من الآخر كده!

04:23 PM December, 26 2017

سودانيز اون لاين
محمد حيدر المشرف-دولة قطر
مكتبتى
رابط مختصر

من الآخر كده
انا اسمي محمد الحسن حيدر بابكر المشرف .. وأنا مواطن سوداني من مواليد أمدرمان 1971.. وأنا انتمي لهذا المنبر ولن أغادره, ولن اسكت عن ابداء رأيي مطلقا .. وسأظل شوكة حوت في حلق اي مدعي وكذاب وعاطل عن الفكرة .

أنا أنتمي الى هذا المنبر
بوثيقة مواطنة الباسوورد .. وسكين ضراع الفكرة .. والأصدقاء والاعدقاء على حد السواء .. وهذا الملأ السوداني الرحيم

أنا أنتمي لهذا المنبر
الكثير جدا من الذكريات وتراكم المعرفة بانسان هذا المنبر اتفاقا واختلافا وسياحة انسانية واسعة في محيط سوداني اجتماعي سياسي رياضي ثقافي متداخل ومتمازج وشديد الحميمية ..

انا أنتمي لهذا المنبر ..
ولهذا المنبر افضال كثيرة على المستوى الشخصي والمعرفي والاجتماعي .. الكثير جدا من الذكريات .. الكثير من العلاقات الانسانية .. والكثير من المحطات عبرناها سويا هنا .. مناسبات وطنية وأحداث كبرى كانت سودانيزاونلاين قبلتنا الاساسية عندها .. وعلى سبيل المثال هنا اذكر لحظة الانفصال بالتحديد.. وكيف بلغت ارواحنا الحلقوم يومها وتخالجت الاحزان والشجون واحسسنا بتقلص الوجدان تبعا لتقلص تلك الخارطة الاليفة جدا بتعاريجها الأجمل والتي حفظناها عن ظهر عشق.. في ذلك اليوم بالتحديد.. كان المنبر القبلة الاولى للعديدين منا .. مارسنا هذا اللجوء الاسفيري نحو سودانيزاونلاين بشيء من التلقائية ولكن لو تفكرنا لماذا كان ذلك لقدرنا لهذا المنبر قدره الكبير جوانا. والمناسبات كثيرة .. ودونما مناسبات .. وبصورة يومية نهرع للمنبر مرات عديدة وكلما لاحت فرصة بين مشاغل الحياة.. لبوستات المونساتية, ناس الكورة, صراعات السلفيين والالحاديين والشيعة والجمهوريين .. مجادلات الهامش والمركز.. ناس المغنى والنقد الفني .. أهل الثقافة وناس من كل روض زهرة.

أنا أنتمي لهذا المنبر
طيلة هذه السنوات الطويلة اختلفنا واتفقنا واختلفنا ولم نتفق واتفقنا ولم نختلف وكل تلك الاحتمالات الممكنة للاختلاف والاتفاق .. وصلت (عجاجة) اختلافاتنا السما وروت سحائب اتفاقنا جذور الروح فاينعت وأزهرت الكثير من حقول المودة والحب تجاه الجميع .. من اختلفنا معهم ومن نتفق .. في نهاية الامر هناك روح طيبة تسود .. وكلمة طيبة تعلو .. وناس (سودانيين) وتماما كما يكون السودانيون في ذلك البال الحميم

أنا أنتمي لهذا المنبر
هذا هو مدخلي نحو هذا المنبر وحتى لايام قليلة مضت.. وربما لأبعد من ذلك قليلا .. عندما بدأت أستشعر وجود روح خبيثة جدا تسكن هذا المنبر .. لا أستطيع مجاراتها ولا افهمها ولا اود التعامل معها .. ترصد خبيث وخناجر مخبوءة و (اسلاندر) موجه بدقة ومتعوب فيه ومتفق عليه بمنتهى الخبث و "التكاتيك" ..

أنا أنتمي لهذا المنبر
ومؤلم جدا ما يحدث للحد البعيد .. لا أعني وجود هذه الروح الخبيثة ولكن .. ما يؤلم حقا ان يكون هذا المنبر وسيلة متاحة لذلك .. بيد ان ذلك لن يرهبنا أو يزعزع يقيننا بافكارنا او قدرتنا على التعبير عنها والمحاججة بها وحتى اقصى حدود الاحتمال

أنا أنتمي لهذا المنبر
وسأطرح رؤاى التي أراها ماثلة أمامي, لن أتوقف مطلقا عن استقراء الواقع الوطني ومحاولة فهم تناقضاته وفحصها وتعريتها لضوء الحقيقة وحتى نستبين لي وللناس خيوط فجرها القادم

أنا أنتمي لهذا المنبر
ستهزم فكرتي أفكارهم طالما لا يستطيعون تفنيدها ودحضها كما ينبغي للافكار أن تناقش وتدحض ... الافكار لا يهزمها الترصد والاغتيال الشخصي والمعنوي والتشهير الكذوب والترويج الفاسد للاستقراء الخاطيء وانتزاع الكلام من سياقه وحتى آخر المعاني السافلة التي يمارسونها معي ..

أنا أنتمي لهذا المنبر
فكرة صحيحة واحدة عن واقع وجود ثقافة عربية في السودان لا يمكن ان تٌدحض بلفظ النفي الرغبوي وانما باثبات النفي .. ومهما داروا والتفوا يجيئهم صوابنا .. وانى تولوا فثم الحقيقة أمامهم .. توجد ثقافة عربية في السودان من ضمن ثقاقات أخرى متعددة ومتداخلة ومتراكبة.. لك أن تعارض هذه الثقافة جملة وتفصيلا .. ولك أن تعارض هيمنتها السلطوية ومحمولاتها الاقصائية كما أفعل أنا .. بيد أنك لا ولن تنفيها او تجعلها تختفي من الوجود...

فان كانوا لا يستطيعون دحض فكرتي بالفكرة .. فمن باب أولى انهم لن يستطيعوا دحضها بالاغتيال الشخصي والمعنوي .. وهم يعلمون ذلك جيدا .. بيد انهم تصوروا ترهيبي وتهديدي واسكاتي بهذا الاغتيال.. ولن أحقق لهم ذلك ..

فانا انتمي لهذا المنبر ..
ولن أسكت مطلقا ..
وعاصمي منهم هذا الملأ السوداني الرحيم.
وسكين ضراع فكرتي ..
وهذا الباسوورد

في شنو يا زول ... ؟؟؟؟

انتهى يا عملات ودالباوقة ولكن
فات ميعاد القيلولة ..
سأصليها لاحقا!

ينصر دينك
ومن ذا الذي يستطيع أن يقتلعك
وأنت الراكز بجذورك على أرض الواقع والحقيقة

سيتبخر الزبد يا صديقي بأشعة الشمس الكاشفة وضربات الموج العاتية
ويبقى في المنبر من ينفع الناس

يا ود المشرف يا اخوى فى شنو ؟؟

ماعهدناك الا مثقف صادق ونبيل وخلوق
لك ياسيدى من الحب الكثير

و من الاخر كده
بتصدقنى لو قلت ليك انا سعيد بالشى البحصل ليك من ... معروف ابو ابراهيم .. ده
كت قايل كوم الرملة وراهو ما وراهو
طلعت أكمة فشنك ساى
قوّمت نفسك و نفسى معاك فى حاجة لا تستحق
اطالب بسحب البوست و الاعتذار الصريح عن ضياع زمنى
و بى مناسبة ذكرك للمونساتية فوق .. يا ريت لو يدونى الاذن
بى فتح بوست للونسة ياخ
داير اتونس معاك شوية ياخ
عن قوانين الغباء البشرى ياخ
انت بس جيب لى الاذن منهم

توضيح مهم
اعدت قراءة المداخلة لقيتا زى البتنقل فهم علت فى حتة كوم الرملة و الاكمة مع الفعل طلعت
و عشان اكون اكثر دقة و تحديدا المقصود .. بكوم الرملة .. معروف ابو ابراهيم .. و بالتالى الاكمة و وصفها
و ليس صاحب البوست كما يتبادر لى عزيزى القارئ
ما اظن محتاج منى اعتذار يا مشرّف

Quote: بتصدقنى لو قلت ليك انا سعيد بالشى البحصل ليك من ... معروف ابو ابراهيم .. ده

غايتو لو دا السبب يكون بالغ عديل كدا ....
معقول يزعل من حمبرة ......؟؟؟؟

سلام يا محمد الحسن حيدر بابكر،
أخوك الأيام الفاتن متابعتي تعبانة، لو سمحت نزل لينا رابط البوست الرفع فيهو حاتم كثافتك

ده الكلام يا دكتور ...

تمشي وين بس ...

زمان انا قلت أي زول يزعل يعتبره تسمم اسفيري ...

حمية كم يوم و تزول الاعراض ... و ترجع تملا مكانك ...

و طلب اخر عليك الله ...

ما تجيب أي رابط لأي شيء ... ابوبكر عباس ده ما عنده شغلة ... بقى بتاع جرجرة و مطمطة " و كده " على قولة سيد الباسطة في اتبرا ....

تحياتي مشرف
وضيوفه
كما اكرر
المنبر واقع موازي تماما لواقع حياتنا
من يخدع هنا يخدع هناك

في شنو ياحبوب

أخي امحد الحسن

ما عهدناك تزعل قدر دا


تحياتي

لا أعلم ما الموضوع على وجه التحديد!

لكن كلنا (محمد الحسن)، بالطبع.

شايف اسمي في البوست وما فهمت السبب!
غايتو للضمان كدة: أبقوا الصموض.

نحن معك يا ( شقيق )

علي الرغم ما عارفين الميت منو ، بس يا شقيق نبكي و نجعر

فوق
و لمزيدمن البراءة البتشبه جلد ابو القدح

لا تُغذّي المتصيّد
في التجارب، أولئك الذين تم الرد على تعليقاتهم من المتصيّدين عادوا من جديد وهم أكثر رغبة في الاستمرار، لذلك ينصح متخصصو علم النفس دائما بألا تُغذّي الترول(11) (Don't Feed The Troll)، أي: لا تتفاعل معه، فإذا تدخلت في أحد الردود من متصيّد لترد بشتيمة مقابلة أو تجريح مضاد فأنت هنا لا تزعجه كما أزعجك، إذا كنت تفكر كذلك فأنت لا تفهم هذا الشخص بعد، إن إثارة غضبك هو هدفه بالأساس، لو قمت بشتمه سوف يستمر بوتيرة أعلى لأنه حقق مراده ويريد المزيد من التلذذ، بل قد يختلق حسابات وهمية للدخول منها وشتمك أكثر من مرة أو لمجرد وضع علامات إعجاب على تعليقه لإثارة غضبك أكثر.

Quote: لا تُغذّي المتصيّد في التجارب، أولئك الذين تم الرد على تعليقاتهم من المتصيّدين عادوا من جديد وهم أكثر رغبة في الاستمرار، لذلك ينصح متخصصو علم النفس دائما بألا تُغذّي الترول(11) (Don't Feed The Troll)، أي: لا تتفاعل معه، فإذا تدخلت في أحد الردود من متصيّد لترد بشتيمة مقابلة أو تجريح مضاد فأنت هنا لا تزعجه كما أزعجك، إذا كنت تفكر كذلك فأنت لا تفهم هذا الشخص بعد، إن إثارة غضبك هو هدفه بالأساس، لو قمت بشتمه سوف يستمر بوتيرة أعلى لأنه حقق مراده ويريد المزيد من التلذذ، بل قد يختلق حسابات وهمية للدخول منها وشتمك أكثر من مرة أو لمجرد وضع علامات إعجاب على تعليقه لإثارة غضبك أكثر.

Quote: لا أعلم ما الموضوع على وجه التحديد!

طيب يا حاتم
الموضوع له علاقة ببوست اولمبياد السماحة و تحديدا عن سلخك لجلد نملة عبارة "انا أسمح منّك" القالها ود المشرّف - ولا اريد ان اتحدّث بلسانه - لكنّي فهمتها كعبارة شكلة ساي في ساعة غضب في رد على عبارة "بطنك مليانة من ناحيتي"
و لو تاخدوا رايي اعتقد دي فرصة تنهوا الموضوع دا هنا, لا اعتقد أن هناك امر شخصي بينكم يستدعي العداوة ويذكي نارها, إن هي إلّا اختلاف في وجهات نظر وحول شؤون عامة و ليست شخصية تخلّلتها تجاوزات وتعديّات ( دون الدخول في تفاصيلها) لكن لازال الأمر تحت السيطرة ويمكن تصفيته أو على الأقل إدارة الخلاف بطريقة أقل خشونة وحصره في الأمور العامة.

وجزاكم الله خيرا.

ود البشرى يطلع من دينو وينهي عام منبركم العجيب هذا بفلتة أشد عجبا
ويطلب قفل باب آكشن (تقرأ باب رزق)

لا يا قريبك انا لا ادعو لقفله لكن ادعو ليكون آكشن نضيف
و انت ادرى بالطبع بين الفرق بين الآكشن الساي و الآكشن النضيف

أنا غايتو معجب بالاسم الجديد
محمد الحسن ٧١
اسم شعراء

الآكشن النضيف ياتو ده يا بشرى؟
زي بوست جلالدونا المقفول! بتاع موصلين السموم
ناس تعال ليهم اديهم في راسم وظعمتم وشنو كده ما عارف
يفتح الله
الآكشن النضيف عندي هو شغل ابو حسين بالإنجليزي في البوست التعريفي
تتابعوا ومعاك أولادك التحت 15 سنة و إنت مطمئن

اختلاف زوايا نظر على قولتك.. لا شيء شخصي

Quote: اختلاف في وجهات نظر وحول شؤون عامة و ليست شخصية تخلّلتها تجاوزات وتعديّات ( دون الدخول في تفاصيلها) لكن لازال الأمر تحت السيطرة ويمكن تصفيته أو على الأقل إدارة الخلاف بطريقة أقل خشونة وحصره في الأمور العامة.

احصرو يا جماعة احصرو ......

ياتو بوست جلال المقفول دا يا معاوبة؟ ما عرفته و فتشت لقيت تلاتة اربعة بوستات يا منبثقة يا خالية موضوع كالعادة وكلهن مفتوحات

يمكن ما مقفول، لكن منبثق عنه بوست أبو حسين المليان الحالي

آآآ عرفته حيرتني بي موصلين السموم دي
لا ياخ لا داك لا بتاع الفقر ابوحسين آكشنهم ما نضيف, ديل بوستات غباين ساي
الآكشن النضيف البعنيه حجة حجة منطق منطق وتركيز النقاش في المكتوب لا الكاتب وفي الأفكار لا الشخوص وكدا

Quote: طيب يا حاتم الموضوع له علاقة ببوست اولمبياد

شوفو البراء التانية ... يعنى حاتم محتاج يشرحوا ليهو البوست ده عشان شنو
ياخى انا البليد ده فهمت الموضوع
و اعتقد اعتقاد جازم انو حاتم ما ابلد منى
عشان تتلطف عليهو بالشرح الممل ده
بعدين تعال هنا
البوست الجيت معتلو ده مش سألنك و قلت ليك توصيفو شنو
و ابيت تجاوب
و لامن سيد الوجعة جا براهو ورد .. عملتها عداء سخصى
عارف لو كسروا رقبتك ماب تقول حاتم غلطان
عشان كده كان اخير ليك تحشى ليك قبضة فى خشمك
و تسكت.... ابرك ليك ... والله صحى
لكن نعمل شنو مع كلكلة الرمادية دى
ماب تخليك ... لازم تترمد

تحياتي للجميع ..

قررت اللا ارد على اي سلاندر وبذات مدخل الكلام الجابو ابوحسين ... هذا البوست لتوضيح ذلك

ود البشرى سلامات
المسألة لا تنحصر في بوست (الاولمبياد) .. هي ممتدة ومتواصلة .. وحقيقة مؤلم جدا أن يتم ترسيخ معاني الاسلاندر ولكن اهو التزمنا بعدم الرد .. حاضرب ليك مثال بذلك

س يتهم فلان بانو بطنو ملياااانه
ص يرد ساخرا: مليانا من شنو ولا يوجد تأريخ مشترك وليس هناك تنافس او حتى علاقة شخصية او مهنية او حتى اشتباكات عاطفيه (لا صيدليتك قطاد صيدلتي ولا زماااان اتشاكلت في بت ولا انا متعقد من انو انت اسمح مني)

يلاك هذا الكلام ويلاك ويلاك حتى يجيء (ع) الطيباااان داك ا يقول ليك (ص) معليش يا اخوانا قال في لحظة زعل انو اسمح من س .. في ذات الوقت (س) فاتح ليهو بوست طويل عريض عشان يرسخ الكلام القاعد يرددو (ع) الطيبان ده .. باقي الحروف بتنقنق (ده راجل شنو البقول انو اسمح من راجل تاني) .. والاسلاندر ماااشي فيهم زي الترتيب

هذه هي الروح الخبيثة التي تسعى بيننا ..
والمسألة مرتبطة ب سلاندر تاني ..
ف (ص) زول نرجسي ..

اها موضوع نرجسي ده كل ما (ص) يعصر زول بي فكرة يقوم يقول ليك: نرجسي ... تخيل

هذه هي عينة والعينات كتيرة يا ود البشرى ..
يرضو تقول لي مافي شيء شخصي!!!

يا جلّي منظرك بايخ جدا, لو عندك كلام عايز تقولو قولو عديل ما فيها حاجة ما في زول ماسك ليك قرجة هنا لكن ما تحاول تضعه على لسان الآخرين
دي واحدة و التانية المباشرة ما في أظرف أو اريح منها حتى لو راى البعض رايك غلط واسلوب التلميحات وإيّأك اعني دا غير لزوجته فهو لا يليق


يا دوك ولا يهمّك أنا قلت لو تاخدوا رايي فا شنو هو رايي وليس بالضرورة أن يكون صائب أو أن يوافق رأيك
وطبعا قولي أنه لا يوجد امر شخصي فدا من الزاوية التي انظر منها و بالطبع تختلف عن زاويتك وطالما ترى أن المر شخصي بالنسبة لك فا بالتأكيد لا أحد يستطيع أن يراجع أو يغالطك في تقديبرك وما علينا سوى احترامه
خلاص شخصي شخصي الله غالب
و اعتبر أن رأيي كأن لم يكن

غايتو يا ودو عليك جنس لولوة !!!!!
ياخى اول مداخلة لى ختيتا طاااااخ و بالمزدوج كمان
لا ادّسيت لا باريت الحيطة
و المداخلة الاخيرة كانت ليك و بالاسم
وينن الاخرين البتتكلم عليهم ديل
و المباشرة دى كيفىها
كان غيروها كلمنى
و بالمرة كده قول لى توصيفك لى بوست الامباز
ينوبك ثواب

قلت ليك ما خايل فيك فلا داعي للتذاكي
ما عندك المؤهلات, قدر الفي كان فطّرك عشاك في تلتلة :)

كتب المدعو جلالدونا (او كما سماه منو ما عارف جلدونا 😂)

Quote: عارف لو كسروا رقبتك ماب تقول حاتم غلطان

فضحكت ملء فاهي و فيه بقايا شاورمة فاختلطت الضحكة بالشاورمة ....
فلعنت الكاتب ..... 😂😂😂😂😂

تضحك شنو انت كمان
يخيّبك و يخيّب ذاتك
بدل تساعدنى فى معرفة تكتيك ود البشرى ده تقعد تاكل فى الشاورمه
بس عليك .. بتاعت الكديسة ...
___
تصدق يا ودو كلامك صاح
فطورى ذاتو فى تلتلة .. هسى قاعد احك فى حركرك حلة الرز بتاع فطور امبارح
الغريبة بى الحركرك ده غالبك ترد على سؤال ... عشان اكون اكثر دقة .. طلب توصيف لى بوست
لكن النحدثّك
يومى ال افطر بى فول ح تتعب معاى

Quote: تضحك شنو انت كمان يخيّبك و يخيّب ذاتك بدل تساعدنى فى معرفة تكتيك ود البشرى ده تقعد تاكل فى الشاورمه بس عليك .. بتاعت الكديسة ...

عارفك مخك تخين ....
رزق اليوم باليوم و زي ما تجي تجي ....

Quote: طيب يا حاتم الموضوع له علاقة ببوست اولمبياد السماحة و تحديدا عن سلخك لجلد نملة عبارة "انا أسمح منّك" القالها ود المشرّف - ولا اريد ان اتحدّث بلسانه - لكنّي فهمتها كعبارة شكلة ساي في ساعة غضب في رد على عبارة "بطنك مليانة من ناحيتي"

إذن هي بكية رأس السنة يحييها الشاب حيدر أم درمان

ودا طبعاً (ميز) حسب قاموسي التكتيكي ذو الحبل المتين
لكن لا الأولمبياد أو سلخ السماحة يضايقنه بشيء أو شيئين
وإلا لتقدم لإمامته يروم ضحداً أو توضيحاً أو أخير الاثنين
بل ران على (قلوبه) أن يؤم الصلاة جماعتين فيصيب من أجرين!
وعدم حضوره للأولمبياد ليس إلا (تمنعاً) وتثاقلاً وتلكآت!
ريثما (يجضم) حقت آل البيت الأوفر حسنات والأسرع ركعات
فهو قد أذن فيهم مرة ومرات وحسبه منها أن يتمها بلا مبطلات.

فإذا ضايقته عبارته كان بمقدوره حذفها، وهذا يكفي ليفهم الجميع أنها (زلة)
أو إنكارها، في نفس البوست بدلاً عن تجاهلها ثم (حشد) الناس للنقاش (عنها)
ولا أظنه يخجل من سرد (مآثره) بنفسه في منبر عام
فهاهو يطلع شبكة المعلومات الدولية على تاريخ ومكان ميلاده
ولم يطلب أحد مرتاديها أي من ذلك!
على الإطلاق.

على العموم أنا هنا للمشاركة طرفاً كؤود غير مسنود
وللآكشن النضيف الموعود إن تبين أنني المقصود
فليحضر كل متابع حجابو (وورق فلسكابو) كمية كافية
تجنباً لحرج (الادعاءات) الكاذبة والمخجلة والمجافية

=============

طيب كويس،
يا محمد الحسن حيدر، أم درمان، 1971
أولاً: أديك نصيحة كعضو في المنبر دا
بعيد عن النحيب والكوراك ولمة الناس وتعالوا أقيفوا معاي
وكتر الكلام والعرضحالات الفوق عن انتماءك
انت هنا حقو تركز على قضيتك
إن وجدت!

ثانياً: خليك واضح!
فهل تقصد بتلميحاتك شخصي (حاتم إبراهيم)؟
إذا الإجابة نعم واصل قرايتك، وإذا كانت (لا) أقيف هنا والكلام التحت لا يعنيك
أما الفوق فمجرد رأي مطروح في منبر عام.

---------

- عايز تتكلم عن هوية ولا خلافه، بوست بريمة مفتوح، تمشي هناك
- عايز تعمل أي توضيحات (مرجوة) عن (سماحتك) البوست مفتوح، تمشي هناك
- عايز تتكلم عن اضطرابات قبلية، البوست مفتوح، تمشي هناك

فبحسب الأنا شايفو، إنو اللمة العملتها هنا انصبت على تلاتة أمور:

1. بتقول (slander) يعني تشهير، وين التشهير دا بالمناسبة؟
   هل ممكن تحدده؟ والشهر بيك منو؟
   
2. بتقول (مطاردة) وين دا حصل ومنو الطاردك؟ وكيف المطاردة بتحصل في المنبر دا؟
   
3. بتقول (اتحرشو بيك) هههه، وين دا حصل ومنو الفاعل؟ والحرشة دي تمت كيف؟

وبحسب (الموال) الكتير الفوق حول انتماءك، بتحاول توصل مزاعم
بمحاولات لإبعادك عن المنبر! ودا زعم مبني على النقاط التلاتة الفوق
فحاول اثبتها أول وبعدين نشوف.

ثالثاً: شنو يعني (اسلاندر) حسب فهمك؟

بس عشان تكون الأمور واضحة ونقدر (نتعايش) معاك في (مناخك) الافتراضي.

أما سردك لسيرتك الذاتية انت منو وولد منو
وساكن وين، وولدوك سنة كم، فدي خصوصياتك
وحاتم ما حريص على مطالعة سيرتك الذاتية بالتفصيل
أو حتى مجرد ملخص
Who even cares؟

___
Hope this is crystal clear.

تحياتى و تقديرى اخى المشرف ..

المؤامرة تلو المؤامرة .. و رمى التهم جذافا اصبح ديدن الفارغين فى هذا المنبر .. و هدفهم الا تكون كلمة لكائن من كان الا هم .. و طريقتهم هى : أما ان تكون معى او انك عدوى..

لكن اسمح لى ان اشرح للقار كلمة سلادر التى تكررت فى مداخلاتك .. و لعلك لم تشرحها ..


slander
/ˈslɑːndə/
the action or crime of making a false spoken statement damaging to a person's reputation.
"he is suing the TV company for slander"
لها معنى قانونى .. جريمة او فعل لتدمير سمعة شخص ما .. و تكون باستخدام وسائل مختلفة ..

•a false and malicious spoken statement.

"I've had just about all I can stomach of your slanders"

اما المعنى العام .. فهو الصاق التهم بشخص ما و السعى لتصويره على غير حقيقته ..

و لها مترادفات كثيرة .. انظر ادناه ..
synonyms: defamation, defamation of character, character assassination, misrepresentation of character, calumny, libel; More
scandalmongering, malicious gossip, muckraking, smear campaigning, disparagement, denigration, derogation, aspersions, vilification, traducement, obloquy, backbiting, scurrility;

lie, slur, smear, untruth, false accusation, false report, insult, slight;


"he'd sue me for slander if I made the accusation publicly"

مشكور يا قريمان للاجتهاد في الشرح!

لكن لو تلحظ أنني وجهت سؤالي مباشرة لصاحب البوست، محمد الحسن، أم درمان 1971
وهو بالتأكيد له (رؤيته) التي ربما تكون أوسع من مجرد النسخ من القاموس.

وأظنه قادر على الإجابة مثلما قدر على الكتابة.

لا تُغذّي المتصيّد
في التجارب، أولئك الذين تم الرد على تعليقاتهم من المتصيّدين عادوا من جديد وهم أكثر رغبة في الاستمرار، لذلك ينصح متخصصو علم النفس دائما بألا تُغذّي الترول(11) (Don't Feed The Troll)، أي: لا تتفاعل معه، فإذا تدخلت في أحد الردود من متصيّد لترد بشتيمة مقابلة أو تجريح مضاد فأنت هنا لا تزعجه كما أزعجك، إذا كنت تفكر كذلك فأنت لا تفهم هذا الشخص بعد، إن إثارة غضبك هو هدفه بالأساس، لو قمت بشتمه سوف يستمر بوتيرة أعلى لأنه حقق مراده ويريد المزيد من التلذذ، بل قد يختلق حسابات وهمية للدخول منها وشتمك أكثر من مرة أو لمجرد وضع علامات إعجاب على تعليقه لإثارة غضبك أكثر.

Quote: وأنا مواطن سوداني من مواليد أمدرمان 1971

تشرفنا يا مواطن سوداني!
وبمناسبة العام الجديد اسمح لي أقول ليك عيد سعيد
وسنة حلوة يا جميل.

بس ما وضحت لينا بتقصد منو بتلميحاتك في بوستك دا
عشان نشبع ليك (الأنا) ذاتا و(رغباتك) الأخرى.
____
غير نشر تاريخ ولادتك.

وانت طيب وعام سعيد ومليء بالانجازات والنجاحات ..

Quote: وانت طيب وعام سعيد ومليء بالانجازات والنجاحات ..

شكرن!
بس ما جاوبت على الجزء المهم: ما وضحت لينا بتقصد منو بتلميحاتك في بوستك دا؟

Quote: وسأظل شوكة حوت في حلق اي مدعي وكذاب وعاطل عن الفكرة .

أها نجي للعوة المستترة!
المدعي وكذاب وعاطل عن الفكرة دا نعل ما واحدن (شين) قاعد معانا في المنبر دا؟
انت أشر عليهو بس (بطرف عينك) وشوف الأعضاء (يتكالبوا) عليهو كيفن والله (نتفه تف)!
ولا نامت أعين الجبناء.

تحياتى للجميع
الأخ حاتم مع حدته أشهد له بأنه يمتلك كثيرا من روح الدعابة "و الله يا حاتم أنا جادى"

طبعا توقعى لردك يا حاتمإحتمالاتو "فيفتى فيفتى" ، إنك ترد بعنف ودا حيكون تحقيقا للجزء الأول من جملتى "الأخ حاتم مع حدته..."أو إنك كمان ترد بلطف تحقيقا للجزء التانى من جملتى "أشهد له بأنه يمتلك كثيرا من روح الدعابة"
فى كلتا الحالتين لك ودى.

...