Post: #2
Title: Re: على هامش البوست
Author: ABUHUSSEIN
Date: 01-09-2018, 09:19 PM
Parent: #1
كرهتنا ......
|
Post: #3
Title: Re: على هامش البوست
Author: محمد المسلمي
Date: 01-09-2018, 09:19 PM
Parent: #1
بدون ماتحلف يامعلم اها منتظرين البعده
|
Post: #4
Title: Re: على هامش البوست
Author: جلالدونا
Date: 01-09-2018, 09:25 PM
Parent: #3
مرحب ابو حسين
بسيطة امشى شوف احلامك الشنو ديك وين
صاحى لى هسى مالك؟
المسلمى
خلاص انتظر
|
Post: #5
Title: Re: على هامش البوست
Author: جلالدونا
Date: 01-09-2018, 09:29 PM
Parent: #4
كل الموضوع .. لفتو نظرى مداخلتين
اها داك الوكت ما قدرت ارد على سيدن
رجعت ليهن تانى بعد قفل البوست
و قلت اجى اتونس مع صاحبن
اصلو لو صدق ظنى
بتكون بداية عمل خير لوجه الله تعالى
|
Post: #6
Title: Re: على هامش البوست
Author: محمد المسلمي
Date: 01-09-2018, 09:30 PM
Parent: #4
منتظر وقاعد
----
غايتوا النجومية حقت 2018 حقتك باردة
|
Post: #7
Title: Re: على هامش البوست
Author: جلالدونا
Date: 01-09-2018, 09:41 PM
Parent: #6
ضاحب المداخلتين يا مسلمى هو اخونا المستنير
اول شى ليهو شكر مستحق
و موقفو فى البوست فعلا كان حكيم
و ما جامل فى قول كلمة الحق
عادل الباهى لو مر على البوست ده و قرا مداخلتك الاخيرة دى
ح يقول مسلمى يا ضلالى يا دجال
|
Post: #8
Title: Re: على هامش البوست
Author: جلالدونا
Date: 01-09-2018, 09:46 PM
Parent: #7
دى المداخلة الاولى
|
Post: #9
Title: Re: على هامش البوست
Author: جلالدونا
Date: 01-09-2018, 09:51 PM
Parent: #8
اها يا مستنير .. قصدى الكلام المكتوب فى البرواز اللحمر
الزول الدفع اربع دولارات ده ما دام عرفتو
عليك النبى تبرنى بى اسمو و عنوانو و رقم تلفونو كان عىدك
مغرود فيهو شديد ياخ
و الدال على الخير كفاعله
|
Post: #10
Title: Re: على هامش البوست
Author: جلالدونا
Date: 01-09-2018, 10:01 PM
Parent: #9
اها يا اخونا منير .. افتكر كده عدانى العيب
واضح و جلى و مفهوم
|
Post: #11
Title: Re: على هامش البوست
Author: محمد المسلمي
Date: 01-10-2018, 03:21 AM
Parent: #10
Quote: ضاحب المداخلتين يا مسلمى هو اخونا المستنير
اول شى ليهو شكر مستحق
و موقفو فى البوست فعلا كان حكيم
و ما جامل فى قول كلمة الحق
عادل الباهى لو مر على البوست ده و قرا مداخلتك الاخيرة دى
ح يقول مسلمى يا ضلالى يا دجال |
ياجلالدونا المستنير ده لو قعد واتحكر واستعمل لمباته الباقية غايتوا لو شافوا الصوفية أظنهم يعلموا طريقة باسمه ويكتبوا اسمه في الرايات وبدل مقدم في الطريقةالكباشية ممكن يكون غوث زي الشيخ ابو السريع داك بتاع مصر 😜😜
-----
ودعمي عادل الباهي ماعليه الا يرفع ليك الراية البيضاء ويبايعك النجم الأوحد ولو كره الاعداء
|
Post: #21
Title: Re: على هامش البوست
Author: سفيان بشير نابرى
Date: 01-10-2018, 01:50 PM
Parent: #7
مع انو ما بحب اتفق مع ابو الحسين دا
لكن أثنى وجهة نظره أعلاه ههههههه.
مشتاقين يا اوغاد
|
Post: #12
Title: Re: على هامش البوست
Author: حاتم إبراهيم
Date: 01-10-2018, 10:40 AM
Parent: #1
| Quote: اقسم بالله العظيم ما قصدى اعيد تدوير البوست |
نوع (البدايات) دي ذكرتني واحد منافق (سمح) طواااالي دي شغلتو!
لو عايز يلف يمين بيولع الإشارة الشمال 
ياتو بوست؟
الفيهو القراد واللباسات داك؟
ولا الكوركت وقلت طفشوهوا في أي مكان ما داير أشوفو؟
Quote: الى جميع الاخوه الزملاء الاعزاء
و متابعى البوست الكرام و زواره من النافذة
تقديرا و استجابة للمناشدات التى عنت بقفل البوست سواء كان بمشاركات هنا
او عبر الماسنجر او بالاتصال الهاتفى او عبر قنوات التواصل الاخرى
اطلب من الاخ بكرى ابوبكر التصرف فى هذا البوست بما يراه مناسبا عدا الطبل
كما ارفق شكرى لكل من ساهم فى هذا البوست بعقلانية رشيدة
دون اذى لزميل او اساءة لأخد
و اعتذارى لكل الزملاء الذين انتاشتهم بعض المداخلات و قولى لهم : هذه ضريبة ان تصدح بكلمة الحق
او تدافع لمنع ضرر او اجتهاذا لحفظ حق سعيتم به لمستحقيه
اكرر الاعتذار ليكم و ليبقى باب الخير فاتحا بفضل اياديكم البيضاء
و دمتم
و السلام عليكم و رحمة الله تعالى و بركاته |
كلو موجود، ومجدول، تكتر كلامك حنواصل هنا ونعيد المشهد الأول من المسرحية
وباقي الفصول.
| Quote: اطلب من الاخ بكرى ابوبكر التصرف فى هذا البوست بما يراه مناسبا عدا الطبل |
ما تقول احذفه عديل ياخ! شنو الرقة والنعومة والملاسة دي
(عدا الطبل!) يعني يسوي ليهو شنو، شنة ورنة ولا ينقلو لأرشيف 2017؟
الغريبة اتحذف مباشرة بعد مداخلتي الجات بعد دي بعشرة دقائق
فهل تكفي عشرة دقائق للاتصال ثم الحديث ثم إجراء الحذف؟
|
Post: #13
Title: Re: على هامش البوست
Author: محمد حيدر المشرف
Date: 01-10-2018, 11:15 AM
Parent: #1
ان شاء الله خير ..
سآهاتف بكري ابوبكر مالك المنبر لوضع حد للاساءات المتكررة والمطاردات التي اتعرض لها في هذا المنبر هنا .. شخصيا متمسك بالكتابة هنا ولكن اذا كان المقابل هو الاساءات المُافق عليها من قبل مالك المنبر (بعد ابلاغه رسميا) .. فحتما يكون التوقف عن الكتابة هو الحل العقلاني الوحيد
|
Post: #14
Title: Re: على هامش البوست
Author: محمد حيدر المشرف
Date: 01-10-2018, 11:21 AM
Parent: #13
*تعديل
المٌوافق عليها من قبل صاحب المنبر وليس المُافق عليها وهي واضحة على اية حال
|
Post: #15
Title: Re: على هامش البوست
Author: زهير عثمان حمد
Date: 01-10-2018, 11:35 AM
Parent: #14
جلجل
تحياتي
أنا كنت نايم هو الحاصل شنو ؟!# بقيت جنك شكوي
سنتك سعيدة
مع ودي
|
Post: #16
Title: Re: على هامش البوست
Author: عمر التاج
Date: 01-10-2018, 11:36 AM
Parent: #14
تحياتي جلال
وفعلا استحققت نجومية العام وتستحق اعلى انواط البورد
وللاسف يبدو انه فاتنا بوست الموسم وسنعمل على الارتكاز عليه حتى وان حذف او قفل.
طبعا الموسم الفات ختمنا بوست جوائز البورد وكان في بالنا جهود اخونا حاتم في تطمير المنبر .. لكن استبعد لشبحيته الظاهره على افعاله..
بس القرادة في مداخلات حاتم هنا مافهمتها .. هو البوست المات برضو فيه قراد
القراد ده لا بفوت لابموت ولا شنو؟
|
Post: #17
Title: Re: على هامش البوست
Author: Yassir Ahmed
Date: 01-10-2018, 12:47 PM
Parent: #1
يا دكتور حيدر لك كل الود والإحترام
لكن معليش أتمنى ما أكون غلطان ، وين إساءة حاتم ليك في هذا البوست؟
الملاحقات دي حاتم ده في ناس فتحت بإسمه أكثر من بوست قاصدنوا عديل وقالوا عليهو حرامي ووو
و أعضاء كتار لاحقوهم وجرجروهم وشتموهم ، ودي حال المنبر والحوارات ، ده يشوتك بي هنا وداك بي هناك ، وكمان في ناس عندها قش قانوني زي حاتم و أبو حسين يديك جوز لمن عجاجتك تقيف بس بدون فاولات .
فيا دكتور ما تكون حساس أكثر من اللازم وخلي البساط أحمدي ، وجدع زي ما الناس بجدع بس ما طوبا يجيب الدم.
ده راي وقلته
|
Post: #18
Title: Re: على هامش البوست
Author: جلالدونا
Date: 01-10-2018, 01:10 PM
Parent: #17
ود المشرف
مرّه فى وين كده ما عارف , الداية غلتت .. دفنت الجنا و خلت التبيعة
ف شنو احتمال تكون غلتت تانى
فما تشتغل بالموضوع كتير
|
Post: #19
Title: Re: على هامش البوست
Author: حاتم إبراهيم
Date: 01-10-2018, 01:36 PM
Parent: #18
كايس البين قوسين، لهثا!
جنس شبك غايتو
ناس تفتش للسماحة لمن تقع في الشوك بوشها
ونيس تفتش للقباحة لمن تقع في النار بقفاها
______
عدا الطبل.
|
Post: #20
Title: Re: على هامش البوست
Author: ABUHUSSEIN
Date: 01-10-2018, 01:43 PM
Parent: #19
| Quote: وكمان في ناس عندها قش قانوني زي حاتم و أبو حسين يديك جوز لمن عجاجتك تقيف بس بدون فاولات . |
عرفنا القراية بالركب لكن كتابة زي دي غلبنا نسميها زاتو ....
و بعدين إنت لسه ما تبت من الشغلانية دي ....؟؟؟؟
نشوف ليك واحد يخجل ليك لأنو البتسوي فيه دا و الله شين...
و إنت ما أظنك من الناس البعرفو الخجل ....
فا شنو ما تجيب سيرة أبو حسين تاني عشان يديك جوز و عجاجتك تقيف ....
|
Post: #22
Title: Re: على هامش البوست
Author: محمد حيدر المشرف
Date: 01-10-2018, 05:29 PM
Parent: #1
الاخ ياسر
عماذا تتحدث بالتحديد؟
ما علاقة كلامي بحاتم؟!
وياتو حته الانت ما شايف انها اساءه؟!
وعجاجة شنو وشلاليت شنو وجديع طوب وفاولات ..
يا سيد انت قايلنا وين بالتحديد؟!
|
Post: #23
Title: Re: على هامش البوست
Author: محمد حيدر المشرف
Date: 01-10-2018, 05:30 PM
Parent: #1
سلامات يا جلال
قمت بمخاطبة الادارة ونشوف البحصل شنو ...
|
Post: #24
Title: Re: على هامش البوست
Author: جلالدونا
Date: 01-10-2018, 06:20 PM
Parent: #23
صدقنى ما موافقك على الاجراء ده
دى ضريبة الكتابة و ابداء الرأى
ضريبة اتخاذ الموقف
ضريبة النجاح
يا ريت ما تشتغل بى طربقة الوهم ده
و يا ريت كمان تتصل بى بكرى و ينسى موضوع مخاطبتك ليهو ده
او لو كلفتنى بالاتصال بيهو يكون احسن
و صدقنى بكرة الحاجات بتمشى صاح
|
Post: #25
Title: Re: على هامش البوست
Author: معاوية المدير
Date: 01-11-2018, 00:01 AM
Parent: #24
هههه،
إدارة شنو يا مشرّف !، الحكاية دي بسيطة جداً يأخ
البيمدليك الطبلة أحشرلو المُفتاح طوالي .
كدي خلونا في المهم، الدفع الـ4 دولآرات مِنو ؟...
|
Post: #26
Title: Re: على هامش البوست
Author: محمد حيدر المشرف
Date: 01-11-2018, 05:56 AM
Parent: #1
ود المدير
و قالو متألم شويه ياخ .. سلامتك وجلال كرامتك
حاصل الحاصل انو ده وحل اسفيري لا ارغب في التواجد فيهو ... آن اوان غسل الايادي والمضي قدما لنكتب عن الوطن والناس والغناء والفن والكورة .. ونتوووونس ياخ ما وسعنا الونس النضيف المعافى في رحاب هذا المنبر .. ونتآلف وننتكاتف ونتوادد فيما بيننا ..ونتقاسم نبقة الاحزان .. شفت كيف .. نمشي نمشي نلقى ..في الضلمة لمبه .. الف ضحمة حلوة ... تسندك بجنبه ... وهكذا ..
|
Post: #27
Title: Re: على هامش البوست
Author: Yassir Ahmed
Date: 01-11-2018, 07:43 AM
Parent: #1
يا دكتور حيدر برضو ليك كل الإحترام لأني بحترمك والله
ثاني حاجة قصدي ليك شوت زي ما الناس بشوتو بس بالنضيف
بعدين يا دكتور حيدر وصية جلالدونا ما تشتغل بيها دفن عديل شوف الناس الكل يوم بقعوا في الطين دين وتلككو زي البقرة المشاترة شتارة لمن (بكماء) وتقوم كل يوم تفارق المراح وتشوف ليها درب جديد وتقوم تقع في الطين وكل يوم ناس الحلة إجروا إطلعوها ، ما دايرة ترنفع من الفيهو ده كلكلو ما في حل إمرقوها من الطين ده إلا إعضوها في ضنبها .
أبو حسين أخير السكات أنا ماشي معاك كويس ما تخليني اولع النار في الزرايب ، بتعرفو ؟
|
Post: #30
Title: Re: على هامش البوست
Author: علي عبدالوهاب عثمان
Date: 01-11-2018, 08:24 AM
Parent: #27
مغرود فيهو شديد ياخ
===
ده لو قعد واتحكر واستعمل لمباته الباقية
====
الفيهو القراد واللباسات داك؟
======
القراد ده لا بفوت لابموت ولا شنو؟
=====
وجدع زي ما الناس بجدع بس ما طوبا يجيب الدم
=====
الداية غلتت .. دفنت الجنا و خلت التبيعة
=====
عشان يديك جوز و عجاجتك تقيف ....
=====
البيمدليك الطبلة أحشرلو المُفتاح طوالي
======
وتلككو زي البقرة المشاترة شتارة لمن (بكماء)
==========================================
عبارات مقتبسة :
حبيبنا الجميل جلالدونا .. أحب مثل هذه البوستات لأنني أدخل نفسي في إمتحانات عسيرة عن مدى فهمي للعامية السودانية من أفواه الناطقين بها ..
فمن المستحيل أحداً مثلنا ان يشارك في مثل هذا بوست بمثل هذه العبارات التي من صعب علينا تركيبها أو حتى فهم بعض منها ..
لذلك نكون دائماً في موقف المتفرج ومن المصاطب .. هذه لغة خاصة لم أجدها إلا في سودانيز ورغم عمرنا والقرب والاحتكاك والصداقة .. لم أسمع باللغة سودانيز في الحوار بين الاخوان ..
وخاصة عندما تكون هناك مناكفات أو إخوانيات .. هي ليست لغة المدينيين مثال ناس الخرطوم .. لأن أحد الزملاء قال أنا من مواليد الخرطوم لكن برضو ما بفهم الكثير منها .
ولاحظت مثلاً ( غلتت .. غلطت ) .. هذه عبارة سوف تزيل عني عقدة (ط) .. ( مغرود ) من غرض .. يعني ممكن ض تكون دال ..
هكذا أنتم تلعبون بالعربية وتحاسبوننا في نطق بعض الحروف (ههه) ناس ضواحي الدنيا ..
حبيبنا جلالدونا ... معليش على تحريف البوست ..
|
Post: #28
Title: Re: على هامش البوست
Author: حاتم إبراهيم
Date: 01-11-2018, 08:03 AM
Parent: #1
المشكلة في ناس ما عندها غير الطبل تمدها
والمفاتيح الكتيرة الشايلها لطبل مفلسة تراكمت عندي، من كتر (التدوير)
وفي طبل ما دايرة مفتاح زاتو، بكشكش ليها ربطة المفاتيح براها بتجي واقعة
هسع آخر طبلة جاتني مفلسة لدرجة ما بتحتاج تدوير ذاتو
بفتحها لكز بس
____
بالكوع.
|
Post: #29
Title: Re: على هامش البوست
Author: ABUHUSSEIN
Date: 01-11-2018, 08:17 AM
Parent: #28
| Quote: أبو حسين أخير السكات أنا ماشي معاك كويس ما تخليني اولع النار في الزرايب ، بتعرفو ؟ |
الزرايب الإنت فيها و ل زرايب تاني ....؟؟؟؟؟؟
أسي البتسوي فيه دا ما أخير منو تحرق نفسك بي نار ......
زي ما قال هناي داك الرجالة تطير ......
|
Post: #31
Title: Re: على هامش البوست
Author: Yassir Ahmed
Date: 01-11-2018, 08:38 AM
Parent: #1
زي ما قلت ليك يا أبا حسين يا أخ العرب
انا كلامي عنك زين السودانية ما زين حقت الرياض ، لكن إنت شابكني قراية بالركب وقراية بالضهر .
هسع يا عمك البسوي فيه إنت ده ما كله وليع نيران شغال فتن .
يا جماعة شوفوا كل مواضيع عمكم ده تلقوها كلها مطاردات للأعضاء وتلميحات ، ما عنده حاجة مفيدة أبدا ، فخليك ساكت بدل تكون إنسان مفتن وتخرب البين الأخوان.
دي مواضيعك
موضوع تعريفي وحاجات تانية حامياني
عصابة الراية البيضاء
الفقر ده
اها الناس استفادت شنو غير كل يوم مولع ليك نار
بعد ده ما زال إنطباعي عنك إنك إنسان كويس والله جد والله جد
لكن عايز ليك إنعدالة من الفتلة دي .
|
Post: #32
Title: Re: على هامش البوست
Author: حيدر حسن ميرغني
Date: 01-11-2018, 08:47 AM
Parent: #31
عايز ليك إنعدالة من الفتلة دي
احسن تخليهو كده
|
Post: #33
Title: Re: على هامش البوست
Author: معاوية المدير
Date: 01-11-2018, 10:18 AM
Parent: #32
Quote: المشكلة في ناس ما عندها غير الطبل تمدها
والمفاتيح الكتيرة الشايلها لطبل مفلسة تراكمت عندي، من كتر (التدوير)
وفي طبل ما دايرة مفتاح زاتو، بكشكش ليها ربطة المفاتيح براها بتجي واقعة
هسع آخر طبلة جاتني مفلسة لدرجة ما بتحتاج تدوير ذاتو
بفتحها لكز بس
____
بالكوع. |
هههههههههه،
يا حبيبي أنا بحب الطِبل المقفلة ؤ مفتاحا ضايع
عشان بحب أفتح بالملآوة . عنيف يعني ...
|
Post: #34
Title: Re: على هامش البوست
Author: ABUHUSSEIN
Date: 01-11-2018, 01:28 PM
Parent: #33
| Quote: لكن إنت شابكني قراية بالركب وقراية بالضهر . |
أنا قلت ليك بالركب .....
قراية بالضهر دي ما عارفها .... جديدة علي ...... هي كيف بالله ؟؟؟؟
|
|