Post: #4 Title: Re: هذه الاغنية العجيبةandquot;المتكاملةandquot;..تع Author: adil amin Date: 10-23-2017, 09:14 AM Parent: #3
شكرا يا يحي على الاضافة الثرية هل هي من الحان صلاح ادريس ؟؟ طبعا الحس الجمالي في السودان راسخ رسوخ الجبال وهذه الاغنية ممكن تنافس جل الاغاني التي تتحدث عن الاغتراب والحنين الي الوطن ذى الطير المهاجر وردي او يا زمن ابراهيم عوض وقصتنا لعثمان حسين وطريق الماضي لابوعركي البخيت وفيها تنوعات لحنية كثيرة والقفلة ذاتا مبالغة .. فعلا بذل فيها جهد كبير عشان تطلع كده وشكرا للشاعر ازهري محمد علي ايضا
Post: #5 Title: Re: هذه الاغنية العجيبةandquot;المتكاملةandquot;..تع Author: محمد على طه الملك Date: 10-23-2017, 12:14 PM Parent: #4
والله الليلة أنت متجلي يا عادل .. طبعا شهادتي في قريبنا عادل مسلم مجروحة .. بس للامانة الأرباب صلاح هو القلعوا من بورسودان وجابو الخرطوم .. كدا برضو اسمع ليهو أغنية وشوش .
Post: #6 Title: Re: هذه الاغنية العجيبةandquot;المتكاملةandquot;..تع Author: adil amin Date: 10-25-2017, 09:14 AM Parent: #5
حياك الله يا الملك مسحة من الفن الجميل في زمن الهجير هذا العادل المسلم فنان ملتزم ومحترم جدا
Post: #7 Title: Re: هذه الاغنية العجيبةandquot;المتكاملةandquot;..تع Author: علي الكرار هاشم Date: 10-25-2017, 10:55 AM Parent: #6
عشان يكتمل المهرجان ----------------------
على كيفك تفوت على كيفك تعال أدخل براحات البيوت فى العتمة او نص نهار لمتين مبارياك غربتك؟ ملت حدود الرحلة حالات الدوار يوماتى بتلاقيك مدن يوماتى راجيك كم مطار ! قـِست الديار! .ولا الرحيل والغربه نسوك الديار؟ صالِبني فى وجع النهارات غُربة وهواجس وانتظار مرات أشوف بُعدك حقيقة ومرات ألاقي هِظَار هِظَار كان إعتذارك بالغياب عن بيتنا محتاج اعتذار ..
بعادك سلـَب حِسِّي ، وسرق من الغناوى الصوت فما ضرِّاك لو رتـَق غناك الريح وعلم الشوق السكون! لو نسمة من عطر الوطن تعبر بحلتنا وتفوت كان تنفلت من ضحكتك ضحكة ، وترك برّاحة فى نيم البيوت على كيفك تعال على كيفك تفوت
ترحال
على كيفك تفوت على كيفك تعال أدخل براحات البيوت فى العتمة او نص نهار لمتين مبارياك غربتك؟ ملت حدود الرحلة حالات الدوار يوماتى بتلاقيك مدن يوماتى راجيك كم مطار ! قـِست الديار! .ولا الرحيل والغربه نسوك الديار؟ صالِبني فى وجع النهارات غُربة وهواجس وانتظار مرات أشوف بُعدك حقيقة ومرات ألاقي هِظَار هِظَار كان إعتذارك بالغياب عن بيتنا محتاج اعتذار ..
بعادك سلـَب حِسِّي ، وسرق من الغناوى الصوت فما ضرِّاك لو رتـَق غناك الريح وعلم الشوق السكون! لو نسمة من عطر الوطن تعبر بحلتنا وتفوت كان تنفلت من ضحكتك ضحكة ، وترك برّاحة فى نيم البيوت على كيفك تعال على كيفك تفوت
Post: #8 Title: Re: هذه الاغنية العجيبةandquot;المتكاملةandquot;..تع Author: adil amin Date: 10-25-2017, 12:40 PM Parent: #7
لاحظ يا علي كرار اللوحات التي ترسم في خيالك مع هذه الابيات كانك تتفرج في البوم صور مش بتقرا في قصيدة دخل براحات البيوت فى العتمة او نص نهار