يا ابوقردة الدولة ابقي من المواطن

05:14 AM November, 13 2017

سودانيز اون لاين
عبدالحفيظ ابوسن-no where
مكتبتى
رابط مختصر

قال وزير الصحة
الدولة بتصرف قروش كتيرة جدا لعلاج السرطان
وفي النهاية الناس بتموت
انتهي التصريح

الحي ابقي من الميت
تعبير سوداني ليس للمفاضلة بل للمواساة حين الفقد .
لامن تشوف زولك حزنان ومابي الاكل وروحو دايرة تمرق
بتقولها ليهو في نص الكلام بعد تنضم كتير
بتشجعو علي التماسك وان ما حدث لا مفر منه ويجب ان نتعامل معه
اها سيدي الوزير
وقت اصلو المواطن ميت ميت
ومافي سكة
لمو قروشكم عليكم .
وخلوها
الحي ابقي من الميت
والدولة ابقي من المواطن

دة كلام مقزز و قبيح
السرطان صار من الامراض المنتشرة وخارج التأمين
ويفتك بالناس فتكا

http://elaph.com/Web/News/2017/6/1153790.htmlhttp://elaph.com/Web/News/2017/6/1153790.html

اثربا تبرعوا للفقراء بجزء كبير من اموالهم ومن ضمتها علاج السرطان
والتحية ل بيل قيتس

ابوقردة
وزير الصحة !!
بفتكر انو العلاج مفروض يمنع الموت
او
انو الناس مفروض ما دام بصرفو عليهم ما يموتو
اها
دة ما بحصل الناس اصلهم بموتو
والعلاج هدفه الاساسي تقليل الالم
وقت اصلو ميت ميت ما يتألم دة اولا ومحاولة القضاء علي المرض ان امكن ذلك
والطبيب ما بقنع من علاج مريض لآخر لحظة
الوزراء ديل مابشاورو لامن يصرحو
مرة وزير الثقافة قال جبنا كم طن كتب لمعرض الكتاب
ووزير المالية قال السودان ظريف بس داير مصاريف
وبتاع المغتربين قال مليارات الدولارات حولوها المغتربين في سنة لدولة جارة
طيب شوف ليه ما حولوها لي بلدهم

تحياتي عبدالحفيظ ابوسن

الوزير دا امكانياتو كدا ...

دة يا محمد رسلو لي زول في الواتس هسة
ابوقردة : "بنصرف قروش على مرضى السرطان وفي النهاية بيموتوا"

11-14-2017 02:50 AM

الخرطوم: الراكوبة طالب وزير الصحة السوداني، بحر ابوقردة، يوم الإثنين، الدولة بوقف كافة حزم الدعم التي تقدمها لمرضى السرطان.
وقال ابوقردة في فعالية، بالعاصمة الخرطوم: "الحكومة بتصرف قروش على مرضى السرطان كتيرة جدا وفي النهاية يموتوا".
وكشفت تقارير صحية عن تردد 3 آلاف زائر يومياً لمستشفى الذرة بالخرطوم، للفحص أو للعلاج من مرض السرطان.
ولا يملك غالبية المرضى ثمن جرعات علاج المرض والتي لا يشملها التأمين الصحي عادة.
وتفشى السرطان بكثرة في السودان جراء الفساد وإهمال الرقابة على الأسواق.
وتتهم إدارة سد مروي شمال السودان، بدفن مئات الأطنان من النفايا المسرطنة تحت جسم السد، الأمر الذي تسبب في ظهور المرض بكثرة في الولاية الشمالية.
بينما أدى الجهل في التعامل مع النفايات والأسمدة بجنب غياب الجهات الرقابية في الأسواق إلى ظهور منتجات غير مطابقة للمواصفات.



22 | 0 | 7878
التعليقات
#1710016 [ابو احمد]
5.00/5 (1 صوت)

11-14-2017 07:35 AM
حسبى الله ونعم الوكيل انتو متاكدين الكلام صادر من وزير صحة اذا كان صحيح يكون كارثة وكارثة انسانية فى حق مرضى السرطان فى السودان والمعروف الحكومه بسياستها سبب رئيسى لاصابة عدد كبير من الناس باستخدام مواد فى تنقية المياه والخبز ودفن نفايات من ايام نميرى ليومنا هذا ...يحدثنى والله صديق عائد من احدى الدول الاوربيه ان طائرة هيلكوبتر اسعاف هبطت لاسعاف حمامه مصابه والله حمامه لنقلها فى راى اذا صرح ابوقرده هذا التصريح يجب ان يقدم لمحاكمه وان يعفى من وظيفته اشوف اى شغله بعيدا عن صحة المواطن لانو خطر عليها ويظهرنا للعالم بالوحشيه وعدم الانسانيه

ل حين ميسرة

الكلام ده من شدة ما غلط .. ساضع احتمال انو الخبر غير صحيح

لو كان الخبر صحيح .. يجب محاكمة هذا الشخص (غير السوي) ولو كان مسؤول عادي ناهيك ان يكون وزيرا للصحة

لا استبعدو يا مشرف
وقبل كدة قالوا مامون حميدة حول مرضي الكلي
وقرروا من رئاسة الجمهورية غسلتين بس تصدق
قبل سنتين تقريبا
واظني كتبت بوست في ذلك
ولو ما كتبت اكون بالغت
لكن بتذكرو تماما وهو يتحدث عن عبء مرض الكلي المرهق ماديا للدولة

انت اقعد تابع في تصريحات ناس الحكومة ديل
لحدما تجيك جلطة وتلحق ناس السرطان ......

حصل يا عمر
والله حصل
فقدت الاحساس بمتعة الاشياء