Post: #1
Title: لوشي المبارك :سأترشح لرئاسة الجمهورية في 2020
Author: زهير عثمان حمد
Date: 12-29-2017, 00:35 AM
11:35 PM December, 28 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر
http://www.up-00.com/
+: قدمناك وبعاين وراك
أعلنت نجمة فضائية (سودانية 24) الاء مجدي سيد احمد المبارك الشهيرة ب(لوشي) ترشحها لرئاسة الجمهورية في انتخابات 2020م المقبلة. وقالت في حوار مع صحيفة الأخبار أن مجموعة من متابعيها علي مواقع التواصل الاجتماعي يطلقون علي أنفسهم (اللواشه) رشحوها لخوض الانتخابات المقبلة , وقد وافقت علي ذلك من اجل ان تصبح اول امرأة سودانية تصبح رئيسآ للجمهورية ، تقف مع قضايا المرأة ومناصرتها. وشنت لوشي المولودة بالمملكة العربية السعودية في العام 1993م هجومآ شديدآ علي الرجل السوداني ، ووصفته بغير الرومانسي وانه يفضل متابعة كرة القدم علي زوجته. واستدركت (بس اهم حاجة عاجباني فيهو غيرتو الشديدة علي مرتو ) . وأكدت نجمة سودانية 24 عدم معرفتها بمدن السودان ، وقالت انها لا تعرف شيئآ عن مدينتي (بحري و امدرمان) وزادت ما بعرف غير قريتي (بروتبيل) بالجزيرة ومنطقة جبل أولياء وخزان السبلوقة
|
Post: #2
Title: Re: لوشي المبارك :سأترشح لرئاسة الجمهورية في 2
Author: Hani Arabi Mohamed
Date: 12-29-2017, 05:11 AM
Parent: #1
الحد الأدنى لعمر المرشح كم ؟
|
Post: #3
Title: Re: لوشي المبارك :سأترشح لرئاسة الجمهورية في 2
Author: aosman
Date: 12-29-2017, 07:27 AM
Parent: #1
Quote:
الحد الأدنى لعمر المرشح كم ؟
|
الأخ هاني, كده برضو نشوف معاك الحد الأدنى من المعرفة عن مدن البلد...
دي قالت ما بتعرف مدن السودان حتى بحري وأمدرمان,,, دي كيف تترشح للرئاسة؟ الظاهر صدقت كلام الفاضل حامد الجبوري - ولاية غرب كردفان
|
Post: #4
Title: Re: لوشي المبارك :سأترشح لرئاسة الجمهورية في 2
Author: Amira Hussien
Date: 12-29-2017, 10:58 AM
Parent: #1
من الغباء ترديد السخافات ونشرها ، بتفتخرى انك ما بتعرفى مدن السودان ولا امدرمان ؟ اكيد انت ما سودانية وبما انو السودان هامل ، اترشحى !
|
Post: #5
Title: Re: لوشي المبارك :سأترشح لرئاسة الجمهورية في 2
Author: زهير عثمان حمد
Date: 12-29-2017, 12:27 PM
Parent: #4
من الغباء ترديد السخافات ونشرها
*كتر خيرك
ما السخف بقي واقع بلد حدادي مدادي و لما يكون في جهلول زي حميدتي فريق في الجيش
أنت عاملين صفوة وبالكتير شوية كبار بصل لا تقدموا ولا تأخروا
|
Post: #6
Title: Re: لوشي المبارك :سأترشح لرئاسة الجمهورية في 2
Author: Ali Alkanzi
Date: 12-29-2017, 02:15 PM
Parent: #5
عارف يا ابوزهور
سودانيزاونلاين عالم جميل
يعلمك الصبر والتقاضي عن ما يقوله الاخرون دون مراعاة لمشاعر المخاطب
بس تصبر بس
مافي علاج تاني لغاية من نتمرن على حسن الخطاب وعدم جرح مشاعر المخاطب ولو بنسمة سخنة
خليك من ريح صرصر عاتية
والحمدالله لسا انت الريح الزي دي ما جاتك
واعتبر اقوالهم نقداً بناء
لك ودي وكل عام وانت بخير حتى من جرح مشاعرك اتمنى له اسعد الايام القادمات فيما ادخر الله من عمر
مع مودتي
|
Post: #7
Title: Re: لوشي المبارك :سأترشح لرئاسة الجمهورية في 2
Author: nour tawir
Date: 12-29-2017, 05:25 PM
Parent: #6
هى ما بتعرف حتى بحرى و امدرمان..
و مال كراكير كاودا..
و صحارى الشمالية..
و حدود دارفور مع تشاد دى كيف ؟
غايتو جنس محن ..
السودانيين جّنوا وقالوا هو...
|
Post: #8
Title: Re: لوشي المبارك :سأترشح لرئاسة الجمهورية في 2
Author: عبد الصمد محمد
Date: 12-29-2017, 06:28 PM
Parent: #7
لحدي هسة رسمياً عندنا مرشحين لرئاسة السودان في 2020
عادل عبدالعاطي
لوشي المبارك
|
Post: #9
Title: Re: لوشي المبارك :سأترشح لرئاسة الجمهورية في 2
Author: Asim Ali
Date: 12-29-2017, 06:52 PM
Parent: #8
ياجماعه النوع دا القاعد فى حضن النظام كلامو مجرد شغل للراى العام
لوشى دى مش شغاله فى قناه الكوز حسين خوجلى ؟؟
قبل كدا فى فنان عملو ليهو هيلمانه زى دى قبل الانتخابات الفاتت
المشكله ذاكرة الناس واهيه - مع تكرر الاساليب لشغلهم عن الاهم والمهم من القضايا - ووعيهم ضعيف لدرجه يصنع قيمه للنوع دا بمجرد تداول اخبارهم حتى ........ هؤلاء ليس الا زبد طافى على سطح المجتمع.
|
|