .. أو ربما لو اتختيت في محك فعلي بيكون تصرفي مختلف خالص .. ربما الكلام ده ناتج عن المفاهيم التي شبينا وقمنا وجُبلنا عليها .. لكن كقاعدة وليس كمفهوم فردي كلامك صحيح .. لكن صدقني ببقى لي حار كان نفذتو كلامك ده .. خخخخخ .. لانه المفاهيم المتقدمة دي لسه نحن ما وصلناها ... ههههه ..
مش في كلو اتهنضبت يا ابو حميد ما تخمنا .. فكان للفهم بتاع القنبور والشناة كلنا اتهنضبنا في الكلام ده .. لكن انت لسه باقي ليك هنضبة .. في حتة حق الاختيار للهناية أو ماشابه دي .. يا تتهنضب فيها أو تحرجم وتبقى زول زينا وجاي .. ههههه .. غايتو أنا شخشيا كان اتهنضبت في الحتة دي .. فده اجراء شكلي ساي وما مضمون لانه في اي لحظة .. ممكن اسحب ليك طبنجة الافكار التقليدية والذكورية .. خخخخ ..
Post: #166 Title: Re: قضية المذيع محمد محمود Author: محمد البشرى الخضر Date: 01-28-2018, 10:56 AM Parent: #165
Quote: أو ربما لو اتختيت في محك فعلي بيكون تصرفي مختلف خالص
يا ود القوز تتخت في محك كيف في الحتة دي بالذات! شكلنا كدا ما على نفس الصفحة يا ود القوز أنا لا ابرّر أو ادافع عن البوسة مثلا او غيرها, انا اقول ان خيار الانسان مهما كان راينا فيه لا يعطينا الحق في فرض خيارات اخرى عليه يعني في المثال موضوع البوست ما عشان البت قبلت بوسة طه يبقى فرض عين عليها ان تسكت على بسبسة غيره دي فكرتي, يبقى تتخت انت في محك كيف عارف
Post: #167 Title: Re: قضية المذيع محمد محمود Author: جمال ود القوز Date: 01-28-2018, 11:35 AM Parent: #166
صحيح كلامك انا تطرقت للموضوع بي صورة أشمل .. فجاطت الأمور شوية ..
لو افترضنا اني كنت مكان اسكونس .. ربما هو بي الفهم المتقدم ده سردب للشغلانة دي .. انا غايتو كان فنجطت وحاة الله .. .. وواصلت زي أحمد محمد عمر ده .. فهنضبو عليك الله لانه قال ولو .. وواصل .... رغم الفرضية دي مرقت ملوص .. حسب توضيح سفيان الأخير ..
Post: #168 Title: Re: قضية المذيع محمد محمود Author: أحمد محمد عمر Date: 01-28-2018, 11:51 AM Parent: #167
Quote: بغض لنظر عن رؤية الآخرين للخيار دا صاح أو خطا.
إذا كان خيارك دة بأثر على الآخرين بأي شكل من الاشكال حتى عبر الاستفزاز غير المباشر ما من حقك تتخذه قدامهم حرية الاختيار في الحاجات التأثيرها بنحصر في ذاتك لكن بمجرد ما طلعت من ذاتك بقت حريتك مربوطة بحريات الآخرين وحقوقهم وصولاً لمشاعرهم
Post: #169 Title: Re: قضية المذيع محمد محمود Author: أحمد محمد عمر Date: 01-28-2018, 12:02 PM Parent: #168
يا جمال سفيان قال البت شافعة وقلنا ليه ما شافعة ولا شتين إن بقت اخت ست القضية بحسب وقفتها مع والد الفتاة يبقى كلامي في محله وإنه الناس دي بتسمح بالبوس وتدق جرس في الهسهسة ودي حاجة ما منطقية بالنسبة لي برغم حريتهم في البوس .. يعني بيلقي أضواء على طبيعة حياة تانية غير حقتنا مما يجعل مشاغلة محمد المفترضة في مكان تاني غير مكان تخيلاتنا كونهم ناس عايشين بقوانين غير حقتنا
كلامي الأول إنه البوسة لو لم ترتبط بموضوع التحرش دة كان ممكن تمر بدون ما زول ينتبه ليها أو يقولوا اخته ولا حتى أمه .. لكن بعد دة بنتمسك بحق إدانة البوس على أضواء الكاميرات كان هي كان غيرها ولا كمان جوطوها مرة واحدة بوسوا وهسهسوا
أنا بالمناسبة ما بدافع عن محمد محمود ولا شغال بضياء الدين بلال .. أنا واقف ضد داليا الياس وطريقتها في ترويج الشغلانة وكتبت مداخلتي الأولى الجبت فيها الفيديو ووقفت على كدة .. لكن نفسي الأمارة بالضحك راودتني على ايراد المداخلة التانية عشان أضحككم معاي في تعليقات الفيسبوك
Post: #170 Title: Re: قضية المذيع محمد محمود Author: محمد البشرى الخضر Date: 01-28-2018, 12:24 PM Parent: #168
ما فهمتني يا ابوحميد رغم اني اضفت الجزء بتاع تحمل المسؤولية وضربت ليك مثال بالكفر بالله م تتحمل المسؤولية. من حقّك تختار ان تكون أو تفعل ما تريد لكن تتحمّل مسؤولية وتبعات خيارك حتى تعدّيك على حقوق الآخرين مثل أن تكون حرامي مثلا تسرق من الناس دا خيار انت اخترته بكامل ارادتك ولم يجبرك عليه احد لكن تتحمل المسؤولية بان تخضع للمحاسبة حسب القانون لكن لا أحد مثلا يقول انت اخترت ان تكون حرامي ليه سرقت من فلان لكن لم تسرق من علّان, حريتك في انّك اخترت السرقة من فلان ورفضت ان تسرق من علاّن لكن حتى لو سلّمنا بمسالة التعدّي, هي لا تنطبق على موضوع البوست بالتأكيد, بل العكس البنت تم التعدّي عليها و على حقّها في القبول و الرفض بمنطق ما دام قبلت هناك ما من حقك ترفضي هنا
Post: #171 Title: Re: قضية المذيع محمد محمود Author: أحمد محمد عمر Date: 01-28-2018, 12:45 PM Parent: #170
لا لا طبعاً يا محمد مافي زول بقول ليها مادام قبلتي من داك (لازم) تقبلي من دة .. لكن ببقى مثار اندهاش زي واحد بضرب عرقي ومريسة ولما يشوفك مطلع كيس الصعوط يقول ليك دة شنو القرف الشايلو في يدك دة
Post: #172 Title: Re: قضية المذيع محمد محمود Author: محمد البشرى الخضر Date: 01-28-2018, 12:56 PM Parent: #171
ههههه كدي يا ابو حميد انظر للموضوع بالتحديد بنظرة غير النظرة السودانية البتخلّي الولد في المدرسة لو قال ليك شريكك يبقى انت كسر رقبة لازم تديه من السندوتش بتاعك وما من حقّك تدي فلان و تابا لعلان برّة السودان - الله يكرمك - هنايات عديل كدي واستربتيزات دي شغلتهن ممكن يرفعن عليك قضية تحرش و يكسبنها لو تعاملت معاها بمنطق شريكك ومنطق ليه اديتي فلان وابيتي لعلان اي زول حر في ما يملك وعادي من يشرب الخمر ممكن يكون بقرف من التمباك! الغريب هنا شنو انا فاهم مثار دهشتك انت معتبر ان احتجاج الفتاة على البسبسة من منطلق اخلاقي و قيمي وكدا و الحاجة دي مدهشاك اذ ان البوسة السكتت عليها دي مفروض تاتي في اعلى السلم والخلط جاي من هنا, ما تاخد رفضها بالفهم دا اخدو بحقّها في الرفض فقط لا أكثر
Post: #181 Title: Re: قضية المذيع محمد محمود Author: كمال علي الزين Date: 01-30-2018, 07:39 AM Parent: #172
(*)
أبوحتوت بقى يفتى في مجالات مريبة حقوق الهنايات في إختيار الزبون دي مرحلة متقدمة العريبي تنظير ده ما بستوعبا ليك
Post: #173 Title: Re: قضية المذيع محمد محمود Author: طلحة عبدالله Date: 01-28-2018, 01:08 PM Parent: #171
يا جماعة بالعودة لموضوع البوست عندي رغبة قوية في الوقوف مع المذيع محمد محمود سواء كان على خطأ من باب ( أنصر أخاك ممزوجة بخير الخطاؤون الخ الخ)، ولو كان على حق فمن باب ( ما ضاع حق وراءه مطالب ونصرة المظلوم الخ الخ ).. المطلوب فقط من محمد محمود يطلع يوضح لينا الحقائق كاملة له أو عليه . نعم .... من كان منكم بلا خطيئة .. الخطأ ليس عيبا ولكن عيب التمادي فيه ومحمد محمود إن هو أخطا فيلزمه أن يكون شجاعا ليقر بذلك ويعتذر لمحبيه ومعجبيه مع الوعد بأن يكون عند حسن ظنهم دائما، ومن المؤكد أنهم سيتفهمون موقفه ويسامحونه وستظل قلوبهم تحمل له ذات الود إلا من أبى . حرام والله أن يضيع مستقبله لمجرد خطأ يحدث دائما وفي كل مكان .. القنوات مالية البلد ويمكن لحسكة أن يجد فرصته في أيا منها قياسا على مقدراته إن رغب في ذلك أو يمكنه أن ينشئ عمله الاعلامي الخاص كما فعل الكثيرون غيره امثال محي الدين جبريل وطارق أبوشورة وغيرهما من المذيعين الذين اجتهدوا وجاهدوا لتأمين مستقبلهم العملي والاعلامي . أتمنى والله أن يهديه الله ويخرج لتبيان الحقائق بالشوكة والسكين دون خوف أو خجل ومن ثم يفتح صفحة جديدة في مسيرته المهنية والله الموفق .
Post: #174 Title: Re: قضية المذيع محمد محمود Author: أحمد محمد عمر Date: 01-28-2018, 01:17 PM Parent: #173
يا محمد هي تمارس حقها ونحن نمارس حق الاندهاش .. كدة win win ؟ :)
Post: #175 Title: Re: قضية المذيع محمد محمود Author: طلحة عبدالله Date: 01-28-2018, 02:01 PM Parent: #174
Quote: هنايات عديل كدي .
الجبن سيد المأكولات خخخخخخ بعدين كدي دي شنو ؟
Post: #176 Title: Re: قضية المذيع محمد محمود Author: جمال ود القوز Date: 01-28-2018, 02:04 PM Parent: #174
غايتو والله نحن ما خلينا .. شرّقنا وغرّبنا .. وحللنا . وقيّمنا .. وختينا نفسنا محل اسكونس .. لكن انا جاني الهام إنه هناك زوايا خافية علينا ..
وقد يكون لها تأثير كبير والناس ما دايره تبوح بيها .. والموضوع ده ممكن يجعلنا آوت أوف بوينت .. ليه ما عارف لكن حاسي وراء الأكمة ما وراءها .. والفار بيلعب في عبي من نقطة معينة كده .. .. الشغلة دي يبدو انه ده راس جبل جليد .. وأغلبه غاطس جوه الموية ونحن ماشايف منه حاجة .. عليه انا بكتفي يهذا القدر من الفرفرة دي ... ناس البوس عندهم هكذا مكشّح في السهلة .. يجوا يزرروا زول عشان بسبسة .. والله دي لا حكت ولا بقت أكيييد في حاجة تانية غليدة .. واسكونس ده ما مسردب عشان هو خايف من زول .. غايتو نفسي الأمارة بالسوء بتقول كده .. عليه يا يورونا الحاصل شنو يا ما دايرين معاهم .. وزي ما قال ود البشرى يمكن نقول لي زول .. شريكك مش عندنا حق حرية الاختيار وكده .. (إنقو ) ناس تنباس .. وناس تنداس .. حكم ياربي .. حكم آخر الزمان ..
Post: #177 Title: Re: قضية المذيع محمد محمود Author: جمال ود القوز Date: 01-28-2018, 02:15 PM Parent: #176
وكمان مرقت الموضوع لمواقع التواصل حتجيب آخرو .. واتوقع اسكونس ده ما حيظل هو الطرف الاضعف .. ابدا حتنقلب الموازين بعد قليل وحتكون له الغلبة .. لانه الراي العام ده برضو ليهو هيبته وآراؤه .. بالذات في قضايا زي دي مهما حاولوا الناس . يبعدوها من الاحكام الاخلاقية ويلوذوا بها بعيدا .. عن مفاهيم المجتمع السوداني المتجذرة في الناس .. أكيد حيجوا يقعوا في مصيدة عقاب المجتمع .. اللي حيطبق فيهم نفس المفاهيم الشاردين منها دي .. لانهم ببساطة ما قاعدين في واغ الواغ .. بل قاعدين ومتحركين جوه المجتمع ده .. فلازمن يتحاكموا بي قانون مجتمعه .. مش بس قوانين مجتمعات تانية ..
الكلام ده اديكم ليهو مفاتيح .. تلمّص داليا الياس .. وبعض مداخلات هنا ..
Post: #178 Title: Re: قضية المذيع محمد محمود Author: كمال عباس Date: 01-28-2018, 02:52 PM Parent: #174
سلام يااخ طلحة عبد الله دا قانون العمل في القطاع الخاص ستة أشهر تحسب علي المرتب الأساس + شهر واحد علي اجمالي المرتب (. الشهر الإجمالي. دا يسمي بدل اعلان يعني اذا تم الاخطار بالفصل قبل شهر سقط حق تقاضي مرتب. هذا الشهر ) دا التعويض وطبعا لو عندك بدلات ومستحقات اخري متراكمة او جزئية برضو بناخدها علي داير المليم !! ^ وحتي هذا التعويض ممكن جدا ان تحرم منو لو ارتكبت خطا او خرق قانوني يستوجب الفصل الاداري !!** *** اما عقوبات العمل الخاصة فتحكمها نصوصها ففي حالة ان نوظف احدهم عمل ساري المفعول لمدة ثلاثة سنوات واجتاز الموظف فترة الاختبار وفِي شهر الرابع قرر المخدم إنهاء خدمته من دون تسبيب فقي هذه الحالة بمكن ان يتحصل الموظف علي مرتب اكثر من عامين ونصف كاش. داون ٠!!ولكن دا طبعا اذا لم يحدد العقد كيفية اخري للتعويض /كان ان يقول العقد العمل ؛بحساب التعويض علي حسب قانون العمل او يكون التعويض مرتب ٨ أشهرتحسب علي اجمالي المرتب وهكذا !!
ثانيا موضوع البوست لا اقطع بشي في مثل هذه المسائل الحساسة. والغامضة ولست شاهدا او حاضرا للحادثة ولا املك او اعرف ما يكفي عن ملابساتها لذا لامجال لاصدار احكام قاطعة !!!ممكن. كلو زول يستنتج. ويري من زاوية رؤيته ومعلوماته. وماتوفر ويحكم. من إطلاق او قطع نهائي الا اذا امتلك. يقين حاسم !
ممكن جدا ١: ان تكون الفتاة ضحية تحرش كبير او تعدي ( بسيط او جارج) وبالتالي هي ضحية لا متعدية ويصبح من المؤلم الطعن في روايتها وتكذيبها !! ٢/ وبرضو ممكن ان يكون الشاب تصرف بشلاقة وتخفف او حتي سذاجة او تعرض لفخ او ترصد او تصرفه ومشادته لم تكن بسبب تحرش. جنسي ألخ ويبقي بالتالي من التعسف ظلمه والحكم المتعسف عليه !! متفرقات التحرش والتعدي الجنسي لا يسقط بدعوي ان المرأة خفيفة او انها تُمارس الجنس خارج نطاق الحياة الزوجية !!التعدي واقع اذا مأتم الفعل او التحرش بعدم رضا او قبول احد الأطراف !!
** عدم ابلاغ السلطات والتقاضي في بعض حالات التعدي الجنسي لايعني في الحقيقة. ان اَي طرف. ( مدعي او مدعي ) عليه غير صاحب او متضرر فقد تكون متضرر كضحية تعدي او كضحية تشهير واشانة سمعة ولكنك تري ان التقاضي يضر اكثر مما ينفع ! هل يعني هذا انو الناس ما تتكلم في مثل الموضوع دا؟ ما أظن ممكن الناس تناقش وتستفسر وتبحث عن. توضيحات الخ ودا ما مطلق او قاعدة وانما يتوقف علي طبيعة كل حالة وتقديرات المتضررين !
Post: #179 Title: Re: قضية المذيع محمد محمود Author: walid taha Date: 01-28-2018, 03:18 PM Parent: #1
quoteيا سكران يا حيرانquote أعتقد محمد لم يتصرف بذكاء ، لو كنت مكانه لما أسرعت الخطى بل أطلت الوقوف وأثبت وصف البنت لى (بالسكران) خاصة فى وجود شهود كثر حسب رواية الأخ هاشم . فى ظل وجود صراع وخلاف وربما كيد كان تكون ضربة معلم لحسكا بلجؤه للقضاء !!
هذا طبعا إعتماد على صدق رواية حسكا فى المقطع.
Post: #180 Title: Re: قضية المذيع محمد محمود Author: طلحة عبدالله Date: 01-28-2018, 03:39 PM Parent: #179
تمام الأخ الأستاذ كمال عباس كلامك مفهوم في حالة محمد محمود هو متعاقد وليهو أربعتاشر سنة في القناة وأسس أحد برامجها كما قال وأعتقد أنه في حال تم فصله لمجرد شكوى بالتحرش دون ان تكون له سوابق وانذارات وقضايا أخرى فالقرار هنا جائر والله أعلم خصوصا وأنه إرتبط باتهام يشوه سمعته .. يعني مثلا لو تم فصله تعسفيا من دون أي سبب .. بس نادوا وقالوا ليهو أمشى أهلك فالأمر أسهل وأفضل له برغم قساوته بالنظر إلى كونه أحد الرواد بالقناة . انى واي خخخخخ اتمني والله أن يفك الله عثرته ويتجاوز هذه الغمة قريبا سواء كان ظالما أو مظلوما .
