لي درجة ايمان لندن ؟ و الله مصيبتنا بقت ما ليها حل ...
Post: #2 Title: Re: ايمان لندن تحيي حفل عشاء البشير و ادريس دب Author: يحي قباني Date: 12-05-2017, 02:18 AM Parent: #1
و دي نشرة الاخبار من تلفزيون تشاد ...
Post: #3 Title: Re: ايمان لندن تحيي حفل عشاء البشير و ادريس دب Author: يحي قباني Date: 12-05-2017, 02:22 AM Parent: #2
و كمان ببشّر ...
و الله لكن ( قدلة ) ...
Post: #4 Title: Re: ايمان لندن تحيي حفل عشاء البشير و ادريس دب Author: محمد على طه الملك Date: 12-05-2017, 02:31 AM Parent: #3
سلامات يا هندسة .. هم ما عندهم فنانين ؟ ولّ يكونوا عايزين يرقو ريسنا ؟ دي غايتو اسمها من دقنو فتلو. . محن زيما بقول ود بدري.
Post: #5 Title: Re: ايمان لندن تحيي حفل عشاء البشير و ادريس دب Author: صديق مهدى على Date: 12-05-2017, 05:14 AM Parent: #4
يحى قبانى وود الملك سلام صديق مهدى على
Post: #7 Title: Re: ايمان لندن تحيي حفل عشاء البشير و ادريس دب Author: حيدر حسن ميرغني Date: 12-05-2017, 05:35 AM Parent: #5
سلام يحي والله اكثر ما يحير الواحد موضة الغناء في المناسبات المتل دي البشير فعلا رئيس راقص ارتبط عهده بثقافة الغناء المبتذل وحشر الفنانين في كل مناسبة هو طرف فيها والله لولا الحرج لصاحبته فرقة غنائية في تشييع الجنازات التي يحضرها والفنانيين والفنانات اصبحوا في عهده ارزقية لايهمهم شيء سوا الظهور قالوا كثرة الغناء بتكتل القلب
Post: #6 Title: Re: ايمان لندن تحيي حفل عشاء البشير و ادريس دب Author: محمد المرتضى حامد Date: 12-05-2017, 05:34 AM Parent: #4
بالله برضو حكومتهم تسمى اللنغاز ولها ٢٧ سنه وهي مستهدفه وأيضا معارضتهم مجموعة مجانين ومهربين وموهومين؟
أكيد بيلحسوا كوعم..
غايتو يا هندسه هذه ( الغنايه) أفسدت علي متعة الترجمه.
Post: #8 Title: Re: ايمان لندن تحيي حفل عشاء البشير و ادريس دب Author: ايمن الصادق Date: 12-05-2017, 06:30 AM Parent: #6
سلامات . حكاية تشاد والغناء السوداني دا شنو ما عارفو . قبل كدا برضو نزلت هنا انو قناة مصريه استضافت ضيف تشادي وبثوا اغنية سودانيه برقصات وأزيا قد تكون تشاديه ،،،، والمناسبه موضوع البوست هي وطنيه وبالأحرى لحزب حاكم بالضروره يكون فيها غناء وطني ، أو على الأقل فنان وطني . المهم ايمان تليق بهم ( مناسبةً وحضورآ ) . هو عليك الله كما الفوضى وإهدار لأموال الشعوب دي ذكرى تستاهل يقوموا ليها احتفالات ؟
Quote: سلام يحي والله اكثر ما يحير الواحد موضة الغناء في المناسبات المتل دي البشير فعلا رئيس راقص ارتبط عهده بثقافة الغناء المبتذل وحشر الفنانين في كل مناسبة هو طرف فيها والله لولا الحرج لصاحبته فرقة غنائية في تشييع الجنازات التي يحضرها والفنانيين والفنانات اصبحوا في عهده ارزقية لايهمهم شيء سوا الظهور قالوا كثرة الغناء بتكتل القلب
Quote: بالله برضو حكومتهم تسمى اللنغاز ولها ٢٧ سنه وهي مستهدفه وأيضا معارضتهم مجموعة مجانين ومهربين وموهومين؟
أكيد بيلحسوا كوعم..
غايتو يا هندسه هذه ( الغنايه) أفسدت علي متعة الترجمه.
و الله يا مولانا بس ياها ...
شبهينا و اتلاقينا ...
Post: #12 Title: Re: ايمان لندن تحيي حفل عشاء البشير و ادريس دب Author: Asim Ali Date: 12-05-2017, 04:09 PM Parent: #9
قبانى وضيوفه - سلامات ياجماعه الناس ديل متعودين على عينه الفنانين ناس فرفور ومحمود عبدالعزيز وندى ولندن دى وماشاكلهم من فنانى الزمن دا فى السودان ليهم انتشار وشعبيه وماخدين الدرب مساسقه لاحياء حفلات اعراس و المناسبات الاجتماعيه الاخرى... ما نيجيريا بس القاعد يمشى ليها نوع الفنانين ديل.وبتذكر ملره واحد من ديل عملو معاهو لقاء فى التلفزيونالتشادى فى واحجده من زياراتو (هناك الغنا فى المناسبات فيهو النقطه وقروش زى المطر )عشان كده يوم والتانى تلقى زى الفنانين ديل جارين يغنو فى المناسبات. شعبيتهم خلت ادريس ديبى جاب ندى القلعه فى حملتو الانتخابيه الاخيره. ببساطه النظام بيستخدمهم فى مايسمة عندو بالبلوماسيه الشعبيه. فى بعض دول افريقيا.......... . . فى فناين كبار عندهم محبين ومعجبين (من خلال تسجيلاتهم ) فى دول زى تشاد ونيجيريا زى القامات الراحل وردى ومحمد الامين ... وبتذكر مره سيده تشاديه حضرت السودان للعلاج كانت عندها رغبه شديده فى زياره الموسيقار محمد الامين
Quote: حكاية تشاد والغناء السوداني دا شنو ما عارفو .
الغناء بس؟؟!! إدريس دبي مش معرس بت موسى هلال كمان؟ يعني غناء وعرس
Post: #14 Title: Re: ايمان لندن تحيي حفل عشاء البشير و ادريس دب Author: يحي قباني Date: 12-06-2017, 03:14 AM Parent: #13
Quote: المهم ايمان تليق بهم ( مناسبةً وحضورآ ) . هو عليك الله كما الفوضى وإهدار لأموال الشعوب دي ذكرى تستاهل يقوموا ليها احتفالات ؟
ايمن يا حبيب ...
هو ديل بتهمهم شعوب ؟
Post: #15 Title: Re: ايمان لندن تحيي حفل عشاء البشير و ادريس دب Author: يحي قباني Date: 12-06-2017, 03:24 AM Parent: #14
Quote: قبانى وضيوفه - سلامات ياجماعه الناس ديل متعودين على عينه الفنانين ناس فرفور ومحمود عبدالعزيز وندى ولندن دى وماشاكلهم من فنانى الزمن دا فى السودان ليهم انتشار وشعبيه وماخدين الدرب مساسقه لاحياء حفلات اعراس و المناسبات الاجتماعيه الاخرى... ما نيجيريا بس القاعد يمشى ليها نوع الفنانين ديل.وبتذكر ملره واحد من ديل عملو معاهو لقاء فى التلفزيونالتشادى فى واحجده من زياراتو (هناك الغنا فى المناسبات فيهو النقطه وقروش زى المطر )عشان كده يوم والتانى تلقى زى الفنانين ديل جارين يغنو فى المناسبات. شعبيتهم خلت ادريس ديبى جاب ندى القلعه فى حملتو الانتخابيه الاخيره. ببساطه النظام بيستخدمهم فى مايسمة عندو بالبلوماسيه الشعبيه. فى بعض دول افريقيا..........
صدقت يا عاصم ...
Post: #16 Title: Re: ايمان لندن تحيي حفل عشاء البشير و ادريس دب Author: أحمد محمد عمر Date: 12-06-2017, 09:49 AM Parent: #15
أصلاً تشاد عبارة عن سودان مصغر بتكلموا في الشوارع باللهجة السودانية بلكنة أهل الغرب مع شوية مصطلحات حقتهم بلبسوا التياب السودانية وبتحننوا ولو يوم صادفتك قناة اغاني تشادية في الريسيفر ما حتفرز إنها تشادية إلا في الاعلانات كل الأغاني سودانية حتى أغاني البنات نحن أصلاً شعب واحد موزع بين قطرين جيرانا الزغاوة العاشوا وسطنا وقروا معانا هم الآن شغالين موظفين دولة في تشاد وبيجونا في المناسبات
Post: #17 Title: Re: ايمان لندن تحيي حفل عشاء البشير و ادريس دب Author: محمد المرتضى حامد Date: 12-06-2017, 10:00 AM Parent: #16
Quote: الفن هو القاسم المشترك الأعظم الذى سنظل نتشبث به أبدا ما حيينا
* صدقت يا المنصور، كما أن البسمة لغة مفهومة لكل ذرية آدم كذا الفن، عندما كنا في غرب السودان كنت أستمع أحيانا لإذاعة تشاد من أنجمينا حيث كان إرسالها يصل دارفور وكردفان بوضوح ، كان برنامج ما يطلبه المستمعون من أهم البرامج اليومية في الإذاعة ولايخلو من أغنية للبلابل وحمد الريح ( ما قوقن جنياتو) وعبدالرحمن عبدالله وغيرهم إلا أن الرقم الثابت كانوردي وقلبي الحابيكا ما خان لياليكا.. ذات الأمر ينطبق على الأرض الأثيوبية فلا تخلو قاعة موسيقى (ما عايز اقول مرقص) من الرقيبه قزازة أسير والأويون متل الفناجيل إنتي ريهتك ريهت الفرير ولا بت السودان أسيل يا قمر بوبا أليك تاقيل.. ولابد أن تزين صورة وردي محال بيع السيديهات والكاسيت ولعل حفله الأبرز في أديس في الإستاد شاهد على مكانة وردي في قلوب أهلنا الإثيوبيين وبمستوى لايقل عن محمود أحمد وتلهون قسسا أو الراحلة بيزونيش بيكيلي. وردي كالبسمه يا المنصور ، لغة يطرب لها ويعرفها الجميع عبر الحدود وفي كل الإتجاهات..
* من بوست سابق
Post: #18 Title: Re: ايمان لندن تحيي حفل عشاء البشير و ادريس دب Author: ست البنات Date: 12-06-2017, 01:28 PM Parent: #17
ودامت العلاقة بين الشعبين التشادي والسوداني الى الابد
ياسلام
التحية لصاحبة الصوت الندي ايمان
انتهت فقط لاغير
Post: #20 Title: Re: ايمان لندن تحيي حفل عشاء البشير و ادريس دب Author: Asim Ali Date: 12-06-2017, 02:02 PM Parent: #18
هل السيدة الاولي بنت موسي هلال؟ بنت موسى هلال التالته او الرابعه. السيده الاولى اسمها هند اصيل (غالبا الزوجه الثانيه او التالته ) ومعروفه ب (هند ديبى ) تشاديه خريجه احدى الجامعات السودانيه
Post: #21 Title: Re: ايمان لندن تحيي حفل عشاء البشير و ادريس دب Author: علي عبدالوهاب عثمان Date: 12-06-2017, 03:46 PM Parent: #20
حبيبنا يحيى .. مع التحية .. لماذا الحكام والاثرياء الافارقة مصريين على إعادة السلطنات العربية رغم أن تقاليدها إنقرضت مع بعض أمراء الحكم التركي أن يكون لدى الحاكم .. أو الثري ( مغنيات وشعراء وجلساء وزوجات .. إلخ ) وهذه الخاصية إندثرت نوعاً ما في الشرق ولكن ما زالت متوارثه لدى أثرياء وأمراء غرب أفريقيا ونيجيريا بالاخص .. ولا ننسى ( رحلات ندى القلعة الغنائية ) والغناء في حضرة الشريف .. ولوقت قريب كانت لديهم حملات حج خاصة بهم وللتابعين لهم .. الظاهر مـتأثيرين بقصص وروايات السلطنات العربية القديمة في العراق والشام ومصر