Post: #8 Title: Re: واضح انو موسى هلال كان ظاهرة صوتية أكثر من Author: Sediq Hamad Date: 11-28-2017, 11:50 AM Parent: #7
سلام عرفات حليل موسى يا حليل موسى للرجال خوسة جانا الحصان مطلوق فوق ضهرو السرج مقلوب
تحياتي
Post: #9 Title: Re: واضح انو موسى هلال كان ظاهرة صوتية أكثر من Author: مني عمسيب Date: 11-28-2017, 12:34 PM Parent: #8
لكم التحية اخوتي الاعزاء ..
نهاية كل المجرمين والخونة والمفسدين المؤكدة ! فخار من الحثالة والمرتزقة كسر بعضه وعقبال للبقية .
ونسأل الله ان يجعل كيدهم في نحرهم كمان وكمان .
Post: #10 Title: Re: واضح انو موسى هلال كان ظاهرة صوتية أكثر من Author: Sediq Hamad Date: 11-28-2017, 04:30 PM Parent: #9
ههههه يا منى موسي هلال طلع نمر ((كرتون ))
Post: #11 Title: Re: واضح انو موسى هلال كان ظاهرة صوتية أكثر من Author: جمال ود القوز Date: 11-28-2017, 05:48 PM Parent: #10
موسى هلال كانت له قوات لكن تم تحييدها وارهابها .. فتركته يواجه مصيره وحيدا .. الموضوع بدأ ليهو فترة .. اصلا مافي زول عنده شوية حكمة بيلاوي آلة الحكومة العسكرية .. هسه مش شايف حميدتي ده ومعه كل هذه القوات .. تأكد حال اختلافه مع النظام سيفارقه الجميع .. وسيجد نفسه بلا أي قوة ولا هيبة ولا سلطة .. لان الدولة هي التي تدفع وتمنح السلطة والقوة .. موسى هلال ماش يجيب ليهم ملايين من وين ؟ .. وماش يمنحهم قوة سلطة دولة هو مش رئيسها كيفن ؟ .. فالشغلة كلها مصالح وقروش بتندفع لتجنيد وضمان ولاء هؤلاء ..
اللهم لا شماته .. لكن هلال مغرور جدا .. وهسه حميدتي اذا اصابه الغرور .. وتوهم في قوته التي يستقيها اصلا من قوة الدولة ... وخرج على النظام ده لاصابه نفس مصير قريبه موسى هلال .. وحميدتي ردد حتة غرور موسى هلال دي كم مره .. فيبدو انه عارف البير وغطاه .. فما حيتغشا بالساهل .. خصوصا للناس البتحاول تفخ فيه وتوهمه .. بأنه اصبح جاهز عشان يستلم البلد ويبقى رئيس .. فحيروح ساي في الرجلين .. ولا حيطول لا عنب اليمن ولا بلح الشام .. وسيجد نفسه ان لم يُقتل سيرمى به في السجن وسيُهان .. أو حيشرد لدول الجوار أو يهيم في الصحراء ولن يجد من يدعمه .. فحميدتي ذكي وما ساهل ..
Post: #12 Title: Re: واضح انو موسى هلال كان ظاهرة صوتية أكثر من Author: منتصر عبد الباسط Date: 11-28-2017, 08:01 PM Parent: #11
موسى هلال دوره انتهى... وبنهاية دوره فقد الدعم والتأييد وانفض عنه من كان حوله بسبب انتهاء الصلاحية... وعند الفطام يشتد الصياح.