*ﺍﻡ ﻗﻴﺮﺩﻭﻥ ﻳﺎ ﺍﻟﺤﺎﺟﺔ ...*

12:18 PM October, 28 2017

سودانيز اون لاين
سيف اليزل برعي البدوي-
مكتبتى
رابط مختصر

*ﺍﻡ ﻗﻴﺮﺩﻭﻥ ﻳﺎ ﺍﻟﺤﺎﺟﺔ ...*
ﻣﻊ ﺍﻗﺘﺮﺍﺏ ﺑﺪﺍﻳﺔ ﻓﺼﻞ ﺍﻟﺸﺘﺎﺀ، ﺗﺒﺪﺃ ﻃﻼﺋﻊ ﻫﺠﺮﺓ ﺍﻟﻄﺎﺋﺮ ﺍﻟﺠﻤﻴﻞ ﺍﻻﻧﻴﻖ " ﺃﻡ ﻗﻴﺮﺩﻭﻥ " ﻓﻲ ﺍﻟﻮﺻﻮﻝ ﺑﺴﻼﻡ ﺇﻟﻰ ﺍﻟﺴﻮﺩﺍﻥ، ﻣﻮﻃﻦ ﻫﺠﺮﺗﻬﺎ ﺍﻟﺸﺘﻮﻱ .. ﻫﺬﻩ ﺍﻟﺒﻼﺩ ﺍﻟﺬﻱ ﻗﺎﻝ ﺷﺎﻋﺮﻫﺎ ﺇﺳﻤﺎﻋﻴﻞ ﺣﺴﻦ :
‏( ﺣﺘﻰ ﺍﻟﻄﻴﺮ ﻳﺠﻴﻬﺎ ﺟﻴﻌﺎﻥ ﻣﻦ ﺃﻃﺮﺍﻑ ﺗﻘﻴﻬﺎ ﺷﺒﻊ ‏)
ﻭﻫﻞ ﺗﻌﻠﻢ ﻋﺰﻳﺰﻱ ﺍﻟﻘﺎﺭﻱﺀ ﺍﻧﻬﺎ ﺗﺄﺗﻲ ﻣﻦ ﺍﻭﺭﺑﺎ ؟ ﻭﺗﻘﻄﻊ ﺍﻟﺒﺤﺮ ﺍﻻﺑﻴﺾ ﺍﻟﻤﺘﻮﺳﻂ ﺍﻟﻲ ﺍﻟﺸﺎﻡ !! ﻭﻣﻦ ﺍﻟﺸﺎﻡ ﺍﻟﻲ ﺍﻟﺤﺠﺎﺯ ! ﻭﻣﻦ ﺍﻟﺤﺠﺎﺯ ﻟﻠﺴﻮﺩﺍﻥ !! ﻭﺍﻟﻠﻪ ﻣﺎ ﻗﺼﺮﺗﻲ ﺍﺑﺪﺍ ﻳﺎ ﺍﻟﺤﺎﺟﺔ ..
ﻭﻫﻲ ﻓﻨﺎﻧﺔ ﻭﻟﻬﺎ ﺍﺳﻠﻮﺏ ﻣﺘﻤﻴﺰ ﻭﻓﺮﻳﺪ ﻓﻲ ﺍﻟﻬﺠﺮﺓ، ﻓﻬﻲ ﺗﺮﻛﺐ ﻋﻠﻲ ﻇﻬﺮ ﻃﺎﺋﺮ ﺍﻟﺮﻫﻮ ﺍﻟﻌﻤﻼﻕ ‏( ﺍﻟﺠﺎﻣﺒﻮ ‏) ﻭﻫﻮ ﻳﻨﺘﻈﺮﻫﺎ ﺣﺘﻰ ﺗﺠﻬﺰ ﻭﻳﺤﻤﻞ ﻋﻠﻰ ﻇﻬﺮﻩ ﻋﺪﺩﺍ ﻣﻨﻬﺎ ﻭﻳﺘﺤﺮﻙ ﺑﻬﺎ ﻋﺎﺑﺮﺍ ﺍﻟﺒﺤﺎﺭ ﻭﺍﻟﻮﻫﺎﺩ، ﻭﺫﻟﻚ ﻳﺆﻣﻦ ﺍﻟﻤﻨﻔﻌﺔ ﻟﻠﻄﺮﻓﻴﻦ، ﻻﻧﻬﺎ ﺗﺤﻔﻆ ﻟﻪ ﺍﻟﺠﺎﺫﺑﻴﺔ ﻓﻲ ﺍﻟﺒﺤﺮ؛ ﻳﺎ ﺳﺒﺤﺎﻥ ﺍﻟﻠﻪ !!..
ﻭﻫﻲ ﻣﻦ ﺍﻧﻔﻊ ﺍﻟﻄﻴﻮﺭ ﻟﻠﻤﺰﺍﺭﻉ ﺣﻴﺚ ﺗﺎﻛﻞ ﺍﻟﺪﻳﺪﺍﻥ ﻭﺍﻟﺤﺸﺮﺍﺕ ﻭﻻ ﺗﻀﺮ ﺍﻟﺒﺬﻭﺭ ﻭﺍﻟﻨﺒﺎﺗﺎﺕ ﻭﺗﺎﺗﻲ ﻓﻘﻂ ﻓﻲ ﺍﻟﻤﻮﺳﻢ ﺍﻟﺸﺘﻮﻱ ﺛﻢ ﺗﻌﻮﺩ ﺇﻟﻰ ﺃﻭﺭﺑﺎ ﻣﻊ ﺑﺪﺍﻳﺔ ﺍﻟﺼﻴﻒ ﻋﺒﺮ ﺍﻟﺤﺠﺎﺯ ..
ﺍﻫﺎ ﺍﻫﻠﻨﺎ ﺑﻘﻮﻟﻮﺍ ﺍﻡ ﻗﻴﺮﺩﻭﻥ ﻣﺸﺖ ﺍﻟﺤﺞ ﻭﻋﺸﺎﻥ ﻛﺪﺍ ﻳﺴﻤﻮﻧﻬﺎ ﺍﻟﺤﺎﺟﺔ ﻭﻳﻐﻨﻲ ﻟﻬﺎ ﺍﻻﻃﻔﺎﻝ ﻭﻫﻲ ﺗﺮﻗﺺ ﻓﻲ ﺿﻞ ﺍﻟﻀﺤﻲ ﺗﺠﺮﻱ ﻭﺗﻘﻴﻒ ﺗﻬﻮﺯﺯ ﺿﻨﺒﻬﺎ ..
ﺃﻡ ﻗﻴﺮﺩﻭﻥ ﻳﺎﺍﻟﺤﺎﺟﺔ
ﻓﻲ ﻛﻞ ﺳﻨﻪ ﺩﺍﺟﻪ
ﺃﻡ ﻗﻴﺮﺩﻭﻥ ﻳﺎﺍﻟﺤﺎﺟﺔ
ﻭﻟﺪﻙ ﻭﻳﻦ ﺭﺍﺡ ﻳﺎﺍﻟﺤﺎﺟﺔ
ﺷﺪﻱ ﺍﻟﻨﻮﺍﺡ ﻳﺎﺍﻟﺤﺎﺟﺔ
ﻟﺤﺪﻱ ﺍﻟﺼﺒﺎﺡ ﻳﺎﺍﻟﺤﺎﺟﺔ
‏( ﻋﻨﺪﻫﺎ ﺗﺘﻮﻗﻒ ﻋﻦ ﺍﻟﺮﻗﻴﺺ ﺣﺰﻧﺎ ﻋﻠﻲ ﻭﻟﺪﻫﺎ ‏) ﻓﻴﻐﻴﺮﻭﺍ ﻟﻬﺎ ﺍﻻﻏﻨﻴﺔ ﻟﻜﻲ ﻓﻴﺘﺤﻮﻝ ﺣﺰﻧﻬﺎ ﺍﻟﻰ ﻓﺮﺡ، ﻭﺗﻘﻮﻝ ﻛﻠﻤﺎﺕ ﺍﻻﻫﺰﻭﺟﺔ :
ﺍﻣﺸﻲ ﻣﺸﻴﻚ ﻳﺎﺍﻟﺤﺎﺟﺔ
ﻭﻟﺪﻙ ﺑﺠﻴﻚ ﻳﺎﺍﻟﺤﺎﺟﺔ
ﻭﻟﺪﻙ ﻋﺮﻳﺲ ﻳﺎﺍﻟﺤﺎﺟﺔ
ﺗﺤﺖ ﺍﻟﺪﻓﻴﺲ ﻳﺎﺍﻟﺤﺎﺟﺔ
ﺑﺎﻟﻘﺮﻣﺼﻴﺺ ﻳﺎﺍﻟﺤﺎﺟﺔ
ﻭﻟﺪﻙ ﺑﺠﻴﻚ ﻳﺎﺍﻟﺤﺎﺟﺔ
ﻣﻦ ﺍﻟﻤﺮﺍﺡ ﻳﺎﺍﻟﺤﺎﺟﺔ
ﻓﺘﻮﺍﺻﻞ ﺭﻗﻴﺼﻬﺎ ﺍﻟﺠﻤﻴﻞ، ﻭﺍﻫﻢ ﺣﺎﺟﺔ ﺍﻧﻪ ﻳﺸﺮﻙ ﻟﻬﺎ ﺑﺪﻭﺩﺓ ﺍﻭ ﺣﺸﺮﺓ ﺑﺸﺮﻙ ﻏﻴﺮ ﻫﺒﺎﺭ، ﻋﺸﺎﻥ ﺗﻘﺒﺾ ﺣﻴﺔ ﻟﺘﺮﺑﻴﻬﺎ ﻻﻧﻬﺎ ﻣﺎ ﻓﻴﻬﺎ ﻟﺤﻢ ...
ﻭﻧﻔﺲ ﺍﻟﺤﻜﺎﻳﺔ ﺗﻘﺮﻳﺒﺎً ﻓﻲ ﻣﻨﺎﻃﻖ ﺃﺧﺮﻯ ﺑﺎﻟﺴﻮﺩﺍﻥ، ﺑﺎﻧﻬﺎ ﺗﺮﻛﺐ ﻃﻴﺮ ﺍﻟﺮﻫﻮ ﻋﺸﺎﻥ ﻳﻮﺩﻳﻬﺎ ﻣﻜﺔ ﺗﺤﺞ ﺑﻴﺖ ﺍﻟﻠﻪ ﺍﻟﺤﺮﺍﻡ، ﻭﺗﺠﻴﻨﺎ ﺑﻌﺪ ﻛﺪﻱ، ﻭﺑﺴﺒﺐ ﺍﻟﻤﻌﺘﻘﺪﺍﺕ ﻭﻓﻲ ﺍﻟﻤﻴﺜﻮﻟﻮﺟﻴﺎ ﺍﻟﺴﻮﺩﺍﻧﻴﺔ ﺍﻟﺮﺍﺳﺨﺔ ﺑﻬﺬﺍ ﺍﻟﻜﻼﻡ، ﺍﻥ ﺷﺮﻛﻚ ﻟﻮ ﻗﺒﺾ ﺃﻡ ﻗﻴﺮﺩﻭﻥ ﺍﻟﺘﻲ ﺗﺴﻤﻰ ‏( ﺍﻟﻘﻴﻨﻘﺮﺩ ‏) ﺃﻳﻀﺎ ﻭﻣﺎﺗﺖ، ﻳﻜﻮﻥ ﻣﺎ ﻋﻨﺪﻙ ﺷﻚ ‏( ﺇﻧﻚ ﻟﻠﻜﻔﺮ ﻳﻮﻣﺌﺬ ﺃﻗﺮﺏ ﻣﻦ ﺍﻹﻳﻤﺎﻥ ‏) ﻭﻳﻐﻨﻮﺍ ﻟﻴﻬﺎ ﺍﻏﺎﻧﻲ ﺗﺨﺘﻠﻒ ﻗﻠﻴﻼً ﻓﻲ ﻣﻨﺎﻃﻖ ﺃﺧﺮﻯ ﻣﻦ ﺍﻟﺴﻮﺩﺍﻥ ﻣﺜﻼ ﻓﻲ ﺷﻤﺎﻝ ﺍﻟﺴﻮﺩﺍﻥ ﺗﻘﻮﻝ ﺍﻻﻫﺰﻭﺟﺔ .
ﺍﻟﻘﻴﻨﻘﺮﺩ ... ﻳﺎ ﺍﻟﺤﺎﺟّﻲ
ﺑﺖ ﺍﻟﻤﻠﻴﻚ ... ﻳﺎ ﺍﻟﺤﺎﺟّﻲ
ﺣﺞ ﺍﻟﻠﻪ ﻋﻠﻴﻚ ... ﻳﺎ ﺍﻟﺤﺎﺟّﻲ
ﺩﻭﺩﻙ ﻭﺭﺩ ... ﻳﺎ ﺍﻟﺤﺎﺟّﻲ
ﺑﺤﺮﻙ ﺷﺮﺩ ... ﻳﺎ ﺍﻟﺤﺎﺟّﻲ
ﻭﻟﺪﻙ ﻋﺮﻳﺲ ... ﻳﺎ ﺍﻟﺤﺎﺟّﻲ
ﻳﻮﻡ ﺍﻟﺨﻤﻴﺲ ... ﻳﺎ ﺍﻟﺤﺎﺟّﻲ
ﺟﺎﺑﻠﻚ ﻗﻤﻴﺺ ... ﻳﺎ ﺍﻟﺤﺎﺟّﻲ
ﻫﺬﺍ ﻭﻗﺪ ﻭﺛﻖ ﺍﻷﺩﺏ ﺍﻟﺸﻌﺒﻲ ﻛﺬﻟﻚ ﻟﻄﺎﺋﺮ ﺃﻡ ﻗﻴﺮﺩﻭﻥ ﻛﻤﺎ ﺟﺎﺀ ﻓﻲ ﻣﺴﺪﺍﺭ ﺍﻟﺤﺎﺭﺩﻟﻮ :
ﺃﻧﺼﺎﺭﻙ ﻛُﺘﺎﺭ ﺗﺎﻣّﻴﻦ ﻋَﺒِﺮْﺓَ ﺍﻟﻜﻴﻞ
ﺯﻱ ﻧﺒﺖ ﺍﻟﺮّﺑﺎ ﻭﻛﺘﻴﻦ ﺭﻛﻮﺏ ﺍﻟﺨﻴﻞ
ﺇﻥ ﻣﻮ ﺟﻮﺭ ﺯﻣﺎﻥ ﻭﻧﺎﺳﺎً ﺑﺼﺮْﻫﺎ ﻗﻠﻴﻞ
" ﺷَﺮَﻙ ﺍﻡ ﻗﻴﺮﺩﻭﻥ " ﻛﻴﻔﻦ ﻳﻘُﺒﺾَ ﺍﻟﻔﻴﻞ
ﻛﻤﺎ ﺍﺳﺘﺨﺪﻣﺖ ﻛﺮﻣﺰﻳﺔ ﻓﻲ ﺍﻷﺩﺏ ﺍﻟﺴﻴﺎﺳﻲ ﺃﻳﻀﺎً ﺣﻴﺚ ﻗﺎﻝ ﺍﻟﺸﺎﻋﺮ :
ﺃﻡ ﻗﻴﺮﺩﻭﻥ ﺣﻢ ﺣﻢ، ﺷﺘﺘﻨﺎ ﻟﻴﻚ ﺍﻟﻬﻢ !!
ﻣﺎ ﺗﻘﻮﻟﻲ ﻗﺎﺻﺪ ﺍﺯﺍﻙ، ﺃﻧﺎ ﻋﻨﺪﻱ ﺯﻳّﻚ ﻛﻢ ؟ !
ﺍﻭﻋﻲ ﺍﻟﺸﺮﻙ ﻣﻔﺘﻮﺡ !! ﺯﻱ ﺍﻟﺠﺮﺡ ﻭﺍﻟﺪﻡ !!
ﻭﺍﻟﺮﻭﺡ ﺩﻱ ﻟﻤّﺎ ﺗﺮﻭﺡ، ﺍﻟﺮﻳﺶ ﺩﻩ ﻛﻴﻒ ﻳﺘﻠﻢ ؟ !
..
منقول باعجاب لجمال وروعة السرد

القانقرد ..حزن الرجال ..
تحياتي رمزية لحاجتنا الجميلة

شى جميل والله يا سيف

وزى الحاجات دى كتيره ومتعددة ومتنوعة فى كل مناطق السودان
وفيها عمق شديد كمان لو تاملنا فيها حنلقى معانى كتيرة وارتباطات وثيقة بحياة الناس
فى مختلف مستويات فلسفة وطريقة الحياة نفسها، شاملا الانشطة الحياتية اليومية المعتادة والمعتقدات الروحية الخ

شكرا ليك