what is computer

02:50 PM December, 03 2017

سودانيز اون لاين
جلالدونا-
مكتبتى
رابط مختصر

هو جنس خم هو و كمان من محل الخم ذاتو
و الخم بالانجليزى .. و ليس لى اى كائن كان ان يسألنى
لماذا اخم
السبب: انا ما بسرق اذن انا اخم و الخم مشروع
واضح الكلام ده يا ابو حسين
و من لفّ لفّه
_____
و الى الخمّة الاولى

المصدر يا فقر ... قبل ما الملم عدتي و اجيك هنا ....😂😂😂😂

امنتووووووو بالله
هسى انا جبت حاجة عشان تسألنى من مصدر
و بعدين عدتك دى .. يتحتّم .. عليك استعمالها فى مكانا الصاح
قلنا ليك خم
ثم انو
ليس من حق اى كائن كان ان يسأل
و مثلى لا يُسأل عن مصدر

و ما دام جيت نبرّك بالمعلومة دى
كتابة تكتب كمبيوتر و لكن نطقا تنطق كمبيودر

Quote: com·put·er kəmˈpyo͞odər

يا ريت يكون وقع ليك و ... بطنك ... بردت

ما وقع لي انت عارفني زول جاهل ساكت ...
كرتونة ما عندي زي اصحاب الكراتين .....
عايز تتفلفس علي بتخارج .....
😂😂😂😂😂😂

تنطق كمبيورر يا بتاع في نيكس انت

Quote: و الى الخمّة الاولى

هن كمهن ....؟؟؟
اوع يكون فيهن خمة نفس و شحتافة روح ...؟؟
😂😂😂😂😂😂

سلام ود الشيخ وأبو حسين بالإنجليزي زولكم دا ما فى نيكس لكن فى السروال
الكبير ( اريزونا ) ههها
تحياتى
لكل وبما فيهم العالم صاحب البوست ههها
صديق مهدى على

هوى يا محمد الشيخ و ابوحسين
فى الاول النوريكم .. البوست ده خم تقنى موسوعى
يعنى عشان بكرى اداكم يوزر نيم تجو تسرحو وتمرحو زى ما عايزين
من هنا و لى قدام ح اتجاوز مداخلاتكم لانها لا تخدم غرد البوست
بِس عليكم
بس دى بتاعت الكديسة
___
نمشى لى تعريف الكمبيوتر لغةً و شرعاً

تمام يا صديق
ورّيهم ... العايشين على هامش الاسافير ديل ... يعنى شنو الفينكس و الفكس و الفيديكس
عشان خاتر اللبس وكده
يا عجم الامريكان هم بنطقوها كده
و سمعت بى اضانى مو قوق قايل .. بقى يقولو الدسك توب و الدفايز
كمبيوتر دى خلوها ليكم

الكمبيوطر ..
أول من اخترعه هو يوطر الثاني في عصر السفاية
باغتته الفكرة وهو في الكمبو فأطلق عليه (كمبو يوطر)
وكانت الكتابة فيهو بسجم الفحم قبل اختراع الكيبورض والطارة
.
.
.
المصدر : عبد الزمبار، المرشد لفهم أكواد العجم ، المجلد الصطاشر، 2900 قبل الميلاد
مع تحياتي لجلال ولكل كتاب المقالات هنا

تعريف الكمبيوتر لغةً
A programmable electronic device designed to accept data
perform prescribed mathematical and logical operations at high speed,
and display the results of these operations.
Mainframes, desktop and laptop computers, tablets, and smartphones
are some of the different types of computers.
الكلام ده معناهو انو الكمبيوتر جهاز قابل و مصمم على استقبال المعلومات
و معالجتا و اظهار النتائج بى سرعة عالية ك العلمليات الحسابية
و من انواعو الكمبيوتر و المحمول و التلفونات الذكية
و ... بس
____
عمر ود التاج
مرحلة التأطير دى لسه ما وصلناها
دى دايرة قعدة فى الكمبو اب ترّه

I do not know

يشكر الصديق" الدود" صديق مهدي على المعلومة

"على" دي ممكن تشتغل هنا وهنا؟

كائن كرتوني بامتياز ..
نسأل الله أن يسلط عليك "أسخف" خلقه

يا فقر حا تقعد تقطر لينا نقطة عند اللزوم و ل كيف ...؟؟؟
تقريبا فهمت حاجة بعد البحث و التقصي ....
عمك قوقل دا رهيب تقول ليه فتش لي .. يفتش ليك و يجيب ليك الشمار في ثواني ...

تقصد الدكتور صيدلي اركان نقاش؟ يا ابو حسين

و نجيكم للكمبيوتر شرعاً
What is Computer : Computer is an electronic device that is designed to work with Information.
The term computer is derived from the Latin term ‘computare’, this means to calculate or programmable machine.
Computer can not do anything without a Program. It represents the decimal numbers through a string of binary digits.
The Word 'Computer' usually refers to the Center Processor Unit plus Internal memory.
Charles Babbage is called the "Grand Father" of the computer
و هاكم المعلومة الجانبية دى
The First mechanical computer designed by Charles Babbage was called Analytical Engine.
It uses read-only memory in the form of punch cards
_____
Computer is an advanced electronic device that takes raw data as input from the user and processes
these data under the control of set of instructions (called program) and gives the result (output) and saves output for the future use.
It can process both numerical and non-numerical (arithmetic and logical) calculations
يعنى يا ابو حسين الكمبيوتر ده جهاز الكترونى يعمل بواسطة برامج تقوم بمعالجة المعلومات المرسلة عبر البرنامج المحدد و يقوم بى معالجتها
و اخراجها
اصل الكلمة لاتينى .. كمبيوتير ... و اول ما صمم جهاز كمبيوتر هو عمك شارلز و للقراية فقط
و بعد شوية بجيك لى ال إن بوت و البروسيس و ال آوت بوت
و الهارد وير و السوفت وير
و اللغة

Quote: يعنى يا ابو حسين الكمبيوتر ده جهاز الكترونى يعمل بواسطة برامج تقوم بمعالجة المعلومات المرسلة عبر البرنامج المحدد و يقوم بى معالجتها و اخراجها اصل الكلمة لاتينى .. كمبيوتير ... و اول ما صمم جهاز كمبيوتر هو عمك شارلز و للقراية فقط و بعد شوية بجيك لى ال إن بوت و البروسيس و ال آوت بوت و الهارد وير و السوفت وير و اللغة

يا فقر ابو حسين لم عرف الكمبيوتر و اتعامل معاه انت حايم حفيان بي لباسك الازرق داك ..... 😂😂😂😂
واصل و بطل تريقة .....

Quote: I do not know

me too
لكن الحاجة العارفا انو البرامج دى اهم حاجة عشان الكمبيوتر يشتغل
بدونا بكون زى العربية الما فيها جربكس
تدور و لكن ماب تمش

Quote: كائن كرتوني بامتياز ..نسأل الله أن يسلط عليك "أسخف" خلقه

شنو يا اسود طيبة .. معاك قرع طيبة
بعدين يا مخلوق انتا ... لامن اصل مرحلة كائن كرتونى بالضرورة ح اجتهد و اكون موسوعى
ساعتها ساطقطقك طقطقة من لا يخشى الجهل
مش زيك حاضن شهادتك و قاعد ما استفدنا منك اى حاجة
عليك النبى ماسح مداخلتك مالك

كدى هاكم استمتعو بالفيديو ده
اصل الشغلانة آله حاسبة
بتشتغل بالقطبان و الخرز
اتعلم يا ابو حسين

مسحتها لام جهجهتنا ما عرفنا الموضوع شنو من الاول ..
وحياة سيدي الحسن ما خاتين عليكم نهائي

جلجل ياخ كراهيتي في الدنيا دي المقدمة الاطول من الفلم زاتو .....
كب لينا التيراب المطرة قربت ....

شنو يا ابو حسين ياخى
بى هنا عارف الكمبيوتر من قبل ما يلدونى
و بى هناك عمال فيها محلل نفسى
انت بقيت موسوعى و انا ما عارف
انى وى .. اهنيك بى مناسبة السنة الجديدة و اقول ليك قوم لف

.
.
يااااااااا ...

Quote: me too

رجاءااااااا ....
وبمناسبة السنة الجديدة ؛ غير صورة برفايلك دي ...
لأنها عملت فينا عملية الدواعش في الولد العراقي في فيديو صنوك ود المدير ...
و ...
شكرن ...
.
.

Quote: شنو يا ابو حسين ياخى بى هنا عارف الكمبيوتر من قبل ما يلدونى و بى هناك عمال فيها محلل نفسى انت بقيت موسوعى و انا ما عارف انى وى .. اهنيك بى مناسبة السنة الجديدة و اقول ليك قوم لف

اعرف قوقل تعرف اهله ....😂😂😂😂
حاسد و ل صاحب غبينة .. ؟؟؟ 😂😂
و انتهز هذه السانحة لأبعث لك بكمية معتبرة من التهاني و التبريكات بمناسبة العام الجديد و عيد استقلال السودان و كل اصحاب شهادات التسنين .... 😂😂😂