الليلة سمعت فنان علّق

06:56 PM November, 12 2017

سودانيز اون لاين
حمد عبد الغفار عمر-
مكتبتى
رابط مختصر

زمن طويل من زمن الفنانين البعلقو أثناء الغناء

دا واحد من الـ 260 فنان القلتهم ليكم الأرشفة الفاتت

بغني في أغنية وردي أقابلك (غايتو جنس شوبير) فتش لصوتو ما لقاهو وهاك يا تعليقة لحدي ما العازفين قعدوا يضحكوا

التعليقة دي الواحد يكون بمد في لحن وفي النهاية يلقى تفسو بقول عييييييييك ويخنق وحالتو تبقى حالة

بالله شاهدو قناة انغام هسه الفلم دا مدور بهناك

سنواصل

زمان التعليقة سببها عدم البروفة

هسه ديل سببهم شنو ؟
مسابقة معلن عنها وبروفات ومقابلات

غايتو

حليل وردي الكان بجنن العازفين في البروفات
ولو ما نجص الشغل كويس لا يخرج بالاغنية للجماهير
المؤدين ديل من شدة شوبيرم ونرجسيتهم ينطوا في غناء الفطاحلة من غير تمرس ودربة
العجيب في من يقدمونهم ..
بايظة من اولها لاخرها ياحمد
لولا كده ماكانوا برطعوا في الملجة دي

لا وكمان مصدقين نفسهم انهم فنانين وبألقاب كمان " سلطان الطرب والامبراطور " وعندهم جمهور يدوخوا لما يشوفوهم بغنوا
مصيبة كبيرة والله

والله يا حيدر حاجة تخجل انك تعرض زول زي دا بداعي انو فنان وعلى الهواء
يا لو شفت واحد بغني للخالدي مبالغة لحدي ما الاوركسترا وقفت منو

انت البوديك هناك شنو ..؟؟؟
خليهم يطقطقوك عشان تآمن .... 😂😂😂😂

شكلك حضرتها يا ابو حسين هههعععععع
عجبني ليك
ياخ ديل بتشبحوا ليهم في جنس اغاني امنتو بالله
للشايفو دا بعد شوية حنقعد نقول يا حليل فرفور وشكر الله عز الدين
اصلنا بقينا ناس تحليل ساي يا حليل دي شغالة معنا من ولدونا

ما بمشي الحتات دي يا حمدنا ...
يا كورة يا افلام ...
بعدين صحح عنوانك دا
الشدة اعملها كسرة و اكسر العين برضو ... افتكر ابلغ ...
😂😂😂😂😂😂😂