Post: #1
Title: اعتقال محمد مختار الخطيب السكرتير السياسي للحزب الشيوعي السوداني
Author: خالد العبيد
Date: 01-17-2018, 03:30 AM
02:30 AM January, 16 2018 سودانيز اون لاين
خالد العبيد-
مكتبتى
رابط مختصر تم الاعتقال الساعة الثالثة صباح اليوم
حسب افادة ابنته لينا الخطيب
الخبر متداول قبل قليل
نرجو التأكيد
|
Post: #2
Title: Re: اعتقال محمد مختار الخطيب السكرتير السياس�
Author: Asim Fageary
Date: 01-17-2018, 03:41 AM
Parent: #1
شئ متوقع طبعاً يا خالد
هذه ضريبة النضال .. ولكن ليس كثيراً على الوطن أن ندخل الزنازين ونسجن في سبيل تحرير الوطن من هؤولاء
التحية للخطيب وهو في هذه السن المتقدمة يجسد التضحية والنضال
التحية له ولكل من شاركوا في هذا العمل النضالي
عاصم فقيري
|
Post: #3
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 05:52 AM
Parent: #2
عاصم
| Quote: ليس كثيراً على الوطن أن ندخل الزنازين ونسجن |
البشوف النضمي يقول القبة فيها فكي !
معقولة المواطن الخطيب .. ليس معه أي قوة من الحزب ترابط في منزله ؟ .. وتنظيم الكيزان يحرس قياداته حتى لو لم يكونوا في الحكومة.
أليس للحزب الشيوعي أمن أفراد؟ دا معناه لو أي زول زعل من قيادي في الحزب الشيوعي يمشي ليه في بيته بالعكاز .. عادي!
بريمة
|
Post: #4
Title: Re: اعتقال محمد مختار الخطيب السكرتير السياس�
Author: عبدالعظيم عثمان
Date: 01-17-2018, 05:57 AM
Parent: #3
الحرية لسكرتير الحزب الشيوعي السوداني
محمد مختار الخطيب
تضحية كبيرة ستكون مهرا للحريه والإنعتاق والتخلص
من ظلم هذا النظام الفاشل
|
Post: #5
Title: Re: اعتقال محمد مختار الخطيب السكرتير السياس�
Author: Haytham Ghaly
Date: 01-17-2018, 05:57 AM
Parent: #3
Quote: معقولة المواطن الخطيب .. ليس معه أي قوة من الحزب ترابط في منزله ؟ .. وتنظيم الكيزان يحرس قياداته حتى لو لم يكونوا في الحكومة.
أليس للحزب الشيوعي أمن أفراد؟ دا معناه لو أي زول زعل من قيادي في الحزب الشيوعي يمشي ليه في بيته بالعكاز .. عادي! |
افكارك عدائية ومتطرفة جداً يا بريمة
بعدين شنو افراد امن تتبع للحزب دي؟؟؟
دا حزب ما حركة مسلحة
الحرية للخطيب ولجميع المعتقلين
تحياتي يا خالد
|
Post: #6
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 06:08 AM
Parent: #5
أممممك .. يا داب عرفت السبب في الكوار بتاع الأعتقالات ..!
Quote: بعدين شنو افراد امن تتبع للحزب دي؟؟؟
دا حزب ما حركة مسلحة |
يا هيثم، أنتم قاعدين في السهلة ساكت .. معقولة بس ..!! السكرتير السياسي للحزب الشيوعي ليس لديه أمن شخصي؟ بالله يا هثيم لو عندك معلومة متوفرة قولها ..
يا أخي دا يعنى ممكن أي مهوس يشيل عكاز ويمشي يدق زعيم سياسي بقامة الخطيب دق العيش في بيته ..
أقسم بالله دي فضيحة منكم .. يا الحزب الشيوعي ..!
بريمة
|
Post: #8
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 06:16 AM
Parent: #6
ونزيدك يا هيثم ..
نحن البقارة رعاة في الخلا قاعدين نؤمن قيادات القبيلة .. في أوقات الشدة الأزمات .. أنظر ما حدث حينما حاولت قوة الأعتداء علي الشيخ موسي هلال .. شفت الموت اللحمر حصل كيف؟ .. وكل الناس تنصلوا بأنهم لم يقوموا بتصريح لذلك الفعل؟
والله الليلة بس عرفت .. لماذا دفن الزعيم محمد إبراهيم نقد .. نفسه تحت الوطاة .. أو في حجرات مظلمة طوال الفترة الأخيرة من حكم نميري!
أنتم بس مشهوريين بالتنظيم .. لكن ليس لديكم حس أمني خالص ..
الكيزان أخذوا منكم التنظيم .. وفاتوكم بالحس الأمني التنظيمي ..
بريمة
|
Post: #9
Title: Re: اعتقال محمد مختار الخطيب السكرتير السياس�
Author: Haytham Ghaly
Date: 01-17-2018, 06:16 AM
Parent: #6
| Quote: السكرتير السياسي للحزب الشيوعي ليس لديه أمن شخصي؟ بالله يا هثيم لو عندك معلومة متوفرة قولها .. |
الحقيقة لله يا بريمة ما عندي اي معلومة عن هل عندو افراد امن حزبية تحرسه ام لا
لكن لو فرضنا عندو .. هل يعني ذلك انت عايز افراد امن حماية الخطيب يشتبكو مع قوات الامن او الشرطة الجاية تعتقل الخطيب؟؟
وهل الافراد ديل مسلحين ؟؟ يعني الاشتباك دا حا يكون حرب حول منزل الخطيب في حي من احياء الخرطوم؟؟
دا كلام عجيب جداً
ثم انو الخطيب اعتقل من داخل المظاهرة
|
Post: #7
Title: Re: اعتقال محمد مختار الخطيب السكرتير السياس�
Author: Hamid Elsawi
Date: 01-17-2018, 06:15 AM
Parent: #5
أليس للحزب الشيوعي أمن أفراد؟ دا معناه لو أي زول زعل من قيادي في الحزب الشيوعي يمشي ليه في بيته بالعكاز .. عادي!
الأمن يا بريمة مسئولية الحكومة
الامن في البيوت, الامن الغذائي, الامن الطبي, الامن التعليمي
لكن الحول البلد لي غابة و ساحات معارك و قتل و موت غير مؤهل
لأن يحمي الناس, الاعتقالات و الموت ما جديد علي الشيوعيين يا بريمة
و هو شيء متوقع, و هو ضريبة يدفعها الشرفاء من كل الاتجاهات السياسية
الشريفة و ليس الشيوعيون وحدهم.
الحرية لكل الشرفاء في سجون النظام,
الخزي و العار لكل الابواق و الاقلام المأجورة
الخزي و العار لكل من نكس رأسه و باع ضميره
ووقف ذليلاً امام القرارت الاقتصادية الاخيرة و لاز بالصمت.
|
Post: #10
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 06:23 AM
Parent: #7
هثيم ما تقعد للهتافية واللفو والدوران ..
Quote: الأمن يا بريمة مسئولية الحكومة
الامن في البيوت, الامن الغذائي, الامن الطبي, الامن التعليمي
لكن الحول البلد لي غابة و ساحات معارك و قتل و موت غير مؤهل
لأن يحمي الناس, الاعتقالات و الموت ما جديد علي الشيوعيين يا بريمة
و هو شيء متوقع, و هو ضريبة يدفعها الشرفاء من كل الاتجاهات السياسية
الشريفة و ليس الشيوعيون وحدهم.
الحرية لكل الشرفاء في سجون النظام,
الخزي و العار لكل الابواق و الاقلام المأجورة
الخزي و العار لكل من نكس رأسه و باع ضميره
ووقف ذليلاً امام القرارت الاقتصادية الاخيرة و لاز بالصمت. |
أمن المجتمع ليس هو أمن الأفراد .. أمن المجتمع مسؤولية الدولة .. الأمن الشخصي للأفراد .. Body guards شيئ أخر .. نافع كان معنا في كلية الزراعة والبيطرة لديه بودي قارد .. أنت شايف مشاهير السينما لما الواحد أو الواحدة تأتي .. هل الحكومة توفر لها "بودي قارد؟"
أنت بتتكلم في شنو؟ ..
أنا أتفق معكم حينما يأتي أمن للدولة لأعتقال زعيم بقامة الخطيب .. لن يستطع الأمن الشخصي أن يوقف الأعتقال .. لكن علي الأقل يكن ملم بتفاصيل الحدث .. حسي لو جاء زول مغبون ساكت وأرتكب جريمة .. ح تكون مثل أي جريمة وضد أي فرد أخر في نظرك؟
بريمة
|
Post: #11
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 06:28 AM
Parent: #10
هثيم
هل قرأت ما نقله ول أبا خالد العبيد
Quote: تم الاعتقال الساعة الثالثة صباح اليوم
حسب افادة ابنته لينا الخطيب |
أبنة الخطيب .. وليس الناطق الرسمي باسم الحزب .. هو من أعلن أعتقال السكرتير السياسي .. وبنته تكون وين غير المنزل؟ هل هي قيادة الحزب؟
بريمة
|
Post: #13
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 06:43 AM
Parent: #11
وما دام الحزب الشيوعي ليس لديه أمن أفراد شخصي .. وما دام داخل مع الحكومة في حراك سياسي سلمي ..
إذن أذهبوا لذات الحكومة .. توفر حماية .. شرطة .. بوليس يحمي السكرتير العام والسكرتير السياسي .. وقيادات الحزب الشيوعي ..
ما دام أنتم قاعدين في السهلة .. ما عندكم حل غير كده .. تحميكم ذات الدولة التي تثورون ضدها .. عشان يكن هناك محضر موثق لتواريخ الأعتقال والجهات التي قامت بأعتقال قيادات الحزب .. ولا شنو؟
دا لو زول عايز يقوم بأغتيالات سياسية .. بموتر واحد .. وفي يوم واحد .. يلقّط كل قيادات حزبكم ..!
قعدين شدوق وحناجر تكسر الحجر .. وفي النهاية تسلموا راقبكم ذي النعاج ..
أمركم عجيب ..!
بريمة
|
Post: #12
Title: Re: اعتقال محمد مختار الخطيب السكرتير السياس�
Author: هاشم الحسن
Date: 01-17-2018, 06:32 AM
Parent: #3
Quote: معقولة المواطن الخطيب .. ليس معه أي قوة من الحزب ترابط في منزله ؟ ..
وتنظيم الكيزان يحرس قياداته حتى لو لم يكونوا في الحكومة. أليس للحزب الشيوعي أمن أفراد؟ دا معناه لو أي زول زعل من قيادي في الحزب الشيوعي يمشي ليه في بيته بالعكاز .. عادي!
بريمة |
ههههههههها!
والله يا بريمة مرات يا أخوي تحير الما بتحيّر مرّة!!!. نتجاوز عدم تعليقك على صحة وخطأ الإجراء بأعتقال سكرتير منتخب لحزب قانوني معلن بقيامه مثلا بفعل دستوى سلمي علني ..لو أن هذه تهمة.
ولكن ...السؤال...يعني كنت متوقع شنو من سكرتير حزب يمارس عمله السياسي علنا؟ طالما انو اختار ما يختفي تحت الأرض مثلا؟
يعني كان مفروض مثلا تكون لديه مليشيا مسلحة تقاوم الجايين يعتقلوهو؟ إنت مفتكرو بابلو اسكوبار ولّ كيف؟؟؟
ما هو الصادق المهدي مثلا بعتقلوهو بدون مقاومة ..والدقير وإبراهيم الشيخ ... خليك من المساكين ديل..موسى هلال أبو مليشيا برضو ما قاوم الاعتقال!! ول ّالفهم شنو بالضبط؟
وليه ياخي ما فكرت أنو التعرض للإعتقال كما هو من مخاطر ممارسة السياسة في ظل نظم كالإنقاذ، فهو أيضا شكل من أشكال المقاومة السلمية التي يدعو لها الحزب الشيوعي.
|
Post: #14
Title: Re: اعتقال محمد مختار الخطيب السكرتير السياس�
Author: كمال عباس
Date: 01-17-2018, 06:47 AM
Parent: #12
يا بريمة
حتي لو معاه خمسين كادر حماية وجاء شرطيان لاعتقاله فلن يتعرض لهم احد .. وسيذهب معهم للمعتقل وربما يكون مجهز شنطتوا من بدري كمان !!
حكاية يواجهوا القوة المعتقلة. دي ما قاعد تحصل
اما موضوع الخبر وصحته فدا مجرد خبر متداول واكيد ان صح سيصل لقنوات الحزب المعني ليعلن بعد حصر وتجميع. المعلومات اللازمة الا ان للاسر تقديزاتها واحقيتها في كشف مت بحدث لرب الاسرة !!
|
Post: #15
Title: Re: اعتقال محمد مختار الخطيب السكرتير السياس�
Author: Haytham Ghaly
Date: 01-17-2018, 06:57 AM
Parent: #12
هاشم سلامات
بريمة شكلو عندو غباين ضد الحزب الشيوعي واي نجاح لهذا الحزب يفعل به الافاعيل من قلق وحنق وغضب
وباين نجاح هذا الحراك كان حار شوية عليهو عشان كدا هو بقابض في الدلاقين عشان ما يمسك شي على الحزب الشيوعي
لا تبخسو الناس اشيائها يا بريمة .. الحزب الشيوعي نجح فعلاً في تحريك بركة الشعب الساكنة واخذ زمام المبادرة
رضيتم ام ابيتم
* فعلاً الاعتقال كما قال خالد العبيد الساعة 3 (صباحاً)
وكنت اظنها 3 بعد الظهر
فا معليش على الخطأ الغير مقصود
|
Post: #16
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 07:03 AM
Parent: #12
هشام
سلامات ..
أنت بتفكّر مثل هثيم الغالي .. لكن ليس أنا .. أنا ولدت وتربيت في مناطق معلن فيها حالة طوارئ .. جنوب كردفان .. تجد الفريق بأكمله أو القرية تحت حراسة فرسان القبيلة .. نحن نسمي أنفسنا فرسان ليه .. قايلين بالنهار نجوض وباليل ننوم ونشخر مثل اللائي في الخصام غير مبين ..؟
نحن نقوم بحراسة مشددة .. وعلي مدار السنة ..
تجئ تقول لي حزب سياسي .. ويتبنى أجندة قومية ضد حكومة قائمة .. ولا يراقب من يعتدي علي قياداته .. هل هي جهات أمنية .. أو ناس قريعتى راحت ساكت ..؟
حسي أنا زعلان من الحزب الشيوعي .. لو رجعت السودان وشلت عكازي ومشيت للخطيب في البيت .. ح تنتظروا سماحة وصف الدقة من كريمة السكرتير السياسي وبس؟
أنا عايز أفهم .. لا أكثر لا أقل ..
بريمة
|
Post: #17
Title: Re: اعتقال محمد مختار الخطيب السكرتير السياس�
Author: Yasir Elsharif
Date: 01-17-2018, 07:08 AM
Parent: #16
التحية للأستاذ المناضل محمد مختار الخطيب.
أعتقد أنه يظهر هنا مشاركا في تظاهرة الأمس
وهذا خطابه للشعب السوداني وسجل يوم 15 يناير
|
Post: #21
Title: Re: اعتقال محمد مختار الخطيب السكرتير السياس�
Author: Nasr
Date: 01-17-2018, 07:52 AM
Parent: #17
المجد لسكرتير الحزب الشيوعي وهو يتقدم الصفوف
المجد للشيوعيين السودانيين
والمجد للشعب السوداني
أطلقوا سراح المعتقلين السياسين
أطلقوا سراح الشرفاء
|
Post: #18
Title: Re: اعتقال محمد مختار الخطيب السكرتير السياس�
Author: Haytham Ghaly
Date: 01-17-2018, 07:26 AM
Parent: #16
Quote: تجئ تقول لي حزب سياسي .. ويتبنى أجندة قومية ضد حكومة قائمة .. ولا يراقب من يعتدي علي قياداته .. هل هي جهات أمنية .. أو ناس قريعتى راحت ساكت ..؟
حسي أنا زعلان من الحزب الشيوعي .. لو رجعت السودان وشلت عكازي ومشيت للخطيب في البيت .. ح تنظروا سماحة وصف الدقة من كريمة السكرتير السياسي وبس؟ |
عشان كدا يا بريمة قلت ليك انو تفكيرك متطرف وعنيف
ياخي لو لم يحترم ذلك الفرد البشيل عكازو ويمشي لاي زول مغبون منو ويضربو في عقر دارو لولم يحترم القانون
فمن باب اولى للاحزاب وافرادها المنظمين تحت لواءها احترام قانون البلد .. حتى ولو كان هذا القانون وضعته
حكومة وضيعة لا تحترم قوانينها كالانقاذ.
فالمسألة ماها هبتلية ولاها ايدية لانو في قانون بحكم الناس ويجب على القائد الحق ان يحترم هذا القانون
وزي ما قال ليك اخونا هاشم الحسن موسى هلال العندو مليشيات لا يقل عددها عن الجيش لم يقاوم
الاعتقال وجابو جارينو من اضانو .. اها شن قولك في فارسك ؟؟؟
|
Post: #20
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 07:47 AM
Parent: #18
هثيم
فتكم بعافية .. وأتمنى كلامي يجد أذن صاغية من الحزب الشيوعي ..
ما دام الناس في ممارسة حق ديمقراطي .. لماذا لا يؤسس لمسألة الأمن الشخصي في قانون الدولة .. ويتم تأسيس كيفيةتعامل أمن الدولة مع أمن الأفراد .. بغرض تبادل المعلومات ومسألة التسليم والتسليم للقيادات؟
لو لم تقتنع مجموعة الأمن الشخصي بأوراق تصريح الأعتقال .. ليه ما تواجه الأمن .. بعدم قانونية فعله وترفض تسلم القائد المطلوب إلي حين إكتمال البرتوكول المعمول به .. وإلا تشتبك معهم حديد يأكل حديد؟ مش هو شغلهم؟
أنا لا أقبل مطلقاً قائد مثل الخطيب يكون الحزب الشيوعي فاكيهو مثل أي صبي في الحارة ..!
شوفوا غيرها ..
والسلام عليكم ..
بريمة
|
Post: #19
Title: Re: اعتقال محمد مختار الخطيب السكرتير السياس�
Author: هاشم الحسن
Date: 01-17-2018, 07:39 AM
Parent: #16
| Quote: بريمة شكلو عندو غباين ضد الحزب الشيوعي |
صحي يا هيثم عندو غباينو ضد أحزاب كتار فيهن الشيوعي.
لكن ديلاك هو ما داسيهن...فروسيتو مشهودة وقد يجهل فوق جهل الجاهلينا كمان.
أنا بتفهّم تماما حنقو وغضبو من توالي الإهمال وسوء الفهم المقيم في الأدبيات السياسية بخصوص القضايا التي تهم بريمة، بل مرات كثيرة أتفق معه.
لكن توا يا هيثم، شغلانة بريمة الفوق دي، ما شغل غبينة سياسية، دا ظنيتو شغل عبابير حزمنة معتقة قلبت عليهو من دار كردفان
وجقلبت في عروقو خيل الحمية إياها...حمية عقدا القبيلة.
عليك الله شوف بريمة قال| Quote: حسي أنا زعلان من الحزب الشيوعي .. لو رجعت السودان وشلت عكازي ومشيت للخطيب في البيت |
هههههها، طوالي بضربو ٩١١ ويجيبوا ليك البوليس!
انتا يا أخوي قايل دنيا الأحزاب دي مضارب عمرو بن كلثوم ولّ مهدية ولّ شنو!!؟؟
|
Post: #22
Title: Re: اعتقال محمد مختار الخطيب السكرتير السياس�
Author: Biraima M Adam
Date: 01-17-2018, 08:01 AM
Parent: #19
هاشم
| Quote: لكن ديلاك هو ما داسيهن...فروسيتو مشهودة وقد يجهل فوق جهل الجاهلينا كمان. |
دي عقيدة جاهلية .. وقد جبها الأسلام .. والأسلام يجب ما قبله .. والحمد الله ..
أنا لما قلت ليكم زعلان من الحزب الشيوعي .. لا يعنى أنا عندي ثأر مع الشيوعيين أبداً .. ول أبا خالد العبيد عندي من أكارم الأكرمين .. الخلاف السياسي لا يبرر الحقد والكراهية ..
في ظني أي قائد من قيادات الأحزاب يتم أعتقاله يتم بعلم حزبه .. والحزب يعرف الجهة التى يحملها مسؤولية حياة وممات القائد المعتقل .. ولا شنو؟
وإلاّ ما معنى أن تكن تحت حماية حزبية .. وتمارس عملك السياسي ضمن منظومة حزبية تحمي ظهرك من المتقوليين ..؟
يعنى المسألة كوار ساكت .. والناس تتلم وتقول كلام .. وكل زول يتحمل مسؤولية الكلام بصورة فردية؟ ..
في حاجة غلط في تفكيركم ..
بريمة
|
Post: #23
Title: Re: اعتقال محمد مختار الخطيب السكرتير السياس�
Author: Haytham Ghaly
Date: 01-17-2018, 08:19 AM
Parent: #22
| Quote: في ظني أي قائد من قيادات الأحزاب يتم أعتقاله يتم بعلم حزبه .. والحزب يعرف الجهة التى يحملها مسؤولية حياة وممات القائد المعتقل .. ولا شنو؟ |
اولاً منو القال انو الجهة التي اعتقلت الاستاذ الخطيب غير معلومة...؟؟
بعدين اذا في جهات بتعتقل السياسيين المعارضين غير الحكومة دا معناهو العيب في الحكومة
وفي الامن الذي يصرف عليه اكثر من 90% من ميزانية البلد وليس في الحزب
وطبعاً حدثت فعلاً خروقات زي دي من قبل كالاعتداء على الصحفي عثمان ميرغني
ولكن جميعنا يعلم من وراء حادثة الاعتداء هذه ولا اظنك تنكر انها السلطة الحاكمة بعينها
الحماية الحزبية يا بريمة تكون بالمتابعة ومعرفة مكان اعتقالك والاعلام عن اسماء المعتقلين
حتى لا تتنكر الحكومة امام المجتمع انها غير مسؤولة اذا حدث مكروه لأي من المعتقلين
فاااا يتخيل لي تفكيرك انت الفيهو شيء غلط
|
|