المواضيع الهايفة تجد القبول اكثر من المواضيع الهادفة

المواضيع الهايفة تجد القبول اكثر من المواضيع الهادفة


11-09-2017, 05:24 PM


  » http://sudaneseonline.com/cgi-bin/sdb/2bb.cgi?seq=msg&board=499&msg=1510244642&rn=21


Post: #1
Title: المواضيع الهايفة تجد القبول اكثر من المواضيع الهادفة
Author: عبدالعظيم مكى
Date: 11-09-2017, 05:24 PM
Parent: #0

04:24 PM November, 09 2017

سودانيز اون لاين
عبدالعظيم مكى-
مكتبتى
رابط مختصر


لماذا ؟!

Post: #2
Title: Re: المواضيع الهايفة تجد القبول اكثر من الموا
Author: محمد البشرى الخضر
Date: 11-09-2017, 05:26 PM
Parent: #1

أمر طبيعي
أفلام السكي تحقق ايرادات اضعاف افلام يوسف شاهين وتستمر بالشهور في دور العرض

Post: #3
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-09-2017, 05:31 PM
Parent: #2


تقصد اخى محمد ان المواضيع الهايفة اكتر امتاعا من المواضيع الهادفة،
ام ان المواضيع الهايفة من السهولة بمكان المشاركة وابداء الراى فيها.

Post: #4
Title: Re: المواضيع الهايفة تجد القبول اكثر من الموا
Author: محمد البشرى الخضر
Date: 11-09-2017, 05:39 PM
Parent: #3

مش امتاعا بالضبط, يمكن مسألة السهولة وعدم الحوجة للتخصص أو الالمام بتفاصيل أو خلفيات موضوع معقد مثل النقد الأدبي أو مشاريع هندسية مثلا

Post: #5
Title: Re: المواضيع الهايفة تجد القبول اكثر من الموا
Author: Asim Ali
Date: 11-09-2017, 06:13 PM
Parent: #3

الاخ عبد العظيم - مساء الخير
انا مقتنع بشىء بضرورة ان تكتب لاجل القضيه او لاجل التثقيف والتنوير وتظل الكتابات موجوده.
يظل مايكتب قائما وشاهدا
فى حاله ان تكتب فى شان قضيه الوطن غفلو او تغافلو عنها عنها فهذا شانهم وحسرتهم شانهم على تضييع
الزمن فى مواضيع هايفه (ومواضيع تشتيت الكوره وصرف الانتباه).
ولكن الكارثه ان يلبس البعض ثوب لالاستاذيه فى تقييم الاخرين ومايكتبون باستخفاف واستعلاء وكبر مبطن.
احيانا بعنصريه بغيضه .بدلا عن محاورتك بشكل متحضر و بمسئوليه او تركك وشانك برايك صحيح كان او خطأ.
دى المشكله الحقيقيه وبحس انها منظمه على مستوى المنتديات وصفحات التواصل ذات الاهتمامات الجاده المرتبطه
بقضيه الوطن لدرجه انى (احيانا) اكتب موضوع او مداخله وبعد تكتمل امحوها لاحساسى كما لو كنت اكتب
على سطح الماء ولكن يظل الاصرار على ان تكتب او تقدم نقل لاحداث هى جرس انذار للغافلين عسى ان ينتبهوا.
مساك سعيد

Post: #6
Title: Re: المواضيع الهايفة تجد القبول اكثر من الموا
Author: Nasr
Date: 11-09-2017, 07:00 PM
Parent: #5

موضوع في السلك
وأتمني أن يجري حوله نقاش موسع
لأنه فيه دعوة لأن ننظر في دواخلنا ونشوف
ليه بنباري الفارغة وعينا في الملانة وما بنقربها؟؟؟؟؟؟

زمان في الأولية لمن يقولو ليك الحصة قصة
الفصل كله ينطط ويقعد يسمع بمزاج
وتعال شوفهم قبل حصة الحساب بشوية
بيت بكاء بس

فهمنا أنه "القصة " فيها متعة
والناس طبعا كايسة المتعة
لكن الحساب ليه ما فيه متعة؟؟؟
في ناس شوية بيستمتعوا بيهو شديد
لكن في المتوسط الحساب والنصيحة لله بيعقد عديل كدا
أفترضنا إنه الحساب عاوز تركيز وتفكير
ودا حكاية متعبة ومزعجة
طيب ما في ناس كتيرين بيفكروا في اللعب
زي ما في الكوتشينة والضمنة والشطرنج

المهم في حاجات و"جهات" كتيرة في المجتمع والثقافة
ما بتشجع علي التفكير
في كمية من المؤسسات والقوي المهمينة structuring powers مقاشرة التفكير بالله واحد
داير الناس كلها تتبع ولا تبدع
تسمع الكلام وتنفذ ولا تنتقد
تقلد ما كان يفعله آباءك واجدادك
وما تفكر في طريقة جديدة
(يعني لو أجدادك واجدادهم واجداد أجدادهم بيزرعوا بالسلوكة ويحشوا بالكندكة
فإنت برضو لازم تعمل كدا
ولو قلت ليهم في طريقة تانية يقولوا ليك
تاني قمت للفلسفة والتنظير)

المهم
أي مجتمع ولا أي ثقافة عشان ينهض ويمشي لقدام لازمه حوار
يسبقه ويعقبه تفكير (خارج الصندوق)
ولخوف قوي محافظة كثيرة من التغيير والنهوض والمشي لقدام
بيشغلوا الناس بالغلاط
ليكفوا عن النقد والتفكير والإبداع
ويبطلوا حكاية التفكير
والقهر بيبدأ من صغار
من الجلد في المدرسة عشان ما حفظت
ويستمر حتي الشيخوخة
بمختلف الوسائل والأدوات

عشان كدا المواضيع الهايفة الما دايره تفكير
وبتفتح مساحة للغلاط
بتلقي مشاركات كتيرة
والمواضيع الجادة بالنسبة لكتيرين حصة حساب
مدرسها شايل السوط عشان الليلة تسميع جدول تمانية
والمدرس يتبسم بسادية يحسده عليها المركيز دي ساد شخصيا

Post: #7
Title: Re: المواضيع الهايفة تجد القبول اكثر من الموا
Author: Elbagir Osman
Date: 11-09-2017, 07:35 PM
Parent: #6

ممكن تلقى ناس كتار لامين..

في السيرك..

يتفرجون في حيوان..

بيأذي نفسو..

Post: #8
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-09-2017, 08:01 PM
Parent: #7

شكرا لكل المتداخلين

الموضوع ليس خاصا بسودانيز اون لاين فقط لكن ظاهرة طاغية في كل مواقع التواصل الاجتماعى وهى فعلا محتاجة الى دراسة وفحص وتمحيص كما تطرق معظم المتداخلين.

Post: #9
Title: Re: المواضيع الهايفة تجد القبول اكثر من الموا
Author: جلالدونا
Date: 11-09-2017, 08:42 PM
Parent: #6

سلام سيد البوست و ضيوفو الاكارم
خيارى الذى التزم به
ضد النظام الحاكم
ضد المعارضة المدنية
ضد الحركات المسلحة
عشان كده اى نقاش بين الاطراف التلاتة ديل فى نظرى ما هو
الا صب المزيد من الزيت على نار ازمة الوطن
حوارات دايما ما تنتهى بالتخوين و العمالة و التجارة بى اسم الدين
و ناس تصالح و تانى يوم تخاصم و دايرة جهنمية تطحن عضام الوطن
فى جو زى ده المشاركة فى بوستات هموم الوطن اخير تزح منها بعيد
قلتها قبل كده .. من يعتبر انجاز الثورة هى الهدف فقد اضاف مصيبة اخرى
لمضايب الوطن ... الثورة بالنسبة لى هى و سيلة لتحقيق اهداف
وين الاهداف دى فى زول اتكلم عنها
مؤسسات الدولة فى حالة انهيار تام و تحتاج الى اعادة بناء و ليس اصلاح
الجيش الصحة التعليم و الاقتصاد بمشتقاته الززاعية و الصناعية و الرعوية
طرحتها قبل كده فى بوست
يا ريت ناس التعليم يقعدو مع بعض و ريهم ناس الاقتصاد و الصحة و القانويين و الدستوريين و الاعلام و كل اصحاب حقل
ينجزوا مشاريع بناء مؤسسات الوطن و تكون جاهزة للتطبيق
الكلام ده فلتو زمان فى البوست ده
و قبل ذلك ضد الحكومة .. ضد الحركات المسلحة .. ضد المعارضةضد الحكومة .. ضد الحركات المسلحة .. ضد المعارضة
مولانا الملك مرة فتح بوستأً يتحدث عن مسودة لمشروع دستور سودانى .. للاسف فتشتو ما لقيتو ...
ده كان البوست الوحيد الاتمنيت انو يتواصل و يكون بداية لى بوستات اخرى متخصصة لكن بصراحة الخذلان حصل

Post: #10
Title: Re: المواضيع الهايفة تجد القبول اكثر من الموا
Author: malik_aljack
Date: 11-09-2017, 10:55 PM
Parent: #9


دعني أختلف معك عبدالعظيم و أختلف مع كثير من المداخلات أعلاه
أعتقد أن ليس هناك موضوع هايف و آخر جاد. فالمواضيع تعبر عن هموم محدده حسب التكوين الشخصي
و لكي أكون أوضح أقول أن اللغة التي تكتب بها المواضيع هي ما يثير ذلك الإحساس بجديتها أو هيافتها
بلغه مثل ما أكتب بها الآن يمكنني جعل موضوع هايف غير جاذب
و بلغة أخرى يمكنني جعل موضوع جاد جاذب جداً
و هذا ما يميز قدرة البعض على الكتابة الجاذبه

Post: #11
Title: Re: المواضيع الهايفة تجد القبول اكثر من الموا
Author: معاوية المدير
Date: 11-09-2017, 11:42 PM
Parent: #10

يا جماعة الخير ممكن تدونا نماذج للمواضيع الهايفة
هنا في المنبر دا .
كدي خلونا في حدود المنبر عشان نتجنب الهيافة،
وشكراً ...

Post: #12
Title: Re: المواضيع الهايفة تجد القبول اكثر من الموا
Author: Elbagir Osman
Date: 11-10-2017, 01:47 AM
Parent: #11

انا اقيس جدية المواضيع بعدد السودانيين الذين تؤثر على حيواتهم..


Post: #13
Title: Re: المواضيع الهايفة تجد القبول اكثر من الموا
Author: معاوية المدير
Date: 11-10-2017, 03:11 AM
Parent: #12

و إنت تعرف كيف يا الباقر إنو الموضوع دا أثّر علي حياة السودانيين
ؤ دا ما أثّر ؟، ما احتمال الموضوع الإنت شايفو ما مؤثر يكون مؤثر،
والموضوع الإنت شايفو مؤثر يكون مؤثر ...

Post: #14
Title: Re: المواضيع الهايفة تجد القبول اكثر من الموا
Author: Elbagir Osman
Date: 11-10-2017, 03:59 AM
Parent: #13

لا أظن تأثير مواضيع مثل الحروب والأوبئة والغلاء موضع خلاف حول تأثيرها على إعداد واسعة من السودانيين

وحتى المواضيع المعنوية لها تأثير واسع.. مثل التعليم.. الحريات.. الهوية.. الثقافة

والتناول لا يقف على التناول على عرض المشاكل.. بل يمتد لطرح معالجات وبدائل

وسبل الوصول إليها

منبر مثل سودانيزاونلاين يقرأه الملايين ولأحيال قادمة يتيح مثل هذا التناول


Post: #15
Title: Re: المواضيع الهايفة تجد القبول اكثر من الموا
Author: عبدالحفيظ ابوسن
Date: 11-10-2017, 05:58 AM
Parent: #14

تحياتي عبدالعظيم
وضيوفه
اعتقد توصيف هايف كلمة قاسية جدا وظالمة
فتوصيف الهيافة توصيف مطاط وفضفاض
من لا يحب الرياضة يعتبر الحديث فيها هيافة
ومن لا يحب الغناء
ومن لايحب الشعر
ومن لا يحب الطرائف
وهكذا
ليس كل ما يخص الوطن يجلب الانتباه
وليس كل من يكتب يجلب الانتباه
فقط اننا نسعي لمعرفة كيف نجذب اهتمام القراء لما نراه انه اهم بنظرنا وذلك عبر خلق قاعدة قراء في مجالات مختلفة بعضها لمجرد الونسة والضحك

Post: #16
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-10-2017, 07:39 AM
Parent: #15

Quote: يا جماعة الخير ممكن تدونا نماذج للمواضيع الهايفة
هنا في المنبر دا .
كدي خلونا في حدود المنبر عشان نتجنب الهيافة،
وشكراً ...


انت جادى نوريك نحن المواضيع الهايفة، تابع براك وحا تعرف.

Post: #17
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-10-2017, 07:50 AM
Parent: #16


Quote: عتقد توصيف هايف كلمة قاسية جدا وظالمة


هايفة كلمة توصف بدقة بعض المواد التى تنشر فى مواقع التواصل الاجتماعى.
ليست المشكلة ان تكتب بعض المواضيع التى يمكن ان تكون ترفيهية او حتى هايفة ولكن السوال عن لماذا المواضيع الهايفة هى التى تحظى بالاهتمام والقبول والمشاركات مقارنة بموضيع جادة وهادفة يمكن ان تكون مفيدة للافراد والمجتمعات.
انا شخصيا لا ابرىء نفسى ولا ادعى اننى كاتب لمواضيع مهمة ولكن ظاهرة المواضيع الهايفة التى تثير اهتمام الكتيرين يجب التوقف عندها ومعرفة الاسباب المنطقية التى تجعلها الاكثر مقبولية عند الكثيرين.

تحياتى

Post: #18
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-10-2017, 07:50 AM
Parent: #16


Quote: عتقد توصيف هايف كلمة قاسية جدا وظالمة


هايفة كلمة توصف بدقة بعض المواد التى تنشر فى مواقع التواصل الاجتماعى.
ليست المشكلة ان تكتب بعض المواضيع التى يمكن ان تكون ترفيهية او حتى هايفة ولكن السوال عن لماذا المواضيع الهايفة هى التى تحظى بالاهتمام والقبول والمشاركات مقارنة بموضيع جادة وهادفة يمكن ان تكون مفيدة للافراد والمجتمعات.
انا شخصيا لا ابرىء نفسى ولا ادعى اننى كاتب لمواضيع مهمة ولكن ظاهرة المواضيع الهايفة التى تثير اهتمام الكتيرين يجب التوقف عندها ومعرفة الاسباب المنطقية التى تجعلها الاكثر مقبولية عند الكثيرين.

تحياتى

Post: #19
Title: Re: المواضيع الهايفة تجد القبول اكثر من الموا
Author: معاوية المدير
Date: 11-10-2017, 11:29 AM
Parent: #18

Quote: انت جادى نوريك نحن المواضيع الهايفة، تابع براك وحا تعرف.


بصرآحة أنا ما جادي لأني دخلت في موضوع هايف،
وبكدا دابي عرفت نوع المواضيع الهايفة ...

Post: #20
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-10-2017, 02:08 PM
Parent: #19

Quote:
بصرآحة أنا ما جادي لأني دخلت في موضوع هايف،
وبكدا دابي عرفت نوع المواضيع الهايفة ...


خطوة في الطريق الصحيح انك عرفت فى مواضيع هايفة.

Post: #22
Title: Re: المواضيع الهايفة تجد القبول اكثر من الموا
Author: قصي محمد عبدالله
Date: 11-10-2017, 02:38 PM
Parent: #20

أعتقد أن هايف لا تقل شيئا عن هابط.....
ولو أن وصف ئش بهايف تميل قليلا إلى حب الذات،
بينما أعمال كثيرة وجدت قبولا و رواجا واسعا مع إن لبها ولحائها هابط،،،،
ولكن تختلف موازين ومقاييس هذه وتلك بحسب عقائد، تعاليم، عادات المجتمع....
فعادي الهايف عند فئة مقدس عند أخرى، إن لم يكن فقط مقدر،
وما يتباهى به قوم ويقاتلون من أجل فرضه وتعميمه، يعد هابطا عند آخرون....
.....
شفت كيف؟
......



Post: #21
Title: Re: المواضيع الهايفة تجد القبول اكثر من الموا
Author: Arif Nashed
Date: 11-10-2017, 02:24 PM
Parent: #19

هايفة يعني شنو بالظبط !
معايير المواضيع الهايفة شنو ؟
موضوعك دا زاتو تصنيفه شنو
مهم .
انصرافي .
هايف .
ونسة .

سودانيز منبر المحن والاحن ..

Post: #23
Title: Re: المواضيع الهايفة تجد القبول اكثر من الموا
Author: Ali Alkanzi
Date: 11-10-2017, 03:27 PM

الاخ عبدالعظيم مكي
سلام
سودانيزاونلاين مثل السوق
كل منا له قدرته الشرائية وذوقه في الاختيار

Post: #24
Title: Re: المواضيع الهايفة تجد القبول اكثر من الموا
Author: معاوية المدير
Date: 11-10-2017, 10:58 PM
Parent: #23

Quote: خطوة في الطريق الصحيح انك عرفت فى مواضيع هايفة.


لا ما خطوة دي معرفة تامة والفضل يرجع ليك يا عبد العظيم،
منكم نتعلم . عندما تطرح موضوع أراه أنا جادي وأتداخل بكل
جِديّة وتفاجئني بالرد علي مداخلتي بإنت جادي ؟، هنا بيتضح
لي إنك ما جادي، وعليه يكون موضوعك هايف .

مشكور علي التنوير يا عبد العظيم وأنا ليس لي في المواضيع
الهايفة، ودعتك الله ...

Post: #25
Title: Re: المواضيع الهايفة تجد القبول اكثر من الموا
Author: زهير عثمان حمد
Date: 11-10-2017, 11:22 PM
Parent: #24

صاحب البوست وضيوفه الافاضل

لكم تحياتي
في البداية كنت أعمل في جهة لها هم تقييم المحتوي المكتوب في الاسافير وخاصة في أواسط أفريقيا قارتنا الام وجدنا أن كل الافارقة يحبون قراءة المواضيع التي لا تتسم بالجدية في فضاؤ الانترنت
وجاء ذلك في تقرير مفصل عن أهتمامات أهل أفريقيا بفضاء الانترنت وكانت النسب كاتالي
الغناء والموسيقي 19%
الرياضة 21%
الجريمة 13%
الفضايح والغرائب الاجتماعية 40%
والموضوعات الجادة والاطروحات ذات الطابع الاكاديميي 7%
نري هنا الخلال الواضح في هذا الامر ولكنه مزاج الاغلبية الافريقية حيث أن البحث شمل ثلاثون دولة أفريقية وأعلم أن من يدخل النت قد يكون ترك وراء ظهره مكتبة تعج بأمهات الكتب أو الوقت خارج العمل يكون عادة للانسان صاحب العمل لساعات طوال يترك فيه ميلا للتسلية وتزكية النفس والقراءة الجادة لها وقت ومزاج محدد ليس في أمسيات ما بعد العمل المرهق
وعليه لو جعلنا هذا البحث يطبق بتحليله علي منبرنا قد نري شئيا من التطابق
لا غرو نحن أهل السودان كلت نفوسنا من الجاد والاهتمام بالاتفع لان كل حياتنا صرامة وجدية
وساعة الحظ لا تعوض يا رفاق
لكم ودي


Post: #26
Title: Re: المواضيع الهايفة تجد القبول اكثر من الموا
Author: Nasr
Date: 11-11-2017, 04:19 AM
Parent: #25

"لا غرو نحن أهل السودان كلت نفوسنا من الجاد والاهتمام بالاتفع لان كل حياتنا صرامة وجدية
وساعة الحظ لا تعوض يا رفاق"
صرامة أيه وجدية أيه الجاية إنت تقول عليها
كمية من العطالة في و(الإنصرافية) في السودان
(والشغل في وما يشغل البال علي قفا من يشيل )
كمية من ال indifference مبالغة
إهتمامات الناس لا تتجاوز التلفون والكورة

في إنجلترا متوسط القراية 50 كتاب في السنة
في بلادنا المتوسط ما أكتر من صفحتين
السودان كله ما فيه مكتبة عامة واحدة
(وشوف في كم فنان وفنانة
وكم فريق كورة)
في أي قرية أمريكية أو أوربية أكثر من مكتبة عامة
في لوس أنجلس أكثر من 82 مكتبة عامة

زمان في السودان لو جاك ضيف تكون
خايف علي كتبك ما تختفي بعد الزيارة
هسع كان حنستهم يشيلوا كتاب ما بشيلوه

كدي ناقشهم في الإقتصاد أو الزراعة
أو قول ليهم أمشوا أقروا القراية متوفرة بأبخس الإثمان
بطنهم تطم
قوم جيب سيرة ندي القلعة
أو حتي كارداشيان الونسة تحلو
عارفين لعيبة الدوري الاوربي واحد واحد
ولكن ما عارفين ولا مفكر أوربي واحد

(ما تفهموني غلط في واحديين جاديين بيقروا وبيتعلموا
بس ما الغالب )

الهيافة ما في سودانيز أونلاين بس
المسألة أعمق من كدا

Post: #27
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-11-2017, 04:54 AM
Parent: #26

شكرا ليكم جميعا لاثراء المنشور.

Post: #28
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-11-2017, 05:03 AM
Parent: #27

لاحظت برضو ان المواضيع التى تطرحها نساء مهما كان محتواها تجد ايضا اهتمام متعاظم من جنس الرجال وقد يكون هذا ميل طبيعى وفطرى وسهولة دشدشة وتكسر الرجل السودانى فى المراة ولكن ان تجد موضوع كاتباه امراة من كلمتين (واى يا ضهرى) فى الفيس يحصد الف مشاركة ولايك بالتاكيد الامر يحتاج لوقفة،

Post: #29
Title: Re: المواضيع الهايفة تجد القبول اكثر من الموا
Author: امتثال عبدالله
Date: 11-11-2017, 10:03 PM
Parent: #28

عبد العظيم
في فرق بين الرجل والمراة،،،
اذا الرجل قال واي يا ضهري، فالسبب في وجع الضهر محصور في سببين،
يا اما اتزحلق ووقع، ويا اما حدثت شكلة وضربوهو في ضهره،،
لكن اذا المراة قالت واي يا ضهري، فابحث عن الف سبب وسبب،،
ولازم تكون مشاركات وتعليقات عشان الحقيقة تظهر،يا ربي الضربها منو !
هل زوجها اعتدى عليها ظلما وضربها في ضهرها،، هل ابوها غضب منها لاسباب
ولازم نتعمق نعرف الاسباب دي شنو!!والقصص تتراكم والروايات تختلف، وتظل
الحقيقة مختفية، الا ان تقول المراة في النهاية ان عندها غضروف،،،
لكن يا عبد العظيم انا مختلفة معاك في نظريتك دي، واقرا الكلام القبلي وشوف
الزمن اتغير كيف،،،
المواضيع الجادة في هذا المنبر بتجيب الف مشكلة ومشكلة والنقاش يتحول الى
سب وشتم والفاظ نابية،،فيبتعد الاعضاء عن المشاكل، حاولت مواضيع جادة
فما قدرت ووجهت بهجوم غير مبرر، وتركت المنبر ، وردي عليك هنا ليس اقتناعا
بمواضيع المنبر وعودتي لمواصلة الكتابة، فانا عدت لظروف خاصة، واجد في تصفحي
بعض المواضيع البتستاهل التعليق، واعلق، وعند نهاية تلك الظروف، ونتمنى ان يكون
الاسبوع القادم، ساعود لقوقعتي، واشتري راحة البال والنفس،،والمواضيع التي ربما
تعتبرها انت هايفة، يعتبرها الاخرون ملجا لراحة النفس والبال،،،
مع وافر الاحترام والتقدير،،،



Post: #30
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-12-2017, 05:22 PM
Parent: #29


شكرا امتثال مداخلتك بها كثير من الحقاڈق.

Post: #31
Title: Re: المواضيع الهايفة تجد القبول اكثر من الموا
Author: صديق مهدى على
Date: 11-12-2017, 05:53 PM
Parent: #30

الفهم قسمة ونصيب ههههها

Post: #32
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-14-2017, 07:50 PM
Parent: #31


سلاما

Post: #33
Title: Re: المواضيع الهايفة تجد القبول اكثر من الموا
Author: صديق مهدى على
Date: 11-14-2017, 08:15 PM
Parent: #32

ههههه وما زالوا فى غيهم يعمهون
سلاما

Post: #34
Title: Re: المواضيع الهايفة تجد القبول اكثر من الموا
Author: عبدالعزيز الفاضلابى
Date: 11-15-2017, 00:23 AM
Parent: #33

Quote: المواضيع الهايفة تجد القبول اكثر من الموا

عشان بكرى بعَيِّن بدون شهادات :)
هسع ما شفت البوست ده اتملا مونِّساتية كيف؟:) :(:

Post: #35
Title: Re: المواضيع الهايفة تجد القبول اكثر من الموا
Author: عبدالعظيم مكى
Date: 11-15-2017, 07:07 AM
Parent: #34

Quote: هسع ما شفت البوست ده اتملا مونِّساتية كيف؟
صحيح.

لمن ابتدرت المنشور كنت متوقع نقاش موضوعى، للاسف اعتبر البعض ان هذا المنشور موجه لهم شخصيا.
هنالك بعض من اشراقات لردود لمست لب الموضوع وتناقشت بعقلانية لهم التحية.