ال 3 راكبات 3 موترسايكل صحراوية مع طواقي الحديد مع شال الرقبة نفس شال ياسر عرفات . قاعدات قعدة تاريخية بي مناطلين الكاكي المرمدة رماد السمين . شاغلتهن وسالتهن عن سبب كل دي البهدلة في سنة الرغيف . لما رفعت كورية الرأس و جدعتها في عنقريب سوق الناقة نزل الشعر لي حنتو تحتو . شعر ذهبي زي شعر قنقر عيش الريف . جبتليهن مع العصيدة كراع خروف مشوية و جردل زبادي بي 7 آب . و عان الحصل .
Post: #2 Title: Re: ثلاثة شابات المانيات يضربن في عصيدة في سو� Author: Asim Fageary Date: 01-10-2018, 08:45 AM Parent: #1
الخواجيات ديل بكتلنك يا عثمان
البوست دا من غير صور ولا شنو ؟
!
Post: #3 Title: Re: ثلاثة شابات المانيات يضربن في عصيدة في سو� Author: MOHAMMED ELSHEIKH Date: 01-10-2018, 08:57 AM Parent: #2
يكونن جايات يتعالجن في مستشفى ام بدة الجديد
Post: #6 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 09:02 AM Parent: #3
هههههها يا محمد الشيخ في مستشفي أمبدة في طفلة ولدوها ناقصة قام أبوها سماها عيشة هههههها
Post: #4 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 08:58 AM Parent: #2
يا اخ فقيري سلام وانشاءالله العام القادم ربك يرقد الرغيف . البوست فيو صور . صور كفاح الشابات الحلوات بي المناطلين الشرطة في الركب وبعض الأماكن مرقوعة. كدي يا فقيري خلي مكان الرقعة والنجيك لي الونسة وكيف الزولات ديل من السودان .
Post: #5 Title: Re: ثلاثة شابات المانيات يضربن في عصيدة في سو� Author: محمد الأمين موسى Date: 01-10-2018, 08:59 AM Parent: #2
Quote: البوست دا من غير صور ولا شنو ؟
قدر ما نصحناهو: الصور قبل الكلام، بس ما فيش فايدة!
Post: #7 Title: Re: ثلاثة شابات المانيات يضربن في عصيدة في سو� Author: أحمد محمد عمر Date: 01-10-2018, 09:27 AM Parent: #5
الصور الصور يا الكنزي
Post: #9 Title: Re: ثلاثة شابات المانيات يضربن في عصيدة في سو� Author: Kabar Date: 01-10-2018, 09:39 AM Parent: #7
زماااااااااااااااااان يا عثمان..! استاذنا الكوميديان ربيع طه..قال: حقو.. نجيب تلاتة المانيات..! نجكسهم.. نعرسهم.. ونخلي ام الحسين تنفسهم..!! يا: ولدن ، جابن تيمان..! يا شلخناهم زي باقي النسوان..!!
القوالة دي كانت سنة 1989..!!
سلام يا ربيع طه..!! سلام يا عثمان..!! كبر
Post: #18 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 05:16 PM Parent: #9
عزيز نا أستاذ كبر سلامات ياخ البنيات خلطن السفن آب بي الزبادي وساطن عليه كم حبة centrum سألتها ده لي شنو ؟ قالت ده multivitamin ومفيد للمشاوير الطويلة في حر أفريقيا . وكشحت في الجردل ملعقتين طحنية من طحنية سعد وقالت لي دي احلي طحنية في العالم . دي halawa tahinia ههههها . واحد كورك كاك . عجبن الخلق البنيات يا كبر . وزول تاني في الركن البعيد قامتبو الشية . كورك يا ناس ياريت كان لأ هسع الإنجليز قاعدين البنات ال 3 ديل يا كبر معلمات في ميونخ وشايلات حكم الطيب صالح حجاب . يا سلا علي الراحل الطيب . البخلي الألمان يحبوا كل ما هو سوداني حتي طحنية سعد .
Post: #10 Title: Re: ثلاثة شابات المانيات يضربن في عصيدة في سو� Author: حيدر حسن ميرغني Date: 01-10-2018, 09:46 AM Parent: #7
كفيل سعودي إتعود يتلَح مكفوله وأصحابه في بيتهم ويأكل أكلهم كل ما يجي يلقاهم عاملين عصيدة ويقعد يضرب يوم ندهو ليهو يجي يتغدا ... لقاها عصيدة برضو - والله تاني ماني ماكل منها مررررة - ليه يا رجَال؟ - زينة والله .. بس امس دخلت الحمام نزَلتها حنش (ثعبان عدييل) - الله يستر على (الجيرمانيات) ديل .. إلا يقعن الخلا
Post: #19 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 05:54 PM Parent: #10
الأخ حيدر ح ميرغني سلامات لا لا ما تخاف علي الجيرمنيات . ماشاءالله عليهن طول وشعر و كرعين ورقة وإسنان زي الفضة .
Post: #14 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 10:58 AM Parent: #7
الأخ أحمد عمر سلامات الصور في الدرب
Post: #8 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 09:37 AM Parent: #5
اخ محمد الامين سلامات جن من ميونخ عبر مصر فرشن خريطة السودان الذي تشرمل في الواطة . قالن بي لغة انجليزية زي طعم حنبق القيزان في صيف الزيداب . ماشين نيالا عبر الفاشر . الكلام لما يمرقق من الرموش المكندكة بي سفاية شارع مصر السودان ما عندك طريقة إلا تتشهد و تنحنح .
Post: #11 Title: Re: ثلاثة شابات المانيات يضربن في عصيدة في سو� Author: Abureesh Date: 01-10-2018, 09:47 AM Parent: #8
"ماشين نيالا عبر الفاشر "
ديل احسن حاجة يودوهم كدباس. حالة كدباسية متأخرة
Post: #12 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 09:59 AM Parent: #11
سلامات اخ أبوالريش يودوهن كدباس ؟ ياخ والله حرام عليك . مش ياخ المفروض يودوهو كدباس وزير المالية ؟ ديل فراشات يازول . كدي يا أبوالريش تابع معانا مشوار العصيدة بي ال 7 آب ثم المارلبورو
Post: #13 Title: Re: ثلاثة شابات المانيات يضربن في عصيدة في سو� Author: Kabar Date: 01-10-2018, 10:14 AM Parent: #11
ايواتا ليك يا اب ريش..!! غربة امسودان ومعانيها الغميسة ياااااااااااااااااخ..! قبل يومين..وانا في الشغل ..في مدينة كألقري..بالغرب الكندي..! زول..سجل حضورو..اسمو مجدي..! بدون ما اشعر..قلت ليهو: السلامو عليكو..الأخ من الشام ولا الأردن ولا سوريا؟
والله يا اب ريش ، الساعةالــ كج لي عينو..بتاعة الغضب السوداني ديك..لمن قربت اغطس تحت الكاونتر يااااااااااااااخ..! وقال لي: انا سوداني يا اخينا..!! ركبي قربت تسيح يا اب ريش..واتماسكت ..وقلت ليهو: اخونا من وين ؟.. قال لي: انا سوداني..من مواليد النهود..!!!
النهود ، يا مجدي يا ود الكــلب..!!..النهود الواحدة دي يا فقر؟..
قال لي ببرود: اي والله..اليومين دي شايف الدولار عمل تلاتين جنيه في الخرطوم..!!
بدون ، ما اشعر ، قلت ليهو: ميري كريسماس يا مجدي..!!
ود اللذينا .. بكل بروود..قال لي: اقول ليك الناس عينها طالعة في السودان..وبرضك بتقول لي ميري كريسماس..!!
أأأأأأأأأأأأأأأأاخ يا عثمان..!
رزاز موية..بتاعة الفنان عمر احساس..!! هل تصدق شاعرتها ، زولة المانية..ابوها ود عم امها..!!
لينا الله يا حبيب..لينا الله ياااااااااااااااااااااااخ..
كبر
Post: #15 Title: Re: ثلاثة شابات المانيات يضربن في عصيدة في سو� Author: Asim Fageary Date: 01-10-2018, 11:42 AM Parent: #13
يا كبر سلام
لكن هي يا شلخناهن زي باقي النسوان .. ولا يا .... سوينا ليهن كلام بريمة داك البقولوا ... زي باقي النسوان
الناس شاطرة في التحريف في المنبر .. قبل يومين في واحد حرف النكتة بتاعت سكين اليوم الأسود
وانت حرفت القصيدة الحلمنتيشية دي
Post: #16 Title: Re: ثلاثة شابات المانيات يضربن في عصيدة في سو� Author: Kabar Date: 01-10-2018, 02:22 PM Parent: #15
كتب عاصم فقيري:
Quote: وانت حرفت القصيدة الحلمنتيشية دي
العزيز عاصم..حبابك
مافي مشكلة يا صاحب.. ممكن توضح لينا التحريف حصل وين وكيف؟..
والأهم يا عاصم ، ممكن تورينا القصيدة دي بالتحديد انتا سمعتها وين ومتين؟..
وهل ممكن تجيب لينا نص القصيدة كامل عشان نعرف مدى التحريف؟..
بالمناسبة يا عاصم ، القصيدة دي لا حلمنتشية ولا الله قال..!!
جيب لينا من وين جبت فكرة حلمنتشية دي؟..
وعشان ما نطير بيك العالي يا صديقي..انا ..ذات ظرف ما..جبت في ليلة واحدة..طارق الأمين ، محمد حسن حدباي و ربيع طه..وبقول عن ربيع استاذي ببساطة لأنو خريج حقوق وكان دفعة قدامي..ومش مهم دفعة وين..! وفي نفس الأسبوع الثقافي : جبت على السقيد ، فتاح السقيد، العاقب محمد حسن ، السمندل ، يوسف الموصلي (كان عندو نزلة برد ، واستجاب لرغبة الجمهور وغني زي الترتيب..!!)..وحتى اللحظة يا عاصم قاعد اتباهي باني أول زول جاب السمندل ويوسف الموصلي والهيلاهوب في جامعة الخرطوم..ولو أي زول عندو مزعم مناهضي خلي يجيبوا هنا..بنجيب شهودنا ويجيب شهودو..!! المهم يا عاصم ، جيب القصيدة كلها ، عشان الناس تعرف وين التحريف حصل..!! يعني حكاية تفك ليك ضرطة بتاعة يا كبر انت حرفت القصيدة الحلمنتشية ولا شنو كده ما عارف..ده حنك عاضي يا عاصم..! جيب نص القصيدة كامل ، واول لحظة انتا اتعرفت على النص ده..عشان الجمهور يعرف حاجة.. وانا ح أجيب نص القصيدة كما سمعتها وحفظتها عن ظهر قلب من سنة 1989 وحتى الآن..!!
وعشان ما نخمك ساكت ياعاصم..ربيع طه كان بيبدأ القصيدة دي بي فكرة خمسة دينكا ، لاقو خمسة حلب ، وخمسة حلب دينكا..ولو عندك فكرة عنها اضبطها يا صاحب وجيب نصها كامل..وماتنسى يا عاصم: ربيع طه وطارق الأمين ومحمد الحسن حدباي كلهم احياء ، ربنا يطيل في اعمارهم..!! وماتنسى ، نص ربيع طه بتاع: ام الحسن ، بتسف وبتسجر وبتسب الدين وبتسدر..!! النص الذي احرجني مع صديقاتي الكانن بيسألن: يعني شنو بتسدر؟.. صاحباتي قاعدات يا عاصم..والأنكي أنو ربيع طه قاعد حي عينو ما اكلها دود البلا..!! اين ، بالضبط حدث التحريف في القصيدة يا صاحب؟ واحد فينا يا عاصم ح يطلع كضاب..وفي شان الأكشن..لازم الأمر دي يتحسم.. أين كان تحريف القصيدة؟.. وعشان ما تخم الناس: الفيرشن الحايم في اليوتوب البيقول عليهو ربيع طه (القصيدة السوريالية)..ده وهم وبيع اوهام ساكت..وربيع طه سكت عن النص القالوا في سنة 1989..!..وفي الحتة دي ن طارق الأمين كان اكثر شجاعة..واجمل من ينقد الحال عن طريق المسرح ، ومسرح الموقف..يعني يا عاصم..ربيع طه صار حاجة تانية خالص..!!
كبر
Post: #17 Title: Re: ثلاثة شابات المانيات يضربن في عصيدة في سو� Author: الفاتح ميرغني Date: 01-10-2018, 04:15 PM Parent: #16
"زماااااااااااااااااان يا عثمان..! استاذنا الكوميديان ربيع طه..قال: حقو.. نجيب تلاتة المانيات..! نجكسهم.. نعرسهم.. ونخلي ام الحسين تنفسهم..!! يا: ولدن ، جابن تيمان..! يا شلخناهم زي باقي النسوان..!!
القوالة دي كانت سنة 1989..!!
سلام يا ربيع طه..!! سلام يا عثمان..!!" --- ول ابا كبر لقيت ذاكرتك من عيار 2 تيرابايت! وفي نفس القصيدة ربيع قال كمان: " حقّو ..نشيل تلاتة من السويد .. نجدعم في المسيد ونشيل تلاتة من المسيد .. نجدعم في نص السقط الشديد يا ناس السويد بقوا زي ناس المسيد أو ناس المسيد: طالبوا وباصرار شديد باعادة صياغة حقوق الانسان من جديد"!
ربيع كان اكثر ابداعاً واخضراراً في ذلك الزمان!
عثمان الفنان اطيب الامنيات لك ومن تحب بعام حافل بالفرح والمسرة.
محبتي
Post: #20 Title: Re: ثلاثة شابات المانيات يضربن في عصيدة في سو� Author: Osman Musa Date: 01-10-2018, 06:48 PM Parent: #17
عزيز نا أستاذ الفاتح ميرغني سلام فاتت عليك قعدة قندهارية المانيوسودانية كاربة و ونسة هجين من هنا ومن هناك . الاسمها هلن حدثتني عن جدها الباحث في علوم الأقطان في نورث كارولاينا . وبعض من الصديقات في الجنوب الأمريكي . ومتكيفة كيف شديد من السودان .
Post: #21 Title: Re: ثلاثة شابات المانيات يضربن في عصيدة في سو� Author: Asim Fageary Date: 01-11-2018, 03:24 AM Parent: #20
سلا يا كبر
هسع يا كبر انت متور نفسك كدا ليه
ياخي التحريف قد يكون من الشاعر نفسه حسب الحضور بذات فكرة انك اتحرجت مع زميلاتك لما سألوك بتسدر يعني شنو
فأنا سمعتها يمكن في ذات الوقت أو الفترة من 1989 إلى 1992 وهي الفترة التي قضيتها في السودان
فكانت كالآتي: يا طهرناهن زي باقي النســــوان
أها ان شاء الله تكون فهمت قصدي .. بس ياخي ايه الأسلوب العدائي دا ؟
مع تحياتي،،،،،
وتاني بوست ونسة فيهو انت ما بدخلو .. عسى لا أسبب لك حساسية .. رغم اني مستغرب جداً من نبرتك !
عاصم فقيري
Post: #22 Title: Re: ثلاثة شابات المانيات يضربن في عصيدة في سو� Author: Osman Musa Date: 01-11-2018, 03:26 AM Parent: #1
ادننا محاضرة طويلة عن أسرار الدخن . هي تحكي عن عظمة الدخن السوداني و ناس تعاين في منطلون الكاكي المشروط .
Post: #23 Title: Re: ثلاثة شابات المانيات يضربن في عصيدة في سو� Author: Osman Musa Date: 01-11-2018, 06:22 AM Parent: #22
يا سلام فرجني في صور رهيبة من ما قامن من ميونخ نص البلد ولأعن مطار القاهرة . الموترسايكلات و توابع الرحلة كأنن مشحونات في نفس اللوفتهانزا . ما لفتت نظري صور القاهرة . لا العتبة لا الحسين لا نيل القاهرة الكحيان . زي ما لفتت نظري صور كرمكول . البنات ديل شافن كرمكول بي عين مختلفة .
Post: #24 Title: Re: ثلاثة شابات المانيات يضربن في عصيدة في سو� Author: Osman Musa Date: 01-11-2018, 04:58 PM Parent: #23
وبر ضو شافن سوق الناقة بي عين مختلفة وضحكن شديد مع القهوة السودانية المدنكلة بالحوايج من هيل و قرنجان مع دخان عود شاف من مسخرة الذباب وحركاتو البايخة . ياخ ذباب المعتمد دايما يحرجنا مع الضيوف . ضحكن شديد في قعدة القهوة و ضحكن أشد لمان جات سيرة الختان الفرعوني و واجب التصدي .
Post: #25 Title: Re: ثلاثة شابات المانيات يضربن في عصيدة في سو� Author: Osman Musa Date: 01-12-2018, 07:04 AM Parent: #24
يا كبر ياخ حديث الختان مقطوع الطارئ انقطع بعد ما فلين السمحة فتحت الجراب وسلت الجيتار ا بورقبة مترين ما كنت مصدق البنية دي وفي ده المكان البعيد و المليان بمشاكل الرغيف . تدندن للأمة المنتظرة الفرج في سماء سوق الناقة . والله يا كبر دندنت بي اغنية وز خليفة ( وي ار آدم بو يز ) خلتنا نحن زاتو نعشم يكون عندنا صوت و كلامنا ينسمع .
Post: #26 Title: Re: ثلاثة شابات المانيات يضربن في عصيدة في سو� Author: Osman Musa Date: 01-12-2018, 12:49 PM Parent: #25
سلت الجيتار و نحنحت أعذب نحنحة في التاريخ . بعد ما وصلت سلك الجيتار بي الكوبس المدروع في شعبة راكوبة مطعم حاجة مقبولة . صوت وعزف وصورة . الجماعة قالوا ده اول ياخد كهرباء من دي الشعبة البخيت السعيدة .
