ارتفاع فاحش في الاسعار

07:57 AM November, 11 2017

سودانيز اون لاين
عبدالحفيظ ابوسن-no where
مكتبتى
رابط مختصر

كل المواد الاستهلاكية
صابون زيت غيرو
الدولار 25 ج
رغم انو عمر البشير شخصيا قال سيكون علي رأس لجنة للحد من انهيار الجنية او نحو ذلك
وشايف البرلمان يطالب بشنو كدة ما عارف لارتفاع الدولار
علي بال ما يصلو للسبب الهم عارفنو وما داير لجنة الناس دي بتقرض
اهو
الحظر واترفع والحال صار اسوأ
حجوة ام ضبيبينة اتحلينا منها
وكنا عارفين الحظر لن يحل مشكلة انهيار الجنية
المهم
الاحوال صارت بشكل اسوأ
الناس الفقرانة فقرت زيادة
والفي النص واصلة الفقر
قبض سريحين الدولار ما بتحل مشكلة
شركة زين بدل تحول قروشها دولار افتحو ليها التصدير وسهلو امرها
اقلاها تدعم المنتج المحلي وتوقف شراءها للدولار الحي

بعدين ما معقول يفكو الحظر وتقومو جارين للاستيراد
اتمهلو شوية
من رفعو الحظر الدولار زاد 25% معناتو الموضوع ليه سبب قوي جدا
ومعروف

]داير الكيزان يعملوا ليك شنو ... انا بكلمهم .. فضفض

قتا لصديقي في المكتب
الريال بقى بستة ودقدقة
رد سريعا
الستة دي الله يدينا ليها حر،
في إشارة للنكتة الشهيرة ان زوجة أرسل لها زوجها المطول-زيو وزي مفتش
عمك ود إبسن- بطانية
فقلت قولتها الشهيرة:
تعالي ااابت ارمي الشغلة دي في الدولاب الله يدينا ليها حر
الدولار في منابعه عزيز
........
عارف يا حفيظ الحكومة دي ما بنفع معاها اي ترقيع
تجاوزت الفشل بمراحل
وهم ذاتم لمن يروا أنفسهم ما زالوا يحكمون
يستغربوا ويتمادوا في قهر الشعب وفي إذلاله
ليس أمامنا سوى انتفاضة جسورة وسلمية...
يتداعى لها كل الشعب
في المدن النائمة وفِي القرى والجخانين والدساكر
كل السودان
او
الطوفان قادم بأسرع مما نتصور
الطوفان الدامي؛
..............
تسلم يا كبير ....

كلمهم صيام
لغاية هنا كفاية
دمروا البلد
واهانوا هيبتها
وبقينا بضاعة في الاسواق لمن يدفع
وفشل المشروع الحضاري والاقتصادي حقهم
فشلوا تماما وبل انحطو بقيمة الوطن
يفارقو دربنا قبل ان يصل الامر لحرب اهلية لا تبق ولا تذر

تشكر منعم
باب الخروج والدخول بقا واحد
مافي طريقة تاني
يمشو بس
اول امس اشتريت دواء علاج دايم للمدام ب 120 ج وكنت بشتري اربعة كل مرة الواحد ب 35 ج
اشتريت واحد والصيدلي قال لي منبها
دى الاسعار القديمة
الدولار بقا سلعة ومقاس
التاجر تجيهو الصباح يقول ليك نشوف الدولار عمل كم اول
جنيهنا الكان بساوي اربعة دولار بنحك بيهو كروت الشحن
وغير مبرئ للذمة
كيس الصعوط بي 4000 ج من ذات الجنية الكان واقف ألف احمر مع الدولار

سلام شيخ العرب غايتو الحبرتجي قال ليكم الغلاء ده مافي ليه حل إلا الاستغفار فشنو أولاد ام زقدة يسرقوا وانتوا أستغفروا وكان الدولار وصل خمسين وأنتو ما كفرتوا بعد داك بتتباصر

هههه منتصر
صحبي قال لي من تكون جوة البيت مع صلاة الصبح وتسمع زول ماشي الجامع وهو بستغفر وبتحوقل
اعرف ام اهلو ا.......كت
الكفر دة حاجبنا منو بركة دعاء الوالدين بس

هههه يا منتصر
شفت البوست هسة
عنوان بس ما خشيت جوة
هو نحن زاتنا ما عندنا ذنوب قدر دة ياخ

كيس الشعيرية من 5 لي 8 ج
كيلو دقيق السيقا من 9ج لي 12 ج
والزيت طاير
وكلو طاير
ولسة الاسعار الجديدة ما جات

في سلع دسوها
بمناسبة الاستغفار
واحد عمنا من ناس السوق شغال سفح ولفح . يوماتي في واحد مسكين ودرويش بجي يفطر معاهو
مرة قال ليهو
يا فلان داير احججك
قال ليهو
ما بحج معاك مالك حرام
قال ليهو
يوماتي ما بتاكل فيهو
قال ليهو
باكل وبستغفر
هسة في ذمتكم اليستغفر منو
نحن علينا الذين اذا اصابتهم مصيبة

ود الباوقة أداكم الحل .....

قال: عليكم بالإستغفار


شفتها ساهلة كيف؟

https://www.0zz0.com

آي والله يا ابوالريش
هم لو بخافو الله ومتأكدين ما كان دة حالنا
الاستغفار ما عندنا فيهو كلام تب
لكن محتاج نساعدو بي جكة ولا جرية عديل

سلامات يا ود ابوسن .
مسارات التصحيح معلومه بالتأكيد ، لكن ما عارف بالضبط القصد شنو ؟!!
وللاَ الموضوع أزمة إرادة ما عارف !

سلام ود ابوسن
بس قول لي البديل منو؟

_____________
غايتو لو طردتو الناس ديل, زنوج السودان قاعدين بالمرصاد و بخلو ريحة اي زول طير طير
استغفرو بس

يا ايمن ازمة وطنية
ياخ الحكومة دي شغالة تش في المواطن هيبة وجبروت
تقلع منك عينك عينك
تدفعك وانت صاغر مطأطأ رأسك
يا تبيت حراصة
بتاع النفايات يهرشك تتلامض وتتحدث بمنطق الحقوق والواجبات يختك حراسة تقيل وتبيت وتدفع طابق وطابقين
بتاع العوايد
بتاع البتاع
قوية وصارمة وعندها ارادة
وتنهرش في المكاتب الحكومية زي الماحاصل شي
اي جهة معاهم بوليصز
مباريهو عسكري للناس البتفاصحو
يوريهم الطفا النور منو

عبدالمنعم الطيب حسن...

عارف يا حفيظ الحكومة دي ما بنفع معاها اي ترقيع
تجاوزت الفشل بمراحل
وهم ذاتم لمن يروا أنفسهم ما زالوا يحكمون
يستغربوا ويتمادوا في قهر الشعب وفي إذلاله
ليس أمامنا سوى انتفاضة جسورة وسلمية...
يتداعى لها كل الشعب
في المدن النائمة وفِي القرى والجخانين والدساكر
كل السودان
او
الطوفان قادم بأسرع مما نتصور
الطوفان الدامي؛
..............

تبنا واستغفرنا يا محجوب
يوماتي شغالين استغفار وحوقلا وشهودة
يقول ليك سعر حاجة
تنخلع لامن تقع
وتتشهد
ثم تستغفر
يعني الحكومة دي سايقانا سوق لي الله
الما بجي بالمحبة بجي بالضبة
شفت الضغط دة كيف
يقول ليك استغفر
ياخ .....
ولا مافي داعي

📌(ليلة رُعب) بأمبدة.. "متَفلِّتون" يُهاجمون (3) أسواق

📌نهب أموال وموبايلات وبضائع.. والشرطة تنشط لضبط الجُناة واستعادة المسروقات

✏أمبدة: عبد الله ود الشريف

أُصيب ما لا يقل عن (13) مُواطناً في هُجومٍ لمتفلتين" على أسواق مُتفرِّقة بأمبدة غربي أم درمان.
ورَوَى شُهُود عيان لـ(التيار) أمس الجمعة تفاصيل الهجوم، وقالوا إنّ مَجموعات مُتفلِّتة قَوامها أكثر من (80) شَخصاً شَنّوا هُجوماً مُفاجئاً على سوق الحارة (15) وسوق "الغدير" وسوق في آخر محطة العاشرة بأمبدة، وذكروا أنّ المُهاجمين المُسلّحين بالسواطير فجّروا الرُّعب في تلك الأماكن بعد الاعتداء على أصحاب المحال التِّجارية والمَارّة وتنفيذ عمليّات سلب ونهب للأموال والهواتف النقّالة.
وقال صاحب متجر بسوق "الغدير" لـ(التيار): "إنّهم فُوجئوا بهجوم مجموعة مُسلّحة بالسواطير عليهم عند الساعة الثامنة ليلة الخميس وأوسعوهم ضرباً قبل انتزاع أموالهم وهواتفهم النقّالة جبراً تحت التّهديد، وأسفر الهُجُوم عن إصابته شخصياً ما استدعى نقله إلى المُستشفى لتلقي العلاج". وقال صاحب متجر آخر، إنّهم عاشوا (ليلة رُعب) بسوق الغدير، حيث نهبوا منه تسعة ملايين جنيه وجوّالات سكر و(6) جركات زيت.
وفتحت الشرطة بلاغات بالحادثة في قسم شرطة الحارة (20) أمبدة وبدأت في تحريات واسعة وعمليّات تمشيط لضبط الجُناة واستعادة المسروقات ..

صحيفة التيار

يا عبدالحفيظ..

كل البيحصل دا مقدمة الثورة..
و الله صحى...
راجع تاريخ الثورات فى العالم..
و خصوصا السودان..
لما الآمور تصل الحد...
تنفجر الثورة..
و دا ما حلم..
دى قراءة جادة للبيحاصل فى السودان هسى دى...

يا نور والله حسب علم الثورة
كل الظروف الموضوعية لقيام الثورة جاهزة
البنجض الظرف الذاتي شنو
شوفي 80 شخص يهاجمون السوق

أنا و أت اتنين..
فاضل تمانية وسبعين..
تلقانى بكرة فى المطار...
أت قايل الموضوع مستحيل ؟
يمين الله يسقط الكيزان نهارية يوم جمعة ونهار الحر...

سلامات يا ود أب سن
ربا يرفع البلا والغلا عن أهلنا الضعفاء

مافي أي سبب يوقف إرتفاع الدولار
وطالما الدولار منطلق مافي أي سبب يوقف غلا الأسعار
وناس الحكومة ما بهمهم إذا الدولار بقي ب25 أو بقي ب 50
هم تجار الدولار وهم الفاسدين العابثين بحياة الناس

المصيبة الناس ديل بصيرتهم مسدودة وشوفهم طشاش
وكروشهم كبيره متخمين ما جايبين خبر
قصتهم كلها إنتظار دولارات المستثمرين الأجانب ومدخرات المغتربين
والمساعدات الخارجيه والمنح (دا الحارسينه يا ود أب سن) لا عندهم شغله بي مواطن
ولا جايبين خبر إرتفاع الأسعار
الناس ديل حارسين اللغف والسف

عشان كدا للأسف الشديد "القصه ماشه تكون أصعب"

آمين يا عبدالعظيم
حلهم بكون شحدة قروش وضخها . ودة ما بحل
تتسرب الدولارات لنفس الناس اسباب الازمة
الانتاج نعم
لكن قبل الانتاج يفترض يكون في اجراءات اقتصادية جادة وصارمة

كدي بي هدوء كدا ورينا فاحش يعني شنو،.
ولو جبت مثال يكون ما قصرت

ما تستعجلوا

ادوها استغفارة مرتين في اليوم(صباح ومساء)
تهليل 3 مرات في اليوم

حوقلة عند اللزوم

فى احياء بحرى القديمه متعودين المويه تقطع 8 او 10 ساعات عادى.
الاسبوع الماضى انقطعت 44 ساعه ونحنا على بعد مئات الامتار فقط
من محطه المياه اللى قالو بعد تاهيلها قبل كم سنه انها الوحيده من
نوعها فى افريقيا........واتصورالمعاناه ..لانو حتى لودخلت براميل الكارو
نص البلد ماكان ناس المرور ح يرحموها

يا عووضة هاك
فَاحِش : (معجم الغني)
جمع: ـون، ـات، فَوَاحِشُ.
(فاعل من فَحَشَ).
1- أَتَى فِعْلاً فَاحِشاً : سَيِّئاً، قَبِيحاً- كَلاَمٌ فَاحِشٌ :-لَحْنٌ فَاحِشٌ
2- رَجُلٌ فَاحِشٌ : مُعْتَدٍ فِي الْقَوْلِ أَوِ الْجَوَابِ.
3- عَمَّ غَلاَءٌ فَاحِشٌ كُلَّ الْبِلاَدِ : غَلاَءٌ تَجَاوَزَ الْحَدَّ، كَثِيرٌ جِدّاً- يَمْلِكُ ثَرْوَةً فَاحِشَةً.
4- أَتَتِ الْفَاحِشَةَ : الزِّنَا.

نحن كسودانين نملك عقلية ايروسية بي امتياز

يا محمد
كلو بنسويهو
ماسكين الاستغفار آناء الليل واطراف النهار
والله نصحي انصاص الليالي بالهم ونمسك الاستغفار للصباح
وبرضو
مساعدينو بالجكة وقوة الامل
الامل الايجابي المبني علي العمل

كلام محجوب دا ما تدوهو الواطه ...

Quote: غايتو لو طردتو الناس ديل, زنوج السودان قاعدين بالمرصاد و بخلو ريحة اي زول طير طير استغفرو بس

,ودا الظرف الزمان في رأيي
كتروا من الاستغفار والصلاة علي النبي عليه الصلاة والسلام ’،
كنت عايز افتح بوست بفوائد الصلاة علي الحبيب صلّ الله عليه وسلم في مثل هذه الظروف
بس سبقني ود الباوقه بالاستغفار فضحكت ...
يا نور بت ول ابا تاور 80 ما بصمدوا تمانية دقايق اقري الميدان كويس .
انا ممكن اضمن لك 8 مليون متظاهر بس انتي اضمني ليا بديل مطمن ومتفق عليه
:
:
:
:
:
:
الحبيب ود ابسن مافي حاجه افحش من فاحش دي تعبر عن الحاصل كدي شوف لينا المعجم بي تلقي ياخي
تصدق مرت بي نفس مشكلتك بس بي لفه ناس المستشفيات والصيدليات المتعاقده مع التامين بقوا في ادويه ما بدوك ليها تحت التامين
يقول ليك كملت لانهم لسع مع زيادة الاسعار ما اتفقوا مع ناس شركات التأمين
في النهاية لانقاذ فلذة كبدك تطلع تشتري بدون تأمين تلقي في زيادة (فاحشه ) تعرف السبب
مع التحيات لله الزاكيات

حبيبنا معناتا قيم الليدو مدور لي هسع ههههه
تتذكر لمن جيتك وانت مدور ليدو مع الشباب بالموبايل مع الأسعار دي الناس تكيل شديد والسوق نايم والعجب الصعوط زي النبق تف دي وركب دي ههههه
أيام التنباك عادي بكون سافي وماسك الكيس بصلح في واحده ونسيت اني سافي زاتو الله يقطعو ..

صدق اليوم داك شلت لي عرديب من جارك الناصية مصيت من الشوال والله جاني ليك جنس اس...
تاني الا بالفلاجين .. تحياتي ليك ولي كل كوستي

Quote: كيس الصعوط بي 4000 ج من ذات الجنية الكان واقف ألف احمر مع الدولار

يا عاصم مشيت ادفع قروش الكهربا والموية
32.5 بدوني 200 متر اول الشهر و 27 ج للموية
بدفع 50 ج موية وكهربا باخد 200 م
دفعت الخمسين قال لي مافي كهربا ليه
الموية بقت 37 ج وعليك عشرة متأخرات
جات من وين المتأخرات وانا بدفع شهري وليه زادت
دي البرمجة
امشي ناس الموية
مشوار ماشي وجاي ركشة بي عشرين وبرضو حتدفع
دفعت 80 ج
ومشيت الموية جيب لينا الايصالات القبل دمج الموية مع الكهربا وليها سنتين
معقولا ياخ

يا محمد حمزة التأمين دة مأكلة كبيرة
الادوية من شركات مش ولابد
والغالي ما عندهم
مبني التأمين في كوستي عمارة كلها قزاز تلاوز تخشها زاتو

يا الطيب
البلد دي مقبلة علي ايام سوداء
مع هذه السلطة الوضع اسوأ
وشايف جابت ليها انفراجة عالمية

كرتونة صابون الغسيل من مية لي 150
والماهية ياها زاتا

منقول
يعني ما ننوم؟!
*************
العنوان يشير إلى النكات المشهورة عن الجنوبي الذي ذهب للكنتين لشراء سلعة فوجد أن سعرها اليوم زاد عن سعرها بالأمس فقال ببراءة أبتاه الكتائب ( يعني ما ننوم)
و هذا ما نحن عليه اليوم في كل مناحي الحياة فنحن نسكن في حي الدوحة شارع 15
و بالأمس اشترينا صابونة الحمام ب 7000 جنيه( بالقديم) واليوم إشترينا نفس النوع من الصابون والذي لم يتحرك من رف الكنتين ب 8000 يعني زيادة 15 % في يوم واحد فما رأي سعادة المسئولين من رئيس الوزراء إلى أصغر مسئول والذين أصموا آذاننا في وسائل الإعلام
بأنها يعملون على تخفيف أعباء المعيشة للمواطن و خفضها فهل هذا هو التخفيض الموعود ؟!
وأذكر القاريء الشاب الذي لم يسعده الحظ بحضور الزمن الجميل، اننا كنا تشتري صابونة اللوكس المصنوعة في إنجلترا ب4 قروش ( يعني سعر صابونة الحمام الصناعة سودانية يمكن ان تشتري به 200 الف صابونة )حمام إنجليزية ( وبالتالي يمكن ان تشتري به مصنعا للصابون في ذلك الزمن الجميل ) الصنع سنة 1960م؟!
أما صابونة الغسيل المحترمة فثمنها اليوم 5 -6 الف جنيه بينما كان سعر صابونة الحمام مارك صافي ناصعة البياض بقرشين فقط حتى سنة 1970م؟! وهناك صابون الغسيل صافي بورش واحد صابونة حمام ( نادية ) الخضراء اللون بقرش واحد
يعني ثمن الصابوني الواحد اليوم يساوي ثمن 25000 صابونة في سنة 1970 م؟!
و ينطبق هذا على أي سلعة من السلع وكمثال لمبة النيون الكاملة يعي المكنة و
الخشبة و زجاجة اليوم 4 قدم كان في سنة 1993م عند بناء منزلي الذي أسكنه اليوم
12 جنيه سوداني وثمن نفس اللمبة اليوم 250 الف جنيه،؟! و كان ثمن مروحة السقف الممتازة 28 جنيه و اليوم ثمن أتفه نوع 750 الف جنيه يعني ثلاثة أرباع مليون جنيه؟!
فكيف نعيش أيها السادة المسئولين و يا حماية المستهلك، أي حماية مستهلك هذه
إنني اقترح على الاخ د. سليمان عبد الرحمن سليمان ان يستقيل هو وكل لجنته لعدم
قدرتهم على كبت هذا الغلاء الطاحن و تلاعب التجار بحياة المستهلك و حياة محمد أحمد المسكين. فيرونا أيها المسئولين أفادكم الله.
ويمكن ضرب الف مثل لذلك التفاوت الغريب في الأسعار بين الأمس و اليوم.
انا في سنة 1973 بنيت بيت في قطعتي رقم 8 مربع 5 في جبرة كانت تكلفة بنائه 4800 جنيه سوداني لا غير يعني أقل من ثمن صابونة الغسيل اليوم ومنح نصف ثمن صابونة الحمام اليوم أليس هذه مقارنة تقود إلى الجنون.

أنا و أت اتنين..
فاضل تمانية وسبعين..
تلقانى بكرة فى المطار...
أت قايل الموضوع مستحيل ؟
يمين الله يسقط الكيزان نهارية يوم جمعة ونهار الحر..


سلام اخونا ودابوسن

ماتشيلك الهاشمية وتنتظر اختنا دى فى المطار

بتبقى عليك مينة وخراب ديار

احتسب وبس

مافى أى حل

لمدة 30 سنة لى قدام

كلام محجوب دا ما تدوهو الواطه ...

_____________
هو بالله ده طلع كلامي؟

وزير الصحة يصرح
الدولة بتصرف كتير علي علاج السرطان والناس بتموت
بدون تعليق
سأعود لكم

ﺍﻟﻨﺎﺱ ﺗﻘﺎﻭﻡْ ﻓﻲ ﺍﻟﺒﺤﺮْ .. ﻣﺮْﻳُﻮﻗَﺔ .. ﻣِﺘْﻤﺎﺳﻜِﻴﻦ ﺗﻤﺎﻡ ..
ﻓﻲ ﺍﻟﻘﻴﻒ ﻳﺠﻮﻫﻮ ﻣﻨﺎﻡ .. ﻣﻨﺎﻡ
ﺍﻷﺭْﺯَﻗِﻲ ﺃﺭﺑﺎﺏ ﺍﻟﺒﻨﻮﻙ .. ﺷُﻠَّﺔْ ﺣَﺮﺍﻣِﻴْﺔَ ﺍﻟﻀﻼﻡ
ﺍﻟﻤُﻠُّﺲْ .. ﺍﻟﺴﺎﺩﺓ ﺍﻟﻜﺮﺍﻡ .. ﻻﻓِّﻴﻦ ﻋﻠﻴﻬُﻦ ﺯﻱْ ﻏَﻔَﺮ .. ﻗﺎﺷْﺮِﻳﻦ
ﻳﺠﻮﻫﻮ ﻃُﻤﺎﻡ .. ﻃُﻤﺎﻡ
ﺍﻟﺴُﻮﻕ .. ﻏَﻼﻫﺎ .. ﺍﻟﺸُﻔَّﻊ ﺍﻷﻳﺘﺎﻡ ..
ﻳﺠﻮﻫﻮ .. ﺩِﻳﻮﺵ .. ﺩِﻳﻮﺵ ..
ﻭﺑﻼ ﻗﺮﻭﺵ .
ﺍﻟﻠﺠﻨﺔ .. ﺗﺠَّﺎﺭ ﺍﻟﺮﺻﻴﻒ .. ﺍﻟﻤﺴْﺨَﺮﺓ .. ﺍﻟﻬﺪَّﺍﻡ ..
ﻳﺠﻮﻫﻮ .. ﻛﺮﻭﺵ .. ﻛﺮﻭﺵ
ﻭﺍﻟﻀﻮ ﻳﺪُﻭﺵ !
ﺃﺻﺒﺢ ﺻﺒﺎﺣِﻚ .. ﻳﺎ ﺍﻟﺒﻠﺪ
ﻭﺍﻟﻼَّ ﺍﻟﻌَﻔﺎﺭﻳﺖ ﺃﺻﺒﺤﺖ
ﻳﺼْﺒِﺢْ ﺻﺒﺎﺣِﻚ ﻳﺎ ﺍﻟﺒﻠﺪ
ﺗَﺒْﺮِﻱ ﻭﺟﺮﺡْ ﺑﺎﻟﻚ ﺑﺮﺩ .
حميد ومن غيره

يا خالد مش ما تنوم
كمان ماتزح زاتو
ممكن تسأل زول وما يعجبك سعرو وتلف وتلقي سعرو افضل
ترجع ليهو
يديك سعر زيادة
ما كان عارف انو في زيادة
ما دام جيت راجع معناتو سعرو مفارق السوق
كدة بس
والحكومة مشغولة بقانون تجريم تجسس الزوجة
ما فاضية ليكم

تحياتي حسن
بل ظني في الله حسنا
بلغ الظلم والفساد مداه

بسم الله الرحمن الرحيم


سهير عبد الرحيم

[email protected]


أين الوطن...!؟


حين يسجن الوطن بين افخاذ النساء فستصبح مانشيتات الصحف رجل أعمال معروف يمتهن فض بكارات العذارى. عوضاً ان يكون المانشيت رجل اعمال كبير يتبرع لصالح منظمات مكافحة العنف ضد المرأة.
حين يسجن الوطن بين افخاذ النساء فستصبح مداولات البرلمان ختان الإناث ومنع لبس (البودي) وزيادة الضرائب على اسعار الطلح والشاف. عوضاً ان تكون استدعاء وزير المالية بسبب رفع الدعم عن المحروقات او مُساءلة والي الخرطوم بسبب تردي البيئة التعليمية والصحية أو استفسار وزارة الدفاع بخصوص حلايب والفشقة.
حين يسجن الوطن بين أفخاذ النساء فستصبح تحرشات الدبلوماسيين في البلاد التي يمثلون فيها السودان هي عناوين تحقيقات وزارة الخارجية. عوضاً ان تكون تقارير فتح آفاق دبلوماسية أكبر مع الدول ذات الثقل السياسي والاقتصادي والعسكري.
حين يسجن الوطن بين أفخاذ النساء سيتفرج الجميع على عورة زعيم ديني كبير وهو يحادث فتاة عبر برنامج سكاي بي. عوضاً ان يقدم خطبة عصماء عن القروض الربوية وفساد الدولة والمتاجرة بالدين.

حين يسجن الوطن بين أفخاذ النساء ستنشغل قيادات الدولة بالزواج مثنى وثلاث ورباع ومن فتيات في عُمر بناتهم عوضاً عن يحصنوا الشباب المحتاج بشدة للصون والعفاف.
حين يسجن الوطن بين أفخاذ النساء فستصبح الكبتاجون والترامادول والمنشطات الجنسية من المخدرات هي الأكثر مبيعاً والأوفر انتشاراً من الطماطم والقريب فروت والبرتقال!
حين يسجن الوطن بين أفخاذ النساء سيصبح هم النساء البشرة البيضاء والأرداف الممتلئة عوضاً عن البحث العلمي وتطوير المقدرات واكتساب المعرفة.
حين يسجن الوطن بين أفخاذ النساء فستحول اكثر من عشرين شركة ادوية نشاطها من إنتاج المضادات الحيوية والمحاليل الوريدية الى صناعه المنشطات الجنسية!
حين يسجن الوطن بين أفخاذ النساء ينضم حينها اكثر من خمسة رضع يومياً الى دار المايقوما وتتوسع مساحة الدار وغرفها لإيوائهم بدلا ًمن الاحتفاء ببناء مراكز ترفيهية وحدائق ورياض أطفال.
حين يسجن الوطن بين أفخاذ النساء يمتهن طبيب مشهور فقط إجهاض طالبات جامعيات وبعض سكرتيرات المسؤولين. عوضاً عن تطوير بحوث طبية لحفظ الأجنة وتجنب الحمل الحرج!

حين يسجن الوطن بين أفخاذ النساء فستعج بعض قروبات المسؤولين بالنكات الهابطة وساقط القول. عوضاً عن العصف الذهني وادارة حوار جاد حول التنمية والاستقرار.

خارج السور:

لا تسألوا عن الوطن حتى يُغادر سجنه!

*المقال الاسفيري رقم (١١)

الجوع ما بتكاتل يا ود اب سن وان قامت ثورة جياع في السودان
بتقلع البشر والحجر والزرع والضرع وما بتقيف الا في رمبيك

راجع الاسباب الحقيقية للثورات والانتفاضات كلها حول العالم
ستجد معاش الناس علي رأس اسبابها...

انتفاضة لن يحبسها اعتي جيش ولا شرطة ولا امن
بل هؤلاء سيتحولون معها ويلتفون حولها باسرع مما يتصور الحاكمون...

صدقت يا نزار
ف الجوع ابو الكفار
اهو هسة 80 شوف الموضوع ما بسيط 80 نفر يجتمعو ويقررو ويتحركو وهدف واضح وواحد
للاسف الحكومة سارقاها السكين
ولازالت تمارس في عنجهيتها وتضيق معاش الناس
كشات للفقراء وستات الشاي
انت بتحول فيهم لعطالة غاضبة
سكيت الشفع في الدرداقات
وبتهدد برفع اسعار الكهربا والموية
ما واقع ليك
ما واقع ليك انك بتجهز في الجيوش الغاضبة ضدك
وما قادر تتنازل من مخصصاتك
ولا شبعان
وبتزدري الناس بالتصريحات
ثورة الجياع لو قامت ما بتفرز زول
ودة سيل لا سبيل لكبح جماحه إلا قبل ان يتشكل
الحكومة بتسويفها وتجاهلها لمشاكل الناس بتساهم في تكوين الجيش دة
هو جيش حين يتحرك لن يكون لديه ما يخسره