علم السودان !!!

01:09 PM December, 08 2017

سودانيز اون لاين
أبوذر بابكر-
مكتبتى
رابط مختصر

علم الدولة، أى دولة، فى المقام الاول بكون رمز لسيادة الدولة
Sovereign state code
حسب ما بقول القانون الدولى، وبعد كده ممكن يكون للعلم تعبير ودلالة فيها مضامين تخص الدولة،سواء كانت ثقافية، تاريخية، طبيعية او حتى اثنية مثلا

علم السودان الحالى هو علم القومية العربية المزعومة مع بعض الاضافة البسيطة للتمييز بين كل دولة و التانية، والاضافة فى حالة السودان هى المثلث الاخضر المضاف للالوان الافقية التلاتة
نفس العلم، بدون اضافة هو نفس علم العراق والأردن وفلسطين وسوريا و اليمن ومصر والكويت والامارات، وكل دولة عندها اضافة التمييز الخاص بيها سواء كانت اضافة شكل مصور زى الصقر او النجوم او جملة مكتوبة زى الله اكبر الخ

علم السودان الحالى تم اعتماده فى بداية عهد انقلاب مايو وسيطرة مواهيم مصابين بلوثة و وهم القومية العربية وانقياد اعمى النظام المصرى والكان بعتير انه قائد وحامى وهم القومية العربية

طيب
السؤال الاول هو
هل العلم الحالى هو تعبير جيد عن دولة السودان ؟

دولة السودان بكل اثنياتها وقومياتها واعراقها المختلفة ومتنوعة، دولة السودان بطبيعتها الثرة و غنية، ودولة السودان بوضعها الجيوبوليتيكى وباحلامها المستقبلية واحداثها التاريخية من قبل اكتر من سبعة آلاف من السنين ويمكن قبل وجود عدنان و قحطان فى الدنيا

السؤال التانى

هل انت كانسان سودانى شايف ومقتنع انه العلم الحالى يعبر عنك وعن بلدك ؟

شكرا أخ أبو ذر

كان العلم الحالي هو علم فرضه عبد الناصر على النميري وعلى عدد

من رؤساء الدول العربية ومعظمها أعلام مشتقة من ألوان العلم المصري

وكان الاتجاه هو الوحدة العربية وتوحد الدول العربية في كيان واحد أو في اتحاد

اقليمي

وكان المفترض عند اندلاع الانتفاضة ضد النميري أن يكون تغيير العلم أول

تعبير رمزي على التغيير في السودان وكان الأولى الرجوع لعلم الاستقلال بحيث

أنه العلم الذي عليه توافق السودانيون في السابقة الفريدة للتوافق وإعلان الاستقللال

من داخل البرلمان والذي تحت ظلاله حكمت معظم حكوماته الديمقراطية ...

وهي من النقاط التي تنتقص عندي من ثورية رئيس الوزراء سيد صادق المهدي وتردده

الملازم لمسيرته السياسية فما كان يكلفه تغيير العلم سوى الاعلان السياسي وهو الذي

اسهب في الكلام والشروحات أثناء فترة حكمه القصيرة وكان يمكنه بايماءة أن يقرر تغيير

العلم إلى علم الاستقلال خاصة وأن علم النميري تمت تحت خفقاته العديد من المذابح ضد

القوى الديمقراطية الحية وما مذابح الجزيرة أبا والكرمك وأم درمان ببعيدة على الاذهان

ويبدو أن معظم المراقبين اتفقوا على ان سيادته تجنب تغيير العلم لعدم اثبات شئ في البلاد

لصالح غرمائه الاتحاديين

أحمد الشايقي

تحياتى استاذنا احمد الشايقى

فعلا فترة ما بعد الإنتفاضة ضد النميرى كانت مناسبة جدا لتغيير العلم
وحتى لو ما كان بالرحوع للعلم الاول كان على الاقل فى امكانية لتصميم علم جديد
الديمقراطية التالتة كانت محبطة فى اشياء كتيرة

حتى قوانين سبتمبر كان ممكن وبكل سهولة تتلغى

شكرا ليك على مشاركتك القيمة

ويمناسبة قرب اعياد الأستقلال ننادي معكم بدراسة تغيير علم السودان بما يناسب التنوع الأثني والثقافي والجغرافي والأقتصادي للوطن القارة.
علم الاستقلال لايمكن العودة اليه لان احد دول غرب افريقيا قد اعتمدت نفس التصميم والالوان
تحياتي

الفرق بين العلمين هو فرق بين وعيين في السودان
علم الاستقلال وشعار السودان للسودانيين " الدولة الديمقراطية الفدرالية الاشتراكية" والاحزاب الوطنية حزب الامة وحزب الشعب الديمقراطي والحزب الجمهوري والحركة الشعبية النسخة الاصلية بتاعة جون قرنق وتمثل 95^ من الشعب السوداني

علم القوميين العرب علم الالكعوك والاقيات المنبتة في المركز الدولة المركزية الفاسدة والفاشلة والفاشية المجرمة التي تاتي بالانقلابات
الشيوعيين والقوميين العرب 1969 والاخوان المسلمين وتمثل 5% من المحسوبين على السودان وضيعو 50 سنة من عمر السودان حاصل فارغ
https://up.top4top.net/https://up.top4top.net/

اعظم نكبة حصلت للبلد هى انضمام السودان لجامعة العربان

وحقو الناس تقعد وتسال نفسها

شنو استفدنا وشنو خسرنا من الشى ده ؟

وبجردة حساب بسيطة ونقد ذاتى الناس ممكن تعرف الإجابة

شكرا يا محمد على المشاركة

ما بالضرورة نرجع لنفس العلم القديم
وممكن التاس تبدع علم جديد يعبر عننا بكل سهولة
المشكلة بتبقى فى عدم الوعى والبلادة والاستخفاف الواقعين نحن فيه