يحضر العشرات بل المئات من السودانيين كل عام لكندا ...
اجلس مع هذا و اسامر ذاك ... و من هذا و ذاك ... اقتنع و ( اقنع ) ان العودة صارت من المحال ...
ثم يأتيك ود المرتضى ...
و تأتي معه ريحة الوطن الدعاش ...
معجون بطين و تراب و هبوب ذلك الوطن العجيب ذلك المرتضى ...
محمد المرتضى ... شبيه البدر حسناً و ضياء و مثالا ...
زارنا في تورنتو زيارة خاطفة ( جداً ) ...
زارنا حتى اذا ما سرنا بالقرب زالا ...
رجل لا يمل الجلوس معه ...
تضحك و تبكي و تتألم و تحلم معه ...
كم انت جميل يا صديقي ...
Post: #2 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 05:52 AM Parent: #1
قلت له ... ما رأيك في عشوه جميلة في مطعم راقي في مدينتنا مساء اليوم ؟
قال لي ...
يا قُبة ... ياخي ... طعمية ...و كباية شاي ... و كميات من الونسة ...
فكانت هذه الجلسة البديعة مساء اليوم ( قبل 5 ساعات تقريباً ) ...
و في حضرة مولانا مرتضى و الدكتور عمر هاشم كانت الجلسة و الذكريات الجميلة ...
Post: #3 Title: Re: طعمية و كباية شاي مع مولانا ود المرتضى .. و Author: الشامي الحبر عبدالوهاب Date: 11-15-2017, 06:23 AM Parent: #2
ما اجملها من جلسة وما اجملها من ونسة تحياتي لكما ولكل من يتشرف بمجلسكم ومجالستكم
Post: #4 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 06:32 AM Parent: #2
من علايل ابروف للمزالق ...
من فتيح للخور للمغالق ...
قدلة يا مولاي حافي حالق ...
بالطريق الشاقي الترام ...
تلك هي ( الونسة ) مع المرتضى ...
يأخذك الى حواري و زقاقات ام در ... و يقودك بي حرفنة من قاسها طولاً و عرضاً ...
غبت 30 عاماً عن ( البُقعة ) ...
و أعادني ود المرتضى في أمسية واحدة بديعة اليها ...
و أعاد لي كل افراحي و احزاني و اشجاني ...
لله درك يا صديقي ...
Post: #5 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 06:36 AM Parent: #4
Quote: ما اجملها من جلسة وما اجملها من ونسة تحياتي لكما ولكل من يتشرف بمجلسكم ومجالستكم
تحياتي يا شامي ...
الجلسة مع المرتضى ... هي جلسة في حضرة الوطن ...
لولا الملام و المكان ... لقلدته بعد كل جملة و بعد كل كلمة تبادلناها ...
كم هو جميل يا شامي ...
Post: #6 Title: Re: طعمية و كباية شاي مع مولانا ود المرتضى .. و Author: Deng Date: 11-15-2017, 06:52 AM Parent: #5
يا بختكم.
Post: #7 Title: Re: طعمية و كباية شاي مع مولانا ود المرتضى .. و Author: عزالدين عباس الفحل Date: 11-15-2017, 07:04 AM Parent: #6
قبة سلام . ياخي مالك كبرت كدا. ارهاق والا شنو كدا ؟؟؟ يا حليلك ي قبة . تحياتي لك ولضيفك الكريم.
عزالدين عباس الفحل ابوظبي
Post: #8 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 07:06 AM Parent: #6
Quote: يا بختكم.
انت ذاتك ان شاء الله الدرب يجيبك لينا ...
الراس فيو كلام كتير يا دينق ...
Post: #9 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 07:09 AM Parent: #8
Quote: قبة سلام . ياخي مالك كبرت كدا. ارهاق والا شنو كدا ؟؟؟ يا حليلك ي قبة . تحياتي لك ولضيفك الكريم.
الاتنين و حاتك يا ود الفحل ...
الكبر و الإرهاق ...
انا ود الليلة و لا ود امبارح يا عزو ... :)
Post: #10 Title: Re: طعمية و كباية شاي مع مولانا ود المرتضى .. و Author: MOHAMMED ELSHEIKH Date: 11-15-2017, 07:25 AM Parent: #9
يا سلام يا قبقبة ويابختك بود حامد ابن امدر الأصيل
طالت بنا الأشواق يا مرتضي فكيف اللقاء
تحياتي لكما ويا حليل فول دارسيت
Post: #11 Title: Re: طعمية و كباية شاي مع مولانا ود المرتضى .. و Author: muntasir Date: 11-15-2017, 07:45 AM Parent: #10
ألم تعاقروا قليلاً من نبيذ بوردو الفاخر
Post: #12 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 08:03 AM Parent: #11
Quote: يا سلام يا قبقبة ويابختك بود حامد ابن امدر الأصيل
طالت بنا الأشواق يا مرتضي فكيف اللقاء
تحياتي لكما ويا حليل فول دارسيت
ود الشيخ يا دفعة ..
مشتاقين يا رجل ...
و جلسة ناقصاكم و الله ...
Post: #13 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 08:05 AM Parent: #12
Quote: ألم تعاقروا قليلاً من نبيذ بوردو الفاخر
و الله شاي بس يا مونتي ...
مدّاحين بس ... :)
Post: #14 Title: Re: طعمية و كباية شاي مع مولانا ود المرتضى .. و Author: ياسر السر Date: 11-15-2017, 08:25 AM Parent: #13
دي اكيد جلسة ما منظور مثلا جلسة ما منظور مثيلا ,,, يا سلااااااام منك انا اه يا استاذ يحيى قباني كل هذا الالق والحبور والحضور البهي والجمال في حضرة هذا الرجل الجميل انت فقط فزت به ياخي انت محظوظ عديل ,,,, شهيتنا الجلوس مع هذا الانيق ومع شخصك المترع بالجمال .... فكم انت جميل يا سودان بمثل هؤلاء الناس الجميلين الرائعين .... غايتو نبكي بس ونمسح دموعنا بالدس لانو كندا دي ماف اي طريقة تجيبنا ليها هههههههههههههههههههه .... خالص تحياتي لك ولمولانا ود المرتضى ...
تحياتي : ياسر العيلفون .....
Post: #15 Title: Re: طعمية و كباية شاي مع مولانا ود المرتضى .. و Author: Nader Abu Kadouk Date: 11-15-2017, 08:54 AM Parent: #14
يا سلام يا قبة ياخي...ده ديربي عديل كده...تحياتي للجميل محمد المرتضى....
Post: #16 Title: Re: طعمية و كباية شاي مع مولانا ود المرتضى .. و Author: محمد حيدر المشرف Date: 11-15-2017, 08:59 AM Parent: #1
كانت لحظة اللقيا تجلجل في فناء الروح كان الحب يرقص عاريا متجاهلا كل الخرافة والمعاني السافلة كالنيل حين يضج بالايقاع .. ينفذ وحده.. عبر الصحارى القاحلة ...
او أخالك يا يحى وقد هاتفته عند اللقاء بابيات الكتيابي حين عانق بمحطة الرمل صاحبه
يا ليتني استطيع أنظر نور وجهك في لحيظات العناق
Post: #17 Title: Re: طعمية و كباية شاي مع مولانا ود المرتضى .. و Author: عبدالحفيظ ابوسن Date: 11-15-2017, 09:13 AM Parent: #16
الشيخوخة هي انعدام قدرتك علي الاندهاش فلازلت شابا تحياتي لكما تعرف الاصحاب عندي في مكان لا يصله الاشقاء نفسهم
Post: #18 Title: Re: طعمية و كباية شاي مع مولانا ود المرتضى .. و Author: امتثال عبدالله Date: 11-15-2017, 12:09 PM Parent: #17
عزيزنا الفاضل يحي قباني تحية واحتراما اتابع دايما بوستاتك الروعة، وبالامس دخلت هذا البوست واعجبني قولك في مولانا مرتضى بانه جاء وفيه ريحة الوطن الدعاش ومعطون بطين وترامب وهبوب الوطن، وقلت والله الصداقة والمحبة يا كدا يا بلاش، وقلت ايضا ان مثل هؤلاء دعواتهم مقبولة ، ولكن ليته كان مر علينا ونثر علينا شيئا لشفاءالنسمة بسمات التي تغاد اليوم في رحلة استتشفائية مع وافر التقدير والامتنان والاحترام
Post: #19 Title: Re: طعمية و كباية شاي مع مولانا ود المرتضى .. و Author: عبدالله عثمان Date: 11-15-2017, 12:49 PM Parent: #18
بختكم دي جلسة في "جنة بلال" إنت قايل خليل دة قال جنة بلال ساكت؟؟ قاعدلو فوق رأي العجب كان حضرتو زفة المولد واشتريتو بت مولد من الطيب سيد مكي --- يقول هيرودتس أن آلهة الأغريق تحج في العام لـ 13 يوم في جبل البركل
بكون وصلكم دعاشو
بختكم
Post: #20 Title: Re: طعمية و كباية شاي مع مولانا ود المرتضى .. و Author: محمد أبوالعزائم أبوالريش Date: 11-15-2017, 01:23 PM Parent: #19
Quote: رجل لا يمل الجلوس معه ...
إنت حتقول لي؟ ........ (تنطق تؤول لي)
ياخ خليهو يحكي ليك عن أيامنا في مسقط من بداية التسعينات.
نهارات وليالي لا يزال طعمها في اللسان.
Post: #21 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 01:31 PM Parent: #20
Quote: دي اكيد جلسة ما منظور مثلا جلسة ما منظور مثيلا ,,, يا سلااااااام منك انا اه يا استاذ يحيى قباني كل هذا الالق والحبور والحضور البهي والجمال في حضرة هذا الرجل الجميل انت فقط فزت به ياخي انت محظوظ عديل ,,,, شهيتنا الجلوس مع هذا الانيق ومع شخصك المترع بالجمال .... فكم انت جميل يا سودان بمثل هؤلاء الناس الجميلين الرائعين .... غايتو نبكي بس ونمسح دموعنا بالدس لانو كندا دي ماف اي طريقة تجيبنا ليها هههههههههههههههههههه .... خالص تحياتي لك ولمولانا ود المرتضى ...
تحياتي : ياسر العيلفون .....
تحياتي ود العيلفون يا فنان ...
هذا الرجل الجميل يتنازع عليه البشر هنا ...
والله لو جلس معنا سنة كاملة ما كفتتنا هاهنا ...
سيغادر بحفظ الله و عشرات الناس لم تفز برؤيته و الجلوس معه لضيق الوقت و زحمة برنامجه ...
و كلهم سجلوا لي و له صوت لوم ... فوعدنا زيارة في الصيف القادم ان شاء الله ...
( اها عندك زي 8 شهور تدبر حالك تصلنا هنا هههه )
Post: #22 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 01:41 PM Parent: #21
Quote: يا سلام يا قبة ياخي...ده ديربي عديل كده...تحياتي للجميل محمد المرتضى....
و الله ديربي يا ابكدوك يا جميل ...
اجمل ما في الاجمل انه كشكول كامل المعلومات ...
تتحدث معه عن كل شيء و تسمع تحليل العارف ببواطن الأمور ...
رجل موسوعة بحق ...
Post: #23 Title: Re: طعمية و كباية شاي مع مولانا ود المرتضى .. و Author: يحي قباني Date: 11-15-2017, 01:53 PM Parent: #22
Quote: كانت لحظة اللقيا تجلجل في فناء الروح كان الحب يرقص عاريا متجاهلا كل الخرافة والمعاني السافلة كالنيل حين يضج بالايقاع .. ينفذ وحده.. عبر الصحارى القاحلة ...
او أخالك يا يحى وقد هاتفته عند اللقاء بابيات الكتيابي حين عانق بمحطة الرمل صاحبه
يا ليتني استطيع أنظر نور وجهك في لحيظات العناق
قابلته يا محمد بقبلات على جبهته ...
و ودعته بقبلات على رأسه و خديه رغم انف العرف السائد ها هنا ...
اللاوعي و الشعور بالعناق الطويل مع الوطن الذي امامك ... ينسيك المكان و الزمان ...
تقابلنا مرتين خلال الزيارة القصيرة جداً ...
تألمنا و بكينا على الكثير الكثير في اليوم الأول ... و حزنّا على تشتيتنا ...
و ذكرني المرتضى مقولة الدكتور خالد الكد رحمه الله حينما قال عن المغتربين : ( يبنون البيوت لا ليسكنوها ولكن ليشيعوا منها ) و كأننا يا مشرف ننعي حالنا ... ثم نقول للدنيا ... تف يا دنيي تف على هذا الزمن ...
ثم القينا امس و ضحكنا ضحك طفلين معنا ... و عدونا فسبقنا ظلنا ...
و خربانة ام بناياً قش فراقة الحبايب ...
Post: #24 Title: Re: طعمية و كباية شاي مع مولانا ود المرتضى .. و Author: Osman Musa Date: 11-15-2017, 04:09 PM Parent: #23
قباني الزول الفنان سلامات و حظك ياخ انك قاعد تقابل الزول العديل مولانا ود المرتضي . ود المرتضي الإنسان و المثقف الشامل . ود المرتضي ود المدينة و تلب الضهاري . المسكين و الشفت المقر زول النهود الجميلة ومدريد و لشبونة وميامي . ممكن تختو وزير تربية وبر ضو ممكن كمساري في قطار في المكسيك . ما عندو شي صعب . طال عمرك يا ود حامد .
Post: #25 Title: Re: طعمية و كباية شاي مع مولانا ود المرتضى .. و Author: عمر عثمان Date: 11-15-2017, 04:29 PM Parent: #24
السودان جميل بأمثالكم
وأرى أن الحنين قاتلك يا هندسه
قاتل الله من فرق بني السودان في المهاجر وفعد يعيث خرابا لأنه لا يملك مخزونا عاطفيا وذكريات عطرات تجمعه بتلك البقاع الطاهره المتمدنه
Post: #26 Title: Re: طعمية و كباية شاي مع مولانا ود المرتضى .. و Author: علي دفع الله Date: 11-15-2017, 06:23 PM Parent: #25
التحية ليك يا مايسترو وللقامة الاخ ود المرتضى
Post: #27 Title: Re: طعمية و كباية شاي مع مولانا ود المرتضى .. و Author: يحي قباني Date: 11-16-2017, 00:24 AM Parent: #26
صحبتك السلامة يا صديقي ...
مرتضى سفير الزمن الجميل ...
نشر الفرحة و الجمال في ( ونستنا ) الجميلة مساء الأمس ...
و اجمل ما في الاجمل ابتسامته الصادقة و جميلة ...
ما اجمل الزمن الأبيض و الأسود ...
هو زماننا الذي عشقناه ... و هي ذكرياتنا التي نعرفها ...
Post: #28 Title: Re: طعمية و كباية شاي مع مولانا ود المرتضى .. و Author: يحي قباني Date: 11-16-2017, 00:27 AM Parent: #27
Quote: الشيخوخة هي انعدام قدرتك علي الاندهاش فلازلت شابا تحياتي لكما تعرف الاصحاب عندي في مكان لا يصله الاشقاء نفسهم
ود اب سن يا صاحب ... في الزمن الصعب ...
ليتك كنت بيننا ...
كانت بيك تكون سعادتنا مؤكده ...
Post: #29 Title: Re: طعمية و كباية شاي مع مولانا ود المرتضى .. و Author: معاوية الزبير Date: 11-16-2017, 02:26 AM Parent: #28
هسي شوف يا قباني لولا سودانيز ده كان ضاعت علينا كم حاجة حلوة في الدنيا! عشان كده قاعدين نغفر للمنبر قباحاتو أنا غايتو خاتّي ملاقاتكم اللتنين للتحلية
Post: #30 Title: Re: طعمية و كباية شاي مع مولانا ود المرتضى .. و Author: يحي قباني Date: 11-16-2017, 03:11 AM Parent: #29
Quote: عزيزنا الفاضل يحي قباني تحية واحتراما اتابع دايما بوستاتك الروعة، وبالامس دخلت هذا البوست واعجبني قولك في مولانا مرتضى بانه جاء وفيه ريحة الوطن الدعاش ومعطون بطين وترامب وهبوب الوطن، وقلت والله الصداقة والمحبة يا كدا يا بلاش، وقلت ايضا ان مثل هؤلاء دعواتهم مقبولة ، ولكن ليته كان مر علينا ونثر علينا شيئا لشفاءالنسمة بسمات التي تغاد اليوم في رحلة استتشفائية مع وافر التقدير والامتنان والاحترام
تحياتي امتثال ...
ابدا ما معطون ( بترامب ) الوطن هههه
الظاهر بتكتبي من تلفون و التلفون كتب ترامب ...
الف سلامة لبتنا بسمات ... و ما فهمت ليه المانيا ؟ و هي في بلد الطب هنا ؟ ...
عموما نسأل الله الشفاء ...
Post: #31 Title: Re: طعمية و كباية شاي مع مولانا ود المرتضى .. و Author: امتثال عبدالله Date: 11-16-2017, 03:17 AM Parent: #30
سلامات يحي قباني وياهو ده الحاصل وبكتب من الجوال..واظن التلفونات في امريكا بتكتب اي كلمة ترامب..ووالدها اختار ألمانيا وقال العلاج الصحي في المانيا..وهو يبحث عنsecond opinion.. مع تحياتنا العطرة
Post: #32 Title: Re: طعمية و كباية شاي مع مولانا ود المرتضى .. و Author: Kostawi Date: 11-16-2017, 03:19 AM Parent: #29
حبيبنا يحي قباني ياخ أنت زول جميل و إنسان عظيم تحتفل بأخي الجميل الذي رضعنا "معه و معهم" من لبن شطور ذلك التاريخ العظيم و هو يعرف ما أعني! بختك يا قباني و بخته Best regards to both of you
Post: #33 Title: Re: طعمية و كباية شاي مع مولانا ود المرتضى .. و Author: حيدر حسن ميرغني Date: 11-16-2017, 04:51 AM Parent: #32
قباني الزول الحلو إتوقعني في السنة الجديدة جايي Quebec بلد Celine Dion عشان اطلق البومي الجديد ود المرتضى ما اداك رمية حقت حقيبة قالوا غناي خلاس تحية ليكم الاتنين
Post: #34 Title: Re: طعمية و كباية شاي مع مولانا ود المرتضى .. و Author: Kostawi Date: 11-16-2017, 05:01 AM Parent: #32
Post: #35 Title: Re: طعمية و كباية شاي مع مولانا ود المرتضى .. و Author: Kostawi Date: 11-16-2017, 05:29 AM Parent: #34
.... الفيديو (الكابلي) ...تصويري و إخراجي، سرقته بعض المحطات التلفزيونية الفي جوا البلد الإسمو السودان. الكيزان ياهم
Post: #36 Title: Re: طعمية و كباية شاي مع مولانا ود المرتضى .. و Author: الطيب شيقوق Date: 11-16-2017, 06:58 AM Parent: #35
يا سلام يا قباني و الله بختكم تشبعوا ونسة مع ابي اكرم غايتو
الراجل دا سافر لا خبرنا ولا حاجة اوع ماشي في خطى الكابلي - سترك يا رب
وقعت في الخبر صدفة ولي عودة
تحياتي ليك يا المرتضى و للعقاب هناك
Post: #37 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-16-2017, 12:34 PM Parent: #36
تحيا وتعيش يا يحيى..
لسه في السفر طويل التيله ولي عودة بعد الهجعة ولو أنها مستحيلة.
الشكر لكل الأحباب هنا ..
Post: #38 Title: Re: طعمية و كباية شاي مع مولانا ود المرتضى .. و Author: NEWSUDANI Date: 11-16-2017, 05:41 PM Parent: #37
Quote: انا ود الليلة و لا ود امبارح يا عزو ... :)
يا صديقي حسه الجاب الكلام ده شنو تحياتي
Post: #39 Title: Re: طعمية و كباية شاي مع مولانا ود المرتضى .. و Author: امتثال عبدالله Date: 11-16-2017, 07:01 PM Parent: #38
بالله يا ود قباني في سينما في كندا بتعرض افلام عربية،،، شايفة ملصق فلم رمال من ذهب لفاتن حمامة ورا الصورة،،، مع وافر التحيات والتقدير والاحترام
Post: #40 Title: Re: طعمية و كباية شاي مع مولانا ود المرتضى .. و Author: يحي قباني Date: 11-17-2017, 05:38 AM Parent: #39
Quote: إنت حتقول لي؟ ........ (تنطق تؤول لي)
ياخ خليهو يحكي ليك عن أيامنا في مسقط من بداية التسعينات.
نهارات وليالي لا يزال طعمها في اللسان.
أبو الريش يا صديق الزمن الجميل ...
الحكي مع ود المرتضى لا ينتهي ...
بختكم بذكرياتكم و بختنا بشوفتنا ليهو ...
زولنا زول جميل يا محمد ...
Post: #41 Title: Re: طعمية و كباية شاي مع مولانا ود المرتضى .. و Author: يحي قباني Date: 11-17-2017, 06:00 AM Parent: #40
Quote: تحيا وتعيش يا يحيى..
لسه في السفر طويل التيله ولي عودة بعد الهجعة ولو أنها مستحيلة.
صحبتك السلامة في حلك و ترحالك يا صديقي ...
ظهرت نورك بان ... نور جمالك بان .. لا نور شموس لا بدور ...
Post: #42 Title: Re: طعمية و كباية شاي مع مولانا ود المرتضى .. و Author: Muna Khugali Date: 11-17-2017, 02:08 PM Parent: #1
انت وهو خاينين اصبروا لي ويا يحي بوريك الخيانة الجد
Post: #43 Title: Re: طعمية و كباية شاي مع مولانا ود المرتضى .. و Author: يحي قباني Date: 11-17-2017, 02:45 PM Parent: #42
Quote: انت وهو خاينين اصبروا لي ويا يحي بوريك الخيانة الجد
نطيت الناس و جيتك ...
الجابتك دي ما هينة يا منينة ...
و الله و الله طاريك لي أسبوع ... و التقصير شوية علي ...
غايتو بختكم بيهو مقدماً ... ههههه
سنتهاتف ان شاء الله ...
Post: #44 Title: Re: طعمية و كباية شاي مع مولانا ود المرتضى .. و Author: Khalid Basheer Date: 11-17-2017, 05:20 PM Parent: #43
و كيف انساها و اتناسى طريت ام در حليل ناسا..العبادي يا قباني كان على بعد ساعات منها .....كيف الحال لو كان بعدهم سنين عددا و آلاف الاميال ؟ ...عشق هذه المدينة سحري لا تستطيع وصفه ولا تبريره فقط تحسه جارفا طاغيا... مرات...فقط تقرأ اسمها فتنزل الدمعات.....قال البنا : يا فريد الحسن و بهجة أمدرمان لي من شوفتك يا حبيبي زمان .و قال: يا حياة روحي و يا بهجة امدرماني ...يا الله ...يا الله بتقدر على حمولة الذكريات للبياض دة يا قباني مدته 2:40 بس : مقطع من حقيبة الفن يوم الجمعة الصباح ....الشاي و الفطور مع الحبوبة في الراكوبة... العميري و بادي وعوض بابكر... ابوروف و مشوار التاكسي بين المحطة الاوسطى و ابو حبيب .... خليل افندي فرح ... بالي جسمي و من زمان قاضي هاهو حبك بين انقاضي هدي روعك اوع لا تقاضي ما بشارعك انا ما بكوس قاضي ................ وافر التحايا للمرتضى ، الرجل الراقي.
Post: #45 Title: Re: طعمية و كباية شاي مع مولانا ود المرتضى .. و Author: نعمات عماد Date: 11-18-2017, 10:16 AM Parent: #44
سلام وأنضر تحية قباني و مولانا المرتضى و الضيوف الكرام
تمنياتي لكم بدوام الصحة و العافية و السعادة .
Post: #46 Title: Re: طعمية و كباية شاي مع مولانا ود المرتضى .. و Author: محمد أبوالعزائم أبوالريش Date: 11-18-2017, 11:55 AM Parent: #45
Quote: بختكم بذكرياتكم و بختنا بشوفتنا ليهو ...
زولنا زول جميل يا محمد ...
Post: #47 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-18-2017, 01:56 PM Parent: #46
القباني السوداني المركزي والكندي الطرفي - يا الشامي - يلتقي مع كافة الأقوام في كافة الصفحات فهو ، مع براغماتية تتطلبها الحياة الغربيه النيرانا ما بترحم، يسافر لمدن أخرى إذا (اشتهي) ونسه تترع المآقي وgame ويست أو صحن فول مجاز من الجان وموسى نفخو يعني من ذلك النوع الذي تحسدك على تركيبته أرقى القوائم العالميه . إيزو شنو وكلام فاضي شنو.. تفتح أبواب المريخ و الهلال فتعرف أن هناك تاريخا مفصلا لا ينتهي عن تيم عباس حتى تظنه عباس بن يحيى ، أما الفنون بأبوابها الشاملة الثلاث فهو حامل مفاتحها وأختامها مع سودنه ظاهره وترجمه أمدرمانيه على الشريط (خوري و عبيد بالشنقيطي) . يزعل المابعرفو ويمهد ليك تتخلص منو ويجيبك كالعالق بصنارة موده عارية الحنان.. هنا لابد من ملاحظة هامه لاتفوت على قارئ وهي آن (الصعلكة) و (الشفتنة) ضرب من الفن الحركي مثله مثل الصوتي والتشكيلي وكثيرا ما ننسبها لبعض الأمدرمانيين وهم - في أحايين كثيره - يقومون بدور الناطق الرسمي للسوداني المجهز بسوفتوير سودانوي وعارف بسوي في شنو حتى لو كان ساكنا و ساكتا.. أها، زي يحيى دا لامن تقعد معاهو ممكن تطلب إجازه من مقر عملك أو تغيرِّ مواعيد رحلتك موقنا أن الله ونفسك سيثيباك على القرار إضافة إلي ضمان رضا الله والوالدين عنك لممارسة هذا الضرب من مساج الروح الخمج ، و زي ما قال سند: سلوا قلبي ،
أما سبَّحتُ ، ثم حمدتُ ثم ضحكتُ ، ثم بكيتُ
ثم دعوتْ
باركْ ربّيَ المسعى فقد أعطيتْ
باركْ فيه حين يفيضُ
حين يغيضُ
واجعلْ خيرَه للناسِ
واجعلْ وجهَه كالبدر حين يتمُّ
واجمعْ حوله الأحبابَ والأصحابَ
والأتباعْ ..
Post: #48 Title: Re: طعمية و كباية شاي مع مولانا ود المرتضى .. و Author: يحي قباني Date: 11-18-2017, 04:11 PM Parent: #47
Quote: بختكم دي جلسة في "جنة بلال" إنت قايل خليل دة قال جنة بلال ساكت؟؟ قاعدلو فوق رأي العجب كان حضرتو زفة المولد واشتريتو بت مولد من الطيب سيد مكي --- يقول هيرودتس أن آلهة الأغريق تحج في العام لـ 13 يوم في جبل البركل
بكون وصلكم دعاشو
بختكم
عبد الله عثمان يا زول يا بديع ...
عليك الله عاين جنس كلام مرتضى ده ...
الزول ده تقدر ما تريدو ؟
Post: #49 Title: Re: طعمية و كباية شاي مع مولانا ود المرتضى .. و Author: يحي قباني Date: 11-18-2017, 09:05 PM Parent: #48
Quote: قباني الزول الفنان سلامات و حظك ياخ انك قاعد تقابل الزول العديل مولانا ود المرتضي . ود المرتضي الإنسان و المثقف الشامل . ود المرتضي ود المدينة و تلب الضهاري . المسكين و الشفت المقر زول النهود الجميلة ومدريد و لشبونة وميامي . ممكن تختو وزير تربية وبر ضو ممكن كمساري في قطار في المكسيك . ما عندو شي صعب . طال عمرك يا ود حامد
محمد المرتضى ياهو السودان يا عثمان ...
لكن لي انا امدرماني صررررر ...
لا فيو شق لا طق ... هههههه
Post: #50 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-19-2017, 12:07 PM Parent: #49
والطعميه خشوم بيوت والمعروض منها في بلاد الله يتعدد من حيث الحجم والطعم والمقادير , وفي قناعتي أن أي شخص يدعي صناعة الطعميه غير الحاجه حوا جوار عبدالله خليل مفروض يوجهو ليهو اتهام بالإحتيال. حاجه حوا عندها عرض لقيمات الساعه ٧ ص ونحن ماشين الأهليه الجمب بيت ازهري، ,ودي تخصصات ناس نصر الدين عبدالحفيظ وداعة الله هجام (الملغم) هنا ب (كوستاوي), وأما عرض الساعه ٧ مساء فقد كان للطعميه..كان لامن الصاج يولع وترمي الطعميه يصل (إشعاعها) النووي المسيل للعاب في دائره أو radius يمتد حتى مكي ودعروسه وربما يلامس منطقة نفوذ باسطة الدانوب بشارع أبروف حيث سانتي الهندي يبيع كاكي الاستاكبورد لناس أحمد عبدالفتاح محجوب النصري الملغم هنا بطراوه. المهم، هذه الطعميه بالشمار اللخدر والسمسم إذا اشتريت منها قرطاسه بشلن وكنت قريب من دكان يماني عندو جبنة الدويم المقدده ورغيف حار ، الله أعلم بعد أول قرمه تعرف انك جيت من وين أو ماشي وين حتى لو كنت مصمم قوقل ايرث.
من الحاجات البتزعل أن معظم الأمهات لم يدربن بنات الزمن دا ، بنات الفيسبوك، بتاعات نو نو آي كانت بيليف، على صنع تلك الطعميه المثيره للشغب الجميل حين تتخالف مع جبنة الدويم والشطه الحميده.. وذات الأمر ينطبق على اللقيمات المقرمش الحواف الذي انتصر عشره صفر في كل الموائد على عجين المقلدين الدجالين الذين فشلوا في وزن الخميره والمقادير ومنتجات حاجه حوا ماركة حُسنك أمَر..
قال Dunkin Donuts قال
Post: #51 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-19-2017, 05:19 PM Parent: #50
ومطاعم الإثيوبيين في تورنتو لها مكان خاص في القلب والمعده ، حبيب خلايق الله د. عمر هاشم ، أجزل العطاء وما استبقي شيئا ، مع قهوتها كمان.. دي الأنجيرا والتبسي القال عليها ودالرضي في معالق الجوف موسا مجلوخه.. كان لابد أن ألتقط لها تلك اللحظه التاريخيه في المنعطف الخطير من تاريخ الوطن ، ولولا حياء من الخواجات اللهلبم الدليخ كان أخدت معاها سيلفي..
Post: #52 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-20-2017, 02:25 AM Parent: #51
Post: #54 Title: Re: طعمية و كباية شاي مع مولانا ود المرتضى .. و Author: محمد عبد الله الامين Date: 11-20-2017, 10:31 AM Parent: #53
يا سلاااام لقاء السحاب والعمالقة اولاد ام در اولاد قلباااا ولما تكون الونسه عن ام در الكلام بكون ذو شجون .... يا حظك يا قباني بلقاء مولانا المرتضى حامد ...
Post: #55 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-20-2017, 06:28 PM Parent: #54
( رضعنا "معه و معهم" من لبن شطور ذلك التاريخ العظيم و هو يعرف ما أعني! بختك يا قباني و بخته Best regards to both of you)
يا نصرالدين أسأل الله أن يديم عليك محبة العباد والعافيه ، إنت والبتريدم.. التاريخ العظيم الذي أشرت إليه هي الأيام التي شكلت صوامع ذواكرنا وهي زادنا لما تبقى من لحظات فوق الأرض. كثيرون لهم ذات الشعور، قصة الحب الأولى ونظره بجانب العين وهي تقف بانتظار (بص الشركه).. الإذاعه المدرسيه تبث (لو وشوش صوت الريح في الباب يسبقنا الشوق قبل العينين) و (المنازل) التي كان لها في القلوب منازل .. وحاجات دقاقه حكيناها في بيتك العامر بواشنطن مع (قطيعه) خاصه بمطعم (معزه) .. كنا لا شايلين هم لا عارفين بكرا الجايينا.. الله يجازي الطائرات العابره للأطلنطي. ياخ يلعن المطارات ذاتا.. .
Post: #56 Title: Re: طعمية و كباية شاي مع مولانا ود المرتضى .. و Author: محمد أبوجودة Date: 11-20-2017, 09:56 PM Parent: #55
ــــــــــــــــ ولولا أن ليلنا أليَل، لطاولتُ وَ "غاتّتتتُ
فسلامٌ، إذن، لأحاسن الناس أخلاقاً وكتابة و غناء ذاتو
تسملو .. بشرط
تكتبو ..حتى وانتو بتاكلو طعمية الخالة حاجة حوا
Post: #57 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-21-2017, 04:17 PM Parent: #56
(ود المرتضى ما اداك رمية حقت حقيبة قالوا غناي خلاس)
ولدنا القيافه الماسك الزمن في كولمبو وعموم مناطق السنهال .. عساك سعيد يا بركه عارف يا حيدر، زمان في أمدرمان في واحد تمتام مع إغماض متقطع للعيون.. أها الزول دا بمجرد ما يمسك العود ويغني تتلاشى التمتمه والعيون بس كشافات ويمبلي والكامب نو.... يغني بانسيابيه يغمطه عليها نورنا الجيلاني .. القصه دي جابا يا ودحسن أني لا أغني إلا في حضرة الحاذقين العارفين ضمن الكتائب المضاده للشتاره..والشتاره هنا مش زمن وبس بل إختيار أيضا.. حانتلاقى يوم ونغني كورال عليك يا حب تحياتي عشان تعرف المقصود من إنت ميل وانا ليك ميل عشان نميل سوا يا جميل .. حاتنسى السنهال والتاميل.. إنت قايل شنو..
Post: #63 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-23-2017, 07:23 AM Parent: #54
(ولما تكون الونسه عن ام در الكلام بكون ذو شجون )
نُقِل عن أيقونة أمدرمان عزيزنا الهادي نصر الدين الملقب ب (الضلالي) قوله أنه ( بطَّل سيرة السياسه) لأنها تسببت في احتجازه ليلة واحده بكوبر وقيل نفس الشيئ عن كمال سينا ، يعني قضيا ليلة خارج المياه الإقليميه لأمدر حسب ترسيم ابوصلاح وخرائط سيد عبدالعزيز ، يا سلام على المسالمه ياخ، أها ، الضلالي منذ ميلاده، وفقا لمعلوماتي، لم يبت خارج أمدرمان لأن سلوكا كهذا يعتبر من الكبائر في شرعه. ناس أمدر، يا محمد ، هم ضمير السودان لأنها مدينة عبقرية نوويه جمعت كافة القبائل من حلفا لنمولي ومن الطينه للكرمك وكافة السمحين من أقباط وشناقيط ومغاربه وأكراد و القائمة تطول ، فكل هؤلاء أصبحوا أهل ، صدقني أكتر من أهل، علموا وتعلموا ووسعوا مواعين المعرفه والتسامح والثقافه والريده الكشحت للناس عشقمية غنيه فاقت الأهرامات في ثباتها وانداحت واتشتت حتى الإسكيمو شمال قباني ومشت القطب الجنوبي فأطربت حتى البطاريق ومازالت تترى ارتدادتها كأجمل ما يكون تسونامي الطرب المكبرت. يكفي يا محمد أن كل كرة القدم والإذاعه والمسرح والشعراء الخمجانين والمطربين الحايجونا في الجنه إنفجروا في أمدرمان... صديقنا عبدالغفار سعيد له مقوله مشهوره: نحن أولاد أمدرمان بنركب الترام عكس وننزل عكس.. هسه يا محمد لو باقي العمر قضيناهو في كلام أبوصلاح براهو باقي ليك العمر بيكفي؟
إذا أدار لــحـظو عـلي جـبل دكّـالـو ولو بسم انزل دمـع السحاب أبكالو وقلبو لا يشـفق علي عاشقو مهما شكالو حبيبي طبع الطير ينزل علي أشكالو.. شوف الأرسنال دا بالله..
وبرضو يقولوا ليك الأوديسا والإلياذه..
Post: #65 Title: Re: طعمية و كباية شاي مع مولانا ود المرتضى .. و Author: willeim andrea Date: 11-23-2017, 08:15 AM Parent: #50
Quote: حوا جوار عبدالله خليل مفروض يوجهو ليهو اتهام بالإحتيال. حاجه حوا عندها عرض لقيمات الساعه ٧ ص ونحن ماشين الأهليه الجمب بيت ازهري، ,ودي تخصصات ناس نصر الدين عبدالحفيظ وداعة الله هجام (الملغم) هنا ب (كوستاوي),وأما عرض الساعه ٧ مساء فقد كان للطعميه..كان لامن الصاج يولع وترمي الطعميه يصل (إشعاعها) النووي المسيل للعاب في دائره أو radius يمتد حتى مكي ودعروسه وربمايلامس منطقة نفوذ باسطة الدانوب بشارع أبروف حيث سانتي الهندي يبيع كاكيالاستاكبورد لناس أحمد عبدالفتاح محجوب النصري الملغم هنا بطراوه.المهم، هذه الطعميه بالشمار اللخدر والسمسم إذا اشتريت منها قرطاسه بشلن وكنت قريب من دكان يماني عندو جبنة الدويم المقدده ورغيف حار ، الله أعلم بعدأول قرمه تعرف انك جيت من وين أو ماشي وين حتى لو كنت مصمم قوقل ايرث.
انا ابكي بسيا سلام عليكم يا احباب والله ذكريات جميلة جداوما زالت بلادنا حلوه بحلاوة انسان امدر المترع عسلالواحد بيعزي النفس انو غربته قريبة من امدر ولما يكتلني الشوق اهو انط البحر الأحمر جمعة وسبت وارجع كلي حنين لكل حواري امدر القديمة
محبتي ومعزتي لكم ود قباني و ود المرتضي
Post: #58 Title: Re: طعمية و كباية شاي مع مولانا ود المرتضى .. و Author: محمد حيدر المشرف Date: 11-21-2017, 07:07 PM Parent: #1
انتو الزول ده, مولانا ده, بجيب الكتابة من وين؟!!
Post: #59 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-22-2017, 02:35 AM Parent: #58
أبوجوده يا محمد.. لك شكر من بحر الوافر كما يقول صديقنا المهذب بشري الفاضل (بدون ألقاب) ، فهو لايحب الألقاب وفي ظني أنها تتشرف به.. يا العزيز ، الكتابه ، وأنت من ناسا الماسكين رسنا، نغشاها عندما تطفح الدواخل أيا كان نوع (الطفح) ، وسنظل كذلك طالما بقي الوجيب. بس كمان تُمتعني أكثر قراءة الكتابة الإنقلابيه الصادقه التشق (القلوب قبل الجلود) فأكتفي بابتسامه على انفراد آعبر بها عن إعجابي وفقر قافيتي وقاموسي وهذياني.. تسلم
Post: #60 Title: Re: طعمية و كباية شاي مع مولانا ود المرتضى .. و Author: Haytham Ghaly Date: 11-22-2017, 04:33 AM Parent: #59
ذلك الرجل اللذي غاب عن الوطن ما يقارب الثلاثة عقود
الا ان سودانويته واصالته لا يضاهيه فيها تراب البلد نفسه
تحياتي لكم ولضيوفكم هنا وهناك وفي كل مكان
Post: #61 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-22-2017, 02:51 PM Parent: #60
المشرَّف المشرِّف .. عوافي يا أمير.. أشكرك علي كلامك الطيب.. يا محمد ، ربما لأني أكتب عن زمن مضى بسبب عيشي في الماضي لذا يكون بعض ما أكتب يشبه ذلك الزمان وكل من جايلوني لهم ذات الحرف وأنت أدرى.. لكن عليك الله الزمن دا مش مرات بنحتاج نكون في ال insane mode عشان نستمتع بالبنسوي فيهو؟
Post: #62 Title: Re: طعمية و كباية شاي مع مولانا ود المرتضى .. و Author: Osman Awoda Date: 11-22-2017, 04:36 PM Parent: #61
محمد المرتضى حامد مولانا وسيدنا وسيد سيدنا محمد المرتضى رضي الله عنه وأرضاه قبل عدة سنوات زارني محمد في منزلي في احدی زیاراته للسودان عزمت علی تکرار اللقاء ولما کنت حریصا علی هذا الأمر سافرت الی البلد لاقضي بعض الامور العاجلة على ان اعود واتفرغ لمولانا وسيدنا عند عودتي حاولت الاتصال بمولانا،،،لاكتشف انه غادر ولا زالت عيناي مليئة بالدموع والحسرة محمد المرتضى حامد احبه حبا جما رجل كالنسمة،،،لذا احبه بلا حدود شكرا قبة
Post: #64 Title: Re: طعمية و كباية شاي مع مولانا ود المرتضى .. و Author: يحي قباني Date: 11-23-2017, 07:37 AM Parent: #62
Quote: إذا أدار لــحـظو عـلي جـبل دكّـالـو ولو بسم انزل دمـع السحاب أبكالو وقلبو لا يشـفق علي عاشقو مهما شكالو حبيبي طبع الطير ينزل علي أشكالو..
تحايا و شوق يا جميل ...
شوف يا مرتضى ...
عمك احمد حسن جمعة ( صولو ) ... بدّع كيفن في كلام أبو صلاح ...
Post: #66 Title: Re: طعمية و كباية شاي مع مولانا ود المرتضى .. و Author: خالد المحرب Date: 11-23-2017, 08:37 AM Parent: #64
السن بضاحكك نديدا الونسه خشم بيوت وكذلك الطعميه وغيرها الشكل واحد ولكن الطعم والمكان وكذلك الونسه ماكلها ونسه ..لكم التحيه
Post: #67 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-26-2017, 01:47 PM Parent: #66
Haytham Ghaly مستصحبا كلام جماَع أقول ليك لم يبق لنا غير ابتسامات بعد ضياع الأمس بكل ما فيه .. يا هيثم يا غالي ، الماضي أصبح المضاد الأوحد لبكتريا الغربه البذيئة ، وأنت أدرى أنها ليست غربة الجغرافيا وحسب، الغربه أصبحت رأسية وأفقيه .. دعواتك يا بركه أن يبقى لنا المولى تلك الصومعة نقتات منها في ما تبقى من شتاء العمر.. شكرا يا عزيز على كلامك الطيب.
Post: #68 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-28-2017, 07:48 AM Parent: #62
شيخنا حبيب الناس عثمان .. الله وحده شهيد على ما تخفي الصدور لكن أذكر جيدا كافة تفاصيل لقاءاتنا في بيتكم العامر في أبوظبي وسط الأسره الجميله وفي احتفالنا بزواج حبيب الجميع دكين بالشارقه وفي بيتكم الأجمل بالخرطوم ، وفي كل اللقاءات كنت أنت مضيفي بحفاوة لاترقى إليها قامتي لكنه كرم أصلك وكما قيل: (إنَّ الهدايا على مقدار مهديها).. كنت ، وما زلت من المعجبين بتجربتك الإستثنائية في ترك الوظيفة والإغتراب والتفرغ لمزرعة في سودان الخير وكم أراحني حديثك وأنت تحكي في (إيفوريا) لاتخفى عن سعادتك بالعراقي والسروال والطين والجروف فقد لامست فيَ أمنية قديمة أسأل الله أن تتحقق قبل أن يسترد المولى أمانته.. الأرواح جنود مجنده يا مولاي فليس لك في القلب إلا الحب المحض.. ربنا يحفظك يا ود الشيخ..
Post: #69 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-29-2017, 06:05 AM Parent: #68
(ولما يكتلني الشوق اهو انط البحر الأحمر جمعة وسبت وارجع كلي حنين لكل حواري امدر القديمة) حبابك بعد الغياب يا وليم.. المشكله يا حبيب لاتكمن في البعد الجغرافي بل النفسي.. أمدرمان التي تعرف لو سرت فيها اليوم لسرت بترجمان.. سألت صديقي إبن النهود عن حالها عقب زيارته الأخيرة لها لأني غبت عنها سنوات طوال وليتني ما سألت.. أهو هسه مجرد مرور إسم (وليم اندريه) يستصحب بانوراما تشمل انتصارات في الرياضه وعلو في الفنون وجيرة مائزه رحيمه ونظافة في النفس وجمالا في الخاطر ( وديار كانت قديما ديارا..) هسه لو قلت أندريه يقولوا ليك نانسي.. كيفك ياخ..
Post: #70 Title: Re: طعمية و كباية شاي مع مولانا ود المرتضى .. و Author: يحي قباني Date: 11-29-2017, 02:01 PM Parent: #69
Quote: يا صديقي حسه الجاب الكلام ده شنو تحياتي
يمين مشتافين يا حبيب ...
ياخ تعال و خلي الجفا ده ...
انشاء الله خشم خشمين في الآيرش بوب الفي ستريتسفيل داك ...
ياخ الدنيا دي تسوى شنو غير عشرة ونسة مع الاحباب ...
Post: #71 Title: Re: طعمية و كباية شاي مع مولانا ود المرتضى .. و Author: امتثال عبدالله Date: 11-29-2017, 02:48 PM Parent: #70
""امدرمان الذي تعرف لو سرت فيها اليوم لسرت بترجمان"" تعبير اوسكار ..اوسكار لحال السودان اليوم ،،،وخاصة لهؤلاء الذين يغيبون اعواما طوالا ويعودون ليجدوا حالا غير الذي عهدوهو ،، بل نرى انك اذا غبت عن السودان سنتين فقط لاحتجت لترجمان يفسر لك الظواهر الجديدة،،،، جلستكم رائعة واكثر ،،،،فعلا الدنيا تسوى شنو غير جلسات زي جلساتكم دي مع الاحباب،،، مع وافر تقديري
Post: #72 Title: Re: طعمية و كباية شاي مع مولانا ود المرتضى .. و Author: محمد المرتضى حامد Date: 11-30-2017, 01:56 AM Parent: #70
(السن بضاحكك نديدا الونسه خشم بيوت وكذلك الطعميه وغيرها الشكل واحد ولكن الطعم والمكان وكذلك الونسه ماكلها ونسه ..لكم التحيه)
صدق المثل يا المحرب.. عندما تجمعك بإنسان عناصر الزمان والشوق المصفى والمكان تتحلل من كافة قيود الحاضر وتتدفق من جوه الجوه ، وهذه الحالة ليست قصرا على الأمدرمانيين وحدهم بالطبع ، هي حالة كافة البشر على وجه البسيطه وأظنها تشمل الكائنات الفضائيه فإذا تصادف والتقوا في المنطقة ٥١ أو روزويل سيتحدثوا عن حب الثانوي العام وعن (طعميتهم) ..
عليك يا خالد تحياتي
Post: #73 Title: Re: طعمية و كباية شاي مع مولانا ود المرتضى .. و Author: يحي قباني Date: 11-30-2017, 04:01 AM Parent: #72
Quote: سلام وأنضر تحية قباني و مولانا المرتضى و الضيوف الكرام
تمنياتي لكم بدوام الصحة و العافية و السعادة .
يا دكتورة ... ياها مجايب امدرمان زولي ود المرتضى ده ...
Post: #74 Title: Re: طعمية و كباية شاي مع مولانا ود المرتضى .. و Author: Kabar Date: 12-01-2017, 02:32 PM Parent: #73
غايتو يا عيال ابا..المرتضى ويحي..!
تضامنا مع منى خوجلي ووليم اندريا..واشياء اخر..!
ماعندي حاجة سمحة اهديها لهذه اللحظة سوي غتاتة وردي لمن غنى مع الذري هيجتني الذكرى..!!
كبر
Post: #75 Title: Re: طعمية و كباية شاي مع مولانا ود المرتضى .. و Author: يحي قباني Date: 12-02-2017, 02:15 AM Parent: #74
نا أم درمان سقاني النيل رحيق العزة من كاسو أنا اللي مجدوا كنت دليل و آية وحدة لي ناسو أنا الفي الشاطيء الغربي سقوط غردون مهر حربي وأنا النيل طلب قربي ومزج بين كافة الألوان
كبر يا حبيب ...
ليك و لود المرتضى و كل الحلوين ...
أصوات من الزمن الجميل ...
Post: #76 Title: Re: طعمية و كباية شاي مع مولانا ود المرتضى .. و Author: يحي قباني Date: 12-15-2017, 06:24 AM Parent: #75
تعرف يا مولانا مرتضى و مولانا كبّر و كل الناس الحلوة ...
لي يوم الليلة ...
ما فهمت ود الرضي خلى شرق النيل ...
و خلى الخرطوم ... و بحري ...
و جا يكوس لي ذات النحر ...
ام رقبة قزازة عصير في ام در لي شنو ؟ _____________ مرة يا نُسيم السحر ... هب ليّا من شاطي البحر ... طوف الخبا مرة ...جيب ليا من ... من ( ام در ) ... عبير ذاك النحر ...
( ممكن كمان ذات النحر ... ) :) النحر في فهمي المتواضع هو اعلى الصدر ...
طوف و شوف يا مولانا ...
الزولة الفنانة شديد انصاف فتحي ...
ابدعت في تقديمها ... بعد مسئولية اداءها المتفرد من خلف الله حمد ...
لمن يهمه الأمر : ود الرضي جارى بها سيد عبد العزيز و نظر السمحة ام عجن ..
.JPG.bee95cb2b8ac948cf72e305b3c48a2de.JPG)
