اختفاء مفاجئ لعدد من القنوات السودانية منذ العاشر من يناير من اجهزة البث الرقمي ,عدا التلفزيون القومي لانه يبث علي عدة اقمار.
و ذلك بسبب انتقالها الجماعي والمفاجئ لنظام البث الجديد (DVB-S2) الذي جعل مشاهدتها بأجهزة الاستقبال “رسيفرات” العادية مستحيلاً.
Post: #2 Title: Re: اختفاء مفاجئ للقنوات السودانية..الاسباب و Author: Nasser Amin Date: 01-15-2018, 10:53 AM Parent: #1
الخبير الإعلامي شرف محمد الحسن:
Quote: فاجأ عدد مقدر من المشاهدين في السودان باختفاء القنوات الفضائية السودانية من اجهزتهم الرقمية صباح العاشر من يناير ، وتزامن ذلك مع وجود مشاكل اقتصاديه واستنفارات أمنية بسبب التوتر السياسي مع مصر، فظهرت كثير من الإشاعات بهذا الخصوص.
معظم القنوات السودانية الخاصه تبث على تردد يتبع لشركة جولف سات الكويتية وجولف سات تردداتها مشتركة مع نايل سات في مدار متقارب .. المهم المشاهد بيشاهدهم كلهم معاً. للجولف سات وكيل نشط في السودان ويمارس عمله باهتمام فأصبحت القنوات الخاصة تتعامل معه من عدد من السنين وتحولت للتردد المعروف.
المهم، الآن جولف سات نظمت شغلها مع شركة سنط سات في السودان، وعدلت نوع البث من dvbs الى dvbs2 وقدمت إغراء جيد بتخفيض قيمة الاشتراك مع مزايا مواكبة التغيير في البث وهذا الأمر بيتطلب تغيير الرسيفر من الرقمي العادي sd للرقمي العالي الدقة HD.
📌والحصل كالآتي: – اختفت القنوات السودانية من الرسيفر عدا التلفزيون القومي لانه يبث على أقمار كثيره.
– أصبح على المشاهد ان يشتري الرسيفر الـ hd الصغير اذا لم يكن عنده.
الإنتقال من نايلسات والإشاعة بتوفير نص مليار دولار كانت بتمشي سنويا لمصر دا كلام استهلاك لا أساس له من الصحة لأن قيمة البث في القمر سنويا للقناة لا تتجاوز 200 الف دولار وبالتالي قنواتنا كلها لن تصل مبلغ اثنين لثلاثه مليون دولار في السنة.
القنوات الخاصة وقعت في خطأ تسويقي كبير عندما لم تكثف اعلانها بان الانتقال يتطلب تغيير الرسيفر الرقمي القديم.
*أخطأت القنوات الخاصة في تقديراتها عندما لم تعمل دراسة لنسبة المشاهدين الذين يمتلكون رسيفر رقمي hd وبالتالي فقدت عدد كبير من مشاهديها داخل السودان والدول المجاورة خاصة تشاد.
*أخطأت الشركة تقديراتها في التوقيت للانتقال للتعديل الجديد الذي تزامن مع مشاكل اقتصادية واوليات للمشاهد اهم من شراء رسيفر عالي الدقه.
*الإنتقال هذا يكلف البلد تراكم نفايات الكترونيه من الريسيفرات الرقميه العاديه قد يصل عددها الملايين. أيضا الانتقال يؤثر على اقتصاد القنوات الخاصه كون أن الشركات المعلنه تفقد مشاهدين بنسبة مقدره في السودان.
*أظهر التغيير الوجود الهش لوزارة الاعلام و وزارة الاتصالات كجهات منظمة لخدمات او تصريحات الاعلام.
Post: #3 Title: Re: اختفاء مفاجئ للقنوات السودانية..الاسباب و Author: Nasser Amin Date: 01-15-2018, 11:05 AM Parent: #2
مدير الهندسة بقناة الشروق صالح محمد أحمد قال لـ (الصحافة):
Quote: إن الانتقال الي نظام البث الجديد أمر حتمي لا بد منه، وأن العالم كله يتجه الآن الي التقنية عالية النقاء، والي ما بعد الـ (HD). وأكد صالح استمرار بث الشروق بالنظام (SD) القديم على القمر عرب سات، وقال إن إنتقالهم للنظام الجديد على (جلف سات) بهدف مواكبة أحدث تقنيات البث والإنتاج في العالم، والحرص على توفير محتوى يُلبّي طموحات المُشاهد من ناحية الصوت والصورة
Quote: وأعاب مهتمين وخبراء، ما رشح من أخبار عن انتقال القنوات السودانية لتقنية الـ (HD) وقطعوا بأن معظم القنوات السودانية أبعد ما تكون عن هذه التقنية، التي عرفوها بأنها نظام التليفزيون فائق التفاصيل أو عالي الجودة، الذي يتميز بسرعة نقل الصورة وحركتها في التلفزيون فائق التفاصيل تصل الي 60 إطارا في الثانية الواحدة وهي نسبة عاليه جدا لم تكن متوافرة في الأنظمة القديمة وهي سرعة كافيه لإخفاء أي عيوب موجودة في الصورة مثل الظلال وغيرها وهو ما يوفر عرض صورة اقرب الي الطبيعة بالإضافة الصوت الرقمي عالي الجودة أيضا. وأكدوا أن تقنية التلفزيون فائق التفاصيل HDTV توفر للمستخدم خيارات كثيرة ومتعددة منها خدمات الوسائط المتعددة وتصفح الانترنت وعرض مقاطع الفيديو من علي الشبكة ألعنكبوتيه وتصفح البريد الالكتروني وعرض البيانات والصور التوضيحية وتشغيل الاسطوانات المدمجة للصوت والصورة كما تتيح للقنوات التلفزيونية عرض دليل برامجها الالكترونية والتوسع في تقديم خدماتها مثل المشاهدة بالطلب وتوجيه الإعلانات الي فئات ومناطق جغرافيه محددة. (الصحافة) - أمير الشعراني
Post: #4 Title: Re: اختفاء مفاجئ للقنوات السودانية..الاسباب و Author: Nasser Amin Date: 01-15-2018, 11:08 AM
تردد القنوات السودانية 2018 على القمر نايل سات
التردد: 12688. الاستقطاب: عمودي. معدل الترميز: 30000. الارسال: DVB-S2 او تلقائي. التعديل: 8PSK او تلقائي. معامل تصحيح الخطأ: تلقائي.
Post: #5 Title: Re: اختفاء مفاجئ للقنوات السودانية..الاسباب و Author: aosman Date: 01-15-2018, 11:24 AM Parent: #1
الأخ ناصر, المشكلة الكبرى التي نعاني منها في السودان هي الفجائية, أي شيئ بعملوه فجأة بدون مقدمات وإخطار, موضوع زي ده فعلا بحتاج إلي دراسة وإعلان وإنتقال تدريجي وإطاء المشاهد فرصة للإنتقال. بعدين سياسة الأمر الواقع دي ما بتنفع في يومنا هذا لأنه المنافسة عالية جدا والقنوات متوفرة بدرجة تحير المشاهد في أيهم يشاهد. فلمن قناة تجبر المشاهدين للإنتقال إلي نظام جديد, بكل بساطة سوف ينتقل المشاهدون إلي قنوات ثانية.
اخ ناصر سلام عليكم امس حاولت استعيد القنوات حسب المعلومات الاوردتها وانا لقيتا حايمة في الواتس لكن طلعت ما صحيحة وفى النهاية رجعت جميع القنوات من المعلومات التحت دى .... النظام الجديد شكله لسه ما اتطبق ولقيت قناتين منها قناة المنوعات وقناة تانية معلنات انهم متوقفين عشان يتحولوا للنظام الجديد .
Quote: امس حاولت استعيد القنوات حسب المعلومات الاوردتها وانا لقيتا حايمة في الواتس لكن طلعت ما صحيحة وفى النهاية رجعت جميع القنوات من المعلومات التحت دى .... النظام الجديد شكله لسه ما اتطبق ولقيت قناتين منها قناة المنوعات وقناة تانية معلنات انهم متوقفين عشان يتحولوا للنظام الجديد .
سلامات اخ عبد الله حسين امس بالليل استعدت القنوات حسب التردد المذكور اعلاه
فعلاً اخ عثمان , عشوائية و عدم اهتمام بالمشاهدين و سرعة الانتقال تثير الشكوك
Post: #9 Title: Re: اختفاء مفاجئ للقنوات السودانية..الاسباب و Author: علي عبدالوهاب عثمان Date: 01-15-2018, 01:53 PM Parent: #7
حبيبنا ناصر .. فعلاً رجعت قنوات الخرطوم وأمدرمان 11555
أنا مشكلتي قناة الشمالية ( دنقلا ) دخلت القوقل وأكرمني بأشياء غريبة : ما عرف تردد 300000 وإسم قمر غير معروف واحد من أهلنا قال لي سمع القناة تبث في سنط سات .. كان أحسن ( تركينج سات ) ههه
أنا إقتنعت ده ما زمن الترابلة .. أبو تكنولوجيا ظاتو قناة تبث من ضواحي الدنيا .. إتش دي وما عارف شنو كده .. بعدين صور قناة الشمالية نحن حافظنها 100% ما في داعي لـ ( إتش دي ) نخيل ونيل وزراعة والباقي بهائمنا .. وحشتنا الاغاني النوبية والمراكب ..
القناة قللت من نسبة المشاهدة وحتى الاعلانات سوف تنحسر ناس وكالات الشحن من السعودية وغيرها ..
شكراً ناصر الحبيب .. هي العشوائية التي أذهبت بكل شيء في بلدنا
كدي جرًب التردد الجبتو فوق في قمر نايل سات بجيب ليك قناة الشمالية و القنوات الطاشة كلها غايتو ظبط معاي.
و دي هدية خاصة .. وردي , نيل, نخيل و طمبور
Post: #11 Title: Re: اختفاء مفاجئ للقنوات السودانية..الاسباب و Author: علي عبدالوهاب عثمان Date: 01-15-2018, 05:04 PM Parent: #10
حبيبنا ناصر .. بصراحة إنت زول جميل .. الله الله على إلياذة النوبة وردي .. إنجيل الطرب .. رحمه الله هذه الاغنية واحدة من أجمل واعمق وأغلي الاغنيات النوبية وردي هنا يغني للوطن والتراب والديار .. نموذج لشطر واحد من الاغنية مع الترجمة : قال وردي ( أوركوني آمن شونقركو ) ما بعرف بالعامية كويس الترجمة بالفصحى : ( بلدي مياها صافية كالفضة ) هذا جزء بسيط جداً
شكراً كثير ناصر .. طلعتني من جو الشغل نهائي .. خليني أمشى البيت وأجرب القنوات ..
وردي يا ناصر فوق الوصف والاعجاب وخاصة بالنوبية مختلف عن البشر هو من عالم آخر خالص ..
مليون شكر وتحية .. الحبيب ناصر .. لأن هذا التسجيل نادر وبالطنبور كمان .. معناه يومياً حاكون في البوست .. مودتي .. آسف للاطالة ..
Post: #13 Title: Re: اختفاء مفاجئ للقنوات السودانية..الاسباب و Author: علي عبدالوهاب عثمان Date: 01-17-2018, 12:58 PM Parent: #12
حبيبنا ناصر .. شكراً كثير معليش يا الحبيب شغلناك معانا الشغل ده في الريسفر النوع الجديد ؟ أنا يمكن ريسفري قديم .. شكراً
Post: #14 Title: Re: اختفاء مفاجئ للقنوات السودانية..الاسباب و Author: علي عبدالوهاب عثمان Date: 01-17-2018, 05:24 PM Parent: #13
شكراً حبيبنا ناصر دخلت القوقل مئات المداخلات في شكل إحتجاج وصحيح كلامهم .. مثلاً عندنا في الشمالية ولا 10% إتش دي .. المشاهدة سوف تكون زيرو صحيح الناس تفتش علي العيش .. أو .. علي ناس إتش دي
====================== جالس أكثر من ساعة أقرأ في الردود نقلت شوية هنا
وافقاً مع تحديث وتحسين جودة البث التلفزيوني لقناتنا وكافة قنوات باقة سنط سات السودانية ولمتابعة افضل يرجى من مشاهدينا إعادة ضبط جهاز الاستقبال (الرسيفر) الخاص بكم على :
التردد : 12688 الاستقطاب : عمودي معدل الترميز : 30000 الارسال : DVB -S2 او تلقائي التعديل : 8PSK او تلقائي معامل تصحيح الخطأ تلقائي
ابتداء من اليوم 10 يناير 2018
عمار محمد الشيخ عمار محمد الشيخ لمصلحة منو .... منو المسؤول عن زفت سات اكيد اكيد قدم ليكم عرض اقل خدمة اقل عشان يكسب من وراها دم قلب الشعب اللي بجي بعد تعب وجهد اشاهدكم عسي انه يلاقي شي مفيد في قنواتكم الفاشله دي .. اكيد عندو كمية من اجهزة الاتش دي عاوز يستثمر فيها ويبيعها للسودانييين لانو مافي طريقة غير كده بجبر بيها الناس تشتري اتش دي الا بهذا الاسلوب القذر ... اي قذر بس اعلامنا اقذر منو تبا لكم ولمن شايعكم
#حملة_مقاطعة_القنوات_السودانية_الوضيعه Taha Ahmed اولا من تخلفكم وجهلكم كاتبين اسم القمر بالعربي وثانيا بعدم الشرح وعدم الاعتزار للمشاهدين اثبتو لينا انكم ما عندكم اي عقليه تليق بالاعلام ولا عنكم احترام للمشاهدين طلعتو زيكم زي اي مؤسسه فاشلة في البلد الفاشله دي 16 HD ولا نجيب عيشه ب جنيه ولا هو اصلا مواصلات ماف بسبب احتكار الجاز ياخ م عاوزين نشوف غناء سودانيه زاتو غير الرقيص والاغاني وبرامج غير هادفه للاسف الغناء الوحيده الكنت بشاهده وانا مبسوط خلاص يعني اشتروكم ولا بعتو ها ولا الفهم شنو ي محترمين 13
Mohammed Abdelmalk قايتو منتهي الانحطاط وقله الادب بين يوم وليله يغيروا ترددم من غير اي مقدمات ولا حتي اختار ولا اعلان في القناة غايتو خطوة ما مدروسه وما موفقها وعملت خلل وبلبله ماعاديه وكرهت الناس زيادة في القنوات السودانيه ما كل الناس بعرفوا يغيروا الاشاره ولا عندم رسيفير HD اهو الواحد الحمد الله ارتاح من الاغاني الهابطه والجوطها والاسفاف الكان حاصل في قنوات العهر السودانيه حريقه فيها جميعا
Hanan Awooda السلام عليكم ورحمة آلله وبركاته ياجماعه نخنا خارج السودان والقناة دي الوحيده المفيده في البرماج ونزلت التردد ونفس الصوره ومافي شي ياريت تفودنا وجزاكم آلله كل خير 6 Manage LikeShow more reactions · Reply · See Translation · 1w 3 Replies صديق ابراهيم ناعم صديق ابراهيم ناعم يعني شنو نغير التردد وهو عندكم شنو اساسا دة عدم وموضوعية نحنا في شنو وانتو في شنو ياناس الااعلام يخي شوفو مصلحلت الموطن الدمو اتصفا من الدغوطات الفيهو دي وجاين كمان تخلصو عليهو زيادة ياخي في ناس والله ماعندها غير الرسفرات القديمة وقبل دة كلو قنواتكم ز...See More
2àdř Sàlim سودانية 24 من اكثر القنوات السودانيه تنوعيآ وامتعاعآ ومصداقية وشفافيه نجي للشعب انتو ياعالم محابين تتطور الناس دي دايراكم تستمتعو بالمشاهده وبصوره اكتر وضوحآ ياخ العالم شغال بال4K فشنو الناس تستكين وتتصرف تجيب شاشه تجيب رسيفر جديد دي ممشكلتهم وقصة الع...See More
Wstm Sudan خالد بشير خالد بشير هسع الماعندو جهاز hd يعمل شنو يعني وانا ما حاغير اصلا ومادايرة قنواتكم دي هي زاتها مافيها اي حاجه غير غنا وكلام فارغ ونكهة خاصه قديتونا قد بيهو
Mohammad Othman Mohammad Othman سلام عليكم .. الإعلان والتوجيهات ناقصة ... لازم يعلموا الناس بطريقة الضبط بالأمثلة على متوسط الرسيفرات الموجودة في السودان لأن معظم الناس عندهم رسيفرات قديمة Mazza Alsafe Mazza Alsafe في اي شي زايدين العالم كله معدل الترميز 27500 الا انتو السودانيين زايدنو 30000 عيش هو 🐸😂😂😂
Hisham Algaili Hisham Algaili يا ناس سودانية ٢٤ أثبتوا بما لا يدع مجال للشك أنكم غير محترفين مفروض تشرحوا للناس الفي السودان والبره لكن للأسف طلعتوا أي كلام
Alhambate Alfadni Alhambate Alfadni هوي يا ناس في شنو القنوات ما شغاله كل القنوات السودانية والكهربا قاطعه في شنو وبعدين حتي كان انتو دايرين تعملو كده مفروض تورونا من اسبوع علي الاقل
Rammah Sterliny المشكله انوو القنوات نزلت لي SD ما HD ...See More 5 Manage LikeShow more reactions · Reply · See Translation · 6d Mohamed Yoseif Mohamed Yoseif خسائر كويسة لكل القنوات نسبة المشاهدة تكون قلت ب ٥٠٪ اذا ما اكتر تستاهلو ... هي القنوات اصلا ما عندها شعبية الا في السودان واغلب الشعب رسيفرات عادية بتتفخفخوا في شنو زي الزول العايز يلبس بدلة وتحت هدمو معفنة اذا عندو هدوم تحت اصلا
محمد سعد فرح محمد سعد فرح الحاصل شنو نلف الطبق ولا نغير التردد ولا التردد ده علي النايل سات لاني ما لاقي قمر اسمو سنط سات الناس بتسال ومافي زول برد رد واضح w