ﺑﻨﻘﻮ .. ﻭﺑﺎﻋﻮﺽ .. ﻭﻏﺎﺯ ﻣﺎﻓﻲ .. ﻭﻣﻮﻳﺔ ﻣﺎﻓﻲ .. ﻭﺯﺭﺍﻋﺔ ﻓﺎﺷﻠﺔ ..ﻋﻤﻠﺔ ﻣﺎﺗﺸﺘﺮﻱ ﺑﻴﻬﺎ ﺣﻼﻭﺓ ﺣﺮﺑﺔ

12:19 PM November, 15 2017

سودانيز اون لاين
Khalid Elsayed-Sudan
مكتبتى
رابط مختصر

ﺑﻨﻘﻮ .. ﻭﺑﺎﻋﻮﺽ ..
ﻭﻏﺎﺯ ﻣﺎﻓﻲ .. ﻭﻣﻮﻳﺔ ﻣﺎﻓﻲ .. ﻭﺯﺭﺍﻋﺔ ﻓﺎﺷﻠﺔ ..
ﻋﻄﺎﻟﺔ .. ﻋﻨﻮﺳﺔ .. ﺟﻮﻉ .. ﻣﺴﺘﺸﻔﻴﺎﺕ ﻣﻘﻔﻠﺔ
ﻓﻨﺎﻧﺎﺕ ﻗﻮﻧﺎﺕ ﻭﺭﺍﻗﺼﺎﺕ ﻭﻏﻨﺎﻳﺎﺕ .. ﺍﻟﻜﻮﺭﺓ ﻣﺎﻧﺎﻓﻌﻪ ﻟﺤﺪﻱ ﺍﻟﻠﻴﻠﺔ
ﻣﺎ ﺟﺎﺑﻮ ﻛﺎﺱ ﻋﺮﻗﻲ
ﻃﻴﺮﺍﻥ ﻣﻨﺘﻬﻲ
ﺍﻟﻄﻴﺎﺭﺓ ﺑﺘﻘﻊ ﻓﻲ ﺍﻟﻤﻄﺎﺭ ﻗﺒﻞ ﻣﺎﺗﺘﻄﻴﺮ
ﻋﺴﺎﻛﺮ ﺣﺮﻛﺔ ﻋﺒﺎﺭﺓ ﻋﻦ ﻫﻤﺒﺎﺗﻪ
ﻃﻼﻕ ﺑﻲ ﺳﺒﺐ ﻭﺑﺪﻭﻥ ﺳﺒﺐ
ﺗﺸﺮﺩ ﺍﻃﻔﺎﻟﻲ .. ﻭﺗﺸﺮﺩ ﻧﺴﺎﺋﻲ .. ﻭﻫﺮﻭﺏ ﺭﺟﺎﻟﻲ ..
ﻋﻤﻠﺔ ﻣﺎﺗﺸﺘﺮﻱ ﺑﻴﻬﺎ ﺣﻼﻭﺓ ﺣﺮﺑﺔ
ﻟﺒﻦ ﻣﻐﺸﻮﺵ .. ﻧﻔﺎﻕ ﺍﺟﺘﻤﺎﻋﻲ ..
ﺍﻹﻧﺤﺮﺍﻑ ﻓﻲ ﺃﻭﺳﺎﻁ ﺍﻟﺠﺎﻣﻌﺎﺕ .. ﻭﺍﻃﻔﺎﻝ ﺍﻟﻤﺎﻳﻘﻮﻣﺔ ..
ﺳﻤﺎﺳﺮﺓ ﻓﻲ ﺍﻟﺪﻻﻟﺔ ﻭﻓﻲ ﺍﻟﺤﻠﺔ ﻭﺳﺮﻗﺔ ﺷﺒﺎﺷﺐ ﻣﻦ ﺑﻴﺖ ﺍﻟﻠﻪ ..
ﻣﺸﺎﺭﻳﻊ ﺍﺳﺘﺜﻤﺎﺭﻳﺔ ﻭﻫﻤﻴﺔ .. ﺗﺸﻐﻴﻞ ﺍﻟﺨﺮﻳﺠﻴﻦ ﺍﺻﺒﺢ ﺣﻠﻢ ..
ﻋﺮﺱ ﺑﺎﻟﺪﻳﻦ .. ﻭﻻﺩﺓ ﺑﺎﻟﺪﻳﻦ .. ﻭﻃﻼﻕ ﻋﺸﺎﻥ ﺍﻟﺪﻳﻦ .. ﻋﻘﻮﻕ ﻭﺍﻟﺪﻳﻦ
ﻃﻠﺒﺔ ﺍﻟﻤﺪﺭﺍﺱ ﺑﻀﺮﺑﻮﺍ ﺍﻟﻤﻌﻠﻤﻴﻦ .
ﺍﺳﺒﻴﺮﺍﺕ ﺻﻴﻨﻴﺔ ﻣﻐﺸﻮﺷﺔ .. ﻟﺤﻮﻡ ﺣﻤﻴﺮ .. ﺷﻌﺮ ﻣﺴﺘﻌﺎﺭ ﺣﺒﻮﺏ ﺗﺴﻤﻴﻦ ..
ﻭﺣﻮﺍﺟﺐ ﻣﺮﺳﻮﻣﺔ ..
ﻣﻨﺒﺮﺷﺎﺕ ﻓﺴﺦ ﻭﺟﻠﺦ .. ﻣﻘﺼﺎﺕ .. ﺧﺮﺷﺎﺕ .. ﺷﻼﺑﺎﺕ
ﻭﺍﻟﺒﻨﺎﺕ ﺑﺴﻔﻮ ﺗﻤﺒﺎﻙ
ﺧﻴﺎﻧﺎﺕ ﺯﻭﺟﻴﺔ ..
ﺍﻭﻻﺩ ﺍﻟﺤﺎﻓﻆ ﻓﻲ ﺷﺎﺭﻉ ﺍﻟﻨﻴﻞ .. ﺗﺮﺍﺟﻲ ﻣﺼﻄﻔﻲ
ﻟﻮﺷﻲ ﺍﻟﻤﺒﺎﺭﻙ ﺷﺨﺼﻴﺔ ﻗﻮﻣﻴﺔ .. ﻭﺍﺣﻤﺪ ﺍﻟﺼﺎﺩﻕ ﺳﻔﻴﺮ ﻟﻠﻨﻮﺍﻳﺔ ﺍﻟﺤﺴﻨﺔ
ﻫﻴﺜﻢ ﻣﺼﻄﻔﻲ ﻣﻦ ﺍﻟﻬﻼﻝ ﻟﻠﻤﺮﻳﺦ ..
ﻓﺎﻃﻤﺔ ﺷﺎﺵ ﻭﺍﺣﺪﺓ ﻣﻦ ﺭﻣﻮﺯ ﺍﻟﺮﻳﺎﺿﺔ ..
ﻣﻌﺎﻣﻞ ﺗﺪﻳﻚ ﻧﺘﻴﺠﺔ ﻏﻠﻂ
ﺗﻔﺤﺺ ﻣﻼﺭﻳﺔ
ﻳﻘﻮﻟﻮ ﻟﻴﻚ ﻣﺒﺮﻭﻙ ﻃﻠﻌﺘﺎ ﺣﺎﻣﻞ ..
ﺣﻼﻳﺐ ﻭﺷﻼﺗﻴﻦ ﻭﺍﻟﻘﻀﺎﺭﻑ ﻭﻣﺎﺷﻴﻦ ﻧﺤﺎﺭﺏ ﻓﻲ ﺍﻟﻴﻤﻦ .. ﻣﺮﻳﺾ ﻳﻀﺮﺏ ﻃﺒﻴﺐ ..
ﺟﻤﺎﻋﺎﺕ ﺍﺭﻫﺎﺑﻴﺔ
ﺍﻓﻜﺎﺭ ﻣﻨﺤﺮﻓﺔ ..
ﺍﻏﺎﻧﻲ ﺯﺍﺭ .. ﺧﻴﺎﻧﺔ ﺍﻣﺎﻧﺔ
ﻛﺒﺎﺭﻱ ﺿﺎﺭﺑﺔ .. ﺷﻮﺍﺭﻉ ﻣﻜﺴﺮﺓ ..
ﻣﺪﺭﺍﺱ ﻋﺒﺎﺭﺓ ﻋﻦ ﺭﻭﺍﻛﻴﺐ .. ﻓﺴﺎﺩ ﺍﺩﺍﺭﻱ ..
ﻓﺴﺎﺩ ﺍﺧﻼﻗﻲ ..
ﻛﺰﺏ .. ﺳﺮﻗﺔ .. ﺩﺟﻞ ﻭﺷﻌﻮﺯﺓ ..
ﺩﻗﻴﻖ ﻓﺎﺳﺪ .. ﺩﻭﺍﺀ ﻣﻨﺘﻬﻲ ﺍﻟﺼﻼﺣﻴﺔ ..
ﺑﺮﻭﻣﻴﺪ ﺑﻮﺗﺎﺳﻴﻢ ﻣﺨﻠﻮﻁ ﺑﺎﻟﺮﻏﻴﻒ
ﻣﺶ ﺭﻏﻴﻒ ﻣﺨﻠﻮﻁ ﺑﻲ
ﺑﺮﻭﻣﻴﺪ ﺍﻟﺒﻮﺗﺎﺳﻴﻢ
ﺳﺮﻃﺎﻥ .. ﻓﺸﻞ ﻛﻠﻮﻱ .. ﺍﻧﺘﺤﺎﺭ .
ﺑﻨﻮﻙ ﺭﺑﻮﻳﺔ
ﺣﺮﺏ ﻗﺒﻴﻠﺔ ..
ﻣﻠﺸﻴﺎﺕ ﺣﻜﻮﻣﻴﺔ
ﺟﻴﺮﺍﻥ ﻣﺘﺨﺎﺻﻤﻴﻦ ..
ﻭﻟﺪ ﻛﺘﻞ ﺍﺑﻮﻩ ..
ﺣﻠﻴﻠﻚ ﻳﺎﺑﻠﺪ ﻟﻤﺎ ﻏﻨﻮﻟﻚ ﺍﺣﺐ ﻣﻜﺎﻥ ﻭ ﻃﻨﻲ ﺍﻟﺴﻮﺩﺍﻥ..
شيل عليهو الفاتحة ساااااي

رغم دا كلو يا خالد وأسوا منه
اتذكر حاجة زي شارع الحوادث و عمّك الباع بوكسيه وتبرّع لبناء فصلين في المدرسة و ملامح الرضاء و السعادة في وجهه حينما قال لا اريد عوضا و غيرها وغيرها تبؤك أنه لم يحن أوان شيل الفاتحة بعد
ومادام الأصل طيب فكل هذه العوارض و الآفات إلى زوال بإذن الله