ما سبب عزوف غالبية مثقفينا عن منتديات الحوار ومواقع التواصل الإجتماعي

09:15 AM January, 09 2018

سودانيز اون لاين
حيدر حسن ميرغني-Colombo -Srilanka
مكتبتى
رابط مختصر

قبل إنضمامي للمنبر عام 2005
كنت مبهور جدا من التواجد المُقدَر للمثقفين وأهل الفن والأدب في المنبر آنذاك .
ما دفعني للإنضمام للمنبر ، وجود هذه النخبة التي كنت أتشوق لقراءة ما يكتبون في الصحف اليومية والمجلات الثقافية
فالتشرف بمخاطبتهم مباشرة في بوستاتهم كان بلا شك امرا عظيما خاصة بعد إفتقدت متابعتهم عبر الصحف بحكم البعد عن الوطن
لكن للأسف الشديد تلاشى هذا الحضور تدريجيا وكأنه كان أمرا مقصودا
ما الذي دفعهم للعزوف عن هذه المواقع الأسفيرية؟
هل كان ذلك بسبب عدم شعور بالراحة ؟
أم لعدم تقبلهم للرأي الاخر وهم الذين إعتادوا فقط على الإطراء والمديح من نظرائهم في نفس الصحف؟
خاصة وان المنتديات والمواقع الاسفيرية الاخرى قد وفرت خاصية التعليق على كل ما كانوا ينشرون.
-
تخريمة
بالجد كده الواحد إنخدع في بعضا منهم
الاسافير دي ازاحت الهيبة الكانوا محيطين بيها انفسهم

تخريمة

بالجد كده الواحد إنخدع في بعضا منهم الاسافير دي ازاحت الهيبة الكانوا محيطين بيها انفسهم




سلام أخي حيدر .. لو أكتفيت بهذه العبارة فقط فهذه فائدة كبيرة للأسافير

اهلا اخونا عاصم
فعلا
كنا مغشوشين فيهم
تصدق واحد بتاع مزيكا جادلتوا في حاجة تخص الغناء (نقر الأصابع) تفَهني بصورة عجيبة
لكنه لم يعود للحوش مرة اخرى
ده من النوعية الفاكنها في روحهم

Quote: أم لعدم تقبلهم للرأي الاخر وهم الذين إعتادوا فقط على الإطراء والمديح من نظرائهم في نفس الصحف؟ خاصة وان المنتديات والمواقع الاسفيرية الاخرى قد وفرت خاصية التعليق على كل ما كانوا ينشرون.

سلآمات و اشواقات يا حنين .
الفي المقتبس دا يمكن يكون أقوى سبب في
الأسباب التي أوردتها وأنا أُعوّل عليه تماماً ...

المنتديات السودانيه فيها عيوب وثغرات اداريه كبيره ياحيدر ..المثقف او (المشاهير ) عموما بيكون زي اللاعب المحترف داير قانون صارم يحميه من الضرب والركل الغير قانوني البيحصل داخل الملعب من اجل ايذائه او تعطيله او وضعو في المدرجات (وطبعا ) او من المفترض القانون دا لو وجد او طبق بيكون شامل حتي الهواه ..

فحال المنابر السودانيه اقرب لي حال حكوماتنا فشل وتخبط في ادارة وتنفيذ القوانين

اعتقد من أبرز الأسباب: أن الوقت الذي يمكن استغراقه في التفاعل عبر الأسافير غالبا ما يكون على حساب الإنتاج والإبداع، لذا يفضل البعض التركيز على أعمالهم بدلا من تقضية الوقت في التحاور الذي قد لا يكون مفيدا. وهذا سبب يمكن النظر إليه من الناحية السلبية أو الإيجابية.

الأسباب كتيرة وهذه بعضها:
1. كثير من المثقفين مشدوهين بأسباب المعيشة.. ما لاقيين وكت.
2. اليأس من حدوث التغيير
3. الخوف على تولا من بطش النظام وجواسيسه وعيونه المبثوثة في جنبات المنابر [الدجاج الإكتروني]

بس الطوفان جاي جاي وما رايح يستنى زول..
طوفان فوضى قادم على السودان وهذه هي الإرهاصات داخليا وخارجياطوفان فوضى قادم على السودان وهذه هي الإرهاصات داخليا وخارجيا

ود المدير يامان
أضف إلى ذلك - في الاتجاه المعاكس - هناك من ساهم من عنقالة المبر ايضا في تطفيش المثقفين الحقيقيين

سلام ود ميرغنى من الاخر مواقع التواصل الاجتماعى كشفت الناس
لذا اتضح كل الناس ممكن تكتب لذا ناسك انكشف أمرهم عشان كدى لبدوا ههها

فيسبوك وواتساب وتويتر هم السبب الرئيسي

تخيلوا بالله عليكم
من يرحب بمن
عام 2003

أنا غايتو مع التخصصية
الكاتب أو الشخص المشهور بشكل عام عاوز يتونس مع الناس يتّفّن معاهم في الواطة ويخلي ابداعه في البيت
لكن ما ممكن واحد كاتب قصة عميقة مرمزة غير صالحة للرجرجة والدهماء أمثالنا ويجينا عشان نناقشه في قصته !
النقاش في الأدب مفروض يكون حق النقاد بالمقال والرد بمقال .. موش بالدافوري بتاعنا دة
منتديات الحوار بتساوي الكتوف ودي حاجة ما كويسة في حق الشخص المهم أو المشهور لأنه مفروض تكون في مساحة كافية بينه وبين الجمهور
الأديب والمفكر بخسر كتير لو خاض صراعات صغيرة مع بوردابي عاوز يظهر على حسابه أو شخص قارش ملحته ساي كدة جاري وراهو من بوست لبوست .. في ناس مارقين للريبة والتلاف لكن المفكر دة عندو ما يخسره وحريص على إنه حرفه يتوزن قبل ما يطلع بالتالي المعركة ما بتكون متكافئة
يعني أنا عنقالي عندي رأي في قصة الأديب حيدر مفروض ينطرح ويتناقش مع العنقالة أمثالي .. لو شعرت لي بي حبة ثقافة بمشي أنشرو في الحوار المتمدن ولا سودانايل
لكن ما ممكن بسبب إنه بكري ساوى بيني وبين الأديب حيدر في الباسويرد أقوم أجي أطلع روحه بنقاشات ما بتتناسب مع مستواهو وبعيدة عن الفكرة الأساسية بتاعته العصية على العنقالة أمثالي

إنا لله ياخ
أي مجد ران صدر هذا المنبر .. زماااان
الخاتم عدلان
له الرحمة والمغفرة

الأعزاء
معاوية
محمد الامين
ياسر
هاني
احمد عمر
اتفق مع ما جاء في مداخلاتكم
المنابر فعلا مساحة جيدة للتفاكر في كل شيء
للاسف الشديد مثقفينا حرمونا من محاورتهم
مرات بمشي اتاوق في صفحات خاصة بأدباء ومفكرين غير سودانيين
اطالع تعليقاتهم وردودخم على محبيهم .. يتملكني العجب من مثقفينا

تحياتى الاستاذ حيدر ..

فى تقديرى ان التفاعل المباشر مع الاخرين يزيد الكاتب او الاديب او الروائى خبرة ثرة و بعد مختلف ..

ضرورة ال Feed back محفزة جدا للكتابة و الابداع ..


اشكرك

نعم اخي الطيب
وده هو الشيء المفروض يجعلهم مداومين على التواصل مع الاخرين
زرت صفحات روائيين مصريين وشوام في الفيس بوك وتويتر وسررت من عدد المتابعين لهم (بالمليون)
أكيد للتفاعل اثر في كتاباتهم.
-
تجد عندنا فنان او فنانة عاديين جدا يحظون بمتابعة الملايين

سلامات حيدر يا حبيب

تعرف نحنا كمجتمع أصلا نافخيـن الناس علي الفاضي
زي نفخ أبان كراتيـن "ثقافة مجتمع" ترتكز علي الإنبهار
ويجب أي واحد يصنع هالة حول زاته من الأهمية والمكانة " معنويا"
والمجتمع نفسه النفخ الناس ديل يتململ وما قادر يحتمل غرور
وتعالي الناس النفخهم من البداية ..
عزوف أو تفاعل الناس ديل يا حيدر مافي زول جايب خبره

شكرا يا حيـدر

شخصياً كنت سأعير العزوف أو المشاركة اهتماماً لو أن لها مساهمة في التنوير

أو في تعريف افراد الشعب بحقوقهم أو في قيادة توجهات الشعب نحو الافضـل

صاحب البوست سلام
نحن كشعب سوداني لا نتقن الديمقراطيه قبولاً وتعاطي
واحد حكي قصه في البوست ابو سبعه صفحات (شقة مصر) اظن هو ابو الريش
قال الفرد في دول الغرب يعرف يفصل بين شخصيته ووظيفته.
ولاحظت ذلك مثلا كاميرون انتشرت له صور إعجاب في الاسافير العربيه
عن تواضعه وتعامله الشخصي وهو رئيس دوله عظمي ...
انا واحد من الناس قدر ما حاولت اتقمص ذلك غلبني آي والله غلبني
لازم اشيل معاي صفتي الوظيفه او المؤهل العلمي معاي في حلي وترحالي
وهكذا نحن ...
عشااان كدا عندنا مثل يواسي ويعزز هذه الشخصيه المتنقله بأثقالها
المثل (المابيعرفك يجهلك ) يلا اقدل فيوق خيلائك ...
:
:
:
:
:
:
مع التحيات لله الزاكيات

Quote: كنت مبهور جدا من التواجد المُقدَر للمثقفين وأهل الفن والأدب في المنبر آنذاك . ما دفعني للإنضمام للمنبر ، وجود هذه النخبة التي كنت أتشوق لقراءة ما يكتبون في الصحف اليومية والمجلات الثقافية فالتشرف بمخاطبتهم مباشرة في بوستاتهم كان بلا شك امرا عظيما خاصة بعد إفتقدت متابعتهم عبر الصحف بحكم البعد عن الوطن

الخلل بدأ من هنا يا حيدر!
مخاطبة الأديب أو المبدع في المنابرالاسفيرية او حتى الحياة العادية لا تزيدك شرفا ولا عدمها يقلّل منه
بالإضافة لما ذكره الزملاء

تحياتي أخي حيدر وضيوفه وضيافته
لفت نظري البوست لانه معني بتطوير
الحوار في المنابر وهذا شيء ضروري
وليس الغرض منه تقريع بعض مثقفينا
كما قد يفهم البعض
اتفق فيما طرح من ان أسباب العزوف
متعددة منها الظروف الخاصه ومنها غير
ذلك مما طرح
لكن لابد من الاشاره الي ظواهر عامه
معيقه في الثقافة العامه
حكي لي شخص مصري اعرفه كان قد تزوج
كنديه من أصل فرنسي ما زال اَهلها يقيمون
في محافظه كيبيك
وزوجته متصالحه مع الاسلام وتحولت اليه
حكي اَي انه بعد زيارته الأولي لمصر
ان زوجته اصابتها الصدمة من ظاهره منتشره
في المجتمع المصري اذ قالت انها وأثناء عزومه
نظمتها مع زوجها لأقاربه واصحابه
كانت طريقه المخاطبة العاديه كما يلي :
' ليه اتاخرت يا دكتور '
' والله مريت علي الميكانيكي يا باشمهندس '
واضافت يستمر الحوار بهذه ألطريقه المتكلفة
طوال الوقت
الصدمة سببها الخلط بين مكان العمل والبيت او المجتمع
استحضار الألقاب من مكان العمل ليس احترام في المخاطبة
كما قد يتبادر الي الذهن
يعد ذلك سبب صدمه الزوجه الأجنبيه في المجتمعات المصريه
(طبعا الظاهره لا اقتصر علي المجتمعات المصريه)
هذا الخلط بين مكان العمل والمجتمع يضر بشفافية
الحوار وعفويته بشكل كبير
كما انه يساهم في تغذيه ال ذات ego
لدي كثير من المتعلمين وهو شيء ضار جدا
ب (المعرفه ) في مجتمعات تعاني من مشاكل
التعليم القائم علي التلقين

Quote: الصدمة سببها الخلط بين مكان العمل والبيت او المجتمع استحضار الألقاب من مكان العمل ليس احترام في المخاطبة كما قد يتبادر الي الذهن

يا طلعت إنت ختيت يدك في حتة الوجع

المجتمع عندنا عاشق للألقاب .. وأبان شهادات كرتويتة عاوزين
المجتمع يعمل ليهم الهليلة والعظمة دي في الفارغه والمليانة
عشان كدا مرات بتلقي زول يغضب إذا ناديته بي إسمه غير مسبوق باللقب الفخم
وعادي في الحلة أم الدكتور وأخت الباشمهندس وبيت ناس جنابو في الناصية
والسفير ود حلتنا والقصص التعبانة دي ... المرض دا عندنا برضه مصر ما براها
ونحن أصلا حاجات أغلبها جات مصر

وددت أضافه شيء اخر مهم يتعلق
بتطور الأفراد والحوار الجمعي معا
خاصه ان التجربه تشير الي كوننا كسودانيين
ربما نكون أفضل كافراد وليس كمجموعه
ونحتاج الي تطوير مقدراتنا الجماعيه
' القناعه ' بمعني complacency
شيء ضار بينما نحن نعتقد انه قيمه ايجابيه
كذلك نمجد الطمأنينة علي القلق
لاعتقادنا بأنها احد مكونات السعاده
صحيح انها كذلك كحاله 'موقته'
القناعه والطمانية الفكريه او الماديه
تضر بالطموحات المشروعه ماديه
كانت أم معنوية وتدفع الذات الي التخندق
في القناعات بدلا عن الانفتاح علي الآخرين
خذ مثالا مفهومي التدين مقابل العلمانيه
ليس من العيب تبني موقف مدافع عن أيهما
في رؤيتنا للعالم والمجتمع من حولنا
ولكن هذا الدفاع وحتي يكون معقولا
لابد ان يكون في تقديري منفتحا وفِي حدود
الاحترام لان (الإشباع المادي والروحي )
او الامتلاء (fullness ) المعنوي ان شئت
ليس حكرا علي أيا منهما
فهو حاله يمكن ان تتحقق لأي شخص
غض النظر عن موقفه من التدين
أنا هنا اتحدث عن ضروره المرونة والشفافيه
حينما نتعامل مع قضيه التدين
اتيت بها كمثال فقط
التطور الذاتي لابد ان يمر عن طريق
هز القناعات باستمرار
وهي تجربه نفسيه مريره ومقلقه
لكنها تجربه واجبه الاستحقاق

نحن عفويين أكتر من اللازم وفينا طبع البداوة غالب
عشان كدا بنمارس الوصاية علي المبدعين وبننصب لهم المشانق أحيانا لما يتأخذوا بعض المواقف في حياتهم
زي ما بعضنا أساء للمراحيم صلاح أحمد إبراهيم والطيب صالح علي سبيل المثال لما قبلوا بتكريم الحكومة لهم

الأخ عبد العظيم
شكرًا علي تسجيل الاتفاق
والتعليق والاضافه
أكرر اتفاقي مع اخرين في تعدد
أسباب احجام كثير من المعلمين عن الكتابه
في المنتديات العامه واعتقد ان الكبرياء بمعني
ال ego احد الأسباب المهمه
صحيح ان هناك بعض الأجلاف الذين
لا ينددون في توجيه عبارات جارحه
لكن الانسحاب من المنتديات تخلي عن وأحب
لا يقل عن واجبات اخري كالبيت والعمل الخ
اذا توفر الزمن وأحسن استغلاله

سودانيز اونلاين عالم جميل التقينا فيه تعارفنا تآلفنا عبرنا عن انفسنا
تناقشنا اتفقنا واختلفنا وعزر بعضنا البعض في الغالب
امتدت علاقاتنا عبره كان متنفساً وبوابه كثيرين منا قدمتهم سودانيز للعالم
وكانت سبب في معرفة الناس بهم وبابداعاتهم ومواهبهم وتميزهم
سودانيز كانت سبب في وظائف وفتحت ابواب رزق وعمل و ساندت ودعمت واقالت عثرات
سودانيز بيت كبير ووطن وسع الجميع اعطى بلا من ولا اذى
سودانيز اشراقه في عالم الاسافير
لم يتوقف عطاؤه على اعضاؤه بل تمدد عطاؤه للسودانيين وللوطن
وكان ملاذ ومصدر معلومة تلاقحت فيه الافكار قدم السودان للعالم واصبح مرجع للباحثين
سودانيز مدرسة وجامعة وقعدة اجاويد سودانيز تراث وثقافة ولمة ناس وونسة
سودانيز نفير واغاثة ملهوف سودانيز وطن
ولكن رغم كل ذلك هجره البعض وضاقت صدورهم من نقاشاته وحواراته واثروا السلامة بالبعد
وهل نترك دارنا اذا اختلفنا او احتد معنا احد ساكنيها ؟ فلماذا اذاً نترك سودانيز ؟
واخرين تكبروا على سودانيز بعد ان رفعته وظن ان بغيابه ستنطفئ نار سودانيز
ومجموعة ظنوا انهم قادرين على صناعة صرح مثل سودانيز من خلال منتديات الترتر (الحقوق محفوظة لود البشرى
او عادل الباهي ما متزكرة )
وعندما فشلوا حقدوا وحسدوا وعملوا جاهدين على تفريغ سودانيز وبقو يألبوا في الناس على بكري وسودانيز
وفي ناسو ديل من الاوائل اعتبروا انهم صفوة سودانيز وما لازم يشاركهم فيه ناس تانين فحردوا لاضافات العضوية
والناس النرجسية وناس لا اريكم الا ما ارى ولا رأي يعلو على رأيي ديمقراطية معدومة وعاوزين كل الناس تطبل ليهم
وتمدحهم ويشكروهم ودي كانت صعبة في منبر عام فبرضو ابتعدوا
وفي ناس ملت وزهجت من الكتابة والنت وفي ناس انشغلت
وفي ناس اتعرضوا لي اساءات وما قدروا يتحملوا فأثروا السلامة والهروب
وفي ناس الشلليات جاملوا الممتنعين
وبكري ذاتوا مرات معيارو بفلت وبتسبب في المغادرة
والغريبة انو الناس كلها منخرطة في كيانات ونشاطات وقروبات على السوشيال ميديا بي اسم سودانيز اونلاين
وبقدموا نفسهم في المجتمع باعتبار انهم كتاب في سودانيز
الناس المواصلة الكتابة في سودانيز عادي وطبيعي
لكن الناس البقى عندها راي في سودانيز وممتنعين عن الكتابة فيهو
معقوول لكن !!!
معليش انا كتبت الحقيقة بدون تجميل وتزييف للحقائيق
وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر
بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا
وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات


** سـودانيزاون لاين **** سـودانيزاون لاين **

سلام يا حيدر

أنا شخصيا مؤمن بفارق الامكانيات بين الناس في أنشطة الحياة المختلفة

مسألة يكون في كاتب متميز عن بقية الناس دي حاصلة
صحيح ما بتديه قدسية لكن كمان يجب أن تكون مجادلته بدون تجاوز (للعبقرية البتميزو)
وبأسلوب يحفظ ليهو اجتهاده في تجويد كتابتو وما يفدمه من أفكار تستعصي على العامة

شوف نوع العينه دي يا حيدر البتكتب ليك كل يوم بي اسلوب جديد وخط كتابه مختلف .. يوم مثقف ويوم جاهل ويوم طبيب ويوم بتاع حقوق انسان ويوم صعلوق ساي دي من العناكب النتيه البتكرة المبدع وغير المبدع انو يكتب في موقع عام بيسمح بي هذه الممارسات

Quote: سودانيز اونلاين عالم جميل التقينا فيه تعارفنا تآلفنا عبرنا عن انفسنا تناقشنا اتفقنا واختلفنا وعزر بعضنا البعض في الغالب امتدت علاقاتنا عبره كان متنفساً وبوابه كثيرين منا قدمتهم سودانيز للعالم وكانت سبب في معرفة الناس بهم وبابداعاتهم ومواهبهم وتميزهم سودانيز كانت سبب في وظائف وفتحت ابواب رزق وعمل و ساندت ودعمت واقالت عثرات سودانيز بيت كبير ووطن وسع الجميع اعطى بلا من ولا اذى سودانيز اشراقه في عالم الاسافير لم يتوقف عطاؤه على اعضاؤه بل تمدد عطاؤه للسودانيين وللوطن وكان ملاذ ومصدر معلومة تلاقحت فيه الافكار قدم السودان للعالم واصبح مرجع للباحثين سودانيز مدرسة وجامعة وقعدة اجاويد سودانيز تراث وثقافة ولمة ناس وونسة سودانيز نفير واغاثة ملهوف سودانيز وطن ولكن رغم كل ذلك هجره البعض وضاقت صدورهم من نقاشاته وحواراته واثروا السلامة بالبعد وهل نترك دارنا اذا اختلفنا او احتد معنا احد ساكنيها ؟ فلماذا اذاً نترك سودانيز ؟ واخرين تكبروا على سودانيز بعد ان رفعته وظن ان بغيابه ستنطفئ نار سودانيز ومجموعة ظنوا انهم قادرين على صناعة صرح مثل سودانيز من خلال منتديات الترتر (الحقوق محفوظة لود البشرى او عادل الباهي ما متزكرة ) وعندما فشلوا حقدوا وحسدوا وعملوا جاهدين على تفريغ سودانيز وبقو يألبوا في الناس على بكري وسودانيز وفي ناسو ديل من الاوائل اعتبروا انهم صفوة سودانيز وما لازم يشاركهم فيه ناس تانين فحردوا لاضافات العضوية والناس النرجسية وناس لا اريكم الا ما ارى ولا رأي يعلو على رأيي ديمقراطية معدومة وعاوزين كل الناس تطبل ليهم وتمدحهم ويشكروهم ودي كانت صعبة في منبر عام فبرضو ابتعدوا وفي ناس ملت وزهجت من الكتابة والنت وفي ناس انشغلت وفي ناس اتعرضوا لي اساءات وما قدروا يتحملوا فأثروا السلامة والهروب وفي ناس الشلليات جاملوا الممتنعين وبكري ذاتوا مرات معيارو بفلت وبتسبب في المغادرة والغريبة انو الناس كلها منخرطة في كيانات ونشاطات وقروبات على السوشيال ميديا بي اسم سودانيز اونلاين وبقدموا نفسهم في المجتمع باعتبار انهم كتاب في سودانيز الناس المواصلة الكتابة في سودانيز عادي وطبيعي لكن الناس البقى عندها راي في سودانيز وممتنعين عن الكتابة فيهو معقوول لكن !!! معليش انا كتبت الحقيقة بدون تجميل وتزييف للحقائيق وانا بناشد كل الناس دي انها ترجع سودانيز وتعيد النظر في قراره بعدم الكتابه وتتحمل بعض وما ح نخسر بل ح نكسب معارف زيادة وسعة صدر وتحمل وبرضو نرد ونحفظ الجميل للصرح الجمعنا وقدمنا وكمان بطلب بكري يراقب معيارو في ادارة المنبر والاضافات وتثبيت البوستات ويقلل المجاملات ** سـودانيزاون لاين **** سـودانيزاون لاين **

لكن الانسحاب من المنتديات تخلي عن وأحب 
لا يقل عن واجبات اخري كالبيت والعمل الخ 
اذا توفر الزمن وأحسن استغلاله
بالضبط كده ياطلعت .. وهذا ماعنيته ( خلاصة البوست)
ليس بالضرورة ان ينشغلوا كليا بالمنتديات ، لكن حضورهم وتفاعلهم واجب يعلي من شأن الكثير من الاشياء ..
احترم الشاعر فضيلي والاديب بشرى الفاضل جدا جدا لانهم رغم زمنهم الممحوق يشاركونا افكارهم وهمومهم متى ما توفر لهم الوقت ،

Quote: شوف نوع العينه دي يا حيدر البتكتب ليك كل يوم بي اسلوب جديد وخط كتابه مختلف .. يوم مثقف ويوم جاهل ويوم طبيب ويوم بتاع حقوق انسان ويوم صعلوق ساي دي من العناكب النتيه البتكرة المبدع وغير المبدع انو يكتب في موقع عام بيسمح بي هذه الممارسات

شوف المطاردات والاستقصاد دا يا بكري ابو بكر
دا القلت عليهو راقي
جاري وراي من بوست لي بوست
في حين اني ما برد عليهو ولا شغاله بيهو ولا بتداخل معاهو
ولا بعرفوا هو شنو ولاوعاوز مني شنو
جاري ورأي من بوست لي بوست
!!!!!!؟

Quote: شوف نوع العينه دي يا حيدر البتكتب ليك كل يوم بي اسلوب جديد وخط كتابه مختلف .. يوم مثقف ويوم جاهل ويوم طبيب ويوم بتاع حقوق انسان ويوم صعلوق ساي دي من العناكب النتيه البتكرة المبدع وغير المبدع انو يكتب في موقع عام بيسمح بي هذه الممارسات

😂😂😂😂😂😂
الباسورد دي امس كانت شغالة شتيمة ... اليوم بقت مسكينة ....😂😂
معاوية ارجع لي بوستات 2008 و حا تشوف العجب ....

حيدر يا وهم بجيك بي مهلة ...

سلام للجميع ...

Quote: الصدمة سببها الخلط بين مكان العمل والبيت او المجتمع استحضار الألقاب من مكان العمل ليس احترام في المخاطبة

اتفق معاك يا طلعت وعبدالعظيم..
بس إعتقد دي سبب لأزمة كبيرة شاملة
لكن لا اعتقد أنها ساهمت فى عزوف المفكرين و الكتاب عن مواقع التواصل الإجتماعي او البورد (سودانيزاونلاين)...
مسألة التخاطب بالألقاب دى مسألة مزعجة جدا..
ياريت يوم القي وقت أنقل التجربة السويدية فى التخلص من الالقاب فى المخاطبة..
قبيل زميلة فى الشغل قالت لى تعرف قابلت فى الحلاق منو؟
قلت ليها قابلتى منو؟
قالت لى ستيفان لوفين..
ستيفان لوفين هو رئيس وزراء السويد ولو قابلته ما مكن ابدا تقول ليهو يا سيادة الرئيس بل تخاطبه بإسمه مباشرة..
فى السويد ما عندنا يا سيد او مستر او يا سعادتك او يا دكتور او يا بروف او يا باشا او يا مولانا او يا شيخنا او يا معلم..
المخاطبة هنا بالأسم فقط حاف من غير اي زيادات

المثقف الحقيقى لا يتميز على الناس ولا يميز بين الناس..
برضو اخير من جيراننا فى الشمال.. تقرأ فى اعلانات جرائدهم مثلا
تم عقد قران المحاسب احمد على المهندسة عواطف.. هل هذا زواج ام وكالة توظيف؟
اعلم علماء الارض هو البرت أينشتاين.. هل قرات يوما ذكر اسمه د. أينشتاين؟ بالعكس فان حرف الدال يقلل من قدره اكثر مما يعليه.. رغم انه حصل على الدكتوراة من اعرق الجامعات ولم يشتريها من سوق تمبول.

Quote: مسألة التخاطب بالألقاب دى مسألة مزعجة جدا.. ياريت يوم القي وقت أنقل التجربة السويدية فى التخلص من الالقاب فى المخاطبة.. قبيل زميلة فى الشغل قالت لى تعرف قابلت فى الحلاق منو؟

تعرف يا سيف مش مزعجة وبس
الموضوع دا إستنكاح من المتعلمين في المجتمع
ومحاولة للتميز علي حساب باقي الناس
الموضوع تكسب إجتماعي ما عنده أي علاقة بالإنتاج المعرفي
أو بالمساهمة المجتمعية , كل واحد خاتي لقب قدام إسمه زي بيرق عربية المراسم
عاوز يقتحوا ليه الطريق ويقعدوا قدام ويخلوه يتكلم أول
وهكذا يصنع المجتمع أصنامه التي تتوشح بالألقاب وتتكسب بها

هسه (ورأي) ديل لو خليتي الزول الاول ردا لي كان كتبا صاح

Quote: شوف المطاردات والاستقصاد دا يا بكري ابو بكر دا القلت عليهو راقي جاري وراي من بوست لي بوست في حين اني ما برد عليهو ولا شغاله بيهو ولا بتداخل معاهو ولا بعرفوا هو شنو ولاوعاوز مني شنو جاري ورأي من بوست لي بوست

قلة المعرفة بالتعامل مع السوشيال ميديا واحد من اهم اسباب عدم ظهور المثقفين او المبدعين
كتير منهم تعرضو لي مضايقات و اساءات و اهانة فآثرو الابتعاد ....

الغالي حيدر
شكراً
شكراً للمتداخلين الكرام الذين ناقشوا
الحكاية من نواحي مختلفة
المهم في النهاية سيتشكل رأي مهم جداً
و هذا هو مصدر القوة في منبر سودانيزاونلاين
عدة عقول و مختلف الأمزجة تجاه موضوع واحد

بالمناسبة منبر سودانيزاونلاين منبر معطاء و جميل
و علينا جميعاً بالرغم من الخلافات أن نحافظ علي جذوة الوعي التي أشعلها متقدة

تحياتى حيدر ميرغنى

لك التحية ابوحسين جيت جارى عشان اكتب نفس الفكرة لقيتك سبقتنى فلك الشكر

Quote: قلة المعرفة بالتعامل مع السوشيال ميديا واحد من اهم اسباب عدم ظهور المثقفين او المبدعين كتير منهم تعرضو لي مضايقات و اساءات و اهانة فآثرو الابتعاد ....

لا أعرف ماذا يقصد صاحب البوست بكلمة مثقف، لكنني اعرف عشرات من الكتّاب، معظمهم أدباء في الفيسبوك. وليسوا أعضاء في هذا الموقع.

لو كان يقصد استاذ حيدر موقع سودانيزاونلاين،

فمن تجربتي المتواضعة لا أنصح مثقفا شابا مبتدئاً بالانخراط فيه.

فإما أنه لن يتلقى فيدباك ينفعه، وفي الغالب ستتم السخرية منه .

ولو كان مثقفا له اسم في الساحة، وليست له القدرة على أن يكون أحياناً فظاً غليظ القلب، فعليه أن يبقى بعيداً.

وأتفق مع الاستاذ احمد محمد عمر في عدم جدوى نشر مقال نقدي في سودانيزاونلاين..

سودانيز بمن حضر يا حيدرنا ..
نظرية الدهن في العتاقي ..
انا مابتفق معاها كل زمن وليهو ناسو ..
في ياتو منحى الماضي ما كان حلو ..
والناس ما كانت بتحن ليهو ..
بكره يجوا ناس بعد كمين سنة ويقولوا ليك ..
المنبر زمان كان سمح خلاص ..
زي جوز الحمام زمان الكان تلاتة فِرد داك ...

هذا مع احترامي للناس الزمان في شخوصهم ..
ولك باعتبارك من الناس المتودكين ..

عكس تماماً لما يقوله الخواض.
أنا كأديب تفاعلت سودانيز أونلاين مع كتاباتي الإبداعية تفاعل عظيم،
وكان لقراء سودانيز الأذكياء القدح المعلى في منحي ثقة الكاتب المبدع،
استطعت أن أمزج نفسهم مع كتاباتي وخرجنا مع بعض بنصوص غاية في الواقعية،
مؤخراً عرضت بعض هذه النصوص على رؤساء تحرير بعض الصحف السودانية وكان ردهم جميعاً:
هذه النصوص باتعة العبقرية والجمال كأنو كاتبتها عدة أشخاص

هذه احلام زلوط الاسفيري با دكتور هههه

ولكن انتبه! يا "الأوصفوك" بالاستنارة،

ان الجيتو الاسفيري يكيد لك ، ويحاول إطلاق النار عليك،

وإنزالك من "علاك الفوق" المعرفي ههههههههههه