Post: #1
Title: بهدوء : المونساتية *
Author: عبداللطيف حسن علي
Date: 11-14-2017, 09:29 PM
08:29 PM November, 14 2017 سودانيز اون لاين
عبداللطيف حسن علي-
مكتبتى
رابط مختصر من هم وماهي رؤياهم ومواضيعهم وكيف يتعاطون مع القضايا ؟؟
من هو المونساتي ؟ ولماذا يعتبر مونساتي ؟ ماهو المطلوب منه تحديدا ؟
هل كل قضايانا جادة ؟!
هل للمونساتي خلفية فكرية ام سياسية ام إجتماعية ام كل ذلك ؟
اعتقد يمتاز الشخص الذي يطلق عليه اللفظ بطلاقة اللسان او انسياب
افكاره بسهولة غير عادية !!
ـــــــــــــــــــ
* اها كمان قول دا حفيظ 
|
Post: #2
Title: Re: بهدوء : المونساتية *
Author: عبداللطيف حسن علي
Date: 11-14-2017, 10:26 PM
Parent: #1
لسان حالهم :
المونساتية تهمة لاننكرها وشرف لاتفهمونه
|
Post: #3
Title: Re: بهدوء : المونساتية *
Author: عبداللطيف حسن علي
Date: 11-14-2017, 10:43 PM
Parent: #2
من مميزاتهم النوم بدري وهو دليل علي التصالح مع الذات
البوست دا منبثق من مداخلة هنا في الصفحة الاولي ورايت عدم امرار المسالة دون
نقاش جاد ، بالنسبة لي مصطلح مونساتي لا اكثر من احد الطرفات في المنبر
وبالنظر للبوستات التي تعتبر بوستات ونسة ، بالنظر اليها من ناحية ماوراء المضمون
نجد قدرات عالية علي التفكير والاستخلاص وبدون تروي وبدون التفكير في الصياغة
المناسبة وعلي السجية ، وهي قدرات ماساهلة وما اي زول بقدر عليها ، يعني فيديو
كونفرنس داك علي مستوي الكتابة المباشرة السريعة
|
Post: #4
Title: Re: بهدوء : المونساتية *
Author: عادل الباهي عبدالرازق
Date: 11-14-2017, 10:55 PM
Parent: #3
من هم
عبداللطيف سلام
ماتنسي جلالدونا وود المدير ومجيدو 
ربنا يقدرني علي فعل الخير
|
Post: #5
Title: Re: بهدوء : المونساتية *
Author: عبداللطيف حسن علي
Date: 11-14-2017, 11:12 PM
Parent: #4
عبداللطيف سلام
ماتنسي جلالدونا وود المدير ومجيدو
ربنا يقدرني علي فعل الخير
ــــــــــــــــــــــــــــــــ
بالغت ياعادل الذكرتهم ديل عندهم شنة ورنة و مجيدو دا كان لمة فيك
تاني الا بتاع الخلا داك يحلك منو
عالم بطالة ....
|
Post: #6
Title: Re: بهدوء : المونساتية *
Author: معاوية المدير
Date: 11-15-2017, 01:22 AM
Parent: #5
| Quote: ربنا يقدرني علي فعل الخير |
الخير مِنو ؟،
يا شريّر ...
|
Post: #7
Title: Re: بهدوء : المونساتية *
Author: محمد عبد الله الامين
Date: 11-15-2017, 10:47 AM
Parent: #6
المونساتية ....
اجمل ناس في الموقع ده ...
تحيه لهم ولصاحب البوست وللمتداخلين ...
|
Post: #8
Title: Re: بهدوء : المونساتية *
Author: عبدالعظيم عثمان
Date: 11-15-2017, 10:58 AM
Parent: #7
سلامات عبداللطيف
موضوعك دا ذكرني : رواية الجنقو مسامير الأرض
للروائي بركة ساكن
ليــه ما عارف
|
Post: #9
Title: Re: بهدوء : المونساتية *
Author: عبدالحفيظ ابوسن
Date: 11-15-2017, 11:14 AM
Parent: #8
واحد بعاين في المراية شاف حبة فوق عينو
قال هسة دي نقول عين ولا غين
اها نقول شنو هسة
|
Post: #10
Title: Re: بهدوء : المونساتية *
Author: محمد مجيدو
Date: 11-15-2017, 11:54 AM
Parent: #7
Quote: ماتنسي جلالدونا وود المدير ومجيدو
ربنا يقدرني علي فعل الخير
|
الاخ عبد اللطيف ... لك كل الود والتحية
وبوستيك ظريف وحيكون ممتع ...
ود الباهي .....
انا ابرااا واستبراااا من المونساتية ....
انا شن لماني مع ناس امريكا وكندا ؟؟
انا زول غولبااان ... وماشي في حووولي ...
هو اذا فعل الخير عندكم كدا ؟؟
الفعل الكعب حيكون عندكم كيف ؟؟؟
ذكرتني نكتة الزول الكان في البص وقال للركاب لما تجي محطتي ذكروني
اها لما جماعة لكزوه و نزل ...
قال .. البلد بخير طالما فيها ....... .. .. او كما قال .
انتو ما عندكم غير مجيدو ؟؟
في قروبكم دااك ... عذبتوني وما ريحوتنا ..
وفي الخرطوم اي مشكلة تحصل .. جيبو مجيدو ...
بتذكر زمان ايام الشباب .. كنت حالق صلعة ..
ومشينا لفريق وراء وعملنا شكلة للسماء ..
قامو اتلموا الشفااته علينا .. وانسحبنا برااحة وجرينا ..
اها كلهم جرو ورانا وبقوا يقولوا ..
اقبضو ابصلعة .. اقبضو ابصلعة ...
ولا يفوتني ان احي كل مونساتية البورض .
الذين دائما يسعدونا بقفشاتهم الظريفة
ولولاهم .. لما تجرعنا كاسات الفرح والسرور ..
وبئس للقوم التانين الماعندهم غير النكد والعكننة
عاالم بطااالــــــــــــــــــــة ,,
|
Post: #11
Title: Re: بهدوء : المونساتية *
Author: عبداللطيف حسن علي
Date: 11-20-2017, 07:33 PM
Parent: #10
الشكر لجميع المرور
عارف انو المونساتية بتحاشوا البوست دا وبعملوا رايحين
وشايفنهم بهناك ضاربين النقة بطريقتهم المميزة ديك
ـــــــــــــــــــــــــ
تم رفع البوست تلبية لفش غبينة الدولار
|
Post: #12
Title: Re: بهدوء : المونساتية *
Author: جلالدونا
Date: 11-20-2017, 07:52 PM
Parent: #11
كلامك صاح يا عبداللطيف
ود الباوقة ده ما اظن يجيك بى جاى
غايتو امسك فى ود المدير و اب سن و مجيدو
و كتّر من شتيت السكر
لامن ربنا يحنن قلبو عليك
|
Post: #13
Title: Re: بهدوء : المونساتية *
Author: جلالدونا
Date: 11-20-2017, 07:55 PM
Parent: #11
كلامك صاح يا عبداللطيف
ود الباوقة ده ما اظن يجيك بى جاى
غايتو امسك فى ود المدير و اب سن و مجيدو
و كتّر من شتيت السكر
لامن ربنا يحنن قلبو عليك
|
Post: #14
Title: Re: بهدوء : المونساتية *
Author: عبداللطيف حسن علي
Date: 11-20-2017, 08:29 PM
Parent: #13
ياجلال سلامات ود الباوقة مونساتي في المليان
اما نحن زي ما قال ابوداؤود :
الفارغة نحن بندورا
تعجبني اختلافات زوايا الشوف دائما ، فالاختلاف هو الاصل والاتفاق حالة خاصة تصادف
التواجد في نفس مكان المشاهدين ...شوف هسي عبدالعظيم ماشايف في المونساتية غير جنقو
حصاد القصب بينما محمد الامين ومجيدو في رصيف مشاهدة واحد
اما حفيظ فيبدو واقف في دهشة سرقة حقوق الطبع !!
|
Post: #15
Title: Re: بهدوء : المونساتية *
Author: مني عمسيب
Date: 11-20-2017, 08:50 PM
Parent: #14
تيفا مساء الورد .. ولضيوفك الكرام ..
غايتو يا حيدرنا اتعاملت بدبولماسية واضحة .
المونساتية تهمة لاننكرها وشرف لاتفهمونه
ههههههههههههههههههههههههههه
لكن بيني وبينك كميتكم كترت هههههههههههههه .
|
Post: #16
Title: Re: بهدوء : المونساتية *
Author: عبداللطيف حسن علي
Date: 11-20-2017, 09:01 PM
Parent: #15
حيدر دا منو يامني ، دا كلامي ذاتو
بالمناسبة الناس العندهم قروش إما روقة رايقة او روقة هايجة
حيدر دا مابعرفو ، لكن من كتابتو ممكن اصنفوا في الاولي كان عندو رويشات ول ماعندو
|
Post: #17
Title: Re: بهدوء : المونساتية *
Author: osama elkhawad
Date: 11-20-2017, 09:01 PM
Parent: #15
من هي أشهر مونِّسة في التاريخ العربسلامي؟
"شهرزاد" ....
|
Post: #18
Title: Re: بهدوء : المونساتية *
Author: مني عمسيب
Date: 11-20-2017, 09:05 PM
Parent: #17
تصدق يا تيفا جاني زي مداخلة من حيدرنا !
ههههههههههههههههههههه
حيدر دا منو يامني ، دا كلامي ذاتو
والتحية لي حبيبنا حيدرنا .
|
Post: #20
Title: Re: بهدوء : المونساتية *
Author: عبداللطيف حسن علي
Date: 11-20-2017, 09:12 PM
Parent: #18
التاريخ العربسلامي مبني علي الحكاوي سواء كانت شعر او نثر
او فقه او مسامرة في حانة ، شهرزاد رامزة فقط لحالة محيرة
في صحراء الرمال يا اسامة الناقد الجهبذ منذ الثمانينات
|
Post: #19
Title: Re: بهدوء : المونساتية *
Author: جلالدونا
Date: 11-20-2017, 09:08 PM
Parent: #17
تصدق قريتا و داير ارد
تانى قلت يمكن حيدر ده اسم الدلع بتاعك
ما تقول كمان.
اليومين ديل ماسكة فى موضة الرقيص الاسلولى
|
Post: #21
Title: Re: بهدوء : المونساتية *
Author: مني عمسيب
Date: 11-20-2017, 09:14 PM
Parent: #19
جلجل يا قلب ازيو ؟
والله النصيحة لو كنت في استقبال الامريكان ديل كنت عملتها .
اليومين ديل ماسكة فى موضة الرقيص الاسلولى
وما تقول في رقيص تراث وانا اتم ليهم بالافرنجي مع الكمان
والرقص الامان هههههههههههههه .
|
Post: #22
Title: Re: بهدوء : المونساتية *
Author: عبداللطيف حسن علي
Date: 11-20-2017, 09:35 PM
Parent: #21
البركة في الامريكان لولاهم كان شربنا ماروينا
نحن كنا سادرين في غينا القديم : لن يحكمنا البنك الدولي
والكيزان في شعارهم الكسمبري : دنا عذابها !!
لوما دققت النظر كان قلت المكان في الفيديو خارج السودان
الامريكان ليكم تجملنا
|
Post: #23
Title: Re: بهدوء : المونساتية *
Author: عبداللطيف حسن علي
Date: 11-20-2017, 09:45 PM
Parent: #22
اين قائمة (الحضور الان ) ؟
هسي كان عرفنا منو بتاوق ومنو مشارك ومنو بذاكر !
|
Post: #24
Title: Re: بهدوء : المونساتية *
Author: معاوية المدير
Date: 11-21-2017, 03:07 AM
Parent: #23
|
Post: #25
Title: Re: بهدوء : المونساتية *
Author: سيف النصر محي الدين
Date: 11-21-2017, 04:34 AM
Parent: #24
امبارح كنت بسمع بروفيسور امريكاني بتكلم عن بداية نشأة
المجتمعات البشرية وسيرها في طريق مختلف عن بقية القردة
العليا، المدهش انو اشار للونسة تحديدا كعامل فارق في تشكيل
الوعي البشري. الرجل قال ان اكتشاف النار اتاح للمجموعات البشرية
الاولى ان تهضم الطعام بصورة أفضل وكناتج ثانوي كان التجمع حول
النار انتظارا لنضج الطعام وما يصاحب ذلك من ونسة هو البداية الفعلية
للمجتمعات البشرية كما نعرفها الان.
المنبر العام وغيره من التجمعات الاسفيرية هم البديل الافتراضي للعمود
الفي بداية الشارع في اي حلة سودانية او النار التي نتجمع حولها لننتظر
نضج الطعام.
|
Post: #26
Title: Re: بهدوء : المونساتية *
Author: MOHAMMED ELSHEIKH
Date: 11-21-2017, 05:17 AM
Parent: #25
انبه لعدم نسيان المونساتيات
|
Post: #27
Title: Re: بهدوء : المونساتية *
Author: عبدالمنعم الطيب حسن
Date: 11-21-2017, 05:28 AM
Parent: #25
صاحبنا حسن قش
له التحية اينما كان؛
كتب في كتيب الخريجين في خانة الهواية
كتب هوايته الونسة؛
وعطفا على تعليق دكتور سيف فان اسم قش دا تفسه الذي
كني به صديقنا حسن
كونه بارعا في التهام كميات مهولة من الطعام؛
كونه يقشه قشا....
..........................
ثم هل شرطا ان يكون المونساتي لطيف؟
لان بعض المونساتية يتظارف؛ وبعضهم لطيف بطبعه....
وليس من الحصافة ان اشير لمن يتظارف...
ولكن ود المدير لو كان من المونساتية فان ونسته ونسة السرور والعظمة ام دور
كتاباته خفيفة الظل تضحكني دوما في الليالي الهادية
كوني اقشى المنبر في اخريات اليوم....
وبهذه المناسبة فان ود المدير كاتبي المفضل الظريف...
|
Post: #28
Title: Re: بهدوء : المونساتية *
Author: عبدالحفيظ ابوسن
Date: 11-21-2017, 09:55 AM
Parent: #27
هوي انا ما زول ونسة
انا زول امسك لي واقطع ليك
فراري في كتفي
شوف ناس المدير وجلال وبكري عباس الناكر ومعاوية الزبير اللابد وقباني المباري الغنا ومن لف لفهم زي هيثم غالي او نحوه
انا زول جادي جنس جدية
مؤطر ومؤدلج واقدس الحياة الزوجية والعلاقات العاطفية
لا شراب سجار لا لعاب قمار
زول خلا ساي
|
Post: #29
Title: Re: بهدوء : المونساتية *
Author: جلالدونا
Date: 11-21-2017, 04:34 PM
Parent: #28
هسى يا عبد الحفيظ هى الونسة دى كيفنها
ما ياها جنس احتطابك ده
اما حشرك لى اسمى وسط كوكبة المونساتية ديل ده شرف لا ادعيه
و قدر ما حاولت ابقى مونساتى زيهم غلبنى
رغم انو بحب اقرا بوستات الونسة
ياخى لقيت القصة دى صعبة خلاص
فقلت اقبل على الفلسفة يمكن تكون اسهل
ما شايفنى متّلح سيد البوست ده بى غادى كيف !!
حتى بالامارة مولانا الملك يشيل و يشّكر فى مشاراكاتى
و قبل ما اختم
و كمان برضو بنصلح سراير
|
Post: #30
Title: Re: بهدوء : المونساتية *
Author: عبداللطيف حسن علي
Date: 11-22-2017, 10:23 PM
Parent: #29
شكرا ود المدير علي المساعدة ، ربنا يقدرك علي فعل الخير
|
Post: #31
Title: Re: بهدوء : المونساتية *
Author: عبداللطيف حسن علي
Date: 11-22-2017, 10:33 PM
Parent: #30
المنبر العام وغيره من التجمعات الاسفيرية هم البديل الافتراضي للعمود
الفي بداية الشارع في اي حلة سودانية او النار التي نتجمع حولها لننتظر
نضج الطعام.
ــــــــــــــــــــــ
دكتور سيف ، وبرضو تتذكر لمان كنا نكتب خواطر واصدقاءنا المقربون
يجاملونا فيها ساي بتعليقات كاذبة ههه ، ياهو ذاتو بس علي نطاق اوسع
من حيث المجاملات ! لكن الامريكي دا محتاج يثبت كلامو علميا مايتخيل ساكت
|
Post: #32
Title: Re: بهدوء : المونساتية *
Author: عبداللطيف حسن علي
Date: 11-22-2017, 10:38 PM
Parent: #31
انبه لعدم نسيان المونساتيات
ــــــــــــــــــــــــــ
محمد الشيخ هن كلهن 6 او 7 ، حدد بدقة !
|
Post: #33
Title: Re: بهدوء : المونساتية *
Author: عبداللطيف حسن علي
Date: 11-22-2017, 10:49 PM
Parent: #32
ثم هل شرطا ان يكون المونساتي لطيف؟
لان بعض المونساتية يتظارف؛ وبعضهم لطيف بطبعه....
ــــــــــــــــــــ
الكتابة طبعا مافيها فيد باك ، صماء بكماء ....بعض المداخلات قد تثير
هستيريا من الضحك المتواصل وصاحبها لايدري ...غايتو مرات بنحب
نتظارف ونضرب الهم بالقراية للمونساتية ههه
تحية لك ولمعاوية وابلغ تحياتي لحسن !
|
Post: #34
Title: Re: بهدوء : المونساتية *
Author: عبداللطيف حسن علي
Date: 11-22-2017, 11:16 PM
Parent: #33
حفيظ كدا انت ح تخلينا نعيد النظر
في الموضوع من جديد.كلنا مونساتية
باختلاف المجال.شن قولك في صليح السراير
|
Post: #35
Title: Re: بهدوء : المونساتية *
Author: احمد التجانى احمد
Date: 11-22-2017, 11:17 PM
Parent: #33
ظهرت مصطلحات المونساتيه و الرماديين فى المنبر العام ايام كان فى نسبة كبيرة من الاعضاء و خصوصا اعضاء الشتات يؤمنون ايمان قاطع ان انقلاب
الحكومة طيارته بتقوم من المنبر دة و قد اجد لهم العذر حيث كانت بوستات النضال و مناهضة الحكومة تتصدر الصفحة الاولى ولا صوت يعلو فوق صوت
البندقيه وايضا كانت القوى السياسية تعول كثيرا على الوعى و التنوير الذى يشع نوره من المنبر العام ليطلق شرارة الحراك الجماهيرى , ولكن ما بال من
يزعج مضاجع القراء الان بهذه السيرة و المنبر فى هذا الركود المتنامى وانتقال معظم رواده و كتابه الجهابز الى الفيسبوك , انا افتكر ان يترك المونساتيه
ليتسيدوا المنبر ما شاء لهم فهم الاكثر مشاركة فيه و حرصا عليه
* لا اعنى صاحب البوست ب من يزعج مضاجع القراء بهذه السيرة , وشكرا كما يختتم ود الباوقة مداخلاته
|
Post: #36
Title: Re: بهدوء : المونساتية *
Author: احمد التجانى احمد
Date: 11-22-2017, 11:21 PM
Parent: #35
يا جماعة فى زول لاقاه كاراكتير ابيخ من دة
ما عارف الرسالة شنو البحملها لكن لو كانت مقارنة سعر البصل بالطيارة السوخوى ح ازعل جدا
|
|