Post: #2
Title: Re: سبع صنايع والبخت ضائع.. حوار شيق مع زميلي د
Author: Abdullah Idrees
Date: 12-18-2017, 08:16 PM
Parent: #1
18 مليون شجرة طلح تستهلكها المرأة السودانية ؟ 800 مليون دولار قيمة استهلاك الفحم سنويا ؟
غايتو السودان ده فيهو مشكلة بتاعة احصا فظيعة جدا
بحساب بسيط جدا نجد ان تعداد الاناث في السودان كلو حوالي 18 مليون ، اطرح منهم عدد الاناث الاطفال + غير المتزوجات + المسنات ، حيفضل كم ؟
حتى ولو افترضنا ال18 مليون ديل بيستخدمن الطلح هل يمكن ان تستهلك المرأة شجرة كاملة في العام ؟ الا تكون متزوجة عمنا ابوزيد الهلالي يرحمه الله http://sudaneseonline.com/db/attention/010_Smile.gif
اما موضوع الفحم فما عارف غايتو حسبو كيف وجاب قيمة فاتورتو 800 مليون دولار لان استخدامه انحسر لحد كبير جدا وبقينا ما بنشوفو الا عند ستات لشاي مع اننا قرويين كنا نعتمد عليه اعتمادا كاملا في فترة سابقة ..
اسي ال800 مليون دولار دي بتعمل كم شوال بحسبة بسيطة اذا كانت ال100 دولار بتعمل 2مليون وستمية الف يعني حوالي 4 او 5 شوالات !
لا يمكن لبلد ان تتقدم بدون جهاز احصاء محترم
سلام امين
|
Post: #3
Title: Re: سبع صنايع والبخت ضائع.. حوار شيق مع زميلي د
Author: الأمين عبد الرحمن عيسى
Date: 12-19-2017, 06:04 PM
Parent: #2
18 مليون شجرة طلح تستهلكها المرأة السودانية ؟ 800 مليون دولار قيمة استهلاك الفحم سنويا ؟ غايتو السودان ده فيهو مشكلة بتاعة احصا فظيعة جدافع
التحية ليك الأخ عبدالله إدريس
ولله فعلا عندنا مشكلة كبيرة في الإحصاء وأنا كنت دائما بقول لنفسي كده..
إن شاء الله أخونا دكتور عبدالماجد عبدالقادر يقرأ تعليقك دا ويراجع نفسه في إفادته دي.. أنا الحقيقة ما ركزت كتير على كلامه الأخير بتاع الطلح وأعتبرته من باب الطرفة والنكته.. ولم أحمله محمل الجد..
لكني كنت معجبا بتجربته التي أمضي بسببها شهورا في الحراسات لذا نقلت الموضوع لمشاهدي سودانيزأونلاين..
لك التحية والتقدير أخ عبدالله
|
Post: #4
Title: Re: سبع صنايع والبخت ضائع.. حوار شيق مع زميلي د
Author: محمد فضل الله المكى
Date: 12-21-2017, 10:15 AM
Parent: #3
.
أمين تحياتي
الدكتور عبدالماجد عبدالقادر ، عرفته إبان الفترة التي عملت فيها كمزارع بالقضارف ، فقد
كان الرجل صاحب والمدير العام لشركة ( سدني) التي كانت تقوم بزراعة 10% من مساحة
كل مشروع زراعي بأشجار الهشاب ، وانتُدِب صديقنا السر بتي مديراً لهذه الشركة بعد ان كان
يعمل مديراً للزراعة الآلية بالقضارف ..
في تقديري ان ذلك المشروع إذا قدر له ان يغطي ولو 25% من مساحة المشاريع الزراعية في
القدنبلية والسافل وسمسم ، لأصبح عائد السودان من الصمغ افضل من بترول جوبا.
تشرفت بأن اكون ضمن الحضور الكبير في حفل تدشين المشروع بمنطقة ( المِقرِح) غرب
القضارف على الطريق الرئيسي ( القضارف/ مدني) .. وفي كلمة الدكتور قال إن اسم الشركة
(سدني) ليس المقصود به عاصمة استراليا ، ولكنها الأحرف الأولى من أسماء أسرتي الصغيرة
التي تقوم بواجب ضيافتكم ...كانت زوجة الدكتور ووأطفاله هم من يقوم بتوزيع الحلوى والبارد
على الضيوف.
في تقديري ان الدكتور عبدالماجد عبد القادر لم يجد التقدير المناسب و الموقع المناسب !
وقالوا سمح القول في خشم سيدو
|
|