حقيقة جاني احساس ارقص ( slow ) هنا . بلاي شوفوا الكيزان ديل لما يدوروا الزول بعملوا ليهو شنو !
استقبال نائب وزير خارجية الدني عذابها ! ويالها من رومانسية !
Post: #2 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 08:02 PM Parent: #1
وااااااااااااااااااااو !
بلاي عليكم شوفوا الاستقبال الرومانسي دا !
Post: #3 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 08:09 PM Parent: #2
طبعآ علماء الكيزان زعلانين جدآ قالوا امريكا امريكا جات تغيير ليهم الشريعة الهم مطبقنها ! عشان كدا قاطعوا الربة دي !
Post: #4 Title: Re: اول مرة ارقص ( slow ) في حياتي ! فيديو Author: Elbagir Osman Date: 11-20-2017, 08:12 PM Parent: #2
دا جد ولا فوتوشوب؟
طيب كدا الوزير الأمريكي يقول ليهم انتوا قروشكم كتار
يلا ادفعوا زي السعودية ..
Post: #5 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 08:16 PM Parent: #4
مساء السعادة استاذي \ الباقر ..
يعني مشكك في الاستقبال ؟ دا جد ولا فوتوشوب؟ باين عليه جد وفعلآ جد دي امريكا يا طيع يا ارميكا هههههههههههههه .
والدليل علماء الكيزان المستهبلين قاطعوا القعدة دي هههههههه .
مشكور علي المرور .
Post: #6 Title: Re: اول مرة ارقص ( slow ) في حياتي ! فيديو Author: امتثال عبدالله Date: 11-20-2017, 08:27 PM Parent: #4
منى ياعسل منى يا قلب الله يخزي شيطان عقلك،، لمن قريت العنوان جيت جارية جري اشوفك بترقصي سلو slow كيفن!! ...والحالة دي استقبال نائب وزير خارجية دولة كانوا بيهددوها ان عذابها قد دنا!!دولة الكفر والفساد زي ما كانوا بيقولوا،،،،والان بناتنا برمن الشبال للكانوا بيقولوا عنهم كفار،،، يا منى خايفة انتي تكوني ظلمت الاخوان ديل ساكت،،، ما عندهم لا شريعة ولايحزنون،،، وماجايبين خبر للاسلام، ..ولا احتمال تكون دي توجيهات من ولي العهد السعودي الذي بدا ي علمننة الدول السعودية،!! ...والحاجة الغريبة الامريكان اطمانوا وبقو يرقصوا بالسيوف مع الفرقة الشعبية ، ، يعني احسوا ان الدنيا امان ومافي اي خطورة على حياتهم... مع وافر وعاطر تحياتنا
Post: #8 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 08:36 PM Parent: #6
امتثال وباقي زهرات الصديقات المعاك ..
صباح ومساء الحب .. وليكن وحشة .
ههههههههههههههههه الله يخزي شيطان عقلك،، البباري اخبار الشياطين ياهو ببقي زيهم هههههه نباري فيهم زمنا دا كله لما فارقتنا الملائكة هههه.
يا مثول تحياتي لي نسمات وطمنئني عليها .
ومشكورة يا حبيبة وتحياتي للجميع .
Post: #7 Title: Re: اول مرة ارقص ( slow ) في حياتي ! فيديو Author: Yasir Elsharif Date: 11-20-2017, 08:34 PM Parent: #4
Post: #9 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 08:44 PM Parent: #7
اخي الحبيب يسور .. مساء الورد .
يا دكتور اكتر من كدا في جيب ؟ الجاب راس السعودية ورابطة العالم الإسلامي حيجيب راس الجماعة بتاعين العصابة العندنا.. مهلا بعد دا فضل الجز ههههههه المرة الجاية عنون بالقطع والجز ههههههههه .
مشكور علي الفيديو الجميل .
Post: #10 Title: Re: اول مرة ارقص ( slow ) في حياتي ! فيديو Author: محمد أحمد الريح Date: 11-20-2017, 09:37 PM Parent: #9
الجبهجية بالغو آخر جرسة وتملّق للكفار الذين دنا عذابهم من قبل!!
وكمان بشبالاتو...................محن!!!!!!!
Post: #11 Title: Re: اول مرة ارقص ( slow ) في حياتي ! فيديو Author: مني عمسيب Date: 11-20-2017, 09:49 PM Parent: #10
ود الريح حبابك اخي الفاضل .
غايتو نحمد الله يا ود الريح اللقوا ليهم قوة يخافوا منها وهم في الكبر والاعمار دي ! لانهم لما كانوا شباب كانوا بهددوا وبرهبوا في الدول لدرجة وصلوا اغتيال حسني مبارك وشالوا حالنا ! الجبهجية بالغو آخر جرسة وتملّق للكفار خليهم بس كدا كان شوية يخافوا ويسيبو في البعملوا في ! والانبطاح لائق عليهم وبشبهم الاشباه .
ومشكور علي المرور .
Post: #12 Title: Re: اول مرة ارقص ( slow ) في حياتي ! فيديو Author: Ahmed Alim Date: 11-20-2017, 10:00 PM Parent: #11
منى أزيك ولعلك طيبة ،
الغريبة مافي زولة محجبة ههههههههههه
هسي ما بختشوا من تدليسهم وكذبهم دا؟ عاملين قانون النظام العام وضرب للبنات لمجرد عدم لبسهم الحجاب او البنطلون!!
هسي هم في وضع ممكن ينكرو الإسلام ذاتوو خليك من السفور الاسلامي دا
Post: #13 Title: Re: اول مرة ارقص ( slow ) في حياتي ! فيديو Author: Bashasha Date: 11-21-2017, 00:22 AM Parent: #12
يجازي محنك يا بت عمسيب... بتعرفي ليهم صاح الحبرتجيه ديل! ده حالتو حتة نايب وزير! اها يا ربي لو جاهم الطرمبه قاطرو قندراني حيسوو شنو؟
Post: #14 Title: Re: اول مرة ارقص ( slow ) في حياتي ! فيديو Author: فتحي عباس نقد Date: 11-21-2017, 08:33 AM Parent: #13
لك التحية منى أولا
الأخ الباقر ضحكتني بفوتشوب هههه (فعلا في البداية كأنه فوتشوب لأن التصوير بالكاميرات (الطائرة)
ما ينقص الحفل كما قالت منى (ٍSlow) وتكتمل الفرحة والإحتفالية هههههه
السؤال هل (تم إستقبال هذا النائب وزير) بصورة رسمية من قبل الرئاسة ؟ إذا الإجابة نعم (هل هنالك داع لهذا الإحتفال) وهل كل وزير أو نائب زار السودان تم الإحتفال به بهذا الشكل؟؟؟ والقروش طلعت من وين؟؟؟
الله يمهل ولا يهمل
Post: #15 Title: Re: اول مرة ارقص ( slow ) في حياتي ! فيديو Author: محمد عبد الله الحسين Date: 11-21-2017, 08:44 AM Parent: #14
عنوان عبارة عن مصيدة لذيذة خاصة عبارة(..أول مرة دي..):
قريت العنوان قلت: شكلها الدعوة عامة...هههههه كمان فرصة استمتع بالاسلو ... مع إنه اتمقلبت حبتين لكن ما مشكلة.... ...المهم عرفنا معلومة مهمة...شفنا الانبطاحات و الانبهالات من وراء حجاب..و بدون حجاب
أنا أكره ما أكره الرقيص بالجلابية للرجال..لأنها هي و الملفحة رمز للوقار .. كما استقبح فواصل الرقص و الغناء في الاحتفالات الرسمية ..و في حضور الاجانب عرب أم عجم..
Post: #17 Title: Re: اول مرة ارقص ( slow ) في حياتي ! فيديو Author: محمد نور عودو Date: 11-21-2017, 12:59 PM Parent: #15
سلامات الاخت الفاضلة مني عمسيب وضيوفك الكرام غايتو المقطوعة الموسيقية بتاعت اغنية اطرد الأحلام يا جميل واصحي دي عبرت عن حال حكومة المؤتمر الوطني. أكدت تلاشي حلم الامريكان ليكم تدربنا وبقت الامريكان ليكم انبطحنا. لكن لن تفيدهم الانبطاحات والانكسارات الغريق قدام لن تكون نهايتهم خير من نظام صدام ونظام القذافي رغم انبطاحاتهم وانكساراتهم ولو طال الزمن
Post: #24 Title: Re: اول مرة ارقص ( slow ) في حياتي ! فيديو Author: ود الباوقة Date: 11-21-2017, 02:32 PM Parent: #13
مافيها شي
كثيرون من ضيوف البلاد اقيمت فعاليات غنائية
وتراثية على شرفهم
وانا ارى ذلك لوجع في دواخلكم من رفع العقوبات
وقرب التطبيع الكامل بين البلدين
وسمح الهيبة فوق مختار
وشكرا
Post: #25 Title: Re: اول مرة ارقص ( slow ) في حياتي ! فيديو Author: ود الباوقة Date: 11-21-2017, 02:35 PM Parent: #24
بشاشا ماجاي قريب
نجهز ليك الكيتة
وشكرا
Post: #18 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 01:35 PM Parent: #12
لك عاطر التحايا اخي العزيز \ احمد امين .
هو مناحية نكروا نكرو لانهم تنكروا لي علمائهم الحردانيين هههههههه . هسي هم في وضع ممكن ينكرو الإسلام ذاتوو خليك من السفور الاسلامي دا انت عارف يا ود امين اكتر شئ باسطاني الانبطاحة والاندراشة دي هههههههه . شوفنا كنا وين وبقينا وين ؟ سبحان مغير الكيزان والمحنة للامريكان !
ودمت .
Post: #16 Title: Re: اول مرة ارقص ( slow ) في حياتي ! فيديو Author: قصي محمد عبدالله Date: 11-21-2017, 12:55 PM Parent: #9
https://www.0zz0.com
Post: #19 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 01:41 PM Parent: #16
حبيبنا بشوش .. تحياتي واشتيقاتي ,
شفت الانبراشة دي كيف ؟ ده حالتو حتة نايب وزير! اها يا ربي لو جاهم الطرمبه قاطرو قندراني حيسوو شنو؟ المهم والاهم الدني عذابها في عقر دارهم ! ونحمدو علماء الحيرة الشياطين الخرس ! فقط حردانين ! وبكرة بنبرشوا زي اصحابهم .
تحياتي وشكري ,,,
Post: #20 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 01:55 PM Parent: #19
لك التحية اخي الكريم .. فتحي نقد .
دا ذاتي انا الحسيت بيهو جو ( slow ) اكتر من الشبالات ! تحس بيهم عملوا للامريكان الجو البشبهم الافرنجي ترضية ولاحظ للبوفيه والرصة ؟ ثق الامريكان ديل ما ناس فارغة وعندهم الاولويات اهم تأكد بكونوا قالوا شوفوا الوهم ديل ناس المعسكرات في بلدهم بموتوا بالجوع والحرب وهم هنا بسوا في شنو ؟ وما تستغرب لو كان دا سبب اساسي ... تخت امريكا شروط آخري اكتر من شروط الانبراشة دي ! ما ينقص الحفل كما قالت منى (ٍSlow) وتكتمل الفرحة والإحتفالية هههههه عمومآ المتعيرات كتيييييرة الجاية بس هم ينكربوا خخخ .
ومشكور يا عزيزي ,,
Post: #22 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 02:03 PM Parent: #20
لك التحية اخي الفاضل د ود الحسين .
وهو كان ما العناوين دي البجيب لينا الكيزان وحلفاءهم امثال قصي شنو ؟ ههههههههه عنوان عبارة عن مصيدة لذيذة خاصة عبارة(..أول مرة دي..): تلقاهم اسه يجوا يتاوقوا للامريكان وفرحانين يهللوا ويكبروا !
ولك الشكر ,,,
Post: #21 Title: Re: اول مرة ارقص ( slow ) في حياتي ! فيديو Author: Arif Nashed Date: 11-21-2017, 01:59 PM Parent: #19
غايتو عليكم جنس حساااااااادة .. الناس فرحانة زارهم النبي سام .. ديل ناس فرحانة تركب ..
Post: #23 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 02:27 PM Parent: #21
صديقي العزيز عودو عاطر التحايا لك .
ماهو دا ذاااااااتو الخلاني افكر في ( الاسلو ) ههههههه . غايتو المقطوعة الموسيقية بتاعت اغنية اطرد الأحلام يا جميل واصحي دي عبرت عن حال حكومة المؤتمر الوطني. واكدت تلاشي أكدت تلاشي حلم الامريكان ليكم تدربنا وبقت الامريكان ليكم انبطحنا. لكن فعلآ المقطوعة الموسيقية بالغت ومداخلتك دي ! المبالغة الكبري !
اما بخصوص : لكن لن تفيدهم الانبطاحات والانكسارات الغريق قدام لن تكون نهايتهم خير من نظام صدام ونظام القذافي رغم انبطاحاتهم وانكساراتهم ولو طال الزمن بالضبط ونفس الممارسات الاخيرة للقذافي ! وجاءهم الطوفان . دي نهايتهم بدون شك .
ولك الشكر ,,,
Post: #26 Title: Re: اول مرة ارقص ( slow ) في حياتي ! فيديو Author: مني عمسيب Date: 11-21-2017, 03:42 PM Parent: #23
سلام عليكم قصي .
فعلآ رقصوني بالانبطاح دا ! بعدين رأيك شنو تتكلم لينا عن بلد الشريعة حقتك العاملين لينا بيها سافوتة تكون منبطحة كدي لدرجة علماءكم يحردوا ويقولوا الامريكان جاءوا لتغيير في التشريع الاسلامي والحكومة وافقت عليه ! ممكن تفتح لينا بوست بخصوص الموضوع دا ؟ حلفتك بالصلاة علي الرسول عشان نشاركك فيه .
Post: #27 Title: Re: اول مرة ارقص ( slow ) في حياتي ! فيديو Author: مني عمسيب Date: 11-22-2017, 11:49 AM Parent: #26
كتب مهرج الانقاذ السغيرون ود الباوقة !
كويس الامريكا جات تغيير ليكم الشريعة الحكومتك عاملة لينا بيها سافوتة ههههههههههه . كثيرون من ضيوف البلاد اقيمت فعاليات غنائية
Post: #28 Title: Re: اول مرة ارقص ( slow ) في حياتي ! فيديو Author: علي الكرار هاشم Date: 11-22-2017, 12:29 PM Parent: #27
شكرا اختنا مني بوست يشرح الصدر واحتفال يليق بالضيف ويليق بنا نحن شعب كريم نعرف اصول الضيافة وهاهو الوزير ينشرح ويطرب حد الرقيص بالسيف واياهو دا السودان
Post: #29 Title: Re: اول مرة ارقص ( slow ) في حياتي ! فيديو Author: عبد الصمد محمد Date: 11-22-2017, 01:10 PM Parent: #28
العزيزة الرائعة الشجاعة منى تعرفي أنا بفكر في هؤلاء المتدينين الكانوا يدافعون عن النظام في كل الأوقات بحجة أن البديل حيكون أسوأ. لأنه النظلم لعب على الوتر دا خوف هؤلاء الطيبون الساذجون بأن بديله هم العلمانيون والشيوعيون أعداء الله هؤلاء باتوا موقنون اليوم بأن القيادات مفسدة لكنهم لا زالوا بسبب تلك الخدعة يدافعون عنهم ثم يتابعون كل يوم كيف يخلع النظام حتى ملابسه الداخلية فيتعرى تماماً من كل شعار رفعه يوم جاء وكل ما يربطه بالنضال الذي لا ينكسر ضد الكفار وسؤالي؟ أيهم أخطر على الإسلام؟ من يفسد بعيداً عن الدين أو من يفسد باسم الله؟ يا علي الكرار انت بتهظر صاح؟ ولا بتهرجل؟
Post: #30 Title: Re: اول مرة ارقص ( slow ) مع الامريكان ! فيديو Author: Hassan Farah Date: 11-22-2017, 01:34 PM Parent: #1
بت عمسيب مساء الخيرات والمسرات عليكى يا اختى الناس ديل مزنوقين زنقة كلب فى طاحونة الخواجة جاءهم سالى سيفو وكان لابد ان ينبطحوا ويستجيبوا لطلباته بدون نقاش وفى الحين مع بيان بالعمل والبتسويهو كريت فى القرض تلقاهو فى جلدا هاكى شوفى الشابة دى قالت شنو: حُريات أمريكية..! - شمائل النور
11-22-2017 11:53 AM الوصاية في أنصع صورها.. وفد أمريكي زار الخرطوم خلال اليومين الماضيين، لم يأتِ لمُناقشة أو مُفاوضات وأخذ ورد، لا، ما فعله الوفد الأمريكي سلّم الخرطوم مطلوباته التي تتعلّق بتعديل مواد في القانون الجنائي، المطلوب إزالتها أو تعديلها بما يتوافق والمواثيق الدوليّة، وفوراً وعلى أسرع وجه، وإلاّ…!
المواد القانونية التي جاء الوفد لفرض إزالتها، هي (152 – 125 – 126) وهي الزي الفاضح، الردة والإساءة للعقيدة.. ليس مطلوباً من الخرطوم كثير كلام، مطلوب فقط أن تستجيب وتقول لواشنطن (Done) خلال فترة زمنية مُحدّدة.
هذه المواد، دلق فيها حبر كثير، شد وجذب، رفض قاطع، ثم مُحاولة لإبداء الاستجابة، وعلى وجهٍ خاصٍ المادة (152) التي تحولت إلى أداة لإهانة النساء من جهة، ومصدر إيرادات من جهة ثانية.
حينما قدم حزب المؤتمر الشعبي، ما عُرف بـ “ورقة الحريات” في مداولات الحوار الوطني، والتي شملت تعديلات على هذه المواد التي تطلبها أمريكا الآن، بجانب تعديلات تخص صلاحيات جهاز الأمن الوطني، تعرض الشعبي لحملة شيطانية واسعة، تكالبت عليه هيئة علماء السودان مع جهاز الأمن، واُختزلت كل التعديلات في “زواج التراضي” الذي أخذ بُعداً شعبياً أسهم في نجاح الحملة.
الأمن أدار المعركة بدهاءٍ، وحتى يُجهض التعديلات التي تخص صلاحياته، نجح في حشد الشيوخ والعلماء ضد “زواج التراضي”، فترك الرأي العام يحوم حول التراضي، بينما أسقط هو التعديلات التي تمس صلاحياته.. وقد أدار المعركة بامتياز.. وانتهى الأمر إلى خسران الشعبي معركة الحريات.
لكن الذي يحدث الآن، هي ذات ورقة الشعبي التي رُفضت بعد حملات شيطنة منقطعة النظير، الآن الخرطوم عليها أن تُنفذ “ورقة الحريات” الممهورة بتوقيع أمريكا، بعد ما لفظتها.
أما كان الأحفظ لماء وجه الحكومة أن تقبل بتنفيذ مخرجات الحوار الوطني الذي دعت له، خاصة وأن مطالب مكررة وحملات مناهضة كانت هنا وهناك لإلغاء هذه المواد من قبل انطلاق الحوار الوطني.
الآن، الحكومة ستفعل ذلك صاغرة ستمسك القلم والعصا على رقبتها، وكان أمامها فرصة أن تتغيّر ذاتياً.
لا يبدو أن هناك خيارات أمام الخرطوم سوى الإذعان.. والأمر يبدو جلياً، أنّ الاتفاق تَمّ حول هذه التعديلات منذ فترة، فقط تريد الخرطوم إخراجه الآن “بما يرضي الله”.
ليس معلوماً مدى ردة فعل أيِّ تيارٍ مُتشدِّدٍ داخل السُّلطة أو في رصيفها.. لكن صورتنا تبدو بائسة ونحن نرفض أن نتغيّر ذاتياً ونقبل أن يحدث ذلك تحت الإكراه والوصاية. التيار https://www.alrakoba.net/news-action-show-id-292096.htmhttps://www.alrakoba.net/news-action-show-id-292096.htm
Post: #31 Title: Re: اول مرة ارقص ( slow ) مع الامريكان ! فيديو Author: سيف اليزل سعد عمر Date: 11-22-2017, 07:17 PM Parent: #30
الكيزان من أمريكا لروسيا... جهجة شديدة..ما لدين قد عملنا نحن للدولار فداه..
Post: #32 Title: Re: اول مرة ارقص ( slow ) مع الامريكان ! فيديو Author: عمر محمد ابراهيم Date: 11-22-2017, 08:11 PM Parent: #31
الرقيص ده رقيص اسلامي خالص وهو لله غريبة لمو في بناتنا جلد وهنا الشعر مجدع للاجانب في السهلة عييييك دنيا سلام استاذة عمسيب والضيوف الافاضل
Post: #33 Title: Re: اول مرة ارقص ( slow ) مع الامريكان ! فيديو Author: مني عمسيب Date: 11-23-2017, 12:35 PM Parent: #32
لك التحية عزيز \ عبد الصمد .
يا اخي عبدول الذين يفسدون بعيدآ عن الله لديهم خطوطهم الحمراء من امانة وصدق والدليل بلدانهم المتطورة التي تقودنا اليوم وتتحكم وتتدخل حتي في تشريعاتنا الربانية ! والعكس تمامآ هم المفسدون باسم الله والاسلام ! امثال الذين يحكمون اليوم ويهللون ويكبرون ! حتي وصنا هذه الدرجة من اسفل السافلين ! وسؤالي؟ أيهم أخطر على الإسلام؟ من يفسد بعيداً عن الدين أو من يفسد باسم الله؟ يا علي الكرار انت بتهظر صاح؟ ولا بتهرجل؟ ويا عبدول امثال علي كرار ديل هم اسباب المصائب ! عليهم من الله ما يستحقون وقاتلهم الله .
ومشكور علي المرور المشرف .
Post: #34 Title: Re: اول مرة ارقص ( slow ) مع الامريكان ! فيديو Author: Asim Fageary Date: 11-23-2017, 12:55 PM Parent: #33
سلام مربع . . يت عمسيب وضيوفك
طبعاً أنا لست مستغرب أبداً
من زمان بنقول ليكم وبالذات بنقول للناس الشابكننا الشريعة الإسلامية ومناهضة العلمانية إنه السياسة ما عندها دين والدولة ما عندها دين .. لذلك طالبنا بالعلمانية عشان الناس تتعامل على مية بيضا
أهو براهم بلفوا ويضيعوا وقت ويضيعوا أرواح ناس وحروب وإنقسام بلد وفي النهاية الحل هو علمانية وكمان علمانية ديمقراطية
العلمانية الديمقراطية هي الحل بدون لف ودوران !
أنا علماني ديمقراطي .. وأنا ضد كل أنواع الصلف والتسلط الديني سواء كان إسلامياً أو إلحادياً أو أي معتقد أو مذهب كان
مع تحياتي،،،
عاصم فقيري
Post: #35 Title: Re: اول مرة ارقص ( slow ) مع الامريكان ! فيديو Author: مني عمسيب Date: 11-23-2017, 01:30 PM Parent: #34
لك التحية اخي العزيز \ عاصم ..
أنا علماني ديمقراطي .. وأنا ضد كل أنواع الصلف والتسلط الديني سواء كان إسلامياً أو إلحادياً أو أي معتقد أو مذهب كان
مشكور علي المرور .
Post: #36 Title: Re: اول مرة ارقص ( slow ) مع الامريكان ! فيديو Author: مني عمسيب Date: 11-26-2017, 11:39 AM Parent: #35
رقيصي ما تميتو لقيتم جروا للروس !
عاد دي حالة يا اخواني ؟
السودان اليوم: الخارجية السودانية توضح “طلب الحماية الروسية” قال وزير الخارجية السوداني، إبراهيم غندور، الجمعة، إن طلب رئيس البلاد، عمر البشير حماية من روسيا، جاء في إطار مواجهة ما اعتبره استهدافا للسودان من دول غربية. وكانت منابر إعلام روسية قد أوردت أن البشير أكد في موسكو حاجة الخرطوم إلى حماية روسية مما وصفت بـ “تصرفات عدائية أميركية”، بما في ذلك منطقة البحر الأحمر. وأدلى غندور بتصريحاته في مطار الخرطوم، لدى عودة الرئيس عمر البشير، من زيارة رسمية إلى روسيا على مدى يومين، أجرى خلالها مباحثات مع الرئيس فلاديمير بوتين، ورئيس الورزاء ديمتري ميدفيدف. وذكر غندور أن السودان واجه استهدافا منذ 1990 بقرارات متتالية تزعمتها بعض الدول الغربية، في حين وقفت روسيا والصين على الدوام سندا له في المحافل الدولية ومجلس الأمن، بحسب قوله. وأوضح أن متانة العلاقات مع روسيا ليست على حساب علاقاته بدول أخرى، في إشارة إلى أن تعزيز الخرطوم لعلاقاتها مع موسكو لا يعني جفاءً مع واشنطن. وقامت الولايات المتحدة الأميركية برفع حظر تجاري واقتصادي فرضته على السودان منذ 1997، في 6 أكتوبر الماضي، لكنها أبقت عليه في قائمتها للدول الراعية للإرهاب. سكاي نيوز
Post: #37 Title: Re: اول مرة ارقص ( slow ) مع الامريكان ! فيديو Author: Mahjob Abdalla Date: 11-26-2017, 01:50 PM Parent: #36
حاجة تحير! التقليد. يعني الامريكان زارو السعودية, عملو ليهم حفلة فيها رقيص, طوالي نفس النسخة تحصل في السودان.
Post: #38 Title: Re: اول مرة ارقص ( slow ) مع الامريكان ! فيديو Author: امتثال عبدالله Date: 11-26-2017, 04:00 PM Parent: #37
والشئ العجيب يا منى انه وبعد الاحتفاء والرقيص مع الامريكان جروا للروس يطلبون الحماية من العدوان الامريكي،،،، وكلام غندور فيه تناقض واضح وهو يقول ان التقارب مع الروس لا يعني جفاء مع امريكا.....!! وكيف يعني ما يكون جفاء مع امريكا وهم يتهموا امريكا انها تعادي السودان وتريد تقسيم السودان الى خمس دويلات صغيرة،،،،، هذا تخبط مافي داعي ليه،،،،،، حرقوا مراكبهم مع امريكا وروسيا ما ادتهم رد قاطع بالموافقة على قبول هدية البشير بمنحهم قاعدة عسكرية بحرية في البحر الاحمر ...... محن...ومحن.....
مع وافر التقدير،،،،وبراميل الود التي تعلمين....
Post: #39 Title: Re: اول مرة ارقص ( slow ) مع الامريكان ! فيديو Author: عمر التاج Date: 11-26-2017, 05:08 PM Parent: #38
سلامات بت عمسيب الامريكان ديل ما معاهم لعب وشغل الاسلو ده مابنفع معاهم ياتحتوا معاهم النبق او كمان تحتوا معاهم قرض
Post: #40 Title: Re: اول مرة ارقص ( slow ) مع الامريكان ! فيديو Author: احمد حمودى Date: 11-26-2017, 05:27 PM Parent: #39
وااااااااااااااااااااو !
Post: #41 Title: Re: اول مرة ارقص ( slow ) مع الامريكان ! فيديو Author: Elbagir Osman Date: 11-26-2017, 06:23 PM Parent: #40
.gif)