Post: #1
Title: ***** بعد اكثر من 28 سنة ما هي الوسيلة الأنسب للتغيير .. ؟؟ *****
Author: ABUHUSSEIN
Date: 12-19-2017, 04:03 PM
03:03 PM December, 19 2017 سودانيز اون لاين
ABUHUSSEIN-السعودية الرياض
مكتبتى
رابط مختصر بعد كل هذه السنين و بكل ما صاحبتها من احداث ...
حسب رأيك ما هي افضل وسيلة و انجح وسيلة يمكن ان يحدث بها التغيير ؟؟؟؟
اصبح واضح للجميع عقلية و كل طرق الحكومة في الحفاظ على السلطة ....
و ايضا كل المحاولات التي حدثت من اجل التغيير ....
|
Post: #2
Title: Re: ***** بعد اكثر من 28 سنة ما هي الوسيلة الأنسب �
Author: علي عبدالوهاب عثمان
Date: 12-19-2017, 05:18 PM
Parent: #1
حبيبنا أبوحسين .. مودتي
سؤالك وجيه ..
بالنسبة الطريقة هي إنتخابات نزيهة حرة ..
النظرة تغيرت بصورة يمكن أن نقول واسعة تجاه الحكومة
فقط أن تتوحد المعارضة وتأتي بزعيم مقنع صاحب كاريزما
غير الموجودين في الساحة حالياً .. ( ده شبه مستحيل )
حبيبنا أبوحسين .. الناس بعيدين عن كل النظريات السياسية والاحزاب
فقط المعيشة ( العلاج ، الجامعات ، الوجبات اليومية ، المواصلات ... إلخ )
الايامات غندور نجمه ساطع شوية متواصل مع الغرب وأمريكا .. كان يترشح مستقل
ومبارك الفاضل بعد قصة إسرائيل نجمه سطع شوية ,,
المهم يا أبوحسين إنتخابات وقائد صاحب كاريزما ..
ما عارف أنا الايامات دي شايف الحل في علاقة مع إسرائيل عشان نبقى زي أثيوبيا
مهبط لكل الاستثمارات ..
حتى في منتديات دنقلا الشباب قالوا لي عمك ( علي دا خرف شوية ) ههههه
عشان قلت ليهم نتياهو من عندينا .. لكن البعض أيدني
معليش أبوحسين .. طولت شوية في الموضوع .. لكن الحل الوسط غندور من خلال الانتخابات
|
Post: #5
Title: Re: ***** بعد اكثر من 28 سنة ما هي الوسيلة الأنسب �
Author: Asim Ali
Date: 12-19-2017, 06:24 PM
Parent: #2
لا....انتخابات كو
داء اصاب الوطن 28 سنه وتغلغل فيهو ....الانتخابات العده بتاعتها كلها فى يد النظام القاعد فوق صدرنا الزمن دا كلو
لا......... انتخابات كو
ولا انتفاضه وثورة على سق اكتوبر وابريل هى الحل.
.
الحل يجب ان يكون زى الجراحه الدقيقه حتى لاتتمزق البلد وتحترق بالحرب الاهليه.
.
اقرو قضيتكم حسب واقعكم (زمان... ومكان)
فى ناس كتيره دايره ترجع البلبد بدعوى النصر بعد حريق الاخضر واليابس الحيضرب البشر قبل الارض والشجر.
الوطنيه الحقيقيه انك تحسب حساب الانسان بالداخل وسلامتو قبل كل شىء
مش مواطن الداخل يتحمل اعباء الثورة .............. (والخيل تجقلب والشكر لى حماد).
العقل زينه
والوعى واجب
|
Post: #3
Title: Re: ***** بعد اكثر من 28 سنة ما هي الوسيلة الأنسب �
Author: صديق مهدى على
Date: 12-19-2017, 05:56 PM
Parent: #1
بوست انصرافى بحت هههها
|
Post: #4
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-19-2017, 06:18 PM
Parent: #3
حبيبنا علي التحايا الطيبة
الانتخابات زاتا كيف تجي ...
الناس ديل موجودين ما تحلمو بي انتخابات تجيب ناس غيرهم ...
انتخابات حرة نزيهة طبعا هي المطلب ...
بس كيف نصل ليها ؟؟؟؟؟؟؟ دا هو السؤال ...
مودتي
|
Post: #6
Title: Re: ***** بعد اكثر من 28 سنة ما هي الوسيلة الأنسب �
Author: Frankly
Date: 12-19-2017, 07:16 PM
Parent: #4
يا حبيب دعاوى التغيير بمعنى اسقاط النظام مجرد أحلام زلـــوط.
لذلك أنا ومنذ أكثر من 15 عام كنت وما زلت أدعو للإصلاح وضد اسقاط النظام
الإصلاح يعني أن تقبل بممارسة الأخر السياسية في ظل القوانين واللوائح والدستور
أي دعاوى لإقصاء المؤتمر الوطني من الممارسة السياسية غير مقبولة وغير منطقية.
وهي دعاوى خابت وخاب ساعيها
|
Post: #7
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-19-2017, 08:56 PM
Parent: #6
كلامك جميل اخونا عاصم
فعلا في اشياء كتيرة مفروض يحسب حسابها
و سلوك النظام منذ مجيئه و حتى الآن برضو يحسب حتى تنجح اي محاولة للتغيير ....
و حتى لا تكون الخسائر او التضحيات كبيرة ....
|
Post: #8
Title: Re: ***** بعد اكثر من 28 سنة ما هي الوسيلة الأنسب �
Author: Yasir Elsharif
Date: 12-19-2017, 09:00 PM
Parent: #6
سلامات يا أبو حسين
نعم النظام متشبث بالسلطة ولكنه سوف يكون مضطرا لأن يواصل في عملية التغيير التي هي في الحقيقة قد بدأت .
ما يحدث في دول المنطقة يشجع بل يضغط على النظام أن يقدم تنازلات وإلا ستحدث الفوضى التي يكون فيها ما يحدث في ليبيا مجرد لعب أطفال..
ياخي السعودية بجلالة قدرها ماشة في طريق التغيير.
قلت لازم أجيب سيرة السعودية لصديقي عادل!!
ياسر
|
Post: #9
Title: Re: ***** بعد اكثر من 28 سنة ما هي الوسيلة الأنسب �
Author: Yasir Elsharif
Date: 12-19-2017, 09:01 PM
Parent: #6
سلامات يا أبو حسين
نعم النظام متشبث بالسلطة ولكنه سوف يكون مضطرا لأن يواصل في عملية التغيير التي هي في الحقيقة قد بدأت .
ما يحدث في دول المنطقة يشجع بل يضغط على النظام أن يقدم تنازلات وإلا ستحدث الفوضى التي يكون فيها ما يحدث في ليبيا مجرد لعب أطفال..
ياخي السعودية بجلالة قدرها ماشة في طريق التغيير. وإلا ..
قلت لازم أجيب سيرة السعودية لصديقي عادل!!
ياسر
|
Post: #10
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-19-2017, 09:25 PM
Parent: #9
Quote: ا حبيب دعاوى التغيير بمعنى اسقاط النظام مجرد أحلام زلـــوط.
لذلك أنا ومنذ أكثر من 15 عام كنت وما زلت أدعو للإصلاح وضد اسقاط النظام
الإصلاح يعني أن تقبل بممارسة الأخر السياسية في ظل القوانين واللوائح والدستور
أي دعاوى لإقصاء المؤتمر الوطني من الممارسة السياسية غير مقبولة وغير منطقية.
وهي دعاوى خابت وخاب ساعيها
|
ليه يا فرانكلي مسميها احلام زلوط ... ؟؟؟
اللي بحلمو بالتغيير كتيرين و ما ممكن الكتيرين ديل تكون احلامهم احلام زلوط ...
ياها احلامك انت بي إصلاح النظام هي احلام زلوط...
مافي اي مؤشر لي انو في قبول للإصلاح و ما اظن عندهم الاستعداد لي تقديم اي تنازلات تؤدي للإصلاح ..
البلد محتاجة لي إستقرار سياسي يمهد الطريق لإصلاح ما دمره النظام الحاكم ...
|
Post: #11
Title: Re: ***** بعد اكثر من 28 سنة ما هي الوسيلة الأنسب �
Author: Frankly
Date: 12-19-2017, 09:32 PM
Parent: #10
28 سنة لو ما أحلام زلـــوط ح تكون شنو
الإصلاح بدأ والأحزاب المشاركة في السلطة الآن أغلبهاكان نعارض وبعضها كان حاملاً للسلاح
الآن كلهم تحت قبة واحدة ويعملون وفق وثيقة الحوار لأحداث التغيير بمعنى الإصلاح وليس اسقاط النظام
وهذه هي الممارسة السياسية الرشيدة غير كدا أحلام زلوط ساااكت ولو أدوهم كمان 28 سنة فلن يحققوا أكثر مما نالوا خيبة وحسرة وبعد عن الممارسة
أحلام زلــوط ذاتها شوية
|
Post: #12
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-19-2017, 09:39 PM
Parent: #10
Quote: سلامات يا أبو حسين
نعم النظام متشبث بالسلطة ولكنه سوف يكون مضطرا لأن يواصل في عملية التغيير التي هي في الحقيقة قد بدأت .
ما يحدث في دول المنطقة يشجع بل يضغط على النظام أن يقدم تنازلات وإلا ستحدث الفوضى التي يكون فيها ما يحدث في ليبيا مجرد لعب أطفال..
ياخي السعودية بجلالة قدرها ماشة في طريق التغيير. وإلا ..
قلت لازم أجيب سيرة السعودية لصديقي عادل!!
ياسر |
اهلا ياسر
مافي ضغوط على الحكومة تخليها تقبل بي اي إصلاحات غير الضغوط الاقتصادية ...
و اهو زي ما شايف كل يوم خارجيا هم مع معسكر ياخدو منو و لو قليل و يتحولو لي غيرو طمعا في اي حاجة تساعدهم في تجاوز الصعاب التي تسببوا فيها بي تخبط سياساتهم الاقتصادية الغبية ...
وحدة المعارضة فقط سوف تضعف الحكومة و تدي الامل للشعب المسكين الصابر ....
تحياتي
|
Post: #14
Title: Re: ***** بعد اكثر من 28 سنة ما هي الوسيلة الأنسب �
Author: Frankly
Date: 12-19-2017, 09:54 PM
Parent: #12
| Quote: وحدة المعارضة فقط سوف تضعف الحكومة و تدي الامل للشعب المسكين الصابر .... |
يا ها دي أحلام زلــوط بالمسطرة ولتمامة المشهد محتاجة كرتونة "نقد" للمعارضة (حضرنا ولن نجدكم) وكلام عمر الدقير قبل يومين (المعارضة ظاهرة صوتية.. “فالحة” في الشعارات وتوقيع المواثيق)
الضغوط الإقتصادية أكتر من حصار 20 عام دي ما أدونا ليه في المدرسة
|
Post: #13
Title: Re: ***** بعد اكثر من 28 سنة ما هي الوسيلة الأنسب �
Author: Abdullah Idrees
Date: 12-19-2017, 09:46 PM
Parent: #10
للاسف اي دعوة لاصلاح النظام من الدخل لن تأتي بأي ثمار مهما كان حجم الاصلاح .. عندما تسيطر جهة ما على اقتصاد البلد بالكامل فحتما هي من سيسير هذا البلد على هواها ، ناهيك عن سيطرتها المطلقة على مفاصل الخدمة المدنية والعسكرية و شركات القطاع العام والمختلط ..
لا يوجد اي حل غير تغيير راديكالي يجتث النظام من جذوره ويقوم بعملية محاسبة شاملة للجميع لارجاع الحقوق المسلوبة لاهلها سواء كانت مادية او معنوية او حقوقية ولابد من القيام بعملية تغيير جذري للبنية الفوقية ولمؤسسات الدولة المدنية والعسكرية.
بالتالي اعتقد ان اسقاط النظام بالطرق المدنية هو الانسب ، اعتقد ان الشعب تعلم بما فيه الكفاية من تجاربه او من تجارب الدول الافريقية المحيطة والقريبة التي مرت بنفس ظروفنا من الانقلابات والحروب الاهلية والثورات وغيرها .. لن تتم سرقة الثورة هذه المرة لأن سارقي الثورات السابقين هم الان جزء من النظام وسيذهبون معه الى الجحيم في رحلة واحدة ، كما انهم فقدوا اغلب قواعدهم الجماهيرية التي كانت تساندهم في الانتخابات ، الان باب الاستقطاب مفتوح للاحزاب الناشئة على مصراعيه والمؤتمر الوطني يعلم هذا جيدا ولذا يقوم بالتنكيل بالاحزاب الليبرالية الصاعدة مثل المؤتمر السوداني.
لا احد قادر على اسقاط النظام خلاف الشعب .. واذا حانت ساعة الشعب فسيهرب النظام بدون شك رغم ما قد يبديه من عنف
|
Post: #15
Title: Re: ***** بعد اكثر من 28 سنة ما هي الوسيلة الأنسب �
Author: muntasir
Date: 12-19-2017, 11:30 PM
Parent: #13
اللولب ،قوم لف ما تملانا فقر
|
Post: #16
Title: Re: ***** بعد اكثر من 28 سنة ما هي الوسيلة الأنسب �
Author: منتصر عبد الباسط
Date: 12-20-2017, 00:19 AM
Parent: #15
التحية لصاحب البوست الأخ أبو حسين وضيوفه
التغير ممكن وليس مستحيلا ولكن كيف ؟
التغيير سوف لا يتم إلا بتغيير وسيلة التغيير
الإفتراضية المبنية على تجارب سابقة
ثورة وانتفاضة أو انقلاب واعتصام ومظاهرات وما شابه
هذا كله اثبت فشلة ولو نجح
وسوف لا تنجح هذه الوسائل متهية الصلاحية هذه أبدا في احداث التغيير
ولو حدث وسوف لا يحدث
سوف لا يتغير شيء في الواقع نحو التعمير والإصلاح ...
فحينئذ ما هو الحل وما هي وسيلة التغيير الناجحة والناجعة والفعالة
هي وسيلة سهلة وبسيطة جداً لكن المشكلة الاقتناع بها ربما يكون صعب
وهي التغيير من الداخل
التغيير الإيجابي
التغيير الأخضر
الثورة الخضراء
لماذا يكون التغيير دائماً أحمرا
وقد فشلت محاولات التغيير الأحمر كلها في احداث تغيير
مات مئات الشهداء في الخرطوم
ودارفور وجنوب النيل الأزرق دون تحقيق التغيير المنشود
فالحل هو التغيير الأخضر فقط الأخضر
التغير الأخضر سوف يقلب الموازين وسوف يربك النظام
ويجعله يغير كل حساباته ويسقط في يده
إنتو بس قولوا لي التغير الأخضر دا شنو عشان بس احس في رغبة
لمعرفة هذا النوع من التغييرلتعطونا أمل بقبول هذا الخيار الأوحد للتغيير
ولو طبق التغيير الأخضر
الكيزان ديل الطائرات والأسلحة الروسية دي إلا يختوها لليوم الأسود
الما بجي داك
أو يبلوها ويشريوا مويتها
|
Post: #17
Title: Re: ***** بعد اكثر من 28 سنة ما هي الوسيلة الأنسب �
Author: elhilayla
Date: 12-20-2017, 01:30 AM
Parent: #1
أبو حسين وضيوفه
بالمختصر المفيد:
معظم قناعاتي عبر عنها الكثيرين
أشكر الأخ عبد الله إدريس الذي عبّر عني تماماً
وأكيد الحل يكمن في :
إسقاط النظام بالكامل
دون الخوض في التفاصيل التي تكلم عنها البعض
فلا داعي لتكرار
___
الحليلة
|
Post: #18
Title: Re: ***** بعد اكثر من 28 سنة ما هي الوسيلة الأنسب �
Author: سفيان بشير نابرى
Date: 12-20-2017, 02:24 AM
Parent: #17
ماعصرتنا علينا يا ضحكنجي!؟
|
Post: #19
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 11:56 AM
Parent: #18
Quote: 28 سنة لو ما أحلام زلـــوط ح تكون شنو
الإصلاح بدأ والأحزاب المشاركة في السلطة الآن أغلبهاكان نعارض وبعضها كان حاملاً للسلاح
الآن كلهم تحت قبة واحدة ويعملون وفق وثيقة الحوار لأحداث التغيير بمعنى الإصلاح وليس اسقاط النظام
وهذه هي الممارسة السياسية الرشيدة غير كدا أحلام زلوط ساااكت ولو أدوهم كمان 28 سنة فلن يحققوا أكثر مما نالوا خيبة وحسرة وبعد عن الممارسة
أحلام زلــوط ذاتها شوية |
مافي أي إصلاح بدأ يا كمال ... شغلهم كلو لف و دوران و ضحك على الناس .....
|
Post: #20
Title: Re: ***** بعد اكثر من 28 سنة ما هي الوسيلة الأنسب �
Author: Frankly
Date: 12-20-2017, 12:08 PM
Parent: #19
طيب ناس مبارك الفاضل والسر ديل قاعدين يعملوا في شنو ولا هم أيضاً تكوزنوا؟
يا أبو حسين الإصلاح شغال وهناك أحزاب كثيرة جداً وحركات كانت مسلحة منخرطة في الحكومة وتعمل من أجل الإصلاح
وهذا أقل كلفة من أحلام زلـــوط الما عارف ننتظرها كم سنة عشان تتحقق
مفروض الناس ما تبني مستقبلها على سراب وبناء قلاع رمل في عرض البحر
هناك أساس متين متوفر حالياً ويتمثل في مخرجات الحوار العايز تغيير بمعنى إصلاح فعليه أن يواصل من هنا لا أن ينتظر أحلام زلــوط
أنا عايز منك جدول زمني محدد بعد كم يوم بتتوقع يكون في تغيير جذري للحكومة أسقاط نظام الكيزان
يوم يومين شهر شهرين سنة سنتين؟
أديني فترة زمنية محددة وعافيك من برامج تحقيق هذا الهدف!!!
|
Post: #21
Title: Re: ***** بعد اكثر من 28 سنة ما هي الوسيلة الأنسب �
Author: MOHAMMED ELSHEIKH
Date: 12-20-2017, 12:50 PM
Parent: #20
انا شايف انهم يقوموا يزهجوا مننا ويشتتو
|
Post: #22
Title: Re: ***** بعد اكثر من 28 سنة ما هي الوسيلة الأنسب �
Author: Arif Nashed
Date: 12-20-2017, 12:51 PM
Parent: #20
Quote: يا أبو حسين الإصلاح شغال وهناك أحزاب كثيرة جداً وحركات كانت مسلحة منخرطة في الحكومة وتعمل من أجل الإصلاح
وهذا أقل كلفة من أحلام زلـــوط الما عارف ننتظرها كم سنة عشان تتحقق
مفروض الناس ما تبني مستقبلها على سراب وبناء قلاع رمل في عرض البحر
هناك أساس متين متوفر حالياً ويتمثل في مخرجات الحوار العايز تغيير بمعنى إصلاح فعليه أن يواصل من هنا |
الاصلاح جاري علي قدم وساق بدليل التدهور الاقتصادي الحاصل والضائقة المعيشية التي يعاني منها معظم الشعب ..
* ما هي الاصلاحات التي نفذها النظام منذ اعلان مخرجات الحوار ؟؟
* عايز منك جدول زمني محدد بعد كم يوم بتتوقع يكون في اصلاح للوضع الاقتصادي المتردي يوم يومين شهر شهرين سنة سنتين ؟.
* الحوار الوطني اكبر كذبة مررها النظام علي العالم والشعب السوداني اتسمي احزاب الشنطة احزابا !!
* ما هي الحركات المسلحة ذات الثقل التي انخرطت في حوار الوثبة ؟؟.
|
Post: #23
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 04:12 PM
Parent: #22
Quote: يا ها دي أحلام زلــوط بالمسطرة ولتمامة المشهد محتاجة كرتونة "نقد" للمعارضة (حضرنا ولن نجدكم) وكلام عمر الدقير قبل يومين (المعارضة ظاهرة صوتية.. “فالحة” في الشعارات وتوقيع المواثيق)
الضغوط الإقتصادية أكتر من حصار 20 عام دي ما أدونا ليه في المدرسة
|
يا كمال حكومة 28 سنة تخرب و عايز الناس يثقوا فيها بي انها حا تقدم شي للبلد ..
البلد محتاجة لي ناس وطنيبن همهم الوطن و دي الناس ديل ما عندهم ...
البخرب عمرو ما حا يعمر ....
و كمان نقبل بي انو وطنا يكون حقل تجارب ... !!!!!!!
|
Post: #24
Title: Re: ***** بعد اكثر من 28 سنة ما هي الوسيلة الأنسب �
Author: Frankly
Date: 12-20-2017, 04:44 PM
Parent: #23
يا أبو حسين لما تقول الحكومة بنقصد ياتو حزب من أحزاب الحوار الوطني التالية والمنبثق منها حكومة الوفاق الوطني؟
المؤتمر الوطني
المؤتمر الشعبي
حزب الأمة القومي
الحزب الإتحادي الديموقراطي الأصل
الحزب الإتحادي الديمقراطي المسجل
حزب الأمة الاصلاح والتنمية
حزب اللجان الثورية
حزب النهضة القومي
حزب الشرق الديمقراطي
حزب حركة تحرير السودان
حزب اتحاد الفونج القومي
الحزب القومي السوداني الحر
حزب الجبهة القومية الإسلامية
حزب اللجنة المركزية قطاع جبال النوبة المتحد
حزب جماعة أنصار السنة المحمدية بالسودان
حزب التحمع الوطني القومي
حزب السودان أنا
حزب الحركة الشعبية التغيير الديمقراطي
حزب العدالة
حزب منبر الديمقراطي القومي
حزب الوطن
حزب المؤتمر الديمقراطي الاجتماعي لشرق السودان
حزب تحالف الشعب القومي
حزب المنبر المجتمعي المدني الدارفوري
حزب الحقيقة الفيدرالي
حزب جبهة شرق السودان
حزب الاصلاح الوطني
حزب اتحاد قوى الأمة
حزب الرباط القومي
حزب التحرير والعدالة
حزب الأمة
حزب الاتحادي الديمقراطي
حزب الحركة القومية للسلام والتنمية
حزب الحركة الشعبية المتحدة
حزب التغير الديمقراطي
حزب حركة تحرير السودان القومي
حزب الأمة الوطني
حزب الأسود الحرة السودانية
حزب الصداقة الشعبية العالمية
حزب اللجنة المركزية قطاع جبال النوبه المتحد
حزب حركة القوى الشعبية للحقوق والديمقراطي
حزب منبر السلام العادل
حزب العدالة القومي
حزب الاتحاد الاشتراكي السوداني المايوي
حزب الحركة الشعبية المتحدة
حزب الحركة الشعبية – أصحاب القضية الحقيقية
حزب الاتحاد الاشتراكي السودانية الديقراطي
حزب الجبهة القومية السودانية
المجموعة الوطنية لتصحيح مسار ازمة دارفور
حزب العمل الوطني
حزب مجلس السياسيين للسودانيين المستقلين
حزب الدعم الوطني
حزب تحالف الشعب القومي
الحزب القومي الديمقراطي
حزب تحريرالعدالة القومي
الحزب الاتحادي الديمقراطي الاصل
حزب الامة الفدرالي
حزب السودان الحديث
حزب مؤتمر البجا
حزب الشرق للعدالة والتنمية
حزب الديمقراطيون الاحرار
حزب التحرر الوطني
حزب القومي السوداني المتحد
حزب الطريق الاسلامي
حزب وحدة وادي النيل
حزب القومي الديمقراطي الجديد
حزب الامة المتحد
حزب الحركة الشعبية اصحاب القضية الحقيقيين مجموعة الاصلاح
حزب اتحاد عام شمال وجنوب الفونج
حزب الأمة الاسلامي
حزب الامه الفيدرالي
حزب السودان الحديث
حزب السودان الجديد
حزب الدستور
حزب الجبهة الوطنية المتحد
حزب تنظيم المؤتمرات الشعبية
حزب تحرير السودان الام
حزب تحالف قوة الشعب العاملة
حزب الاراده الحرة
حزب التقدم والعدالة الاجتماعية
حزب المستقبل السوداني
والأحزاب الفوق دي كلها لو ما جابت ناس وطنيين ننتظرهم من منو وليه؟
|
Post: #25
Title: Re: ***** بعد اكثر من 28 سنة ما هي الوسيلة الأنسب �
Author: علي عبدالوهاب عثمان
Date: 12-20-2017, 05:06 PM
Parent: #24
حبيبنا أبوحسين .. مودتي
هل كل هذه الاحزاب التي أوردها الحبيب فرانكلي في الحكومة ..
ما كان أحسن لينا الواحد يكون حزب في السودان أحسن من الاغتراب
وزحمة الكفيل والرسوم المتنوعة دي ..
بس المشكلة كيف نقنع أهلنا في ضواحي الدنيا بموضوع الحزب
إذا كلام فرانكلي مؤكد .. ما في مخرج سيكون الوضع على ما هو عليه ..
مودتي أبوحسين
|
Post: #26
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 05:55 PM
Parent: #25
اخونا عبدالله ادريس ما قصرت
حكاية الاصلاح من الداخل دي واحدة من اكاذيب و خدع الحكومة التي تطلقها لتهدأة الناس و خداعهم و تخديرهم لإستمرارها
ااي نظام ديمقراطي في وجود حريات حقيقية سيلفظ كل الاحزاب الفاشلة سواء كانت قديمة او جديدة...
الشعب الآن اكتسب خبرات و عرف الكتير عن الاحزاب و السياسيين الذين تعاونو مع الفاشلين .....
|
Post: #27
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 06:20 PM
Parent: #26
| Quote: اللولب ،قوم لف ما تملانا فقر |
لولب في عينك يا عواليق ....
|
Post: #28
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 06:34 PM
Parent: #27
| Quote: إنتو بس قولوا لي التغير الأخضر دا شنو عشان بس احس في رغبة |
😂😂😂😂
اهلا اخونا منتصر
التغيير الاخضر دا شنو .... ؟؟؟؟؟
التغيير ممكن ما مستحيل إرادة الشعب قادرة على أي شي مهما صعب ...
|
Post: #31
Title: Re: ***** بعد اكثر من 28 سنة ما هي الوسيلة الأنسب �
Author: منتصر عبد الباسط
Date: 12-20-2017, 07:22 PM
Parent: #28
سألتني عن التغيير الأخضر يا أخ أبو حسين
هو أن تجتمع كلمة كل من يريد للسودان واقع جديد
بأن تستنفر الجهود لعمل كيان شعبي واحد متآلف
يوحد الجهود والغايات ويتم وضع رؤى مدروسة ومفتوحة
لكل الباحثين لعمل دراسات للأصلاح في كل المجالات
بداية بالتعليم ثم غيره من المجالات...
مشكلة السودان كلها يمكن حلها باصلاح وتجويد التعليم
بادخال مناهج ومواد لا اريد أن أخوض في تفصيلها
هي ما سيغير وجه السودان وهو ما فعلته ماليزيا
وممكن أن نقوم بأكثر مما قامت به ماليزيا لأن بالسودان
ثروات ضخمة التعليم الحالي في السودان مكرس
في صناعة العطالة والتبطل وزر الرماد في العيون
فلو الرافضين للحال كرسوا الجهود في وضع رؤية
لخلق تعليم يخرج نشىء منتج ومحب لوطنه
ومستغل لخيرات وطنه وذراعه أخضر
بهذا فقط نكون انطلقنا في طريق التغيير
والنهضة...
يعني باختصار عايزين معارضة لها رؤى
واضحة لسودان جديد..
وبعد داك المطالبة بالتطبيق حتى
لو طبقت الرؤى في نطاق ضيق
ثم توسيعها لتشمل السودان
أنا لا أدعي أني أملك الرؤية كاملة
ولكن هذا مجرد مثال.
لما ننتظر حتى يسقط النظام لنفكر بعد ذلك في كيفية
خلق سودان جديد ولا نفكر من الأن في ذلك
ليس هذا فقط
بل يمكن تحقيق اسقاط النظام
بس فقط لو فكرنا كويس
وبدينا نعمل من الداخل عبر منظمات لا تتحرج من التعامل مع
النظام بحذر وبمراغبة من جهة عليا لمعارضة موحدة تجمع كل
فصائل المعارضة للتفاكر حول وضع تصور لسودان جديد
أنا ما عارف فكرتي وصلتها ول لسع
|
Post: #29
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 07:10 PM
Parent: #27
Quote: أبو حسين وضيوفه
بالمختصر المفيد:
معظم قناعاتي عبر عنها الكثيرين
أشكر الأخ عبد الله إدريس الذي عبّر عني تماماً
وأكيد الحل يكمن في :
إسقاط النظام بالكامل
دون الخوض في التفاصيل التي تكلم عنها البعض
فلا داعي لتكرار
___
الحليلة |
اهلا اخونا الحليلة
نعم الإسقاط الكامل و الشعب يقول كلمته ....
|
Post: #30
Title: Re: ***** بعد اكثر من 28 سنة ما هي الوسيلة الأنسب �
Author: ABUHUSSEIN
Date: 12-20-2017, 07:16 PM
Parent: #29
| Quote: ماعصرتنا علينا يا ضحكنجي!؟ |
كبييييير كدا و بتتراجف ... 😂😂😂😂😂
و عصرت عليك في شنو ...؟؟؟
البشير عرض عليك وزارة في عصابته ..؟؟؟
|
Post: #32
Title: Re: ***** بعد اكثر من 28 سنة ما هي الوسيلة الأنسب �
Author: Asim Ali
Date: 12-20-2017, 09:43 PM
Parent: #30
حذف للتكرار
|
Post: #33
Title: Re: ***** بعد اكثر من 28 سنة ما هي الوسيلة الأنسب �
Author: Asim Ali
Date: 12-20-2017, 09:43 PM
Parent: #30
ورد فى صحيفه الانتباهه اليوم
*حمله المبايعه :(طول ماالبشير حى مافى راجل بقعد فى كرسى الرئاسه).
*مشروع قانون الاتصالات يعاقب متداول الاخبار المختلقه بخمس سنوات سجن
تعليق: (تداول) معنى فضفاض زى حكايه الزى الفاضح فى قانون النظام العام ممكن تحصل حتى لو جاءت فى صيغه تساؤل كما اظن وناس القانون يفتونا فى الحته دى
*شركه كويتيه ترغب فى الاستثمار فى تطوير سودانير وشركه سنجنيب للملاحه البحريه.
تعليق :ناقلنا الوطنى !!!!!!
*وزاره الدفاع :المطارات مخترقه والذهب يهرب عبرها.
تعليق :وميزانيه الدوله اغلبها يذهب للدفاع و(الامن)
*******************************************************
اصلاح شنو اذا كان الحال سىء والقمع متواصل والجماعه مكنكشين فى الكرسى وحايمين بيهو رجاله كدا
لا بد من تغيير جذرى و بناء نظام جديد يبنيه الشعب عبر مؤسساته السيايه
|
Post: #34
Title: Re: ***** بعد اكثر من 28 سنة ما هي الوسيلة الأنسب �
Author: سفيان بشير نابرى
Date: 12-20-2017, 11:47 PM
Parent: #30
وزارة شنو ياخ انا لو كرموني ضمن أهم 12000000 الشخصيات سنة 2017
بتش اي شي.
|
Post: #35
Title: Re: ***** بعد اكثر من 28 سنة ما هي الوسيلة الأنسب �
Author: بدر الدين الأمير
Date: 12-21-2017, 05:02 AM
Parent: #34
ابا الحسين بالانجليزى اوغفير المنبر او الامنجى مش فارقة
(ذهبت سيدة للمحامى وقالت له مش عارفة كيف اعبر لك عن شكرى وامتنانى لك
لقد نلت البراءة بفضل دفاعك عنى فرد المحامى ياسيدتى منذ ان اقترع الفينقين
المال وسيلة للتعبير لاتوجد غير وسيلة واحدة تعبرى بها عن شكرك وتقديرك لى)
فياسيدى تغير نظام البشير ( اخوان ) اخوان دى تعنى التنظيم والاسرة المتمددة
بشواطينها مابحصل تغير بغير نفس الطريقة التى اتو بها للحكم وجزو الرقاب
تنهدات: الكلام للقدال والغناء لمصطفى
نحدر فقر سمنتها الليالى الضليمة
|
|