إنما يؤخذ المنبر غلابا

10:34 AM November, 01 2017

سودانيز اون لاين
عليش الريدة-
مكتبتى
رابط مختصر

ح أغيب 3شهور...ماعندي أي حاجة ولابرنامج،قاااعد لكن مادار أخش المنبر،بقرا لكن ما ح أعلّق...
ليه أنا كتبت الكلام دا؟
عشان يبقا التزام علني بدل سري...دا بولد حرج إضافي من النكوص..
يجب اكتساب الشجاعة الكافية لوضع حد للأمر،او على الأقل السعي لوضع حد له..
لو ربنا أحيانا بنشيف بعد ال3 شهور...
كان ماجيتكم صاد العفو والعافية...

*لن يكون هناك رد لو حدث تداخل في هذه البوست...
شكرا جزيلا

حيث انّك ما حترد بقى الناخد راحتي واقول ليك رايي فيك بكل صراحة
ما عندك موضوع, شغّأل تلخ يمين شمال بلا هدى او استراتيجية و مداخلاتك ثقيلة و بلا نكهة و خارب علينا الرصّة

اها .. ح تاكلها ع اللبّأد ولاّ تبلع التزامك وتجي داخل قبل التلاتة شهور

تعال لخ لخك ساي ياعليش ...
ود البشرى ده كيفن تصبر على لخو ليك وبالطريقة دي ..
ولمدة تلات شهور حسوما ؟! ..
والله حينها حتضطر تقبل كامل تعاطفي معك ..
وكان م داير تعاطف وكده ..
أبقى مارق ساي يا أخوي .. ههههه ..
وتعال رد متى ما عنَّ لك ذلك ..
أو ما تلزم نفسك بالتزام اصلا مافي زول طالبك بيهو ..
تلقى نفسك عند مزاج أو حال المنبر اتصلح شوية تعال ,,
ما عندك مشكلة شوف مكان راحتك ..
لكن عموما نحن هنا مش متضايقين من وجودك ..
بل بالعكس انت ياقول الشوام مهضوم كتير ..
ومن الناس القدروا عملوا بصمة في فترة وجيزة جدا ..
لكن اعيب عليك حبك للآكشن زي ود البشرى ده ..
لكن ما عندك ليهو صبر زيو ..
بتحمبك سريع سريع وتقلبو دشمان .. هههههه ..


تحياتي لك يا عليش ..
وللبشرى اللخاك ده .. ههههه ..

يا عليشنا ...
لا لا ما بنقدر نقاوم ...
شوقنا من بعدك ثوااااااااااني ...
و لا لا ما بتقدر نسيبك ...
تمشي وتسيبنا للوحدة ونعااااااااااااني ...
.
.
.
بيني وبينك انت واخوك المستنير كورتم فكت في الربع الفات ...
بسبب ازدحام جدول مبارياتكم ...
فااااا
انتوا الاتنين محتاجين تاخدوا ليكم استراحة محارب ...
وما تنسوا تكتروا من اكل الطحنية والباسطة ... ...
.
.
.
.
.
يا شيخ قصي رجاء عدل مداخلتك دي واقفل الكوت بطريقة صحيحة ...