بخصوص واتس السعودية

01:59 PM November, 07 2017

سودانيز اون لاين
عبدالحفيظ ابوسن-no where
مكتبتى
رابط مختصر

الإخوة الكرام
مايدور في المملكة العربيه السعودية
تمر المملكة بتغيرات سياسيه جذريه وبقبضه حديديه ، وتم ربط ارقام الهواتف بالسجل المدني وكل وسائط التواصل الاجتماعي تخضع لرقابه شديده وعلي مدار الساعة وصدرت مراسيم وأوامر مغلظه لكل من يتناول ويتداول سياسات المملكة وبها غرامات وسجن وترحيل للوافدين ، حفاظا علي اهلنا الذين يعملون هناك وحتي لا نكون سببا في قطع ارزاقهم وتشريدهم من وظائفهم ، الرجاء عدم تداول اخبار المملكة في مجموعات التواصل الاجتماعي ، المشترك فيها أهل أو اخوان أو أصدقاء أو زملاء مقيمين بالمملكة .
هذه الرساله من صديق يعمل بالاتصالات السعوديه

كلام عقُل ...

انت الشاب الفي الواتساب البعمل في تحليلات ده منو ؟

كلامه كلام عام ... بس دخل فيما لا يعنيه ( لو هو لسه هناك ) ...

الناس ديل في حالة ( سَعَر ) اليومين ديل ...

دي رسالة لافة
وغلات شديد
العندهم معرفة يفيدونا
انا غايتو غالت الناس
الواتس مؤمن جدا
ولا يمكن اختراقه
رغم انو الاختراق عموما مسألة زمن
لكن الواتس الا اختراق بواسطة عضو قروب
اتمني نسمع من الخبراء

تشكر قباني
انا حسب ضآلة معرفتي شايفو ارهاب وتخويف

عبد الحفيظ أزيك

[دي رسالة لافة
وغلات شديد
العندهم معرفة يفيدونا
انا غايتو غالت الناس
الواتس مؤمن جدا
ولا يمكن اختراقه
رغم انو الاختراق عموما مسألة زمن
لكن الواتس الا اختراق بواسطة عضو قروب
اتمني نسمع من الخبراء]

فعلا الواتس مشفر
لكن الخطورة تكمن في حال تم الاستيلاء على هاتفك فحينها لا يغني التشفير شيئا

سلام ابو سن.
قبل شهر تقريبا.
كنت في السعودية.
ما بين الرياض . جدة . مكة المكرمة.
كل الامور عال العال.
و طبيعية للغاية.
تسلم السعودية .
من كل شر.




عزالدين عباس الفحل
ابوظبي

فعلا جعفر
إلا بتفتش موبايل شخص ومعرفة الحاصل
لذا من الافضل مسح المحادثات فورا
يقبضو موبايلك ويفتشو ويلمو في غيرك

ربنا يحفظ جميع شعوب العالم من الحكام الظالمين والفاسدين
حمدلا بالسلامة يا الفحل
اجر وعافية

الواتس مجاني
هل يستفيد منه اصحابه

سلام ابوسن،
الله يسلمك و يسلم وليداتك...
الواتساب شركة أمريكية...
مقرها ولاية كاليفورنيا...
و من الصعب اختراق الخصوصية..
حسب القوانيين الأمريكية.
تسلم.


عزالدين عباس الفحل
ابوظبي

دا كلام فاضي وحايم في الواتس والسعوديون ما فاضيين يتابعوا الونسات الفارغة. نحن قاعدين وكمان في شمال شرق الرياض محل البدع والسواريخ بي تقع وامورنا سالكة.

سلام يا عبدالحفيظ،

في رسالة مشابهة لي دي، تحذر وتقول إنو الرسايل مراقبة، في منها نسخة سعودية ونسخة سودانية وواحدة يمنية و ..... لكل بلد نسخة.
واضح إنو في ناس (قد تكون جهات من إحدى هذه الدول) تستعمل التخويف لإبعاد الناس عن تناول السياسة وبالأصح معارضة الأنظمة في الدول دي. بقول كده لأنو النسخة بالكربون مع تعديل إسم سلطات الإتصال حسب البلد المروّج فيها الرسالة.

ظني إنو نفس الجهات دي إستغلّت الأحداث في السعودية برضو لتخويف الناس .... وإذا كان زولي الفي السعودية ما مصدّق أو ما خايف .... أخاف عليهو أنا من السودان وما أتناول معاهو المسائل دي.

إجبار الناس على شكل من أشكال الرقابة الذاتية.

(Message secured with end - to - end encryption)
جزء من رساله واضحة تجدها عند بداية كل شات في الواتس
واكدت واتساب أن الرسالة تكون بين الراسل والمتلقي بحيث لا تستطيع شركة واتساب الاطلاع عليها لانها لا تذهب الي اي سيرفر
لا الشركة ولا اي جهة اخري تستطيع الاستماع او قراءة الرسالة
—-
التخويف دا متوقع ... وهذه الحكومات عندها التكنوجيا التي تسمح لها تهكير بعض أجهزة الهاتف
ومن تلك التكونولجيا .. اجهزة هاكنج تيم الايطالية
RCS (remote control system)
السودان يمتلك اتنين وفشل في استعمالهم
والسعودية تمتلك اتنين
حسب ما وضح بعد أن تم تهكير الشركة الايطالية وكشف حالها في ويكيليس
ار سي اس يستطيع الدخول جهاز الضحية والتحكم فيهو عن بعد وسحب كل المحادثات
والقدرة علي فتح المايكرفون والكميرا دون علم الضحية
هذه الاجهزة تعتمد علي تحديد الضحية
ثم اصابة الجهاز
ولم يعرف عنها القيام بعمليات مسح كما تعمل شركات الاتصال
كما فشل في اصابة اجهزة الايفون الا اذا كانت جيلبريك
اما ناس الجلاكسي والبلابيري ديل قاعدات في الخلا
ولكن يظل الواتساب مشفر بين المرسل والمتلقي ولا يمكن التصنت عليه
الا اذا كان الجهاز مهكر
او في زول في القروب بيسرب الونسة


والله اعلم