شكرا ابو مازن نحن لسنا عرب ، فمن انتم وما هى أصولكم ؟

04:29 AM December, 13 2017

سودانيز اون لاين
صديق مهدى على-
مكتبتى
رابط مختصر

ابو مازن مسلوب الحرية ونفسه الدنية ويده الملوية يتحدث بتعتعة لغوية
ويقول السودان ليس بدولة عربية

صديق أبو ما زن ما قال الكلام دا ......

اها قال شنو يا ابو حسين أب طبعا شين ؟
خالص
ودى

هذا هو ابو مازن ذنب من أذناب اليهود يهين السودان من داخل تركيا
وسط جمع غفير من المسلمين والبشير من بينهم .
السؤال ما هو رد السودان الرسمى والشعبي على هذا الكلام ؟

صديق أبو ما زن ما قال الكلام دا ......
أضغط هنا يا شيخ صديق

الحبيب صديق،
سلام .. أبداً لم يقل .. يا أخواني ما تستمعوا للشريط .. دقيقة 28.

بريمة

حباب انا تابعت كلام ابو مازن من داخل قاعة الاجتماع على قناة الحدث
حيث شكر ثلاث دول غير عربية هى تركيا وإيران والسودان ههها

يا سبحان الله وهل السودان فى حوجة لذلك وزى ما بقول المثل
تعيش كتير تشوف كتير هههها

هيييع
صديق فتح وما اظن يقيف في محطتك يا ابوحسين
خلاص قال يعني قال

حباب حيدر
اها رأيك فى كلام ابو مازن شنو ؟

نحن نفتخر بأننا عرب أفارقة ولسنا فى حوجة لامثال ابو مازن ان يحدد
هويتنا وزى ما بقول المثل يا ابو مازن الفيك بدربو

صديق،
أستهدي بالله .. ما تحملوا الزول ما يقل ..

Quote: حباب انا تابعت كلام ابو مازن من داخل قاعة الاجتماع على قناة الحدث حيث شكر ثلاث دول غير عربية هى تركيا وإيران والسودان ههها

الشريط قدامك .. جيب لينا الدقيقة .. ما ذكره في الشريط في الدقيقة 28 .. لم ينف عروبة السودان .. ولم يشر أصلاً إلي عروبة .. بل أشار إلي عرب ودول إسلامية ساندت فلسطين .. وكان التخصيص في والعرب والدول الأسلامية لتركيا، وإيران والسودان.

إذا ما بتعرفوا لغة عربية .. ما تجلبطوا ساكت ..

بريمة

كل الناس بتلخبت يا بريمة اها ربنا يكضب الشينة
تحياتى
يا غالى يعنى نحنا عرب ههههها

ي صديق مهدي حتي لو ابومازن قال السودان ما عرب البوجعك شنو !!
السودانيين غير عرب وهذه حقيقة فالتلصق بالعرب ذاتو ما حبابو وليس شرف في حد زاتو ..
يعني فرحان بانك عربي ..
اثبت بأنك عربي ..

ازمة الهوية ام الازمات السودانية
وهل نفى العروبة مذمة ام العروبة فخر ؟
كن انت كما انت وكفى

حباب عارف ومحمد مش المهمة العروبة الاهم من دا كله تعامل الند بالند لا
الدونية
تحياتى

سلام اخ صديق وللمشاركين

فرضاً قال الكلام ده

البيوجع شنو ! ! ! !

الحقيقة دائما مرّة خلاص

بريمة انت مقتنع بعروبية السودان ؟ ؟ ؟ ؟

مودتي

ويقول السودان ليس بدولة عربية
____________________________

طيب دي ما الحقيقة

السودان بالتعريف والحدود السياسيه المعروفه منذ العهد التركى والذى
*يختلف عن السودان الجغرافى (ارض السود) المعروف تاريخيا ومنذ القدم
*نحناخليط سمك -لبن -تمرهندى علينا ان ننسى حكايه انا شنو وانت شنو وعربيه وافرقانيه ووكوشيه والكلام العجيب اللى مايقدم ولايؤجر
نحنا بشر جمعتنا ارض على اختلافاتنا يجب ان نتفاعل كامه سودانيه لها خصائصها التى يجب ان تعززها وتقدمها للعالم دون النبش فى تخلف العنصرى والتفاخر بالاصول العنصريه.لان هذا يدل على الضعف والاتهزام
انطلق من ارضيه الحاضر الذى تقف نحو المستقبل كسودانى فقط

اليهود لو مفتحين يعترفوا بعروبة (السودان).

والله ياحاتم دي فكرة عبقرية
دايرن واحد يوصلها ليهم

للمرة المليون أقولها نحن السودانيين مشكلتنا انعدام ثقتنا بأنفسنا.....يعني أبو مازن ولاغيره قال ولا ماقال فرقت معانا شنو؟ يعني لو قال السودان قلب العروبة النابض خلاص راضين؟ مرخصين روحنا برانا!

للمرة المليون أقولها نحن السودانيين مشكلتنا انعدام ثقتنا بأنفسنا.....يعني أبو مازن ولاغيره قال ولا ماقال فرقت معانا شنو؟ يعني لو قال السودان قلب العروبة النابض خلاص راضين؟ مرخصين روحنا برانا!

Quote: بريمة انت مقتنع بعروبية السودان ؟ ؟ ؟ ؟ مودتي

نعم .. السودان بلد عربي .. نوبي .. زنجي .. ونحن السودانين جميعاً أفارقة .. وأغلبنا مسلم وثقافياً عرب .. وجزء مقدر أثنياً عرب.

هذا التعدد الأثني لا ينفي أن في السودان عرب .. وبالتالي جزء من هويتنا عربية ..

أنت قول لي زنجي بقول نعم .. عربي نعم، نوبي نعم .. المشكلة وين؟


كل ما أقول به أن الهوية العربية جزء لا يتجزأ من الهوية السودان .. كونك تري نفسك زنجي أو غير عربي لا يعنى غمض حقوق أخرين .. يا أخوانا كونوا ناس حضاريين شوية.

بريمة