سودانيزاونلاين عالم جميل يعلم الصبر وطولة البال، وتبادل الاراء مش بالله؟ ولا أنا غلطان؟

Post: #1
Title: سودانيزاونلاين عالم جميل يعلم الصبر وطولة البال، وتبادل الاراء مش بالله؟ ولا أنا غلطان؟
Author: Ali Alkanzi
Date: 10-30-2017, 07:22 AM

07:22 AM October, 30 2017
سودانيز اون لاين
Ali Alkanzi-Sudan
مكتبتى
رابط مختصر
ما حملني لهذا الطرح هو قول الأخ متصر عبدالباسط،
Quote: يا الكنزي عندك طولة بال تكفي مئة نفروالمئة قليل

معلقاً علي طرحي:
اسألوني قبل أن تفقدوني؟ ماذا كان يفعل الاستاذ محمود محمد طه عند صلاة المغرب وامام حواريه فعل تكرر!!

Post: #2
Title: Re: سودانيزاونلاين عالم جميل يعلم الصبر وطول�
Author: أيمن محمود
Date: 10-30-2017, 07:26 AM
Parent: #1

سلامات يا الكنزي
الزول لما يكون قليل شغلة برضو بالو بكون طويل!

Post: #3
Title: Re: سودانيزاونلاين عالم جميل يعلم الصبر وطول�
Author: Ali Alkanzi
Date: 10-30-2017, 08:04 AM
Parent: #2

أخ أيمن محمود
سلام
والله رديت ليك رد حلو بس (طش) علي قولنا في السودان
يقول ليك الشبكة طاشة تعال بكرة او انتظر
والله فعلاً سودانيزاونلاين عالم جميل اسا انت ما قلتا حكمة فيها قراسة:
Quote: الزول لما يكون قليل شغلة برضو بالو بكون طويل!

هذه من عبقرية الهجاء وعلى قول ود ابس عبدالحفيظ ( مساخة البورداب)
بس حقت دي فيها عبقرية
يعي ما ممكن ازعل منك زي ما زعلت من (فلانة)
داك كلام واضح وضوح الشمس وزم في الزمة والاخلاق
إلا انت حريف
زم بما يشبه المدح
وفراستك يا ابو الشباب في قولك:
Quote: الزول لما يكون قليل شغلة برضو بالو بكون طويل!

عارف اخترت المعاش الاخيتاري من قبل عامين
وبعد عام ونصف صرت عضو في البورد لانو ما عندي شغلة
لك ودي واحترامي
وسودانيزاونلاين عالم جميل

Post: #4
Title: Re: سودانيزاونلاين عالم جميل يعلم الصبر وطول�
Author: MOHAMMED ELSHEIKH
Date: 10-30-2017, 09:52 AM
Parent: #3

يعني يا كنزي الفورة مليون؟

Post: #5
Title: Re: سودانيزاونلاين عالم جميل يعلم الصبر وطول�
Author: Ali Alkanzi
Date: 10-30-2017, 11:45 AM
Parent: #4

سلام MOHAMMED ELSHEIKH
والله ضحكتني
فهمتها تقصد فورة الكتشينة ١٤
طلقتها منذ اوائل الثمانيات
كنا نجتمع يوم الاحد في شقة قريب وصديق لي والغداء بنعملوا برانا
بسويها الحارق والبعدو وكمان الشاي وغسيل العدة
رغم اغلبنا متزوجون كحالي
بعدين انا قمت شقتا القصة دي ما نافعة بطلتها وبقيت ما بجي يوم الاحد
واحد من الشخصيات المعروفة في ابي روف كان يعمل في وظيفة متقدمة في منظمة دولية
قال ليهم :
شوفو يا تقنعو على الكنزي يرجع ويلعب كتشينة يا انا ذاتي ببطلا\
قال ليهم (خرخرة الكنزي دي ذاتا ما طعم الكتشينة وشطتا)
توفاه الله قبل سنين اسأل الله له الرحمة
ومن طرائفه: كان ذلك قبل عصر الموبايل
قعدة الكتشينة بجر لغاية صلاة العشاء
يقوم يضرب هاتف لبيتهم وكان يسكن في ريف جنيف
ويرد عليه ابنه الاصغر ويقوم يسألو:
يا ولد امك صاحية؟ يقول ليهو نعم يا ابوي
ييقوم يقول للجماعة:
الله يرضى عليكم ادونا عشرة تاني
رحمة الله عليك اخي الحبيب فلاان واسأل الله أن يجعل قبرك مثلما جعلت حياة الناس حولك
حب ومودة وتواصل
والله في التمانيات كان بمشي يستقبل طائرة سويس اير عصر كل أحد واي واحد سوداني ما عندو حجز فندق يسوقو بيتو طوالي