Post: #2 Title: Re: قلبى دق و معاها يازاهى Author: صديق مهدى على Date: 01-13-2018, 05:40 AM Parent: #1
سلامة قلبك يا جلال بس اعمل حسابك فى السواقة نمن تتجه شمال وسط التلال والجبال وقول يا عالما بالحال انا عندى اطفال ولسع صغير على المرسال وما بقدر اتحمل رؤية الدجال لكن الزمن ورانى شيتا ما فى البال وهذا هو القضاء والقدر على كل حال والحمد لله القلب شغال بس ما بقدر على الترحال لكن الواحد شن بقول فى هضربة الجوال
صديق مهدى على
Post: #3 Title: Re: قلبى دق و معاها يازاهى Author: صديق مهدى على Date: 01-13-2018, 05:45 AM Parent: #1
والله حباب جلال اخا عزيز دايما فى البال لكن شن بقول فى بلد ترامب خلت الكبير والصغير شغال و يا حليل همبريب السودان وبسمة العم والخال
Post: #4 Title: Re: قلبى دق و معاها يازاهى Author: جلالدونا Date: 01-13-2018, 05:59 AM Parent: #3
حباب صديق قال ليها قلبى دق لما شفتك شوف لما شفتك دى بالجنبة التانية قال يا الزاهى تعال زورنى بالله و لو ما زارك قلبك يزيد دققانو شفت المصيبة دى
Post: #5 Title: Re: قلبى دق و معاها يازاهى Author: صديق مهدى على Date: 01-13-2018, 06:08 AM Parent: #4
عليك الله يا جلال خلينا فوق الفيها نار الشوق دى من قومنا مكتوين بيها تخريمة ياخ مالك علينا ههههه صديق مهدى على
Post: #6 Title: Re: قلبى دق و معاها يازاهى Author: صديق مهدى على Date: 01-13-2018, 06:12 AM Parent: #1
Post: #7 Title: Re: قلبى دق و معاها يازاهى Author: ABDALLAH ABDALLAH Date: 01-13-2018, 06:31 AM Parent: #6
حبيبنا جلالدونا ما عارف إن كنت قاصد دقات الفلوب لمحمد كباشى أم لسيد خليفه عموماً هاك واحده
Post: #8 Title: Re: قلبى دق و معاها يازاهى Author: عبدالحفيظ ابوسن Date: 01-13-2018, 06:45 AM Parent: #7
قلب دق وعبقرية شرحبيل احمد انتقاء الكلمة البسيطة المعبرة والاداء بصوته الابح ياخ قلبي دق من اجمل الاغاني التي تثير كوامن الشجن وتعبير موغل في البساطة والمباشرة تلك المباشرة العفوية والخلعة التي تنتابنا لامن نشوف من نحب دون سابق انذار ويضطرب القلب ويحاصرني المجتمع فلا نأخذه بالاحضان ولكن من بعيد بي نظرة حيتك وانت بي بسمة رديت التحية ونحن بس العارفين وكل الحولنا لا سمعو ولا عرفو تحيتنا لبعض تلك النظرة الولهي وتلك الابتسامة التي تقول انها راكبة معانا في ضهر كيوبيد زاتو سرج واحد
Post: #9 Title: Re: قلبى دق و معاها يازاهى Author: عباس محمود Date: 01-13-2018, 06:58 AM Parent: #8
سلامات يا جلال اذا قاصد يازاهية لعبد العزيز داؤود موجودة في اليوتيوب وأذا قاصد قلبي دق لشرحبيل أحمد برضه موجودة
Post: #10 Title: Re: قلبى دق و معاها يازاهى Author: جلالدونا Date: 01-13-2018, 07:13 AM Parent: #9
يا سلام يا شيخى عبدالله سمعتها تلاتة مرات و فى التلاتة مرات يكعبلنى فى نار الغرام قولو قالو لى مشى جوّه قلبى مشى اها عاد شوف جنس المشى ده سيدى و سيد هواى ال يمشى محل ما داير يمشى انا الممشى ليهو
Post: #11 Title: Re: قلبى دق و معاها يازاهى Author: يحي قباني Date: 01-13-2018, 09:32 AM Parent: #10
يا زاهية ليست لعبد العزيز داؤود ...
هي من كلمات و الحان سعادة السفير عبد الكريم الكابلي ...
غناها اب داؤود و غناها التجاني مختار ..
Post: #12 Title: Re: قلبى دق و معاها يازاهى Author: حمد عبد الغفار عمر Date: 01-13-2018, 09:55 AM Parent: #11
زي ما قال ود ابسن شجن عجيب
يا ليتك لو لاقيتني ايام كنت فنان كان بكيتك
Post: #13 Title: Re: قلبى دق و معاها يازاهى Author: Kabar Date: 01-13-2018, 09:59 AM Parent: #11
رماد الذكرى..لو صحاك..!!
كنا ، اتنين مع الأيام ، يا جلال.. وضعنا معاها ، في لمحة......!! عمري قصير...!!
عمرك كم؟؟؟
Post: #14 Title: Re: قلبى دق و معاها يازاهى Author: Kabar Date: 01-13-2018, 10:38 AM Parent: #13
بقايا..رماد الذكرى..!!
عمار السنوسي اشتغل حاجات شرحبيل..ثم اختفت يا جلال....!
ثم بقينا نحن... ناس الليلة..شوفتك مستحيلة...............يااااااااااااااااااااااااااااااااااااااااااااااخ..!
الفكرة شنو يا جلال؟
انت عارف البير و غطاها يا حبيب...!
كبر
Post: #15 Title: Re: قلبى دق و معاها يازاهى Author: محمد حيدر المشرف Date: 01-13-2018, 11:10 AM Parent: #1
وهاك يا زميل
Post: #16 Title: Re: قلبى دق و معاها يازاهى Author: محمد حيدر المشرف Date: 01-13-2018, 11:11 AM Parent: #15
وده سيدها ذاتو
Post: #17 Title: Re: قلبى دق و معاها يازاهى Author: عباس محمود Date: 01-13-2018, 12:42 PM Parent: #16
مشكور باشمهندس قباني علي المعلومة نعم أستمعت لي يازاهية بي صوت الكابلي كثيرا وأبو داؤود ايضا يغنيها .. كنت أعتقد ان الكابلي هو الذي كتب ولحن الأغنية لأبو داؤود
وحياة خوتك يا حمد لي الليلة دموعي بجرن في الاستماع بستمع شرطا قاعد براي اللحن الجميل والكلمات العذبة والاداء بعذبوني عديل كدة ياخ الغناء الجميل دة لو ما اخاف تختوني مع بكري عباس كان قلت ليك تحس بيهو بجي من مكان ما هنا
سلام عباس نعم بس كل المنشور بى موسيقى الجاز لكن المقصود شغل ليه بالكمنجات ياخى لما يقول ليك قلبى دق فى نهاية المقطع و تخش الكمنجات فى اللزمة الثغيرة ديك القلب يطير لا فوق .. يطير و يندق ياخى مافى شك يا زاهية ليها مقاما فى النفوس لكن يا الزاهى دى حاجة غير يه الزاهى تعال زورتى بالله الدنيا بتفرّق و نيرانا بتحرّق حبيبى البريدو سافر وين مشرّق حاجة كده فيها البساطة فى الكلمات البساطه فى اللحن البساطة فى الاداء اها لمّة البساطات التلاته ديل بخلوك غصباً عنّك ترخى اضانك و تفتح قلبك و يزيد الشوق و يزيد حِنّك
مرحب حمد اخونا كبر فى ذات زمان و مكان فى هذا البورد كتب لا نكتب الا ذاتنا و كتر خيرو جا زاير ممكون بالاستحاله شفت الوجع ده كيف و فرضو حبيبن المشرف فى خيط ليك كتب نكتب دواخلنا و برضو شرّف بالزهو و سيّح عواطفنا شيل العبير ده كلو و اقراهو مع مداخلة حفيظ دى
Quote: قلب دق وعبقرية شرحبيل احمد انتقاء الكلمة البسيطة المعبرة والاداء بصوته الابح ياخ قلبي دق من اجمل الاغاني التي تثير كوامن الشجن وتعبير موغل في البساطة والمباشرة تلك المباشرة العفوية والخلعة التي تنتابنا لامن نشوف من نحب دون سابق انذار ويضطرب القلب ويحاصرني المجتمع فلا نأخذه بالاحضان ولكن من بعيد بي نظرة حيتك وانت بي بسمة رديت التحية ونحن بس العارفين وكل الحولنا لا سمعو ولا عرفو تحيتنا لبعض تلك النظرة الولهي وتلك الابتسامة التي تقول انها راكبة معانا في ضهر كيوبيد زاتو سرج واحد
ياخى متل التقول سنّو ده مشى اتدردق و اتمردغ فى طيب دواخلو و جانا كاشح و كاسح ما عندى تعليق يا سنو لانى لو علقت بخربا ليك .الا بس بقول لى حمد تانى حفيظ بى غادى برضو قال ليك .. بكتب لامن ايدى تاكلنى الا بالشايفو ده ده ما أكلان ايد . ده اكلان من جوّه الجوّه ياخى .. محل القلب بدق ياخى
Post: #21 Title: Re: قلبى دق و معاها يازاهى Author: نادر الفضلى Date: 01-14-2018, 10:35 AM Parent: #20
شرحبيل وكابلى معاً .. وكمان حمد الريح .. يا مفترين!