بعد ما ضاق الشعب المر فى زول يابى الحلو

08:58 AM January, 04 2018

سودانيز اون لاين
أيمن نواى على-USA
مكتبتى
رابط مختصر

فرصة وجاتكم

من اجل وحدة البلاد خلونا نضوق رئاسة الجمهورية وبالعدم النائب الاول لى رئسة الجمهورية ..... جربوا الحلو مرة .

قربنا نصل ..... شدوا حيلكم ...... اتفقوا معانا وختوا يدكم فوق يدنا .

الحلو رجل المؤسسات والترتيب والتنظيم ...... رجل المهمات الصعبه ...... نزيه .....رجل الديقراطية فى الحرب والسلم .... علم على راسه نار ....خريج اقتصاد من أعرق الجامعات السودانية...... مش ذى واحدين متسلبطين .

عندنا الكثير والمثير ...... نقدمة للشعب السودانى .

ما برنا انت وانا بنقرر المصير .

انتوا بس ادونا خاطركم ...... وخلوا الباقى علينا ما حا تندموا ابدا .

Quote: عندنا الكثير والمثير ...... نقدمة للشعب السودانى .

شكرا عارف للمرور ... صفحة جديدة .... وخطوة عديلة الى الامام ...... هلموا شيبا وشباب نساء ورجالا لبناء وطن الرفاهية والتقدم.

الحلو فى انتظاركم .... اسرعوا الخطى الفرصة لا تفوتكم ...... الوطن يحترق

الحلو هو الحل

سلام الحلو فى انتظاركم .... اتقدموا خطوة .... نتقدم خطوتين ...... والخائن برة.

الحقوا قبل باب الريد ينسدة .

دخلنا فى الزمن الحرج .... تعالوا نتفاكر قبل ما يقع الفاس فى الراس .

ول ابا نواي

بالله شوفوا غيره .. عنده بقج .. لا يحتملها السودان أو جنوب كردفان.

بريمة

وال ابا بريمة
ما عندنا بديل غيره ....the delivery of Nuba mountain

الحاضر يكلم الغائب .... عشان بعدين ما تقولوا ما كلمونا وما عارفين .

ول ابا نواي

بالله شوفوا غيره .. عنده بقج .. لا يحتملها السودان أو جنوب كردفان.

بريمة
---------------------------------------------------------------------------
كلمة باطل اريد بها باطل
انت اى شخص من اهل الحلو عندك عنده بقج ولا تتحملهم انت وامثالك !

كمرود خالد حاكم خليفة الحلو .... من الشمال الاقصى .

سارعوا الى الحل ..... لقد اصبحت غاب قوسين او أدنى .

عندما تتصارع الأفيال تموت الحشائش ..... فقدنا التلت الجنوبى ...... قبل أن نفقد التلت الشمالى .... هلموا الينا فى التلت الاخير ..... جبل بطن امك .

,بعد أن ضاقت حلقاتها ..... تانى ضاقت .... شدوا حيلكم ..... الفرج فى السلام .

هسى افضل ليكم تعتزروا .... بعد فوات الاوان تجونا جارين تعتزروا ...... نرجع ايامنا الزمان ..... من وين نجيب ليكم العزر .

حرب فى الجنوب .... وحرب فى الغرب ....وفتح حرب فى الشرق .... والوسط يغلى غلاء المرجل ...... انه الشتات لاغير.
شعب لا يستطيع أن يعيش الا فى المخيمات.

الحرب تحتاج الى ميذانية ..... والميذانية فيها عجز .... والسلام يحتاج الى بناء الثقة ..... ما تبقى من الحكمة قليل ..... اللعب اصبح فى الزمن الضائع .

نحتاج الى حكومة قوية نعقد معها إتفاق !!!!!

كل يغنى على ليلاه .... ما كنتوا معانا .... ما بنكون معاكم .

كل الذى يحدث اختلاف حول تقسيم الكيكة ....حرب مصالح ... ونحن خارج تقسيم الكيكة دى....والساقية لسع مدورة ....نفس الملامح والشبة... كل واحد يلعب حسب ورقه .

نحنا قافلين حلو بى جوكرين .... يا تنزلوا يا القيم اوفر.

سلامات يا ايمن ..
كون الانقاذ مستعدة لمنح المناصب دي معلومة عنهم وأسهل حاجة عندهم وقد عرضوها على الحلو نفسه بلسان الوالي منذ بداية الأزمة في الحركة الشعبية ..
بس يا ريت تقعد لينا تلغرافاتك دي ..
هل لحشود النظام في الشرق ارتباط بهذه البرقيات ؟

ود الملك
تونس ...مصر ...ليبيا ...اليمن ...العراق ...سوريا ....الشرارة تنتقل إلى الشمال السودان....المعاضة السورية....المعارضة المصرية ...المعارضة الشادية.... المعارضة الارترية .....حرب اليمن .... وجود الأتراك.... سد النهضة .....سيطرة على البحر الأحمر..... حرب المياة....الديون الصينية ....سباق بيع الأراضى الزراعية ....غلاء المعيشة كما فى تونس ...الانتخابات القادمة كما فى مصر........ ختاما المظاهرات .

كل العوامل متوفرة لى إشعال حرب دولية فى الشمال .... من مصلحة الحوثيين فى اليمن قطع امدادات القوات البرية من السودان .... وربما توسع فى حربها لتشمل السودان .... ومن مصلحة السعودية والامارات بقاء القوات السودانية في اليمن ولو اطلب تغير النظام فى السودان.... اما الحلف القطرى التركى تختار السودان ساحة للحرب بدلا من قطر فى صراعها مع السعودية والامارات و مصر ..... سد النهضة لا قدر الله اذا اشتعلت الحرب بين مصر وإثيوبيا فسوف تكون فى أرض السودان .... أضف إلى ذلك قرارات الأمم المتحدة والمحكمة الجنائية ..... سوف تشجع الدول التى لها مصالح للدخول إلى السودان والسيطرة على مياه النيل والبحر الاحمر .

الفوضى تنعش تجارة السلاح وغسيل الأموال وتجارة المخدرات .... لقد أصبحت هى حكومة قائمة بذاتها ..... ومن مصلحتها أن تشعل الحرب وعدم الاستقرار وضعف الحكومة تخدم مصالحها .

أضف إلى ذلك استعداد المعارضة على إسقاط الحكومة حتى ولو تم بتدخل عسكرى مدعوم من الخارج ..... كل المؤشرات تدل على استخدام الشمال ساحة للحرب لى لتصفية الحسابات .

صباح الخير

استاذنك في أن تعرض البرنامج الذي يقدمه الحلو ، وأن تقدم لنا لمحة عن تصوراته لحال السودان مستقبلاً والحلول التي يحملها للمشاكل
وأن تحدثنا عن نسبة نجاحه في تطبيق هذه الحلول
والعوائق التي قد تقابله

مودتي

أضف إلى ذلك ضعف الحكومة لى كبح جماح الدولار وتغطية العجز فى الميزانية وعجزها فى حل مشاكلها الداخلية وغلاء المعيشة....... وضعف المعارضة أيضا فى الضغط على الحكومةلى تغير مسارها فى الاتجاة الصحيح .... ضعف المعارضة والحكومة تشجع الدول لى استخدام السودان وارض السودان لى حسم وتصفية حساباتها مع خصومها .

سلام هانى
ليس هناك برنامج مفصل نفرضه على الشعب السودانى..... الشعب هو الذى يختار الشخص الذى يمثله ويرائ ان برنامجه هو الأصلح.... اى رد الأمر إلى أهله عبر صندوق الانتخابات الحرة النزيهة بى اشراف الشعب بى نفسه.
دورنا هو توفير الأمن للشعب والحرية و ان يقول الشعب كلمته دون حجر على أحد..... والشعب هو الذى يختار الأصلح.
كما تعلم ان ممارسة الديمقراطية فى الحرب واختيار الممثل عبر انتخابات .... ليس بالشئ إلسهل كما فى السلم رغم ذلك لقد حدثت المعجزة فى الحركة وتم انتخاب الرئيس ..... ولكن الدكتاتورين فى صفوف الحركة رفضوا النتيجة .....ولكن ممارسة الديمقراطية أصبحت فرض على كل شخص فى داخل الحركة وهذا مؤشر يدل على الإيجابية فى الحركة ويجعلها مؤهلة لى قيادة السودان إلى بر الامان.....وهذا نموذج حى عملى نقدمه للشعب السودانى.
اما اذا كنت تتحدث عن البرامج الذى يقدمه الأفراد فى الانتخابات على مستوى الرئاسة....ليس لدينا برنامج ثابت جامد لى كل المراحل ....بل البرنامج متجدد مع التغيرات فى الداخل و على المستوى الإقليمي والدولي حسب متطلبات المرحلة .....يمكن كل شخص أن يطرح او يقدم برنامجه ويتم التداول والنقاش حولها .... يمكن أن تقدم الحركة أكثر من برنامج والشعب يقول كلمته لا حجر على أحد..... اما على مستوى الأقاليم يمكن أن تقدم الحركة برنامج مختلف لى كل إقليم.... ليس بالضرورة أن يكون برنامج موحد لى كل الأقاليم..
نحن لا نفرض برامجنا على الشعب أو داخل الحزب فى الحركة .

الوحدة مطلب شعبى .... تقرير المصير شرط جذائى لى تنفيذ الاتفاق ..... بمعنى آخر صمام أمان لى جدية الاتفاق .

لو لا قدر الله انفصل السودان وحدثت حرب فى الشمال .... يمكن أن يلجأ المواطنين الشمالين إلى دولة الجنوب الجديدة وان يعيشوا كمواطنين عاديين....من غير معسكرات اللجوء والإغاثة والبهدلة.... أيضا توجد فوائد يستفيد منها مواطنون الشمال..... يعنى ما كلو كعب .

الحقيقة المره..... لقد انهكت الحروبات الداخلية السودان .... لقد سقط فى مستنقع الوحل يعجز عن صد اى هجوم خارجى فى حالة الشتات والفرقة والتناحر والكيد والتشفى والانتقام ..... اذا قامت حرب فى الشمال المعسكرات والخيام فى انتظاركم...... ونحن أيضا فى الجنوب الجديد نرحب بكم .

الخلاف والاختلاف والجدل ا صبحت ماركة مسجلة فى السياسه السودانية ..... ولا يوجد اتفاق وائتلاف وثوابت يجمع عليها فى السودان .....من هذا المنطلق نرى اننا أقرب الى الشتات والفرقة والتباغض والتناحر...... ما يجمعنا يكاد لا يذكر..... ولكن ما يفرقنا لا يحصى ولا يعد .
الحل اما أن نغير ما فى دواخلنا ....... وهذا مستحيل. ....واما أن نبتعد من بعضنا البعض ونحتفظ بالمودة المتبقية فى دواخلنا .

يا أيمن
بتكون سمعت بنكتة عليك الله ترجوا الحلو

ياخ في زول بيابا الحلو
خاصة لمن يكون باسطة مع السلام ؟؟؟؟

إنت كدي خت أيدك معانا نسقط الديكتاتورية
ونجيب الديمقراطية
وألتزم ليك
أي مرشح يتفقوا عليهم ناس جبال النوبة
أنا أصوت ليه طوالي

سلام ناصر
الحكومة ساقطة ومره .... بس ساندنها ناس المعارضة ..... اذا زحت المعارضة من الحكومة براها بتقع ما محتاجة دفرة .
قالوا المؤمن حلوانى ...... صوتك انحنا ضامنوا ...... لكن المعارضة ما مضمونة ...... الا يكتبوا وثيقة و يبصموا عليها بالعشرة ..... بان الحلو يكون رئيس للفترة الانتقالية بى كدة ممكن ندفر معاكم باص الثورة .

في إنتخابات 2010 صوّت لمنير شيخ الدين جلاب من الجبال، لكن الحلو لو نزل إنتخابات ما بصوت ليهو
ممكن مثلاً أصوت لنور تاور

يكتبوا وثيقة و يبصموا عليها بالعشرة ..... بان الحلو يكون رئيس للفترة الانتقالية بى كدة ممكن ندفر معاكم باص الثورة .

سلام يا أيمن، انا بقرا وبقول يا ربي ود نواي دا ناوي يخوف الناس من التغيير بالسيناريو المر البكرر في تفاصيلو ول بس حابي يبتز الشعب باسم الأمل الحلو.. ولّ شوية كدي وشويتين كدي؟
قلت يكتبوا ويبصموا، طيب قبل ما يكتبوا ما تدوهم البياض أول.. ان شاء الله اعلان من الحلو بوقف اطلاق نار غير محدد الأمد. ولما يجوا يبصموا لازم يكون الحلو وصل لقرار مر بتحويل الحركة لي حزب كامل التأهيل السياسي يوقع على وينفذ اتفاقية امنية عادلة وملزمة بخصوص جيش الحركة. في الحالة دي، قد يناسب الفترة الانتقالية ولو اترشح بعدها كملك زاتو مش بس رئيس...بصوت ليهو..
حركات الملسحين الآن لم تعد أكثر من ديدبانات للإنقاذ وترس يذود عنها هدير موج الشعب. حقوا يفكروا ينحازوا للشعب بالطريق الصاح ولو عشان خاطر عيون أيمن نواي بدل ما هم خيالات مآتة تحرس في قفر الخوف والتخويف الانقاذي.

ابوبكر المستنير
اهلنا زمان بيقولوا مافى زول فاهم فى الشمال .... والفاهمين ديل مننا ضلوا طريقهم للشمال ....... عشان كدة بيقولوا اذا لقيتوا زول من الشمال فاهم ديل أهلكم ابقو عليهم عشرة ...... براهم بيجوكم ...... اصلوا الدم بيحن .
عشان كده الواحد ما بيستغرب انك تصوت لى منير ..... وعملا بى وصية الاجداد انت فى قائمة لستة الحلو المرشحين لى قيادة السودان من الظلام الجهل الى الاستنارة .

سلام هاشم الحسن
فى الاصل مقدمين شيك على بياض ..... و الغرض ليس السلطة فى حد ذاتها بل من اجل ممارسة الحقوق ... وانا لنا الحق أن نحكم مثل اى فرد سودانى .... وتاكيدا للمواطنة الرفيعة من الدرجة الاولى وليس الرابعة كما فى الواقع الان.
بالله يا هاشم منوا اليخاف من التانى ..... انتوا بتخافوا ولا بتخوفوا ...... نحنا بس بنحاول نعكس الواقع للقراءه الصحيحة .... مساعدة لى وجه الله .

شئ مخجل أن نخرج فى ثورة من اجل الجوع .... وان لانخرج من اجل الانسانية والقيم والمبادئ .... او من اجل الاطفال الذين يتوسدون الصخر بين كهوف الجبال مع الثعابين والضباع ..... اهداف الثورة ملئ البطون ..... اذا تم ارسال إغاثة تكون الثورة انتهت وحققت اهدافها .....كنت فاكر نحن روح واحدة فى جسدين.... لكن خيب الشعب ظننا فيه .... ملئ بطنى ولا بلدى.... تعيش كتير تشوف كتير .

ارحكم نطلع الشارع .... من قبيل كنتوا وين .... لمن طلعنا الخلاء مافى زول طلع معانا .... جعانين وكنا صابرين كم سنة على قمم الجبال .... انتوا الحاصل ليكم شنوا شهر واحد ما تمه .

سوف تبدا المفاوضات .... السلام على الابواب ..... نقدم السبت عشان نلقى الاحد ..... فترة الاتفاقية عشرة سنوات على الاقل وان يكون الرئيس ضامن للاتفاق اى دورتين رئاسيه قادمات بعد سنة ٢٠٢٠ .... لى تقيم تقرير المصير .... و الاستاذ على عثمان محمد طه جاهز لتوقيع الاتفاق.

ناس ثورة الجياع ..... ما حا ننساكم ذى ما نسيتونا ...... سوف نطالب المنظمات أن تبدا ارسال الاغاثة لكم اولا حتى تشبع البطون وتحققوا اهداف ثورتكم المجيدة ..... ثم أن ترسل لنا أن تبقى منها شئ ...... سلام عسل رايق مصفى ....... بدلا من أن تخرجوا مظاهرات تنديد ....تخرجوا مظاهرات تآيد .... ويا دار ما دخلك شر .

دا كلوا عشان أولادنا يدخلوا المدارس .... ويفتحوا الكراريس ويقروا ..... و يبطلوا النوم فى الكهوف ويفرشوا السراير وينوموا .... يبقوا ذى خلق الله يلبسوا الساعات السوسرية ويستخدموا العطور الباريسية .... المافى شنوا .

زحف المجتمع الدولى نحو السودان ..... الكل يعلم أن العمر الافتراضى قد انتهى للمؤتمر الوطنى .... حفاظا على المصالح والأمن والسلم الدولى .....تتاهب البعض للتدخل العسكرى اذا لزم الامر ..... لا شئ يوقف هذا الزحف الا حدث عظيم مثل اتفاقية نيفاشا للسلام ..... بعدها ينتفى السبب للتدخل ويتراجع الزحف العسكرى ..... غير ذلك نعيش حالات التربص والترقب والانقضاض فى اى لحظة تحت دواعى حفظ الأمن .

المؤتمر ليس له بديل للرئاسة حتى الان .... ترشيح البشير غير مقبول داخليا وخارجيا ..... الا اذا قرن بالسلام ..... ونحن نسعى لى سلام دائم .... المطلوب حلقة الربط لتنجنب البلاد الفوضى والتدخل الخارجى.... واعادة ترشيح البشير مرة اخرى .

باص الثورة عامل ذى باص الجريف مرة يمشى ومرة يقيف ..... ما مضمون يصل اخر محطة ..عامل الزمن مهم .... نركب السريع نصل ننقذ اطفالنا فى الجقب والجخاخين على قول كيكى .

اعزرونا يا ناس الثورة ما باليد حيله.... العين بصيرة واليد قصيرة ..... كنا دايرين نجاملكم بس المقصة كاتلانا ..... نغير حمد بى حاج حمد .... كانك يا ابوزيد ما غزيت ولا شفت الغزو بى عينيك ... والمناظر هى ذاتا ..... ما هى نفس الساقية لسع مدورة .

ما عرفتو دا ابتزاز ولا تهديد ولا دعاية انتخابية
لو افترضنا إننا كلنا قلنا آمين وقبلنا الحلو دا .. هل تضمن إنو السيناريوهات القلتها دي كلها أو بعضها ما يتحقق
مثلاً.. كيف سيمنع أن يكون السودان مسرح حرب بين أثيوبيا ومصر؟؟؟ حيدمر السد مثلاً؟؟
ولا حيجيب لي مصر موية من قرونو ؟؟
شخصياً لا أثق في أي عسكري (كان نظامي كان متمرد)
خلينا نتخلص من ديل ويجي الحلو يترشح للانتخابات والحشاش يملا شبكتو

بعدين حكاية مافي زول في الشمال بيفهم دي حقو تشرحا لينا شوية
المسألة دي جينية ؟؟ ولا جهوية ؟؟ لكن أظنك قاصد إنها تكون جينية لأنو قلت لو في زول بفهم معناتو منكم انتو معشر الفاهمين
يعني نثرتو جيناتكم (الفاهمة) في الشمال وانتظرتوا المطرة صبت والجينات دي قامت جابت ناس بفهموا وقعدوا في الشمال لأنهم ما عارفين الزرعهم هناك منو

ما عارف المنبر دا داير يودينا لي وين ؟

سلام بدرالدين
اذا قبلتوا بالحلو ... ما ياهو دا العلاج زاتو ... ارقدوا قفا ساكت العوجا ما بتجيكم تب ... البلد تتوحد والجيش يتوحد ....فى الوحدة قوة ..... نتساوى فى الحقوق و الواجبات .... زول ينظلم مافى .
لمن نروق ونحل مشاكنا الداخليه .... نقدر نحل مشاكل غيرنا كان السعودية ولا اليمن ولا اثيوبيا مع مصر .
كلام اهلنا البيقولوا فيكم شوية .... كلام لا بيقبلوا العقل ولا المنطلق .... بس الله يسامحهم .

السلام اصبح ضرورة ملحة يفرضه الواقع .... السؤال مع من نصنع السلام ؟ مع الحكومة ام ننتظر المعارضة حتى تعمل انتفاضة و تعمل الحكومة ثم نفاوضها لى تحقيق السلام .... البيعرف راسه يعرف خلاصه.

شايفك مسكت في افتراض وخليت باقي المداخلة
هل نعتبر الحلو رجل سلام ؟؟
ولماذا الحلو بالذات ؟؟
ليه ما نجيب أي زول تاني من غمار الناس من الجبال .. أو من السهول أو من الصحراء
بعدين كلام أهلكم دا أنا ما سمعتو منهم .. أول مرة أسمعو وسمعتو منك إنت عشان كدي طالبتك بالشرح

سلام بدرالدين
الحلو رجل السلام .... وصاحب نقلات فى الحركة .... نقل الحركة من دكتاتوريه شخصين متخلفين الى حركة ديمقراطية مؤسسية ..... والنقطة القادمة من الحرب الى السلم والاستقرار و التنمية .... وهو المطلوب اثباته.
اما لماذا الحلو .... هو رجل محنك وقيادى لا يشق له غبار .... ثم ثانيا محاولة إلصاق تهمة العنصرية بى اختيار احد ابناء النوبه ....لتاكيد العنصرية هذا من باب الكيد السياسى الرخيص الذى يبشر به الدكتاتورين بعد فقدا منصبيهما خلال ممارسه الديقراطية الشفافة داخل الحركة .

القصة بقت قصة رغيف .... ما قصة شعب راكع من زمان داير يقيف .... ممارسة سياسة القطيع والتدجين وحشر الناس ضحى فى داخل الزرائب الطائفية زرافات و وحدانا ..... نتيجة طبيعية أن يثور القطيع لانعدام الفتة و نقصان الماء ..... وكل ميسر لما خلق له ..... على قدر اهل العزم تاتى العزائم .... أن كانت تلك الحياة التى تختارونها فلا تجبرونا أن نسير خلفكم ...... لكم دينكم ولنا ديننا ..... الحرية لنا و لى سوانا .

النهايات .... يمكن أن نختارها ونتحكم فيها ونخرجها بالصورة التى نريدها .... اذا كنا نملك حق السبق فى المبادرة ....كما حدث فى تونس ومصر ..... اما النهايات التى تأتى فجاء او التى تاتى من الاخرين هى التى تتحكم فينا وتقودنا إلى حيث تشاء كما حدثت فى ليبيا واليمن والعراق وسوريا ..... السعيد يرى فى غيره والشقى يرى فى نفسه.

النهايات .... يمكن أن نختارها ونتحكم فيها ونخرجها بالصورة التى نريدها .... اذا كنا نملك حق السبق فى المبادرة ....كما حدث فى تونس ومصر ..... اما النهايات التى تأتى فجاء او التى تاتى من الاخرين هى التى تتحكم فينا وتقودنا إلى حيث تشاء كما حدثت فى ليبيا واليمن والعراق وسوريا ..... السعيد يرى فى غيره والشبة يرى فى نفسه.

النهايات .... يمكن أن نختارها ونتحكم فيها ونخرجها بالصورة التى نريدها .... اذا كنا نملك حق السبق فى المبادرة ....كما حدث فى تونس ومصر ..... اما النهايات التى تأتى فجاء او التى تاتى من الاخرين هى التى تتحكم فينا وتقودنا إلى حيث تشاء كما حدثت فى ليبيا واليمن والعراق وسوريا ..... السعيد يرى فى غيره والشبة يرى فى نفسه.

ابو الدو فى العلالى ..... عشان ينزل الدولار تمنوا غالى .... ولا الحكومة ولا المعارضة ولا حتى لو دقوا ليهو الظار فى مقرن النيلين ونزلوا كل الشيوخ ما بينزل ...... دستور يا اولاد طه ..... ما طار والا ارتفع .... مع السلامة يا حمامة السلام.

خمس كوارث .... الدولار ومافى ليهو معالجة الان.... والجنية فى سرير الانعاش .... دى واحدة .... والتانى المؤتمر الوطنى العمر الافتراضى انتهى ... ما عندو بديل غير البشير .... والثالثة المجاعة على الابواب و بالحاله الدولار لم يصل الخمسين جنية بعد ..... والرابعة المحكمة الجنائيه ..... تتداعى عليكم الامم كما تتداعى الاكله على قصعتها ..... خامسا الديون على رقبة كل فرد سودانى وسودانية وسوف تتوالى و تتالى اثقال الديون حتى تكبل خطى الانتاج لعدة اجيال قادمة .
كل هذه الخمسة كوارث تنؤ بحمله الشعب السودانى و لو اجتمعوا على قلب رجل واحد .... فما بال حزب واحد .... انها قاصمة الظهر بلاشك بل هى التهلكة .

كلام الحب كله قلتوهو ..... بس كلامى انا الما سمعتوهو ..... نحن الان فى مفترق الطرق ..... يا اما درب السلام ... ويا اما درب الالام ..... مستحقات درب السلام يتطلب تنازلات صعبة ومره من كل الاطراف ..... ودرب الالام يحتاج فقط الى ركوب الراس ونتائجه كارثية ..... و اما الذى يراهن على المراوقة ويستخدم التكتيك المرحلى ...نحن فى الزمن الضائع ..... يجب أن نختار قبل أن نخير .

Quote: لو لا قدر الله انفصل السودان وحدثت حرب فى الشمال .... يمكن أن يلجأ المواطنين الشمالين إلى دولة الجنوب الجديدة وان يعيشوا كمواطنين عاديين....

نواي هل تقصد تنفصل جبال النوبة !!
هل هناك اتجاه لانفصال جبال النوبة ؟.

يا عارف
الله يكضب الشينة.

جرد حساب اسقاط حكومتين دكتاتورتين ..... ثورة اكتوبر وابريل ..... نتفاخر بها وكل حزب ينسب الشرف له .... اكتوبر الاخضر وابريل ماعارف ماسك كتف اكتوبر .... وظيطة وظمبليطة ..... هل تقدمنا الى الامام ام سرنا الى الخلف .... هسى قدامنا ثورة هل نحمل الحلول ولا شايلين المحنة ..... ثم نسير الى الخلف مرة اخرى .... الذى يسقط مرتين فى نفس الحفرة ..... يسقط فى دورديحة ..... اذا لم تملكوا الحلول للكوارث التى يعانى منها الشعب من الافضل تلبسوا الطرح وتجلسوا فى البيوت ..... وانتظروا الحل من الخارج .

يا جيتونا ياجيناكم .....يا اما ينقطع حبل الود وكل واحد فى مكانوا .

نعمل ثورة .... ونسلمها لى اعمامك تانى وتالت ورابع ..... آ ليس فيكم رجل رشيد .... والله الا السودان يفتشوهوا بالفتاشة عشان يلقوهو ..... ويعرفوا أن السودان كان هنا ..... وانى أرى تحت الرماد وميض .

لابد من تقديم تنازلات من جانب الحكومة .... حل حزب المؤتمر الوطنى ..... مراجعة الاسس الفقهية كما حدث فى تونس و تبنى النظام العلماني .... توقيع اتفاق السلام مع الحركات المسلحة ..... ومحاسبة حزب الأمة لاشعال الحرب فى دارفور و كردفان ..... وحظر حزب الأمة من اى نشاط سياسي .

الآفة حزب الأمة قديما وحديثا .... ما فات مات بل سنذكره للعبره .... مجزرة المتمة ....مطاردة الشواقة فى الجزر.... مجزرة الشكرية .... الكبابيش .... النوبه .... الرزيقات .... هذا ما حدث من حزب الأمة فى الماضى .... اما ما حدث بعد خروج المستعمر يشيب له الولدان ...سوف ناتى بالتفصيل لاحقا

السبب المباشر لانفصال الجنوب هو تصرف حزب الأمة الغير مسؤل .... عندما اتجه القيادات الجنوب الى البرلمان فى الديقراطية الاولى لى حل مشاكلهم من داخل قبة البرلمان .... تم التخطيط لمقل القائد الجنوبى وليم دينق وهو فى طريقه الى الجنوب للاشراف على سير الانتخابات ..... مقتل وليم دينق شكل نقطة فاصلة من الخيار السياسى الى خيار العسكرى .
ثانيا تحريض السكان فى مناطق التماس الموالين لى للحزب للتحول من السلام الذى سائد بين بابو نمر ودينق مجوك الى حرب بين المديرية ودينكا نقوك ..
ثالثا رفض او تماطل حزب الأمة اتفاقية الميرغى قرنق كوكادام .....كان الحزب جاهد للحل العسكرى.
رابعا . . . انشاء معسكرات تدريب وقوات قريش ون وقريش تو فى كردفان ... وسمح بدخول قوات ابن عمر المسلحة فى دارفور ...

خامسا ... حرق مدينة هيبان وبعض القرى فى كردفان.
سادسا .... حرق قطر كاملا يحمل مواطنين من ابيي فى العين.
سابعا ...حرق بعض القرى فى دارفور والنهب المسلح .
ثامنا .... اول غزو خارجى للخرطوم حرب المرتزقة راح ضحيتها الاف من الشباب فى كردفان .
ثامنا .... جيش الأمة ما حدث فيها من مجازر .
هذا الحزب يبث الكراهية والعداء بين المواطنين .... خلق تسميات منها الزرقة والعرب .... واولاد غرب و اولاد بحر .... الحرب الدائرة الان فى دارفور وجنوب كردفان هى سببها تحريض هذآ الحزب المريض.

كيف ضرب هذا الحزب النسيج الاجتماعى فى دارفور وكردفان .... فى عهد نهايات نميرى ضرب الجفاف الغرب سميت بى مجاعة المولح فى شمال كردفان..... فى الصباح الباكر فى قريتنا فى جبال النوبة سمع الناس صوت الدواب وصراخ الأطفال هرعوا لى تفقد الحاصل جوار القرية ....وجدوا قرية كاملة تحط رحلها فى جوارهم .... مالكم الحاصل شنوا .... قالوا قريتنا ضربها الجفاف وماتت البهائم من العطش ونفذ الطعام .... فى مشهد انسانى رائع تم استنفار قريتنا جمعت المحاصيل وزبحت البهائم وتم اكرامهم .... و وزعت البهائم بين الاسر لى ترعاها وتستفيد من البانها مقابل المحاصيل وعجله فى السنة هذا نظام متعارف عليه فى الغرب .... وعاش الناس فى أمن وأمان وحصل تعارف و تزاوج بين القريتين ..... فى عهد الديمقراطية الثالثة فى عهد الصادق المهدى .... فى الصباح الباكر لم يجدوا القرية التى بى جوارهم .... اين ذهب الناس كان انشقت الأرض وبلعت الناس ....لم يجدوا الا اثر الرماد ..... اصبح اختفاء القرية لغز لم يتم فك طلاسمه .... ومازال البحث جارى لى معرفة ما حدث لهم .

الجريمة النكراء.... فى صلاة الصبح سمعوا صوت خالى يسلم اولاد فلان ناس ابوكم كيف ثم نادى ناس البيت اعملوا الشاى وكبر لصلاة الصبح هذه آخر كلمات يسمعوه منه .... عندما تم احضار الشاى .... وجدوه ساجد فى المصلاية غارق فى دماءه.... ضرب بالفرار على عنقة وهو ساجد ..... هرب الضيوف وسرقوا بندقيته .... فزعت الحله فى إثر الجناة لم يجدوا لهم إثر..... تحسب اهل الحى ان هناك شئ يدبر لهم ..... فى يوم من الأيام وجدوا أمرة مسرعة الى القرية .... عندما تبينوا عرفها اهل القرية .... سالت من كبار اهل الحى علم الناس ان هناك أمر جلل ..... قالت يوم الجمعة حا يهجموا على قريتكم.... جوانا ناس من الخرطوم دربوا العيال ضرب النار و وزعوا السلاح .... وبقركم قالوا يقسموا لى عيال فلان وفلان .... انا جيت ما فى زول عارف انتوا اعملوا حسابكم ما شفنا منكم إلا خير..... ورجعت من حيث اتت.

والله الذى لا اله الا هو.... هذا ما حدث فى زمن الصادق المهدى .... انا ا نقل لكم ما حدث بالضبط لا زيادة ولا نقصان..... اما ما حدث على القرى المجاورة شئ مؤسف ....لقد تم شحن البسطاء الابرياء بالكراهية والبغضاء إلى ان وصلت إلى جرائم بشعة تقشعر له الابدان أصبحت الجفوة وعدم الثقة والنفور بين الناس .....ومات الكرم والشهامة والمروة .

مدينة هيبان التى حرقت والقرى المجاورة تحركت نحو الجنوب ..... غيرت موازين الحرب .... رجحت كفة الحركة الشعبية وتقدمت إلى الشمال واحتلت الكرمك فى الشرق ....وتقدمت نحو الخرطوم .....و كوستى فى مرمى نيران الحركة .... وتململ فى الجيش

.كل اهل القرية فى استعداد ليوم الجمعة ....حرب غير متكافئة قوات مسنودة و مدعومة من الخرطوم و مواطنون يملكون ابوعشرة والمرمطون دفاعا عن المال والعرض ..... وتم إخطار أبناء المنطقة فى الجيش ..... حدث هرج ومرج فى صفوف الجنود .... يوم الخميس ليلة الجمعة حدث انقلاب فى الخرطوم .

انقلاب ليلة الجمعة .... هرب كل القيادات وتركت المعسكرات فى الخلاء فى دارفور كردفان .... انقطع عنهم الدعم والمؤن فى المعسكرات ......نفقت البهائم من العطش .... اصابهم الجوع والعطش .... ومات الأطفال والعجزة .... وخرج الشباب إلى المدن للبحث عن العمل والنساء فى أطراف المدن لبيع الشاى ...عندما يصادفون واحد من القرية ....يحكون عن المسآء التى حلت بهم كيف تشردوا وفقدوا اهلهم ..... لم يلجواء إلى جبال النوبة مرة أخرى بسبب ما فعلوه .... لقد اصبحوا ضحايا لى تهورات حزب الامة بل المنطقة عامة فى كردفان و دارفور.

اذا انفصلنا لا قدر الله .... السبب حزب الامة ...عشان تكونوا عارفين .... والله لا مؤتمر وطنى ولا الشيوعى ولا الاتحادى ولا غيرها من الاحزب .... نقول ليكم عديل السبب حزب الامة وايضا السبب فى انفصال الجنوب ودارفور لاحقا ..... هذا هو الحزب الوحيد الذى زرع الكراهية فى الغرب بين العرب فيما بينهم و بين الزرقة فيما بينهم .... وبين الزرقة والعرب ....ثم بين أبناء الغرب ودار بحر .... وبين الجنوب والشمال ..... وفى المؤتمر الوطنى أفراد بى قيادة على عثمان محمد طه كان ينفذ أجندات حزب الأمة وليس مشروع الجبهة الاسلامية.