Post: #1
Title: النجار والنبلة
Author: طلحة عبدالله
Date: 10-20-2017, 03:15 PM
على مدى الفترة القريبة الفاتت، أزعم ( غير متأكد) أنني تربصت
( تقرأ تلبدت) لأعضاء هنا في البورد دا حاملا في قلبي وذاكرتي
سابقة كل واحد منهم معي في أزقة المنبر بما حسبته تجني وتعدي
علي دون سبب وجيه أو غير وجيه بقدر ما هو حقارة ساي كدا ..
وحين لاحت الفرصة أخرجت نبلتي الداسيها في الجيب الوراني
ليوم كريهة وسداد ثغر .. 
وأطلقتها على الوجوه والصدور والأرجل حسب ما قر في ضميري
من الغيظ و( المغصة) نحو كل واحد منهم مستصحبا
سابقة تجنيه واستحقاره، فكنت أمط النبلة لآخرها وأطلقها
في وجه البعض وأشدها نص نص لآخرين وهكذا حتي
رددت دينهم ووضعت وزر حمل ثقيل جثم على أنفاسي
لمدة غير قصيرة .
أرجو أن لا يدرج البعض ما قمت به في باب سواد النية وسوء الطوية
بما يفسر أنه حقد، برغم أن هذا أول ما يتبادر إلى الأذهان، فالأمر لا يعدو
كونه اعادة تصدير البضاعة لأصحابها بما يتوافق ومبدأ رد الاعتداء بمثل بما
اعتدوا .
الآن وقد سكت ما كان يعتورني من نتح الاحساس بالغبن
أرجو من أولئك وهولاء أن يتقبلوا ما قمت به بعقل يتفهم
الدوافع ولا يخرج بتفسيراتها عن إطار المفهوم عاليه ( رد الاعتداء)
وأن لا يذهب تفكيرهم إلى ما يجعلهم يظنون أنني ربما أضمر نحوهم
أحقاد شخصية قبل وبعد هذا البوست مع كامل الاحترام والتقدير للأخوة..
محمد حيدر المشرف
فردوس جامع
عبد الصمد محمد
وقبلهم آدم صيام
ود الباوقة
وكل من انتاشه كيبوردي الذي كان ثائرا بالحمق والغضب.
والعفو والعافية .
وقبل أن أنسى أرجو أن أبلغكم تحيات الزول القاعد جمبي دا .. خخخخخ
..............
ملحوظة : عنوان البوست وهمة ساي .
الجزء الثاني من بوست ( النجار والنبلة) coming soon
|
Post: #2
Title: Re: النجار والنبلة
Author: طلحة عبدالله
Date: 10-20-2017, 03:23 PM
Parent: #1
المغبون جلالدونا
والمكورك أبوحسين
والمستجير
ومن لف لفهم وتشقلب مثلهم ديل بطقطق حنانم ساي ولا أبالى .
|
Post: #3
Title: Re: النجار والنبلة
Author: محمد البشرى الخضر
Date: 10-20-2017, 03:29 PM
Parent: #2
ودينا خالد كيف؟
وديني .. ما عندك موضوع بتعريفة !!
|
Post: #5
Title: Re: النجار والنبلة
Author: Maawya Hussein
Date: 10-20-2017, 03:32 PM
Parent: #2
يا طلحه عندي واحد صاحبي خاتي في البوفايل بتاعو الكلام السمح دا
|
Post: #4
Title: Re: النجار والنبلة
Author: محمد حيدر المشرف
Date: 10-20-2017, 03:29 PM
Parent: #1
ده كلام كويس وصادق واحترمو جدا ..
اقول ذلك بدون اي تحفظ وبصورة مقصودة انو ما يكون في اي تحفظ .. ولي قدام .. لي قدام
|
Post: #7
Title: Re: النجار والنبلة
Author: ABUHUSSEIN
Date: 10-20-2017, 03:35 PM
Parent: #4
و انت قايل ابو حسين يعيرك إنتباه ...؟؟؟
عارفك بتحشرني حشر في اي بوست من بوستاتك لزيادة زوار البوست ...
و عشان المساكين يفهمو اني صاحبك ......
قوم لف يافقر ...
|
Post: #6
Title: Re: النجار والنبلة
Author: عمر التاج
Date: 10-20-2017, 03:33 PM
Parent: #1
سلامات ياطلحة
رغم اني ماعرفت النجار دوره شنو في القصة
الا اني والله تمنيت لو كنت من ضحايا نبلتك
حتى احتفي بهذا الاعتذار الفخيم.
للاسف استقامتي ضد الغبائن خزلتني لاول مرة
وحتى التناوش الذي كنت المسه عند البعض احسبه بغرض تسخين الجمهور فحسب..
ودليلي في ذلك عندما تكررت اعتداءات احد المصارعين على زميله
وكاد ان يقتله في احدى الجولات .. سئل عن سر هذه العداوة فقال (نحن بنلعب الجمهور)
ذكرتني عبارة الاخ امير .. نحن بندحك عليك
شكرا لنبلك يا صديق .. وببشريات الجزء الثاني
قررت تاجيل بوستي الجديد عن .. كشف المستور، في التعامل مع الجقور..
|
Post: #8
Title: Re: النجار والنبلة
Author: طلحة عبدالله
Date: 10-20-2017, 03:53 PM
Parent: #6
جرجير دينا خالد ما عندي معاها حاجة على ما أذكر
ولو في حاجة فلا بأس من ادراجها في قائمة ( من لف لفهم وتشقلب مثلهم) .
معاوية حسين يا حبيب .. والله أنا دائما بدعو للمثل دي لكن نعمل شنو مع الحمق ياخ
ثم والله العظيم وكتابه الكريم الحقارة حارة نار بس .. غايتو أنا ما بستحملها وما بخليها
تمر .. نار نار جنة جنة ..خخخخخ
تمام المشرف والعفو والعافية يا حبيب
تهريف الملقب ب أبو حسين .. عليك دينك قول لي طلوحة .. خخخخخخ
حبابك ألف والله يا عمر التاج .. كل التقدير يا حبيب .
|
Post: #9
Title: Re: النجار والنبلة
Author: طلحة عبدالله
Date: 10-20-2017, 03:56 PM
Parent: #8
غايتو وضاحة دي الله يدينا خيرا
شكلي ح ألبد ليها .. ما لقت تعمل بوستيها الوسيم القلبو رادو
إلا تزامنا مع بوستينا دا ؟
|
Post: #10
Title: Re: النجار والنبلة
Author: عبدالحفيظ ابوسن
Date: 10-20-2017, 04:01 PM
Parent: #9
ههه لقيتك دفان
وبطنك غريقة
ما تكون لابد لي
شكلك صفيت الجرد وقفلت حسابك
خالص الود
|
Post: #11
Title: Re: النجار والنبلة
Author: جمال ود القوز
Date: 10-20-2017, 04:28 PM
Parent: #10
ربنا يصلح الحال ياطلحة يا أخوي ..
لكن تأكد الدنيا دي مافيها شيء كده بلاش ..
فلو سكت وكضمت غيظك أو حتى ترفعت عن الرد ..
والله الذي لا إله غيره ..
ليريك الله في من غبنك وظلمك ..
أكثر مما أخذته بيدك .. أو بكيبوردك ..
ولشفى غليلك .. مافي شيء بلاش ..
تشكك شوكة في الواطه ساي بي حسابها ..
مش في الآخرة في الدنيا دي ..
والله قادر يوريك ويشوّفك بي عينك ..
ما يحيق بمن ظلمك وغبنك ..
والتجارب كثيرة ..
لو استرجعتها من واقعك لوجدتها ..
وكان عندي انا والله شفت بي عيني ..
الحصل لي ناس افتروا وظلموا غيرهم ..
فحاق بهم مالم يتوقعونه هم أنفسهم ..
عارف ليه ..
لان من عادوه وظلموه لم يقتص منهم بيده ..
فتركهم لوكيله .. ومن أحسن من الله وكيلا ..
ياخذ ليك حقك تالت ومتلت وأكثر مما تتصور ..
هذا ليس عجزا لكن كظم غيظ ..
واحتساب عند المولى عزوجل ..
تالله البعض الواحد قادر وبيده ..
وبما يملك من قوة يسبب لهم من الضرر ..
ما الله به عليم .. وهم لا يعلمون ذلك ..
لكن يتركهم رجاء اقتصاص الخالق ..
ولن يخيب الرجاء كن على يقين من ذلك ..
فلا تشغل نفسك كثيرا بالاقتصاص ..
من كل من ظلمك أو غبنك أو احتقرك ..
بلا أي جريرة أو تجنّي منك ..
صحي الحقارة حارة ..
لكن تأكد وقع عاقبتها أحرّ عند الطرف الآخر ..
حين يقتص لك علاّم الغيوب ..
أو كما تقول حبوبة صغاري ..
الله قاعد فوق كرسي العدل ..
مافي شيتن بلاش ..
حقنا بجينا .. بدون ما نوسّخ ايدينا ..
الصابرات روابح يأخ ..
أو كما قرأت في ضهر باص ..
لا أذكر وين في كرش الفيل ده ..
|
Post: #12
Title: Re: النجار والنبلة
Author: قصي محمد عبدالله
Date: 10-20-2017, 05:16 PM
Parent: #11
نغمة عنوان المنشور ما غريبة علي...
|
Post: #13
Title: Re: النجار والنبلة
Author: معاوية المدير
Date: 10-20-2017, 08:00 PM
Parent: #12
ههههههههههههههه،
غايتو مدآخلة ود القوز دي لو حشيتا حا تطلّع
منها أجمل سُجُك، مصران بس !.
ترقبوا بوستينا (الجدادة المفقسة)...
|
Post: #14
Title: Re: النجار والنبلة
Author: طلحة عبدالله
Date: 10-20-2017, 08:24 PM
Parent: #13
حباب جيمي عزيز القوز
مشكلتي اني واضح يا حبيب واللا كان أخفيت وما
أفصحت عن سر كوني اتلبدت للجماعة ديل
وصدقني أحس بالراحة في حالة الوضوح زي
احساسي بأني رديت الصاع لمن اعتدى .. والغريبة بعد
ما أرد الدين لمن ظلم اشعر بوخزة في حتة ما داخلي ما عارف وين بالضط
لكنها غير مريحة البتة بالذات لما أغلظ القول.
أنا معترف اني أحمق وما عندي شدايد على تقبل
أخطاء الآخرين في حقي مع ادراكي أن التجاوز والصفح
يحسب لي في الدنيا والآخرة عند الناس ورب الناس
لكنها طبيعتي التي جبلت عليها واستعصى علي تغييرها
أو تجييرها على الأقل ولا أملك إلا أن اتعايش معها غصبا ..
اتمني والله يا جيمي أن يهبني الله ربع السماحة المدفقة
في كلامك الفوق دا لعلمي أنها مريحة للقلب والمشاعر
وأحمد الله ربي الذي شرع رد الاعتداء وإلا مت كمدا
أو أرتكبت المعاصي .
ربنا يهدي الجميع يا جيمي ياخ .
|
Post: #15
Title: Re: النجار والنبلة
Author: طلحة عبدالله
Date: 10-20-2017, 08:32 PM
Parent: #14
يا هلا عبد الحفيظ
وزي ما قلت لجيمي فوق الفي قلبي على لساني
طوالي ما بشيل في صدري ولا بقدر أصبر على الحمل
التقيل دا .. كان ممكن أبرر رشقات
كيبوردي ضد الجماعة ديل بانهم بادروا وأنا رديت
وأقول ليهم العفو والعافية وخلاص .. لكن شفتها تقيلة كوني
أخفي حكاية انو أنا فعلا اتلبدت ليهم مع أنو ما في زول
طالبني أو أنا غير ملزم بالاعتراف دا .. شفت كيف ؟؟
|
Post: #16
Title: Re: النجار والنبلة
Author: طلحة عبدالله
Date: 10-20-2017, 08:36 PM
Parent: #15
قصي يا حبيب سلام عليك
أيوة صاح عملنا للعنوان ترويج في بوستات
المشاهير الهنا هههههههههه
اتا ما غريبة عليك نغمة عنوان البوست
لكن والله أنا الغريبة علي ومستغرب ليها جدا
صورة بروفايلك الفوق دي .. أول مرة أشوف لي
أنصار سنة لابس كسكتة عصرية وشايل موبايل
آخر صيحة ومتصور بيهم كمان ..
الحكاية دي شنو ؟
اتا صبأت واللا شنو آزول ؟
|
Post: #17
Title: Re: النجار والنبلة
Author: طلحة عبدالله
Date: 10-20-2017, 08:45 PM
Parent: #16
ود المدير اتا مالك بقيت رايق كدا ؟
حالك ما عاجبني الليامات دي يا الحبيب
لازم تمشي الدكتور خخخخخخخخخ
بعدين اتا ما بتعرف مكان تروج لبوستيك وين
أمشي بوست الوسيم القلبو رادو لصق الاعلان دا
هناك .. صدقني وأسمع نصيحة أخوك .. هناك الاعمى
شايل المكسر
|
Post: #18
Title: Re: النجار والنبلة
Author: جمال ود القوز
Date: 10-20-2017, 08:47 PM
Parent: #13
ههههههههههههههه ...
سجوك في عينكـ يا مونساتي اتا ..
الكلام بالنسق ده اريح في القراية ..
ما زي تقعد تجري يمين شمال تكوس باقي الكلام ..
انت زي السقط منك حرف النون .. خخخخخ ..
ولاّ أنا ضهبان ساي ..
تسلم يا مدير يأخ ..
نشاطك بقى قليل اليومين ديل ..
بقيت ما زي زمان ..
كنت عامل زي الجناح الفرفارة ..
|
Post: #19
Title: Re: النجار والنبلة
Author: جمال ود القوز
Date: 10-20-2017, 08:51 PM
Parent: #18
Quote:
(الجدادة المفقسة)...
|
حرف النون وين يا أخينا يابتاع الجداد إتا ... ههههههههه ...
|
Post: #20
Title: Re: النجار والنبلة
Author: طلحة عبدالله
Date: 10-20-2017, 08:56 PM
Parent: #19
وين محل النون بالضبط يا جيمي؟
خت أصبعك عليها
|
Post: #21
Title: Re: النجار والنبلة
Author: جمال ود القوز
Date: 10-20-2017, 09:07 PM
Parent: #20
يجي ود المدير القاباض ده (يطس) لينا ..
جدادتو المفنقسة دي ..
ويورينا فيها (محير) ولا فاضية .. ههههههه ..
طبعا زولك ده بيفهم لغة الجِداد دي ..
إكمنو ما من الناس الجُداد ..
من لا يحسنون طس الجداد ..
ولايعرفون المحير ذه ذاتو شنو .. ههههههه
|
Post: #22
Title: Re: النجار والنبلة
Author: جلالدونا
Date: 10-20-2017, 09:10 PM
Parent: #20
الزول ده طيرة خلاص
كيف يعنى تختنى مع ابو حسين
|
Post: #23
Title: Re: النجار والنبلة
Author: طلحة عبدالله
Date: 10-21-2017, 08:56 AM
Parent: #22
الطيور على أشكالها تقع يا جلالدونا اخوي .
المفروض ما فيكم واحد يرضى بالتاني ..خخخخخ
|
Post: #24
Title: Re: النجار والنبلة
Author: Rami Abdelkareem
Date: 10-21-2017, 11:26 AM
Parent: #23
سلام للجميع
جيت اسلم على الشفيف الملقب بي طلحه عبدالله
|
Post: #25
Title: Re: النجار والنبلة
Author: معاوية المدير
Date: 10-21-2017, 11:34 AM
Parent: #24
Quote: ود المدير اتا مالك بقيت رايق كدا ؟
حالك ما عاجبني الليامات دي يا الحبيب
لازم تمشي الدكتور خخخخخخخخخ
بعدين اتا ما بتعرف مكان تروج لبوستيك وين
أمشي بوست الوسيم القلبو رادو لصق الاعلان دا
هناك .. صدقني وأسمع نصيحة أخوك .. هناك الاعمى
شايل المكسر |
رآيق !، يعني الواحد ما يبقى ود ناس،
يهووووون الله .
يأخوي أنا أمانِيِ ما شِديّد في الترويج، عليك الله هسّع
اكان مشيت مكان المكسرين العميانين ديّل البيفكِر لي
مِنو ؟، يأخوي ديّل من يوم إنفتح البوست بِقو الوآحد أكان
ما إتروّش ما بيجي داخل حوش بكري .
ثم وترقبونا مع بوست (الجدادة المفقسة)...
|
Post: #27
Title: Re: النجار والنبلة
Author: معاوية المدير
Date: 10-21-2017, 11:40 AM
Parent: #25
هوي أنا جدادتي وحات الله وآقفة ؤ نافشة ريشا،
عان ها المفنقسة !.
لافي نون ولا حاجة لا تسولكُم فوقا فنقسة ساكت
الشي دي فنسة بالغلت ما فيها .
لا تدعوا الفرصة تفوتكم وانتظرونا في بوست
(الجدادة المفقسة)...
|
Post: #26
Title: Re: النجار والنبلة
Author: عبدالحفيظ ابوسن
Date: 10-21-2017, 11:39 AM
Parent: #24
غايتو نونك دي دايرين تلصقوها رجالة لود المدير
قال ليكم مفقسة يعني المرحلة البعد الحاضنة
المعني نفسا ياخ
مافي نون
يا ود القوز ميح شنو هي فقست وانتهت
|
Post: #28
Title: Re: النجار والنبلة
Author: طلحة عبدالله
Date: 10-21-2017, 11:50 AM
Parent: #26
حبابك 1000 يا رامي وفيك الخير كلو
ومرحب بيك في العالم الجميل ..
...........................
الشفيف دي من عكس الريح واللا بناءا على موضوع البوست ؟
|
Post: #29
Title: Re: النجار والنبلة
Author: Rami Abdelkareem
Date: 10-21-2017, 11:52 AM
Parent: #28
الله يبارك فيك
من عكس الريح طبعا
ايام مابتتنسي
|
Post: #30
Title: Re: النجار والنبلة
Author: طلحة عبدالله
Date: 10-21-2017, 12:05 PM
Parent: #29
تمام يا رامي ..
هسة الناس الحلوين ديل قاعدين لسة في محلهم
واللا تفرقت بهم السبل ؟
واتا كنت داخل باسمك دا واللا لقب ؟
|
Post: #31
Title: Re: النجار والنبلة
Author: طلحة عبدالله
Date: 10-21-2017, 12:08 PM
Parent: #30
يا ود المدير الزحمة فيها الرحمة خخخخخخخخخخ
أنا غايتو مشيت بهناك رميتو وجيت طاير أمشى بهناك
وشيل معاك أي صورة نظام يعني ( ممكن أشارك؟)
|
Post: #32
Title: Re: النجار والنبلة
Author: معاوية المدير
Date: 10-21-2017, 12:17 PM
Parent: #31
Quote: يا ود المدير الزحمة فيها الرحمة خخخخخخخخخخ
أنا غايتو مشيت بهناك رميتو وجيت طاير أمشى بهناك
وشيل معاك أي صورة نظام يعني ( ممكن أشارك؟) |
صورة !، صورة شنو يا عمّك نحن نومتنا بِقت مكشوفة،
يا حِليلي أنا الفكيّت آخري ؤ ما عملت فيها شبح .
بعدينك يا طلحة الزحمة البهناك دي إنت قايلآ زي زحمة المولد ؟،
ابداً يا الحبيب وحاتك دي زي الزحمة الفوق العروس في قطع الرحط
الناس كُووووولهم مبحلقين عُيُوّنُن ؤ مركزين في مكان وآحد بس .
قريباً،
(الجدادة المفقسة)، فكونوا معنا...
|
Post: #40
Title: Re: النجار والنبلة
Author: جمال ود القوز
Date: 10-21-2017, 07:22 PM
Parent: #32
ياتو ..
|
Post: #33
Title: Re: النجار والنبلة
Author: Rami Abdelkareem
Date: 10-21-2017, 12:21 PM
Parent: #30
ماعندي فكره عنهم والله من وفاة المرحوم عمر(عبدوني) تاني مادخلت
كان اسمي سانتانا وبعداك تحول الاسم لي ابومالك
والمناقره كانت في هلال مريخ مع ابورزقه والبديري
|
Post: #34
Title: Re: النجار والنبلة
Author: طلحة عبدالله
Date: 10-21-2017, 02:50 PM
Parent: #33
الله يرحمه ويغفر له وينزله منزلة مباركة عنده في عليين
والله خبر حزين يا رامي ..أاول مرة أسمع بيهو .
|
Post: #35
Title: Re: النجار والنبلة
Author: Rami Abdelkareem
Date: 10-21-2017, 03:50 PM
Parent: #34
قبل 5 وللا سته سنه ربنا يرحمو
معليش حرفنا ليك البوست
|
Post: #36
Title: Re: النجار والنبلة
Author: عمر سعيد علي
Date: 10-21-2017, 04:30 PM
Parent: #35
يا طلحه عبد الله ديل عرفناهم . .
طيب ود البشرى ده نفسي اعرف مناقرتك ليه في شنو . .
|
Post: #37
Title: Re: النجار والنبلة
Author: طلحة عبدالله
Date: 10-21-2017, 04:56 PM
Parent: #36
سلام يا عمر سعيد
جرجير اللي هو ود البشرى هو المناقرني حقد وحسادة ساي .
أنا كنجم هنا وفي الشارع بلاقي زي نوعيتو دي كتير جدا
وبعرف اتعامل معها كيف ومتين .. خخخخخخخ
|
Post: #38
Title: Re: النجار والنبلة
Author: جلالدونا
Date: 10-21-2017, 06:05 PM
Parent: #37
| Quote: جيت اسلم على الشفيف الملقب بي طلحه عبدالله |
امنتوووووو بالذى خلق السموات و الارض
معقولة دى !!!!!
هسى يا رامى نقول شنو !!!
غايتو للضمان كده مرحب بيك
___
هسى ده بوست يفتحو زول شفيف
|
Post: #39
Title: Re: النجار والنبلة
Author: طلحة عبدالله
Date: 10-21-2017, 06:38 PM
Parent: #38
المغبون
الشفيف ما قالا لي رامي
دا اسمي في منبر آخر كنت فيهو شبح ..
|
Post: #43
Title: Re: النجار والنبلة
Author: Rami Abdelkareem
Date: 10-21-2017, 07:44 PM
Parent: #38
مشكور على الترحيب
زي ماقاليك طلحه ده كان لقبه في منبر تاني
طلحه ده مشكلتو الوحيده انو مريخابي
|
Post: #41
Title: Re: النجار والنبلة
Author: جمال ود القوز
Date: 10-21-2017, 07:25 PM
Parent: #35
الله يرحمه ويغفر له ..
|
Post: #42
Title: Re: النجار والنبلة
Author: جلالدونا
Date: 10-21-2017, 07:29 PM
Parent: #41
شبح شنو كمان ... انت قايل الشبوحية دى ساهلة كدى
غايتو بوستيك طلع بوست طيطى ساكت
نرجا بوست الجدادة المفنقسة
|
Post: #44
Title: Re: النجار والنبلة
Author: يحي قباني
Date: 10-22-2017, 07:50 AM
Parent: #42
سلامات يا صفوة ...
عتالة سريعة للبوست ... شايفك صرفت فيهو ماركتنج كتير ...
فقلت ما يجوز يكون حجرو غاتس كده ...
|
Post: #45
Title: Re: النجار والنبلة
Author: طلحة عبدالله
Date: 10-22-2017, 08:42 AM
Parent: #44
Quote:
بوستيك طلع بوست طيطى ساكت
|
يعني كدا كويس واللا كعب ؟
يا جماعة قلنالكم شخرمية مرة أنزلوا لينا تحت
وخاطبونا بلغة رجل يمشي في الأسواق ويقرش فحل البصل
ويأكل الكوارع ..خخخخ
|
Post: #46
Title: Re: النجار والنبلة
Author: طلحة عبدالله
Date: 10-22-2017, 08:48 AM
Parent: #45
فيك الخير أيها المعتق يحي قباني
فعلا أنا البوست دا ساسقت باعلانو كتير
لكن المشكلة الكبيرة انو نزل بالتزامن مع بوست الوسيم
القلبي رادو هناك حيث الأعمى شايل المكسر والأعمى زيو
|
Post: #47
Title: Re: النجار والنبلة
Author: محمد البشرى الخضر
Date: 10-23-2017, 04:16 AM
Parent: #46
مليون مرة.. لا بل مليون وواحد
كلّمتك قلت ليك الباسويرد ما بعفّن ولا بسحبوه منّك لو لم تكتب! فا شنو.. ما قصة انّك تكتب اي كلام و السلام بحجة الحفاظ على الباسويرد
اقرا ياخ من سكات طالما ما عندك موضوع تكتب عنه
أففف
|
Post: #48
Title: Re: النجار والنبلة
Author: Haytham Ghaly
Date: 10-23-2017, 05:26 AM
Parent: #47
اووو ( تلحة )
تصدق حايم في صالة عرض الجمال والوسامة بهناك
لاقتني نبلتك دي طايرة
ما عارف زاتو الجابا بهناك شنو؟؟
بعدين الاسم دا يعني شنو؟؟ النجار والنبلة
تحياتي يا شفيف هههه
|
Post: #49
Title: Re: النجار والنبلة
Author: طلحة عبدالله
Date: 10-23-2017, 10:05 AM
Parent: #48
هيثم يا غالي ياخ اتا أكبر من أنك تحاكي تظارف أمير بوب السمج الفكاهو هنا دا ..
دا زول بلعب بلغة الضاد من باب التفكه فأبعد منو ما تعلم كيبوردك الهزل السخيف .. خخخخخخخ
عنوان البوست دا زي ما قلت فوق وهمة ساي ما تقيف فيهو كتير.
|
Post: #50
Title: Re: النجار والنبلة
Author: طلحة عبدالله
Date: 10-23-2017, 10:06 AM
Parent: #49
جرجير غايتو الحسادة دي بتنفخك .
|
Post: #51
Title: Re: النجار والنبلة
Author: علاء سيداحمد
Date: 08-24-2018, 08:35 PM
Parent: #50
مسعولين من الخير .. انتو طلحة دا وين ؟؟
|
Post: #52
Title: Re: النجار والنبلة
Author: عبداللطيف حسن علي
Date: 08-24-2018, 09:12 PM
Parent: #51
مسعولين من الخير .. انتو طلحة دا وين ؟؟
ـــــــــــــ
عامل نظام سيف تيري من المنبر
|
Post: #53
Title: Re: النجار والنبلة
Author: علاء سيداحمد
Date: 08-24-2018, 09:32 PM
Parent: #52
| Quote: عامل نظام سيف تيري من المنبر |
شكراً يا عبداللطيف واريتو يكون بخير .
|
Post: #54
Title: Re: النجار والنبلة
Author: Sudany Agouz
Date: 08-24-2018, 09:58 PM
Parent: #52
الأخ الحبيب طلحه ..
سلامات .. وأجمل التحايا .. مع أسلوبك الجميل ..
واستخدامك للنبلة .. تعرف الجابنى للبوست دا ..
يا ها النبله دى .. لأنو عمك العجوز .. كان صياد
نبلة ماهر .. تعرف لما كان والدى رحمه الله ..
المدرس بالمدارس الأوليه .. وأثناء ما كنا نتنقل معه
فى بقاع السودان المختلفة .. فى جبال النوبة منطقة عبرى..
وفى أم روابه فى كردفان .. وفى نيالا بدارفور .. إلخ .. إلخ ..
كانت النبلة ..لا تفارقنى فى الأمسيات .. حيث كنت أصطاد القمرى والبلوم ..
وحتى .. الضببّة .. جمع " الضب " لا تُرحَم من أحجار نبلتى الغالية ..
فعمك العجوز .. كان نياش جنس نيش .. وكان عندى لبس خاص للصيد ..
كان عندى " ردى كاكى " له جيبان .. الجيب اليمين للحصحاص " الزلط " ..
والجيب الشمال " للإسبيرات " يعنى هناك اساتك اسبير .. و أسلاك للرباط .. الخ ..
.. أها شفت نبلتى كنت باستخدما .. للعصافير والضببه .. بضم حرف الضاد ..
والباء .. لكن لما قريت كلامك .. لقيت انو عندك نبله من نوع تانى ..
قلت سبحان الله .. الزمن دا .. الكلام بقى ليهو نبله خاصه .. ههههههه ..
المهم أنا سعيد بلقياكم الكريم ..
وكل عام وانتم بخير ..
الرب يبارك حياتكم ..
أخوكم وعمكم العجوز ..
ارنست
+++
|
|