هل من حق الزول الشين ان يتزوج ؟

03:41 PM April, 06 2017

سودانيز اون لاين
وضاحة-اقيم فى قلوب االانقياء الطاهرين من ابناء وطنى السودان المحبين لعمل الخير
مكتبتى
رابط مختصر

سؤال هل من حق الشين ان يتزوج ؟؟
وهل عليه الا يتخطى حدوده ويتزوج على قدر شناتوا ؟



ما تجو تنظرو لى وتقولوا لى دى خلقت ربنا
عارفها خلقت ربنا
لكن دا طبع البشر

بالحيل من حقه.. ويدبل كمان

وضاحة العرس ما بالسماحة ولا الشنه....
بعدين تعالي الزول الشين ده ما بنى آدم ولا شنو؟

Quote: وضاحة العرس ما بالسماحة ولا الشنه.... بعدين تعالي الزول الشين ده ما بنى آدم ولا شنو؟

ياااا مك شوق الشوق
بنى ادم ما اختلفنا لكن شييين
اسوى لي شنو
العرس بي شنو ؟

شين خلقة ولا اخلاق ؟

لو شين خلقة ... فدي على الرجل و على المرأة سيان ... و كل فوله وليها كيّالها ...

اما لو شين اخلاق ... فالله يديهو على قدر شناتو ...

---------
تخريمة :
لو زول قياااااافة و بخيل ...

تعملي بيهو شنو ده ...

Quote: شين خلقة ولا اخلاق ؟

الاثنين يحي
النوع الئيم داك الما بتبلع لو اداك كلمة ما بتنزل من حلقكك

Quote: لو شين خلقة ... فدي على الرجل و على المرأة سيان ... و كل فوله وليها كيّالها ...

والله يحي الشنة ما بحبها وبخاف من الزول الشيئن
انت ما سمعت بالوجه الصبوح
انوم معه كيف !!؟

كل تاجر ببجلب بضاعتو العندو
ــــــــــــــــــــــــــــــــــــــــــــــــــــــــ


ماشفنا ليك يعني بضاعة في السوق دا

انوم معه كيف !!؟
ــــــــــــــــــــــــــــــــ

*النديك النصيحة من الآخر،الزولة دي لو بتهمك صحي صحي ،كان سمعتها الكلام البصلحا ،بدل طريقتك المعكوسة دي للدفاع عنها...
نحن ياود الفكي قاعدين نقرا ساكت ونمعط في شعر راسنا ،زي ماقال مصطفى مدثر قبل كدا،لكن مصطفى مدثر ماشاء الله عليه مخنفس ونحن شبه مصلعين..
فاشنو... قبل مانتشالق ونجيبا كبيرة،أنقل ليها الكلام دا:
حاولي فرقي بين ونسة البنات في بعضهن والونسة في الحتة العامة.
نحن ماكلنا جنس لطيف...وإن تظاهر بعضنا بذلك.
سلام وأتمنى ألاّ أعود

Quote: بالحيل من حقه.. ويدبل كمان

ود البشري سلام
قلت لى ثقة شديدة ... دى اهم شي والله

الشين والشينة في مسالة الزواج دي غالباً سعيدين وبخيتين ومحظوظين

اهو زميل المنبر بدر الدين اتزوج

Quote: وهل عليه الا يتخطى حدوده ويتزوج على قدر شناتوا ؟

الشنا مقياسها شنو ؟؟؟
احيانا زول بحب العيون الدقاق وبشوفها سمحه وزول اخر بحب العيون الكبار
وقيس علي ذلك باقي الاعضاء
اغرب سؤال اقابلني في الاسافير

الشنا نسبية ..
ونظرة الناس ما واحدة ..
ــــــــــــــــــــــــــــــــــــــــــ
زول وجيه جدا ..
معرس ليهو واحدة شينة وكترة ما بيدورها مكشكشا دهب ..
الناس كلهم شايفنها شينة إلا هو ..
وده المهم .. (هو) .. مش الناس ..
عموماً الشينين هم القاعدين يعرسوا ..
ومحظوظين جداً ما يقعوا إلا في البنات السمحات ..
غايتو كان بقيتي سمحة ..
حضري مشاعرك من هسه ..
الراجل الشين متحمدكـ ..
والبخاف من الشين بقع ليهو في البخت ..
يتخطى حدوده كيفن يعني !! ..
قلنا ليك ما بعرسوا الا البنات السمحات .. هههههه ..

Quote: الشين والشينة في مسالة الزواج دي غالباً سعيدين وبخيتين ومحظوظين

مبروك عليهم ان شاء الله يجيبوا قرود

وضاحة التساؤل هنا مقلوب
هل البنت الشينة من حقها تحلم وتتزوج؟
لانو حسب الاحصاءات البنات كتار
تلتين بنات وتلت اولاد

ازيك يا وضاحة
في فترة الكيزان اختلطت السماحة بالقروش
عندما تزوج الاثرياء الجميلات وتركوا الشينات للمفلسين
بمرور الزمن تكدس الجمال في القصور وتبعثرت الشناة
في الضواحي وطرف المدائن والضهاري
وأصبح الجمال متلازمة لاهل الدثور.
المطلوب الان من أهل الوعي -ناس وضاحة مثلا-
أن يعيدوا التوزان الطبيعي للحياة لتمضي بالحب فقط.
ولا يكونوا مثل استاذنا في الجامعة، كان ياخذ درجات علي المشاركة
وعندما يحضر للاتندس بعد المحاضرة يقول الاسم ثم يتبعها بـ
(شاركت) ، او ( ما شاركت) ولا يترك فرصة لمراجعته في درجات المشاركة
يوم نده اسم واحدة شديدة ، وطوالي خت ليها ( شاركت) ،
احتجينا وقلنا ليهو : يا دكتور ، فلانة دي غير موجودة اليوم ،
فقال من تحت ابتسامة خبثة: شاركت بحسنها هههه .
اخر محاضرة احتجينا نحن الاولاد علي درجات المشاركة
لانها كانت حكرا علي بعض البنات، وبعد ان سمع دفوعاتنا
قال قولة صريحة أصبحت مثلا:
- أنا في الجامعة دي ما بعرف الا اسماء البنات السمحات ،
ومابسال واحد في القاعة الا اكون بعرف اسمه .

ازيك ياملكة ,,
القول ماقاله قبانى

Quote: اغرب سؤال اقابلني في الاسافير

يعنى يا(يالسديس) عاوز سؤال زى ده يقابلك وين؟
فى كتاب المطالعة مثلاً؟

كيفك يا وضاحة

من حقو طبعا

تانيا الزواج دا في مرحلة معينة وما بعدها لا يحفظه إلا حسن الخلق والاحترام المتبادل والفهم العميق لمسألة تكوين أسرة دي

Quote: يعنى يا(يالسديس) عاوز سؤال زى ده يقابلك وين؟

ازيك يا ملك,,
في زمن ماشي وزمن جاي وزمن لسع

ما يراهو البعض قبيحاً يراهو البعض الاخر جميلاً

رجل جميل جداً متزوج من سيدة قبيحة جداً فقال له احدهم

ان الناس يقولون انك وسيم جداً ولكن زوجتك قبيحة

فكان رده لأنهم لم يروها بعيوني


الجمال نسبي يا وضاحة

اسع انا شايف كيم كارداشيان العاملة ضجة دي شينة شنا مُرة

ثم لك ولضيوفك التحيات

Quote: فى كتاب المطالعة مثلاً؟

الفاضلابي تعجبني ردود بالانابة ولما اكون فيها قطامة
ولد دا اوسكار..............
ما يكون عايز تزوج ليك بت سمحه ؟؟؟؟؟؟

يبقن عليسه اثنين؟ شناة و عدم زواج؟
حرااام و الله

مساء الخير

غايتو بتفق معاك...ماهو كمان ما ممكن يبقن عليهو مصيبتين

شناة....وعرس

كفاية عليهو مصيبة واحدة:)

ممكن يلاقيك زول في الحياة أو حتى في الأسافير دي وتنبهر بيه تشوف مافي أحسن منه ثقافة وعلم وأخلاق وسرعة بديهة يعني زول مثالي تماماً لدرجة تختو مثل أعلى .. لو الظروف لمتك بالزول دة وسكنتو سواء مثلاً حتكتشف إنه شخص عادي جداً يأكل الطعام ويمشي في الأسواق وما فيه أي حاجة مميزة
لو أي واحد فيكم راجع مسيرته خلال الجامعة بتذكر كمية الناس الانبهر بيهم في البداية ثم اكتشف إنهم عاديين بل وناس بيض أحياناً
بالنسبة للجمال فالشكل بروح بالولف .. لو الواحد عرس ملكة جمال العالم وبقت قاعدة في وشه شهرين حيتعود على شكلها ويصبح عادي بالنسبة ليه
ولو عرس واحدة شينة قردة بس بعد شهرين بتعود على شكلها دة ويألفه ويبقى ليه عادي
بعد فترة من الزواج الشكل بروح وبفضل حسن المعشر
وبالمناسبة كل الأزواج اللاقوني بلعبوا بي وراء زوجاتهم كانوا بخونوهن مع واحدات أقبح منهن بمرااااااحل

الشناة ... شناة الجيب والاخلاق ...
يا زولة وافقي طوااالي ...

عااالم بطااالة ...

سلاما ت لصاحبة البوست
والله حقو الشن يحترم نفسو مافي داعي للشلاقة
تلقي الواحد قبيح ويتمني يعرس قمرة ..مع العلم كل شئ قسمة ونصيب
لكن الشين يحترم شناتو وماف داعي لاحراج

يا باسط مكي

اها انت اتصرفت كيف😂😂













اوع تزعل
جني وجن شرح الهظار

محن



أقدمت سيدة على رفع عريضة طلاق في مواجهة زوجها بحجة أنه غير وسيم. وقالت الشاكية عند مثولها أمام المحكمة الشرعية بحري،
ومثل لها الادعاء الأستاذ "الفزاني" بأن زوجها غير وسيم، وأنه يعاملها معاملة قاسية وعند استجواب الزوج أمام المحكمة استنكر الزوج
رفع الدعوى وذكر للقاضي أن زوجته قد وكلت محامياً أقبح منه، وأن الأمر لا يحتاج لرفع دعوى،
وقام بتطليقها أمام المحكمة بالثلاثة والتزم بسداد ما عليه من نفقة .

اخبار السودان اليوم

يعني يا وضاحة تبقى عليهو شناة وبووورة كمان :)

عارفة الناس الكبار عندنا في الحلة اجتمعوا وقالوا يوحدوا المهر عشان الشباب يعرس

عندنا عمنا زول حكيم قال ليهم: لا .. توحيد مهر لا

الجماعة : ليه يا حاج!

عمنا: يا ناس لو وحدتوا المهر دا تاني مافي بت شينة بتعرس :)

والاولاد بعزلوا البنات السمحات ويخلوا الشينات يبورن

الجماعة: اها يا حاج والدبارة شنو؟

عمنا: شوفوا يا ناس انا بقول رأي

زي بناتي انا خلوا مهرن 7 ب مليون

وزي بنات فلان دا خلوهن ب 5 مليون

وزي بنات فلان داك خلوهن ب 2 مليون

هههههههههه طبعا هو ما قالها بالطريقة دي ...

ولو قلتها ليك بطريقتو سيتم تصنيفنا ضمن العنصريين :)

المهم يا وضاحة الظاهر اتقدم ليكـ واحد شين يا عملات مجيدووو

وبالمناسبة دي اهديك هذا الرابط من الارشيف

عايز لي مره بيضاء وشعرها طويل وبت ناس!عايز لي مره بيضاء وشعرها طويل وبت ناس!

سلام وضاحة والمتداخلون
هل من حق الزول الشين أن يتزوج ؟
أكيد له الحق ، لأنه إن لم تقبل به إحداهن من الجميلات لوظيفته أو لماله أو لحسبه ونسبه ، فإنه حتما سيجد من هي أقل منه في الشنا وبهذا يكون الفارق بينهما في المظهر أقل نسبيا فتنزاح أسباب الرفض وتزداد نسبة القبول.

تخريمة : الجميلات المتزوجات من ( راجل شين ) ، بيكونن دائما متسلطات عليه و شخصيتها طاغية عليه وكلامها أوامر ، كأنّ قبولها منه وهو يرفل في هذه الشنا ، هو نوع من ( المِنّة ) ... لذا يكتفي الزوج هنا بالعيش في كنف ( السماحة ) راضيا بسيطرتها التامة ...

والله الموفق

وبمناسبة في الضواحي وطرف المدائن الكاتبه عمر التاج نهدي ليكم الأغنية دي..

أما التعليق فغدا .... وهي هدية الوداع غدا.. وسننتهي من آخر فقرة في الفصل الأول في البوست الروعة عن توثيق مدينة عطبرة للأستاذ الهادي الشغيل

ونودعكم .. لكن قبل الوداع عندي تعليق في هذا البوست الظريف كظرفكم.

مع عاطر التحيات
امتثال.

Quote: يعني يا وضاحة تبقى عليهو شناة وبووورة كمان

واحد (شين)
قال لاخته: غضضت بصرى عن النساء كى يغض الرجال ابصارهم عنك.
فقالت له: شاحدة ربى يعميك جد جد ,, اصلك من يومك عارِض
عامل دقنك الـ زى التيس دى.
وانا اقول البورة الأنا فيها دى من شنو؟
الملكة عاوزة تصادر حق الشينين فى العرس
شاحد ربى يعرسك واحد وشيهو زى قفاهو ,, جلابية انصارية بس.
علا غنى ,,

اكيد مش ممكن ....

العالم الان بحاول ان يحسن من الصفات الوراثية

وهذا ما نلاحظه في في كل الولادات الحديثة والشباب بانهم في تحسن ملحوظ

في السحنات والبنيان الجسمي والجسدي

------- والله اعلم ------------

Quote: اغرب سؤال اقابلني في الاسافير

و دكتورة كمان قارية جنتكس

Quote: سؤال هل من حق الشين ان يتزوج ؟؟

لو حـ يتزوج بوشه لا يحق له ان يتزوج.

بالحيل من حقه.. ويدبل كمان
ــــــــــــــــــــــــــــــــــــــــــــــــ
ياود البشرى
لو كان المذكور عندو (زاوية شوف ) في التدبيل...أها كيف الدبارة..
اعتقد أن السؤال الصحيح هو :هل من حق الزول الشين أن يكون عضو معانا هنا في المنبر؟..
الإجابة: لا طبعا...ودي دايرا ليها سؤال
لكن المشكلة إنو بكري أبوبكر ماعندو قشة مرة،شينين وسمحين،أهو في المنبر تارسين

ذكرتيني ... كنا في مرحلة الشباب ( عمر الثانويات) عندنا استاذ ظريف جدا . بيحب يدردش معانا في كل شيء. مرة قال لينا : ما تتجوزوا البنات السمحات.
طبعا الفصل كلو همهم و استنكرنا طبعا
فقال لينا: المرا السمحة كل عيون الرجال عليها و حيسمعوها كلام احلى من الانتو بتقولو ليها.

وسامة الرجل في عقله وقلبه
كم وسيم يفتقر لأدنى معاني وصفات الرجولة
رواية احدب نوتردام في اعتقادي جسَدت هذا الفهم (بطل الرواية (كوازيمودو) القبيح الاحدب وقع في حب فتاة جميلة (إزميرالدا) لأنها عطفت عليه ولم تسخر من قبحه )
ليت صاحبة البوست كتبت في العنوان (ما اجملك أيها الشين ) وعددت صفات ومعاني الرجولة الحقيقية

انا غايتو شييييين ودشن شديد

ومحترم نفسي شدييد برضو وما متعقد من شناتي ومتصالح معاها جدا

ياخ مرات بتخلع من نفسي....اها في اكتر من كدا

بس بالجد الموضوع ما خطير وبصبر نفسى انها كلها ستين ولا سبعين سنة (لو ربنا مد في العمر) وبتخلص من ال container المسجون فيها دي

وانطلق.....

غايتو بيني وبين نفس حسمت موضوع الزواج دة نهائي واقتنعت انو الناس بقت تتزوج الاجساد وتترك الارواح مع انو

(القلوب ارواح مجندة.....ما تعارف منها ائتلف ...وما تناكر منها اختلف) وعلائق الارواح اوثق وان طال بها الامد


غايتو علاقتي مع الجسد القاعد جواهو دة علاقة حلوة جدا ....مرات كدة بتاملو زيييين واقعد اضحك ياخ مسكين شديد

يعمل السبع وزمتها وبعد داك يجي يدفن ويتحلل



سؤال لمن يهمه الامر: هل سنبعث على زات الحُلة والهيئة؟


ــــــــــــــــــــــــ
تحياتي لمفترعة البوست وضيوفها الكرام.

وضاحة المحيا
بوست خفيف الروح
عندنا حبوبه لينا قالوا ليها انتي شينه ولا سمحه
قالت لا سمحه سماحه يغواها الشيطان
ولا شينة شناتن ياباها الانسان
لكن رؤيتنا للشخص واحساسنا بيهو هو البحدد

ههههههههههههههههههه بوست لزيز

بوست مسلي وحلو والله مشكككككككككورة
بس كدي رسينا علي الحوار
واحد شين اتقدم ليك يعني
ولا انتي شايفة نفسك شينة ههههههههههه
بعدين بي صراحة عندي نية افتح بوست جديد
بخصوص لم الشمل وتغطية القدح
موضوع جادي شديد وسيريس والله
وأهل القروب أولي ببعض
نلم الشباب الغير متزوجين علي الشابات الغير متزوجات
الداير يدبل أو يتلت أو يربعن مامعانا
بس مايكون عرس جماعي زي مابيعملو الجماعة
وعلي ناس الحوش دعم العرسان الجدد بمايروهو مناسب
والموضوع دا محجوز حصريا علي أنا هههههههههه
عشان مايمشي واحد يفتحو
فما رأيكم دام فضلكم ....


.....................

وضــاحة وضيوفها الكرام
تحية طيبة وبعد ،
نعم يتزوج الشين طالما أنه :-
ذو دين وخلق حسن
ذو قدرة مالية
ذو صحة جيدة

ممكن يلاقيك زول في الحياة أو حتى في الأسافير دي وتنبهر بيه تشوف مافي أحسن منه ثقافة وعلم وأخلاق وسرعة بديهة يعني
زول مثالي تماماً لدرجة تختو مثل أعلى ..لو الظروف لمتك بالزول دة وسكنتو سواء مثلاً حتكتشف إنه شخص عادي جداً يأكل
الطعام ويمشي في الأسواق وما فيه أي حاجة مميزة لو أي واحد فيكم راجع مسيرته خلال الجامعة بتذكر كمية الناس الانبهر بيهم
في البداية ثم اكتشف إنهم عاديين بل وناس بيض أحياناً بالنسبة للجمال فالشكل بروح بالولف .. لو الواحد عرس ملكة جمال العالم
وبقت قاعدة في وشه شهرين حيتعود على شكلها ويصبح عادي بالنسبة ليه ولو عرس واحدة شينة قردة بس بعد شهرين بتعود على شكلها
دة ويألفه ويبقى ليه عادي بعد فترة من الزواج الشكل بروح وبفضل حسن المعشر وبالمناسبة كل الأزواج اللاقوني بلعبوا بي وراء
زوجاتهم كانوا بخونوهن مع واحدات أقبح منهن بمرااااااحل

1111111111احمد محمد عمرالجزء الأول من تعليقك احتمال يكون صحيح...

ولكن هل الجزئية الاخيرة من التعليق صحيح!

واذا الاجابة بنعم .... انت خوفتنا من العرس ..سواء كان العريس شين او سمح.

ولذا حنرجع لتعليق يحى قباني الذي قال:

(((شين خلقة ولا اخلاق ؟ لو شين خلقة ...
فدي على الرجل و على المرأة سيان ...
و كل فوله وليها كيّالها ..
. اما لو شين اخلاق ... فالله يديهو على قدر شناتو ... )))

ولذلك نؤكد ان شين الأخلاق هو أسوأ شئ في الدنيا .. والجزئية الأخيرة من تعليقك يا احمد بتنطبق عليه..

ولذا فعلى المرأة ان تفضل وتختار الزول الشين والأخلاقه سمحة ... لأن سماحة الاخلاق بتدوم لكن سمحة الخلقة ما بتدوم

مع عاطر التحيات ووافر الاحترام
امتثال

Quote: الشنا مقياسها شنو ؟؟؟

النوع البقصدو انا النوع البكون زى الفاكين فيه لغم
وماعندو اخلاق ولئيم وكل قبح الدنيا فيه
في النوع الشناتوا لذيزة
وروحوا حلوة ودموا خفيف الناس بتحبوا
وبتحترموا زى محمد الصائم كده
زى ما قال لى يا وضاحة دى شناء بي فهم

الحمدلله الواحد عرَّس قُبَّال البوست ده ما يتفتح
بس المتوكد منها انو الريس ماحايعلِّق البوست ده فوق.

السلام عليكم

الجمال مطلوب في المرأة اما الرجل جماله في دينه وخلقه ورجولته وشهامته وهذا هو المعيار.

مودتي.

الناس البتعلق دي عاملين فيها خلاص مكملين الوسامة.
صور البروفايل تحكي
ههههه
الموضوع نسبي.
جوة السودان ممك نقول عليكم معقول.
لكن في الاطار المحلي شنا فظيعة
فشنو
انتو الشينين ديل عرستوا كيف؟
الاجابة واضحة طبعا عرسنا بنات عمنا الشينات ديل
والقرد في عين امه غزال.

كمان لمن يكون شين ... ودشن ... ولعبو خشن ....

دا ما ملك الموت عديييييييييل كدا

قال رجل للأحنف بن قيس: بم سُدْتَ قومَك وأنت أحنف أعور؟

قال: بتركي مالا يعنيني، كما عناك من أمري ما لا يعنيك.

وبعد وفاة الأحنف، نَدَبَتْه إحدى النساء فقالت: لقد عشتَ حميدًا مودودًا، ومت شهيدًا فقيدًا، ولقد كنت في المحافل شريفًا، وعلى الأرامل عطوفًا، ومن الناس قريبًا، وفيهم غريبًا، وإن كنت لمسودًا.

اختار الإمامُ أحمدُ بن حنبل عوراءَ على أختِها، وكانت أختُها جميلةً، فسأل: من أعقلهما؟ فقيل: العوراء. فقال: زوِّجوني إيّاها.

يا باسط مكي اها انت اتصرفت كيف😂😂
>>>>>>>>>>>>>>>>>انت عارف انا علي حسب القياس
ونفس الطينة (ابو القدح ماقصر)
مالي مال المعافرة

بوست بمواصفات التين الشوكي يا وضاحة أي لذيذ رغم أنه يطعن ..
أساهم فيه بموقف .
بنت من قرائبنا تقدم لها شاب من النوع الذي يقال عليه عصامي ..من تجارة الذهب وغيره بنى فلا فخمة له ولأهله . إضافة للعربات غير عربيته الخاصة آخر موديل .. يعني بصورة ما أصبح محط أنظار شابات المنطقة .. كل واحدة منهن تهيأت لخطبته .. من دونهن أختار قريبتنا هذه . وهي الحق يقال جميلة جدا .. أهله وأهلها فاكرين الموضوع سيتم بكل سهولة ( وافق شن طبقة) هو بماله وهي بجمالها .. إلا أنه اهله وأهلها صدموا برفضها القاطع بقدر ما حاولوا يصر عليها أهلها أصرت على الرفض بدون ان تفصح عن السبب .. استعانت بي أمها أفتكرتني ممكن ألين رأسها لما بيننا من صحبة وصراحة ..قابلتها و حاورتها لأعرف سبب رفضها ..
ردت بكلمة واحدة فقط .
- شين ..
- شين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل من حولها لم يكن يتوقع سبب هذا الرفض أي شناته ..
ياخ الراجل سمح جيبو ... وسمحة أخلاقه كريم أجواد .. والكلام البيقولوا أهلنا في هذه الحالات ليردموا به ( الشناة) المادية )
قالت : دا كله كلام ساي في النهاية أنا وهو راحل ننقفل في بيت واحد .. وهسع خلي رأيي أنا أنت رأيك فيه شنو شين ولا ما شين ؟؟
لم أتوقع السؤال سيتحول لي ... سكت فترة قصيرة .. بل أضطرتني أستحضر صورته في ذاكرتي وأتأملها .. حقيقة هو من الناحية دي ( عداها العيب ههههههههههه) شكله أقرب لأنسان الكهوف الأول .. ..
- أها سكت مالك شين ولا ما شين ؟
- بصراحة هو شين لكن ما سوداني زينا وكلنا شينين في أعراف شعوب تانية .
- هاي ما تميع الموضوع ولا كلنا شينين زي الزول دا ولا حاجة ..
- هسع أنا أقول للجماعة ديل شنو ؟؟
- قول لهم قالت ما دايراه أو قوليهم قالت مرتبطة .
- طيب كدا أهلك راح يزنقوك بأن البديل لا بد يتقدم بسرعة حتى يبرروا موقفهم .. هل في بديل فعلا ؟؟؟.
- ما تخاف حا يجي .

Quote: انوم معه كيف !!؟ l

نومي ساي الحكاية مودة ورحمة ان وجدت ود الصايم داااك كااك ببقى ليك توم كروز

سؤال نتن وشين !

هههههههههههههههههههههههههههههه
وضاحة انت بريئة براءة !
أبرأ من الذئب الأكل سيدنا يوسف عليه السلام :)

سلام الوضاحة
قالو الزوجة قاعدة قدام المرايا تسرح في شعرا
جا الراجل يزاحم فيها ويمسح في وشو قال ليها
عليك الله أنا ما سمح ؟
قالت ليه: أنت سمح وأنا سمحة الله يدينا راجل للبيت.
دحينا يا خيتي الحاجة المعقولة بس اهم حاجة يكون راجل
بمعني الرجولة لان دي البتفرق في النهاية.
لكن شين الاخلاق ياهو الما بتعاشر.

ما من حقو يتزوج حيجب اولاد شينين زيو
و
هو مفروض زاظتوووو ينتحر ويتبرع بي (اعضاءو) لللابحاث

أكيد من حقو وممكن يتزوج إمراءة فائقة الجمال ، وهنا لك حكاية أنقلها لك من النت

دﺧﻞ ﻋﻤﺮان ﺑﻦ ﺣﻄﺎن ﻳﻮﻣﺎ ً ﻋﻠﻰ اﻣﺮأﺗﻪ وﻛﺎن ﻋﻤﺮان ﻗﺒﻴﺢ
اﻟﺸﻜﻞ ذﻣﻴﻤﺎ ً ﻗﺼﻴﺮا وً ﻛﺎﻧﺖ اﻣﺮأﺗﻪ ﺣﺴﻨﺎء ﻓﻠﻤﺎ ﻧﻈﺮ إﻟﻴﻬﺎ ازدادت ﻓﻲ ﻋﻴﻨﻪ ﺟﻤﺎﻻ وً ﺣﺴﻨﺎ ً ﻓﻠﻢ ﻳﺘﻤﺎﻟﻚ أن ﻳﺪﻳﻢ اﻟﻨﻈﺮذإﻟﻴﻬﺎ ﻓﻘﺎﻟﺖ: ﻣﺎ ﺷﺄﻧﻚ؟
ﻗﺎل: اﻟﺤﻤﺪ ﻟﻠﻪ ﻟﻘﺪ أﺻﺒﺤﺖ واﻟﻠﻪ ﺟﻤﻴﻠﺔ !!!
ﻓﻘﺎﻟﺖ: أﺑﺸﺮ ﻓﺈﻧﻲ و إﻳﺎك ﻓﻲ اﻟﺠﻨﺔ.
ﻗﺎل: وﻣﻦ أﻳﻦ ﻋﻠﻤﺖ ذﻟﻚ؟؟ ﻗﺎﻟﺖ: ﻷﻧﻚ أُﻋﻄﻴﺖ ﻣﺜﻠﻲ ﻓﺸﻜﺮت وأﻧﺎ أُﺑﺘﻠﻴﺖ ﺑﻤﺜﻠﻚ ﻓﺼﺒﺮت ،،، واﻟﺼﺎﺑﺮ واﻟﺸﺎﻛﺮ ﻓﻲ اﻟﺠﻨة .

النوع البقصدو انا النوع البكون زى الفاكين فيه لغم
وماعندو اخلاق ولئيم وكل قبح الدنيا فيه في النوع الشناتوا لذيزة
وروحوا حلوة ودموا خفيف
ــــ ــــــــــــــــ ـــــــــــــــ
وضاحة وشركاها
بتحاولي تصلحي ... صاح


الشناة دي الخلت حسناء حي القلعة امدرمان (بدور) ويقال اسمها الحقيقي (جواهر)
(ام عشرة شلوخ) استهونت ب ــ (ابوصلاح) وحاولت بشتى الطرق في حفلة انها تشوف الاسم الكبير
الملأ الدنيا شعرا وطربا وحتى الكلام بقى قافية
شافتو لق عيونو فيهن (حول) .. ويمكن مدت شلاليفها وحركتهم يمنة ويسرى
دلالة على (شناتو) وقصر قامتو وقالت في سرها (مخير الله)
وهو ما قصر وانشد قائلا:
هل حبيبي نسى أم لي طرا ......يا ام شلوخا عشرة مسطرة
النسائم بالند عطرا.........دا الدفق لدموعي ومطرا

Quote: زول وجيه جدا .. معرس ليهو واحدة شينة وكترة ما بيدورها مكشكشا دهب .. الناس كلهم شايفنها شينة إلا هو .. وده المهم .. (هو) .. مش الناس .. عموماً الشينين هم القاعدين يعرسوا .. ومحظوظين جداً ما يقعوا إلا في البنات السمحات .. غايتو كان بقيتي سمحة .. حضري مشاعرك من هسه .. الراجل الشين متحمدكـ .. والبخاف من الشين بقع ليهو في البخت . . يتخطى حدوده كيفن يعني !! .. قلنا ليك ما بعرسوا الا البنات السمحات .. هههههه ..

ود القوز
يجازى محنك ههههههههههههههههههههههههههههه
دا الحب الاعمي ظاااتوا .. لكن بجى اليوم البفتح فيه
والله صحى

انا ابري من الشينين
انا الحمد لله ربنا حافظنى بي دعوات ابوى وامى والبحبونى
البحيرنى فيهم نوع لئيم مع شناتوا دى
وفاكر نفسوا حاجة
وهو بكون برميل فارغ ساى
و والنوع دا بعرف يرسم علي البنات المسكينات البتخدعوا ليهم
لكن بعد تعيش معه بتعرف حقيقتوا والقبح الفيه

Quote: وضاحة التساؤل هنا مقلوب البنت الشينة من حقها تحلم وتتزوج؟ لانو حسب الاحصاءات البنات كتار تلتين بنات وتلت اولاد

من حق اى انسان يحلم
لكن الحلم غير عن الحقيقة
الشنة ما حبابا لا في رجال ولا فى بنات
وكمان تكون معاها شناة اخلاق تكون كملت
البنات كتار فعلا
لكن احسن الواحدة تبور من تجيب ليها واحد شين ولئم يكرها حياتها

لو كنت شين افضل اريح بالى واتزوج واحدة شينة مالى موجع دماغى

Quote: ازيك يا وضاحة في فترة الكيزان اختلطت السماحة بالقروش عندما تزوج الاثرياء الجميلات وتركوا الشينات للمفلسين بمرور الزمن تكدس الجمال في القصور وتبعثرت الشناة في الضواحي وطرف المدائن والضهاري وأصبح الجمال متلازمة لاهل الدثور. المطلوب الان من أهل الوعي -ناس وضاحة مثلا- أن يعيدوا التوزان الطبيعي للحياة لتمضي بالحب فقط. ولا يكونوا مثل استاذنا في الجامعة، كان ياخذ درجات علي المشاركة وعندما يحضر للاتندس بعد المحاضرة يقول الاسم ثم يتبعها بـ (شاركت) ، او ( ما شاركت) ولا يترك فرصة لمراجعته في درجات المشاركة يوم نده اسم واحدة شديدة ، وطوالي خت ليها ( شاركت) ، احتجينا وقلنا ليهو : يا دكتور ، فلانة دي غير موجودة اليوم ، فقال من تحت ابتسامة خبثة: شاركت بحسنها هههه . اخر محاضرة احتجينا نحن الاولاد علي درجات المشاركة لانها كانت حكرا علي بعض البنات، وبعد ان سمع دفوعاتنا قال قولة صريحة أصبحت مثلا: - أنا في الجامعة دي ما بعرف الا اسماء البنات السمحات ، ومابسال واحد في القاعة الا اكون بعرف اسمه .

حياك ود التاج
عرس الكيزان بتاع المصالح دا ما عرس ولا بكون فيه استقرار اسري
او تلقي واحد جارى ورا واحدة علشان فلوسة
دا راجل مفلس وماعندو رجولة ولا نخوة
الحب في كل الاحوال الصادق بغير حاجات كتيرة
حتى لو عاشوا بنوا حياتن قشة قشة زى ما بقولوا
السماحة حضورها مهم فى كل المحافل
ياخى الواحدة لو سمحة ولبست اي شي بسيط بظهر جمالها
لكن زول يكون شين مهما لبس ما بكون جميل
زكرتنى بي قصة الجامعة دى حكاية يا سيدة لا

Quote: كيفك يا وضاحة من حقو طبعا تانيا الزواج دا في مرحلة معينة وما بعدها لا يحفظه إلا حسن الخلق والاحترام المتبادل والفهم العميق لمسألة تكوين أسرة دي

مرحب حمد
اذا مافي حسن خلق
في قبح وعقد وعدم ثقة ؟

مرحبا وضاحة

يعجبنى المثل السودانى : ضل رجل ولا ضل حيطة .
والمثل المصرى : الراجل مايعيبوش إلا جيبه .
وقول الشاعر :

ليس الجمال بأثياب تزيننا *** إن الجمال جمال العلم والأدب

وقد قيل : جمال بلا حياء مثل وردة بلا عطر

أهم معايير الحُسن والجمال والشناعة والقبح هو : الاخـــــــلاق

على ذمة احد معارفي ان والدة زوجته اذا جاهم زائر يعرفونه و النسيبة تعتبره ( شين ) فانها لا تخرج للسلام عليه.
الاسرة عارفة كدا و متعايشة مع الوضع.

.

واحد مغترب تزوّج بالصورة .... ههههههههههه

رسلوا ليهو صورة واحدة وقام وافق على طول ... قام الجماعة فى السودان عقدوا ليهو
وبعد العقد نزل السودان يكمّل العرس

يوم الزفاف والحفلة شغّالة ( تـش ) لقى العروس شينة شناة العدو

وعاين لصاحبات العروس لقاهن كلّهن نجّاضات

نزل من جنب العروس زعلان ... يا الفاضلابى ..

ومسك صاحبات العروس واحدة وراء التانية ووقع فيهن جــضــّيــم ويقول للواحدة انتى يا ( مـعـفّـنـة ) ما رسلتى صورتك لييييييه ؟!

تحيات

نعم من حقه ان يتزوج ويعيش حياته بالطول وبالعرض وامسكي في كلام اخونا اسماعيل عبد الله ده وانسي الباقي والحياة بتمشي اكيد ما بتقيف وكمان استاذنا قباني قال كلام ملو وكل فولة ولها كيال والعرس قسمة ونصيب ,,,,, يعني هسة في داعي تحرجينا كده يا بتي هسة الواحد لو فكر يدبل بي واحده من المنبر ده اكيد حا ترفضو بعد بوستك المهبب ده هههههههههههههههههههههه غايتو عندك جنس محن يا بتي ...

تحياتي : ياسر العيلفون ....

Quote: انوم معه كيف !!؟

اطفى النور.....
المهم تعرسى ونرتاح منك.....

سلام وضاحة
وضيوفها
البوست دة يدي ما كلاني عليهو وزايغ منو
الحقيقة مريرة
الراجل بعيبو جيبو
دة مثل سوداني نسواني . تنميط عديل كدة
البنات هنا بعرسن الشين و ذو الاخلاق والسمعة الشينة والمواقف الوطنية الانتهازية وتتفاخر لأنو غنيان ومروق وهي عارفه كدة
الحقيقة السؤال معكوس بنفس التنميط
هل من حق الفتاة الشينة ان تعرس؟
ما دام هي عملت نفسها سلعة تشوف هل هي كسلعة مرغوبة
ختاما
مع أكيد المودة يا وضاحة
فهم أي زول ولا زولة للزواج والحياة بحدد اسس اختيارو
هو بعاين ليهو بياتو زاوية

Quote: انوم معه كيف !!؟

صدقيني النوم ماعندو علاقة بانو شين ولا سمح ..!!!

Quote: قال أبو العيناء ، وهو من الشعراء البغداديين الظرفاء : تعشقتني امرأة قبل أن تراني فلما رأتني استقبحتني فأنشدتها : وفاتنةٌ لما رأتني تنكرت *** وقالت دميمٌ أحول ٌ ما له جسم ُ فإن تنكري مني احولالا فإنني *** أديب أريب لا عييٌ ولا فدمُ فقال المرأة : ياهذا ، أنا لم أردك لتولية ديوان الزمام بل.... عاشقا ..

Quote: حضر قوم إلى الجاحظ فحضر إليهم غلامه فسألوه عن سيده فأجابهم: إنه في الدار فقالوا: وماذا يصنع ؟ فقال إنه يكذب على ربه ! فقالوا له وكيف ذلك ؟ فقال: إنه نظر في المرآة مليّاثم قال : أحمدك ربي لأنك صورتني جميلاً !

و الجاحظ مشهور بدمامته.......


بعيدا عن هذه النوادر لي بوست جاد جدا فى الموضوع يا وضاحة التحيز ضد الشناة و الشينين http://www.sudaneseonline.com/msg/board/72/msg/1138458422/rn/1.html

قالوا واحد ثري جدا ومتزوج
انضرب في السوق وفلس
الصباح بشرب في الشاي مع مرتو
قال ليهو مخلوعة
انت يا فلان من متين احوص

حبوبتي الله يرحمها كانت بتقول :

(( الراجل جيب ))

يعني يا وضاحة لو الراجل ما معروف ماشي ولا جاي ..
و عندو برادو ..

فـ دا ممكن يظهر كـ طوني كرووز في نظر البنوت ..

مع العلم انو البوست جارح لينا .. بس الحمدلله عرسنا ..
و بدون برادو كمان.. رايك شنو بالله ؟

تحياتي لكِ ولضيوفك

ما تجو تنظرو لى وتقولوا لى دى خلقت ربنا
ومنذ متى كان التأكيد على أن (دي خلقة ربنا ) تنظير ؟!

سلامات وضاحه والضيوف ..
بوست ظريف
الشين دا لو عندو قروش ما شين يازولة ولا شي هاهاها
الكلام البت الشينه كيف اتخيلي ماف بت شينة الزمن دا هههه
صحبي قال لي انت الجكس دا كلو بقو سمحات ولا طولت منهم ماعارف

تحياتي

شيخ عائلتنا واحد جدودنا
يبدو لي والله اعلم سيكون الان في الطابق السابع من الجنة
لولا هذا الرجل لكانت عشرات النساء من العائلة عوانس حتى الان
كان ناظرا ايام الانجليز
وتوفي في الستينات
وكلمته كانت واحدة
الرسالة يتزوجها حبيب الله
ست النفر تتزوج حاج ابراهيم
الشيخ ود البشير اديناهو حليمة بت حاج عمر
لاراجل يقدر يقول ماعاوز
ولا في اي ( مرة ) تقول عاوزة اكمل قرايتي
نحن وجدنا هؤلاء النسوة حبوبات كبااار
والله العظيم بفهم ومقاييس اليوم لن يتزوجن نهائي
والبقع ليها راجل شين
وتقول عاوزة تحرق نفسها
بجيب ليها الكبريت والجاز هو نفسه
طبعا نحن الحمد لله لقيناهو اتلحس
ولو كان حي جيلنا كله كان غرق في الترعة
انتحار جماعي بدل زواج جماعي


هجمة مرتدة
احد اصدقائي وسيم لحد ما
تزوج بنت خالته
وهي تغلب انصاف مدني في الشناة 8 صفر
المهم مشوا الاستديو اتصوروا
وجابت الصور للنسوان وصاحباتها
والنسوان عاد يعجبوك في المساخة والشماتة
اول ماشافن الصور قطعن ايديهن وقلن حاشا لله
والله العريس ماشاء الله عيونه حلوة
زولتك العروس جيطك جيطك قطعت الصور كلها
تقولي لي ياوضاحة لو كنا شينين مانعرس
قال نقع الاتراك قال !!!
الله يجازي مهند ونور
الخلعة الدخلوها فينا عمرها مابتطلع

هجمة ثانية
ماسمعتي الفرنسي الكان حاكمين عليهو بالاعدام
القاضي الفرنسي تفتقت في ذهنه فكرة عجيبة
وقال للمحكوم عليه بالاعدام
نحن قررنا فرنسا تستفيد منك
والان توجد 6 فرنسيات كبار في السن ولم يتزوجن
نفك العصابة السوداء منك
وتختار واحدة تتزوجها
ونطلق سراحك فورا
فصفق الحضور لهذا القرار الشجاع
عمك فكو العصابة السوداء منه وشاف النسوان
القاضي قال ليهو رايك شنو ؟؟
رد عليه .. اعدام !!!!

وضاحة وشركائها هذه كانت من أمتع المحاضرات التي حضرنا رونقها في ساحة النشاط عندما كنا برالمة نتلمس خطانا ما بين النشاط والمين روود وقاعة الون او تولقد استطاع عمر أومو بكلمات مختارة أن يلخص بعض من هذا الحقوقبل وضع بعض الاحترازات التي يمكن أن تكون لازمة في حالة ظهور مثل هذه الأعراضيرى عمر أومو أن الطالبة الشينة وإن تم قبولها في كليات الجامعة فيجب أن تحجب شناتها عن بقية الطلبةمتسائلاً كيف أذنت لنفسها بعرض الشناة المرة على الناس في وضح النهار؟ربما يرى البعض أن الشناة صفة عقابية بل ربما هيئة مغايرةكانت الأمثال كثيرة التي جاء بها المحاضر المتفرد المتمكن من طرح موضوعهولكن الإندهاش عندنا نحن البرالمة كان أكبر خاصة بعد أن سنحت الفرصة لمن يطل منهن جاهلة بأنها سوف يشار إليها في تلك المحاضرةيرى عمر اومو ضرورة مصادرة حقوق عرض الشناة على الطلاب البريئين أما إذا كانت الشناة مقرونة بصفات أخرى منها اللئامة فذاك عارض يمنع وجود حقوق عرض الشناة المقرونة باللئامةومهما كانت طبيعة الطرف الآخر وتقبله لن يتاح للشين اللئيم أية فرصة لنيل حقوق دون أن يغمض الطرف الآخرفإن إعراض الشين اللئيم من عرض نفسه للزواج ربما يكون من باب كف الأذى

القصة دي لاقتني في مكان ما, ليست عن نفس موضوع البوست لكن لها علاقة بشكل أو بآخر خاصة أنّها تتناول موضوع الجمال - لكن عند المراة :

Quote: Pretty girl in search of rich husband gets reality check from 'J P Morgan CEO' Offbeat | Written by Gitanjali Roy ' NEW DELHI: Some years ago, a 25-year-old gold-digger in search of a rich husband stuck her neck out on Craigslist New York asking for tips on landing Mr Moneybags. Ms Pretty, as she called herself, was rewarded by a letter from someone claiming to be the CEO of J P Morgan (never verified) containing a pill so bitter that she took herself and her post off Craigslist. The internet being what it is, however, has kept Ms Pretty's plea and the businesslike deconstruction of her worth as a rich man's potential mate alive and in social media circulation. Seven years after Ms Pretty slunk away tail between legs, the supposed J P Morgan CEO's advice still holds good for others of her tribe. It's also really funny. Ms Pretty's quest to cash in: I'm going to be honest of what I'm going to say here. I'm 25 this year. I'm very pretty, have style and good taste. I wish to marry a guy with $500k annual salary or above. You might say that I'm greedy, but an annual salary of $1M is considered only as middle class in New York. My requirement is not high. Is there anyone in this forum who has an income of $500k annual salary؟ Are you all married؟ I wanted to ask: what should I do to marry rich persons like you؟ Among those I've dated, the richest is $250k annual income, and it seems that this is my upper limit. If someone is going to move into high cost residential area on the west of New York City Garden(؟), $250k annual income is not enough. I'm here humbly to ask a few questions: 1) Where do most rich bachelors hang out؟ (Please list down the names and addresses of bars, restaurant, gym) 2) Which age group should I target؟ 3) Why most wives of the riches are only average-looking؟ I've met a few girls who don't have looks and are not interesting, but they are able to marry rich guys. 4) How do you decide who can be your wife, and who can only be your girlfriend؟ (my target now is to get married) Ms. Pretty The answering salvo: Dear Ms. Pretty, I have read your post with great interest. Guess there are lots of girls out there who have similar questions like yours. Please allow me to analyse your situation as a professional investor. My annual income is more than $500k, which meets your requirement, so I hope everyone believes that I'm not wasting time here. From the standpoint of a business person, it is a bad decision to marry you. The answer is very simple, so let me explain. Put the details aside, what you're trying to do is an exchange of "beauty" and "money" : Person A provides beauty, and Person B pays for it, fair and square. However, there's a deadly problem here, your beauty will fade, but my money will not be gone without any good reason. The fact is, my income might increase from year to year, but you can't be prettier year after year. Hence from the viewpoint of economics, I am an appreciation asset, and you are a depreciation asset. It's not just normal depreciation, but exponential depreciation. If that is your only asset, your value will be much worse 10 years later. By the terms we use in Wall Street, every trading has a position, dating with you is also a "trading position". If the trade value dropped we will sell it and it is not a good idea to keep it for long term - same goes with the marriage that you wanted. It might be cruel to say this, but in order to make a wiser decision any assets with great depreciation value will be sold or "leased". Anyone with over $500k annual income is not a fool; we would only date you, but will not marry you. I would advice that you forget looking for any clues to marry a rich guy. And by the way, you could make yourself to become a rich person with $500k annual income.This has better chance than finding a rich fool. Hope this reply helps. signed, J.P. Morgan CEO

"يا جماعة انتو نسيتو كلام الشيخ فرح ود تكتوك ولا شنو ؟ املا ليها مصرانا وحك ليها عرانا شوفا كان تطرانا ... "

الشيخ فرح ده عاش قبل 500 سنة !
مداخلة سخيفه جدا وسمجة هي وسابقتها وتدخل تحت باب التحرش
غالبية الزميلات في المنبر اوقفوا نشاطهم بسبب نوعية هذه المداخلات

Quote: مداخلة سخيفه جدا وسمجة هي وسابقتها وتدخل تحت باب التحرش غالبية الزميلات في المنبر اوقفوا نشاطهم بسبب نوعية هذه المداخلات

تماماً
دة بكون شامى بنزين...

Quote: يا ابو الانصار النوم حسب القوم. هههههه اذا القيام عمودي ما في عوجة تب.

هههههههه
يا اسماعيل
المقاييس (الفعالة) دي يتشتغل بعد الزواج بفترة بسيطة، وتنزوي مقاييس الوسامة وهلمجرا

هاك دي

Quote: نظر رجلٌ إلى امرأةٍ جميلة سريّة، ورجلٌ في دارها دميم مشوّهٌ يأمر وينهي، فظنَّ أنّه عبدها، فسألها عنه فقالت: زوجي. قال: يا سبحان الله، مثلك في نعمة الله عليك تتزوَّجين مثل هذا؟ فقالت: لو استدبرك بما يستقبلني به لعظم في عينك. ثم كشفتْ عن فخذها فإذا فيه بُقع خُضْر، فقالت: هذا خطاؤه فكيف إصابته.

والبقع ليها راجل شين وتقول عاوزة تحرق نفسها بجيب ليها الكبريت والجاز هو نفسه
طبعا نحن الحمد لله لقيناهو اتلحس ولو كان حي جيلنا كله كان غرق في الترعة انتحار جماعي بدل زواج جماعي
المصدر : http://sudaneseonline.com/board/490/msg/%d9%87%d9%84-%d9%85%d9%86-%d8%ad%d9%82-%d8%a7%d9%84%d8%b2%d9%88%d9%84-%d8%a7%d9%84%d8%b4%d9%8a%d9%86...8%9f-1491493293.html

ههههههههههههههههههههههههههههههههههههههههههههههههههههههه
حبيبنا أبو حراز .. موتنا بالضحك ياخ

الملكة وضاحة .. يازولة اي شين .. اديهو في حنانه زاطوووووو ..

ههههههههههههههههههههههههههههههه

هل من حق الزول الشين ان يتزوج ؟

سؤال لا يشبه أسئلة البنات ..

ياوضاحة
واحدة سمعت بى راجلة عرس فوقة اتصلت علية
واقنعتو ان الموضوع طبيعى جدا وماياخد فى خاطرة
الراجل جاء وحينما اطمأن على الوضع فرش
الصلاية وبدأ يصلى
قومى يالمرا مدى راسك بحيطة جارتةوصيحت
يافلانة كدى ناولينى الفرار
الراجل قطع صلاتو والتفت عليها أثناء الركوع
يا ولية الفرار دايراهو لى شنو قالت ليهو
يا راجل الليلة جنيت الفرار فرارنا عاوزة اكسر بيهو حطب

أعتقد أن من حق أخواتنا المبادرة والاشتراك في طرح أي موضوع لا يخل بقوانين المنبر
ومن حقهن علينا أن نحترم اسلوبهن وأن نخاطبهن بلغة لائقة كما نخاطب اخواتنا في البيت
صاحبة البوست بفتحها للبوست لم تسئ لأحد في البورد ،
ولم تطلب تداخل من لايقدرون وجهة نظرها أو يفهمون اسلوبها
ورغم ذلك جاءت بعض المداخلات خبيثة منحطة ، نتنة عديمة الأدب ،
لا ترقى لمستوى نقاش في انداية ناهيك عن توجيهها لسيدة في منبر محترم
احترموا انفسكم شوية ، وخاطبوا انفسكم قبل ان تبذلوا سفاهاتكم في الانترنت
وان كان لابد من هكذا سفاهة ، فصاحب المنبر لم يحرم احد من حق فتح بوست
أي كان اسلوبه أو ما يحمله من تلميحات سمجة ، بشرط أن (يرجل) ويتحمل تبعاته.

إستغربت شديد لما شفت البوست وزال إستغرابي عندما قرأت الردود فحقاً كيفما ما تكونوا يولي عليكم
مفاهيم ذي الجمال ما من السهل الإبحار في لجاجها وعلاقاتها
المهم في البتوم لاين لا أرى في البوست أكثر من محاولة مكايدة

الأخت وضاحة وضيوفها الكرام.. سلام،

بوست يقدم مادة خصبة وغنية لأراء عينة (مستنيرة) .. قد تكون مفيدة جداً للباحثين في أكثر من موضوع من الموضوعات الاجتماعية..
----
هنيئاً مريئاً لهم...
ومن يسيء فإنما على نفسه.. فكل الصيد في جوف الفراا

Quote: أعتقد أن من حق أخواتنا المبادرة والاشتراك في طرح أي موضوع لا يخل بقوانين المنبر ومن حقهن علينا أن نحترم اسلوبهن وأن نخاطبهن بلغة لائقة كما نخاطب اخواتنا في البيت صاحبة البوست بفتحها للبوست لم تسئ لأحد في البورد ، ولم تطلب تداخل من لايقدرون وجهة نظرها أو يفهمون اسلوبها ورغم ذلك جاءت بعض المداخلات خبيثة منحطة ، نتنة عديمة الأدب ، لا ترقى لمستوى نقاش في انداية ناهيك عن توجيهها لسيدة في منبر محترم احترموا انفسكم شوية ، وخاطبوا انفسكم قبل ان تبذلوا سفاهاتكم في الانترنت وان كان لابد من هكذا سفاهة ، فصاحب المنبر لم يحرم احد من حق فتح بوست أي كان اسلوبه أو ما يحمله من تلميحات سمجة ، بشرط أن (يرجل) ويتحمل تبعاته.

تسلم بن عمى ,, عبرت عنى ,, ولما كنت لا اجد الوقت الكافى هذه
الايام ,, اكتفى بردك ,, واقول للملكة ,, واصلى فى البوست ,, ولا تأبهى
لمن لايحترم نفسه ,, فكل اناء بما فيه ينضح.

اسع انا شايف كيم كارداشيان العاملة ضجة دي شينة شنا مُرة

والله يا هيثم غلطان ياخ
شنا مرة كمان .. عليكم الله شوفو اللعوج دا ؟؟؟

الجمال جمال الروح

سلام وضاحة ... والله المقياس بالجد التقوى ...سمعتي بي قصة الصحابي جليبيب قصير فقير ودميم احبه الرسول ودفنة بيده ورأه مع الحور العين في الاخرة بالرغم من ان الرسول عليه الصلاة والسلام خطب له ووافقت احداهن بالرغم من تعنت ابويها ولكنه سبقها الى رب كريم باريء وكان يقينه "يا رسول الله ، من يزوجني ؟ وأنا كما ترى لا بيت ولا مال ، ولا شيء من هذا القبيل اذاً تجدني كاسداً يا رسول الله ، من يأخذني ؟ من يقبل أن يزوجني ، لا شكل ولا مال ؟ فقال عليه الصلاة والسلام : غير أنك عند الله لست بكاسد ... بالجد التوجيه النبوي (من ترضون دينه وخلقه (بضم الخاء) فزوجوه ولم يقل او يضيف خلقه (بفتح الخاء) وبعدين النماذج كتيرة بتاعت بيوتي اند زا بييست في دنيانا متجاوزين الحق الى ما بعده ... هي اقسام وضاحة وان شاء الله قسمتك تكون رباعية

Quote: ازيك ياملكة ,, القول ماقاله قبانى

حباب المك الفاضلابي
يحي
الزيو منو
نوع يحي دا زاتوا ما النحن بفتش لي

Quote: ما يراهو البعض قبيحاً يراهو البعض الاخر جميلاً رجل جميل جداً متزوج من سيدة قبيحة جداً فقال له احدهم ان الناس يقولون انك وسيم جداً ولكن زوجتك قبيحة فكان رده لأنهم لم يروها بعيوني الجمال نسبي يا وضاحة اسع انا شايف كيم كارداشيان العاملة ضجة دي شينة شنا مُرة ثم لك ولضيوفك التحيات

Haytham Ghaly

حياك
هههههههههههههههههههههههههه
حكايتك دى زكرتنى جدتى الله يرحمة
كانت مرة سمحة وطووويلة وبيضاء ولحدى ما ماتت شعرها ابيض وطوووويل في نص ظهرها
عندى ود عمى حب لى واحدة شينة جدا وهو وسيم وسامة سيدنا يوسف هههههه
اها اصر يتزوجها وهو مع وسامتوا دى وعيونوا كبار لكن لبس نظارة بتاعت نظر
المهم
جدتى رفضت وقفت لى وقفة شديدة
قالت لى لو جبت اولاد وخاصة بنات بشبهوا امهم دى البعرسن ليك منو
قام قال ليها يا امى اديك عيونى تشوفيهم بيها
قالت لى انت كان بتشوف كنت لبس نظارات


ههههههههههههههههههههههههه
الزول الشين النفس بتقبلوا زاتوا كيف؟

التحية والإحترام سآخد الموضوع مأخذ الجد وإن كان المقصود المزاح إذا كان ماورد في البوست سليم إذن لماذا نستنكر العنصرية؟ بفهم أن البيض يبدون أجمل شكلا من السود أليس كذلك؟ هذه كلها تندرج في عدم قبول الآخر وقد يُحدث الشخص نفسه بها لكنها لا تصلح للنشر علي الأقل مراعاة لمشاعر من يقرأ هذا البوست وينطبق عليه الوصف! هذا من باب التمييز بين الناس علي أساس الشكل أو اللون أو الجنس أو العنصر أو الحجم أو الدين أو اللغة .. الخ وهو غير مقبول في عالم اليوم عدم الحساسية تجاه الآخر مشكلة كبيرة

نعم يا وضاحة
كما من حق الزولة الشينة أن تتزوج!!
..
وتتزوج كمان زوج أجمل الجميلات!!..

الامير شارلز ياها دي زولتو
الليدي ديانا صراحة مابتشبه قصر باكنغهام

سلامات...

ادناه: منقول من الراكوبة ...وكمان في نفس السيق:


قدمت سيدة هندية متزوجة حديثاً على تحطيم رأس زوجها بحجر كبير ، في أول أسبوع زواج لهما ، عقب مشاجرة دارت بينهما ، لأنه غير وسيم.

وأكدت الشرطة الهندية ، أن المرأة بدأت تكره زوجها الذي يعمل نحات أخشاب ويبلغ من العمر 25 عامًا، بعدما قال لها أقاربها وصديقاتها إنه غير وسيم ولا يستحقها.

اؤيد الاخ ابو حراز جدا : لامير شارلز ياها دي زولتو الليدي ديانا صراحة مابتشبه قصر باكنغهام

الدوقة كاميلا ...دوقة كورنوول .. فعلا امراة رويال بمعني الكلمة ولا يمكن ان تساويها ديانا في الروياليتي ..
لقد تحدثت معها مباشرة وجها لوجه مباشرة ولمدة لخمس دقايق عند افتتاحها لمشروع كبير ..قبل 5 شهور.
وقد .لمست منها قمة التواضع واالتهقدير الترتيب والهدوء وكل الرويال تتش

تحية لوضاحة وكل الضيوف
وضاحة
تاورك الضرس؟
__
الحليلة

كتبت وضاحة :

Quote: انت ما سمعت بالوجه الصبوح انوم معه كيف !!؟

هل وصل المنبر الى هذا الاسفاف ؟

أختنا وضاحة

أعتقد السؤال في حد ذاتو غير متوازن :-)

مقاييس الشنا والجمال متباينة ونسبية وإلا ما في شين أو شينة تحققت لهم حياة زوجية، فالمسألة قياسية، فمثالاً هناك من الممثلين والمذيعين يُقال أنهم سمحين ووجيهين لكن هناك من يراهم قبح الحجر الذي أصابته التعرية

Quote: يبقن عليسه اثنين؟ شناة و عدم زواج؟ حرااام و الله

محمد عبد الله
يحتسب بث

وضاحة الله يسامحك ياختي
دحين ما عصرتي علي شديد؟؟
حكم الله رضينا بيه تاني شنو عاد؟

Quote: مساء الخير غايتو بتفق معاك...ماهو كمان ما ممكن يبقن عليهو مصيبتين شناة....وعرس كفاية عليهو مصيبة واحدة:)

Hatim Alhwary
ههههههههههههههه
مش كده

اشكركم يا احباب على الحضور الجميل
واستاذنكم ارد على الحليلة وارجع ليكم واحد واحد

Quote: تحية لوضاحة وكل الضيوف وضاحة تاورك الضرس؟ __ الحليلة

الحليله
فرعون اتبعه قومه فاوردهم النار واللعنه
ومن وكر الثعالب لا يخرج الا المكر والخبث
ونجا الذين اعتصموا باصلهم وعقلهم واهل الحق
ولا يحيق المكر السيء الا باهله
وكل انسان ربنا بدي حسب نيتو
والدال على الخير كفاعله وكذلك الدال على السؤ
والضرس المسوس قلعنا زمااااان ورمينا
ونبت في مكانو واحد اقوى وانضر واحلا واجمل
ولله الحمد

وضاحه ازيك
أهديك الأبيات أدناه من قصيدة الطلاسم للشاعر الفذ ايليا ابو ماضي

رب قبح عند زيد هو حسن عند بكر

فهما ضدّان فيه وهو وهم عند عمرو

فمن الصّادق فيما يدّعيه ، ليت شعري

ولماذا ليس للحسن قياس؟

لست أدري!

وضاحه ازيك
أهديك الأبيات أدناه من قصيدة الطلاسم للشاعر الفذ ايليا ابو ماضي

رب قبح عند زيد هو حسن عند بكر

فهما ضدّان فيه وهو وهم عند عمرو

فمن الصّادق فيما يدّعيه ، ليت شعري

ولماذا ليس للحسن قياس؟

لست أدري!

Quote: الحليله فرعون اتبعه قومه فاوردهم النار واللعنه ومن وكر الثعالب لا يخرج الا المكر والخبث ونجا الذين اعتصموا باصلهم وعقلهم واهل الحق ولا يحيق المكر السيء الا باهله وكل انسان ربنا بدي حسب نيتو والدال على الخير كفاعله وكذلك الدال على السؤ والضرس المسوس قلعنا زمااااان ورمينا ونبت في مكانو واحد اقوى وانضر واحلا واجمل ولله الحمد

مرحب وضاحة في بيتك
لقيتك خطيرة جداً في حكاية التنقل من القاينا والأوبيستيتركس
للدينتستري وخلع الأضراس المسوسة ،الله إستر ما نلقاك بكرة في الكارديو
المهم تاني الضرس مافي ليو طريقة متاورة
الشكر موصول مجددا لك للكرم احاتمي في الرد وأعتذر عن التأخر في هذا التعقيب
يلا لي قدام
* عندنا عمنا عنده حكمة، إقول ليك "الوصية بالمهلة" المرة الجاية أفرزي لينا التاءات المربَّطات من الهاءات السغار
__
الحليلة

العزيز سامر دوشه
تحياتي
يا زول ما تتكلمو بي اسم البنات
والله مافي بنت بتقبل زول شين الا تكون مجبوره
والقروش عرض زائل ما بتعول عليهو الا واحده ما عندها فهم
شفت نكتة ابوسن يوم ما يفلس ح تطلع كل العيوب الفيهو وكانت ساكته عليها
لانها ما حبتو ولا احترمتو ولا ارتاحت ليهو في يوم

العزيز سامر دوشه
تحياتي
يا زول ما تتكلمو بي اسم البنات
والله مافي بنت بتقبل زول شين الا تكون مجبوره
والقروش عرض زائل ما بتعول عليهو الا واحده ما عندها فهم
شفت نكتة ابوسن يوم ما يفلس ح تطلع كل العيوب الفيهو وكانت ساكته عليها
لانها ما حبتو ولا احترمتو ولا ارتاحت ليهو في يوم

Quote: وهل عليه الا يتخطى حدوده ويتزوج على قدر شناتوا ؟

سلام الدكتورة وضاحة،
هل تقصدي أن يتزوج أو تتزوج زولة أو زول شين زيو؟

Quote: سلام الدكتورة وضاحة، هل تقصدي أن يتزوج أو تتزوج زولة أو زول شين زيو؟

حولااااااااااا
لمحت الاسم وجيت جاري بس

السلام عليكم
كتب الاخ حمد عبد الغفار :"تانيا الزواج دا في مرحلة معينة وما بعدها لا يحفظه إلا حسن الخلق والاحترام المتبادل والفهم العميق لمسألة تكوين أسرة دي " مفروض يكتب بماء الذهب ويعلق على مدخل هذا البوست


كذاك كلام الريس ابو جهينة القال فيهو :

"الجميلات المتزوجات من ( راجل شين ) ، بيكونن دائما متسلطات عليه و شخصيتها طاغية عليه وكلامها أوامر ، كأنّ قبولها منه وهو يرفل في هذه الشنا ، هو نوع من ( المِنّة ) ... لذا يكتفي الزوج هنا بالعيش في كنف ( السماحة ) راضيا بسيطرتها التامة ..."
___________
:يقول الجاحظ : كنتُ امرءاً دميماً داهيه فتزوجتُ امرأة حسناء رعناء ليكون اولادنا في دهائي وحسنها,ف خرجوا في دمامتي ورعونتها

قبل سنوات قريت مقال للاستاذ الشاعر عبدالوهاب هلاوي بيتكلم فيهو عن السماحه والشنا والعرس فقال :
مرات الشين يعرس شينه ويبقوا قردين في جنينه ومرات الشين يعرس سمحة وزي ما في المثل كل كنز حارسو شيطان

اخيرا اميل الى كلام ود البشرى وفعلا دكتورة وضاحة يبدو عليها البراءة وصغر السن وقلة التجربة

Quote: وهل عليه الا يتخطى حدوده ويتزوج على قدر شناتوا ؟

حليل (الدكترة) كان هي صحي!!!!

Quote: حليل (الدكترة) كان هي صحي!!!!

"كبار العقول يناقشون الأفكار،متوسطي العقول يناقشون الأحداث،صغار العقول يناقشون الأشخاص"
بقج الغبائن تعيق نمو العقل

وضاحة وضيوفه الكرام
لكم مني التحيه
بوست مميز وتناول جميل وسلس في الغالب الاعم

كلنا بنحب الجمال وننجذب له ونكره القبح ونفر منو
والنفس ترتاح لرؤية الجمال ويزول ما بها من كأبة
زي ما بنقول حاجه تفتح النفس
وتكره النفس القبح
يعني ممكن رؤية المنظر القبيح توترك وتخرب مزاجك اليوم كلو
وقالو صابحني دايما مبتسم
دي طبيعة البشر وفطرتهم السليمه الما عليها اختلاف
يبقى الفرق في تذوق الجمال والاحساس به
او البنقول عليهو اختلاف الاذواق
والجمال ظاهري او مادي شوف وسمع
وداخلي احاسيس ومشاعر واخلاق وعاطفه نبيله واهتمام واحترام وسلوك
ودا البنقول عليهو جمال الجوهر او الروح
وبي نفس الدرجة القبح او الشناة
ظاهرية في الشكل واللبس والرائحه
وداخليه سؤ سلوك ولؤم وحسد وحقد وفظاظه وانانيه وبخل وسلوك وعدم اخلاق
واحيانا يخدعنا المظهر الخارجي فننجذب ولكن نتفاجاء بكمية القبح الداخلي
واحيانا ننفر من الشكل الخارجي ولكن عندما نقترب نتبين جمال داخلي يجذبنا وياسرنا
المهم
الانسان بحب الجمال ويكره القبح والشناة
ومافي زول يقبل مختار يرتبط بي زول شايفو شين سواء شناة جوهر او مظهر
والشناة ما حبابه

سلام يا سيد علي الفكي،
الكلام عن أشكال البشر بهذه الطريقة يفتقد للانسانية ولحقوق الناس في ممارسة الحياة.
المداخلة الأولى من البوست تتحدث بوضوح لا يداخله شك ان موضوع البوست هو الشكل الخارجي للبشر.
حين وقعت عيني على عنوان البوست، بسرعة تذكرت مواصفات هتلر للجنس الآري

Quote: ممكن يلاقيك زول في الحياة أو حتى في الأسافير دي وتنبهر بيه تشوف مافي أحسن منه ثقافة وعلم وأخلاق وسرعة بديهة يعني زول مثالي تماماً لدرجة تختو مثل أعلى .. لو الظروف لمتك بالزول دة وسكنتو سواء مثلاً حتكتشف إنه شخص عادي جداً يأكل الطعام ويمشي في الأسواق وما فيه أي حاجة مميزة لو أي واحد فيكم راجع مسيرته خلال الجامعة بتذكر كمية الناس الانبهر بيهم في البداية ثم اكتشف إنهم عاديين بل وناس بيض أحياناً بالنسبة للجمال فالشكل بروح بالولف .. لو الواحد عرس ملكة جمال العالم وبقت قاعدة في وشه شهرين حيتعود على شكلها ويصبح عادي بالنسبة ليه ولو عرس واحدة شينة قردة بس بعد شهرين بتعود على شكلها دة ويألفه ويبقى ليه عادي بعد فترة من الزواج الشكل بروح وبفضل حسن المعشر وبالمناسبة كل الأزواج اللاقوني بلعبوا بي وراء زوجاتهم كانوا بخونوهن مع واحدات أقبح منهن بمرااااااحل

العزيز احمد عمر
شكراً نبيلاً على اضافتك الثره
حقيقه كثير من الناس تسقط عنهم الاقنعه مع مرور الوقت
او تتغير نظرتنا لهم مع ازدياد خبرتنا وتجربتنا في الحياة او عندما نقترب منهم اكثر
والاسافير باعتبارها اصبحت واحده من ادوات التواصل والتعارف بين الناس
تلقى فيها كثير من الناس يظهر من خلال الكيبورد بمظهر جميل
وهو في الواقع غير ذلك وبالتالي ينخدع فيه الناس
واحياناً يدعوك شخص تثق فيه للتعرف على شخص بعد ان يزكيه عندك
ويكون كون فكره زاهيه في عقلك عنه
فتتعرف عليه وتقترب منه بحكم الخلفيه الزاهيه التي رسمها صديقك له في ذهنك
وهو نفسه في بداياته يرتدي اقنعه براقه تجعله مقبول لك
ومع مرور الوقت وكلما اقتربت منه تظهر لك الاقنعه
وتكتشف قبحه وفي البدايه تعزي الامر لسؤ تفاهم او حالة مزاجيه طارئه
ولكن مع مرور الوقت تكتشف ان اللؤم والسؤ والوضاعه والانتهازيه صفه اصيله فيه
واكثر ما يؤلمك انك تكون اكتشفت ان صديقك الذي وثقت فيه خدعك وحاول غشك وتوريطك
ولكنها تجربه تكون اسقطت القناع عن الاثنين في وقت واحد
والحياة مدرسة نتعلم منها الكثير
ونستفيد من تجاربنا فيها
دمت بخير

Quote: الشناة ... شناة الجيب والاخلاق ... يا زولة وافقي طوااالي ... عااالم بطااالة ...

مجيدوووو
ياما في ناس بسيطة وجيبوها فاضية
لكن قلوبة عامرة بالحب والحنان وصدق الاخلاق
لكن الزول البكون شين خلقة واخلاق
البخل بكون صفة اصيلة فيه والاخلاق معدومة
النوع دا اخير منو البورة
كاااااك يا مجيدووو
نصوم نصوم ونفطر على قرقوش

Quote: سلاما ت لصاحبة البوست والله حقو الشن يحترم نفسو مافي داعي للشلاقة تلقي الواحد قبيح ويتمني يعرس قمرة ..مع العلم كل شئ قسمة ونصيب لكن الشين يحترم شناتو وماف داعي لاحراج

باسط يا مكى
هههههههههههههه
في نوع كده عندو ثقة شديدة في نفسو
عجبنى تعليق احد الاحباب هنا قال
( ومرات الشين يعرس سمحة وزي ما في المثل كل كنز حارسو شيطان )

وبمرور الزمن حا تشوف الشيطان وتكتشف السؤ الفيه والؤم والقبح وتهرب وتنقذ نفسها:

Quote: والله يحي الشنة ما بحبها وبخاف من الزول الشيئن انت ما سمعت بالوجه الصبوح انوم معه كيف !!؟ المصدر :

الموضوع دة موضوع نسبي جداً مثلاً عرب الخليج بفتكروا السودانيات ديل no go area وغاية في الشناء و يستحيل يعاينوا ليهم !
لكن أهل السودان مقتنعين أنه بناتهم حلوين و دة بسبب "مركزية" تحديد معايير الجمال: يعني المعايير الغربية بتاعت اللون الأبيض و الشكل المعين
الذي تسوقه مجلات و و سائل إعلام أجنبية. يعني لو الناس إقتنعت بي روحها ما حتلقي أشكالها شينة!
و الكلام ما تنظير ساكت لأنها دة مشكلة حقيقية و من زمان الناس قالت "شكل البنت بحدد مستقبلها المهني" حتي في التوظيف ستجدي بعض المدراء لا يطيقون الشينات
و عايزين ما يسمي بالوجه الصبوح! لكن ما ذنب البنات في مهمة إستيعاب رغبات الرجال و أمزجتهم عشان تفضيل أو زواج- الأمر مجحف جداً !!
و لكنه حقيقي و لو في زول عمل بحث شكل الناس-خاصة البنات- حيكون عامل مهم في حالاتهم الفرامية/الزواجية و السبب الأساسي بالإضافة لقصة البرمجة الإعلامية حقيقة
جنسانية الرجال التي يحركها الشكل أكثر من أي عامل آخر، علي الأقل في التجارب الأولي و بعد ذلك الكثيرون يتعلمون أن الشكل ليس كل شيئ و أكيد توجد صفات أهم بكثير جداً !!

Quote: أقدمت سيدة على رفع عريضة طلاق في مواجهة زوجها بحجة أنه غير وسيم. وقالت الشاكية عند مثولها أمام المحكمة الشرعية بحري، ومثل لها الادعاء الأستاذ "الفزاني" بأن زوجها غير وسيم، وأنه يعاملها معاملة قاسية وعند استجواب الزوج أمام المحكمة استنكر الزوج رفع الدعوى وذكر للقاضي أن زوجته قد وكلت محامياً أقبح منه، وأن الأمر لا يحتاج لرفع دعوى، وقام بتطليقها أمام المحكمة بالثلاثة والتزم بسداد ما عليه من نفقة . اخبار السودان اليوم

Nasser Amin
المسكينة دى ما شافتوا قبل تتورط في
اتزوجتوا عن طريق النت رسم ليها صورة جميلة وقال ليها انا شاب عمرى 33 سنة وطلع عجوز اربعيينى
واكتشفت شناتوا متاخر
يا حليلاتا ما عندها خبرة

Quote: يعني يا وضاحة تبقى عليهو شناة وبووورة كمان :) عارفة الناس الكبار عندنا في الحلة اجتمعوا وقالوا يوحدوا المهر عشان الشباب يعرس عندنا عمنا زول حكيم قال ليهم: لا .. توحيد مهر لا الجماعة : ليه يا حاج! عمنا: يا ناس لو وحدتوا المهر دا تاني مافي بت شينة بتعرس :) والاولاد بعزلوا البنات السمحات ويخلوا الشينات يبورن الجماعة: اها يا حاج والدبارة شنو؟ عمنا: شوفوا يا ناس انا بقول رأي زي بناتي انا خلوا مهرن 7 ب مليون وزي بنات فلان دا خلوهن ب 5 مليون وزي بنات فلان داك خلوهن ب 2 مليون هههههههههه طبعا هو ما قالها بالطريقة دي ... ولو قلتها ليك بطريقتو سيتم تصنيفنا ضمن العنصريين :) المهم يا وضاحة الظاهر اتقدم ليكـ واحد شين يا عملات مجيدووو وبالمناسبة دي اهديك هذا الرابط من الارشيف

ايمنوووووف
لا يتزوج لكن من نفس البراند
ما يتطاول ويطلب قمر وهو ابو الدرداق
عمكن حكيم وفاهم وعادل ونظرتوا بعيدة
مشكور على الرابط
هههههههههههههههه
اهم شي الشعر الطوووويل والناعم زى ريش النعام
تفرش وتتدردق
البياض بضوى ليك باليل
والطووووول سمح هيبة وقامة
جنى وجن الراجل القصير المصلع
والرجول تكون متبرة مزينة بي حجل
كااااك يا ايمنوف

Quote: سلام وضاحة والمتداخلون هل من حق الزول الشين أن يتزوج ؟ أكيد له الحق ، لأنه إن لم تقبل به إحداهن من الجميلات لوظيفته أو لماله أو لحسبه ونسبه ، فإنه حتما سيجد من هي أقل منه في الشنا وبهذا يكون الفارق بينهما في المظهر أقل نسبيا فتنزاح أسباب الرفض وتزداد نسبة القبول. تخريمة : الجميلات المتزوجات من ( راجل شين ) ، بيكونن دائما متسلطات عليه و شخصيتها طاغية عليه وكلامها أوامر ، كأنّ قبولها منه وهو يرفل في هذه الشنا ، هو نوع من ( المِنّة ) ... لذا يكتفي الزوج هنا بالعيش في كنف ( السماحة ) راضيا بسيطرتها التامة ... والله الموفق

الحبيب العزيزابو جهينه
الشناة ذاته انواع شناة شكل وشناة اخلاق
فالجامع الاثنين حراام يظلم ليهو واحده
والضعف نفسو نوع من انواع الشناة عند الراجل
ومن اضرار الشناة عدم التفاهم والانسجام البتنتج عنو السيطره

Quote: سلام وضاحة والمتداخلون هل من حق الزول الشين أن يتزوج ؟ أكيد له الحق ، لأنه إن لم تقبل به إحداهن من الجميلات لوظيفته أو لماله أو لحسبه ونسبه ، فإنه حتما سيجد من هي أقل منه في الشنا وبهذا يكون الفارق بينهما في المظهر أقل نسبيا فتنزاح أسباب الرفض وتزداد نسبة القبول. تخريمة : الجميلات المتزوجات من ( راجل شين ) ، بيكونن دائما متسلطات عليه و شخصيتها طاغية عليه وكلامها أوامر ، كأنّ قبولها منه وهو يرفل في هذه الشنا ، هو نوع من ( المِنّة ) ... لذا يكتفي الزوج هنا بالعيش في كنف ( السماحة ) راضيا بسيطرتها التامة ... والله الموفق

الحبيب العزيزابو جهينه
الشناة ذاته انواع شناة شكل وشناة اخلاق
فالجامع الاثنين حراام يظلم ليهو واحده
والضعف نفسو نوع من انواع الشناة عند الراجل
ومن اضرار الشناة عدم التفاهم والانسجام البتنتج عنو السيطره

سلام وضاحة
والله الدنيا فيها عجايب اعرف كمية من الناس وقابلتهم
ما في اي وجه شبه بينه وبين زوجتو يعني الموضوع
قسمه ونصيب
اديك النكتة دي

واحد شين شديد خلاص سأل صاحبه نفس السؤال
انوا اي زول شين ممكن يتزوج فصاحبه رده علي
نعم المانع شنو طالما ما عندو قروش فطوالي قام
قال ليه يعني انا ممكن اتزوج فرده عليه صاحبه
ياخي انت كمان ما تبالغ ....
تحياتي

Quote: وبمناسبة في الضواحي وطرف المدائن الكاتبه عمر التاج نهدي ليكم الأغنية دي.. أما التعليق فغدا .... وهي هدية الوداع غدا.. وسننتهي من آخر فقرة في الفصل الأول في البوست الروعة عن توثيق مدينة عطبرة للأستاذ الهادي الشغيل ونودعكم .. لكن قبل الوداع عندي تعليق في هذا البوست الظريف كظرفكم. مع عاطر التحيات امتثال.

امتثال يا حبيبة
يا الطبيعه الواديك ساكن
مشكوره على الهديه
البتشبهك في الروعه
ومنتظرين رأيك واضافتك الاكيد فيها الجديد الجميل

Quote: واحد (شين) قال لاخته: غضضت بصرى عن النساء كى يغض الرجال ابصارهم عنك. فقالت له: شاحدة ربى يعميك جد جد ,, اصلك من يومك عارِض عامل دقنك الـ زى التيس دى. وانا اقول البورة الأنا فيها دى من شنو؟ الملكة عاوزة تصادر حق الشينين فى العرس شاحد ربى يعرسك واحد وشيهو زى قفاهو ,, جلابية انصارية بس. علا غنى ,,

الفضلابي يا مك
هههههههههههههههههههههههههههههههههه
حرام علي عاوز تدفنى حية
مالك علي يا ود عمي
انا ياخى غييييير
زولة حساسة جدا وبحب الجمال والعطور البارسية خاصة كوكو موزمزيل
الشين يصابحو كيف ولو ملك مال قارون
عليك الله غني وطبعو شين يودوهو وين
الانسان بعيش مره واحده عشان كده مفترض يستمتع بي حياتو
مش يعيش في نكد عشان القروش
ادعى لى بالخير بالله

ادا كان شفيف وظريف
وشغلو نضيف
فلا بأس

بعد داك هو وزوقو



شغلو نضيف دي بمعني انسان غير فاسد ورزقو حلال

لنوع البقصدو انا النوع البكون زى الفاكين فيه لغم وماعندو اخلاق ولئيم وكل قبح الدنيا فيه في النوع الشناتوا لذيزة وروحوا حلوة ودموا خفيف الناس بتحبوا وبتحترموا زى محمد الصائم كده زى ما قال لى يا وضاحة دى شناء بي فهم
المصدر :

دا شنو البنسوى فيه دا عشان شين ما يتزوج ههههههههههههههههههه
شكيتك لمنو ما عارف
لكن كان الموضوع حقك انت عاااااااااد امانة ما وقعت عروسة


والف مبروك مقدما وخلينا بس نحصر عشان نحكم بعيونا ههههههههههههههه

الشنه شناة الطبع
والقرد عند امه غزاله
لولا اختلاف الاراء لبارت السلع
تحياتي

Quote: اكيد مش ممكن .... العالم الان بحاول ان يحسن من الصفات الوراثية وهذا ما نلاحظه في في كل الولادات الحديثة والشباب بانهم في تحسن ملحوظ في السحنات والبنيان الجسمي والجسدي ------- والله اعلم ------------

ووووين يا غريبو ان شاء الله اتعافيتصفات وراثيه بتاعة شنو
يا غريبه
الزواج دا حياة وتفاهم وسعادة ورضا
احاسيس ومشاعر بين اثنين يشوفه القمر وتشوفو الشمس

Quote: لو حـ يتزوج بوشه لا يحق له ان يتزوج.

تيتاوي
القبح صفة ذميمه
خاصه لم يكون محكوم عليك تصابح وتماسي الوجه الشين
وما تنسى التأثير الوراثي للشناة دي على الاجيال
مشكلتنا ما بننظر للمستقبل
والوجه عنوان
وقالوا الكتاب يكفيك عنوانو
والطبع مباري الزي على قولة جدتى

Quote: جنى وجن الراجل القصير المصلع والرجول تكون متبرة مزينة بي حجل كااااك يا ايمنوف

حرفاء المنبر ههه
ملاحظين إنه في شخصين بيكتبوا البوستات دي...
واحد أشتر لكن بفهم وكلامه مرتب و أخطاءه اللغوية ما كتيرة و واحدة شترا ساي :)

ماعندي بروف غير حدسي :)

أها يا فردوس نحن الردا علينا منو !! .. هههه ..
(الواحد) الفاهم ولا (الواحدة) الشترا ..
لزوم الواحد يقدر يعمل توجيه صحيح لي مشاعره وكده ..

ـــــــــــــــــــــــــــــــــــــــــــــــــــــــــــــــــــــــــــ

عارفه أي تغير ولو طفيف في طريقة كتابة وفهم اي زول ..
كتب كتيرهنا فاتعودنا عليهو وعلى بصمة كتابته حيتلاحظ الفرق وبسهولة ..
لكن الواحد بطنش وبعمل حميل وعندك نماذج كتيرة ومسيخة في المنبر ده ..
فدعي الزهور والرياحين تنمو .. على قولكـ في ذات مداخلة .. ههههههههه ...
تقديري لك ولست البوست ..

Quote: فدعي الزهور والرياحين تنمو .. على قولكـ في ذات مداخلة .. ههههههههه ...

سمح

الادبخانة دي لسه فاتحة




سوقها جاااري زي بتاعات الجامع الكبير في السوق العربي

ود القوز
الحسادة ليك شنو
حاسدنى فى مداخلاتى ومشاهداتى
ياخى دا حب الناس لى
والقبول من الناس هبة من رب العالمين ما بعطيها لى اى زول
فاطلبه من ربنا
بدل تتغاظ وتحرق نفسك بالحسد والحقد
وعمك الشين بتاع الادبخانة دا
جارى وراى في الفيس عمل لى اضافة مرتين وما هببتوا لى
رفضتو مش على كيفي
ياخى ما بحب الناس الشييييينين



علوووووووب نفر

*

Quote: ذكرتيني... كنا في مرحلة الشباب ( عمر الثانويات) عندنا استاذ ظريف جدا . بيحب يدردش معانا في كل شيء. مرة قال لينا : ما تتجوزوا البنات السمحات. طبعا الفصل كلو همهم و استنكرنا طبعا فقال لينا: المرا السمحة كل عيون الرجال عليها و حيسمعوها كلام احلى من الانتو بتقولو ليها.

زول واحد
شفت كيف الفطره البشريه بتميل للجمال
وترفض الشنه
الاستاذ دا الظاهر علي كان متورط في ابو القدح
وعاوز يورطكم

مكرر

*

Quote: وسامة الرجل في عقله وقلبه كم وسيم يفتقر لأدنى معاني وصفات الرجولة رواية احدب نوتردام في اعتقادي جسَدت هذا الفهم (بطل الرواية (كوازيمودو) القبيح الاحدب وقع في حب فتاة جميلة (إزميرالدا) لأنها عطفت عليه ولم تسخر من قبحه ) ليت صاحبة البوست كتبت في العنوان (ما اجملك أيها الشين ) وعددت صفات ومعاني الرجولة الحقيقية

العزيز حيدر
الجمال انواع وفي الغالب الزول الشين طبعو شين
الا نادر تكسر النظريه
والنادر ما عندو حكم

Quote: اانا غايتو شييييين ودشن شديد ومحترم نفسي شدييد برضو وما متعقد من شناتي ومتصالح معاها جدا ياخ مرات بتخلع من نفسي... .اها في اكتر من كدا بس بالجد الموضوع ما خطير وبصبر نفسى انها كلها ستين ولا سبعين سنة (لو ربنا مد في العمر) وبتخلص من ال container المسجون فيها دي وانطلق..... غايتو بيني وبين نفس حسمت موضوع الزواج دة نهائي واقتنعت انو الناس بقت تتزوج الاجساد وتترك الارواح مع انو (القلوب ارواح مجندة.....ما تعارف منها ائتلف ... وما تناكر منها اختلف) وعلائق الارواح اوثق وان طال بها الامد غايتو علاقتي مع الجسد القاعد جواهو دة علاقة حلوة جدا .... مرات كدة بتاملو زيييين واقعد اضحك ياخ مسكين شديد يعمل السبع وزمتها وبعد داك يجي يدفن ويتحلل سؤال لمن يهمه الامر: هل سنبعث على زات الحُلة والهيئة؟ ــــــــــــــــــــــــ تحياتي لمفترعة البوست وضيوفها الكرام.

Mohamed Mekki
يا اخ انت انسان عسل ودمك شربات
عارف التصالح مع النفس دا مهم
وهو ذاتو جمال للروح
والمسألة متكامله جمال خلقه واخلاق
دا الافضل والمطلوب
ويا سلام على الارواح لما ترتبط
رؤية الارواح لي بعض وللشكل الخارجي بتكون معاييره مختلفه
لكن الشين البين ما بضحي

نواصل باذن الرحمن

Quote: وضاحة المحيا بوست خفيف الروح عندنا حبوبه لينا قالوا ليها انتي شينه ولا سمحه قالت لا سمحه سماحه يغواها الشيطان ولا شينة شناتن ياباها الانسان لكن رؤيتنا للشخص واحساسنا بيهو هو البحدد

علوى يا قلب اشتياقات كتااار
تشكرات يا زوق
حبوبتنا حكيمة المشكلة مرات احساسك بخدعك
لانوا الطرف القبيح الشين التانى بكون لابس قناع و منافق وكذاب
وانت ما بتكتشفوا الا بعد تقرب منو اكتر
وزى ما قال راشد الماجد كلن على اصلة يبان

شين العدم وكعب الفلس دا من ناحية
ومن ناحية تانية أتفق معك بأن بعض البنات العندهم ميزات جاذبة للزواج ( جاه ، جمال آخاذ ، علم ، وجاهة إجنماعية ... إ لخ )
ديل البقعدو يعزلوا في الخطاب دا شين ودا قصير وخلافه ، وحتى الحالة دي ما حتستمر طويلا فمع تقدم السن تبدأ التنازلات

Quote: ههههههههههههههههههه بوست لزيز بوست مسلي وحلو والله مشكككككككككورة بس كدي رسينا علي الحوار واحد شين اتقدم ليك يعني ولا انتي شايفة نفسك شينة ههههههههههه بعدين بي صراحة عندي نية افتح بوست جديد بخصوص لم الشمل وتغطية القدح موضوع جادي شديد وسيريس والله وأهل القروب أولي ببعض نلم الشباب الغير متزوجين علي الشابات الغير متزوجات الداير يدبل أو يتلت أو يربعن مامعانا بس مايكون عرس جماعي زي مابيعملو الجماعة وعلي ناس الحوش دعم العرسان الجدد بمايروهو مناسب والموضوع دا محجوز حصريا علي أنا هههههههههه عشان مايمشي واحد يفتحو فما رأيكم دام فضلكم ....

العزيزعثمان المتعارض
لذيز انت هههههههههههه
وحاتك سمحة سماحة الحور العين
زى ما بتقول لى جدتى مهرة لبسة تميمة
ما بقدر واحد شين يتقدم لى لانوا جبان
وعارف لو وصلنا في البيت حا نخلي الشغاليين يربطوا في الحديقة ويجلدو
القصة كلها
عندي زميلتي طبيبة كنديه جاء القسم واحد شين حدا
النوعيه ام شلاطيم مقلوبة ومحمرة ديك
وسألني عنها وهي كانت في عمليه
اتهجمت فى كرسي خخخخخخخخخخخخ
لما جات كلمتها قالت لي دا زوجي
وهي جميله جدا
استغربت معقول
وجاتني فكرة البوست قلت اطرح التساؤل دا عليكم
اعمل بوستيك بس اوعاااك من المواسير
ههههههههههههههههههههه
قال عمرى 33 سنة
محاسن كبي الرطانة
هههههههههههههههههههههههههه

Quote: وعارف لو وصلنا في البيت حا نخلي الشغاليين يربطوا في الحديقة ويجلدو

أفا يا بت الجعليين !!
وين ناس " نحن اب خرس بنملاه وبنكرم ضيفنا "
الراجل مهما كان شين لكنه ضيف برضك طالما جاكم في بيتكم ابو حديقة دا

Quote: وحاتك سمحة سماحة الحور العين زى ما بتقول لى جدتى مهرة لبسة تميمة

غايتو يا ملكة يوم بتكتلى ليك بوردابى بأبى الشِّهيق.
شايف فردوس بتباصى ليك زى انييستا برشلونة.
بالطريقة دى بنعتبرها شريكة فى الجريمة ومعروضاتها (مُخَرَّزة) اقصد مُحَرَّزة.

سلام الي جميع الاخوان والاخوات
وضاحة سلامات
حبينا نقول وجهة نظرنا ونعلق الحمد الله شينين وماكلين عيش مع الاروبيات وهنا البنت لو اعجبت بيك واقنعتها بشخصيتك وثقتك بنفسك ثاني يحلك منها الكريم بس
لا يربطوك في حديقة ولا يحرشوا عليك الكلب
شينين وحالنا ماشي مع الاروبيات كمان لوكنت طويل واسود سواد الليل وصلعة وشلايفك ٢ كيلوا عندك برضوا معجبين وبنات بالكوم الكلام دا عن تجربة في هولاندا بلجيكا فرنسا لكسبورك بولاندا المانيا واميركا باقي الدول الاروبية لا علم لي بها
الشنا مقياس في الدول العربية بس علي ما اعتقد

Quote: وضــاحة وضيوفها الكرام تحية طيبة وبعد ، نعم يتزوج الشين طالما أنه :- ذو دين وخلق حسن ذو قدرة مالية ذو صحة جيدة

Gaafar Ismail
اذا كان لا خلقة لا اخلاق
الدين بعلمنا سماحة الاخلاق واحترام البشر
لكن فى النوع الئيم البظهر للناس انوا مدين وهو زول كضاب ساي ولبس قناع
صحة بدون اخلاق ودين وفهم ايش فائدتها
تحياتى

Quote: الحمدلله الواحد عرَّس قُبَّال البوست ده ما يتفتح بس المتوكد منها انو الريس ماحايعلِّق البوست ده فوق.

يكفي انك مك يحردن بنات جعل العزاز

الريس بعزنا شديد لو قلت ليى صدقنى بختوا فوووووق
لكن الزول الشئن شنو كمان البعلقوا لى بوست
كفاية غلطنا مرة وندمنا عليها
لانى كنت مخدوعة وكنت فاكرة القبة تحت فكى
طلع شيطان لئيم وناكر معروف

نواصل

شيقااااااااااااااا تعال مارق
ههههههههههههههههههه
اشتقت ليك يا فقر

وضاحة يا شمس المشارق ..... والضيوف الكرام .
قصة أنو البوست لذيييذ ومفارق مافيها كلام ....... لكن صراحة نحن الشينين عصرتي علينا شدييييد ....
وتقريبا المتداخلين قدموا محاججات محترمة في إعتقادي غطت الموضوع من طقطق الي السلام عليكم . كع .
الباقي تسلية :
أها النحدثك في العلاقة الزوجية أهم حاجة الكلول ، لو كان ممتاز يصبح الجمال الذي تتحدثين عنه بهارات لا تفقد الاكل طعمه ...

كسرة : .......
____________________________________
رجع أحد المغتربين بعد سنين يحمل لزوجته كل الخيرات من ذهب وثياب سويسرية ورؤائح بارسية بالكوم ......
لم تزغرد زوجته الأ في اليوم العاشر نص الليل عندما عفشه وصل ......

اذا شيييييييين وعنده قروش الناس بيكونوا شايفنو هاني شاكر بس

Quote: طلع شيطان لئيم وناكر معروف

وضاحة
يا بنت ملوك النيل
الحمد لله الذي عافاك واذهب الاذى

ودي هدية يا ملكة واحتفاليه بي ذهاب الشر عنك وحفظك من كيد الخائنين المجرمين

دا شنو يا سامي عطا المنّان !!
اسماعيل عرفناه اتحسّس من البوست و قراه بعقلية جلاّبة غرّابة كعادته! انت مالك يا خوي؟

وصاحة كلاى
ازززززيك ياعسللى و ضيوفك الكرام
بوستيك ده مخستك و مطرشق و فايت الشنا بى غادى
هسى محسوبك شين و وشى ينعل قفاى
و كيتن تكويكى متزوج و عشرين سنة خبرة كمان
الشين لامن يكون حنكو سنين و حنين السمحة تذوب وجدا
و الشينة لامن تكون هدية و رضية و رزينةو تقيلة, السمح تتجارى دموعو لهفة و شوقا
زميلنا الشين فى الشغل قال لى زميلتنا السمحة شايفة النجمة ديك
رفعت راسا و قالت ليهو شايفاها .. مالا ؟
قاليها : تفوقينها حسنا و ضياء و ابتساما
سمحتنا بردرب وقعت فى الواطا و من اليوم داك زاد شوقا و نوم عينيها اصبح قليل
اللذيذة فى الموضوع الزملاء من اليوم داك برضو سموهو توفيق

دا شنو يا سامي عطا المنّان !!
اسماعيل عرفناه اتحسّس من البوست و قراه بعقلية جلاّبة غرّابة كعادته! انت مالك يا خوي؟
ــــــــــــــــــــــــــــــــــــــــــــــــــــــــــــــــــــــــــــــــــــ

ياود البشرى ..عمر بن عبد العزيز قال:إنما يُجلب إلى السوق مايباع فيه

Quote: دا شنو يا سامي عطا المنّان !! اسماعيل عرفناه اتحسّس من البوست و قراه بعقلية جلاّبة غرّابة كعادته! انت مالك يا خوي؟ ــــــــــــــــــــــــــــــــــــــــــــــــــــــــــــــــــــــــــــــــــــ ياود البشرى ..عمر بن عبد العزيز قال:إنما يُجلب إلى السوق مايباع فيه

كل تاجر ببجلب بضاعتو العندو

يقولون الزوج قسمة ونصيب
الا شنات الاخلاق..
بس مايجتمعن كلهن..ههههه
تبقى مية وخراب ديار.

سسسسسلام مربع بالعسل محلى بالياسمين والورود
ذى ما انتى عارفه يا اختى...... امى زمان بتغنى لى السمح ولدى .... السمح بجيب السمح .... انا ماسك فى كلام امى قوى .... الشناة رجس من عمل الشيطان .... حتى لو الواحد عمرة ١٩ سنة البنات يغنوا ليهو الشايب دا ما بدور ما بدوا ما بدور الشايب دا .... دقنوا قشاشة قشيتوا بالمقشاشة .
لكن لو الواحد قلبوا نضيف .... وتعلق قلبه بالثريا وحنكوا سنين وجيبوا تقيل أولاد راحات الرمبذة ....لى نالها حتى لو استعصمت بالسماء فى البعد عنه .....هكذا هى الحياة.

العزيزعاطف رميتي
الدين والاخلاق والشهامه منتهى الجمال
وفاقد الاخلاق والشهامه ما بعتبرو رجل
ولا بعيرو نظره
وجمال الخلقه والاخلاق مطلوب في المراة والرجل
تحياتى

كمان لمن يكون شين ..
. ودشن ... ولعبو خشن ....
دا ما ملك الموت عديييييييييل كدا
-----------------------------
العزيز
عبد العزيز محمد عمر
الشين ولئيم
نعوذ بالله منو
ربنا يحمينا ويحفظنا منو
دا جامع السؤين او كوم قباحه
انا قابلني واحد بعتبرو استاندر لقياس كوم القبح
لو جبت ليكم صورتو تقومو جارين ولو اتعاملتو معاهو
جرادة عشر بس كم سماهو احد المنافقين من اصحابو
دا يقع في العدو ان شاء الله البشبهو

الاخ احمدونا
وفي اجمل من صفات الاحنف
لكن اذا اجتمعت الصفات والوسامه بكون اكتمل
وعن الكمال نبحث

الغالي درديري يا كباشي
ملك الحكي الجميل وسلس
في حاجه كده كل الناس بتتفق عليها
انو زول شين
يعني شناه باينة بينونة كبرى
ما بتتبلع او ينفع اخدها كبسوله
فزي دا ما في داعي يتطلع او يطاول
والبنت عاقله ومنطقيه
قالوا في واحده شينة مكملة الشناة
عندها ود عمها بتكرهو كراهية العمى
المهم الولد جبروا يعرسه عشان الاراضي والمزارع ما تروح لي غريب
نظرية اهلنا في الشماليه
بعد العرس كل ما تقعد قدام المرايا وتعاين لي شكلها
تضحك وتقول يستاهل الكريه

العزيزمحمد البشرى
شكراً لي حسن ظنك
ويا رب اكون دايماً بريئه ونقيه
لا اعرف لؤم لا خبث ولا سواد نيه ولا البس قناع

العزيزة فاطمة الحاج
لك الود يا حبيبه
جمال الرجل يختلف عن جمال المرأة
والرجل اذا تشبه في جمالو بالمراة بكون شين
وما محل احترام من المرأة ومستحيل تحبو
ومن جمال الرجل زي ما وصفت بنت سيدنا شعيب سيدنا موسى
ان خير من استأجرت القوي الامين
ودي الهي الوسامه وهي جمال الرجل
شين الاخلاق دا نعوذ بالله منو
تخيلي معاي
واحد يحرض بنت على اهلها عشان تتزوجو من وراهم وبدون علمهم
ويقول ليها تعالى نعملها ونختهم امام الامر الواقعي
وانتى كبيرة وما صغيرة وممكن تقاضيهم ولو وقفوا في وجهك
في اخلاق اسواء من كده وفي خيانه اكتر من كده !!؟
فدا انا ما بسميهو راجل ولا اتربى في بيت رجال
فديل شينين الاخلاق

نواصل يا احباب
باذن الله

العزيزابراهيم عبد الوهاب
المشكله في شناتو هو الشخصيه
لانو الطرف الاخر ح يكتوي بيها ويصابحه ويماسيها
ولو كان معاها لؤم وخساسه يعني جيب اجل وتقصير عمر

العزيزابراهيم عبد الوهاب
المشكله في شناتو هو الشخصيه
لانو الطرف الاخر ح يكتوي بيها ويصابحه ويماسيها
ولو كان معاها لؤم وخساسه يعني جيب اجل وتقصير عمر

الاخ العزيز ولياب
سلام وتحيه
يعني الزواج من الشين ابتلاء يحتاج الصبر
ولو الواحد ما بقدر يحتمل الابتلاء مش احسن ياخد الطريق من قصيرو عشان عدم صبرو ما يدخلو النار
ويبقن عليهو تعاستين دنيا واخره
وما اعتقد الواحد بختار الابتلاء بي ارادتو وهو في كامل عقلو

الاخ Ahmed Yassin
يعني شاعريتو وفصاحتو ما شفعت ليهو
وضاعت قدام شناتو
وحقيقي مستغربه في ناس زمان البشكرو الشلوخ وبعتبروها تجميل
يا اخ دي تشويه وشناه

العزيز الزاكي المغيره
لك التحيه
زي ما بتقول جدتي نصيحه تخضرك

الاخ علاء سيد احمد
ازيك واشواق
يا اخ الجيب دا اخر حاجه بنفكر فيها
ولسان حال البنات عشه صغيره تلمنا
الراجل بتعيبو اخلاقو وعدم مرؤتو وخيانتو ووضاعة اصلو
وديل ما بتعادله لا شهادات لا درجات علميه لا شهر ولا مال
وجمال المظهر على الاقل في عيون الطرف الاخر بشرح الصدر
ووبكون مدعاة للتجاذب وشناة المظهر مدعاة للتنافر

الاخ علاء سيد احمد
ازيك واشواق
يا اخ الجيب دا اخر حاجه بنفكر فيها
ولسان حال البنات عشه صغيره تلمنا
الراجل بتعيبو اخلاقو وعدم مرؤتو وخيانتو ووضاعة اصلو
وديل ما بتعادله لا شهادات لا درجات علميه لا شهر ولا مال
وجمال المظهر على الاقل في عيون الطرف الاخر بشرح الصدر
ووبكون مدعاة للتجاذب وشناة المظهر مدعاة للتنافر

الاخ Zoal Wahid
سلام
هاك دي كمان نفس نظرية نسيبة صاحبك
ابوي قال كان عندهم واحده بتبيع حلويات ودوم وقنقليز في سوق نمرة اثنين زمان لما كانوا صغار
الناس المصنفاهم شينين ما بتبيع ليهم
حتى لو دفعوا اضعاف

الاخ العزيزAnwar Syd Ibrahim
لك التحية والاحترام
غايتو دا مقلب السواد
الظاهر رسلوا صوره بعد عملوا عليها فوتوشوب عشرات المرات
وكانت في العمر عمر الزهور
ختو قدام الامر الواقع
سياسة الامر الواقع دي سياسه بتاعة خباثه ولئامه
بعد ما اتورط قالوا لي دا الموجود
مالو على البنات مجضمن كان يجضم نفسو ويشلخه على دقستو

Quote: اهم شي الشعر الطوووويل والناعم زى ريش النعام تفرش وتتدردق البياض بضوى ليك باليل والطووووول سمح هيبة وقامة جنى وجن الراجل القصير المصلع والرجول تكون متبرة مزينة بي حجل كااااك يا ايمنوف

وضاحة يا فجر المشارق انت لسه مباريه الشينين :)

عارفه زمان عندي زميلي وابوه حالف يزوجو لي بت عمو

اها قعد يشكي لي وانها شينة وووو .. وووو .. الخ الخ

قلته ليهو البت اخلاقها كيف؟!

قال لي البت ممتازة وما فيها عيب تب

قلت ليهو خلاص على بركة الله رضي على ابوك دا واتزوجها

قام لي ياااا الأمين ،،

انا لوني كاتم (اسود) .. وهي لونها كاتم (اسود)

يعني بعدين لو جبنا ولد نسميهو كندوره ولا شنو؟!


وضاحة ما تودينا في داهية ياخ!

وضاحة يا جميلة

قالت العرب في وصف الشخص الشين
قبيح المنظ بشِع الْمَنْظَرِ ، فَظِيع الْمَنْظَرِ ، قَبِيح الصُّورَةِ ، دَمِيم الْخِلْقَةِ ، شَنِيع الْمِرْآة ،
مَسِيخ ، مُشَوَّهُ الْخَلْق، مُتَخَاذِل الْخَلْق ، مُتَفَاوِت الْخَلْقِ ، مُتَخَاذِل الأَعْضَاءِ ، جَهْم الْوَجْه ، شَتِيم الْمُحَيَّا، كَرِيه الطَّلْعَةِ ،
كَرِيه الشَّخْصِ ، سَيِّئ الْمَنْظَرِ ، سَمْج الْمَنْظَر ، قَبِيح الْهَيْئَةِ ، قَبِيح الشَّكْلِ ، قَبِيح الْمَلامِحِ، كَرِيه الْمُتَوَسَّمِ، مُنْكَر الطَّلْعَة ، جَافِي الْخِلْقَةِ .
وَإِنَّهُ لتَبْذَأَهُ النَّوَاظِر، وَتَنْبُوعَنْ مَنْظَرِهِ الأَحْدَاق ، وَتَتَفَادَى مِنْ شَخْصِهِالأَبْصَار ، وَتُغِضُّ عَنْ مِرْآتِهِ الْجُفُون ، وَتَقْذَى بِهِ النَّوَاظِر ، وتَلْفَظُه الآمَاق ، وَلا يَقِفُ عَلَيْهِ الطَّرْف .
وَإِنَّ بِهِ قُبْحًا ، وَشَنَاعَة ، وَبَشَاعَة ، وَفَظَاعَة ، وَدَمَامَة ، وَشَتَامَة ، وَجُهُومَة ، وَسَمَاجَة .
وَهُوَ أَقْبَحُ خَلْق اللَّهِ صُورَة ، وَأَقْبَحُ مِنْ الْجَاحِظِ ، وَأَقْبَح مِنْ الْقِرْدِ ، وَأَقْبَح مِنْ أَبِي زَنَّةٍ وَهِيَ كُنْيَة الْقِرْد .
وَإِنَّمَا هُوَ صُورَة الْعُيُوب ، وَمِثَال الْمَسَاوِئِ ، وَمُجْتَمَع الْمَقَابِح ، وَمَا هُوَ إِلا هُولَة مِنْ الهُوَل وَذَلِكَ إِذَا تَنَاهَى فِي الْقُبْحِ وَالْهُولَة مَا يُفَزَّعُ بِهِ الصَّبِيّ .

من وصف العرب للقبيح يقشعر البدن منو
فمعقول شخص بالصفات دي يقبل احد ان يقترن به ؟
اللهم جنبنا القبح ما ظهر منه وما بطن

العزيز ياسر
رمضان كريم ينعاد عليك بالصحة والعافية
طيب ذنب الطرف الثاني شنو يتحمل دمامة خلقتو وسؤ اخلاقو ؟
دا موت بالبطئ

ود ابسن
رمضان كريم
جيب شنو البقيم الانسان وبديهو قيمه
دا ميزان اعوج
والبنيان البقوم على ميزان اعوج مهما علا ح ينهار طال الزمن ولا قصر
والقروش والمنصب والشهادات عمرهن ما يرفعن السافل عديم الاخلاق منحط الاصل
وجدك الحاردلو قال
الناس في العروض ما تقيسها بي تيبانا
لا يغرك لباسهم والعروض عريانه
ديل حراس رزق مثل التكني امانه
زي ابل الرحيل شايله السقي وعطشانه

العزيزهشام المجمر
اسعدني مرورك من هنا
وشاكره لرابط ايام الزمن الجميل
قبل ما تتمدد الفطريات والقبح والشناه في المنبر

العزيزهشام المجمر
اسعدني مرورك من هنا
وشاكره لرابط ايام الزمن الجميل
قبل ما تتمدد الفطريات والقبح والشناه في المنبر

الطيب عباس
لو ملك كنوز الدنيا كلها وشين خلقه واخلاق ما ح يساوي حاجه
ولا ح يتحب بصدق ولا ح يحترم
كل مافي الامر بتكون علاقات مصلحه
والقروش بشترو بيها الناس الرخيصه
اما بنات الاصول والحسب والعز فلا ولو وزنن دهب

الطيب عباس
لو ملك كنوز الدنيا كلها وشين خلقه واخلاق ما ح يساوي حاجه
ولا ح يتحب بصدق ولا ح يحترم
كل مافي الامر بتكون علاقات مصلحه
والقروش بشترو بيها الناس الرخيصه
اما بنات الاصول والحسب والعز فلا ولو وزنن دهب

الفنانون غنوا للجمال والشعراء اتغزلوا في الجمال
واحلى الحروف واروعه اتكتبت في وصف الجمال
واروع الاماكن واكثرها راحه هي التي تتميز بمناظره الجميله
واجمل اللوحات عبرت عن الجمال
وما سمعنا فنان غنى للقبح ولا شاعر مدح الشناه
ومعروف عن الشعراء والفنانيين والرسامين انهم ناس مرهفي الاحساس
والناس بالفطره بتنفر من القبح
تخيلي من الصباح تفتحي عيونك تلقي قدامك الزول الشين داك الخشمو زي المطبقه القديمه
والصورتو بشيلوها عشان يخوفو بيها الاطفال
الزول الوشو يقطع الخميره من العجين
تخيلي معاي كيف ح يستمر يومك وكيف ح يكون عكر ومعكنن
الجمال نعمه والقبح نقمه
والجميل جميل في كل حاجه والشين شين في كل حاجه
لكن يا وضاحه احياناً ربنا يضع في طريقك نوعيه من الادميين الشينين
من النوعيه الضاربه لغم زي صاحبنا عشان تتعلم
وعشان تحس وتشوف مقدار الجمال الحولك
وبالتالي تحمد ربنا وتشعر بالفرح والمنه لما ينزاح القبح من طريقك

صراحه شين العمل الشين



جنس غايتو بس

نعم و بالتأكيد،، يتزوج مثنى و ثلاث و رباع.. و الأشكال و المظاهر ما عندها أي علاقة بالزواج، و يظل باب الاختيار و القبول مفتوحا على مصراعيه، و كل زول/زولة يختاروا ما يروق لهم و يناسبهم.. كونوا بالف خير و أبقوا طيبين..

بوست ظريف ... ودلالة على جمال روح وضاحة وكمان دلالة على وثوقها من جمالها
(الفريم الخارجى) حتى تفترع بوست عن الرجل الشين .. ولا عزاء للشينات!

ربما لم أقرا كل أسطر البوست .. لكن مما قرأت ما لقيت لى تعليق من رجل واثق
أقر بأنه جميل أو وسيم .. بل الإقرارات بالشنا تعددت .. وأكيد بعضهم واثق إنه ما شين !

الزول الشين برضو عنده نفس وأحاسيس ويتفاعل مع الجمال .. ومثلما فى البوست أقرت
صاحبته بسماحة الخلقة والأخلاق (للرجل) أيضا ينطبق على المرأة .. بل المرآة الجميلة
وفاقدة لسماحة الطبع والفهم وجمال الروح فسماحتها سماحة جمال الطين .. تمثال شمع
بدون روح سرعان ما تملها وتضجرها. هنالك المرأة الجذابة ومقوماتها جمال الخارجى
قد يتفاوت ولكنه مصحوب بمقومات أخرى فى شخصيتها،وتكتشف أن جاذبيتها تطغى
على مسحة جمالها .. وهنالك المرآة التى تكشتف جمالها بعد حين (أى ليس من أول نظرة)
ولكن مقوماتها ألآخرى تجعلها أجمل الحلوين وعشرتها تكون عشرة الأيام التىى غنى لها
عثمان حسين عشرة لا يصح تنساها.. أو فقدانها! ترى كيف تنظر المرآة للرجل؟

الجمال بتفاوت تذوقه ومعاييره فهو بالفطرة مرغوب لدى المرأة والرجل .. عند المرأة أكبر
مثال لعشق الجمال قصة سيدنا يوسف وتلك النسوة اللاتى قطعن أيديهن إنبهاراً بجماله ..
أكيد كان جمالاً مقروناً بجاذبية. ولكن يبدو بايلوجية وتركيبة المرآة تجعلها أكثر تقبلاً لغير
الجميلين خلقة وقبولهم لصفات آخرى وبالمعاشرة لا تنظر إليه بمنظور سمح وشين ..
بل تتعود .. وقالوا الولف كتال، وليس مثلما وصفته وضاحة منظرا يصعب شوفتو كل صباح!

ويا وضاحة لمزيد من الإيضاح .. سؤال غير تعسفى:
ما الفرق بين الرجل (الجميل/السمح) .. (الوسيم) .. (الجذاب) .. (الوجيه) و(اللا شين لا سمح)
وما حظوظ كل منهم لقلب وعقل المرأة .. خاصة الأخير (النيوترل)؟

مسنوووووووووووووووووحة انت قاصدة منووووووووووو؟

مداخلة معاكسة:
واحد زمان نصحني قال لي لو داير تتزوج أوع تتزوج شينة, ما يهمك الأخلاق, قال لي الأخلاق ممكن تتغير لكن الشنة ما ممكن تتغير

انا غايتو شوف عين و سمع اضنين قبل كم يوم بعض القوارير ينشدن و يرددن مع الفنان المطرب:

الكبري بدقداقو يا ليل
دا المطر الشال سحابو يا ليل
سماحة ما مطلوبة يا ليل
كفاية طيبة اخلاقو يا ليل

فما عارف الكلام دا صحى
ولا كلام غناء ساي..

ابقوا طيبين..

.
أنا شين شنا مُره
يعني أشنا من صديقي الطيب شيقوق ... بعترِف وكِده
مرات أخُش لي مول كلو مرايات ألقى ليك واحد زي الشمبانزي كِده مباريني ،
أقيف يقيف ... الله ... الزول الشين دا قاصِدني ولا شنو ؟ ...... عواليق !
أعاين ليهو يعاين لي ( شناتن تِكبِّرك ) .... مديت ليهو لساني ...هي دا ما أنا زاتي .

حكاية العِرس دي تجيني كِده وترجع
لأنو مشغول بالمال والأعمال ... مغترب في الخليج زي خمسة وتلاتين سنه كِده
عِندي شِقة في قاردن سيتي في القاهرة شارع ضريح سعد جنب بيت ناس صفاء أبو السعود
وأبوها طبعاً وكيل أعمالي في القاهرة عندي برج في مصر الجديد هو مسؤول منو ...
وفي أثيوبيا عندنا منتجع سبعة نجوم شراكة مع العمودي ... والعمودي دا مليونير سعودي
من أصل يمني وأمه حبشية .
حكاية العِرس دي تجيني كِده وترجع
طبعاً عندي شقة ديلوكس في أديس ... نسيت أأكِد ليكم إنو شيقا بالنسبه لي دي كابريو ...
أنا هسع بطقع ليكم في الكيبورد دا وقاعد في جناحي الفخيم في الطابق العاشر من
فندق لافيلا في العاصمة الأسبانية مدريد .
حكاية العرس دي تجيني كِده وترجع
عندي مارسيدس مايباخ وبورشه وميزراتي ..... ألو هاي شكيرا حبيبتي OK حبيبتي
المسا حأكون هناك حبيبتي ... تسلم عيون أمك يا عسل... طبعاً طيارتي معايا في مدريد..
حاضر يا عيوني.
عن إذنكم رايح أحضر حفلة شاكيرا في باريس

انتوا لسة مع الزول
الله يغثوا

نواصل باذن الله
التحية للجميع

تعريف و معنى قبيح في معجم المعاني الجامع - معجم عربي عربي
قَبيح: (اسم)
الجمع : قِباح و قَبْحَى و قَبَاحَى ، المؤنث : قبيحة ، و الجمع للمؤنث : قبيحات و قبائحُ و قِباح
القبِيحُ : كُلُّ ما يَنْفِرُ منه الذَّوق السَّليم ويأباه العرف العام ، ( ويكون في القول والفعل ) شائن ، مهين ، مُخجِل ، عكسه حَسَن
القبِيحُ : مكروه ، ما كرِه الشّرعُ اقترافَه ، عكسه حَسَن
:
قَبيح: (اسم)
قَبيح : فاعل من قَبُحَ
قَبُحَ: (فعل)
قبُحَ يَقبُح ، قُبحًا وقَباحةً ، فهو قَبيح
قَبُحَ مَنْظَرُهُ : كَانَ شَنِيعاً ، قَبِيحاً
قبُح القولُ أو الفعلُ : ساء ؛ خرج عن الّلائق المقبول ، عكْسه حسُن

.
الشين بي شناتو ... يِضوِّقك حلاتو
والسَّمِح بي سَمَحْتو ... يِضوِّقك مغستو

أشنا مافي..





عايز أدبل..

ود الطالب يا وجيه هاهاها
وووووووينك

انا غايتو شييييين ودشن شديد ومحترم نفسي شدييد برضو وما متعقد من شناتي ومتصالح معاها جدا ياخ مرات بتخلع من نفسي....اها في اكتر من كدا بس بالجد الموضوع ما خطير وبصبر نفسى انها كلها ستين ولا سبعين سنة (لو ربنا مد في العمر) وبتخلص من ال container المسجون فيها دي وانطلق..... غايتو بيني وبين نفس حسمت موضوع الزواج دة نهائي واقتنعت انو الناس بقت تتزوج الاجساد وتترك الارواح مع انو (القلوب ارواح مجندة.....ما تعارف منها ائتلف ...وما تناكر منها اختلف) وعلائق الارواح اوثق وان طال بها الامد غايتو علاقتي مع الجسد القاعد جواهو دة علاقة حلوة جدا ....مرات كدة بتاملو زيييين واقعد اضحك ياخ مسكين شديد يعمل السبع وزمتها وبعد داك يجي يدفن ويتحلل سؤال لمن يهمه الامر: هل سنبعث على زات الحُلة والهيئة؟ ــــــــــــــــــــــــ تحياتي لمفترعة البوست وضيوفها الكرام.

بدون أي تعليق على البوست .. أجمل مداخلة هي مداخلة الأخ محمد مكي (Mohamed Mekki) المقتبسة باللون الأحمر اعلاه.

مع تحياتي،،،

عاصم فقيري

وضاحه

علووووووي
مالك مزكر لينا الشينين نص أليل
ماشين ننوم🤣🤣🤣
تشكرال علي الغنية الجميلة يا جميل يازوق

"لولا اختلاف السلع لبارت الأنظار"، أليس كذلك؟!!

Quote: علووووووي مالك مزكر لينا الشينين نص أليل ماشين ننوم🤣🤣🤣 تشكرال علي الغنية الجميلة يا جميل يازوق

وضاحة
السمحه ستهم
شياطين شنو كماان البتقرب مننا
احنا محروسين بي دعوات اجدادنا الصالحين
وفي ثانيه وفي الوقت المناسب جدك حامد اب عصايه سيف صقر الغبيشه
بي عيونو بكشف الشيطان ويبين حقيقتو وخباثتو وكذبو مهما لبس اقنعه وحاول يتخفى ويتجمل
وبالعصايه بضربو في راسو
ويرجعو خايب الرجاء والكيد
ويرد شناتو وقباحتو وخباثتو عليهو
وبراك شفتي ضربو للشيطان الرجيم
عشان كده احنا بنطأ على رقابهم
اطمني يا الشمس ممنوع هناك اللمس

وضاحه
السمحه ستهم
سؤال مخستك و طاشي شبكه
هل من حق الزول الشين وطبعو شين
يتفاعل مع الناس في السوشيال ميديا
ويفسبك ويغرد ويرتوت تغريدات الناس ؟
القصه دا ما قادر استوعبه
عليك الله جاوبيني

علووووووي
شكيت محنك
انت بوست الزول الشين دا كل ما يغطس تجي تتطلعوا😂😂😂😂
عملنا لي شهرة 😆😆😆
المشكلة ما في التغريد
المشكلة في الانجليزي الخطاء و التسلق والتغريد مع ناس ما من مستواه
الزول عاوز يوصل مسكين يعمل شنو
أهو يكذب ويخدع الناس ويعمل لي نفسوا وهم انوا مهم
ارح نغرد🤣🤣🤣🤣🤣🤣

منقول من الاخ د. قرن شطة
الـــــــزول الـــشين

Quote: لايوجد تعريف واضح وموثوق لتوضيح ماهو شين وما هو زين… بمعنى الجميل والقبيح… النسبية تتحكم فى هذه المسألة بالكلية، فالامر يبدو فى نسبيته كبعض المسائل غير المحسوسة فقد يكون مثلاً شىء كالباطل او حتى الكفر ” ماحاك فى قلبك ورفضته نفسك” وقد وردت كلمة “شين” فى قاموس اللهجة السودانية لبرفيسر عون الشريف قاسم بمعنى القبيح والعيب، وأضاف وقد تكون “الشناه” من شناءة الفصحى بمعنى بغض… والشناه منازل ومراحل وقد تكون فى الاشياء والمواقع والمواضع وتعنى دائماً وترمز بلاجدال الى القباحه وعدم الإتساق مما يدل ايضاً على عدم إنتظام افكار ما وإختلال فى الموازين والحسابات…وشناة البشر تنقسم الى أنواع وعينات منها : شناة الافكار وشناة الافعال واشدها تأثيراً إنطباعياً شناة الخلقة ذلك انه وعادة تكون لهذه الاخيرة ماوراءها بل وحتى ماقبلها وإنعكاساتها اللاحقة… فالافكار الشائنة والشينة فى الحقيقة لاتوجد، فطالما ظلت تدور فى عقل صاحبها وتخالط اوهامه وخيالاته فهى افكار حبيسة قمقم سوءها وفسادها كاى نوع من أنواع الخواطر والخلجات الابليسية – القانون لايحاسب على أفكار ونوايا حتى تُنفذ – ولكن تصبح افكاراً ردئية وشينة عندما تخرج الى الفضاء الرحب وبالتالى قد تصير موضع تقُبل و تنفيذ… أعتقد صراحة ان الافكار الردئية والشائنة ينشأها اشخاص “شينين” فقد قال بهذا الشاعر والحكيم طاغور.. اشخاص شينين فى إى من درجات القبح والحقد ، وفى الجو المناسب – ونعنى بهذا قابلية مجتمع ما لتقبل الفساد والإفساد والقبيح والرذيل والتعايش معه – تجد هذه الافكار الخائبة مرتعاً لها بل وقد تصير نوعاً من مفاتن الحداثة والتجديد ومن ثم تلقى من يقوم برعايتها وتبنيها ..الافكار الردئية دائماً تجد لها مُناصر وشارح وإعلامى ايضا ، وهذا – اظنه – تثبيتاً لمبدأ وحقيقة ان الشاذ والقبيح هما الإستثناء الذى يعضد ويؤيد القاعدة…فالشىء بالشىء يُعرف… الشناه أنواع مختلفة تتوزع بين الرجال والنساء بمقادير معلومة وأقدار مختومة، وهنا نذكر بعض من انواع شناة الرجال وماتستلزمها وتصاحبها من صفات: فهناك الشين ذو الدم الخفيف، وهذا شخص شين ومقبول حتى أن الناس لا تلاحظ مدى بشاعته وقبح صورته، فغالباً ما يكون حضوره المليح وحديثه الظريف مغطى على الساحة وطاغياً على الجو، فهو محبوب مرغوب، وقد يضحك على قبحه بنفسه فيقطع الطريق امام الاخرين للتندر بمنظره… ويوجد الشين العالم، وهو عالم جليل وشين مثل الجاحظ فقد ذكر انه عندما كان صغيراً وقد مر باحدى اماكن الصاغة، وكانت هناك إمرأة تتحدث وتشرح أمراً الى الصائغ ويبدو انه لم يفهمها، وعندما رأت الجاحظ اشارت اليه ان يقترب ، فلما دنا قالت للصائغ : يكون هكذا وعلى صورة هذا الصبى، وبعد ان ذهبت المرآة سأل الجاحظ الصائغ عما كانت تقصده ، فقال له بانها كانت تريد منه ان ينقش لها على خاتمها صورة الشيطان! كما يوجد الشين الجاهل باوضاعه ، وهو رجل شين إعتقد – فى لحظة وهم – بانه جميل ووسيم (فاكيها فى روحو) ويظن بنفسه خيراً كثيراً وقد يستغرب كيف ان الآخرين يلمحون اليه بالشناة! ويذهب للمرآة ويرى نفسه على ابدع حال واتم خلقة! لا أظنها ثقة بالنفس مكرسة وربما تكون – والله أعلم – عمى نهارى أو عشى ليلى او انسداد بصيرة وترهل فى الافق كمان…وهناك الشين الغنى “المرطب” وقد يكون عارفاً بحاله واعياً لرسمه ولكنه فى ذات الوقت يعرف أهمية الثروة وانعكاسها على البشر والتى تسمى فى بعض المذاهب “الثلجية” “بالقوة الناعمة” فالناس معظم الاحيان ترى مايريدون رؤيته ، والغنى حجاب قيل…. ويوجد وبكثرة الشين الموصوف فهو شخص صعب الملامح متعسر الوجه ولكنه يتصف بصفات تجعل الاخرين يصرفون النظر عن رؤيته كذلك ، فهو شهم وكريم ويمد يد العون للآخرين واجتماعى (زول مواجبة) وهكذا.. كما تتكاثر ايضاً انواع الشين الحاقد على المجتمع، فهذا ونسبة لما عليه منظره يصب جل حقده على الاخرين ، فيتحول الى شخصاً غير صالح بالمرة..معوقاً للمشاريع ومكسراً للمقاديف ومجروح الشهادة غير محمود الصحبة ، وهذا لايُطلب الخير عنده ولايظن به المعروف ، كيف وقد قال رسولنا الكريم “إبتغوا الخير عند حسان الوجوه” …واخيراً الشين السمح ، فهذا هو رجل الصفات الجميلة والمواقف الشجاعة المشرفة مقسط فى الميزان والمساواة ويحسن العدل ، فهو شين لايراه الآخرون كذلك بل يروه عكس ذلك.. اما النساء ومع انهن يتشاركن نفس التقسيم والانواع مع الرجال ، ومع ذلك فامرهن اعقد ومسالتهن اعمق ، ذلك ان الشناة بالنسبة للرجال ليست مسالة أساسية وحتمية ، فالرجل وكما يقول المثل الاروبى مثل الدب كلما إزداد قبحاً كلما إزداد جمالاً وجاذبية! وهو قد يحتمل شناته ويتدوال بها فى الاسواق ويتعامل بها على كافة الصعد ويفلسفها كعارض وراثى حتمى لزم عليه السعى به .. اما بالنسبة للمرأة فالشناة تعطل جل مشاريعها وتوقف آمالها وتقصر نسبة إحتمالتها أو تلغيها بالكامل، فهى تريد وبدون شك ان تظفر بشريك حياة (راجل وكده) وشريك الحياة المنتظر لايهتم بسيدة بشينة حتى لو كان هو ذاتو شين ، أو بالاخص اذا كان هو شين…معقول الاتنين يكونوا فى ذات الفورملا وبنفس الملابسات! وعلى كل توجد اصناف ايضا بين النساء وشناتهن منها : الشينة الظريفة ، وهذا النوع ينقسم الى نوعين (أ) ظريفة طويلة المدى – على وزن القطن طويل التيلة (2) ظريفة قصيرة المدى .. وطويلة المدى هى ماتسمى بالظريفة الحقيقية أو الاصلية وهى إمرأة رايقة هادية وراسية بالرغم مابها من نقاط ضعف تُدخل بكل الطرق الى قلب شريكها كل البهجة وتزين حياته بالفرح والتفاؤل وتملأ ايامه بالبهجة والجمال فيراها بعيونه اجمل الحوريات واحسن الحسناوات..اما المصنفة قصيرة المدى فهى ظريفة لفترة معينة – إى ظرافة مرحلية مدروسة وتكتيكية – فهى إمرأة ذات أجندة خاصة ومشروع محدد إحتضنته وتراه حضارى واجب التنفيذ ، فقط تحتاج الى زمن تكون فيه الاوضاع مستقرة لتنفذ فيه مخططاتها المرسومة بدقة شيطانية، ثم بعد الحصول على مبتغاها “تقلب” فتريك الوجه الحقيقى ، ومن ثم تبدأ تتضح لديك تفاصيل المأساة وعمق الكارثة! وهذه العينة تسمى “الشينة بالجد جد” …. وتجىء الشينة (الماعارفها روحها) وهذه النوعية شائعة ومتواجدة بكثرة فى الجامعات والوزارات ولاتعرف الاسباب الحقيقية لهذا الشعور الكاذب الاصيل والمتمكن! ربما الاهل – وبحسن نية – قد اوحوا لها منذ الصغر بالفكرة المتمناه والصورة المرغوبة فصدقتهم … ربما وجدت محتالاً كذبذب دساس قد شوه واحدث خلطاً فى أمور اساسية للقياس لديها، ربما هى نفسها لاتمتلك الحس الصادق والمتزن بالاشياء والجماليات! ربما الضغوط النفسية والمجتمعية جعلتها لاتعى تماماً الوقائع الصحيحة للامور فهامت! واخيراً نجد لدينا الشينة والتى لسبب مجهول قد عرفت وايقنت انها كذلك وبناءاً عليه ضيق الفرص لشراسة المنافسة، ومن ثم يئست من المجتمع وأفراده ورحمته وحتى تعاطفه فاعتزلت الناس والدنيا ، واصبحت مثل بشر القرون الوسطى والمظلمة جل أفكارها وآمالها وامانيها تتمركز حول العالم التانى والشيطان والغيب والعقاب والثواب والجنة والنار…وهذا أمر يفضى بها ولكثافته الضاغطة على “السايكو” الى هلاويس بصرية ومناظر وتخيلات توهمية وامور سمعية غير يقينية وقد تٌدعى فجاءة “الوصول الى القوسية ومخالطة الملائكة” وتصير فقيرة كتابات وحريفة محايات أو شيخة بها يستدل فى امور الغيب والمستقبل ، وهذه إمرأة – لظروف معروفة – دخلت مناطق الخطر وبدأت التعامل مع ابليس… وايضا نلحظ وجود عينة تسمى بالشينة المتخفية الساحرة، وهى إمراة شينة ولكن ونسبة لبصارتها العجيبة ودبارتها المريبة ومعالجاتها الناجعة للامور لايمكن لاى شخص مهما كان وفى حضرتها ان يعرف او حتى يشعر على الاطلاق انها شينة الابعد فوات الاوان ، إى بعد الزواج – أو عنده- يكتشف الزوج كثافة “إسبيراتها” والحجم الهائل لما يسمى بالملحقات والإكسسورات المحيطة بنواحيها ، ولكن تكون الفاس وقعت فى الرأس، وهنا فقط تسأل الله ليس رد القضاء ولكن اللطف فيه… الرجل الشين ضرب من عثرات الحظ وسوء تصاريف زمان ووعث فى الميراث ، ومع ذلك للاقدار تصاريف خاصة فقد يختلط الجميل مع القبيح ويلتقى السمح والشين وينتج عنه صبر وعلم وتفاهم وتقدير وذرية صالحة…فقد قالت تلك المرأة الجميلة لزوجها “الشين” وهى تتأمله ذات يوم بانهم سوف يدخلون الجنة معاً، ذلك بانها قد أُبتليت بزوج شين فصبرت وهو قد حظى بإمرأة جميلة فشكر والصابر والشاكر فى الجنة… اخيراً اصدقائى الجمال وغيره من كثير من الامور تحيطها النسبية ويغلفها القبول ويشملها وتغطيها عين الرضا… لانعرف لها مقاييس محددة أو مضابط صريحة ومترية، فالناس قد خلقهم ربهم فى أحسن تقويم واحسن تصويرهم ، والثابت أن الجميل جميل الصفات ..هو الهين اللين الذى تجده حاسر الرأس عند كل جمال وجميل…كنا فى الصغر نرى نساءاً ورجالاً نظن أنهم جميلين وأصحاب فضل وسبق وتميز، ثم إكتشفنا فداحة نظرتنا وسوء تقديرنا ، فعرفنا أن الجمال آمرغير محسوس بقدر ماهو صفات وسلوكيات وان النساء والرجال يدركون مدى جمالهم او بشاعتهم فى عيون وكلمات الآخرين ..فالجمال أمر يصنعه البشر ويقره الرضا ويصادق عليه الحس المتعافى والسليم..وأن الشناة والقبح هو من سوء الاخلاق وفساد النوايا وآذية البشر وإقلاق مضاجعهم… فلنتجمل اولاً بالصبر على المكاره ثم التحلى بالمكارم وحسن المعشر

وضاااحة ست السماحه

زميلنا علق على حاجه بي مثل خليجي
الزين زين لو توه قايم من النوم
و الشين شين لو تكحل كل يوم
ضحكت واتذكرت بوستك دا

ثم وينك طولتي الغيبه

السلام عليكم،
في رأيي المتواضع سؤال وضاحة،
لا غبار عليه،
فيه قدر من الجرأة نعم،
ولكن كذلك فيه قدر من الواقعية!
ويدل على مشروعية سؤال وضاحة:
الأجوبة الرائعة التي استمتعنا بها.
ولو أنو الناس تجملوا بحسن الظن وجميل القول؛
لطرق البوست أبواب الفلسفة،
ولأتانا الدكتور سناري بخلاصة الموقف الفلسفي،
من هذه القضية، (ابتسامة)

ويا لحكمة الخالق العظيم،
الّذي ميّز بين الناس في الدنيا،
وفاوت بينهم في الانصباء،
فهذا قبيح وذاك وسيم،
وهذا غني وذلك فقير،
وهذا كلّه من الابتلاء الدنيوي:
الوسيم مبتلى بوسامته،
وغير الوسيم كذلك،

ولا ريب أنّ الناس يُبعثون يوم القيامة،
كلّهم رائعو الجمال،
أعني أهل الجنة.

أحد كبار التابعين: الإمام الشعبي،
سألوه عن أرجى عمل يرجو جزاءه عند الله؟
قال: أنّه رضي بأن يتزوج امرأة دميمة تعلقت به،
واجتهد في أن يتظاهر لها بالمحبة.

أرجو من الإخوة المحترمين،
الّذين ندّت عنهم عبارات غير لائقة
أن يبادروا بمسحها.

وضاحة الشينة😊
دي عملها تعمليها
يعني زايغة من المنبر ثلاثة شهور
لا احم ولا دستور؟
عليك دينك دي ما شناة طبع؟
سماحة الحلقة دي ماعايزين نتكلم فيها عشان في ناس كان جبنا وصفك بتجهجهو.

😂😂😂😂😂
اشهر بوست في سودانيز اون لاين
بكور عليك الله ما تارشفوا خلوا دائماً فووووق😜
ثم مشتااااقين

Quote: اشهر بوست في سودانيز اون لاين

ثقة شديدة

Quote:
اشهر بوست في سودانيز اون لاين
....

من حيث الانصرافية و عدم الموضوع...
الناس فى شنو ووضاحة فى شنو ؟

أعتقد الأنسان في العشريات القادمة سوف يفكر عشرات المرات في مسألة صلاحية تمرير جيناته للأجيال القادمة.
المسألة ليست مسألة شكل
يعني في احتمال يحصل انتخاب اختياري

من الفنانين السمحين " عثمان خوجلي " رحمه الله، كنت ألحظ وسامة الرجل كمستمع سوداني عادي .. كنت في زيارة " للنيجر" في بداية التسعينات .. ألح أحد المواطنين " يعمل في المركز الرئيس ببريد النيجر " في التعرف علي فقط لكوني سوداني ... رحبت بالرجل خاصة وأنه كان إلى جانب " الهوسا " يجيد الإنجليزية ... ودعاني إلى منزله الريفي الجميل .. واسترعى انتباهي وجود صور ملونة وبأحجام مختلفة للفنان الراحل خوجلي عثمان، واقتناء الرجل لمجموعة كاسيتات له لم أسمع ببعضها في حياتي .. وكان يستمع إليه في حماس بالغ ... ويطفئ المسجل فجأة وبسرعة ويسألك .. هذا المقطع ماذا يقول ؟ سألته ماذا يعجبه في هذا الفنان وهو لا يفهم العربية .. فرد ضاحكًا ما معناه " زول وشو سمح، وصوتو سمح as well as his music ...
رحم الله الفنان عثمان خوجلي رحمة واسعة فقد كان فنانا سمح الوجه والقلب والسريرة ..

فرحات عباس شخسيا!!!
جابني للبوست اسمك يا حبيب
مختفي خالص وتلفونك المعاي خارج الخدمة
رنني بالله بتلفون شغال
او شد لي سلك زي ما بقول ربيع
ربيع الدنيا في عيني
بعدين عثمان خوجلي دا منو؟
ما يكون واحد صاحبك سمح وفنان ونحن ماعارفين!!!
غايتو ما بنختلف ولعلك تقصد خوجلي عثمان الوسيم اللطيف الفطن....

..........
زمهرة الف
مرة واحد صاحبنا في معرض السيارات ببيع في اخر ممتلكاته
ساله موظف المعرض اسم البايع
صاحبنا اتلخبت
وراسو ضرب
في النهاية طلع الاقامة وقد يقرا في اسمو
تصدق.....

Quote: المشكلة في الانجليزي الخطاء

تسلم يا بشيري ... ياهو زاتو تلفوني ما اتغير .. بشد ليك سلك

تسلم يا بشيري ... ياهو زاتو تلفوني ما اتغير .. بشد ليك سلك

أخونا عبد اللطيف معليش للخطئين .. الانجليزي .. واسم الفنان ... حتى ترضى

Quote: من حيث الانصرافية و عدم الموضوع. الناس فى شنو ووضاحة فى شنو ؟

ماما نور الشووووق مطر😂😂😂😂❤️

Quote: ثقة شديدة

اكيد
لانوا موضوع فلسفي عميق
والدليل تفاعل الناس معه
تحياتي

ماااااااااااالو ما بتزوج

انا بشهادة صاحبي قباني قال لي جنس شناتك ما اتخلقت في بشر

واهو انا متزوج وعندي ولد قرن شطة بس

ما تتمقلبي الزول الشين سماحتو كلها في روحو وفي جوهرو

اها انتي بتدوري المظهر وللا الجوهر