الاحباب فرانكلي وودالباوقة .. بت عمسيب .. قصي .. صديق الغالي .. أين أنتم ؟؟

04:58 PM January, 23 2018

سودانيز اون لاين
علي عبدالوهاب عثمان-جدة
مكتبتى
رابط مختصر

إختلفنا أو إتفقنا فنحن هنا إخوان وأحباب
موالي ، معارض كل الاطياف .. إلخ
وحشتونا ..
باقة الورد لازم تكون مشكلة من كل الالوان لتكتسب الجمال
اللون الواحد والعبق الواحد ليس له طعم .. ولا منظر ..

الكتابة باللغة الفحصى في الاخوانيات غير جاذبة
اللهم ألهمنا باللغة العامية السودانية الجميلة لكي أشارك في بوستات الاخوانيات

ولذلك أطلب الدعم السريع ممن يجيدون العامية لإسناد البوست ..

مودتي للجميع .. اهم حاجة الاخوة ..

شيخ على سلام ممكن تضيف لهذه المجموعة جلالدونا ليهو كم يوم مختفى
تحياتى
يا غالى
وما سأل عنك بلا

منى عمسيب و صديق الغالى..
و فرانكلى وود الباوقة..

كووول ديل فى كفة واحدة ..
و طيب احنا بنعافر عشان نسقط الحكومة لى شنو ؟!

نفتقد بشدة كل من :
سمير كوكو ... اختفى منذ سنوات ...
عبد العزيز عثمان ... اختفى منذ سنوات ...
صلاح الزبير ...
معاوية حسين ...
سناري ...
.
.
.
عساهم بخير ...
.
.

شوف يا حبيب الكل أبو علوة بصراحة أنا ما متفق معاك
لكن لو ربنا يديني معلقة من طيبتك دي أعيش أسعد إنسان
يا سلام عليك من إنسان ياخ

عبد الصمد
تعليقك اوسكار ..اوسكار ..اوسكار
تحياتنا إلى أستاذنا الكبير علي عبد الوهاب
مع وافر التقدير والاحترام

تعليقك اوسكار ..اوسكار ..اوسكار

==================
التحية إبنتنا الاميرة إمتثال ..
أتمنى كمان رجوع باقي الاميرات
كل مداخلاتك في البوستات فيه إثراء

تحياتي الاميرة الامتثال ..

شوف يا حبيب الكل أبو علوة بصراحة أنا ما متفق معاك

==============
حبيبنا عبدالصمد .. مودتي ..
هناك عندنا في البلد في جلسات الترابلة ..
ينتظروا الكضاب والسكران والمستهبل والمتعالي ..
كلهم ناس أهل .. ولكن حلاوة الجلسة والونسة تأتي من هذه التشكيلة
من يحكي قصص خيالية .. ويضخم نفسه
من يفتخر بأنه كذا وكذا
الكذاب ولكن من غير فتن ..
واحد ماخد كاسين كده على خفيف ..
كانت مجالس الترابلة تحت ظل النخيل في منتصف النهار
جدال واخوانيات ختام الجلسة بصحون القراصة وشاي تقيل
حتى في العاصمة أنا لاحظت أن هناك جلسات أمام المنازل و الدكاكين وموقف البصات
يمكن اليوم عند ستات الشاي .. ده السودان .. كل له مجاله ..

شكراً الحبيب عبدالصمد مودتي ..

نفتقد بشدة كل من :
سمير كوكو ... اختفى منذ سنوات ...
عبد العزيز عثمان ... اختفى منذ سنوات ...
صلاح الزبير ...
معاوية حسين ...
سناري ...
================
حبيبنا قسم الفضيل .. مودتي ..
شكراً على تذكيرنا بهؤلاء الاخوان
لكن بصراحة صلاح الزبير كان عامل حراك في المنبر
بالتضامن مع أبوحسين ..
بعض الاخوان لهم مقدرة على تحريك المنبر ( إتفقنا معهم أو إختلفنا )
المهم الآ يكون هناك سكون يقود إلى النوم

شكراً كثير قسم الفضيل الحبيب ..

منى عمسيب و صديق الغالى..
و فرانكلى وود الباوقة..

كووول ديل فى كفة واحدة ..
و طيب احنا بنعافر عشان نسقط الحكومة لى شنو ؟!

================

الاستاذة نور .. تحياتي ..
أكثر إعجابي في كتابتك .. أن مقياسك هو التعاطف مع الكادحين
أما عن الحكومة .. هذا الشعب لا يمكن التنبؤ بما سيقوم به في لحظة ممكن
شكراً أستاذة ..

شيخ على سلام ممكن تضيف لهذه المجموعة جلالدونا ليهو كم يوم مختفى
تحياتى
يا غالى
وما سأل عنك بلا
===================
الحبيب صديق ..
صدقني .. جلالدونا .. بوستاته في إخوانيات وأنا أحب أقرا له
ده صاحب مصطلح ( نوقنتود ) مصطلح من عمق النوبي
شكراً المناضل صديق .. صاحب البرقيات الوطنية

مودتي ..

كمثال :
تخيلوا نشرة أخبار في التلفزيون بدون ( ترامب )
تكون نشرة بايخة جداً جداً ..
مع أن ترامب يرفع الضغط وأسلوبه جارح ولكن برضو ليهو وحشة
عندما زي ترامب في كل حلة وكل جلسة .. يطلق الكلام هكذا بدون تحفظ
ده يغيظ لكن مريح وبدون لف ودوران

تحياتي ..

مقتبس
------------
منى عمسيب و صديق الغالى..
و فرانكلى وود الباوقة..

كووول ديل فى كفة واحدة ..
و طيب احنا بنعافر عشان نسقط الحكومة لى شنو ؟!

================

الاستاذة نور .. تحياتي ..
أكثر إعجابي في كتابتك .. أن مقياسك هو التعاطف مع الكادحين
أما عن الحكومة .. هذا الشعب لا يمكن التنبؤ بما سيقوم به في لحظة ممكن
شكراً أستاذة ..
-------------

انتهى المقتبس

حبيبنا آدم .. مع التحية
شكراً على المرور ..
المهم يرجعوا عشان يحركوا المنبر شوية ..
بريمة وعمر دفع الله هم نجوم هذا الاسبوع ..
مودتي الحبيب آدم