يقولون أن الظلمة أفصح من الظلام وأن أفضل أعضاء البورد لم يكتب بعد لأن الغالبية منهم يفضلون الكتابة بأعينهم .. لذا ، وقبل الأرشفة بساعات نفتح هذه النافذة لمنح جوائز البورد للستة أشهر الأخيرة من عمر الدورة المنتهية بعد ساعات .. والجوائز تمشي على المحسنين والمواسير في البورد ..
(1) أفضل من كتب في المنبر في الفترة الأخيرة على العموم ، الزميل شاهين شاهين، وان كان مقلا .. يليه الزميل درديري كباشي (2) أسوأ من كتب عموما في الفترة الأخيرة الزميل توفيق مكي، يليه الزميل صلاح غريبة . (3) أكثر من أثار الجدل في المنبر : الزميل الخفي : حاتم إبراهيم ، يليه أحد توابعه . . . الباب الان مفتوح على مصراعيه للترشيح لـ .. - افضل كاتب ثقافي، سياسي ، .. الخ -أسوأ كاتب في المجالات نفسها - أنشط كاتب . -أنبل كاتب -أشجع كاتب - أجمل كاتب . - أغرب كاتب - أدجل كاتب - أشنا كاتب . -أشتر كاتب - أجلح كاتب - أكسل كاتب . - أصغر كاتب - أكبر ماسورة في البورد - اكتر واحد غياظ - أكبر مطبلاتي - اكبر عنصري .... الخ حرف الألف وبقية الحروف وبدون زعل أو تحيز بالله ..
Post: #2 Title: Re: جوائز البورد Author: عمر التاج Date: 10-17-2017, 09:46 PM Parent: #1
نسيت اذكر انه البوست ده اتفتح قبل ستة شهور وتسبب في زعل كم حبيب احلى من الزبيب وحتى ان الزميل دينق قال عنه اتفه بوست لذا فالفرصة مفتوحة لتعديل القوائم السابقة واضافة افضل واتفه بوست جديد
Post: #4 Title: Re: جوائز البورد Author: جلالدونا Date: 10-18-2017, 01:29 AM Parent: #3
افضل كاتب ثقافي، سياسي ، .. الخ .... تقافى سنارى عبداللطيف كبر دردثرى سياسى الشامى -أسوأ كاتب في المجالات نفسها... غريبة - أنشط كاتب ..... ابوسن -أنبل كاتب .... م الزبير ... الملك -أشجع كاتب ... نور تاور .. بشاشة رغم شنارتو - أجمل كاتب . دى دايرة توضيح شوية - أغرب كاتب .. عرفات - أدجل كاتب ... ود الباوقة و دولاراتو ... حاتم ... - أشنا كاتب .... انا و المستنير اخوى -أشتر كاتب .. قسم الفضيل - أكسل كاتب . السنوسى - أصغر كاتب سناً .. على ما اعتقد تلبو .. امتثال و بسمات - اكتر واحد غياظ ...ود البشرى - أكبر مطبلاتي ... عبدالعظيم ,, بوب - اكبر عنصري .... اسماعيل - اكتر كانب ما عارف كوعو من بوعو ... طلحة - اهدأ كاتب .. فردوس - اشبح كاتب .. معروف ابو الحسن .. اقصد حاتم - أونس كاتب .. ود المدير - اظرف كاتب ... ود البوش هسى يجو ناس الغبينة طايرين
Post: #5 Title: Re: جوائز البورد Author: أبوبكر عباس Date: 10-18-2017, 02:41 AM Parent: #4
"ما فارز كوعو من بوعو" "وعندو الكبير الله بس" شديد الحساسية للعربنة
ألحق خليهو يندرع فيك؛ لازم لازم الشتيمة الأخيرة تكون حقتو
سودانيز دي فعلاً مكان فلكلور قروي
Post: #6 Title: Re: جوائز البورد Author: سيف النصر محي الدين Date: 10-18-2017, 02:54 AM Parent: #5
اجزم ان النيران المولعة في البورد في الفترة الأخيرة واحد من اهم مشعليها هو صديقي المستنير. لذا فانا ارشحه لجائزة كاتب المديدة الحارة لهذا العام.
Post: #7 Title: Re: جوائز البورد Author: عمر التاج Date: 10-18-2017, 05:40 AM Parent: #6
صباحات الهناء والارشفة وكل موسم كتابي وأنتم بخير تحية خاصة للاخوة: ود الباوقة ومرشحه الرائع محمد عبد الله الحسن جلالدونا وكل معجبيه ومرشحيه ابوبكر عباس وكل متابعيه سيف النصر بكامل قدراته الابداعية في المنبر .
أرجو أن تخلى خانة: أتفه عضو في البورد لأني (خاتيها) لعضو يستحقها، نظام تسدي وكده باقي الفرص متاحة للترشيح وسنعلن النتيجة قبل ثوان من الأرشفة التحية للزملاء الكتاب الذين فاضت بهم معارض الخرطوم هذه الأيام وعدا وابداعا، وبالتأكيد مقاماتهم محفوظة في البوست المستنير لاشك أنه تابع مجد ، وأشك في أنه مفجر الثورة التي تدور على محور الطابور هذه الأيام البقية سنأتي اليهم تفصيلا ، بعد مزيد من الترشيحات ..
Post: #8 Title: Re: جوائز البورد Author: عبدالحفيظ ابوسن Date: 10-18-2017, 05:55 AM Parent: #7
هسة يا جلال الواحد ما يقوم عليك بي فرارو دة يخلي ريحتك طير طير انشط عضو ياخ دة تقييم يستوجب الاضافة مضاف ومضاف إليه وعلامته الكسر كسر العلامة داير يا مكتبة ولا اعتذار او تتم كلمتك بالاضافة
Post: #9 Title: Re: جوائز البورد Author: عمر التاج Date: 10-18-2017, 07:34 AM Parent: #8
أنشط عضو أوب سن، دي أنا بصم عليها بالحداشر وإذا ممكن أضيف هو أنشط عضو ، وكمان أعقل عضو والجائزة لن تقل عن مكتبة متنقلة يجرها بكري ابوبكر شخصيا .. وعايز كمان أضيف بخصوص أجمل عضو ومن غير شرح هو صديقي : فيصل خليل أي سؤال؟
Post: #11 Title: Re: جوائز البورد Author: عبدالحفيظ ابوسن Date: 10-18-2017, 07:45 AM Parent: #9
يدك معانا يا عمر وجلال دة فراري للربع الجاي راجيهو بيهو لا مافي كلام فيصل من اجمل الاعضاء . زول مدهش جدا بعجبني برضو منطق المشرف واحمد محمد عمر وسيف النصر .. منطق متماسك ورايق ممكن تعمل اكثر المناطق مناطقية طرافة ود القوز لامن يكون رايق سخرية بكري عباس الخفية ما بحب لياقة ودو
Post: #12 Title: Re: جوائز البورد Author: عبدالحفيظ ابوسن Date: 10-18-2017, 07:45 AM Parent: #9
يدك معانا يا عمر وجلال دة فراري للربع الجاي راجيهو بيهو لا مافي كلام فيصل من اجمل الاعضاء . زول مدهش جدا بعجبني برضو منطق المشرف واحمد محمد عمر وسيف النصر .. منطق متماسك ورايق ممكن تعمل اكثر المناطق مناطقية طرافة ود القوز لامن يكون رايق سخرية بكري عباس الخفية ما بحب لياقة ودو
Post: #57 Title: Re: جوائز البورد Author: جمال ود القوز Date: 10-18-2017, 03:38 PM Parent: #12
تسلم حبيبنا عبد الحفيظ أبو سن .. واشهد بانك ضمن اجمل من كتب بهذا المكان .. وان لم تكن أجملهم .. اتزانا .. ولغة ثرة .. وادهاشا .. ونبلا .. بعدين تعجبني من زمان بانك زول حقاني جدا .. وعادي بتمرق الليك والعليك .. وبلا وجل او عنت .. ولا تجامل في رأيك ولا تصطف .. لمجرد نرجسية او صحوبية أو شلة .. عشان كده لمن اشتغلت هوجة الاصطفاف .. نأيت بنفسك وانزويت جابنا ولم تشارك .. خوفا من موقف يناقض مبادئك .. قد تفرضه ظرفية بعينها .. او تمليه روح صديق رغم قربه منك .. لكنه يمتليء نرجسية .. فيطالبك بما لا تقبله .. أو يصعّر خده لك .. ان كنت عكس ما تشتهي نرجسيته .. دمت ياخ ...
وبقول ليك .. والروقة يا حليلااا .. كانت قبل العيال وخوطنهم ومطالبهم التي لا تنتهي .. يأخ انت تستحق لقب اجمل من كتب بهذا الفضاء السايبري .. وبس ..
والزعلان يقع الخزان .. سنار قريبة .. ههههه ...
مع احتفاظي بمقاعد لود البشرى .. أحمد محمد عمر .. حافظ بشير .. وشوفوا عايزين تقعّدوهم وين .. لكن أي مكان حيقعدوا فيهو تأكدوا بيملوه ..
Post: #10 Title: Re: جوائز البورد Author: جلالدونا Date: 10-18-2017, 07:40 AM Parent: #8
معقولة يا سنّو ياخ اختيارك لى انشط عضو تم وفق تميحص و تدقيق و قراية للورا و القدام مداخلاتك فى الحساب برضو هن عشرين تلاتة لى ود البوش و تلاتة لى قبانى و تلاتة لى عووضة و هيثم ستة ديل .... اتناشر .. اعد و كرر ما محسوبة و معاهن بتاعات ود المدير التمانية الباقات ديل فرارا نارو موقده ده النشاط القاصدو هسى يجى ود البشرى و يقول الشغلة دى فيها غبينة غايتو المحامى بتاعى الفاضلابى
Post: #13 Title: Re: جوائز البورد Author: عادل الباهي عبدالرازق Date: 10-18-2017, 07:56 AM Parent: #10
أصغر كاتب سناً .. على ما اعتقد تلبو .. امتثال و بسمات
يا جلالدونا انا ما تشيف ؟؟ بس ماتكون حاسبني مع محمد مجيدو وود المدير وود البشرى وعباس الدسيس شائفك قسوت علي قسم الفضيل لكن بيني وبينك يستاهل عامل شنبو زي شرابين المريسة دا .
صاحب البوست سلام ليك ولضيوفك الاكارم برجع أختار برواقة
Post: #14 Title: Re: جوائز البورد Author: عمر التاج Date: 10-18-2017, 08:34 AM Parent: #13
عادل الباهي مرااحب طبعا انت منافس في جائزة أقيف عضو، خاصة بالنيوبروفايل الأخير وما ننسى عندنا جائزة أشنا عضو: والخيار هنا للاخت وضاحة صاحبة بوست الشنا الشهير
Post: #15 Title: Re: جوائز البورد Author: عمر التاج Date: 10-18-2017, 08:42 AM Parent: #13
جلجلنا سلام طبعا الجميع حايتفق يمنحك جائزة أبحت عضو في المنبر للالفية الاخيرة وبوستك ذو ال 15 صفحة الاخيرة لا يمكن مقارنته والمنافسة عليه بما يحمله من معان وأدوات خبيرة وكمان عندك بوستات اجتماعية تنافس جوائز افضل مواضيع البورد . . النائرة الثاقبةالبارقة، د. فردوس ارشحها لجائزتين في هذا الاوسكار: أثقب عضو وأعرف عضو، لما لها من حضور ممتع في دنيا الاستنارة والمعرفة. جوائز خاصة لبت عمسيب ونعمات كأنشط عضوات البورد وهناك جائزة أكبر لبكري ابو بكر، ماعارفة حقت شنو؟ ونواصل
Post: #16 Title: Re: جوائز البورد Author: حيدر حسن ميرغني Date: 10-18-2017, 08:55 AM Parent: #15
ود التاج نسيت جائزة اكثر زول معاط :))
Post: #17 Title: Re: جوائز البورد Author: عمر التاج Date: 10-18-2017, 09:11 AM Parent: #16
حبيبنا حيدر سلامات .. وعشان نكون دقيقين في التبويب انا شايف نكتفي بحرف الالف في البوست ونأجل بقية الحروف لجوائز اخرى وبكده يتكيف اقتراحك كجائزة أمعط عضو ونرشح لها الشبح ونضيف لها اظرف عضو او بوست وانا ارشح ود الباوقة ابرع عضو اخونا صبري اوضح عضو .. اخونا سمعة أجرم عضو .. أشبح عضو وعضوة .. حاتم وزينب
Post: #18 Title: Re: جوائز البورد Author: عمر التاج Date: 10-18-2017, 09:16 AM Parent: #17
طبعا الترشيحات تسري على الاعضاء والعضوات وفي جوائز المرأة لا يفوتني ترشيح الزميلة اميرة الشيخ كأجمل عضوة .. جمال متكامل كده بدون تفصيل أروع عضوة .. بسمات ، روعة الفتاة عندما تكون زولة وهلم جرا
Post: #20 Title: Re: جوائز البورد Author: عمر التاج Date: 10-18-2017, 09:26 AM Parent: #18
الزميل قصي نبهني لامر مهم ومؤثر في التصنيف وهي عملية عدم التوزيع العادل للمشاركات .. لا استطيع التفصيل في الشرح حتى لا ارشح لجائزة اسرع عضو بدون عدة.. لذا انقل رسالته كاملة.. واتمنى اكواده تظبط.
Quote: أنشط عضو أوب سن، دي أنا بصم عليها بالحداشر وإذا ممكن أضيف هو أنشط عضو ، وكمان أعقل عضو والجائزة لن تقل عن مكتبة متنقلة يجرها بكري ابوبكر شخصيا .. وعايز كمان أضيف بخصوص أجمل عضو ومن غير شرح هو صديقي : فيصل خليل أي سؤال؟
أنشط كاتب دي شيلها من المنافسة لأن هنالك كتاب كثر محددين لهم عدد معين في المداخلات، بدأ من واحدة إلى خمس كأقصى حد، تقريبا. فياريت تستحدث جائزة أخرى مفصلة تماما على مقياس اب سن ... منعا لإحراجه. أستأذن الأخ طلحة في التنازل عن الجائزة لي
Post: #21 Title: Re: جوائز البورد Author: امير بوب Date: 10-18-2017, 09:29 AM Parent: #18
سلام عمر التاج و زوّارك انا غايتو عندي نفرين عايز أمنحهم ألقاب ليس مجاملة و لكن عن معرفة و دراية ! أكيش عضو في البورد هو المستنير ابوبكر عباس
أكذب و أفجر أهل المنبر هو جلالدونا ! بالإضافة لإحتفاظه بلقب ( نسناس المنبر لعدّة أعوام ) 😜
...
Post: #24 Title: Re: جوائز البورد Author: عمر التاج Date: 10-18-2017, 09:45 AM Parent: #21
د. امير انت عايز تجيب لنا المشاكل ياخ واتخيل لي تستحق لقب أشكل عضو في المنبر..وخاصة في دورك في فيلم الكشكشة والموسبقى اما دورك في مسلسل جلال المكسيكي فانا بمنحك جايزة افشل دفاع عن الباطل ومتوقعك تحرز هدف ذهبي معكوس.. . . اونس عضو يستحقها ود البوش بلامنازع .. يليه ابو حراز جائزة احرف عضو تنزلت الان وفجأة على ابو الزهور بالله يا زهير قدرت ثبت بوستك بتاع الحركات ده كيف
Post: #19 Title: Re: جوائز البورد Author: محمد مجيدو Date: 10-18-2017, 09:24 AM Parent: #1
يا عمر ... انا بحب الجوائز ياااخ ان شاء الله ادوني جائزة... اكبر عمة ...
ود الباهي .... قلت لي اكبر من ... ؟؟ واصغر من ؟؟ ( حقت الرياضايات ديك )
طيب عندك لياقة ..تقوم تلف ؟؟؟؟
ثم ... ك حسن ك .
عاالم بطااالــــــــــــــــة ,,
Post: #22 Title: Re: جوائز البورد Author: عادل الباهي عبدالرازق Date: 10-18-2017, 09:35 AM Parent: #19
ود الباهي .... قلت لي اكبر من ... ؟؟ واصغر من ؟؟ ( حقت الرياضايات ديك ) طيب عندك لياقة ..تقوم تلف ؟؟؟؟ ثم ... ك حسن ك .
أنا ود قلبا يا مجيدو كلامك دا تقولو لناصر حسين ولا الطاهر الطاهر الجو راكبين في اللوري
Post: #23 Title: Re: جوائز البورد Author: جلالدونا Date: 10-18-2017, 09:45 AM Parent: #22
ماك طالبنى حليفة لو قلت ليك:كنت فى بالى يا ود الباهى بس خفتا اسماعيل يشيل فرارير ود اب سن و يقول كدى يصقعك بخاف عليك من همس النسيم ياخى
Post: #25 Title: Re: جوائز البورد Author: عمر التاج Date: 10-18-2017, 09:53 AM Parent: #23
مجيدو يا اخ انت فلتة وتستحق كم جائزة لكن اسع في بالي جائزة اشطن عضو.. بوستك بتاع تجارة البشر داك باهلك لحلحلة امكر الخطط المضادة ووردودك الارتدادية حقيقة بتخوف الجن والاشباح. . . ود الباهي انا كنت مدخر جائزة أجعل عضو لشخصي الضعيف ولكني اتنازل عنها لدورك الجعلي المشهود في المنبر
Post: #27 Title: Re: جوائز البورد Author: عبدالله ود البوش Date: 10-18-2017, 09:58 AM Parent: #25
جايزتي دايرا تكون عنقريب هباب في راكوبة همريب وحقة مستفة تب صعوط وجنبي اب حراز ويحكي لي قصة ريدو لي ست النفر من زمن الثانوي العام لحدي لوري السيرة وخلاس كفاي
Post: #26 Title: Re: جوائز البورد Author: امير بوب Date: 10-18-2017, 09:55 AM Parent: #23
هههه يا عمر التاج انا ذاتي برشّحك لجائزة أغتت عضو بالمنبر ! ياخ دي مرّاقة تدّيها للراجل صاحبك ؟!! و زولك كنكش فيها !😜
انت الظاهر النوع الذي لا يحب تخديش وجه الصاحب !😉
Post: #28 Title: Re: جوائز البورد Author: عمر التاج Date: 10-18-2017, 10:07 AM Parent: #26
لا احب تخديش وجه الصاحب دي ذكرتني قصة الثعلب والارنب عندما احتكما للضب.. يا ابا الحسل اني وجدت ثمرة .. قال حلوة فكليها ... الخ الحكاية بتنطبق على مداخلات المستنار في بوست جلال عشان كدة انا بضيف ليك جائزة اصدق عضو .. وذلك لوصفك ابا بكر بأكيش عضو .. (وقالت اليهود ليست ..) طبعا زميلكم عبد العظيم ما بننسى دوره فهو بستحق بجدارة جائزة افشل حارس مرمى في المنبر.. وباقي الفريق بذكرني بمنتخب ما زدا عندما كان بحتفظ دومابجائزة انضف لعب
Post: #29 Title: Re: جوائز البورد Author: محمد عبد الله الحسين Date: 10-18-2017, 10:11 AM Parent: #28
الأخ عمر التاج بوستك ده طلع أذكى بوست...و في الوقت المناسب....ضربة معلم يعني.... الجميل فيه إنه بيفتح شهية كل الأعضاء للدخول و المشاركة........ ............يعني العايز ينتقم بيدخل و العنده غبينة و الزعلان من زول تحت تحت و.... و العنده كلام مغتغت و عايز يقولو بيدخل..... و المتكيف من زول بيدخل.. المهم مع الفارق في التشبيه و لكن كأنه يوم الحساب...كل زول بيدخل و يقول العنده بكل صدق... و لسه حتشوف كلهم سيجتمعون و يصطفون و يتهامسون و يشيرون لبعضهم البعض بالاتهامات و بتبادل الألقاب و توزيع الألقاب و الشهادات و للدفاع عن النفس سيدخلون...و المتفرجون قليلون... بالنسبة لي ترشيحاتي قليلة ..ليس لأنه تصحيحي صعب زي ما بيقول الطلبة للاساتذة و لكني حاليا لا أستحضر كل الأعضاء و لا انطباعاتي عنهم:و لكن ساحاول: - عبدالحفيظ ابو سن ينطبق عليه الحكيم لتناوله الرزين و الهادي - بسمات الشيخ: تدخل كالنسيم ..ظريفة خفيفة دم ذكية مهذبة - ود الباوقة : مهذب ،ودود و رغم اختلافك السياسي معه تحترمه لأنه لا يميل للشتم و الشجار و قتل الشخصية. - منى عمسيب: لحماستها وروحها القتالية و نقاءها و طهرها الثوري و لخفة دمها - زهير: لمثابرته و التزامه بخط معين و مواظبته و اهذيبه. - الأخ محمد مجيدو: خفيف الدم و تكفي عبارته الشهيرة(عالم بطالة. -علي عبدالوهاب: الحكمة التهذيب و روح التوثيق و التجويد فيها. هناك الكثيرون تركوا انطباع جيد لربما لا أستطيع استحضار اسماءهم الآن.. و في المقابل انفر من أسلوب البعض الذي يجنح للتحقير و التجريح و اللؤم ,و كذلك البعض الذين يلجأون للمضايقة و المساككة و الترصد..
Post: #79 Title: Re: جوائز البورد Author: علي عبدالوهاب عثمان Date: 10-19-2017, 01:53 PM Parent: #29
-علي عبدالوهاب: الحكمة التهذيب و روح التوثيق و التجويد فيها.
حبيبنا محمد حسين .. شهادة أعتز بها كثيراً
شكراً يا جميل ..\
Post: #30 Title: Re: جوائز البورد Author: عبدالحفيظ ابوسن Date: 10-18-2017, 10:12 AM Parent: #28
يعني مرقت ملوص ما بطال شايف التيم كلو تعبان دايرين صاحب افضل عنوان اجرا عنوان ابيخ عنوان
Post: #31 Title: Re: جوائز البورد Author: عمر التاج Date: 10-18-2017, 10:32 AM Parent: #30
مرحبا ود البوش.. ابقى داخل وقول كلمتك على المنصة اخونا الرائع محمد الحسن ترشيحاتك في محلها وطبعا انت كنت مصنف في بوستي السابق كافضل من يتناول المواضيع الاجتماعية في المنبر وأعتقد عندك بوستات جديدة بتاهلك للمحافظة على الجائزة
اخونا الكبير ابو سن .. والكبير دي بتتقال عندنا لكبير الراي الذي يرجح به القرار فكرتك رائعة بخصوص تصنيف البوستات .. وكانطباعية فورية بعتقد ان بوست صديقي محسن خالد يعتبر أغرب بوست في المنبر اذكى بوست حديث بوست اخونا عليش عن الكاريكاتير احلل بوست هو ما يكتبه محمد البشرى اجرأ بوست هو ما يكتبه على دفع الله او ياسر الشريف اكثر بوستات تحيرك في نافوخك هي بوستات عرفات حسين اغلط بوستات هي البكتبها او بتداخل فيها حاتم ابراهيم أملل بوستات هي البكتبها .. هي مشتركها نخليها للقراء احسن.
Post: #32 Title: Re: جوائز البورد Author: عمر التاج Date: 10-18-2017, 10:44 AM Parent: #31
لاننسى اهل الفضل في مجالين مهمين .. احكى عضو هو كبر .. يطوع الالفاظ والمشاهد الفورية بمهارة غريبة ينافسه في ذلك معاوية المدير وسوداني عجوز فكلاهما مدهشان عند المتابة التلقائية.. ارسم عضو هو .. عمر دفع الله .. رسام كاركاتير احترافي ريشته لاتخضع لمعيار غير الفن. الفنان مصدق محمد الحسن لا يعلى على ريشته في مجال الجرافيك والقصص المصورة خاصة.. وينطبق نفس الوصف على الرئع ود ابو.
Post: #33 Title: Re: جوائز البورد Author: أبوبكر عباس Date: 10-18-2017, 11:04 AM Parent: #32
يا أمير، ابتداعك لجائزة نسناس المنبر بتخليني اصنفك مبدع
Post: #34 Title: Re: جوائز البورد Author: أبوبكر عباس Date: 10-18-2017, 11:09 AM Parent: #33
بعدين أنا تاني أكيش زول بعد عمر التاج زول طقطقو في مجال تخصصو وعندو فيهو أوراق علمية !!! شال عدتو وقام جاري لليلة أضحك
Post: #36 Title: Re: جوائز البورد Author: أبوبكر عباس Date: 10-18-2017, 11:13 AM Parent: #34
وقعد يبكي
Post: #37 Title: Re: جوائز البورد Author: Salah Zubeir Date: 10-18-2017, 11:15 AM Parent: #33
عمر التاج ,,, الزول الفقري وبنوم بدري ,,,, أنا ما عارف بوستيك ذكرني العطبراوي والشعوب الكادحه من أمثالنا ,,,, العائدون مع الظلام من المصانع والحقول ملؤوا الطريق وعيونهم مجروحة الأغوار ذابلة البريق يتهامسون وسياط جلادٍ تسوق خطاهمو ما تصنعون يجلجل الصوت الرهيب كأنه القدر اللعين وتظل تفغر في الدجي المشؤوم أفواه السجون ويغمغمون نحن الشعوب الكادحون لا لن نحيد عن الكفاح ستعود سودانيز لنا وتعود أنغام الصباح
Post: #35 Title: Re: جوائز البورد Author: طلحة عبدالله Date: 10-18-2017, 11:11 AM Parent: #32
Quote: "ما فارز كوعو من بوعو" "وعندو الكبير الله بس" شديد الحساسية للعربنة
ألحق خليهو يندرع فيك؛ لازم لازم الشتيمة الأخيرة تكون حقتو
دا المستجير العامل خطير لقاها فرصة عشان يكتح متلبدا في زقاق بعد أن ضقلت بيهو ذات أكثر من مرة على الملأ عندما اشتاق من خفته للشلاقة والمقابضة .. اترع يا مستجير .. اترع أخوي وأزفر وقول أحي انا .. دي فرصتك
Quote: ود الباوقة : مهذب ،ودود و رغم اختلافك السياسي معه تحترمه لأنه لا يميل للشتم و الشجار و قتل الشخصية.
أبدا دا كلام ما صاح اللخو دا قبل كدا شتمني شتيمة شوارع وصعاليق وقال لي بطل ( المنتشة) دون احترام لسنه وعمته الماكنة وسبحتو الطويلة الشايلا منجهة وفشخرة كضابة .. خخخخخخ
Post: #38 Title: Re: جوائز البورد Author: طلحة عبدالله Date: 10-18-2017, 11:15 AM Parent: #35
جلالدونا قوم لف
Post: #39 Title: Re: جوائز البورد Author: طلحة عبدالله Date: 10-18-2017, 11:19 AM Parent: #38
نسيت بالنسبة للخو بتاع العمة والسبحة وهددني كمان .. هههههههههههههههه شوف بالله كيف ؟؟؟؟
Post: #40 Title: Re: جوائز البورد Author: جلالدونا Date: 10-18-2017, 11:25 AM Parent: #39
طلحة .. يا ريت تكون عارف انو الشغلة محبة لو غير كده انت شايف ... عادى ممكن اسحبا
Post: #41 Title: Re: جوائز البورد Author: طلحة عبدالله Date: 10-18-2017, 11:30 AM Parent: #40
هسة أنا قلتا ليك شنو ؟ قوم لف تاني
Post: #42 Title: Re: جوائز البورد Author: محمد عبد الله الحسين Date: 10-18-2017, 11:39 AM Parent: #41
الأخ عمر و الله أخجلت تواضعي (الذي أرجو أن يكون غير مصطنع) بكلماتك الجميلة في حق شخصي.... و أرجو أن أكون دائماً مفيدا و عند حسن الظن: (اخونا الرائع محمد الحسن ترشيحاتك في محلها وطبعا انت كنت مصنف في بوستي السابق كافضل من يتناول المواضيع الاجتماعية في المنبر وأعتقد عندك بوستات جديدة بتاهلك للمحافظة على الجائزة) ------------------------------------------------------ أكرر شكري
Post: #43 Title: Re: جوائز البورد Author: عمر التاج Date: 10-18-2017, 12:04 PM Parent: #41
وحات شيخي أب روج داك يا طلحة انت كنت في بالي وأنا بصنف بس ما متذكر ختيت اسمك وين المهم أنت زول مبدع ومبتكر في عدة مجالات، وللضمان مافي زول بنافسك في جائزة أطول خخخخخخ . . أبوبكر عباس انت ضعيف في البولتيكا ، عشان كده بوب كلامه صحيح بوست الجغرافيا ده كان مجرد استدراج شبح، لأنه حاتم أصلا ما شبه جغرافيا رغم أنه بوب زاتو أجلح عضو مشترك مع السيدح و احمد عمر (بتاع IT )، إلا أن الأخيرين مفيدين كان ختو الرحمن في قلبهم وطردو الشيطان هههه . . طبعا لا يفوتنا ترشيح جوائز في مجالات الشعر والنثر والخبر .. وحا أبدأ أرشح: أخبر عضو : زهير عثمان أشعر زول في افريقيا، بله محمد الفاضل، مشترك معه كاتبنا العملاق أبوذر أفنن كاتب : ود قباني، ويكفي أنها يحي . أضخم بوست في المنبر هو بوست الأخ عوض (awad okasha ) بتاع الأخبار المدهشة على وسائل التواصل الاجتماعي
. . محمد عبد الله الحسين هو المقصود في جائزة الكتابة الاجتماعية
يا مستنير عمر التاج دا رغم تخصصو في المجال داك لمّا القيم بدا ، صاحبك فرح بإعتبارو. صاحب الآتو ! واحدين قالوا مربوطة ، صاحبك قال ١٣ و هو يتكشّم ! قالوا ليه ملعوبة !! تمت طقطقتو في قبولو و أخد سيك زي الترتيب !
...
Post: #45 Title: Re: جوائز البورد Author: محمد البشرى الخضر Date: 10-18-2017, 12:17 PM Parent: #44
أحلل دي من حلال؟
Post: #46 Title: Re: جوائز البورد Author: محمد حيدر المشرف Date: 10-18-2017, 12:19 PM Parent: #1
تحياتي للجميع ..
أود لفت الانتباه لكاتب في المنبر يدعى حسين احمد حسين .. وهو صاحب كتابة "بت لذين" جدا, وفي منتهى الهدوء
بهذه المناسبة, مناسبة الهدوء أعني, سلسلة (بهدوء) لصاحبها عبدالحفيظ ابوسن تحظى باعجابي.
دهب تلبو أحد اميز الاقلام .. أين حافظ اشو؟! ليس بالضرورة أن يكون الدهن في العتاقي !!
عبدالله إدريس زول راسخ جدا, يذكرك عيدروس المختفي في الفترة الأخيرة ..
عليش الريد وعمر التاج ..
العتاقي ما زالوا متواجدين في الساحة .. طراوة بكل تأكيد ..
هناك اختفاء للصوت اللطيف .. البنات الكتابات شديد ديلاك هن الأكثر غيابا.
تتملكني عموما روح سالبة تجاه المنبر... (وش البامية ما ياهو) .. يقيني انو السودانيين بصورة عامة عادوا اكثر سخفا واقل سودانوية وسماحة, وكذلك المنبر.
Post: #47 Title: Re: جوائز البورد Author: عمر التاج Date: 10-18-2017, 01:00 PM Parent: #46
أحلل دي من تحليل يا محمد البشرى حلل، يحلل ، إحلالا أحلل، يحلل ، تحليلا أنت مرشح لتكون فضل من يقوم بتحليل المواقف يا محمد بشرى لكن مشكلتك بتحلل حسب مزاجك وبانتقائية زي ما بقول فلان داك . . صلاح الزبير حبابك، وحقو ترشح لينا جائزة أسوأ كاتب لأنك أكتر من يعرف دروب المنبر وجخانينو .. وحقك في الجوائز محفوظ، على الأقل اب جلابية ما أديناها مجيدو ، . . بوب وود عباس، خلاص حاتم طلقكم هنا يا اخ انصحوه يسلم نفسه للجنائية بي هناك عشان يتفك الحصار عنه وما يركب راسه زي واحد أخونا كان شايف بكري تحت شراباتو .. . . أخونا المشرف، إن ربنا مد في ساعات المنبر ، بحاول أستوعب مداخلتك قبل الأرشفة وإن لم أستطع فاعلم أن جائزة أعمق مداخلة ستكون لها ..
يا شباب العفو و العافية و عذراً لو غلطت في حق أيّ زول معظم مداخلاتي كانت عبارة عن تدوير و مكاواه لا أكثر ! ليست لي غباين شخصية و لا استعدي أحد جميعكم اخوان و أتشرّف بمعرفتكم ، ربما نتناقر ، نتشاكس و لكن في النهاية يجمعنا هذا الفضاء الجميل.
أعتذر لكل شخص ربما أكون قد أغضبته او أخد في خاطرو مني و لكم جميعاً دون فرز العتبي حتي ترضوا. الغالبية هنا كنت ( أدحّك) معهم و لو علي طريقتي الخاصة و و ربما أكون قد إشتبكت مع آخرين بدون سابق اصرار و ترصّد ! فلهم كامل التحية و الإحترام إجمالاً و بدون تفاصيل !
تحياتي للجميع و العفو و العافية و ما بيننا إلا المحبة و الاحترام المتبادل .
... سلام
Post: #50 Title: Re: جوائز البورد Author: محمد عبد الله الحسين Date: 10-18-2017, 01:40 PM Parent: #48
يا أخ عمرمش قلت ليك؟ البوست ده حيكون زي يوم الحساب؟ مع فارق التشبيه ... يعني كل زول حيجي يقدم كتابه و شايل اوراقه أو اعتذاره أو شكوته...إلا زولاً لسه ما غسل قلبه من أدران الدنيا.. يعني بوست حيتملي مراجعات .... و اعتذارات و توبات...و ممكن برضه ...و تصفية حسابات.... ***************************************** الأخ أمير تحياتي الاعتذار منك ... شيء كبير ..... و أكتر من كويس منك أصله ...ما في حد ماخد منها حاجة... و عموما نتوقع مزيدا من الاعتذارات و دي سُنة جيدة... كما قلت ده بوست حيوي جدا ...و أكيد حيلم الناس كلهم زي يوم العرس ... ..تحياتي مرة أخرى لصاحب البوست و للجميع و كل أرشفة و انتو طيبين
Post: #51 Title: Re: جوائز البورد Author: فردوس جامع Date: 10-18-2017, 02:34 PM Parent: #49
الأخ عمر وزوار البوست السلام و التحية...
بوست دمه خفيف :)
شكراً ليك جلال على حسن الظن. ربنا يساعدنا كلنا على المحافظة على الهدوء و يجنبنا الإنفعالات.
يا عمر حسي أنا دخلت هنا و قلت أرشحك لجائزة الثقوبية ... و واضح إنك بحّتَ بُطُون الكمبيوترات من كتب لي journal articles و ال pattern في الحاجات دي واقع ليك شديد. الجائزة حقتك بلا منازع.
أما المعرفة دي أراني كما قال الإمام الشافعي
كلما أدبني الدهر أراني نقص عقلي وإذا ما ازددت علما زادني علما بجهلي
بتعلم منكم هنا و من كل الناس حولي حتى بناتي الصغار ( أصغر معلمين لي هههه) طبعاً لما يقولوا لي حاجة و أكون ماعارفاها بيتكيفوا شديد 😂 و بيخلصوا في التدريس.
شكرا جلالدونا....فرحتنا،،،، افضل كاتب من ذوي الحروف الذهبية فضيلي جماع، وعبد الاله زمرواي، افضل كاتب روائي درديري وشاهين، افضل كاتب في مجال الثقافة علي عبد الوهاب وكبر، اكتر واحد غياظ ويفور الدم: كلكم عارفنو وما بحتاج لشرح،،، ودمت بخير وعافية
Post: #53 Title: Re: جوائز البورد Author: أبوبكر عباس Date: 10-18-2017, 03:12 PM Parent: #52
يا حاتم، الزولة دي قاصداك باكتر زول غياظ ويفور الدم
لا .. غلط يا ابوبكر...ما قاصدة حاتم،،، والله حاتم من انشط الكتاب ولم يتعرض لنا او لزميلاتي باي سوء او فاحش قول ودمت بخير وعافية
Post: #54 Title: Re: جوائز البورد Author: فردوس جامع Date: 10-18-2017, 03:15 PM Parent: #52
حسّيت إنه كلامي ما واضح بعد قريته... عاوزة أقول جائزة المعرفة دي أنا ما مؤهلة لقبولها لكن ممكن أرشح ليكم د. سيف. و لا يفوتني أن أتفق معاه في مداخلته أعلاه 😉.
تحياتي.
Post: #60 Title: Re: جوائز البورد Author: عمر التاج Date: 10-18-2017, 04:22 PM Parent: #54
بمناسبة أحلل عضو ومدلولات الكلمة يا ود البشرى، قرأت قبل قليل النكتة التالية شايقية دخلت المحل تشتري وسألت : - الجزمة بي كم؟ - مجاناَ - خلاص ألف وأجيك احتمال ألقى واحدة أمجن منها. دحين أنت كان اتاخرت في قبول الجائزة ممكن نلقى واحد أحلل منك .. . . حبيبنا أمير، مداخلتك الأخيرة دي كنت عايز أختم بيها البوست ، لأنها بتعبر عننا جميعا وبتحقق فينا مقولة غضبك جميل زي بسمتك وبما أنه بكري الشين لسه ما أرشف ، وبكري الأشنى منه، غضبو شين زي بسمتو حا أرجع ليك برواقة وأحت معاك حبنا للزول الحقيقي القاعد وراء الخفي الوراكم شكله زول جميل لكن بس ما قادر يعبر عن الجمال .
Quote: يا شباب العفو و العافية و عذراً لو غلطت في حق أيّ زول معظم مداخلاتي كانت عبارة عن تدوير و مكاواه لا أكثر ! ليست لي غباين شخصية و لا استعدي أحد جميعكم اخوان و أتشرّف بمعرفتكم ، ربما نتناقر ، نتشاكس و لكن في النهاية يجمعنا هذا الفضاء الجميل.
أعتذر لكل شخص ربما أكون قد أغضبته او أخد في خاطرو مني و لكم جميعاً دون فرز العتبي حتي ترضوا. الغالبية هنا كنت ( أدحّك) معهم و لو علي طريقتي الخاصة و و ربما أكون قد إشتبكت مع آخرين بدون سابق اصرار و ترصّد ! فلهم كامل التحية و الإحترام إجمالاً و بدون تفاصيل ! تحياتي للجميع و العفو و العافية و ما بيننا إلا المحبة و الاحترام المتبادل .
Quote: يا ود التاج عليك الله خُتني أصلع عضو . أخجل اعضاء بتاعين وفد المنافي خاسةً بعد تسجيلآت طراجي اللآخيرة
قبل كم شهر قابني (اعتباريا) صديق دراسه اسمه محمد عبد المنعم، الراجل ده كادر محنك من عطبرة، جبنا سيرة الكتابة لأنها كانت بتجمعنا أثناء دراستنا ، الراجل ذكر اسمين من عمالقة الكتابة وطوالي ذكر اسمك، سألتو: معاوية المدير منو؟ قال لي فتش كتاباتو في سودانيزاونلاين وحا تقتنع، وطبعا قبل مايقول لي أن كنت مقتنع ، عشان كده اسمك براه انزلق من كيبوردي وانغز في القائمة المرشحة لجائزة الكتابة في المنبر .. . . اختنا فردوس ، أعذرينا أذا وضعنا اسمك تحت قائمة الفائزات بالجوائز الحقيقة يفترض أنو الجائزة هي البتتفرع من اسمك ، والمعرفة هي البتنتسب ليك
Quote: حسي أنا دخلت هنا و قلت أرشحك لجائزة الثقوبية ... و واضح إنك بحّتَ بُطُون الكمبيوترات من كتب لي journal articles و ال pattern في الحاجات دي واقع ليك شديد. الجائزة حقتك بلا منازع. أما المعرفة دي أراني كما قال الإمام الشافعي كلما أدبني الدهر أراني نقص عقلي وإذا ما ازددت علما زادني علما بجهلي
. . . مرحبا نجمتنا بسمات، صاحبة جائزة أنشط بوردابية للفترة الأخيرة بالله ماتنسي وانت بتستلمي الجائزة، تسلمي معاك جائزة صاحبتك الأميرة ، أما ترشيحاتك للجوائز فهي في محلها تمام، وكلها قبلناها
Quote: افضل كاتب من ذوي الحروف الذهبية فضيلي جماع، وعبد الاله زمرواي، افضل كاتب روائي درديري وشاهين، افضل كاتب في مجال الثقافة علي عبد الوهاب وكبر،
وغير كده فأنت يابسمات، وكيتا في ودعباس مرشحة لجائزة أشجع بنت ، تخشاها جموع الأشباح والأشباه في البورد والدليل المحاولة الانقلابية الأخيرة الفاشلة في استقطابك . . أعتذر للجميع لشعوري بان ذخيرة كلماتي على وشك النفاد ، وأتمنى لكم أرشفة سعيدة والبوست بوستكم للترشيح حتى ساعة الترحيل .
Post: #56 Title: Re: جوائز البورد Author: عادل الباهي عبدالرازق Date: 10-18-2017, 03:33 PM Parent: #52
ماك طالبنى حليفة لو قلت ليك:كنت فى بالى يا ود الباهى بس خفتا اسماعيل يشيل فرارير ود اب سن و يقول كدى يصقعك بخاف عليك من همس النسيم ياخى
يا جلالدونا هو سمعة اب لمعة وين مختفي ؟؟ من آخر بوست هبش فيهو عمك بكري تاني ما ظهر مايكون عمك شال المشاركة اليتيمة وريحو .ومن هنا كامل تضامني مع سمعة في ارجاع مشاركاتة كاملة غير منقوصة فالود سمعة اكثر واحد هنا بيجيد اطلاق الرصاص علي قدمية .
Post: #58 Title: Re: جوائز البورد Author: أبوبكر عباس Date: 10-18-2017, 03:48 PM Parent: #56
تشوف يا سيف، أنا بتأرشف والمنتدى سيصبح أبرد من منتدى نجاة
Post: #59 Title: Re: جوائز البورد Author: جمال ود القوز Date: 10-18-2017, 04:15 PM Parent: #58
عندي جايزة خاصة .. طبعي جاد جدا في حياتي العامة .. ان لم اكن متزمّتا رغم مسحة المرح والضحك .. لذلك أجدني اكثر انجذابا لمن يضحكني .. بتعليقاته المرحة والرشيقة ... التي تركب في الموقف عاشق معشوق .. وتاتي هكذا بسرعة.. طلحة عبد الله ... أمير بوب .. عبد الله ود البوش .. أحمد محمد عمر .. عليش الريدة .. عمر دفع الله .. لمن يجي يعلّق .. بس لازم يكون مكربن على الىخر .. لانها بتقلب معاهو بي مرح غيّاظ ومضحك .. زي النوع المايلقى فرضة يدق الشافع .. فيقوم يجضّمو .. او يغفّل النا .. ويديهو قرصة في وركه .. هههههه ..
الجماعة ديل تعليقاتهم والله تضحكني .. فربنا يديهم العافية ويفتح عليهم من خزائن رحمته ..
محمد عبد الله الحسين والله انت اجمل زول في المنبر العام،،، سلمت علي قبل شوية ، وبعد قريت تعليقاتك، صديقات عزيزات وابيت ارد عليهن السلام، واحده قالت لي: الحاصل شنو ..لقيتي ولا لقيتي،،، وابيت اعلق وانا اكتم البسمة،،، ودمت بالف خير وصحة وعافية
لو سمحت جائزة رائعة مثل روعة استاذ الفاتح ميرغني .
و انتهز فرصة نجاتي من موت محقق امس، لأقول لكل الزميلات و الزملاء
العفو و العافية و سامحوني لو غلطت فيكم بدون قصد و تسلموا من كل شر
Post: #66 Title: Re: جوائز البورد Author: صديق مهدى على Date: 10-18-2017, 06:13 PM Parent: #64
سلامتك نعمات ودايما خلى لسانك رطب بذكر الله والاستغفار والصلاة على النبى وربنا يحفظك فى حلك وترحالك امين والف حمدلله على السلامة صديق مهدى على
Post: #65 Title: Re: جوائز البورد Author: Salah Zubeir Date: 10-18-2017, 06:05 PM Parent: #63
Quote: صلاح الزبير حبابك، وحقو ترشح لينا جائزة أسوأ كاتب
هههه الاستاذ كمال عباس ... أي نعم بجضم موضوعو كويس ... لكن ما حصل قريت ليهو مداخله كملتها .... زي البركبك في الطوطحانيه البتلف ديك ... لو ما استفرغتا غايتو حجابك الحاجز بجيك في حلقك ... ولو ربنا مرقك منهم اللتنين الدوخه ما بتفكك .... هذا لا يقلل من إنو زول محترم ومؤدب جدا" ... واهو ... دا راي أنا...
Post: #70 Title: Re: جوائز البورد Author: عمر التاج Date: 10-18-2017, 07:37 PM Parent: #67
تحياتي جمال ود القوز، يا الكلك جمال وفوز ، وشكرا لبذلك هذا الجمال في البوست . . . شكرا عميقا للغالي هيثم الغالي، تأكد يا صديقي أن الزعل مرفوع بيننا إلى يوم الساعة ، (ساعة الأرشفة)، ثم شكرا لتعليقك النبيل
Quote: والله يا مستنير انت وبوب تستحقو جائزة الثغالة بجدارة
. . تحياتي لك أختي الفاضلة نعمات، ألف سلامة وعافية لك و تسلمي من كل شر ان شاء الله ..
Quote: و انتهز فرصة نجاتي من موت محقق امس، لأقول لكل الزميلات و الزملاء
العفو و العافية و سامحوني لو غلطت فيكم بدون قصد و تسلموا من كل شر
Post: #71 Title: Re: جوائز البورد Author: محمد محمود محمد Date: 10-18-2017, 07:55 PM Parent: #70
١/عليش الريدة ٢/ Hafiz Bashirأكثر اتنين شجاعة و نبل و أحترام .
Post: #72 Title: Re: جوائز البورد Author: عبد الصمد محمد Date: 10-19-2017, 03:57 AM Parent: #71
تحية عمر التاج تعودنا في كل فترة إطلالة بوست يقيّم عطاء البورداب ويحدد المع النجوم لكن لو حاولنا تقييم البوست نفسه مقارنة بالبوستات السابقة فدا بيحدد لينا نحن في ياتو مرحلة من مراحل الكتابة في المنبر يعني منحدرين داون ولا صاعدين لفوق على كل حال أرغب في تذكير الناس ببعض النجوم ولن أقول أفضل من يكتب في البورد وفي البداية دعني أشيد بالجهد الذي يقدمه الأخ زهير فيما يرفدنا به من جديد الأخبار وجيد الكتابات من خارج البورد موأنا لا أنسى ما ظل يمتعنا به نجوم الثقافة الفنية: الليندي وعمر الفاروق وعبير خيري وطارق وعزيز وقباني واحمد يس والموصلي وسفيان نابري والمقلون في الكتابة منهم مثل طراوة وأحمد القرشي ثم وأضافات عثمان موسى وعبدالمنعم سيد أحمد أما في عالم الفكر فكثيرون وعلى درجات متفاوتة منهم: سناري والخواض وهشام آدم وميسون النجومي ودكتورة فردوس وآمنة مختار ود.ناهد وإشراقة وطلعت الطيب وعبداللطيف وخالد كودي وبشاشا وأحمد عثمان عمر ودكتور محمد عباس قرشي ومصطفى مدثر وأبو بكر عباس والمشرف وعيدروس وحافظ خير ومحمد حسبو وكبر وعبدالله إدريس وحاتم إبراهيم وعادل أمين ومحمد سليمان السعودية والنور حمد ومحمد عثمان كندا وياسر المليح ودكتور حيدر وبريمة وعاصم علي وعوض عمر ودكتورة نعمات وفي السياسة: كمال عباس ونصر ودكتور أبوشوك وصلاح شعيب وعادل عبدالعاطي ومنى عمسيب ونور تاور وعبدالله عثمان ود. محمد حسن ودرديري الكباشي وحسن فرح والشامي الحبر وفي الأدب: بلة الفاضل حبيب نورا طه محمد سيد احمد عثمان محمد صالح وراني ومحمد عبد الجليل وصفا فقيري وابوذر وفي الثقافة الدينية: قصي ومنتصر ودالشغيل وابكرونا وود محجوب ومحب وارنست
Post: #73 Title: Re: جوائز البورد Author: عبدالحفيظ ابوسن Date: 10-19-2017, 05:19 AM Parent: #72
سلامتك نعومة قدر ولطف تحية ليك ولأسرتك
Post: #74 Title: Re: جوائز البورد Author: وضاحة Date: 10-19-2017, 08:25 AM Parent: #73
عمر التاج سلامات الشينين الله يغثهم والشناه حال العدو وزي السواد هاهاهاهاها غايتو الطبع مباري الزي زي ما بقولوا فاي واحد يعمل حساب كيبوردو ﻻنو بكشف طبعو وطوالي احنا بنختو في الرف بتاعو و انا ما بسألوني عن الشينين بسالوني عن اجمل واروع وانبل واكرم وأرجل زول علي قولة جدتي راجل الحوبات ومقنع الكاشفات راجل لا يتكرر رجل جابتوا جعلية اموا بت عم ابوا أهلوا عرفوا يغرسوا فيه اخلاق الرجل السوداني الأصيل البعرف قيمة الام والأخت والزوجة وبحترمن ودا لو جبنا اسمو الهواء بقسمو وما بقدر ابوح ما بقدر اصرح
Post: #75 Title: Re: جوائز البورد Author: طلحة عبدالله Date: 10-19-2017, 09:32 AM Parent: #74
جيمي عزيز القوز دا شرف كبير ووسام فخيم يا حبيب شكرا جدا يا الغالي .. .........................
هي يااا جوايز البورد !! بالله اوسكاراتي وقعت واطـة لدرجة يوزعها عمر التاج ؟ اغمر كاتب في البورد ..اغمر شنو انا خايف ماف زول بعرفو الا انا وهو وناس بيتهم لكن والعجبني كمان لقيتك موزع موسم سابق قبل كدا وبتشير ليهو بعادية كانك مطلعو من جيبك الخلفي . بعدين ياخ كونك تكوجن الفكرة كلها وتدردمها في بوست واحد فيهو اهدار كتير ..تاريخ الفكرة انه بتطلع قوائم منفصلة بالنجوم براهم والمواسير براهم لكن ما ممكن تلصق لي افضل واميز كاتب وبعدو اموسر كاتب في لستة واحدة !! وين احترام حقوق الجيرة ؟ لكن من ناحية عجبتني شجاعتك الادبية وتبني الفكرة وقوة عينك , بالرغم من انه من الفكرة بديتها في 2003 لحدي الفين وطاشر ما حصل دخلتك قوايم الكويسين ولا الكعبين فقط لانك خارج التصنيف لا محسوب مع ديل ولا مع ديل علي اعتبار انك زول ساي وما عندك وضع يشار اليه عموما ما دام واتتك الجرأة كن علي قدر الحدث والشجاعة الكافية ترص قوايمك كاملة زي ما كنت بعمل ما تقعد تكتب ليك اسمين وتقعد تتلفت اها يا ناس اكتبو القوائم والمثل بقول العاوز ما بلاوز نجض شغلك بالله وارتقي بالارث بدل ما تنهار بيهو للدرجة الموغلة في جر التراب دي ـــــــــ
العزيزة الدكتورة نعمات عماد. الف حمدا لله على السلامة وما يغاشك شر يا رب. مشكورة على حسن الظن العريض في جهدي المتواضع، وربما الخجول، مقارنة مع مساهمات أكثر تميزاً وتفرداً في هذا المنبر الجميل. لكي وافر الود والمحبة، أنتهز هذه الفرصة لأرشح : - أميز البوستات شكلاً وموضوعاً: الصادق عبد الله الحسن - أكثر الشخصيات مثابرة وتفاعلاً: بسمات الشيخ ومنى عمسيب( مشترك) - أصحاب التعليقات الرصينة: ود أبو سن، ياسر العيلفون، ود. سيف النصر، وعلي عبد الوهاب عثمان، ومولانا الملك. - أجمل المنابر: سودانيزاونلاين محبتي
Post: #80 Title: Re: جوائز البورد Author: علي عبدالوهاب عثمان Date: 10-19-2017, 02:03 PM Parent: #78
حبيبنا الفاتح ميرغني .. شهادتي فيك مجروحة يا فاتح إن شاء الله المستقبل أمامك واسع .. وأنت تتعامل مع القمم في العالم أنا ارشحك انت لما تتمتع به من مقدرات سوف تفيد الوطن أمثالك من المفترض أن يكونوا سفراء فوق العادة للوطن لتغيير الصورة النمطية للوطن في إذهان العالم
شكراً للحبيب التاج لهذا البوست ..
Post: #81 Title: Re: جوائز البورد Author: Salah Zubeir Date: 10-19-2017, 02:05 PM Parent: #78
Quote: -أميز البوستات شكلاً وموضوعاً: الصادق عبد الله الحسن
تحياتي أستاذ الفاتح ... ابصم معاك بالعشره إنو الصادق الحسن يكتب بوستات مميزة جدا" شكلا" وموضوعا وحلاوة اللغة وطلاوة الرؤيا ...
Post: #84 Title: Re: جوائز البورد Author: محمد حيدر المشرف Date: 10-19-2017, 02:26 PM Parent: #1
شكرا اساسي على المجاملة ..
الرياضة اهم شيء يا عزيزي .. تتريض 5 مرات قي الاسبوع وفي ظرف سنة بالكتير حترجع سمبتيك جدا وتتصور صور قيافة جدا.. رياضة رياضة لا مجرد مشي وجكه خفيفة .. كيك بوكسينق, بوكسينق, حديد, تنس, كورة الخ ..
الاكل كمان .. البني آدم بياكل اكتر من حاجتو كتير جدا .. لو قللنا الاكل مع الرياضة, فده الزيت ذاتو
Post: #87 Title: Re: جوائز البورد Author: محمد عبد الله الامين Date: 10-19-2017, 03:29 PM Parent: #86
الاخ جلالدونا توذيعاتك بالمقاس والملي ... قاري البورد كويس .... يا مغبون ): اساسي منور بعد غيبة ... ود المشرف من يومو وجيه ومستنير ... وتحياتي لراعي البوست الاخ عمر التاج وكل ضيوفك الكرام ... وحمدا لله ع سلامتك استاذه نعمات .... ثم ما تجاملو ساااي وين المعاطين والعنصريين و الحراميه هههههه
Post: #88 Title: Re: جوائز البورد Author: Elbagir Osman Date: 10-19-2017, 04:53 PM Parent: #87
الكتابة الإبداعية.. قصة شعر.. نقد الرياضة.. كرة قدم.. أخرى.. عالمية السياسة.. اخبار.. تحليلات.. الفن.. موسيقى.. بصرية.. مسرح الفكر.. فلسفة.. أديان الاجتماعيات.. ونسة.. اخوانيات العمل الخيري علوم وتكنولوجيا طرائف وعحائب
Post: #89 Title: Re: جوائز البورد Author: عمر التاج Date: 10-19-2017, 05:10 PM Parent: #88
لاحولااا، البوست ده أنا قايلو اتأرشف ، لأن صلاحيته اتعملت أصلا حتى ساعة الأرشفة باالله دي بركات منو الخلاه يترحل بدون حتى طلب ترحيل؟ سبحان الله ىا بورداب يالاحقين ، الرائع في الأمر، أنو الجميلين دائما بظهروا في اللفة الأخيرة وقبل ما أتأمل مداخلات الجميلين ديل، خلوني أنجيب لي مظلة عشان شايف في عضو جديد حايمطر فوقنا
Post: #90 Title: Re: جوائز البورد Author: عمر التاج Date: 10-19-2017, 06:44 PM Parent: #89
اهلين صديقي/ محمد محمود وحباب ترشيحاتك وأحبابك المذكورين حافظ بشير إضافة جيدة للمميزين في البورد . . مرحبتين بالصديق / عبد الصمد وكل من ذكرت وخصصت من أسماء وزينت بهم صفحة البوست نعتبرهم تاج فوق رأس المنبر
Quote: الكتابة الإبداعية.. قصة شعر.. نقد الرياضة.. كرة قدم.. أخرى.. عالمية السياسة.. اخبار.. تحليلات.. الفن.. موسيقى.. بصرية.. مسرح الفكر.. فلسفة.. أديان الاجتماعيات.. ونسة.. اخوانيات العمل الخيري علوم وتكنولوجيا طرائف وعحائب
Post: #94 Title: Re: جوائز البورد Author: عمر التاج Date: 10-19-2017, 07:26 PM Parent: #89
حبابك يا واضحة يا وضاحة ، وبركة كاظم الجابك ..
Quote: راجل لا يتكرر رجل جابتوا جعلية اموا بت عم ابوا أهلوا عرفوا يغرسوا فيه اخلاق الرجل السوداني الأصيل
الكلام ده مابنطبق إلا على نفرين ، أبو نضارة، وأنا ووحد تاني لا يعرف حقيقته أحد غيرنا . ويابت عمسيب ماتفسري لاتقصري. حبابك يازولة يا أصيلة، وحقك في الجوائز محفوظ ، ألا يكفيك أن يسعد البعض لحضورك؟ . . أساسي الأساسي شخصيا .. وأنا أقول المنبر عايز يحترق ليه؟ حبابك ياراجل ، ومرحب بعودة الاستنارة إلى المنبر وبالمناسبة ، كنت مصنف عندي في آخر توزيع للجوائز، إلا أن لياقتك في الفترة الأخيرة لحقت علاء الدين يوسف وبعدين (غمارة) شنو الانت قاصدها، وحات شيختي أسكاراتك دي أول مرة أسمع بيها ، ولو عارفك كنت بتوزع اسكارات كنت استفدت من تجربتك يا اخ ماشايف حقائق البوست هنا أغلب قوالبها مزحية ؟ المهم يا زول تعال و مابنختلف، وان شاء الله أسلمك رايتك سليمة معافاة ، وان شاء الله تاني ماتفك منك إلا عند حضور المسيح . . صديق بهظر مع صديقه، أنتو مالكم؟
Post: #95 Title: Re: جوائز البورد Author: عمر التاج Date: 10-19-2017, 07:40 PM Parent: #94
الأخ الكريم الفاتح ميرغني بحضورك غمر البوست ضياءٌ فمرحبا بك وبترشيحاتك ..
Quote: - أميز البوستات شكلاً وموضوعاً: الصادق عبد الله الحسن - أكثر الشخصيات مثابرة وتفاعلاً: بسمات الشيخ ومنى عمسيب( مشترك) - أصحاب التعليقات الرصينة: ود أبو سن، ياسر العيلفون، ود. سيف النصر، وعلي عبد الوهاب عثمان، ومولانا الملك. - أجمل المنابر: سودانيزاونلاين
. . تحياتي كذلك للأخ القامة علي عبدالوهاب عثمان ، وشكرا لتثنيتك ترشيح اخ الفاتح لأفضل أسكار للقاء القمم
العزيزة نعمات شكرا و تقديرى على تخصيصك مداخلة لى فى امر اراهو عادى و مالو نختلف و عجاجتنا تقوم للسما لكن مودتنا فى محلّها مع غربتنا الطويلة دى يا نعمات المكان ده بالناس الفيهو هم اهلى بالجد اهلى و نعم الاهل
Post: #98 Title: Re: جوائز البورد Author: عمر التاج Date: 10-19-2017, 08:24 PM Parent: #96
صديقنا المشرف شكرا على النصيحة الصحية والتي تصنف كأنصح مداخلة ، وصاحبها أنصح زول في المنبر صديقنا أساسي أتوقع حا يجي للمنتدى بلياقة عالية (حسية ونفسية وجسدية)، لذا جاءت لازمة (صديق مع صديقه) في مداخلتي له كنوع من الاكتساب الحميد. وها نحن نعيد النصح للجميع
Quote: الرياضة اهم شيء يا عزيزي .. تتريض 5 مرات قي الاسبوع وفي ظرف سنة بالكتير حترجع سمبتيك جدا وتتصور صور قيافة جدا.. رياضة رياضة لا مجرد مشي وجكه خفيفة
. . صديقنا الشاعر المعتق أباذر بابكر، حللت فينا أهلا ونزلت بنا سهلا.. وطبعا مثل اسمك لا يغفل عنه، فمكانه مرفوع فوق البوست ومعلق على استار المنبر. بس النكته ما حا نجليها، أعملها قصيدة ورسلها ياخ.
Post: #99 Title: Re: جوائز البورد Author: عمر التاج Date: 10-19-2017, 08:38 PM Parent: #98
أخونا محمد عبد الله ، حبابك ومرحل بيك
Quote: ثم ما تجاملو ساااي وين المعاطين والعنصريين و الحراميه
مواسير المنبر ده فصل قائم بزاتو في البوست وفترة مابعد الارشفه هذه حا تشهد عليهو، وبكثافة وبدون زعل طبعا. . . . سلامات أخونا الباقرعثمان ، وشكرا على إضافة أزواج التصنيفات المرتبة ، أو كما كوتها ود المدير ووداها لبوست طلحة المرتقب (بنت النجار ونبلة الأستكة )
Post: #100 Title: Re: جوائز البورد Author: محمد حيدر المشرف Date: 10-19-2017, 10:02 PM Parent: #99
الف سلامة يا نعمات ..
Post: #101 Title: Re: جوائز البورد Author: محمد عبد الله الحسين Date: 10-19-2017, 10:08 PM Parent: #100
الأخت نعمات حمدا لله على السلامة (إن شاء الله شرك مقسم على الدقشم زي ما بيقولوا و تسلمي من كل شر
اقترح جائزة اول بوست مطبول بعد الارشفة و اهديها للزميل الجميل فرح ابو الروضة
Post: #103 Title: Re: جوائز البورد Author: Elbagir Osman Date: 10-20-2017, 01:23 AM Parent: #100
اتفقنا على أن البورد سوق ملجة.. تجد فيه مختلف البضائع.. بمختلف مستويات الجودة.. وتجد فيه مختلف الناس من باعة ومشترين.. وغيرهم
ولهذا بقينا فيه
الكتابة الإبداعية.. قصة شاهين شعر.. بلة نقد الخواض
الرياضة.. كرة قدم..مريح.. هلال أخرى.. عالمية
السياسة.. اخبار.. زهير تحليلات..الشامي معارضة.. مني عمسيب أو دينق و محمد سليمان .. ورحم الله جادات حكومة.. ود الباوقة احسن مناقش.. نصر.. ألمك المقالة فضيلي جماع
الفن.. موسيقى.. بصرية.. فيصل محمد خليل مسرح.. غناء قباني فلكلور بريمة
الفكر.. فلسفة.. أديان سوداني عجوز، عبد الله عثمان
الاجتماعيات.. ونسة.. اخوانيات
العمل الخيري
علوم وتكنولوجيا
طرائف وعحائب.. هل بلير مستمر
Post: #104 Title: Re: جوائز البورد Author: عمر التاج Date: 10-20-2017, 06:13 AM Parent: #103
تصنيفاتك في محلها تماما عزيزي الباقر والتبويب الذي جئت به لو اتبعناه منذ البداية لتنازل الاخ اساسي طواعية عن اسكار البورد وجعله جزء من بوست الجوائز شهريا الاسماء التي اخترتها يا باقر لا تخرج من كونها اسماء في حياة المنبر وايقونات للمجال الابداعي .. . . . اخونا جلال .. متابعتك الجيدة للمنبر تؤهلك لافتراع اي جائزة تراها بعد الارشفة اسرع طبلة دي زي اسرع هدف في الموسم .. والاخ ابو روضة جدير باستحقاقها الان
Post: #105 Title: Re: جوائز البورد Author: عمر التاج Date: 10-20-2017, 07:41 AM Parent: #104
العديد من مبدعي المنبر سقطت أسماؤهم سهوا او جفا واغلب من ذكرتهم هنا انما هو انطباع شخصي عن فترة قصيرة شهدتها بالمنبر وبمعايير افضل كانت ترشيحات الزملاء الكرام لبعضهم البعض بحمد الله سادت روح رياضية عالية في البوست وتقبل الجميع ترشيحات الاخرين وهذا لعمري امتياز لسودانيز يمنحها جائزة المنبر المثالي بجدارة..
Post: #106 Title: Re: جوائز البورد Author: عمر التاج Date: 10-20-2017, 01:35 PM Parent: #105
للأسف سقط من بحر ابداعنا في هذا البوست اسم علم ضخم، ظل مشاركا ومساهما ودفقا للابداع في المنبر وبطريقته الخاصة إنه الكاتب العملاق ، قريبي وابن حلتي الذي أعتز به ، محسن خالد، له التحايا والانحناءات . . كذلك يترقب العالم بانتباه شديد، أول بوست يعلق على أستار المنبر بعد الأرشفة نتمنى يكون ممن لم تشمله جوائزنا ..
Post: #108 Title: Re: جوائز البورد Author: محمد عبد الله الحسين Date: 10-21-2017, 10:04 PM Parent: #107
الأخت نعمات عماد شكرا لحسن الظن و الذي اتمنى أن أكون مستحقاً له. أكرر شكري و مودتي ****************************** الحقيقة كنت عايز أشيد ببوست و بشخص صاحب موقف ايديولوجي و فكري... ....إنسان تقيل و راسي. و مهذب و محترم في طرحه و رده على استفسارات الإخوة الأعضاء.... ....... و في نفس الوقت شخص و صابر و قابض على جمر القضية..... و هو الأخ أحمد طراوة و بوسته التنويري: (حيث لا مناشفة...حيث لا بلاشفة)
Post: #109 Title: Re: جوائز البورد Author: عمر التاج Date: 10-22-2017, 10:04 AM Parent: #108
تحياتي مجددا اختي نعمات وفي هذا البوست أنت صاحبة شأن لك أن ترشحي ونحن نؤمن
Quote: د. محمد حيدر المشرف و الأستاذ محمد عبدالله الحسين.
د. المشرف له بصمته الخاصة المميزة والواضحة جدا في بورد، له التحية ولا يغفل اسمه في مثل هذه المحافل أبدا والأستاذ محم الحسين له اسهامات بارعة في الربع الفائت، كثيرا ما أبدأ تصفحي للمنبر بموضوعاته، أرجو أن يغفر لنا تطفلنا بالمتابعة دون استئذان أو ظهور. الأخ أحمد طرواة شدني جدا في بوسته البارع (حيث لا مناشفة...حيث لا بلاشفة) ، اسما ومعنى، فله التحية ونتمنى المزيد من اسهاماته وأفكاره النافذة أيضا لايفوتنا أن نحي بانصاف إخوة لهم اسهام كبير في موضوعات المنبر ونشاطه خلال الفترة الماضية الأخيرة على رأسهم: حاتم ابراهيم، د. محمد الحسين، ابوبكر عباس، الخواض، فرانكلي، يحي قباني، ود الباوقة، جلالدونا ، أمير بوب ، عادل أمين، عبد العظيم عثمان ، عرفات حسين ، الفاضلابي، أحمد حمودي، وكثير ممن تميز بموضوعاته وإضافاته الثرة للمنبر ، فالتحية لهم والتحية قبلهم للقارئ الكريم الذي جعل من المنبر محور اهتمامه واطلاعه ولصاحب المنبر بكري أبوبكر وأركان حربه الذي يعمل من وراء الكواليس.
